Veitingahús

Forréttabarinn býður upp á úrval forrétta og eftirrétta í ýmsum stærðum og gerðum. Lögð er áhersla ferskt, íslenskt hráefni en matreiðslan er innblásin af áhrifum frá Suður-Evrópu.

Einnig er gott úrval grænmetis og vegan rétta, ásamt því að fjögurra rétta samsettu matseðlarnir eru sérstaklega vinsælir.

Opið:
Mán – Sun. kl.16–22.

Hótel VOS er lítið og notalegt sveitahótel, staðsett á býlinu Norður-Nýjabæ í Þykkvabæ, í um 10 mínútna akstursfjarlægð frá Hellu. Morgunverður er innifalinn og hægt er að panta borð á veitingastaðnum fyrir kvöldverð. Á veitingastaðnum bjóðum við upp á ýmiss konar rétti og flest hráefni er fengið í nágrenninu. Hótelið er allt á einni hæð og öll 18 herbergin eru með sérinngang, einkasalerni og aðgangi að heitum potti. Við erum einnig með gott aðgengi fyrir hjólastóla. Hótel VOS er tilvalinn staður til að njóta þess sem suðurströndin hefur að bjóða, hvort sem þú hefur í hyggju að slaka á eða kanna náttúruna og samfélögin í nágrenninu.

Vinsamlegast hafið samband við info@hotelvos.is til að fá upplý singar um verð og að bóka gistingu. Einnig er hægt að hafa beint samband við okkur á heimasíðu hótelsins www.hotelvos.is 

Orðakaffi staðsett á Amtsbókasafninu  Brekkugötu 17. Ítalskt kaffihús þar sem hægt er að fá heitan mat í hádeginu, brauð og kaffi og kökur.

Hálendið, nær en þú heldur.  

Hálendismiðstöðin á Hrauneyjum er síðasti áningarstaður áður en haldið er inn á hálendi Íslands. Hrauneyjar er í nálægð við margar af sérstæðustu náttúruperlum landsins, þ.á.m. Landmannalaugar, Þjórsárdal, Heklu, Sprengisand, Veiðivötn og Fjallabak. Óspillt náttúran og friðsældin lætur engan ósnortinn sem þangað leitar.

Hótelið er opið allt árið með 48 notaleg herbergi, kærkominn veitingastaður með heimaelduðum mat, bar, lítil verslun, veiðileyfi og eldsneyti á bílinn. 

Grand Restaurant er nútímalegur og glæsilegur veitingastaður þar sem hægt er að njóta fyrsta flokks matargerðarlistar. Veitingastaðurinn er opinn daglega og er með bæði hádegis- og kvöldverðarseðil.

Fjölbreytt úrval ljúffengra rétta prýða matseðilinn. Áhersla er lögð á íslenska og norræna matargerð og eingöngu er notast við úrvals hráefni. Það er okkur sönn ánægja að geta einnig boðið upp á breitt úrval af vínum, sérvalin af vínþjónum okkar.

Hvort sem þið viljið njóta veitinga eða drykkja mælum við með heimsókn til okkar, þar sem þið getið sest niður fyrir framan arineldinn og notið góðra samverustunda en við leggjum okkur fram við að skapa rólegt og streitulaust andrúmsloft. 

Verksmiðjan Restaurant er veitingastaður með sérinngangi  og nóg af bílastæðum á Glerártorgi á Akureyri. Staðurinn var hannaður og byggður upp frá grunni sem veitingastaður og ber hönnun þess merki en hann er á tveimur hæðum þar sem möguleiki er að sýna frá íþróttaviðburðum á fjölmörgum skjám á efri hæðinni á meðan neðri hæðin er skemmtileg með stórum gluggum og mikilli lofthæð og leikhorni fyrir börnin.

Verksmiðjan er vinaleg og fjölskylduvæn með 100 rétta matseðil þar sem allir ættu að finna eitthvað við sitt hæfi hvort sem þeir vilji pizzu, hamborgara, fisk, steik eða grænmetisrétti.

Staðurinn opnar 11:30 alla daga og er opinn til 21:30 á föstudögum og laugardögum og til 21:00 aðra daga.

Kynnið ykkur matseðilinn okkar á verksmidjanak.is og verið velkomin á Verksmiðjuna. 

Skúlagarður - hótel og veitingastaður
Skúlagarður var byggður á árunum 1953-1959 sem heimavistarskóli og félagsheimili. Á síðari árum hefur húsinu verið breytt í notalegt sveitahótel.

Gistingin í Skúlagarði býður uppá 17 tveggja manna herbergi með baði (klósetti og sturtu). Með gistingunni fylgir morgunmatur ef bókað er beint af heimasíðunni. Í Skúlagarði er einnig bar, ísbar sem bíður uppá kúluís og veitingastaðurinn Heiðin Restaurant sem er opinn á föstudögum og laugardögum frá 6.júní-1.september frá kl 18-21. Á veitingastaðnum er einungis boðið uppá rétti úr hráefni úr héraði með áherslu á lambakjöt. 

Skúlagarður er í miðju Kelduhverfi í 50 km fjarlægð frá Húsavík og 140 km. frá Akureyri. Margar af helstu náttúruperlum Íslands, svo sem Ásbyrgi, Hljóðaklettar og Dettifoss eru í næsta nágrenni. Gönguleiðir í Kelduhverfi og nágrenni eru margar og fjölbreyttar og náttúrufegurð mikil. Við Ásbyrgi er 9 holu golfvöllur. Örstutt frá Skúlagarði er Litlá, vinsæl stangveiðá og ein af bestu silungsám á Norðulandi. Skúlagarður er tilvalinn staður fyrir stóra sem smærri hópa, ættarmót, fundi og ráðstefnur.

Húsráðandi er Salbjörg Matthíasdóttir
Skúlagarður er opinn allan ársins hring.
Upplýsingar og pantanir í síma 465-2280/846-4951 eða á netfang info@skulagardur.com

Laugin er 25 metra útilaug. Við laugina er einnig vaðlaug, heitir pottar og og gufubað í fallegu umhverfi.

Blik Bistro & Grill er nýr veitingastaður staðsettur í Kletti, Mosfellsbæ. Við bjóðum alla Mosfellinga og gesti velkomna! 

Gistiheimilið Lyngholt hefur verið starfrækt síðan 1999. Við bjóðum upp á gistingu fyrir allt að 30 manns í fjórum húsum.

Tvö hús (Lyngholt og Þórshamar) eru hefðbundin gistiheimili með sameiginlegum snyrtingum og eldhúsaðstöðu. Tvö hús eru leigð sér þ.e. annað þeirra er stúdíóíbúð (Hellir) fyrir tvo og hitt er lítið einbýlishús (Þórshamar) með tveimur svefnherbergjum. Enn 1 skálinn er svo rétt við hornið sem býður uppá veitingar.

Kíkið á heimasíðu Lyngholts fyrir frekari upplýsingar og myndir af húsunum.  

Í nágrenni Þórshafnar eru fjölmargar fallegar gönguleiðir s.s. á Rauðanesi og Langanesi. Á Langanesi er tilvalið að eyða deginum með fjölskyldunni og skoða gömul eyðibýli, útsýnispallinn á Skoruvíkurbjörgum og gamla þorpið á Skálum. 

Flatey sækir í pítsuhefðina sem kennd er við Napólí. Við gerum súrdeig á staðnum og látum það þroskast í sólarhring áður en við bökum pítsurnar við 500 gráðu hita. Fyrir vikið verða botnarnir bragðmiklir og léttir í maga og áleggin sérstaklega fersk og safarík.

Við notum einungis ferskan mozzarella sem við flytjum inn frá Suður-Týról á Ítalíu. Snöggur eldunartími heldur ostinum ferskum og mjólkurkenndum. 

Við kaupum San Marzano tómata beint frá bónda. Þeir eru ræktaðir við rætur Vesúvíusar og eru í laginu eins og plómur og sérstaklega safaríkir og gómsætir. Því þarf engu við að bæta þegar þeir eru maukaðir í sósu, ef frá er talið dálítið sjávarsalt.

Verið velkomin.

Hótel Edda Egilsstaðir sem staðsett í heimavist Menntaskólans á Egilsstöðum og býður upp á herbergi með sérbaðherbergi og sturtu. Veitingastaður hótelsins er með útsýni yfir ána þar sem gestir geta notið alþjóðlegrar matargerðar og fengið sér síðan góðan drykk á hótelbarnum eftir kvöldmatinn.

Nærliggjandi svæði eru góð til gönguferða, veiði og annarrar útivistar. Hallormsstaðaskógur, stærsti skógur landsins, er 25 km frá hótelinu. Egilsstaðaflugvöllur er í minna en 5 mínútna akstursfjarlægð.

Aðstaða á staðnum:

• Alls 52 herbergi
• Öll herbergi með baði
• Tveggja hæða fjölskylduherbergi
• Veitingastaður með útsýni yfir Lagarfljót
• Ráðstefnu- og fundaraðstaða
• Frítt internet
• Á lokunardegi lokum við á hádegi, síðustu gestir koma þá inn daginn áður

Afþreying í nágrenninu:

• 25m útisundlaug
• Vaðlaug
• Níu holu golfvöllur
• Fjalla- og jöklaferðir
• Skógargöngur
• Fuglaskoðun
• Selaskoðun

SKÁL! leggur áherslu á frumlega kokteila, úrval íslenskra bjóra og frumlega smárétti með íslensku ívafi.

MATUR OG DRYKKUR er fjölskyldurekinn veitingastaður sem sérhæfir sig í klassískri íslenskri matargerð með nútímalegu ívafi.

Frá upphafi höfum við á MAT OG DRYKK lagt mikið uppúr því að nýta íslenska náttúru, hvort sem það eru villtar jurtir eða hráefni frá bæði landi og sjó, og leitað uppi gamlar íslenskar uppskriftir í bókum og handritum sem við notum á nýstárlegan hátt.

Allt á matseðlinum okkar er unnið á staðnum úr fyrsta flokks hráefni.

Kaffi Krús er notalegt veitinga- og kaffihús. Markmið staðarins eru skýr: Að fá gesti sína til þess að koma aftur og aftur og njóta góðra veitinga í afar notalegu umhverfi.

Í Glæsibæ er Tokyo sushi veitingastaður með 45 þægilegum sætum. Á veitingastaðnum er allt sushi gert jafnóðum, rétt eins og á öðrum Tokyo sushi stöðum. Sama verð er á sushi-réttum á öllum stöðunum okkar. Í Glæsibæ er allt sushi úrvalið okkar, heitir réttir og sushi a-la-carte – „eftir þínu höfði“.
Hugmyndin á bakvið Tokyo Sushi var að opna veitingastað þar sem boðið yrði upp á bragðgott sushi sem væri gert jafnóðum. 

Taktu sushi með þér eftir vinnu eða um helgi og borðaðu heima í rólegheitum. Sestu inn með maka og börnum og allir finna eitthvað við sitt hæfi. Taktu sushi með í vinnuna og borða við skrifborðið. Sestu með vinum og njóttu matarins í rólegheitum. Taktu alla fjölskylduna með. Fáðu þér sushi við gluggaborð á meðan þú lest blaðið. Þótt þú sért að flýta þér áttu rétt á ferskum og hollum mat !

Fosshótel Hekla er með bestu sveitahótelum sunnan heiða. Það er einungis í klukkustundar fjarlægð frá höfuðborginni en þó í nálægð við margar af helstu náttúruperlum Suðurlands, svo sem Eyjafjallajökul og Fimmvörðuháls. Frá hótelinu er einnig stutt í hálendið, Landmannalaugar, Kjöl og Sprengisand. Fosshótel Hekla stendur miðsvæðis á Skeiðunum þaðan sem útsýni er til allra átta. 

Á hótelinu eru 42 þægileg og vel búin herbergi. Inn af anddyri hótelsins er hlýleg, vel búin setustofa með svölum til suðurs þar sem gott er að slaka á og njóta kvöldsólarinnar eða horfa á stjörnubjartan himinn og jafnvel sjá norðurljósin í notalegum heitum pottum í garði hótelsins. Höfuðáherslan á veitingastað Fosshótel Heklu er að bjóða upp á góðan mat úr hágæða hráefni úr heimabyggð. Mikið af hráefninu kemur því beint frá bændum á Suðurlandi. Veitingastaðurinn er rúmgóður og bjartur og tekur allt að 110 manns í sæti og hentar því vel fyrir ýmis hátíðahöld svo sem brúðkaup, árshátíðir og fleira.

• 42 herbergi
• Morgunverður í boði
• Veitingastaður og bar
• Fundar- og ráðstefnuaðstaða
• Ókeypis þráðlaust net
• Heitir pottar

Fosshotel Hekla er hluti af Íslandshótelum.

Frábær kínverskur veitingastaður í meira en 25 ár.

Mandi var stofnað árið 2011. Mandi var lengst af eingöngu staðsett í Veltusundi 3 við Ingólfstorg en árið 2019 opnaði Mandi nýjan stað í Skeifunni sem býður upp á sama matseðil og Mandi í Veltusundi. Árið 2020 opnaði svo Mandi enn einn staðinn en sá er staðsettur í Hæðasmára 6 í kópavogi. Mandi býður einnig upp á vinsæla veisluþjónustu á frábæru verði.

Markmið Mandi er að bjóða Íslendingum upp á alvöru sýrlenskan mat á sanngjörnu verði.

Við erum lítið fjölskyldufyrirtæki sem var stofnað 2010, þar sem faðirinn, Freddi, sér um veitingastaðinn og móðirin, Halla, sér um minjagripaverslunina. Börnin okkar elda og þjóna ásamt öðru frábæru starfsfólki. Við vonumst til að þið njótið matarins og þessa frábæra útsýnis sem við höfum.

Fjöruborðið á Stokkseyri er nautnahús í álögum. Menn þurfa að beita sig valdi til að eiga þaðan afturkvæmt. En það er allt í lagi, einungis góðir gjörningar eiga sér stað innan veggja, nokkuð sem kitlar bæði maga og sál.

Grillstofan-Sportbar er staðsett í Gilinu á Akureyri, við sýnum hina ýmsu sport viðburði, erum með pool, pílu, fótboltaspil, karaoke-herbergi, og svo er hægt að fá sér eitthvað gott á grillinu líka.

Fyrsti veitingastaður Nings var opnaður við Suðurlandsbraut 6 sumarið 1991. Strax frá upphafi var Nings leiðandi á skyndibitamarkaði á Íslandi og kynnti til leiks ýmsar nýungar. Nings var um árabil stærsti innflytjandi á asískum vörum og fersku grænmeti frá Thailandi, var fyrst veitingahúsa til að að framleiða ferskt sushi daglega og til að selja sushi í verslanir. Nings kynnti einnig Konyaku fyrir Íslendingum en úr því voru unnar núðlur sem eru sérlega hollar og grennandi. Þá kom Nings með tofunúðlur á markaðinn, einnig bokhveiti- og green tea núðlur. Nings kynnti Íslendinga einnig fyrir tofukjöti sem er vara búin til úr soya en smakkast sem besti kjúklingur. Nings hefur frá upphafi eingöngu notað kolestrol lausa repjuolíu í alla matargerð.

Á Nings er eingöngu notað ferskt grænmeti og ferskar kryddjurtir sem er trygging neytandans fyrir góðum og hollum mat. Þá var Nings fyrsti veitingastaðurinn sem vakti athygli á óhollustu MSG og hefur ekki notað það við matargerðina.

Nings rekur einnig veisluþjónustu og sushigerð sem þjónar Nings stöðunum, matvöruverslunum og öðrum veisluþjónustum. Veisluþjónusta Nings og skrifstofur fyrirtækisins eru til húsa að Vagnhöfða 13.

Center Hotels Laugavegur er staðsett líkt og nafnið bendir til á Laugaveginum. Nánar tiltekið á horni Laugavegar og Snorrabrautar. Hótelið er því staðsett í hringiðu miðborgarinnar í grennd við allt það besta sem miðborgin býður upp á.  

Á Laugaveg eru 102 einstaklega fallega hönnuð herbergi sem eru björt með stórum gluggum. Sum hver snúa út á Laugaveg á meðan önnur snúa út á Snorrabraut. Þau herbergi sem eru staðsett ofarlega hafa aðgang að svölum með útsýni út á Faxaflóa. Öll nútíma þægindi er að finna inni á herbergjunum. Morgunverður fylgir með sem og frítt þráðlaust internet á hótelinu.  

Tveir veitingastaðir eru á Center Hotels Laugaveg. Annar er Lóa Bar-Bistro sem býður upp á létta rétti og Stökk er staðurinn til að staldra við ef stemming er fyrir góðri súpu, kaffi eða samloku. 

- 102 herbergi
- Morgunverður innifalinn
- Ókeypis þráðlaust internet
- Bar
- Veitingastaðurinn Lóa Bar-Bistro
- Veitingastaðurinn Stökk

Center Hotels Laugavegur er hluti af Center Hotels hótelunum sem öll eru staðsett í hjarta miðborgar Reykjavíkur. 

Við bjóðum upp á einstaka þjónustu þegar kemur að áfengi. Kósý og klassískur bar í 135 ára gömlu húsi. Við erum staðsett á Vesturgötu 4 í hafnarfirði.

Við setjum áherslu á að framrétta skemmtilegan í góðu andrúmslofti. Við notum íslenskt hráefni en bætum við það með japönsku ívafi. Þetta gerir réttina skemmtilega og nýstárlega. Við framréttum matinn um leið og hann er tilbúinn. Allir réttir hjá Public House eru smáréttir. 

Vinsamlegast hafið samband vegna verðlista og bókana.

Tjaldsvæði opnar snemma vors og fram á haust (fer eftir tíðarfari).

Norðurslóð var Norðurslóð var opnað 28. Janúar 2017. Upphaf og hugmynd Norðurslóðasetursins er safn stofnanda þess, Arngríms B. Jóhannssonar af aldagömlum Íslandskortum eftir þekkta kortagerðarmenn, þar sem elsta kortið er líklega um 300 - 400 ára. Safninu var fært að gjöf hluti af lífsstarfi Hafsteins Hólm Þorsteinssonar sem samanstendur af uppstoppuðum dýrum. Sögur, myndir og munir eru frá Stofnun Vil­hjálms Stef­áns­sonar heim­skautafara og fræðast má um ferðir hans um norðurslóðir, einnig eru frásagnir af ferðum Vigfúsar Sigurðssonar með Wegener og Kock yfir Grænlandsjökul. Norðurslóðasetrið gefur okkur góða innsýn í lífið á norðurslóðum, þar á meðal hluta af strandmenningu Eyjafjarðar. Fræðast má um líf inúíta, um báta/skip og flug­vél­ar, auk gam­alla sigl­inga­tækja, einnig eru sýnishorn af fatagerð frá fyrri tíð. Seldir fallegir íslenskir minjagripir í verslunni. 

Fyrsti KFC-staðurinn á Íslandi var opnaður í Hafnarfirði í október 1980, þannig að sagan spannar nú yfir 30 ár. Staðirnir eru 8 alls; í Hafnarfirði, Kópavogi, Reykjavík,
Selfossi, Reykjanesbæ og Mosfellsbæ.
Í gegnum tíðina hafa staðirnir tekið á móti fallegu og frábæru fólki. Við höfum heyrt fólk hlæja, eiga góðar stundir og fundi við vini og samstarfsfélaga. Við kunnum að meta
hverja einustu mínútu og þess vegna höfum við raðað saman myndum af frábærum stundum á KFC.

Við erum staðsett á gamla herflugvellinum við Keilisbraut 771. Bjóðum uppá fjölbreytt úrval af pizzum og réttum af grillinu. Hentugur og notalegur fjölskyldustaður sem hefur verið vinsæll í áraraðir.

OPNUNARTÍMAR

Opið alla daga frá 11:00 - 22:00

Við erum fjölskyldufyrirtæki sem hefur verið rekið í 14 ár. Markmið okkar er að bjóða upp á gæðakaffi og te og láta viðskiptavininn fara ánægðari út en hann kom inn. Við erum þekkt fyrir frábæra þjónustu og glaðlynt starfsfólk, sem leggur mikla áherslu á að hvert smáatriði sé í lagi, ávallt með hag viðskiptavinarins fyrir brjósti.

Við bjóðum upp á nýbakað bakkelsi og brauð með kaffinu sem er útbúið á hverjum degi. Sumt af því bökum við og útbúum sjálf en annað kaupum við daglega frá Myllunni. Kaffið okkar er flutt inn af Te og Kaffi, ristað hér á landi og sérblandað fyrir okkur til að mæta gæðastöðlum okkar. Það er því alltaf eins ferskt og mögulegt er. Við bjóðum einnig upp á mikið úrval af dagblöðum og tímaritum til aflesturs, bæði á íslensku og erlendum tungumálum. 

Veiðistaðurinn er nýr veitingastaður í Búðardal og býður upp á gómsæta sjávarrétti. Þar er eitthvað fyrir alla. Kíktu við, hlökkum til að sjá þig ! :)

Á Berunesi er að finna eitt elsta og þekktasta hostelið í HI keðjunni auk tjaldsvæðis. Vinsæli veitingastaðurinn Berunes Restaurant er opinn yfir hásumarið og býður m.a. upp á gott úrval drykkja frá nálægum brugghúsum. Veitingastaðurinn leggur jafnframt áherslu á að nýta stað- og árstíðarbundin matvæli frá sjó og landi.

Hægt er að velja milli hefðbundinna herbergja með sameiginlegri salernisaðstöðu, einka útleigu á gamla sveitabænum og nokkurra lítilla en þægilegra smáhýsa sem henta vel fyrir fjölskyldur.

Á svæðinu er fjölbreytt úrval gönguleiða á mismunandi erfiðleikastigum með frábæru útsýni yfir Berufjörð og nærliggjandi svæði. Bæði er stutt að fara niður á strönd og upp í fjöll og mikið fuglalíf á svæðinu.

Berunes er tilvalinn staður til þess að upplifa allt það sem Austurland hefur uppá að bjóða.

• Við mælum með að kíkja á kristalla sýninguna á bænum Teigarhorni eða heimsækja hið vinsæla steinasafn Petru á Stöðvarfirði.   
• Djúpivogur er einungis í hálftíma akstursfjarlægð frá Berunesi og þar eru veitingastaðir, sundlaug og söfn.

Við hjá Farfuglum leggjum okkur statt og stöðugt fram við að standa undir orðspori okkar sem leiðtogar á sviði sjálfbærrar ferðaþjónustu. Við tökum virkan þátt í að efla sjálfbærni í okkar samfélögum og sýnum það í verki í allri okkar starfsemi og stefnu.  

Víkingaheimar í Reykjanesbæ er glæsilegt sýningahús sem hýsir nú fimm áhugaverðar sýningar þar á meðal víkingaskipið Íslending sem sigldi til Ameríku árið 2000. Húsnæðið er hannað af hinum margverðlaunaða arkitekt Guðmundi Jónssyni. Nútímaleg hönnun þess undirstrikar fegurð Íslendings.
Aðgengi að safninu er góður fyrir fólki sem á erfitt með gang eða háð hjólastól/göngugrind.  Gjafavara, ráðstefnu- og móttökusalir fyrir öll tækifæri og útisvæði fyrir víkingahátíðir eru einnig til staðar.

Opnunartími er 10 - 16 alla daga og hægt er að bóka morgunmat fyrir stærri hópa. 

Sýningar:

Örlög guðanna
Sýning um norræna goðafræði og goðsögur. Gesturinn er leiddur í gegnum þennan forna hugmyndaheim og goð og goðheimar birtast ljóslifandi á myndrænan og nýstárlegan hátt þar sem myndlist, frásögn og tónlist fléttast saman í eina heild. Sýningin er samin og unnin af viðurkenndum íslenskum samtímalistamönnum og norrænufræðingum sem þarna leiða saman hesta sína til að skapa glæsilegt og nútímalegt listaverk um fornan menningararf.

Víkingar Norður-Atlantshafsins
Sýning um siglingar og landnám norrænna manna og þátt þeirra í landafundum Norður-Ameríku. Sýningin var unnin í samstarfi við Smithsonian stofnunina í Bandaríkjunum.

Víkingaskipið Íslendingur
Skipið er nákvæm eftirgerð af Gaukstaða skipinu, níundu aldar víkingaskipi og sigldi árið 2000 yfir Atlantshafið til að minnast ferðar Leifs Eiríkssonar til Nýja heimsins þúsund árum fyrr.

Landnám á Íslandi
Merkar fornleifar af Suðurnesjum. Minjar um elstu byggð á Reykjanesi, nánar tiltekið frá Vogi í Höfnum og Hafurbjarnarstöðum.

Söguslóðir á Íslandi
Kynning á helstu söguslóðum Íslands unnin í samstarfi við Samtök um sögutengda ferðaþjónustu. Rúmlega 30 staðir, söfn, sýningar, minjar, hátíðir, mannvirki og slóðir ákveðinna sagna er kynnt hér.

Nánari upplýsingar á www.vikingaheimar.is eða í síma 422-2000.

Pizzasmiðjan býður upp á ljúfengar eldbaðakar pizzur í skemmtilegri stemmningu. Við tökum vel á móti þér.  

Veitingahúsið Ítalía er staðsett í hjarta borgarinnar, að Laugavegi 11. Staðurinn hefur frá árinu 1991 verið í eigu og rekstri þeirra Tino og Fabio sem báðir hafa langa reynslu í veitingarekstri frá heimalandi sínu, Ítalíu. Eins og nafnið bendir til sérhæfir Veitingahúsið Ítalía sig í ítalskri matargerð. Við leggjum mikla áherslu á ferskt og gott hráefni. Á matseðlinum er að finna úrval ítalskra rétta, allt frá forréttum til fisk- og kjötrétta, við leggjum mikla áherslu á pastarétti og pizzurnar hjá okkur eru eldbakaðar.

Aðalveitingasalurinn á 1. hæð tekur um 70 manns. Þar er hlýlegt og notalegt ítalskt andrúmsloft og heyra má ítölsku hljóma úr eldhúsinu. Á 2. hæð er lítill salur og einnig setustofa þar sem notalegt er að fá sér drykk meðan beðið er eftir borði eða að máltíð lokinni. Allar upplýsingar á vefsíðunni eru með fyrirvara um ófyrirsjáanlegar breytingar.

Á undirlendi suðurlands, við rætur Ingólfsfjalls, má finna Ingólfsskála veitingahús. Ingólfsskáli er staður þar sem hefðir, menningararfur og nútíma eldamennska mætast í einstakri matarupplifun. Ingólfsskáli færir þér upplifun sem stígur út fyrir mörk tímans og veitir innsýn í líf víkinga með fáguðum en jafnframt menningarlegum mat. Skálaðu í mjöð, drekktu úr hornum og njóttu einstakrar matargerðar úr hráefnum sóttum úr íslenskri náttúru.

Ingólfsskálafjölskyldan veiðir og uppsker allt sem hún getur úr íslenskri náttúru til þess að stuðla að ósvikinni reynslu af íslenskri náttúru, ávallt með fersku bragði.

Þitt heimili að heiman. Dveldu í rólegum og friðsamlegum hluta Egilsstaða. Hótel Valaskjálf er gamalt og virðulegt hótel sem býður upp á gistingu nýuppgerðum herbergjum, öll með sér baðherbergi.

Á hótelinu er glæsilegur veitingasalur ásamt fundar- og ráðstefnusölum. Hótelið er sérstaklega vel útbúið fyrir stærri veislur og mannfagnaði. Tækjabúnaður er fullkominn fyrir ýmsan tónlistaflutning. Sími 471-1600

Valaskjálf býr að einum glæsilegasta bar á landsbyggðinni. Ölstofan býður upp á ljúffenga barrétti og spennandi hanastél. Happy hour er á sínum stað alla daga frá 17:00- 19:00  

Gandhi er indverskur veitingastaður í hjarta Reykjavíkur. Kokkarnir okkar koma frá Indlandi og eru sérfræðingar í að útbúa ekta inverskan mat.

Bókakaffi Hlöðum er griðarstaður í gömlu Bókabúðinni við Lagarfljótsbrú fyrir hvern þann sem hefur smekk fyrir góðum mat, góðu kaffi eða gömlum bókum og tímaritum.

Tryggvaskáli er einstaklega fallegur a’la carte veitingastaður sem leggur áherslu á vandaða matreiðslu með fókus á hráefni úr héraði.

Með virðingu fyrir störfum bænda, útbúa matreiðslumenn staðarins virkilega vandaðan mat þar sem íslenskar- og erlendar matreiðsluaðferðir blandast skemmtilega saman.

Tryggvaskáli er elsta og sögufrægasta húsið á Selfossi, byggt árið 1890.

Upplifðu góðan mat í einstöku húsi með fallegu útsýni yfir Ölfusá, vatnsmestu á landsins.

Eigum frábæra sögu, með frábæru starfsfólki og frábærum kúnnum

Sæta svínið er Gastropub þar sem þú getur droppað við í hádeginu, í eftirmiðdaginn eða á kvöldin í drykk og hágæða mat í skemmtilegri og afslappaðri stemningu.
Við leggjum áherslu á bragðgóðan mat búin til að mestu úr íslenskum fyrsta flokks hráefnum - á góðu verði.
Og við leggjum metnað í að bjóða upp á gott úrval af bjór, víni og kokteilum til að njóta með matnum.

Lítill fjölskyldurekinn veitingastaður við bæjartorgið á Siglufirði.

Erum með gott úrval af hamborgum, pizzum sem við bökum frá grunni, fisk&franskar, salöt, ferskan fisk og svo ýmislegt sem er ekki alltaf á matseðli.

Frábært andrúmsloft og lifandi músík.

Frí nettenging.

Þú finnur okkur á Facebook, TripAdvisor, www.torgid.net, og Instagram.

BrewDog Reykjavík er íslenskur veitingarstaður og bjórbar á horni Frakkastígs og Hverfisgötu með áherslu á handverksbjór og hágæða íslensk matvæli. 

Okkar helsta markmið er að gera fólk jafn ástríðufullt fyrir góðum handverksbjórum íslenskum sem erlendum.

Maturinn gefur bjórnum ekkert eftir og hefur staðurinn stimplað sig inn í íslenska matarflóru með frábærum einföldum mat í amerískum BBQ stíl. 

Austurlenskur matur

Lambakjöt, skyr og flatbrauð eru hráefni samofin matarmenningu Íslands og sögu sem ber að halda á lofti. En matarmenningin mótast einnig af erlendum áhrifum, þar sem forvitnilegur bræðingur lagast að smekk neytenda í dag. Hugmyndafræði LAMB er einmitt að heiðra rammíslenskar hefðir og bræða við framandi og spennandi matarmenningu m.a. Afríku og Arabíu.

Við útbúum daglega sósur úr skyri og ólífolíu, notum ferskar kryddjurtir og litrík ilmandi ofurkrydd eins og sumac, zaatar. Við bökum eigið flatbrauð í vefjurnar sem við rúllum upp með fjölbreyttum grænmetisblöndum íslensku gæða lambakebab eða falafel og jakaber fyrir grænkera.

Lamb Street Food er umhverfisvænn staður sem leitast við að nota umhverfisvænar umbúðir og vinna gegn matarsóun. Íslensk náttúra, hreint loft og hreint vatn er heimahagi íslenska lambsins og forsendur fyrir gæðum íslenska lambakjötsins.

ROSSOPOMODORO er sneiðmynd af lífinu í Napoli á suður Ítalíu, útlit staðarins, matseðillinn og klæðaburður starfsfólksins eru til marks um þá hugmyndafræði.
ROSSOPOMODORO er að finna í helstu borgum í Ítalíu, Madrid á Spáni, Rio í Brasilíu og í Reykjavík.

Nafn golfvallar: Öndverðarnesvöllur
Holufjöldi: 18
Par: 70

Veitingastaður á svæðinu.

Gamla húsið Bjargarsteinn var byggt sem heimili við Vesturgötu 64 á Akranesi árið 1908 og var heimili til ársins 2008 þegar kirkjan keypti húsið til að fá lóðina undir bílastæði. Fyrirtækið S.Ó. Húsbyggingar tók Bjargarstein að sér og fluttu það frá Akranesi til Borgarness þar sem húsið var endurbyggt. Núverandi eigendur ráku augun í litla húsið þar sem það stóð tilbúið til flutnings með söluskilti á og fengu þá hugmynd að það myndi sóma sér vel sem lítill veitingastaður. Draumurinn var lóð með einstöku útsýni fyrir Bjargarstein og hún fannst við sjávarkambinn í sjávarþorpinu Grundarfirði. Á lóðinni stóð fyrir gamall beitningaskúr og við hann fiskþurrkunarhjallur. Í október 2014 var tekin fyrsta skóflustungan og í fallegu veðri þann 7. desember sama ár var Bjargarsteinn sóttur. Húsin voru gerð upp, byggt var við Bjargarstein. Þann 31.júlí 2015 var veitingastaðurinn Bjargarsteinn Mathús opnaður.

Hjá Thai matstofunni leggjum við okkur fram við að elda alvöru tælenskan mat. Með áratuga reynslu, hágæða hráefni og ást á tælenskum mat bjóðum við upp á fjöldan allann af réttum. Næsti uppáhalds rétturinn þinn gæti leynst á matseðlinum okkar.  

Góður tælenskur matur á samgjörnu verði.
Stórir og góðir skammtar.

Sænautasel var byggt á Jökuldalsheiði 1843. Bærinn var í byggð í eina öld. Árið 1861 voru 16 bæir í byggð á heiðinni. Þeir eyddust að mestu í Öskjugosi 1875. Flutt var úr bænum árið 1943. Meðal hinna brottfluttu var ellefu ára snáði, Eyþór, sem vitjar enn þá (2010) átthaganna á sumrin. Þáverandi Jökuldalshreppur endurbyggði bæinn árið 1992. Hluti hans féll árið 2009 og var endurbyggður 2010. Hann er mjög áhugavert safn og aðeins fimm kílómetra að fara frá gamla þjóðveginum, sem liggur um Möðrudalsöræfi og Jökuldalsheiði. 

Flestir Íslendingar og margir erlendir aðdáendur Haldórs Kiljan Laxness þekkja söguna um Bjart í Sumarhúsum úr skáldverkinu „Sjálfstætt fólk”. Hún lýsir lífsbaráttu sjálfstæðs kotbónda á afskekktri heiði. Margir telja að fyrirmynd sögunnar sé komin frá Sænautaseli, því þar átti Halldór næturstað á þriðja áratugi 20. aldar. Hann gekk þangað úr byggð. 

Heiðabúskapur var einnig viðfangsefni rithöfundanna Gunnars Gunnarssonar (Aðventa) og Jóns Trausta (Halla og heiðarbýlið). 

Ferðaþjónustan, sem er rekin í bænum á sumrin, nær til leiðsögu um bæinn. Þar er sögð saga fólksins, sem bjó á heiðinni og búskaparháttum. Ekki má gleyma því, að heiðarbýlin áttu aðgang að stöðuvötnunum á heiðinni, sem var drjúg búbót. Síðan er hægt að setjast og njóta veitinga í bænum, þar sem komið er fullkomið eldhús, sem er þekkt fyrir góðar lummur og súkkulaði. 

Lilja Hafdís Ólafsdóttir
Merki í Jökuldal
701 Egilsstaðir
Sími: 855-5399 / 471-1086
Opið frá 1. júni til 10. September kl. 9-22 og samkvæmt samkomulagi.
jokulsa@centrum.is

Ferðaþjónustan Dæli í Víðidal hefur verið rekin frá árinu 1988.  Fjölbreytt aðstaða og afþreying, bæði fyrir einstaklinga og hópa, 16 herbergi með baði þar af 10 tveggja og 4 þriggja manna og 1 með aðgengi fyrir fatlaða. Þá eru 6 smáhýsi með rúmum og kojum fyrir allt að 24 manns og er hvert hús 12 m² að stærð með WC í hverju húsi.  Sameiginleg sturtu- og snyrtiaðstöða.  Þar er einnig matsalur með eldunaraðstöðu.

Í Dæli er rekin veitingasala með bar fyrir gesti og gangandi, hópa jafnt sem einstaklinga. Okkar rómaða kaffihlaðborð með heimabökuðu íslensku bakkelsi nýtur líka sívaxandi vinsælda. Við gerum tilboð í hópa, bæði í mat og kaffi, svo hafið endilega samband og fáið frekari upplýsingar!

Veitingasalan er opin alla daga og öll kvöld frá 15. maí til 30. september, en annars eftir samkomulagi.

Boðið er upp á hestasýningar fyrir 15 eða fleiri en þær þarf að panta fyrirfram.  Þá bjóðum við upp á reiðkennslu fyrir einstaklinga og þarf að bóka það sérstaklega .

Sjávarborg er veitingahús staðsett við höfnina á Hvammstanga. Sjávarborg bíður upp á fjölbreyttan matseðill allan ársins hring ásamt því að sjá um mötuneyti fyrir Grunnskóla Húnaþings vestra yfir vetrartímann.

Opnunartími
Alla daga kl. 11:00 -22:00.
Aðeins hægt að panta af matseðli virka daga frá kl. 17:00 - 21:00
Réttur dagsins í hádeginu alla virka daga frá 11:30 - 14:00
Pantanir af matseðli um helgar frá kl. 11:00-21:00

Markmið Local er að bjóða hollan og ferskan skyndibita á sanngjörnu verði. Við leggjum mikla áherslu á skjóta og góða þjónustu og bjóðum upp á fyrsta flokks hráefni á hverjum degi.

Á Local færðu næringaríkan og góðan skyndibita - Gómsæt salöt sem þú setur saman að þínu eigin vali, súpur, samlokur, ferska djúsa og hristinga, ásamt fjölbreyttum hráfæðiseftirréttum!

Verið velkomin.

Fyrsti núðlubarinn sem framleiðir lífrænar ferskar núðlur. Ramen styður innlent og mest af því hráefni sem notað er á veitingastaðnum er íslenskt. Ramen miðar einnig að því að vera sjálfbær og ábyrgur staður gagnvart umhverfinu og býður t.a.m. viðskiptavinum sínum afslátt komi þeir með sín eigin ílát.

Veitingahús og gallerí.

Hótel Gullfoss er staðsett á þjóðveg 35 í þægilegri fjarlægð frá Reykjavik. Hvort sem þú vilt heimsækja Gullfoss eða Geysi eða fara yfir kjöl þá er Hótel Gullfoss ákjósanlegur áningastaður fyrir þig.

Hótelið er staðsett á bænum Brattholti og bíður upp á vinalegt viðmót, góðan mat og afslappað andrúmsloft.

Hótel Gullfoss samastendur af 35 herbergjum og rúmgóðum veitingasal. Öll herbergin eru með sér baðherbergi, hárblásara, frítt WIFI, double eða twin rúm og flatskjám. Veitingasalurinn er með frábært útsýni og stóra glugga sem snúa að Hvítá og er því útsýnið einstaklega fallegt.

Við Hótel Gullfoss liggur gamli vegurinn upp að Gullfossi og er tilvalið að labba meðfram gilinu og virða fyrir sér fallega útsýnið.

Hótel Gullfoss er aðeins í 3 km fjarlægð frá Gullfossi, 7,6 km frá Geysi og 60 km frá Þingvöllum, þetta er því tilvalinn staður til að vera á þegar ferðast er um Gullna hringinn.

Hótel Gullfoss er tilvalinn staður til að dvelja á til þess að njóta helstu ferðamannastaðinna Geysis og Gullfoss fyrir háannatímann, á kvöldin og morgnanna.

Við bjóðum upp á metnaðarfulla matargerð og áhersla lögð á að vinna sem mest með hreinar afurðir beint frá býli og bryggju. Harbour restaurant&bar er í gömlu iðnaðarhúsnæði á höfninni þar sem hjarta bæjarins slær. Þar má upplifa taktinn í bryggjulífinu og fylgjast með þegar bátar leggjast að og landa afla dagsins.

Randulffssjóhús á Eskifirði er starfrækt í samvinnu við Ferðaþjónustuna Mjóeyri og er þar rekið veitingahús yfir sumartímann þar sem boðið er upp á mat úr héraði.

Randulffssjóhús er opið frá kl 12-21 alla daga sumarsins og er með matseðil bæði í hádeginu og á kvöldin og kaffimatseðil yfir daginn. Hægt er að panta fyrir hópa á öðrum tímum. Þar starfa lærðir kokkar sem leggja mikla áheyrslu á ferskan mat úr nágrenninu. 

Randulffssjóhús er í eigu Sjóminjasafns Austurlands. Húsið var byggt um 1890 og var lengst notað sem síldarsjóhús en síðan Sjóminjasafnið eignaðist það hefur það tengst safnastarfi safnsins. Sjóhúsið er núna opið almenningi. Búið er að koma upp gestamóttöku í sjóhúsinu og þar er matsalur sem rúmar allt að áttatíu manns.  Auk gestamóttöku og matsölu er hluti hússins nýttur til sýningarhalds á hlutum  sem tengdir eru sjóhúsinu og þeirri starfsemi sem þar hefur verið í gegn um tíðina. Á efri hæðinni er verðbúð sjómannanna í sinni upprunalegu mynd og sýningarsalur. Húsið er tilvalið fyrir hópa sem vilja eiga glaðan dag, til dæmis ættarmót, grillveislur og annan mannfögnuð og fer vel um allt að 80 manna hópa.  

Saga Randulffssjóhúss í stuttu máli 

Upp úr 1870 hafði síldveiði verið stunduð í Noregi um langan tíma og voru aðferðir við veiðarnar orðnar þróaðar og voru síldveiðar norðmanna stór atvinnuvegur. En um þetta leiti hvarf síldin við Noreg og stóðu menn uppi ráðalausir.  Fréttist þá frá farmönnum sem höfðu siglt til Íslands, að þar væru mikla síld að sjá inni á Austfjörðum og einnig á Eyjafirði. Ákváðu þá nokkrir síldveiðimenn að fara til Íslands og kanna veiðiskap þar. Þá kunnu Íslendingar enga leið til þess að veiða síldina, þó að nóg væri til af henni við fjöruborðið og urðu að láta sér nægja að dorga fyrir þorsk.  Var þetta fyrir almenna fátækt og þekkingarleysi.

Fluttu því nokkrir Norðmenn veiðibúnað sinn hingað, fyrst til Austfjarða og síðan til Eyjafjarðar og veiddu vel. Með þeim fyrstu sem komu til Reyðarfjarðar og Eskifjarðar, voru Peter Randulff, sem settist að á Hrúteyri  við Reyðarfjörð og J.E. Lehmkuhl sem byggði upp veiðistöð sína á Eskifirði, á þeim stað þar sem Jóhann Klausen byggði Netaverkstæði árið 1960  Norðmaðurinn Fredrik Klausen sá um síldveiðarnar fyrir Lehmkuhl og flutti til Eskifjarðar með sína fjölskyldu. Nokkrum árum síðar byggði Lehmkuhl aðra veiðistöð skammt innan við stöð Randulffs á Reyðarfjarðar ströndinni. Lehmkuhl og Randulff, unnu mikið saman og þegar Peter Randulff byggði Randulffssjóhúsið á Eskifirði árið 1890 þá mun sonur Fredriks, Þorgeir Klausen hafa tekið við stjórnun á síldveiðunum á nýju stöðinni. Þorgeir Klausen kvæntist dóttur Randulffs og þegar Randulff féll frá árið 1911 mun Þorgeir og bróðir hans Friðrik hafa eignast sjóhúsið, en það hefur alla tíð síðan verið kallað Randulffs-sjóhús. Þeir bræður stunduðu svo síldveiðar í botnnet og lagnet og notuðu til þess lítinn mótorbát, ásamt gömlu nótabátunum sem voru róðrarbátar. 

Einnig veiddu þeir þorsk sem var saltaður og þurrkaður, eins og gert var áður en frystihúsin komu til sögunnar.  Eftir að þeir bræður Þorgeir og Friðrik féllu frá, á árunum 1955-1960 eignuðust börn þeirra húsið og var það í umsjá Thors Klausen sem var sonur Friðriks. Thor var mikill veiðimaður og veiddi hann bæði síld og þorsk og einnig veiddi hann með byssu sinni, sel og hnísu, sem er minnsti hvalur við Ísland og sjófugla á vetrum og notaði hann þá alltaf lítinn róðrarbát.  Síðari árin stundaði hann kolaveiðar í net á litlum trillubát og gaf hann safninu báða þessa báta. Sjóminjasafn Austurlands keypti helming sjóhússins og bryggjunnar af dóttur Þorgeirs, árið 1982 og nokkrum árum síðar gaf Thor safninu sinn hluta eignarinnar. Safnið hefur endurbætt húsið og bryggjuna, þannig að það er að mestu leiti eins og það var upphaflega.  Thor lést í umferðarslysi árið 2004.                  

Sushi Corner er sushi veitingastaður með mikið úrval sushi-rétta, bæði í take away og til að borða á staðnum. 

Veitingastaður í Reykjavík

Það hafa fáir jafn mikið vit og áhuga á hamborgurum eins og Tómas Tómasson, betur þekktur sem Tommi í Tommaborgurum. Hann hefur fylgt sínu heilræði alla tíð “einn hamborgari á dag kemur skapinu í lag” og mælir með að allir geri slíkt hið sama.

Í sparifötum eða vinnugallanum? Það skiptir ekki máli, allir eru velkomnir á Búlluna. Staðir Hamborgarabúllunnar eru innréttaðir á afslappaðan hátt, starfsmenn staðanna leggja áherslu á vinalega þjónustu og vilja þeir að öllum líði vel inni á Búllunni.

Við sérhæfum okkur í hamborgurum sem eru einfaldir en á sama tíma ómótstæðilega bragðgóðir úr besta fáanlega hráefni. Sérvalið hágæða nautakjöt, grillað yfir eldi, nýbakað brauð ásamt fersku grænmeti og hárréttri blöndu af sósum verður að Búlluborgaranum víðfræga.

Níu restaurant & bar er staðsettur á Hótel Íslandi í Ármúla 9 og er hluti af Heilsumiðstöðinni.

Við stofnuðum níu restaurant & og bar af ástríðu fyrir alvöru mat, fyrir mat sem er ferskur, hollur og ekta. Við notum aðeins raunverulegt hráefni hér á veitingastaðnum níu. Ferskvatnsfiskur, frjálst lambakjöt og íslenskt grænmeti. Við leggjum okkur fram um að gera hvern rétt að heilbrigðri tjáningu á ást okkar til matar og lífsins. 

Opnunartímar:

• Mánudag – Fimmtudag: 11:30 til 21:00
• Föstudagur og Laugardagur: 11:30 til 22:00
• Sunnudagur: 17:00 til 21

Fyrirtækið Vogar, ferðaþjónusta ehf bíður upp á margþætta þjónustu fyrir ferðamenn s.s. tjaldsvæði, svefnpokagistingu, gistingu í herbergjum án baðs og með baði, morgunverð, pizzur, létta drykki, veiði, leigubíl ofl. Auk þess eru innan við 7 km í marga af vinsælustu stöðunum í Mývatnssveit s.s Grjótagjá, Hverfjall, Dimmuborgir, Hverarönd, Jarðböðin ofl.

Vinsamlegast hafið samband vegna verðlista og bókana.

Valhöll Víkinga er öðruvísi A la carte veitingastaður í næst elsta húsi Hafnarfjarðar, þar sem innréttingar og húsgögn eru gerð úr hundrað ára gömlum neftóbaks-og víntunnum og veggir skreyttir málverkum af Hafnarfirði og veisluborði goðanna.

ATH: Vinsamlegast pantið borð fyrirfram og látið vita ef þið hyggist greiða með ferðagjöfinni.

Valhöll er með  setustofu á efrihæð með útsýni yfir höfnina og bíður upp á notalegt andrúmsloft, þó svo að Víkingar komi þar við með sínar skemmtilegu uppákomur.
Valhöll er opin fyrir matargesti alla daga frá kl. 18:00 og þar er opið fyrir hópa í hádeginu.

 Notalegur og öðruvísi veitingastaður sem vert er að heimsækja aftur og aftur.

Fjörugarðurinn  býður upp á ekta Vikinga umhverfi, góðan mat og lifandi tónlist.
Þið munið eiga eftirminnilega stund í Fjörugarðinum, sem á sér engan líka,
útskurður, listmunir og skrautmunir á staðnum virðast óteljandi svo gestir upplifa heimsóknina ekki bara sem veitingastað. Sjón er sögu ríkari.

Fjörugarðurinn er opinn fyrir matargesti frá kl. 18:00-22:00 alla daga en þá lokar eldhús staðarins, barinn hinsvegar er opinn fram eftir kvöldi. Boðið er uppá okkar margrómuðu Víkingaveislur öll kvöld vikunnar, auk þess sem gestir geta valið af fjölbreyttum sérréttarseðli.

SAFFRAN býður upp á heilsusamlegan, alþjóðlegan, ferskan og framandi mat sem kryddar sál þína og líkama. Við veljum að mestu íslenskt hráefni í matinn okkar en flytjum einnig inn okkar eigið saffran sem er að okkar mati það besta í heimi. Allt brauð er bakað á staðnum til þess að tryggja gæði og ferskleika. Þá bjóðum við einnig upp á svaladrykki, smúðinga, sósur og krydd til matargerðar.

Mjólkurbúið á Selfossi er sannkallað matarmenningarhús. Mathöll með 8 veitingastöðum, , vínbar og sýning um sögu skyrs. 

Veitingastaðirnir eru: Samúelsson Matbar, Ísey Skyr Bar, Röstí Burgers & Beer, Romano Pasta, Takkó, Menam Thai Food, Menam Dim Sum og Flatey.

Grillhúsið er vinalegur fjölskyldustaður sem býður upp á fjölbreyttan matseðil þar sem allir ættu að geta fengið eitthvað við sitt hæfi, og auðvitað er líka sérstakur barnamatseðill.

Á grillhúsinu tökum við brosandi á móti þér. Okkar fremsta markmið er að bjóða upp á einstaklega góðan mat og frábæra þjónustu á hagstæðu verði. Okkar von er sú að þegar gestir hafa notið þess að borða hjá okkur hlakki þeir til að koma aftur.

Matseðillinn okkar er fjölbreyttur og allir ættu að geta fundið eitthvað við sitt hæfi, hvort sem maginn er sólginn í létta og ferska rétti, gómsæta hamborgara eða safaríka steik.

Við vitum að grunnurinn að góðum mat er gott hráefni. Því vöndum við sérstaklega valið og veljum aðeins það ferskasta sem fæst hverju sinni. Allt er síðan lagað á staðnum svo úr verði frábær máltíð.

Í hádeginu er boðið upp á sérstakan hádegismatseðil þar sem er að finna gómsæta rétti á hagstæðu verði. Við erum eldsnögg að afgreiða réttina og súpa fylgir frítt með.

Hlökkum til að sjá þig!

Sægreifinn er ekki neinu öðru líkur í veitingahúsaflóru Íslendinga. Sjálft húsnæðið er hluti af atvinnu- og menningarsögu Reykjavíkur, dýrindis sjávarfang er fært þar á diska, umhverfið er gamla höfnin í Reykjavík og mannlífið fjölþjóðlegt.

Grillaður fiskur á spjóti og humarsúpa hafa frá upphafi verið aðalsmerki Sægreifans og þeir réttir sem staðurinn er þekktur fyrir, hérlendis og erlendis.

Margir unnendur sjávarfangs komast ekki upp með það heima hjá sér að sjóða og borða skötu eða siginn fisk með hömsum, signa grásleppu og fleiri álíka eðalrétti.

Þeir hinir sömu eiga sér öruggt skjól á Sægreifanum og hafa myndað óformleg hollvinasamtök um veitingareksturinn þar.

Gestir tala oft um hve notalegt sé að eiga stund í góðum hópi að degi eða kvöldi hérna í betri stofuni á efri hæðinni. Þeir hafa jafnvel líkt henni við vistlegan sumarbústað fjarri heimsins glaumi.

Tökum á móti hópum.

Fallegur veitingastaður á efri hæð Hótels Hallormsstaðar með stórkostlegu útsýni yfir skóginn og Lagarfljót. Matseðillinn er fjölbreyttur með hinum ýmsu réttum, meðal annars pasta, risotto, grilluðu nauti, lambi og hægeldaðri grísasíðu.  

Opnunartíminn er frá 18:00 til 22:00

Sagan er við hvert fótmál í Aðalstrætinu og eru Uppsalir engin undantekning. Uppsalir standa þar sem Ullarstofan var áður, en Ullarstofan var hús Innréttinganna og stóð syðst í Aðalstræti.

Á Uppsölum er boðið upp á létta rétti, tertur og eftirrétti, auk fjölbreytt úrval drykkja. Barinn er tilvalinn fyrir móttökur og til að hafa það huggulegt við arineld.

Fisherman er ferðaþjónn á Suðureyri sem hefur m.a. 18 herbergi í boði fyrir gesti sem vilja upplifa sjávarþorpið Suðureyri og Vestfirði í heild sinni. Við höfum bæði herbergi með sameiginlegu baðherbergi og einnig herbergi með sér baðherbergi. Öll herbergi og veitingarými eru reyklaus og því miður getum við ekki leyft dýrum að koma með að tillitsemi við aðra gesti. Tengsl ferðaþjónustu og atvinnulífs í litlu vistvænu sjávarþorpi hefur notið vinsælda meðal okkar gesta. Hægt er að heimsækja þorskinn í lóninu, skella sér á sjóinn sem háseti á línubát, heimsækja fiskvinnsluna á staðnum eða fara í matarferð með leiðsögn um vistvænt sjávarþorpið. Við erum stolt af því að vera ferðaþjónar í sjávarþorpinu Suðureyri og okkur langar að hjálpa þér að upplifa Sjávarþorpið Suðureyri. Skoðaðu úrvalið af gistingu á heimasíðunni okkar.

VOR er veitingastaður staðsettur við Austurveg 3-5 á Selfossi (í Krónuhúsinu). Boðið er upp á skyndibita í hollari kantinum. Á matseðlinum má finna nýpressaða djúsa, handgerða sjeika, samlokur, vefjur, sushi og salöt úr sérvöldu hráefni.

Húsið er staðsett í miðbæ Ísafjarðar og er það veitingastaður með alskyns mat, heimagerðar kökur með kaffinu og einnig bar á kvōldin.

Einnig erum við með lítinn sportbar í garðinum fyrir fótbolta og þess hattar.

Berlín er lítið kaffihús og morgunverðarstaður i miðbæ Akureyrar. Boðið er upp á morgunverð og brunch alla daga. 

Réttur dagsins í hádeginu á virkum dögum úr fersku og góðu hráefni. Gott úrval af kökum og kaffidrykkjum og ættu allir að finna eitthvað við sitt hæfi. 

Morgunverður og brunch er frá kl. 08.00-16.00 alla daga. Opnunartími 08.-18.00

Tapasbarinn er fullkomin staður til að skella sér á eftir vinnu og fá sér tapas og rauðvín í góðra vina hópi í skemmtilegri spænskri stemmningu!

Þú getur smakkað um yfir 70 gómsæta tapasrétti, saltfisk, paellu, humar, lunda og svo miklu miklu fleira.

Lamb í lakkríssósu og beikonvafinn hörpuskel með döðlum er eitthvað sem allir verða að smakka, og að ógleymdum hvítlauksbökuðum humarhölum sem eru algert sælgæti!

Til að fá alvöru spænska stemmingu í æð, þarftu að smakka okkar heimsfræga Sangria með fullt af ávöxtum og okkar eigin leyniblöndu!

Spánverjar búa að ríkri tapas-hefð sem endurspeglar hinn spænska líffstíl. Að borða Tapas er að borða frjáls frá reglum og stundaskrám. Tapas er fyrir þá sem vilja njóta lífssins og eiga notalegar stundir með góðum vinum.

Frábært er fyrir hópa að koma saman og hafa ótrúlega gaman, flestir hópar fara í óvissuferðina hjá okkur sem inniheldur fordrykk, 7 tapas rétti og eftirrétt.

Fyrir þá sem eru seint á ferðinni er gott að vita að Tapasbarinn er eini veitingastaðurinn í Reykjavík sem er með opið eldhús til kl. 01:00 um helgar og 23:30 virka daga.

GPS PUNKTAR N63° 25' 16.174" W19° 0' 36.392"

OPNUNARTÍMI

Allt árið

Hótel Óðinsvé er fjögurra stjörnu hótel staðsett í rólegu íbúðahverfi í hjarta Reykjavíkur, frá skarkala miðbæjarins. Á Hótel Óðinsvé eru 50 herbergi, þar af 5 svítur, og 10 glæsilegar íbúðir. Stutt er í alla helstu merku staði miðborgarinnar sem og leikhús, söfn, veitingastaði og bari; allt í göngufæri. Á hótelinu er líka hinn vinsæli veitingastaður Snaps Bistro ásamt bar.

Herbergin eru búin helstu nútíma þægindum eins og flatskjásjónvarpi með innlendum og erlendum rásum, síma, og míníbar. Þar að auki er frí internettenging, kaffi- og tesett, sérbaðherbergi með sturtu og/eða baðkari, baðvörur, hárblásari, strauborð og straujárn og parketlögð gólf á öllum herbergjum.

Á jarðhæð hótelsins er veitingastaðurinn Snaps þar sem áhersla er lögð á hágæða hráefni sem eru unnin frá grunni, þægilegt umhverfi og skemmilega stemmningu. Matseðillinn er innblásinn sannri Bistro matarmenningu.

Vinsamlegast hafið samband vegna verðlista og bókana.

Matarhjallinn er veitingastaður sem býður upp á heitan heimilislegan mat í hádeginu og kvöldin á virkum dögum. Við erum með fallegan borðsal en einnig er take away þjónusta. Við leggjum okkur fram við að elda góðan og fjölbreyttan heimilismat, bæði fisk- og kjötrétti.

Eigendur staðarins þau Edda og Jói, sjá um eldamennsku og bakstur á staðnum en bæði hafa þau margra ára reynslu í veitingageiranum.

Hótel Hallormsstaður er eitt glæsilegasta hótel á Austurlandi, þekkt fyrir fagmennsku og framúrskarandi gæði bæði í mat og þjónustu.

Á veitingastaðnum Lauf er boðið uppá hið rómaða sumarhlaðborð sem samanstendur af fjöldan allan af réttum, bæði heitum og köldum, forréttum, aðalréttum og eftirréttum. Sælkeraferðalag fyrir bragðlaukana!

Hafið samband við Hótel Hallormsstað varðandi opnunartíma 

Hótel Sveinbjarnargerði er staðsett við þjóðveg nr.1 um 10 mínútna akstur frá Akureyri. Þar eru 29 tveggja manna herbergi (eða eins manns), 3 þriggja manna og eitt fjölskyldu herbergi (4) - öll með baði. Á Sveitahótelinu er Veislusalur sem tekur allt að 110 manns í sæti, því tilvalið fyrir hópa - t.d. starfsmannahópa að halda árshátíðar og litla jafnt sem stóra fundi. Arinn er í setustofu og borðsal. Þar er gott að slaka á eftir erilsaman dag og borða við arinneld eða njóta friðarins með góða bók. Útsýni út Eyjafjörð er einstakt og fjölbreytt afþreying í seilingarfjarlægð. Heitur pottur er á staðnum og verönd þar sem hægt er að sitja og njóta útsýnisins.

Fossatún er staðsett um 90 km frá Reykjavík við veg nr. 50 mitt á milli Borgarness og Reykholts. Öll aðstaða er góð og nútímaleg hvort heldur gestir hafa styttri eða lengri viðkomu. Staðsetningin er miðlæg og stutt í allar áttir til að skoða fallega náttúru og þá möguleika sem aðrir bjóða upp á í ferðaþjónustu á Vesturlandi. Fossatún er staðsett á bökkum Grímsár og útsýni yfir Tröllafossa og hægt að sjá laxa stökkva og ganga meðfram fallegu árbakkasvæðinu. Einnig er gönguleið að Blundsvatni þar sem er fjölbreytt, iðandi fuglalíf. Borgfirski fjallahringurinn blasir við og umlykur.

Veitingahús - Rock´n Troll Cafe Veitingaaðstaðan okkar er staður til að slaka á og njóta nálægðar náttúrunnar og útsýnisins og hlusta á tónlist. Gestir geta valið plötu úr vinyl safninu sem inniheldur meira en 3.000 plötur og 5.000 geisladiska. Starfsfólk okkar mun með glöðu geði spila plöturnar í heilu en ekki einstök óskalög.

Yfir daginn bjóðum við upp á kaffiveitingar og hádegisverð og léttan kvöldverð mánudaga-miðvikudaga. Fimmtudaga til sunnudaga bjóðum við upp á fjölbreyttan og góðan kvöldverðarmatseðil. Ef hópur gesta er fleiri en 6 persónur, þarf að panta mat fyrirfram, annaðhvort af hópmatseðli eða hámark 3 rétti af kvöldverðarseðli.

Vinylplötu- og geisladiskasafnið er í eigu Steinars Berg, gestgjafa Fossatúns, en lífshlaup hans hefur alltaf verið tengt tónlist. Hann starfaði í íslensku tónlistarlífi í 30 ár og átti Steina hf. leiðandi tónlistarfyrirtæki á Íslandi og gaf út tónlist með mörgum besta, skemmtilegasta og áhugaverðasta tónlistarfólki Íslandssögunnar. Einstök staðsetning veitingahússins býður upp á náttúrunálægð og útsýni sem á sér ekki sinn líka.

Góður matur, einstakt útsýni og tónlista sem þú elskar. þess virði að stoppa!

Seljum boozt og skyr skálar. 

Fyrsti KFC-staðurinn á Íslandi var opnaður í Hafnarfirði í október 1980, þannig að sagan spannar nú yfir 30 ár. Staðirnir eru 8 alls; í Hafnarfirði, Kópavogi, Reykjavík,
Selfossi, Reykjanesbæ og Mosfellsbæ.
Í gegnum tíðina hafa staðirnir tekið á móti fallegu og frábæru fólki. Við höfum heyrt fólk hlæja, eiga góðar stundir og fundi við vini og samstarfsfélaga. Við kunnum að meta
hverja einustu mínútu og þess vegna höfum við raðað saman myndum af frábærum stundum á KFC.

Hereford steikhús leggur einkum áherslu á tvennt: annars vegar að þú fáir góðan mat úr úrvals hráefni og hins vegar að verðlagning veitingastaðarins spilli ekki fyrir þér matarlystinni.
Hereford steikhús leggur allan sinn metnað í að bjóða aðeins upp á besta fáanlega hráefni sem til er hverju sinni og bjóða fjölbreytt úrval aðalrétta, forrétta og eftirrétta.
Matreiðslumeistarar Hereford steikhús hafa áralanga reynslu af steikhúsum að baki bæði hérlendis og erlendis og gera miklar kröfur til góðs hráefnis. Steikurnar okkar koma frá Kjarnafæði og eru þær sérvaldar, fituofnar og sérverkaðar eftir óskum yfirmatreiðslumeistara Hereford steikhús. Kjarnafæði í samvinnu við Hereford og íslenska nautgripa ræktendur gera miklar gæðakröfur til að ná fram hámarksgæðum út úr hverjum munnbita.

Það hafa fáir jafn mikið vit og áhuga á hamborgurum eins og Tómas Tómasson, betur þekktur sem Tommi í Tommaborgurum. Hann hefur fylgt sínu heilræði alla tíð “einn hamborgari á dag kemur skapinu í lag” og mælir með að allir geri slíkt hið sama.

Í sparifötum eða vinnugallanum? Það skiptir ekki máli, allir eru velkomnir á Búlluna. Staðir Hamborgarabúllunnar eru innréttaðir á afslappaðan hátt, starfsmenn staðanna leggja áherslu á vinalega þjónustu og vilja þeir að öllum líði vel inni á Búllunni.

Við sérhæfum okkur í hamborgurum sem eru einfaldir en á sama tíma ómótstæðilega bragðgóðir úr besta fáanlega hráefni. Sérvalið hágæða nautakjöt, grillað yfir eldi, nýbakað brauð ásamt fersku grænmeti og hárréttri blöndu af sósum verður að Búlluborgaranum víðfræga.

Fyrsti KFC-staðurinn á Íslandi var opnaður í Hafnarfirði í október 1980, þannig að sagan spannar nú yfir 30 ár. Staðirnir eru 8 alls; í Hafnarfirði, Kópavogi, Reykjavík,
Selfossi, Reykjanesbæ og Mosfellsbæ.
Í gegnum tíðina hafa staðirnir tekið á móti fallegu og frábæru fólki. Við höfum heyrt fólk hlæja, eiga góðar stundir og fundi við vini og samstarfsfélaga. Við kunnum að meta
hverja einustu mínútu og þess vegna höfum við raðað saman myndum af frábærum stundum á KFC.

Bakkaflöt er fjölskyldurekið fyrirtæki sem byrjaði með gistingu og veitingar árið 1987. Erum með gistingu í smáhýsum með sérbaði, herbergjum með sameiginlegu baði, stærri sumarhúsum og tjaldstæði. Sundlaug, heitir pottar, veitingastaður og bar á staðnum. 

Frá árinu 1994 höfum við boðið upp á fljótasiglingar niður Austari og Vestari jökulsá. 

Í sumar(2020) erum við með tilboð í Vestari jökulsá: 11.900 kr á mann. 8.000 kr fyrir 9-12 ára. 

Frábær ferð um skemmtilegt landslag. Stoppað til að fá sér kakó úr heitri uppsprettu og svo er auðvitað stoppað við stökk klettinn og þeir sem vilja stökkva ofan í ána. 

Bjóðum einnig upp á Sit on top Kayak ferðir niður Svartá, Paintball, Þrautabraut og Loftbolta. 

Á staðnum: Gisting í smáhýsum með sérbaði, stærri sumarhúsum, herbergjum án baðs, tjaldstæði, lítil sundlaug og heitir pottar, veitingastaður og bar.

Serrano býður uppá ferskan og hollan mexíkóskan skyndibita.

Opnunartími
Mánudaga til laugardaga 
11:00 – 21:00
Sunnudaga 
12:00 – 21:00

Brekka Gistiheimilið er í fallegu umhverfi mitt á milli Húsavíkur og Mývatns.

Gistihúsið er vel staðsett til skoðunarferðar að Goðafossi,Mývatni,hvalaskoðun á Húsavík,Dettifossi,Öskju og Akureyrar.

Veitingastaðurinn er opinn frá 1. maí til 30. september.

Vinsamlegast hafið samband vegna verðlista og bókana.

Veitingastaður á Höfn í Hornafirði 

Það gleður okkur að kynna hið sérstaka bragð frá Eþíópíu elstu þjóðinni sem býr sunnar Sahara.

 Við bjóðum þér að bragða á þjóðlegum réttum eins og t.d. Doro Wat sem er sítrónumarineraður kjúklingur, stappaðan í „berbera“ heita sósu, borinn fram með lauk, hvítlauk og engifer.

Við erum sannfærð um að við höfum besta og fjölbreyttasta matseðilnn fyrir grænmetisætur vegna hefða Eþíópíubúa fyrir því að fasta.

Sérstakar kaffiathafnir að hætti Eþíópíubúa

Minilik – eþíópskt veitingahúsið gerir kröfur um að kaffibaunirnar sem við ristum og berum fram komi ekki aðeins beint frá Eþíópíu heldur einnig frá þeim héruðum landsins sem eru þekktust fyrir bestu kaffibaunaframleiðslu í Eþíópíu.

Minilik býður þér að upplifa sérstakar kaffihefðir Eþíópíu; frá því að grænu baunirnar eru og allt þar til þú finnur ilminn og bragðið af sterku og einstaka kaffinu okkar.

Þjónusta okkar

Minilik – eþíópskt veitingahús bíður nú bar, veitingar og „take away“ á Flúðum.

Hringdu 30 mínútum á undan þér og fáðu matinn afhentan í afgreislu

Þarftu að halda veislu? Við sjáum um hana fyrir þig – hafðu samband til að fá verð, panta sal og veisluföng.

Það gleður okkur að þjóna þér.

Á Duck & Rose einblínum við á létta og heiðarlega matreiðslu með áhrifum frá Frakklandi og Ítalíu. Duck & Rose er staðsettur á einu flottasta horni Reykjavíkur, við Austurvöll á horni Pósthússtrætis & Austurstrætis.

Verið hjartanlega velkomin.

Við leggjum áherslu á góðan mat á sanngjörnu verði og góða þjónustu. Í veitingastaðnum finnur þú fjölbreytt úrval af spennandi réttum, meðal annars ljúffengar heimagerðar pizzur, hamborgara úr Reykdælsku nautakjöti, alvöru íslenska kjötsúpu og gratíneraðan plokkfisk að hætti hússins.

Eftir matinn geturðu verslað allar helstu nauðsynjar í versluninni okkar í hinum enda hússins.
Við veitum afslátt gegn framvísun KEA korts, 5% (þó ekki af tóbaki og drykkjum). 

Kíktu við hjá okkur, við tökum vel á móti þér! 

Opið alla daga. Opnunartíma má finna á dalakofinn.is. 

Kaffivagninn var stofnaður árið 1935 af Bjarna Kristjánssyni og stóð þá á Ellingsenplaninu sem er á horni Pósthússtrætis og Tryggvagötu, á þessum tíma var Kaffivagninn vörubíll með yfirbyggðum palli. Fram yfir stríðsárin var Kaffivagninn í eigu Bjarna sem rak hann allan tímann.

Hús Kaffivagnsins hefur verið í núverandi mynd frá því 1975.

Kaffivagninn býður upp á úrval hefbundinna íslenskra og skandinavískra rétta auk heitra og kaldra drykkja. Við bjóðum upp á heita drykki frá te og kaffi auk þess að vera með gamla góða uppáhellta kaffið.

Glæsilegur pallur er við austurgafl Kaffivagnsins með útsýni yfir höfnina og Hörpu.

Langaholt er staðsett miðsvæðis á sunnanverðu Snæfellsnesi, við bæinn Garða í sveit þeirri er áður hét Staðarsveit en er núna hluti Snæfellsbæjar. Svæðið umhverfis er sannkölluð náttúruperla, tignarlegur fjallgarður, jökullinn í allri sinni dýrð, gullin strönd við Faxaflóann og stjörnubjartur himinn með norðurljósatrafi þegar skyggir. Langaholt er í miðri hringiðu Snæfellskrar náttúru, strönd, fjöll, hraun, vötn, lækir, fuglar, selir, allt er þetta í grennd og meira til, já sannkölluð náttúruparadís þar sem sjálfur Snæfellsjökull blasir við í allri sinni tign. Umhverfi Langaholts er markað af nálægð sinni við sjóinn og hinni gullnu strönd og er margt þar forvitnilegt að skoða í ró og næði fyrir alla náttúruunnendur unga sem aldna og er ströndin endalaus uppspretta leikja og ævintýra.

Svarta fjaran/Black beach restaurant er veitingastaður og kaffihús sem staðsett er í einni mögnuðustu náttúruperlu Suðurstrandarinnar, Reynisfjöru. Svarta fjaran er í göngufæri við Reynisdranga, stuðlabergið og Hálsanefshelli. Frá veitingastaðnum er frábært útsýni að Dyrhólaey og yfir sjóinn.

Þjónustuhúsið var byggt árið 2014 og miðast arkitektúrinn við að láta bygginguna falla að landslaginu og voru m.a. notaðir steinar úr fjörunni sem byggingarefni í veggi og gólf. Húsið fellur inn í fjallshlíðina.

Á veitingahúsinu er hægt að fá m.a. heita súpu og brauð, kökur sem bakaðar eru á staðnum, samlokur og sitthvað fleirra, gosdrykki, safa, kaffi og te. Á veitingastaðnum er hægt að fá hefðbundinn íslenskan mat svo sem lambakjöt og fisk, hamborgara úr nautakjöti frá næsta bæ auk ýmisa smárétta.

Mat­ar­gerðin okk­ar er spænsk og miðjarðar­hafs matseld - fersk, ein­föld og heiðarleg þar sem nýtt er hágæða hrá­efni og er mat­ur­inn okk­ar stút­full­ur af ríku bragði. Við leggj­um mikla áherslu á ferskt ís­lenskt hrá­efni í alla okk­ar rétti svo þú get­ur alltaf verið viss um gæðin.

El Faro eða „vit­inn“ á spænsku, vís­ar til um­hverf­is staðar­ins sem staðsett­ur er við fal­lega Garðskaga – þar sem stór­kost­legt sól­set­ur, norður­ljós, heims­skauts­storm­ar, him­in­há­ar öld­ur og ríkt dýra­líf ræður ríkj­um.

Ekta Indverskur matur. 

Tehúsið Hostel er staðsett í miðsvæðis á Egilsstöðum.

Gestir hafa aðgang að fullbúnu eldhúsi og hægt er að slaka á í gestastofum. Ókeypis WiFi er til staðar.

Á hostelinu er lögð áhersla á umhverfismál og sanngjörn viðskipti (Fair trade). Allt sorp er flokkað.

Okkar gildi eru gleði, sjálfbærni og heiðarleiki.

Gott kaffihús og bar er á Hostelinu sem bíður upp á Te, Kaffi og heimabakað meðlæti.

Barinn er með eitt mesta úrval af bjór á Austurlandi.

Farfuglaheimilið býður upp á einföld, snyrtileg, herbergi með góðum rúmum. Bæði í svefnskálum og privat.

Baðherbergisaðstaða er sameiginleg. Rúmfatnaður og handklæði eru til staðar.

Gististaðurinn er staðsettur miðsvæðis við hlið tjaldsvæðis Egilsstaða og upplýsingaveitu. Hægt er að panta morgunverð sem m.a. felur í sér staðbundið góðgæti.

BanThai er besti tælenski veitingastaðurinn á Íslandi, en hann hefur m.a. verið kosinn það á hverju ári af The Reykjavík Grapevine. 
Einnig var hann kosinn einn af 10 bestu veitingastöðunum á Íslandi nú nýlega í DV. 17. 06. 2011 
Staðurinn hefur verið starfandi í 26 ár og bjóðum við upp á ekta tælenskan mat alveg eins og hann er í Tælandi. Af því það eru margir réttir á matseðlinum sem hvergi annars staðar er hægt að fá t.d. erum við með sérstaka BanThai-sósu, þá getur stundum verið löng bið og gott er að spurja um biðina ef þú hefur ekki nægan tíma, best er því að taka því rólega og njóta matarins, þar sem þetta er ekki skyndibitastaður, það tekur tíma að elda allan matinn, ekkert er tilbúið. Við bjóðum upp á mjög fjölbreytt úrval rétta og allir geta fundið eitthvað við sitt hæfi, hvort sem það er sterkt eða milt, en réttirnir eru allir merktir með chili-merkjum svo hægt sé að sjá styrkleikann. Allur maturinn er létt eldaður úr ferskum hráefnum og því heldur hann næringargildi sínu og upprunalegu bragði vel. Við notum t.d. kjúklingabringur, nauta fillet, svína fillet, lamba fillet, ferskt grænmeti, gæða krydd sem við flutjum inn sjálf, litla olíu og margt fleira en við notum aldrei msg. Við bjóðum ekki upp á hnífa, prjóna eða soja-sósu. Á efri hæð staðarins er góð aðstaða fyrir hópa og getum við tekið á móti allt að 40 manna hópum, best er fyrir hópa að panta nokkra rétti saman því þá tekur styttri tíma að fá matinn. Gott er að drekka tælenskan bjór með matnum en við bjóðum upp á Singha-bjór sem er einmitt á tilboði hjá okkur núna fram að áramótum, einnig er gott að drekka tælenskt vín, en tælenska vínið sem við bjóðum upp á hefur unnið mörg verðlaun einnig er gott að fá sér tælenskt viskí, brandí og romm með matnum. 

Fyrir svona góðan mat á finum stað, skiptir biðin þá einhverju máli ?

ÁVALLT ER GÓÐUR BITI BIÐARINNAR VIRÐI.

Blackbox er miklu meira en bara geggjaðar pizzur. Blackbox er fjölskylda, vinir, gaman, gleði, njóta, drykkir og dans og uppáhalds pizzan þín er ástríðan okkar. Pizza er nefnilega ekki bara pizza.

Sælkerapizzubotninn okkar er súrdeigs en þú getur líka fengið ketóbotn eða glútenlausan.

Við notum einungis hágæða hráefni. Hráskinkan okkar er skorin fersk á hverja Parma Rucola pizzu, við notum eingöngu ferskan jalapenó og náttúrulegar Miðjarðarhafs ólífur og andalærið okkar kemur frá stórvinum okkar í Kjötkompaní.

Hótel Tangi býður upp á 4 rúmgóð herbergi með sér baðherbergi og sjónvarpi. Þar af er eitt með aðgengi fyrir hjólastóla. Einnig eru 13 minni herbergi á efri hæðinni með handlaug og sjónvarpi en með sameiginlegum snyrtingum og sturtum. Heildarfjöldi rúma er 37.

Einnig er í boði ein stúdíóíbúð fyrir allt að 4 manneskjur. Sjónvarp er í öllum herbergjum hótelsins.

Á neðri hæð hússins er setustofa með sjónvarpi og veitingasalur með bar.

Veitingasalurinn er opinn fyrir morgunverð frá kl. 07.00-09.00, en fyrir kvöldverð frá kl.17.00-20.00 að sumri en 18-20 að vetri.

Skoðið matseðilinn okkar hér.

CAFÉ ADESSO var opnað 7. apríl 2002 . Hönnun innréttinga var í höndum GoForm ehf. en Caoz ehf. sá um hönnun á logoi og nafni.

CAFÉ ADESSO er nútímaleg kaffitería/matsölustaður þar sem áhersla er lögð á úrvals hráefni til að tryggja hámarks gæði. Markmið CAFÉ ADESSO er að bjóða upp á góðan og fjölbreyttan matseðil þar sem allir ættu að geta fundið eitthvað við sitt hæfi. Kappkostað er að skapa þægilegt andrúmsloft og veita viðskiptavininum góða þjónustu. Boðið er upp á sæti fyrir 180 viðskiptavini.

2fyrir1 er af Carlsberg á krana í frosinni bjórkönnu alla daga milli 16 og 19.

Hamborgarar-Crepes-Mömmumatur í hádeginu-Íslensk kjötsúpa-Súpa dagsins-Fiskur-Salöt-Kjúklingalundir í speltbrauði-Smurbrauð-kökur-kaffi-smátykki og margt margt fleira.

Hótel Norðurljós hefur verið hluti af sögu Raufarhafnar síðstliðin 40 ár. Það var byggt á árunum 1957-8, sem verbúð (síldarbraggi), til að hýsa síldarstelpur, sem komu til að salta á Óðinsplani. Þegar best lét bjuggu í húsinu allt að 200 manns. Síldin hvarf upp úr 1967 og þar með síldarstelpurnar, sem blunda enn í minningu heimamanna. Árið 1974 var Hótel Norðurljós opnað í sama húsi, fyrst rekið sem sumarhótel, en sl. 10 ár hefur það verið opið allt árið um kring.

Hótelið er staðsett við hafnarbakkann, þaðan sést yfir alla höfnina og yfir á Höfðann. Útsýnið er einstakt. Á Hótelinu eru 15 tveggja manna herbergi með böðum, góð setustofa, veitingasalur fyrir 80-90 manns og bar.

Þar eru 15 tveggja manna herbergi með böðum, góð setustofa, veitingasalur fyrir 80-90 manns og bar. Veitingasalurinn snýr að höfninni, framan við hann er pallur sem nær yfir hafnarbakkann, þar sem gestir geta setið úti við á góðviðrisdögum notið þeirrar fegurðar er auganu mætir.

Á matseðlinum er lögð mikil áhersla á fisk. Þar má finna silung, lax, ýsu, þorsk, kola, lúðu, steinbít og karfa auk annara fisktegunda. Einnig má sjá hvalkjöt, svartfugl, hreindýr og ýmislega villibráð úr náttúru Íslands. Auk þessa er lambakjötið alltaf í sérflokki. Hraðréttir af grilli og pizzur eru ætíð vinsælar máltíðir, en einn réttur hefur notið sérstakrar vinsældar, en það er Skinnalónsborgarinn.

Umhverfi Raufarhafnar býður upp á marga möguleika til útiveru. Melrakkasléttan ein og sér er heilt ævintýri fyrir þá sem unna fallegri náttúru. Strandlengjan er vogskorin, þar sem skiptist á stórgrýtt annnes og sendnar víkur, sjávarlón og tjarnir. Þar er ekki þverfótað fyrir reka. Inni á Sléttunni eru nokkrir tugir vatna, sem flest eru iðandi af fiski. Fuglalíf er eitthvað það fjölskrúðugasta sem gerist á Íslandi. Gróður er mikill."

Þú finnur okkur á Facebook hér

Þá erum við á booking.com og hægt er að fá frekari upplýsingar um okkur og bókanir hér

Strikið veitingahús býður upp á fjölbreytilegan og vandaðan matseðil, góðan mat og góða þjónustu. Saman gerir þetta heimsókn á veitingahúsið Strikið á Akureyri að upplifun sem þú nýtur og geymir í minningunni. Útiaðstaðan okkar gerir þessa upplifun enn eftirminnilegri á góðum sumardegi.
Strikið er á fimmtu (efstu) hæð í Skipagötu 14 á Akureyri þar sem er frábært útsýni yfir Eyjafjörðinn og Akureyri. Salir Striksins eru tveir og rúma 60 og 80 manns en því til viðbótar er pláss fyrir allt að 100 manns úti undir beru lofti.
Áherslan er á fjölbreytileika í matargerð og úrval rétta á matseðlinum. 

Klausturkaffi er veitingastaður í Gunnarshúsi á Skriðuklaustri í Fljótsdal, 39 km frá Egilsstöðum. Klausturkaffi leggur áherslu á íslenska matargerð og notkun á hráefni af svæðinu s.s. lambakjöt, hreindýrakjöt, hrútaber og lerkisveppi. Allar kökur og allt brauð er heimabakað. Boðið er upp á hádegis- og kaffihlaðborð alla daga auk lítils matseðils.

Einungis er opið fyrir hópa í kvöldverð eða þegar sérstakir viðburðir eru í húsinu.

Veitingastaðurinn rúmar um 50 manns í sæti en að sumri er einnig hægt að sitja úti á verönd. Yfir veturinn er opið kringum viðburði og hægt að fylgjast með því á heimasíðunni þar sem einnig er að finna matseðla. Hópar alltaf velkomnir í fjölbreyttar veitingar eftir samkomulagi. 

Opnunartími:
Apríl, kl. 12-16
Maí, kl. 12-17
Júní - ágúst, kl. 10-18
September - 17. október, kl. 11-17  

Vestur restaurant er fjölskyldurekinn veitingastaður á Patreksfirði og bjóðum við upp á súpu, hamborgara, pizzur, salat, taco og fleiri rétti. Við leggjum áherslu á að bjóða upp á fyrsta flokks gæðahráefni úr heimabyggð. Við erum með bar og oft með viðburði fram eftir kvöldi. Sýnum einnig fótboltaleiki og helstu íþróttaviðburði. 

Ströndin er nútímaleg krá í Vík þar sem þú getur komið og slakað á eftir langan dag. 

Einstök staðsetning við ströndina skapar notalegt andrúmsloft þar sem gestir geta t.d. setið og fylgst með sólinni setjast á bakvið Reynisdranga á meðan þeir gæða sér á dýrindis vetingum.

101 hotel er "boutique" hótel sem staðsett er í hjarta Reykjavíkur. Hótelið opnaði árið 2003 og er fyrsta íslenska hótel sem er meðlimur í Design Hotels. Einnig er veitingastaður, bar og lounge á aðalhæð hótelsins. Frekari þægindi ná til concierge-borðs, herbergisþjónustu, þvottaþjónustu, líkamsrækt og spa með gufubaði og heitum potti. Nudd í herbergi er einnig fáanlegt.

Hægt er að útvega samfellanlegt aukarúm á hjólum eða barnarúm fyrir sum herbergi. Dýrahald er ekki leyfilegt. Bílastæðahús er í göngufæri.

Til að bóka herbergi og nýta ferðagjöfina á 101 hotel sendið tölvupóst á netfangið 101hotel@101hotel.is .

Á Efra Nesi er frábær aðstaða fyrir hverskyns viðburði, stóra sem smáa. Auðvelt er að aðlaga salina að hverjum viðburði fyrir sig hvort sem um er að ræða brúðkaup, veislur, fundi eða námskeið. 

FLAK er listhneigt samkomuhús og sjávarfangssjoppa í gömlu verbúðinni við Patreksfjarðarhöfn. Þar getur þú notið augnabliksins og skolað niður súpu úr fersku fiskmeti með heimalöguðum bjór eða ísköldu kranavatni. Á FLAK er mikið lagt upp úr allskyns viðburðum og alltaf eitthvað um að vera.

Aðaláherslan er lögð á rétti úr sérmarinerðum grilluðum kjúkling, mest á heilsusamlega rétti sem henta þeim sem hugsa um heilsuna.  Einnig er þó boðið upp á djúpsteikta kjúklingabita og franskar handa þeim sem það vilja.  Jafnframt eru í boði ýmsar gerðir af samlokum og hamborgurum auk nokkurra mexíkanskra rétta.

Kaffihús þekkt fyrir súpur í brauði.

Laugar Spa er einstakt tækifæri til að endurnæra líkama og sál. Fyrsta flokks heilsulind þar sem slökunar- og og lækningarmáttur íslenska vatnsins er í hávegum hafður

Í Laugar Spa eru alls sjö gufur, hver með sínu þema. Hver gufa hefur sinn einstaka ilm og má m.a. anda að sér sítrónu, piparmyntu og lavender, svo eitthvað sé nefnt. Ákveðið þema einkennir hverja gufu og þar má m.a. heyra fugla- og lækjarnið, upplifa stjörnuhvolfið sem og sólarupprisu eða hverfa til austurrísku bjálkakofanna og ekki síst Infrared stofu.

Í nuddpottinum sem byggður er úr graníti er hægt er að láta þreytuna líða úr sér eða hvíla þreytta fætur í þar til gerðum fótlaugum. Þeir sem vilja ferska upplifun skella sér í kaldan sjópott eða í heit og köld víxlböð í sérútbúnum klefum, eða baða sig í 6 metra breiðum fossi lystilega hönnuðum af Sigurði Guðmundssyni listamanni. Listilegt handbragð Sigurðar er einstakt og einkennist af handbragði meistara sem á sér engan líkan.

Hvíldarherbergi Laugar Spa er draumi líkast þar sem íslenskt landslag prýðir veggina ásamt kínversku graníti og listaverkum Sigurðar Guðmundssonar, að ógleymdum arninum sem prýðir miðju stofunnar.

Í Betri stofunni er einnig fyrsta flokks veitingaaðstaða, þar sem hægt er að njóta drykkja og veitinga í einstöku umhverfi.

Veitingastaðurinn, Einsi kaldi, er á jarðhæðinni í Hótel Vestmannaeyjar. Það hús á sér mikla sögu því að þar hefur margvísleg starfsemi verið rekin, s.s. kvikmyndahús og gosdrykkjaverksmiðja.

Eigandi Einsa kalda, Einar Björn Árnason eða Einsi kaldi, er borinn og barnfæddur Vestmannaeyingur. Einsi nýtur þess alveg sérstaklega að beita göldurm sínum þegar hann matreiðir sjávarrétti og fyrir þá rétti sína er hann hvað þekktastur.

Á surmrin bjóða Einsi kaldi og hans einvala lið upp á fjölbreyttan matseðil frá hádegi fram á kvöld, alla daga vikunnar. Í hádeginu er lögð sérstök áhersla á létta og ferska rétti, s.s. súpur og kjötrétti og að sjálfsögðu nýjan og gómsætan íslenskan fisk.

Á kvöldin ræður fjölbreytnin ríkjum og þá getur þú valið allt frá forréttum til lúxusrétta úr kjöti eða fisk. Þar finna allir eitthvað sem kitlar bragðlaukana og hugur þeirra girnist.

Frá því að Einar Björn hóf rekstur veitingastaðarins hefur hann vakið mikla athygli fyrir frábæra matargerð og hefur það m.a. verið staðfest af TripAdvisor.

Auk þess að reka veitingastaðinn er Einsi með veisluþjónustu sem er sniðin að þörfum hvers og eins viðskiptavinar.

Þá aðstoðum við einnig hópa við að skipuleggja heimsóknir sínar til Vestmannaeyja þannig að þær verði mjög áhugaverðar og skemmtilegar, með afþreyingu, fróðleik og fallegri náttúru eftir óskum hvers og eins hóps. 

Ferðaþjónustan á Hunkubökkum býður upp á 20 herbergi í heildina, þar af 6 tveggja manna herbergi með sameiginlegu baði, 6 bjálkahús sem eru 3 og 4 manna með sér baði og 8 tveggja manna herbergi með sér baði.

Húsin eru nálægt aðalbyggingunni, þar er að finna gestamóttöku er ásamt veitingastað sem opinn er á kvöldin og á daginn hluta sumars, einnig er morgunverður borinn fram þar.

Veitingastaðurinn er með góðu úrvali af réttum frá býli og héraði. Við erum sauðfjárbændur og bjóðum upp á okkar eigið gómsæta grillaða lambakjöt á matseðli.

Hægt er að panta mat og kaffihlaðborð fyrir hópa - Veitingaaðstaðan tekur ca 50 manns í sæti.  

Umhverfi Hunkubakka er rómað fyrir náttúrufegurð og milt veðurfar. Einnig eru margar gönguleiðir í kring og staðsetningin miðsvæðis fyrir stærstu náttúruperlur landsins eins og Fjaðrárgljúfur , Laka, Fagrafoss, Langasjó, Sveinstind, Eldgjá, Landmannalaugar, Skaftafell og Jökulsárlón.

Smellið hér til að bóka gistingu 

OlsenOlsen hefur verið til síðan 1995. Var til húsa á hafnargötu 17 en síðan fluttist staðurinn ofar á hafnargötu 62. Fjölskyldu rekið fyrirtæki sem hefur alltaf haft þá stefnu að vinna allt frá grunni og þá erum við að meina allt kjöt, brauð, sósur og nánast allt unnið með okkar höndum.

Hótel Bifröst er notalegt hótel á fallegum stað í hjarta Borgarfjarðar. Hótelið er staðsett við þjóðveg 1 - 102 kílómetra frá Reykjavík og því í aðeins eins- og hálfs tíma akstursfjarlægð frá höfuðborginni.

Á Hótel Bifröst eru 52 rúmgóð, björt og hlýleg, tveggja manna herbergi. Öll herbergin eru með sér snyrtingu og sturtu, gervihnattasjónvarpi og internettengingu. Lyfta er á hótelinu og því gott aðgengi fyrir fatlaða. 

Veitingastaður hótelsins - Kaffi Bifröst tekur um það bil 100 manns í sæti. Þar er mikið lagt upp úr því að framreiða fjölbreyttan og hollan mat með áherslu á að nota hráefni úr heimabyggð.

Hægt er að bóka ráðstefnur, fundi eða námskeið til að halda á hótelinu en þar er að finna sali af öllum stærðum og gerðum.

Gisting er í nýuppgerðum pakkhúsum í miðju þorpsins í Flatey, í Eyjólfspakkhúsi, Stóra-Pakkhúsi og veitingasalur hótelsins er í samkomuhúsinu. Eyjólfspakkhús stendur við samnefnda bryggju og þaðan er útsýni yfir Hafnareyna. Stóra-Pakkhús ásamt samkomuhúsinu eru þar við hliðina.

Hótel Flatey býður nú upp á 7 tveggja manna herbergi, 2 fjölskylduherbergi (hjónarúm og 2 kojur), 3 svítur og 2 eins manns herbergi. Samtals 12 herbergi og 23 rúm. Öll herbergin eru með sameiginlegu baðherbergi. Morgunmatur er innifalinn í verðinu.

Tanginn, frábær veitingastaður við höfnina í Eyjum.

Vínlandssetrið er spennandi áfangastaður fyrir unga sem aldna, þar sem sögum af landafundum Eiríks rauða og Leifs heppna Eiríkssonar á Grænlandi, Kanada og í Bandaríkjunum, eru gerð skil í nýrri sýningu sem samanstendur af myndverkum tíu þekktra íslenskra myndlistarmanna. Þú ferðast um söguna með hljóðleiðsögn og skoðar um leið töfraheim sýningarinnar. Að sýningu lokinni getur verið gott að fá sér einhverja næringu eða gott kaffi á neðri hæðinni. 

Opið daglega frá 10-16.

Á Ölverk hafa tveir hlutir verið fullkomnaðir, handverksbjór úr okkar eigin brugghúsi og eldbakaðar pizzur úr deigi sem útbúið er á staðnum daglega. Ölverk er staðsett  í Hveragerði, í 35 mínútum aksturfjarlægð frá Reykjavík . Á bak við hugmyndina að Ölverk liggur einlægur áhugi á eldbökuðum handverkspizzum og bruggun á vönduðum bjórum. Á stuttum tíma hefur Ölverk náð að skapa sér gott orðspor enda afar sérstætt og merkilegt á heimsvísu fyrir brugghús sem Ölverk að nýta jarðhitaorku í framleiðsluferli bjórsins.

Í boði eru skemmtilegar bjórkynningar sem eru tilvaldar fyrir allar smærri eða stærra hvata-, og hópeflisferðir. Í kynningunum er stiklað á bjórsögu Íslands, jarðhitavirkni Hengil svæðisins og nýtingu þeirrar orkuauðlinda hér á Íslandi. Aðaláherslan liggur svo í skemmtilegri og fræðandi frásögn um einstakt bjórframleiðsluferli Ölverks og fá gestir að smakka á fjórum bjórtegundum á meðan kynningu stendur. Hefðbundin bjórkynning varir í 30 til 40 mínútur og bókast á olverk@olverk.is.  

Á matseðli Ölverks er að finna afar fjölbreytt úrval af forréttum, salötum og eldbökuðum pizzum við allra hæfi.

Á Ölverk eru átta bjórkranar með síbreytilegum bjórtegundum framleiddum á staðnum en einnig er gott úrval af vörum frá öðrum íslenskum áfengisframleiðendum.  Á matseðli Ölverks er að finna afar fjölbreytt úrval af forréttum, salötum og eldbökuðum pizzum við allra hæfi.

Frá stofnun Ölverk vorið 2017 hefur Ölverk framleitt sínar eigin sterku sósur eða ´hot sauce´ og notað við framleiðslu á þeim chili sem ræktaður er af þeirra eiginn chili-bónda í gróðurhúsi sem er upphitað með jarðgufu. Þessa sterku en bragðgóðu sósu, sem nú eru fáanlegar í öllum betri verslunum, ganga undir nafninu Eldtungur og eru orðnar fjórar talsins.

Potturinn og pannan er fjölskylduvænn staður sem hefur áunnið sér vinsældir í gegnum tíðina fyrir þægilega þjónustu og ljúffengar veitingar á sanngjörnu verði. Frá 1982 hefur Potturinn og Pannan verið eitt af virtari veitingahúsum landsins.

Markmið Pottsins og pönnunar er að bjóða ávallt uppá ljúffengan mat úr fyrsta flokks hráefni ásamt fagmannlegri og alúðlegri þjónustu. Þannig leitast Potturinn og pannan við að uppfylla þarfir sinna viðskiptavina og gera heimsókn þeirra ógleymanlega. Potturinn og pannan býður upp á fjölbreyttan matseðil frá hádegi og fram á kvöld. Alla daga vikunnar.

Hraðlestin er fjölskyldurekinn veitingastaður á þremur stöðum. Öll okkar krydd hafa verið sérinnflutt frá Indlandi í 18 ár og blönduð á staðnum af indverskum, faglærðum kokkum. Fersk gæðahráefni og enginn sykur. 

Taktu með og fáðu ekta indverska upplifun við stofuborðið heima eða fáðu þér sæti hjá okkur í rólegu andrúmslofti sem sækir innblástur frá litríkri og fjölbreytilegri menningu Indlands". 

Opnunartími:
Mánudagar-föstudagar kl. 11:30-21
Laugardaga og sunnudaga kl. 17-21

Á hinum stöðunum okkar er opið sem hér segir:

Hverfisgata 64a:
17-21 alla daga vikunnar 

Grensásvegur 3:
Mánudagar-föstudagar kl. 11:00-21
Laugardaga og sunnudaga kl. 17-21 

Vinsamlegast athugið að afgreiðslutími getur tekið breytingum á almennum frídögum.  

Hótel Reykjavík Grand er ráðstefnuhótel í kyrrlátu umhverfi í hjarta Reykjavíkur. Hótelið er stærsta ráðstefnuhótel landsins með 311 herbergi og 15 ráðstefnu- og veislusali sem rúma allt að 470 manns í sitjandi veislu og 800 manns í standandi móttöku. Á hótelinu er svo einnig að finna fyrsta flokks veitingahús, líkamsræktaraðstöðu og heilsulindina Reykjavík Spa sem býður upp á glæsilegt úrval af spa-, nudd- og snyrtimeðferðum.

• 311 herbergi
• Morgunverður innifalinn
• Fundaraðstaða
• Ókeypis þráðlaust net
• Aðgangur að líkamsrækt
• Spa á hótelinu
• Veitingastaðurinn Grand Brasserie
• Tveir barir; Torfastofa og Miðgarður

Hótel Reykjavík Grand hefur hlotið vottun Norræna umhverfismerkisins, Svanurinn, samkvæmt viðmiðunarreglum fyrir hótel. Hótelið hefur einnig hlotið vottun frá Túni, sem er faggild eftirlits- og vottunarstofa fyrir lífræna og sjálfbæra framleiðslu.

Reykjavík Spa ( www.reykjavikspa.is ) er heilsulind sem býður upp á fjölbreytt úrval spa-, nudd- og snyrtimeðferða. Þá er einnig líkamsræktarstöð á hótelinu fyrir hótelgesti.

Hótel Reykjavík Grand er hluti af Íslandshótel hf.

Hraðlestin er fjölskyldurekinn veitingastaður á þremur stöðum. Öll okkar krydd hafa verið sérinnflutt frá Indlandi í 18 ár og blönduð á staðnum af indverskum, faglærðum kokkum. Fersk gæðahráefni og enginn sykur. 

Taktu með og fáðu ekta indverska upplifun við stofuborðið heima eða fáðu þér sæti hjá okkur í rólegu andrúmslofti sem sækir innblástur frá litríkri og fjölbreytilegri menningu Indlands". 

Opnunartímar:
mánudagar-föstudagar 11:00 - 21:00
laugardagar-sunnudagar 17:00 - 21:00 

Aðrir staðir:

Hraðlestin Hlíðasmári 8, Kópavogur:
mánudagar-föstudagar 11:30 - 21:00
laugardagar-sunnudagar 17:00 - 21:00

Hraðlestin Hverfisgata 64a:
kl. 17:00 - 21:00 alla daga

Fyrsti KFC-staðurinn á Íslandi var opnaður í Hafnarfirði í október 1980, þannig að sagan spannar nú yfir 30 ár. 
Í gegnum tíðina hafa staðirnir tekið á móti fallegu og frábæru fólki. Við höfum heyrt fólk hlæja, eiga góðar stundir og fundi við vini og samstarfsfélaga. Við kunnum að meta
hverja einustu mínútu og þess vegna höfum við raðað saman myndum af frábærum stundum á KFC.

Skammt norðan Deildartunguhvers standa Krauma - náttúrulaugar. Náttúrulaugarnar innihalda hreint og tært vatn, beint úr Deildartunguhver sem kælt er með vatni undan öxlum Oks. Laugarnar eru sex talsins, fimm heitar og ein köld. Engum sótthreinsandi efnum er bætt í vatnið, heldur er hreinleiki þess tryggður með mjög miklu vatnsrennsli í laugarnar.

Opnunartímar:
Opið alla daga frá klukkan 11:00 til 21:00

Bombay Bazaar er indverskur veitingastaður þar sem boðið er upp á alvöru indverskan mat frá Mumbai (Bombay) á hagstæðu verði.
Notast er við fyrsta flokks hráefni frá Indlandi og Íslandi og lagt er mikið upp úr notkun heilnæmra kryddjurta eins og t.d turmerik, engifer og hvítlauk.
Vinalegt og hlýlegt andrúmsloft.

Verið velkomin.

Bombay Bazaar býður upp á veisluþjónustu við hin ýmsu tilefni; vinnustaðir, afmæli, saumaklúbbar og fyrir alla þá sem koma saman í hóp.

Röstin er staðsett á efri hæð byggðasafnsins á Garðskaga. Þar er hægt að fá góðan mat á sanngjörnu verði allt árið um kring. Útsýnið frá Röstinni er frábært og hægt að njóta sólarlagsins yfir Snæfellsjökil, fjölbreytts fuglalífs og stundum má sjá hvali rétt undan ströndinni.

Heimsókn á Byggðasafnið á neðri hæðinni og í stóra vitann er er frábær viðbót við góðan málsverð á Röstinni.

Vitarnir á Garðskaga voru byggðir 1897 og 1944. Röstin stendur un 20 metra frá ströndinni og útsýni yfir Faxaflóann og mikið fuglalíf gera heimsókn á Röstina að sérstakri upplifun.

Stóri vitinn er sá hæsti á Íslandi og geymir hann tvær áhugaverðar sýningar, norðurljósasýningu og hvalasýningu. Frá toppi vitans er stórkostlegt útsýni.

Það er líka tjaldsvæði á Garðskaga.

Fyrir hópa hafið samband við safnstjóra í síma 893-8909 eða með tölvupósti: johann@gardskagi.com. 

Opið:
Mánudaga-Miðvikudaga kl. 17 - 21

Fimmtudaga-Sunnudaga kl. 12 - 21

Mitt í miðri Reykjavík er Miðgarður by Center Hotels.  Hótelið er staðsett ofarlega á Laugavegi og er því nálægt öllu því helsta sem miðborgin býður upp á.  

Á hótelinu eru 170 nýmóðins og notaleg herbergi sem öll eru fallega innréttuð með útsýni yfir miðborgina og bjóða upp á öll nútímaþægindi. Litlu smáatriðin eru nákvæmlega eins og þú vilt hafa þau. Morgunverður er innifalinn með öllum herbergjum hótelsins.  Miðja hótelsins er iðagrænn og fallegur garður þar sem gott er að eiga notalega stund. Útgengt er í garðinn frá rúmgóðu alrými hótelsins sem og frá veitingastaðnum Jörgensen Kitchen & Bar sem staðsettur er á jarðhæð hótelsins. 

Vel búin heilsulind er á Miðgarði þar sem finna má gufubað, heitan pott innandyra sem og utandyra og líkamsræktaraðstöðu.  Boðið er upp á úrval af nuddmeðferðum í heilsulindinni.  Fundarsalir eru á hótelinu og eru þeir allir bjartir, skemmtilega hannaðir með litríkum og nútímalegum húsgögnum.  Gott aðgengi og næði er að finna í fundarsölunum. 

• 170 herbergi
• Morgunverður innifalinn
• Ókeypis þráðlaust internet
• Heilsulind
• Líkamsræktaraðstaða
• Veitingastaðurinn Jörgensen Kitchen & Bar
• Bar
• Fundarsalir
• Afgirtur garður í miðju hótelsins 

Hluti af Center Hotels hótelunum sem öll eru staðsett í hjarta miðborgar Reykjavíkur.

KEX var stofnað árið 2010 af gömlum vinahópi sem langaði að taka sér nýtt og spennandi verkefni fyrir hendur. Hugmyndin að KEX kviknaði þegar félagarnir skoðuðu yfirgefna byggingu sem áður hafði hýst kexverksmiðjuna Frón. Þetta gamla og glæsilega verksmiðjuhúsnæði stóð autt og hafði næstum orðið niðurrifi að bráð. KEX var innréttað með virðingu fyrir sögu hússins og verksmiðjubragnum var leyft að njóta sín. Í stað þess að rífa allt út og raða inn fjöldaframleiddu dóti voru húsgögn með mikla reynslu látin ganga fyrir. Nánast allt sem kom inn á KEX átti sitt fyrra líf og sál. Sameiginleg fyrri reynsla þessara hluta á stóran þátt í að skapa sálina og andrúmsloftið í KEX.

KEX er svefnstaður, bækistöð, þvotta- og eldhús, hvíldarstaður, staður tónlistar og menningar fyrir frjálsa huga hvaðan sem þeir koma.

Á KEX er í boði gisting fyrir 142 gesti, í mismunandi herbergjum og verðflokkum. Þar er einnig þvottahús, líkamsræktaraðstaða, gestaeldhús, gastro pub, þráðlaust net og margt fleira.

Hótel Borgarnes er 3ja stjarna hótel með 75 herbergi sem öll eru með sér baðherbergi, sjónvarpi og síma. Gott veitingahús er á hótelinu sem og frábær aðstaða fyrir fundi bæði fyrir litla og stóra hópa.

Við viljum að fólki á öllum aldri finnist gaman að koma á Fabrikkuna. Þess vegna leggjum við hjarta okkar og sál í að veita lifandi og skemmtilega þjónustu og töfra fram hágæðamat úr hágæðahráefni. Hjartað í matseðli Hamborgarafabrikkunnar eru fimmtán ferkantaðir hamborgarar. Þar er líka að finna frábæra forrétti, fersk salöt, himnesk grísarif í bland við spennandi forrétti og eftirrétti. Á hverju ári bryddum við uppá nýjungum og eru árstíðaborgararnir okkar löngu orðnir vinir íslenskra hamborgaraunnenda, Rúdolf, Heiðar og Páskalamborgarinn. Hamborgarakjötið okkar er úr hæsta gæðaflokki og sent ferskt á alla staði. Brauðið er sérbakað af Myllunni, Bernaisesósan er hrærð uppá gamla mátann á hverjum morgni og nachosið er handlagað og steikt á staðnum. Allar sósurnar okkar eru framleiddar sérstaklega fyrir Fabrikkuna. Hamborgari er nefnilega ekki það sama og hamborgari. Á Fabrikkunni meðhöndlum við hamborgarann eins og stórsteik. Af þeirri virðingu sem hann á skilið. Á Íslandi eru þrjár Fabrikkur: Á Höfðatorgi, í Kringlunni og á Hótel Kea Akureyri.

Barion er góður hverfisstaður. Góður hverfisstaður er mikilvægur hverju samfélagi. Staður sem nágrannar og vinir koma saman. Staður þar sem fjölskyldan getur gert sér dagamun án þess að þurfa sækja vatnið yfir lækinn. Staður þar sem hægt er að sjá uppáhaldsliðið sitt með öðrum sem halda með sama liði. Staður þar sem hægt er að ávaxta gleðina. 

Barion er bæði í Mosfellsbæ og Granda Reykjavík.

Lemon býður upp á ferskustu djúsa landsins & sælkerasamlokur en þú getur auðvitað líka fengið hollan og góðan hafragraut, ljúffeng salöt, gríska jógúrt, ávexti í boxi ofl.

Ferskasta hráefnið hverju sinni. Það er mantran okkar hjá Lemon og við víkjum aldrei frá henni.

Ferskur fiskur matreiddur eftir kúnstarinnar reglum. Einfalt og æðislegt. Djúpsteikt ýsa í orly degi eða brauðraspi. Djúpsteikt rauðspretta í brauðraspi. Franskar og sósur. Gos, vatn, bjór. Hvítt eða rautt.

Burger og bjór

Veitingastaðurinn Sjanghæ er kínverskur staður á Akureyri. Við bjóðum upp á úrval góðra rétta í hádeginu og á kvöldin. Verið velkomin!

Take Away afgreiðsla.

Kerlingarfjöll eru ein af náttúruperlum hálendisins. Þar fara saman stórkostlegt landslag, fjölbreytt og fróðleg jarðfræði og síðast en ekki síst samspil jökla og jarðhita, gróðurs og gróðurleysis og ótrúleg litadýrð. Af hæstu tindum er mjög víðsýnt og sér þaðan til sjávar bæði til norðurs og suðurs. Bjartur og fallegur dagur í Kerlingarfjöllum er  mörgum ógleymanleg upplifun.

Hálendismiðstöðin í Kerlingarfjöllum er staðsett í dalnum Ásgarður í norðanverðum Kerlingarfjallaklasanum, þar er boðið upp á gistingu fjallaskálum, á staðnum er tjaldstæði og þar eru veitingar seldar.

Síðla sumars 2019 opnuðum við Rif Restaurant hér í Firði Verslunarmiðstöð. Ævar Olsen matreiðslumeistari til fjölda ára stýrir hér hópi starfsfólks sem leggur hjarta í matreiðsluna og mikla áherslu á persónulega þjónustu til okkar gesta.

Það er alveg einstakt að vera staðsett í hjarta Hafnarfjarðar og við höfum lagt kapp við það að bjóða upp á eitthvað fyrir alla á góðu verði, með frábæru útsýni og góðum félagsskap.

Gistiheimilið Flúðum og veitingahúsið Grund eru staðsett í hjarta Flúða. 

Gistiheimilið er með fjögur tveggja manna herbergi og eitt þriggja manna, öll með handlaug og sloppum til afnota fyrir gesti. Tvö baðherbergi með salerni og sturtu. Setustofa með sjónvarpi. Bílastæði og nettenging frí. 

Veitingahúsið er með 50 sætum inni og 30 sætum úti á sumrin. Fjölbreyttur matseðillinn, eitthvað við allra hæfi. Grænmeti er ferskt frá bændum á svæðinu. Lamb, svínarif, hamborgarar, pizzur, pasta, ferskt salat, súpur og fleira. Gott úrval drykkja þar með talið léttvína. 

Tveir sjónvarpsskjáir eru í veitingasal þar sem varpað er upp öllum helstu beinu útsendingum íslenskra sjónvarpsstöðva.

Tilboð sumarið 2020:
- Gisting fyrir tvo, herbergi með sérbaði, morgunmatur innifalinn kr. 12.900. Gildir til 30. september
2020.
- Gisting fyrir tvo, herbergi með sérbaði, morgunmatur innifalinn, golfhringur fyrir 2 á Selsvelli, Flúðum,
kr. 19.900. Gildir til 31. ágúst 2020.

Bláa Kannan er staðsett í hjarta bæjarins og opnar á morgnana með nýbökuðu brauði. Í hádeginu er boðið upp á súpu og rétt dagsins. Kökur og samlokur eru framreiddar allan daginn ásamt fersku kaffi. Á kvöldin er róleg kaffihúsastemning. Bláa Kannan var til margra ára eitt af fáum reyklausu kaffihúsum landsins og því brautryðjandi í þeim málum.

Exeter Hótel er töff og nútímalegt 106 herbergja hótel í miðbæ Reykjavíkur. Hótelið er glæsilega hannað og með skemmtilegum veitingastað, bar og dásamlegu bakaríi. Öll herbergi og svítur eru með nútímalegum húsgögnum, þráðlausu interneti, ísskáp og Nespresso kaffivél. Einnig býðst hótelgestum að slaka á í notalegu gufubaði og nýta sér glæsilega líkamsræktaraðstöðu.

Við bökum ekta New York pizzur allan daginn úr fyrsta flokks hráefni. Alltaf nýjar og ferskar!" #sbarroiceland 

Bragginn í Nauthólsvík býður uppá frábæran mat í street food stíl og gómsæta drykki á mjög viðráðanlegu verði.

Í Bragganum er pláss fyrir 75 manns í sæti og enn fleiri standandi. Hjá okkur er allt til alls.

Að auki er glæsilegt útisvæði með útsýni yfir Nauthólsvík. 

Dýragarðurinn Slakki er lítill húsdýragarður í Laugarási, Biskupstungum.

Opnunartími:
Apríl og Maí - opið um helgar 

1. júní - 31. ágúst - Opið alla daga kl. 11:00 - 18:00

September - opið um helgar

Húsafell Bistro er staðsett milli hrauns og jökla og er opið daglega árið um kring. Ýmsir girnilegir réttir eru á boðstólum.

Í júní, júlí og ágúst er opið frá kl. 11:30 til 17:00 og 18:00-21:00. Við bjóðum upp á hádegisverðarhlaðborð sem er tilvalið fyrir dagsferðalanginn sem er að fara í skoðunarferðir.

Verslunin í húsnæði Húsafells Bistró er opin frá kl 11:30 til kl. 21:00 í júní, júlí og ágúst, en yfir vetrartímann, á laugardögum frá kl 11:30-17:00.

Sveitasetrið Hofsstöðum er fjölskyldurekið sveitahótel staðsett á kyrrlátum stað í fallegu umhverfi við bakka Héraðsvatna með útsýni til lands og sjávar.
Sveitasetrið býður upp á 30 notaleg 26 fm herbergi með baði og verönd. Einnig eru í boði 3 herbergi með baði í bændagistingu á Hofsstöðum. Á Sveitasetrinu er veitingastaður þar sem eigin framleiðsla og hráefni úr heimabyggð er í fyrirrúmi.

Hér er hægt að dvelja og njóta kyrrðarinnar sem sveitin hefur uppá að bjóða með alla þjónustu og afþreyingu í Skagafirði innan seilingar.
Sveitasetrið er við veg nr. 76 aðeins 18 km frá þjóðvegi 1.

Afþreying í Skagafirði er fjölbreytt og áhugaverð, svo sem söfn, sýningar, sundlaugar, hestasýningar, bátasiglingar, golf, skíðasvæði, gönguleiðir o.fl. (www.visitskagafjordur.is )

Hlökkum til að taka á móti ykkur.

Gistiheimilið er staðsett í fögru og friðsælu umhverfi á Mjóeyri, rétt utan við þéttbýlið við Eskifjörð. Húsið er nýlega innréttað, var byggt árið 1895 og ber merki gamalla og nýrra tíma. Við leggjum áherslu á hlýlegt og heimilislegt andrúmsloft.

Stórkostlegt útsýni er út Reyðarfjörð, inn Eskifjörð, yfir Hólmanes og Hólmatind. Hægt er að fá morgunmat og kvöldmat ef pantað er með fyrirvara. Boðið er upp á gistingu í fjórum, eins til tveggja manna herbergjum með sameiginlegum eldhúskrók, setustofu með sjónvarpi og góða hreinlætissaðstöðu. Útvarp og sjónvarp er í öllum herbergjum. Reyklaust umhverfi er innandyra. Stór sólpallur er við innganginn á neðri hæð og þaðan er einnig gengið inn í morgunverðarsal.

Ferðaþjónustan á Mjóeyri býður einnig upp á fimm 39m2 smáhýsi. Húsin eru klædd að innan með panil og á gólfi er parket, hvert hús er með verönd og á efri hæð eru svalir með frábæru útsýni. Hvert hús rúmar 4-6 manns. Í setustofu er sjónvarp og útvarp með geislaspilara. Eldhúsið er úbúið með örbylgjuofni, ísskáp, hraðsuðukatli og pressukönnu auk áhalda og borðbúnaðar. Í setustofunni er sófi sem auðvelt er að breyta í þægilegt tvíbreitt rúm. Á efri hæðinn er eitt herbergi með 2 rúmum og svefnloft með pláss fyrir 2-3 persónur. Baðherbergið er á neðri hæðinni. Á Mjóeyri er einnig baðhús með heitum potti og sauna. Þá eru þrjú nýbyggð 24m2 og tvö 29m2 hús. Þau eru með 2x90cm rúm á neðri hæðinni, eldunaraðstöðu, baðherbergi með sturtu og svefnlofti. Fínt fyrir tvo til fjóra gesti.

Öll húsin eru með aðgangi að interneti. 

Í næsta nágrenni Mjóeyrar er Randulffssjóhús sem er opið frá kl 12-21 alla daga sumarsins. Þar er matseðil bæði í hádeginu og á kvöldin og kaffimatseðil yfir daginn. Svo er auðvitað hægt að panta fyrir hópa á öðrum tímum. Í Randulffssjóhúsi starfa lærðir kokkar sem leggja mikla áheyrslu á ferskan mat úr nágrenninu. 

http://www.mjoeyri.is

Hjarta Reykjavíkur slær enn í miðbæ borgarinnar, þar sem Geiri Smart fagnar bæði sérvisku og fágun.

Við beygjum okkur ekki undir neinar reglur þegar kemur að matargerð heldur helgast valið af framleiðslu bænda hverju sinni. Tækifærin birtast þegar innblásturinn ræðst af vörunni. Sjálfbærni er Íslendingum í blóð borin en við þurfum þó stöku sinnum að sækja út fyrir landsteinana. Hvaðan sem hráefnin koma eru það alltaf gæðin sem stýra hraðanum.

Við stýrum stefnunni.

Húrra! Húrra! Húrra!

Velkomin á Geira Smart Restaurant.

Jóhann Helgi Jóhannesson kokkur og kona hans Ragnheiður Helen Eðvarðsdóttir reka Restó.

Jóhann Helgi er reyndur kokkur og hefur staðið vaktina í Ostabúðinni að Skólavörðustíg, á La Primavera, Við Tjörnina og víðar undanfarin ár. 
Jóhann hefur byggt upp góðan orðstír fyrir gæða eldamennsku en hádegiseldhúsið í Ostabúðinni hefur verið eitt það vinsælasta í borginni.

Kokkurinn leggur áherslu á fiskrétti og er boðið upp á úrval rétta sem nostra við bragðlaukana. Ferskleikinn er í fyrirrúmi og leggur kokkurinn áherslu á hráefnin og töfrar fram ævintýralega rétti. Kjöt og grænmetisréttir eru einnig á matseðlinum, fyrri þá sem það kjósa. 

Jóhann Helgi og Ragnheiður hafa nostrað við veitingastaðinn. Umhverfið er hlýlegt og huggulegt og er lögð áhersla á vinalega og góða þjónustu. 

En alltaf er maturinn í fyrirrúmi á Restó og ætti enginn að vera svikinn.

Serrano býður uppá ferskan og hollan mexíkóskan skyndibita.

Opnunartími
Mánudaga til fimmtudaga
10:00 – 01:00
Föstudaga
10:00-04:00
Laugardaga
11:00-04:00
Sunnudaga
12:00 – 01:00

Vorið 2013 opnaði ferðamannafjósið í Efstadal veitingastað og ísbúð, þar sem fyrir var gistiheimili og mjólkurbú. Þar geta gestirnir fylgst með sveitastörfum, séð kýr og kálfa í sínu daglega umhverfi og fylgst með þegar verið er að framleiða hinar ýmsu mjólkurafurðir, svo sem ís, skyr, fetaost.

Hægt er að setjast niður á kaffihúsinu Íshlöðunni og gæða sér á nýbakaðri vöfflu og heimagerðum ís, kaffi og köku, eða fengið sér máltíð á veitingastaðnum Hlöðuloftinu á annarri hæð hússins þar sem þemað er „Beint frá býli“ og notast er við afurðir frá bænum og úr nágrenninu. Verið velkomin að koma og fylgjast með fjölskyldunni að störfum!

Opnunartíma má sjá á facebook síðu Efstadals

Hestaleigan opin maí – september.  

Hótelið hefur í heild til umráða 42 herbergi. 18 herbergi búin öllum helstu þægindum, baðherbergi, síma og sjónvarpi. Einnig býður hótelið uppá 24 herbergi með handlaug. Mjög góð aðstaða er fyrir svefnpokahópa. Sturtur og sauna eru í kjallara gamla hússins.
Byggð hefur verið viðbygging við hótelið sem tekin var í notkun í júní 1999. Viðbyggingin er um 740 m2 sem skiptist í 250 m2 samkomusal og 18 tveggja manna herbergi með baði.

Hótelið býður uppá þrjá veitingasali. Nýr veitingasalur tekur 250 manns í sæti, gamli veitingasalurinn tekur um 40 manns í sæti og bar hótelsins tekur 50 manns í sæti.

Mjög fjölbreyttur og góður matseðill er í gangi yfir sumarmánuðina. Sérstök áhersla er lögð á sjávarrétti úr glænýjum fiski, helst frá fiskimönnum staðarins.

Fjögur sumarhús eru á lóð hótelsins auk þriggja íbúða til leigu.

Starfsfólk okkar er vingjarnlegt og lipurt og gerir sitt besta til þess að gestum okkar geti liðið vel á meðan á dvöl þess stendur í þessu fallega fjalla- og fjarðahéraði.

Hannesarholt er menningarheimili, opið öllum, þar sem fara saman matur, menning og saga. Hannesarholt er sjálfseignarstofnun, ekki rekin í hagnaðarskyni, í sögufrægu húsi sem var síðasta heimili Hannesar Hafstein. Húsið var byggt árið 1915, á fyrstu árum nútímans, þegar helmingur þjóðarinnar bjó í torfhúsum. Matargerð - allt unnið á staðnum úr bestu fáanlegu hráefnum, með umhverfissjónarmið að leiðarljósi. Matur í hádegi 6 daga vikunnar (nema mánudaga), kvöldverður á undan viðburðum. Í Hannesarholti býðst matur, bókmenntir, tónlist, myndlist, saga og samfélag.

Lemon býður upp á ferskustu djúsa landsins & sælkerasamlokur en þú getur auðvitað líka fengið hollan og góðan hafragraut, ljúffeng salöt, gríska jógúrt, ávexti í boxi ofl.

Ferskasta hráefnið hverju sinni. Það er mantran okkar hjá Lemon og við víkjum aldrei frá henni.

Rekstur fyrirtækisins samanstendur af gistihúsi (10 gistiherbergi), veitingastað (fyrir 50 manns) og hinsvegar móttöku á móti hópum bæði íslenskum og erlendum í fyrirlestur um íslenskan mat, matarhefðir með sögulegri tengingu við sögu Íslands. Gestir er einnig boðið að borða máltíð 2ja - 3ja rétta með lykilhráefnum úr íslenskri matarsögu.

Einnig er boðið upp „foodwork-shop“, þar sem gestir/hópurinn fer saman út í náttúruna að veiða fisk, tína jurtir, taka upp grænmeti og matjurtir í matjurgargarði sem tilheyrir rekstrinum. Með leiðsögn elda gestirnir úr hráefnunum og borða afraksturinn.

Fyrirtækið er skilgreint sem upplifunarferðaþjónusta.

Hægt er að panta gistingu og aðra þjónustu í gegnum heimasíðu fyrirtækisins 

www.brimslod.is

Einnig er hægt að panta gistingu í gegnum bókunarsíðuna www.booking.com

Eigendur fyrirtækisins eru: Inga Elsa Bergþórsdóttir, framkvæmdarstjóri og Gísli Egill Hrafnsson. 

Bæði menntaðir leiðsögumenn með mikla og langa reynslu að baki í því starfi. 

Einnig hafa þau gefið út og samið fjölda af matreiðslubókum  fyrir íslenskan og erlendan markað á íslensku, ensku, frönsku, flæmsku og þýsku. 

Þau hafa hlotið fjölda viðurkenninga fyrir bækur sínar s.s. tilnefningar til íslensku bókmennarverðlaunanna, til verðlauna Hagþenkis og til alþjóðlegru „Gourmand“ verðlaunanna.

Á heimsíðu fyrirtækisins er hægt að sjá myndir og þá aðstöðu sem fyrirtækið hefur upp á að bjóða.

Hjá Höllu er í suðurbyggingu flugvallarins, við C hliðin og því opin öllum hvort sem ferðinni er heitið til Evrópu eða eitthvert annað. 
Stutt er í öll brottfararhlið frá þessum stað og því tilvalið að setjast þar niður áður en farið er í flug
Við erum með eldofn á staðnum og bjóðum því upp á eldbakaðar pizzur sem tekur örstuttan tíma að útbúa
Einnig erum við réttina okkar í kælinum þ.e. samlokur, salöt, djúsa, boosta og margt annað hollt.

Aurora Restaurant er fullkomin viðbót við Icelandair hótel Akureyri. Staðurinn tengir öll almenn rými hótelsins mjög vel saman og er hann einkar þægilegur og notalegur. 

Ljósmynd af tignarlegum norðurljósum yfir Súlum, bæjarfjalli Akureyringa, eftir ljósmyndarann Gísla Dúa Hjörleifsson setur mikinn svip á rýmið og eldstæði prýðir einnig staðinn sem eykur á hlýleikann. 

Á matseðlunum úir og grúir af einstökum gómagælum, samansettum úr því besta sem norðlenska matarkistan hefur uppá að bjóða.

Einstakur staður fyrir notalega kvöldstund.

-

Á hverjum degi bjóðum við uppá rétti dagsins á afar hagstæðu verði.

Við bjóðum þig velkominn á vín og veitingastaðinn Scandinavian á Laugavegi 22a.

Þetta er “cozy” fjölskyldurekinn staður í hjarta miðborgarinnar. Við bjóðum uppá úrvals rétti sem tengja má Íslandi og hinum Norðurlöndunum sem og einstakra Evrópuþjóða.

Matreiddir á íslenskan hátt úr fyrsta flokks íslensku hráefni. Það er von okkar að þið eigið hjá okkur ánægjulega stund og njótið góðra veitinga í fallegu umhverfi. Fjölbreyttur matseðill á mjög hagstæðu verði.

Serrano býður uppá ferskan og hollan mexíkóskan skyndibita.

Opnunartími
Mánudaga til laugardaga
10:00 – 21:00
Sunnudaga 
12:00 – 21:00

Hótel Vík í Mýrdal er eitt af virtustu gististöðum á suðurlandi. Með stílhreinri hönnun er það með flottari nútíma hótelum landsins. Hótel Vík í Mýrdal dregur mikið stolt af góðri þjónustu og frábæri staðsetningu. Hótelið er staðset aðeins hálfum kílómeter frá svörtu fjörunni og er frábært sjávarútsýni úr herbergjum okkar. Í norður hluta hótelsins er einstakt kletta útsýni sem erfitt er að finna annars
staðar á Íslandi. Hótelið er fjölskyldurekið af heimamönnum sem vilja einungis tryggja að gestir fái sem bestu upplifun þegar þeir heimsækja Vík.

Höfnin er fjölskyldurekinn veitingastaður sem Brynjar og Elsa settu upp árið 2010. Sérstaklega var hugað að því að viðhalda tíðaranda og „sál“ hússins sem er mikil en sægrænu húsin við Suðurbugtina eru byggð á árunum kringum 1930 og þjónuðu hér sem beitningaskúrar og netageymslur fram yfir aldamótin síðustu.

Synirnir hafa verið með, ýmist í eldhúsi eða sal.  Logi stjórnar eldhúsinu með aðstoð föður síns og annars afburðarfólks sem sér um að gestum líði vel. Brynjar og Logi eru báðir matreiðslumeistarar og Elsa er „kolde jomfru“ sem lærði fræðin í Danmörku.  Andri útskrifaðist síðan í framreiðslu frá Höfninni og Hótelskólanum 2015.  Sterk tenging fjölskyldunnar til sjómennsku laðaði þau Brynjar og Elsu að þessum stað sem til stóð að rífa en hrunið mikla bjargaði því.

Í dag eru á svæðinu fjöldi veitingastaða og verslana sem byggst hafa upp á allra síðustu árum í bland við smábáta og trillukarla færandi fiskinn heim beint fyrir framan veitingastaðinn. Er hér til orðið nánast nýtt hverfi í miðborg Reykjavíkur sem hundruðir ferðamanna og annarra sækja daglega.

Höfnin er á tveim hæðum og tekur um 100 gesti í sæti og býður einnig ævintýralegt útsýni yfir smábátahöfnina, atvinnustarfsemina og mannlífið sem því fylgir, Esjuna og Faxaflóann.

Á Höfninni er lögð áhersla á klassískan íslenskan mat sem færður er í nútíma búning og meðal vinsælla rétta eru skelfisksúpan sem fræg er orðin, bláskelin, plokkfiskurinn bleikjan og íslenska lamba- og nautakjötið. Útisvæðið okkar er eitt hið allra besta á svæðinu og frábært að njóta þar í mat og drykk.

Fjölskyldan býður gesti sína velkomna í von um að þeir upplifi nútímann í samt klassískum íslenskum mat framsettum af meistarahöndum.

Höllin veitingahús er lítill, kósý veitingastaður staðsettur í Ólafsfirði. Tveir matsalir, bar og útisvæði. Tilvalið er að halda fundi og einnig veislur.

Við bjóðum uppá flottan og fjölbreyttan matseðil. Tilvalið að kíkja í heimsókn ef fólk heimsækir Tröllaskagann.

Verið velkomin. 

Hótel Staðarborg er glæsilegt, nýlegt  30 herbergja hótel í Breiðdal í Suður-Múlasýslu, aðeins 7 km. frá Breiðdalsvík. Hér er um að ræða endurnýjað skólahúsnæði er rúmar 54 gesti í 30 rúmgóðum herbergjum með sér baði og sjónvarpi, auk svefnpokaplássa. Hótelið er við þjóðveg nr. 1 í 625 km fjarlægð frá Reykjavík og um 100 km frá Seyðisfirði, sem gerir hótelið að ákjósanlegum áningarstað fyrir þá sem ferðast með bílferjunni Norrænu. Afþreying er fjölbreytt á svæðinu og við allra hæfi í fögru umhverfi.

Hótel Staðarborg var opnað sumarið 2000 í Breiðdal.
Í veitingasal er framreiddur morgunverður, hádegisverður og kvöldverður auk þess sem hægt er að fá kaffi og meðlæti allan daginn.
Á lóðinni eru tjaldstæði og heitur pottur gestum til afnota.

Á Fresco finnur þú fjölbreytt úrval af gómsætum salötum, vefjum og mána sem hjálpa þér að takast á við heilbrigðan og ferskan dag. Allar okkar sósur eru gerðar frá grunni af ást sem gleðja þína bragðlauka.
Fáðu þér ljúffenga og ferska máltíð.

Hótel Örk er glæsilegt fjögurra stjörnu hótel staðsett í Hveragerði, um 45 km frá Reykjavík. Á hótelinu má finna björt og vel innréttuð herbergi, allt frá standard upp í glæsilegar svítur sem tryggja ánægjulega og eftirminnilega dvöl í fallegu umhverfi.

Gestir hafa aðgang að útisundlaug, veitingastað, heitum pottum, gufubaði, golfvelli og afþreyingarherbergi. Hótelið býður einnig upp á fyrirtaksaðstöðu fyrir árangursríka fundi, veislur og aðra mannfagnaði.

HVER Restaurant er vinsæll veitingastaður í sama húsi og hótel Örk þar sem lögð áhersla er á góða og persónulega þjónustu. HVER er með fjölbreyttan a la carte matseðil sem og matseðil fyrir hópa og hentar því vel fyrir alla. Á HVER Bar gefst fólki færi á að slappa af eftir amstur dagsins og njóta góðra drykkja.

Opið er allt árið. Verið velkomin!

Ferskur fiskur á hverjum degi auk þess sem grillið er alltaf heitt. Afslappandi andrúmsloft fyrir alla fjölskylduna þar sem hægt er að fá sér kaffibolla eða kaldan á krana. Veitingastaðurinn er í göngufæri við höfnina.

Í rúma tvo áratugi hafa gestir Austur-Indíafjelagsins notið ekta indversks matar í hlýlegu og notalegu umhverfi. Á tuttugasta afmælisárinu tók staðurinn algjörum stakkaskiptum m.a. með glæsilegum bar og rými fyrir einkasamkvæmi.  Sem fyrr er það besta úr indverskri matargerð á boðstólum. Verið velkomin í  stórglæsilegt Austur-Indíafjelag.

Verslunin er staðsett milli Siglufjarðar og Hofsós, umkrind fallegu útsýni og sveitabýlum. Í útibúi KS að Ketilási í Fljótum er að finna bæði verslun olíuafgreiðslu (aðeins diesel). Skyndibiti er seldur frá júní til miðjan ágúst. Við bjóðum upp á Pylsur, hamborgarar, franskar og pizzur. 

Serrano býður uppá ferskan og hollan mexíkóskan skyndibita.

Opnunartími
Mánudaga til laugardaga
11:00 – 21:00
Sunnudaga
12:00 – 21:00

Gló býður upp á ferska rétti frá hádegi til kvölds. Á matseðlinum er að finna skálar, vefjur, borgara, kjúklingarétti, lasagna, súpu og úrval af girnilegum hollum eftirréttum. Réttirnir eru búnir til úr ferskasta hráefni sem til er hverju sinni og alltaf eru í boði ljúffengir valkostir fyrir þá sem forðast glúten eða eru grænmetisætur og vegan, einnig er Gló á laugavegi 100% vegan. Á matseðlinum er einnig hágæða kaffi, te, kökur og hráfæðisdesertar.

Skálakot Manor Hotel er 14 herbergja lúxus hótel með veitingastað í fallegu um hverfi í hjarta Suðurlands. Í Skálakoti leggjum við áherslu á vinalegt og hlýlegt umhverfi í fallegri og stórbrotinni náttúru.
Stutt í marga af vinsælustu ferðamannastöðum á Suðurlandi og fjölbreytt afþreying í boði á svæðinu.

Magma Hotel og Bistro 1783 er staðsett í Landbroti, um 3 kílómetra frá Kirkjubæjarklaustri. Við bjóðum upp á 25 rúmgóð herbergi í nútímalegum stíl. Útsýnið frá herbergjunum er magnað, þar sem horft er yfir stórbrotið umhverfi í kringum hótelið: vatn, hraun, fjöll og jökla.

Hótelið tók á móti sínum fyrstu gestum sumarið 2017 og hefur fengið gríðarlega góð viðbrögð. Það er óhætt að segja að Magma Hotel sé á topp 10 yfir bestu hótel Íslands, sé tekið mið af endurgjöfum viðskiptavina á TripAdvisor og Booking.com.

Veitingastaður Magma Hótels, Bistro 1783 er skírður eftir árinu er gosið í Lakagígum hófst. Útsýnið frá veitingastaðnum er einstakt og höfum við lagt áherslu á að skapa þægilega og afslappaða stemmningu. Matseðillinn er ekki stór en við mætum þörfum allra með sveigjanleika og þjónustulund. Það sem við bjóðum upp á er gert úr fersku gæðahráefni og lögð er áhersla á að sem mest komi frá nærumhverfi hótelsins.

Finndu okkur á Facebook hér
Finndu okkur á Instagram hér
Finndu okkur á TripAdvisor hér
GPS: 63.7847° N, 18.0150° W

Upplifðu tælenskan mat „thai street food“ hjá okkur í Thai kitchen eins og hefð er fyrir í Thailandi.

Thailenskur veitingastaður með hlaðborð alla virka daga í hádeginu og fjölskyldutilboð alla daga til að taka með. Fjölbreyttur matseðill (thai street food).

Heimabyggð er umhverfisvænt, grænkera kaffihús í hjarta Ísafjarðar. Kaffihúsið gefur frá sér litríkan og hressandi sjarma þar sem lykt af nýbökuðu súrdeigsbrauði, bakkelsi og fyrsta flokks kaffidrykkjum umvefur þig í. Á matseðli eru réttir sem henta öllum sem gerðir eru frá grunni í eldhúsi kaffihússins og á hverjum degi er nýr réttur dagsins. Á kvöldin er svo gott að tilla sér, hlusta á góða tónlist með einum köldum og popp á kantinum.   

Hótel Capitano er lítið og hlýlegt hótel í nýlega endurgerðu aldargömlu húsi í Neskaupstað, hið næsta sjávarsíðunni. Hótelið -annað tveggja 3ja stjörnu hótela á Austurlandi -  er rekið af fyrrum skipstjóra í þessum mesta fiskveiðibæ Íslands. Þegar færi gefst er unnt að slást í för með honum í strandveiði af bryggjunni.

Hótel Capitano býður 10 vel búin herbergi og veitingar í sal með sjávarsýn. Hið næsta hótelinu má komast í sundlaug, heita potta og líkamsrækt. Neskaupsstaður hefur flest að bjóða sem finna má í íslensku þéttbýli og freistandi gönguleiðir til helstu átta.

Ali Baba er sýrlenskur matsölustaður sem býður upp á  Shawerma , kebab, grill, pítsur og margt fleira

Vinsamlegast hafið samband fyrir frekari upplýsingar.

Hótel Frón er notalegt hótel við Laugaveg 22a í Reykjavík með 96 herbergjum. Hótelið er á fjórum hæðum með lyftu og geta gestir valið um ýmsa gistimöguleika: eins- og tveggjamanna herbergi, stúdóíbúðir eða stærri íbúðir. Í öllum herbergjum er snyrting, mínibar, sími, sjónvarp og öryggishólf. Allar íbúðir eru með eldhúsaðstöðu, ískáp, örbylgjuofni og helluborði. Hótelið býður upp á þráðlausa internettengingu, fundaraðstöðu og DVD spilara. Á jarðhæð hótelsins er glæsilegur veitingastaður þar sem morgunverður, hádegis- og kvöldverður er framreiddur.

Fyrsti KFC-staðurinn á Íslandi var opnaður í Hafnarfirði í október 1980, þannig að sagan spannar nú yfir 30 ár. Staðirnir eru 8 alls; í Hafnarfirði, Kópavogi, Reykjavík,
Selfossi, Reykjanesbæ og Mosfellsbæ.
Í gegnum tíðina hafa staðirnir tekið á móti fallegu og frábæru fólki. Við höfum heyrt fólk hlæja, eiga góðar stundir og fundi við vini og samstarfsfélaga. Við kunnum að meta
hverja einustu mínútu og þess vegna höfum við raðað saman myndum af frábærum stundum á KFC.

Á fallegum stað í eldri bæjarhluta Borgarness liggur friðsæl og falleg vík sem heitir Englendingavík. Þar ríkir ró og friður sem eingöngu er rofinn af fuglasöng og sjávarnið. Í gömlu kaupfélagshúsunum í víkinni var stunduð verslun til fjölda ára en nú hýsa þau veitingastaðinn og gistiaðstöðuna Englendingavík ásamt Leikfangasafni Soffíu .

Veitingahúsið Englendingavík

Í veitingahúsinu Englendingavík er lagt upp með afslappað og notalegt andrúmsloft í anda gömlu húsanna í víkinni. Boðinn er fjölbreyttur matseðill með áherslu á fisk og lamb. Í sumar er opið frá 13:00-21:00 alla daga. 

Sjálfsagt er að taka á móti hópum alla daga.

Úr veitingahúsinu er afar fallegt útsýni út á sjóinn og nærliggjandi eyjar og sker sem iða af fuglalífi og gaman er að fylgjast með flóði og fjöru úr veitingasalnum. Einnig er pallur fyrir sunnan húsið, þar sem lognið dvelur þegar norðan- og norðaustan áttir ríkja. Þar er notalegt að sitja í sólinni og njóta matar og drykkjar í góðum félagsskap.

Gistihúsið Sjávarborg
Við víkina stendur einnig heimagistingin Sjávarborg, í bárujárnsklæddu húsi sem byggt var 1890 og stendur alveg við sjávarsíðuna. Sjávarborg býður uppá heimilislega gistingu, þar sem hægt er að velja á milli fjögurra manna fjölskylduherbergis og fjögurra tveggja manna herbergja, allt í uppábúnum rúmum með sameiginlegu baðherbergi.

Andrúmsloftið er afslappað á Sjávarborg, aðgangur að eldhúsi og setustofu og auðvitað þráðlausri nettengingu. Við viljum benda gestum okkar góðfúslega á að Sjávarborg er gamalt hús með sál, brakandi gólfum og því nokkuð hljóðbært ef margir eru á ferli á sama tíma. Þetta hefur þó sannarlega ekki komið í veg fyrir góða hvíld og nætursvefn gesta og efumst við ekki um að gestir okkar eigi hjá okkur notalega stund.

Við hlökkum til að sjá ykkur og munum taka vel á móti ykkur, hvort sem um er að ræða einstaklinga, fjölskyldur eða minni og stærri hópa.

Heimahumar er matarvagn sem staðsettur er við eina af perlum Íslands, Jökulsárlón. Þar er boðið upp á humar, pylsur og Bulsur ásamt drykkjum. Dásamlegt að gæða sér á ljúfmeti í fallegu umhverfi.

Thaílenskur veitingastaður

Paddy's er frekar óhefðbundinn írskur bar í hjarta Keflavíkur. Paddy's býður upp á svalandi drykki, lifandi tónlist, pub quiz, íþróttir í beinni og strandblak í bakgarðinum. 

Messinn er lítill sjávarréttarstaður, staðsettur í hjarta Reykjavíkur. Við sérhæfum okkur í fersku sjávarfangi sem við bjóðum upp á í hádeginu og á kvöldin, alla daga vikunnar. Sérréttir Messans eru vafalaust fiskipönnurnar okkar, en á þeim berum við fram nýeldaðan fisk beint úr eldhúsinu, ásamt smjörsteiktum kartöflum og grænmeti sem bráðnar í munni — fullkomið til að deila. Komdu og njóttu þess að borða ljúffengt og spriklandi ferskt fiskmeti í hlýlegu umhverfi.

Við hlökkum til að sjá þig.

DILL var stofnað árið 2009 og hefur síðan þá haft það markmið að færa öllum sínum gestum einstaka og eftirminnilega upplifun.

Frá upphafi höfum við einblínt á að kanna nýjar aðferðir og uppskriftir á okkar gömlu réttum og hefðum sem vekur svo nýtt líf á disknum og gleður gestsins hjarta.

Gunnar Karl Gíslason ræður ríkjum á DILL, tilbúinn til að nýta hvað sem finnst í fjörum okkar, landi og sjó. Skila því svo á disk í formi rétta, jafn misjöfnum og veðrið.

Á DILL leggjum við upp með að virða öll þau hráefni sem til okkar koma, jafnt stór sem smá. Hver hlutur grípur athygli okkar og við gerum allt til að nýta hann.

Það er á ábyrgð okkar allra að passa upp á umhverfið okkar og DILL er svo sannarlega engin undantekning frá því. Við erum öll með fullan fókus og ekki bara ætlum við að vera góð, við ætlum að bæta okkur á hverjum degi. Umhverfið skiptir okkur öllu.

Krisp er nýleg viðbót við veitingaflóruna á Selfossi. Krisp er í eigu Sigurðar Ágústssonar, fyrrum meðlims íslenska landliðsins, og konu hans Birtu Jónsdóttir. Vel þess virði að kíkja við.  

Flame er veitingahús og bar þar sem ferskleiki, gæði og upplifun eru í fyrirrúmi. Hugmyndin er innblásin af Japönsku matargerðinni Teppanyaki.

32 sæta sérsmíðað Teppanyaki borð, eitt af stærstu matreiðsluborðum Íslands. Teppanyaki mestari okkar mun búa til stóra elda og sýna alls konar listir meðan hann eldar matinn fyrir framan þig með kúnstir sínar. Einstök upplifun í hjarta Reykjavíkur.

Hamborgari er ekki það sama og hamborgari

Við viljum að fólki á öllum aldri finnist gaman að koma á Fabrikkuna. Þess vegna leggjum við hjarta okkar og sál í að veita lifandi og skemmtilega þjónustu og töfra fram hágæðamat úr hágæðahráefni. Hjartað í matseðli Hamborgarafabrikkunnar eru fimmtán ferkantaðir hamborgarar. Þar er líka að finna frábæra forrétti, fersk salöt, himnesk grísarif í bland við spennandi forrétti og eftirrétti. Á hverju ári bryddum við uppá nýjungum og eru árstíðaborgararnir okkar löngu orðnir vinir íslenskra hamborgaraunnenda, Rúdolf, Heiðar og Páskalamborgarinn. Hamborgarakjötið okkar er úr hæsta gæðaflokki og sent ferskt á alla staði. Brauðið er sérbakað af Myllunni, Bernaisesósan er hrærð uppá gamla mátann á hverjum morgni og nachosið er handlagað og steikt á staðnum. Allar sósurnar okkar eru framleiddar sérstaklega fyrir Fabrikkuna. Hamborgari er nefnilega ekki það sama og hamborgari. Á Fabrikkunni meðhöndlum við hamborgarann eins og stórsteik. Af þeirri virðingu sem hann á skilið. Hamborgarafabrikkan á Akureyri er stödd á jarðhæð hins sögufræga Hótel kea - í hjarta miðbæjarins.

Shake & Pizza er eins og nafnið gefur til kynna pizzastaður sem sérhæfir sig í pizzum og shake-um. Við erum að tala einstakt úrval mjólkurhristinga sem ögra öllum viðmiðum og útpældar og vandaðar pizzur úr hágæðahráefni. Við eigum til að mynd fjórðu bestu pizzu í heimi sem heitir "Beikonsultupizzan"!

Langabúð er reist á grunni eldra húss og þar sem Langabúð stendur hefur verið verslun frá árinu 1589 er Þýskir kaupmenn frá Hamborg hófu verslunarrekstur á Djúpavogi.

Langabúð hýsir safn Ríkarðs Jónssonar, ráðherrastofu Eisteins Jónssonar og minjasafn. Þar er einnig rekið yndælis kaffihús ásamt minjagripasölu.

SKÝ Restaurant & Bar er veitingastaður staðsettur í miðborg Reykjarvíkur, nánar tiltekið á 8. hæð og janframt efstu hæð á Center Hotels Arnarhvoll.

Á veitingastaðnum er að finna ljúffenga rétti, skemmtilega drykki og notalegt andrúmsloft.  Frá veitingastaðnum er einstakt útsýni bæði yfir miðborg Reykjavíkur og Faxaflóann þar sem fjallasýnin er stórbrotin.  Veitingastaðurinn er hannaður á nýtískulegan máta en um leið hlýlegan máta með stórum gluggum og aðgengi út á stóra verönd þar sem fyrir eru borð og stólar þannig að hægt er að njóta veitinganna úti við með óhindrað útsýni.

Við tökum fagnandi á móti hópum, allt að 80 manns og erum með sérsniðin hópmatseðil fyrir bæði smærri og stærri hópa.  Einnig bjóðum við upp á sér sýningarseðil sem skemmtilegt er að nýta áður en farið er á tónleika í Hörpu þar sem nálægðin við tónleikahúsið er mikil. 

Happy Hour er í boði alla daga frá 16:00 - 18:00 

Sirka er heimilislegur matsölustaður í Gnoðarvogi 46. Nýir réttir á hverjum degi og bjór á góðu verði. Allt Sirka eins og það á að vera. Hlökkum til að sjá ykkur!

Brúarás er glæsilegt veitinga-og samkomuhús steinsnar frá Hraunfossum í Borgarfirði. Í boði eru fjölbreyttar veitingar og áhersla er lögð á að nota hráefni beint frá býli. Þar er jafnframt starfrækt upplýsingaþjónusta og verslun með handverk, fatnað og minjagripi. Náttúran allt í kring og nálægðin við margar helstu náttúruperlur Vesturlands gerir Brúarás að einstökum viðkomustað og ákjósanlegum vettvangi fyrir margvíslegar veislur og viðburði. 

Opið daglega á sumrin, á veturnar opið eftir samkomulagi fyrir hópa.

Durum er veitingastaður í hjarta miðbæjarins, lítill en huggulegur staður þar sem gott er að sitja í ró og næði. Okkar áhersla er að bjóða upp á einfalda og bragðgóða rétti úr besta hráefni á viðráðanlegu verði.
Verið velkomin, við tökum vel á móti þér og þínum.

Fjölskyldurekinn og umhverfisvænn veitingastaður á skemmtilegum og líflegum stað í borginni, úti á Granda.

Úrvalshráefni og kósy stemmning. 

Galito Restaurant leggur áherslu á úrvals matargerð við allra hæfi og góða þjónustu í notalegu umhverfi.

Opið mánudaga-fimmtudaga frá 11:30-21:00, föstudaga frá 11:30-22:00, laugardaga frá 12:00-22:00 og sunnudaga frá 17:00-21:00.

Amerískur diner í 50´s stíl, eini sinnar tegundar á Íslandi. Boðið er uppá morgunmat alla daga, heimilismat í hádeginu og fjölbreyttan matseðil.

Matseðillinn inniheldur meðal annars hamborgara, djúpsteikta kjúklingabita, kótilettur, ýmsar samlokur og mjólkurhristinga af skemmtilegum gerðum. Skálinn Diner er einnig ein glæsilegasta ísbúð landsins!

Opnunartíminn er frá 08:00 til 22:00

Blackbox er miklu meira en bara geggjaðar pizzur. Blackbox er fjölskylda, vinir, gaman, gleði, njóta, drykkir og dans og uppáhalds pizzan þín er ástríðan okkar. Pizza er nefnilega ekki bara pizza.

Sælkerapizzubotninn okkar er súrdeigs en þú getur líka fengið ketóbotn eða glútenlausan.

Við notum einungis hágæða hráefni. Hráskinkan okkar er skorin fersk á hverja Parma Rucola pizzu, við notum eingöngu ferskan jalapenó og náttúrulegar Miðjarðarhafs ólífur og andalærið okkar kemur frá stórvinum okkar í Kjötkompaní.

Laugarfell er staðsett á austanverðu hálendi Íslands, rétt norðan við fjallið Snæfell. Kárahnjúkavegur liggur nánast að Laugarfelli en afleggjarinn frá veginum að skálanum er tveir kílómetrar og er það eini staðurinn sem ekki er lagður bundnu slitlagi að skálanum. Að sumri til er vel fært að Laugarfelli fyrir allar tegundir ökutækja.

Laugarfell er með gistirými fyrir 28 manneskjur. Tvær heitar náttúrulegar laugar eru við Laugarfell og eru þær samkvæmt gömlum heimildum þekktar fyrir lækningamátt sinn.

Margar skemmtilegar gönguleiðir eru í nágrenni Laugarfells og fjöldi fallegra fossa er í þægilegri göngufjarlægð frá Laugarfelli. Miklar líkur eru á að sjá hreindýr á vappi í nágrenni Laugarfells.

Laugarfellsskáli er opinn frá 1. júní til 30 september.

SAFFRAN býður upp á heilsusamlegan, alþjóðlegan, ferskan og framandi mat sem kryddar sál þína og líkama. Við veljum að mestu íslenskt hráefni í matinn okkar en flytjum einnig inn okkar eigið saffran sem er að okkar mati það besta í heimi. Allt brauð er bakað á staðnum til þess að tryggja gæði og ferskleika. Þá bjóðum við einnig upp á svaladrykki, smúðinga, sósur og krydd til matargerðar.

Við hlökkum til að sjá þig.

Iðnó býður upp á fyrsta flokks veislu- þjónustu við öll tilefni, svo sem brúð- kaup, afmæli, fermingar og þegar bjóða á erlendum gestum upp á það besta í mat og drykk staðsett í einu fallegasta húsi Reykjavíkur. Iðnó og umhverfi þess er alveg einstakt.

Við tökum á móti stærri og smærri hóp- um. Allar veitingar eru frá sælkeraeld- húsi Iðnó sem býður mjög fjölbreyttan matseðil við öll tækifæri.

Í Iðnó leggjum við áherslu á faglega þjónustu. Við önnumst alla umgjörð og skreytingar með þínar óskir í huga svo veislan verði sniðin að þínum þörfum.

Leikhússalurinn rúmar allt að 120 manns í sitjandi borðhald og 300 manns í stand- andi móttökur. Á sumrin er frábært að opna út á pall við Tjarnarbakkann.

Á sumrin er kaffihúsið á fyrstu hæð opið á daginn. Hjartanlega velkomin og njótið að vera á pallinum í góðu veðri.

Í gamla íbúðarhúsinu eru sex herbergi tveggja og eins manna , fyrir 10 manns Í húsinu er setustofa þar sem möguleiki er að laga kaffi og te.

Yfir vetrartímann er opin eldunaraðstaða fyrir gesti í sama rými. Tvö baðherbergi eru í húsinu.

Í fjósinu er 2 x þriggja og 1 xfjögra manna fjölskylduherbergi. Í fjósinu eru 2 snyrtingar.

Við bjóðum einnig uppá morgunmat og kvöldmat, ásamt léttum veitingum yfir daginn í Jóni ríka veitingastaðnum okkar.

Þá erum við einnig með veitingastaðinn og brugghúsið Jón Ríki.

Áfangi er gagnamannaskáli í eigu Húnavatnshrepps.
Á sumrin er rekin ferðaþjónusta sem tekur á móti ýmiskonar hópum s.s hestahópum og gönguhópum. 
Veitingasala er í Áfanga fyrir gesti og gangandi.

Í Áfanga er svefnpokapláss fyrir 32 manns í 8 fjögura mann herbergjum.  Svefnpláss á dýnum í setustofu.  Hægt að fá uppábúin rúm.

Eldhús og borðsalur eru til afnota fyrir næturgesti og hópa.  Aðkeyrsla og dyr beint inn í eldhúsið.
Veitingasala og verslun er í Áfanga.  Boðið er uppá morgunmat, hádegismat, kaffi og kvöldmat.  Súpa og brauðmeti er ávallt til en stærri máltíðir þarf að panta fyrirfram.  Bjór, gos og sælgæti er til sölu.

Í Áfanga er heitur pottur og góð sturtuaðstaða.  
Fátt er betra en hvíld í heitum potti eftir langan ferðadag.

GPS: N65°08,701 W19°44,148 
Aðstaða fyrir hesta, hesthús og hey.

MiniGarðurinn 1900m2 staður með tvo minigolfvelli, veitingastað, sportbar og bar.

- Tveir 9 holu minigolf vellir sem eiga sér enga hliðstæðu á Íslandi.

- 350 manna veitingastaður sem leggur áherslu á spennandi og bragðgóðan mat.

- 150 manna sportbar með nýjustu tækni í hljóði og mynd.

MiniGarðurinn mun taka á móti fjölskyldufólki, barnaafmælum, hópefli
fyrirtækja,vinahópum og saumaklúbbum.

Lifandi DJ‘ar verða á fimmtudags-, föstudags- og laugardagskvöldum.
Mini golf mót, HappyHour og uppákomur.

MiniGarðurinn er staðsettur í Skútuvogi 2, þar sem gamla Vodafone var til húsa. 

Sveitahótelið Heydalur er í 130 km fjarlægð frá Ísafirði og 320 km – 340 km fjarlægð frá Reykjavík eftir því hvaða leið er valin. Veitingasalur, sem er í gamalli hlöðu, rúmar 70 – 100 manns og fundaraðstaða er fyrir 10 – 40 manns. Boðið er upp á gistingu fyrir 59 manns í átta tveggja manna og einu þriggja manna herbergi í flokki 3  og átta tveggja manna og tveimur þriggja manna herbergjum í flokki 4 öll með sér baðherbergjum ásamt þremur sumarbústöðum, annars vegar 10 manna og hins vegar 4 – 5 manna. Gott tjaldsvæði sem er opið frá 1. júní fram í októberlok.

Gnægð afþreyingar er í boði. Lítil sundlaug í suðrænu gróðurhúsi, heitur frumlegur pottur og náttúrulaug vígð af Gvendi góða. Kajak og hestaleiga með leiðsögn við allra hæfi, bæði styttri ferðir og dagsferðir. Veiði í vötnum.   Á veturna snjóþrúgur og gönguskíði. Falleg gönguleið um dalinn sem eitt sinn hýsti 13 bæi. Friðaður birkiskógur. Fjölbreytt  fuglalíf og plöntugróður. Fugla og plöntuspjöld eru til fróðleiks.

Veitingasalurinn er öllum opinn. Boðið er upp á fjölbreyttan matseðil, þar sem áhersla er lögð á mat úr héraði, heimaræktuðu grænmeti og nýveiddan silung úr eigið eldi. Veitingastaðurinn er með vínveitingaleyfi.

Á tjaldsvæðinu er snyrtiaðstaða með heitu vatni, þrjú kvenna og karla klósett og sturtur sitt hvoru megin. Rafmagn fyrir húsbíla og tjaldvagna. Leiksvæði bæði fyrir börn og unglinga. Frábært umhverfi  til göngu og leikja í kjarrinu.

Hleðslustöð fyrir rafmagnsbíla

Gisting:  3 hús, 19 herbergi, 59 rúm

Árnanes ferðaþjónusta býður upp á hestaferðir og útsýnisferðir fyrir einstaklinga og litla hópa.

Vinsamlegast hafið samband vegna verðlista, ferða og bókana.

Hótel Holt er fyrsta flokks fjögurra stjörnu hótel í hjarta borgarinnar. Hótelið, sem byggt var af hjónunum Þorvaldi Guðmundssyni og Ingibjörgu Guðmundsdóttur, var opnað árið 1965 og hefur verið í eigu fjölskyldunnar síðan. Það hefur allt frá upphafi verið þekkt innanlands sem utan fyrir gestrisni og hlýju, notaleg herbergi og framúrskarandi þjónustu. Á hótelinu eru 42 herbergi, þar af fjórar svítur. Herbergin eru innréttuð í sígildum stíl og búin öllum helstu nútíma þægindum. Hótel Holt er einstakt  á sína vísu, en það státar af stærsta einkasafni íslenskrar myndlistar sem prýðir bæði sali og herbergi hótelsins.

Akureyri Backpackers er staðsett í hjarta Akureyrar, við sjálfa Göngugötuna.  Stutt er í alla þjónustu, en helstu kaffihús og veitingastaðir bæjarins eru í göngufjarlægð og Sundlaug Akureyrar er einungis í 500 m fjarlægð. Þá er Menningarhúsið Hof handan við hornið og hinn landsfrægi tónleikastaður Græni hatturinn er við hliðina á Akureyri Backpackers.

Hægt er að velja um sameiginleg herbergi í svefnpokaplássi eða tveggja manna herbergi.  Sameiginlegar snyrtingar eru á öllum hæðum og sturtuaðstaða er í kjallara.

Á jarðhæð er svo ferðamiðstöð ásamt veitingastað og bar þar sem hægt er að njóta léttra veitinga.

• Morgunverður
• Uppábúin rúm
• Eldhús og grillaðstaða
• Veitingasala
• Þráðlaust internet
• Sturtur
• Gufubað
• Skíðageymsla
• „Preppaðstaða“ fyrir skíðafólk
• Þvottavélar
• Upplýsingamiðstöð
• Læstir skápar
• Farangursgeymsla
• Hópar velkomni

Bestu kveðjur/Best regards

Akureyri Backpackers staff

Hjá Móður Jörð í Vallanesi er boðið uppá gistingu í íbúð eða í bústað með eldhúskrók og sérbaðherbergi með sturtu. 

Á staðnum er rekið kaffihús (Asparhúsið) og verslun þar sem boðið er uppá staðbundinn morgunmat og máltíðir úr jurtaríkinu frá kl 11 - 19:00 alla daga frá 20. júní til 20. ágúst. Utan þess tímabils er opið alla daga frá 11 - 16:00.

Hægt er að versla ferskt grænmeti sem er lífrænt ræktað á staðnum og forvitnilegar heilsu- og sælkeravörur Móður Jarðar.  Tekið er á móti hópum og sérpöntunum en senda má fyrirspurn á info@vallanes.is.

Hótel Breiðdalsvík er staðsett á Breiðdalsvík, nánast við vegarbrún þjóðvegar eitt. Þar velja gestir úr 39 herbergjum af öllum stærðum með baði, sjónvarpi og síma.

Við bjóðum upp á úrvals ráðstefnu og veisluaðstöðu fyrir allt að 300 manns í sölum sem taka frá 30 - 300 manns í sæti. Á matseðli hótelsins má finna úrval þjóðlegra rétta. Njótið fagurs sjávarútsýnis, sem er rammað inn af klettum, hæðum og einum tignarlegustu fjöllum fjórðungsins.  Breiðdalur er þekktur fyrir veðursæld og ýmsar gönguleiðir sem leiða þig á vit ævintýranna.  Hægt er að veiða í 3 ám í dalnum og á eftir er tilvalið að njóta þess að fara í sauna og slappa af við arininn.  Stutt er í góða sundlaug með heitum potti. 

Travel East Iceland býður upp á úrval afþreyingar í nágrenni Breiðdalsvíkur. 

Fridays í Smáralind er alvöru amerískur veitingastaður! Á matseðli Fridays finnur þú meðal annars sérkrydduð og hægelduð rif, eldgrillaða hamborgara, kjúklinga fajitas og ljúffenga smárétti með heimsfrægum sósum. 

Á Fridays er nóg pláss fyrir hópa, skjávarpar og flatskjáir víðsvegar um staðinn og því frábær staður til að horfa á íþróttaviðburði. Á Fridays er alltaf föstudagur og alltaf fjör og mikið lagt upp úr því að andrúmsloftið sé ferskt, skemmtilegt og afslappað.

Ef þú vilt alvöru amerískan mat, bjór, kokteila og góða þjónustu í skemmtilegri stemningu er Fridays staðurinn fyrir þig.

Mandi var stofnað árið 2011. Mandi var lengst af eingöngu staðsett í Veltusundi 3 við Ingólfstorg en árið 2019 opnaði Mandi nýjan stað í Skeifunni sem býður upp á sama matseðil og Mandi í Veltusundi. Árið 2020 opnaði svo Mandi enn einn staðinn en sá er staðsettur í Hæðasmára 6 í kópavogi. Mandi býður einnig upp á vinsæla veisluþjónustu á frábæru verði.

Markmið Mandi er að bjóða Íslendingum upp á alvöru sýrlenskan mat á sanngjörnu verði.

Við bjóðum upp á ferskan og hollan mat úr skagfirsku hráefni og viljum að grænkerar jafnt sem sælkerar njóti þess að borða hjá okkur í notalegu andrúmslofti. Kökurnar okkar eru settar saman á staðnum af ást og alúð og kaffið okkar svíkur engan. Gefðu þér góða stund í Gránu.

Nútímalegur veitingastaður og vínbar fyrir sælkera þar sem unnið er með árstíðabundið gæðahráefni.

Kröst leika á strengi tímans til að elda mat í hæsta gæðaflokki. Kokkarnir hjá Kröst taka sér tímann sem þarf svo þú getir notið máltíðarinnar þegar hún er fullkomin.

Happ hefur það að leiðarljósi að stuðla að auknu heilbrigði. Hver og einn getur lagt sína merkingu í orðið heilbrigði en fyrir okkur þýðir það allt sem stuðlar að auknum lífsgæðum, orku og ánægju. Hollur matur úr hreinu hráefni. Alvöru matur, gerður frá grunni í eldhúsi okkar án aukaefna, bragð- og litarefna. Listaverk úr náttúrunni sem gleður augað jafnt sem bragðlaukana. Góðar stundir með góðum vinum. Gleði og hlátrasköll. Hreyfing. Líkamleg áreynsla. Að yfirstíga hindranir. Hugarró og friður.  Samkennd og snerting.  Ást og kærleikur.
Allt þetta er heilbrigði. Allt þetta er Happ.

Að baki Happ eldhúsinu liggur sú hugmynd að matur eigi að vera hollur og næringarríkur. Hann á að vera einfaldur en samt bragðgóður. Maturinn á að vera fallegur, litríkur og lifandi. Hann skal vera nærandi bæði fyrir sál og líkama og án stæla og tilgerðar. Matur á umfram allt að vera hreinn og ferskur. Það er sannfæring okkar að með því að neyta matar sem er óunninn og hollur getum við bætt heilsu okkar og komið í veg fyrir eða læknað ýmsa sjúkdóma. Við vonum að boðskapur Happ eldhússins rati til þín.

Allt frá byrjun hefur markmið Asks verið að nota aðeins fyrsta flokks hráefni ásamt því að vera fyrstur í Evrópu með fitumælingar í kjöti, einnig að bjóða uppá ýmiskonar nýjungar eins og t.d. að matreiða í opnu eldhúsi þannig að viðskiptavinurinn gæti séð hvað var verið að elda. Askur var fyrsti íslenski BBQ staðurinn og bauð upp á grillaða kjúklinga, glóðarsteikur, lambakótilettur, nautasteikur og kokteilsósuna frægu.

Við leggjum okkur fram við að hafa allt fyrsta flokks og höfum gæði, þjónustu og notalegt umhverfi að leiðarljósi. Askur hefur verið einn besti Grillstaðurinn i Reykjavik síðan 1966. Við á Aski höfum upp á að bjóða fjölbreyttan matseðil og ferskt salat daglega.

Við bjóðum upp ferskan mat á hverjum degi á sumrin. Ferskur fiskur og íslenskt lambafille eða rib-eye eru sérgreinar okkar. Þið verðið ekki svöng á ferdalagi ykkar!

Við bjóðum einnig mat fyrir allt að 35 manns - kvöldverð, hádegismat, léttar veitingar o.fl. eftir samkomulagi.

Við erum í miðju Dalvíkur á Goðabraut 3 - notalegur staður á móti menningar- og upplýsingamiðstöðinni Bergi.

Opið á hverjum degi frá 18.00 til 23.00. á sumrin.

Á veturna er opið frá fimmtudegi til sunnudags frá 18.00 til 23.00

Kíktu á TripAdvisor til að ganga úr skugga um ákvörðun þína.

Ytra-Áland er í Þistilfirði, milli Þórshafnar og Raufarhafnar.  Þaðan er fallegt útsýni og sólarlagið oft einkar fallegt.  Góðar gönguleiðir eru í nágrenninu t.d. er merkt leið á Rauðanesi og á Óttarshnjúk.
Kvöldganga með ströndinni eða fjöruferð nýtur jafnan vinsælda hjá dvalargestum.
 
Góð staðsetning til skoðunarferða um Þingeyjarsýslur. 
Áhugaverðir staðir eru m.a. Langanes, Melrakkaslétta, Ásbyrgi, Jökulsárgljúfur, Dettifoss og Mývatn.  Næsta þéttbýli / sundlaug: Þórshöfn u.þ.b. 15 mín akstur.

Afþreying: Skoðunarferðir um nágrennið með leiðsögn, hestaleiga og veiðileyfi eru seld í ám og vötnum

Veiðihúsið Hálsakot er nýtt og stórglæsilegt gistihús staðsett á bökkum Kaldár í Jökulsárhlíð. Um er að ræða þjónustuhús með stórri stofu með arin, gervihnattasjónvarpi og frábæru útsýni til Dyrfjalla, stóru eldhúsi búnu öllum helstu tækjum, salerni, stórri geymslu og upphituðu herbergi sem kjörið er til að geyma útifatnað. Átta tveggja manna herbergi hvert með sér baðherbergi eru svo í minni húsum samtengd þjónustuhúsi með viðarpalli. Húsið hentar einstaklega vel til fundahalda í sveitasælunni skammt frá Egilsstöðum sem og fyrir fjölskyldur og aðra hópa að njóta samveru í fallegu umhverfi. Fjölbreytt þjónusta er í boði þar sem gestir okkar geta valið um að sjá algjörlega um sig sjálfir í uppábúnum rúmum og allt til fullrar þjónustu í mat, drykk og framreiðslu. Við sérsníðum þjónustuna að þörfum hvers hóps fyrir sig.  Vinsamlegast hafið samband vegna verðlista og bókana.

Veiðiþjónustan Strengir var stofnuð árið 1988 og hefur síðan þá lagt mikla áherslu á persónulega og góða þjónustu við veiðimenn jafnt innlenda sem erlenda. Bjóðum upp á lax-og silungsveiði með gistingu víða á landinu svo sem í Hrútafjarðará, Jöklusvæðinu, Breiðdalsá og Minnivallalæk. Fjölbreytt úrval veiðileyfa í boði.

Vinsamlegast hafið samband vegna verðlista og bókana.

Veitingastaðurinn, The Bridge, er opinn alla daga þar sem finna má fjölbreyttan matseðil við allra hæfi, bæði fyrir þá sem eru á hraðferð og þá sem vilja setjast niður og njóta góðs matar í fallegu og notalegu umhverfi. Á barnum eru framleiddir lúxus kokteilar og úrvalskaffiréttir og þar eru líka góð vín og kaldur á krana.

Mathús Milli Fjöru & Fjalla er nýr veitingastaður Fagrabæjjar fjölskyldunnar. Mathúsið byggir á heimavinnslunni okkar í Fagrabæ þar sem við seljum sauðfjárafurðir beint frá býli.  

Matseðillinn okkar er einfaldur, beint úr kjötvinnslunni okkar í Fagrabæ. Hann stiður við aðalrétti dagsinns sem eru að finna á krítartöflunni, þar er eftir fremsta megni reynt að hafa árstíðarbundið framboð af kjöt og fisk. Milli Fjöru & Fjalla leggur mikla áherslu á að versla úr héraði, þá erum við með kjöt, fisk, egg og kartöflur beint frá Grýtubakkahreppi. Bjór, kaffi, grænmeti og ís er allt framleitt á eyjarfjarðarsvæðinu ásamt úrval af annari íslenskir framleiðslu.

Apótek Hótel er glæsilegt fjögurra stjörnu hótel á horni Austurstrætis og Pósthússtrætis. Hótelið er staðsett í hjarta Reykjavíkur en allt í kring má finna fjölbreytta afþreyingu, veitingahús og verslanir. Á Apótek Hótel eru 45 glæsilega innréttuð herbergi. Lagt var upp með þægindi í bland við nútímalegt útlit með klassísku yfirbragði við hönnun þeirra og tóna herbergin vel við ytra útlit hótelsins. 

Herbergin á Apótek Hótel eru búin helstu nútíma þægindum eins og sjónvarpi, síma, öryggishólfi og míníbar. Þar að auki er frí internettenging, kaffi- og tesett, sérbaðherbergi með sturtu, baðsloppur og inniskór, baðvörur, hárblásari, strauborð og straujárn, skrifborð og parketlögð gólf inni á öllum herbergjum.

Fyrir þá sem vilja enn meiri lúxus býður Apótek Hótel upp á Superior- og Deluxe herbergi ásamt Juniorsvítum og Turnsvítu.

Á jarðhæð hótelsins er veitingastaðurinn Apotek Kitchen + Bar sem býður upp á ljúffengar veitingar í líflegri stemningum flottu umhverfi. Matseðillinn er skemmtileg blanda af íslensku og evrópsku eldhúsi með funheitu argentínsku grilli. Á Apotekinu er lifandi kokteilbar þar sem verðlaunaðir „apótekarar” hrista saman spennandi kokteila við allra hæfi – örvandi, róandi og jafnvel verkjastillandi.

Apótek Hótel er eitt af fimm Keahótelum sem staðsett er í Reykjavík. 

La Primavera er ítalskur veitingastaður í Marshallhúsinu, Grandagarði 20, 101 Reykjavík.

Á La Primavera sameinast matarhefð úr Norður Ítalíu og úrval af íslensku hráefni.

Það ríkir vinalega stemning í Gamla bænum frá opnun og fram á kvöld. Boðið er uppá úrval ljúffengra rétta af grillinu eins og hamborgara og ferskan fisk sem og smárétti til að deila. Að Sjálfsögðu er einnig boðið upp á hverabakað rúgbrauð með reyktum silungi sem má teljast „þjóðarréttur“ Mývetninga.

Opið alla daga frá 12:00 til 22:00

Eldhúsið er opið frá klukkan 12:00 til 15:00 og aftur frá klukkan 18:00 til 21:00

Drykkir og kaffihúsaveitingar eru í boði allan daginn.

Innilega velkomin til okkar í Gamla Bæinn.

Frábær veitingstaður með fyrsta flokks heimilismat og margt fleira eins og t.d Sbarro pizzur og pasta. 

Við erum fjölskyldurekið fyrirtæki.

Bjóðum upp á ferskar og góðar máltíðir gerðar af ást og staðbundnu hráefni. Þetta heillandi hús er staðsett efst á hæðinni með ótrúlegu útsýni yfir hafið, bæinn og fjöllin í kring.

Við endurnýjuðum nýlega kjallarann okkar og opnuðum hann sem bar og biðsvæði á annasömum kvöldum! Við erum með dýrindis kokteila, frábært úrval af bjór (flöskur og drög) og vín. Fylgdu okkur á facebook fyrir lifandi tónlist, spilakvöld, íþróttaviðburði og slíkt!

Anna Jóna er nýr veitingastaður og bar, með innblæstri frá frönsku sveitinni og miðjarðarhafinu í fallegu rými í miðbæ Reykjavíkur.

Café Catalína er skemmti- og veitingastaður sem er opinn alla daga vikunnar. Við bjóðum upp á frábæran mat, það er lifandi tónlist hjá okkur allar helgar og svo er hægt að koma til okkar og horfa á alla helstu íþróttaviðburði á risaskjá.

Veitingarstaðurinn er þekktur fyrir ljúffengan humar sem bráðnar undir tönn og getur Smjattrófan sannarlega staðfest það en skellti hún sér út úr borginni um daginn til að bragða á lostætinu sem hún hefur heyrt svo vel talað um.

Í forrétt var humarsúpa en einnig er hægt að fá hana sem aðalrétt og var hún einstaklega ljúffeng. Matarmikil og bragðgóð en elskhuga Smjattrófunnar fannst súpan svo góð að var brauðið notað til hreinsa skálina algjörlega upp til agna.

Smjattrófan fékk sér humar í aðalrétt og stóð rétturinn algjörlega fyrir sínu. Stór og mikill humar, vel útlátinn með salati og bræddu smjöri. Elskhuginn fékk sér Brim og Bola sem er íslenska heitið á „Surf and Turf“, nema Brim og Boli hljómar einhvernvegin miklu karlmannlegra sem að sjálfsögðu kitlaði rómantíkina hjá Smjattrófunni en samkvæmt elskhuganum smakkaðist rétturinn einstaklega vel og vildi hann að sjálfsögðu fá meira.

Í eftirrétt fengu turtildúfurnar sér „Gamla góða þjórsárshraunið“ og er það réttur sem er sniðugt að deila ef báðir aðilar vilja fá smá sætt, en ekki of mikið en rétturinn samanstendur af ljúffengum ís, heitri súkkulaðiköku þar sem súkkulaðið hreinlega lekur niður og ferskum berjum en getur Smjattrófan sannarlega mælt með þessum rétti með kaffibollanum.

Þjónustan á staðnum var einstaklega góð, nærvera þjónsins var afslappandi og bauð hann upp á drykki, spurði okkur hvernig okkur líkaði maturinn og var hann brosmildur – og meira segja sætur sem er aldrei verra.

Ef þig langar út úr bænum á huggulegan veitingarstað, bragða á ljúffengum humar og fara í afslappað umhverfi þá er Rauða Húsið á Eyrarbakka algjörlega málið.

Stúdentakjallarinn er veitinga- og skemmtistaður, kaffihús og bar. Þar er boðið upp á fjölbreyttan mat og drykki á mjög sanngjörnu verði, líflega dagskrá og notalegt andrúmsloft. Staðurinn er opinn öllum, allt árið um kring. 

Verið velkomin á Eldofninn – eitt besta leyndarmál Reykjavíkur. Eldofninn var opnaður 13. júní 2009 og er staðurinn fjölskyldurekið fyrirtæki. Við bjóðum uppá ekta ítalskar pizzur en ofninn okkar var sérstaklega fluttur inn frá Ítalíu. Við notum íslenskt hráefni þar sem það er hægt og erum stolt af því, búum til okkar eigin sósu og deigið frá grunni. Eldhúsið okkar er opið svo þú getur fylgst með öllu ferlinu. Einstök upplifun í vinalegu umhverfi, þú getur borðað á staðnum eða tekið með heim. Verði þér að góðu.

-

Nýr og glæsilegur veitingastaður staðsettur í Hótel Valaskjálf. Matseðillinn er undir sterkum áhrifum frá löndunum við Miðjarðarhafið. Pasta-, fisk- og kjötréttir ásamt ekta ítölskum pizzum, eldbökuðum í handgerðum eldofni frá Róm.

Að sjálfsögðu eru pizzurnar gerðar af sönnum ítölskum pizzaiolo og eingöngu úr ítölskum hráefnum. Opnunartími er 18:00 – 22:00.

Borðapantanir í síma 471-1600

Tuk Tuk Thai býður upp á gómsæta tælenska rétti á hagstæðu verði. Staðurinn býður gestum í notaleg og nútímaleg húsakynni við uppábúin borð fyrir smáa sem stóra hópa.

Þú getur sest inn í veitingasalinn okkar og notið yndislegra rétta af fjölbreyttum matseðli okkar eða valið úr fjölda tilbúninna rétta úr hitaborðinu ef þú hefur nauman tíma eða vilt taka matinn með þér heim.

Starfsfólkið kemur víða að og kappkostar að veita viðskiptavinum okkar úrvals þjónustu og framreiða dýrindis tælenska rétti af kostgæfni.

Salthúsið er hlýlegur veitingastaður í Grindavík með
ferskan fisk, lamb og úrval annarra girnilegra rétta fyrir alla. Salthúsið er einstakt bjálkahús í aðeins 35 mín akstri frá Reykjavík og aðeins 6 mín akstri frá Bláa Lóninu. Við erum einnig með spennandi hópmatseðla, bæði ódýra og einfalda.

Hótel Svartiskógur er gisti- og veitingastaður staðsettur í fallegu skógi vöxnu landi í einni fegurstu sveit Austurlands, Jökulsárhlíð. Hótelið býður 16 herbergi með baði í aðalbyggingu og er með 4 smáhýsi sem eru frábærr áningarstaður fyrir einstaklinga og hópa sem hrífast af íslenskri náttúru, fuglasöng og friðsæld. Stutt í laxveiðiár. Vel staðsett, miðja vegu milli Egilsstaða og Vopnafjarðar og kjörin bækistöð til skoðunarferða um Fljótsdalshérað, Borgarfjörð eystri, Vopnafjörð, Seyðisfjörð, Fjarðarbyggð o.s.frv.Vel búið tjaldstæði er hið næsta hótelinu.  Tjaldsvæðið er í skógi vöxnu landi og er góður áningastaður fyrir einstaklinga og hópa.  Vel staðsett til skoðunarferða um Austurland og nágrenni.  

Það hafa fáir jafn mikið vit og áhuga á hamborgurum eins og Tómas Tómasson, betur þekktur sem Tommi í Tommaborgurum. Hann hefur fylgt sínu heilræði alla tíð “einn hamborgari á dag kemur skapinu í lag” og mælir með að allir geri slíkt hið sama.

Í sparifötum eða vinnugallanum? Það skiptir ekki máli, allir eru velkomnir á Búlluna. Staðir Hamborgarabúllunnar eru innréttaðir á afslappaðan hátt, starfsmenn staðanna leggja áherslu á vinalega þjónustu og vilja þeir að öllum líði vel inni á Búllunni.

Við sérhæfum okkur í hamborgurum sem eru einfaldir en á sama tíma ómótstæðilega bragðgóðir úr besta fáanlega hráefni. Sérvalið hágæða nautakjöt, grillað yfir eldi, nýbakað brauð ásamt fersku grænmeti og hárréttri blöndu af sósum verður að Búlluborgaranum víðfræga.

XO er hollur skyndibitastaður sem framreiðir mat í fusion stíl þar sem asísk og evrópsk matreiðsla renna saman. Maturinn er eldaður frá grunni og XO kappkostar við að gera bragðið af matnum einstakt. XO styðst eingöngu við topp hráefni og er hvorki hvítur sykur né hvítt hveiti notað við matreiðsluna.

Velkomin í Gistihúsið á Narfastöðum sem er staðsett við þjóðveg nr. 1 í Reykjadal í Þingeyjarsveit skammt fyrir sunnan þéttbýlið á Laugum. Aðalbygging gistihússins eru fyrrum fjárhús og hlaða sem breytt hefur verið í glæsilega en jafnframt notalega aðstöðu fyrir ferðafólk. Einnig er gisting í gamla íbúðarhúsinu á jörðinni sem gert hefur verið upp með þarfir ferðafólks í huga en húsið er timburhús, byggt í upphafi síðustu aldar.

Yfir sumarið bjóðum við okkar rómaða kvöldverðarhlaðborð með úrvali fisk, kjöt og grænmetisrétta og morgunverðarhlaðborðið svíkur engann með heimabökuðu brauði og fjölbreyttu úrvali af morgunkorni, brauði, áleggi söfum og ávöxtum. Yfir vetrartímann eru máltíðir í boði eftir samkomulagi.

Vær næstursvefn er lykilatriði á ferðalögum og því er áhersla löggð á góð rúm, hreinlæti og snyrtimennsku. Jafnframt er lögð áhersla á önnur þægindi s.s. sjónvarp með gervihnattarásum á herbergjum, þráðlaust internetssambands og aðgangur að almenningstölvu, rúmgóðar setustofur og lítill bar með úrvali af óáfengum og áfengum drykkjum. Ávallt er molakaffi og te í boði gestum að kostnaðarlausu og vingjarnlegt viðmót stjórnenda og starfsfólks fylgir að sjálfsögðu með í kaupbæti.

Vingjarnlegur sjávarréttastaður á Siglufirði með útsýni yfir höfnina.

Lundinn er elsti Pöbbinn í bænum, Lundinn býður upp á lifandi tónlist flestar helgar ársins.