Fara í efni

Geysir Glíma

Geysir Glíma er veitingastaður, kaffihús og ísbúð. Um er að ræða nýja upplifun þar sem náttúra Íslands, þjóðaríþrótt Íslendinga og einstök hönnun eru leidd saman á einum stað.

Lögð er áhersla á íslenskt eldhús og fersk hráefni beint frá býli. Í hádeginu (frá 11.30 - 14.30) er alltaf í boði heitur matur og þar má meðal annars finna ferskan fisk dagsins, ljúffengt lambakjöt og plokkfisk borinn fram með hverabrauði Geysis.

Ávallt eru þrjár tegundir af súpu í boði, kjötsúpa, fiskisúpa og súpa dagsins bornar fram með nýbökuðu brauði. Einnig er hægt að fá pizzur, panini, bökur og margt fleira. Glæsilegt úrval er af kökum og bakkelsum ásamt nýmöluðu kaffi frá Illy og kúluís. Úrval af víni og sérstök áhersla er lögð á úrval af íslenskum bjór og okkar eigin Geysisbjór.

Sigurður Greipsson forfaðir fjölskyldunnar var mikill íþróttagarpur og frumkvöðull í íþróttaskólastarfi. Höfum við reynt að halda minningu hans og hans góða starfi á lofti og því er glímusýning hluti af veitingastaðnum. Meðal annars er til sýnis Grettisbeltið sem er merkasti og sögufrægasti gripur í gjörvallri íþróttasögu Íslands og einnig sá elsti en beltið hefur verið geymt í bankahólfi þar til það kom hingað á Geysi Glímu.

Hvað er í boði