Fara í efni

Bændagisting

164 niðurstöður
Ferðagjöf

Ártún Ferðaþjónusta

Ártún, Grýtubakkahreppur, 610 Grenivík

Ártún, Heimagisting - Boðið er upp á 5 notaleg herbergi á sér hæð, þrjú 2ja manna herbergi og tvö 3ja manna herbergi. Öll herbergin eru nýstandsett og vönduð rúm. Á hæðinni er sér snyrting með sturtu. Möguleiki á að setja inn aukadýnu í herbergin. Morgunverður, í veitingaskála á neðri hæð, innifalinn. Hlý og persónuleg þjónusta.
Ath! Hægt er að fá keyptan mat ef pantað er fyrirfram, eða eftir nánara samkomulagi.
Ártún, Tjaldstæði - Góð aðstaða, og nægt pláss er fyrir tjöld, fellihýsi, húsvagna og húsbíla. Góð hreinlætisaðstaða. Snyrtingar með sturtu, inniaðstaða fyrir fólk til að matast. Rafmagn. Seyrulosun er á staðnum. Möguleiki á þráðlausri internettengingu. Vínveitingar eru í boði í veitingaskálanum í Ártúni. Tjaldstæðin eru vel slétt og þétt. Rýmið er nánast óendanlegt og gefur því þeim sem það vilja, kost á að vera vel útaf fyrir sig. Opnunartími tjaldstæðisins er frá 1. maí - 30. september, eða eftir nánara samkomulagi.
Stutt er til Grenivíkur í aukna þjónustu svo sem verlsun, sundlaug, golfvöll, útgerðarminjasafn, gallery og fleira. Úrval áhugaverðra staða er í nágrenni Ártúns sem vert er að skoða svo sem Minjasafnið í Laufási. Fallegar gönguleiðir, fjölskrúðugt fuglalíf, hestferðir í nágrenninu, sólsetur á heimsmælikvarða og fleira sem heillar.

Vinsamlegast hafið samband vegna verðlista og bókana.

Ferðagjöf

Hótel Vatnsholt

Vatnsholt 1-2, 803 Selfoss

Vatnsholt er uppgerður fallegur sveitabær sem stendur við Villingaholtsvatn. Frá Vatnsholti er eitt víðasta útsýni í byggð á landinu. Þar sést vel til Vestmannaeyja, Eyjafjallajökuls, Tindfjalla, Heklu og Hellisheiðar. Vatnsholt er í aðeins 16 km fjarlægð frá Selfossi , 8 km frá Þjóðvegi 1 og ca 60 km frá Reykjavík.

Við bjóðum upp á notalega aðstöðu fyrir ferðamenn, hjón, einstaklinga eða fjölskyldur sem vilja hvíla sig og njóta þess sem Suðurland hefur upp á að bjóða. Vatnsholt er fjölskylduvænn staður þar gestum gefst kostur á að kynnast lífinu í sveitinni, upplifa náttúruna og slappa af. Hægt er að veiða í Villingaholtsvatni og einnig er mikið fulglalíf við vatnið þar sem fuglaáhugafólk getur gefið sér tíma til að skoða fuglalífið.

Stórglæsilegt leiksvæði fyrir börn og fullorðna, með veglegum útileiktækjum, 9 holu fótboltaminigolf velli, fótboltavelli og tennisvelli. Í Vatnsholti er veitingastaður sem reynir eftir fremsta megni að vera með ferskt og gott hráefni frá næsta nágrenni. Frábær aðstaða fyrir allt að 70-80 gesti í björtum og notalegum herbergjum. Bjóðum einnig upp á hús með 7 herbergjum, húsið eru með góðri aðstöðu til eldununar/grillunar. Við gerum okkar besta til að gera dvölina ánægjulega.



Ferðagjöf

Hótel Heydalur

Mjóifjörður, 420 Súðavík

Sveitahótelið Heydalur er í 130 km fjarlægð frá Ísafirði og 320 km - 340 km fjarlægð frá Reykjavík eftir því hvaða leið er valin. Veitingasalur, sem er í gamalli hlöðu, rúmar 70 - 100 manns og fundaraðstaða er fyrir 10 - 40 manns. Boðið er upp á gistingu fyrir 59 manns í átta tveggja manna og einu þriggja manna herbergi í flokki 3 og átta tveggja manna og tveimur þriggja manna herbergjum í flokki 4 öll með sér baðherbergjum ásamt þremur sumarbústðum, annars vegar 10 manna og hins vegar 4 - 5 manna. Gott tjaldsvæði sem er opið frá 1. júní fram í októberlok.

Gnægð afþreyingar er í boði. Lítil sundlaug í suðrænu gróðurhúsi, heitur frumlegur pottur og náttúrulaug vígð af Gvendi góða. Kajak og hestaleiga með leiðsögn við allra hæfi, bæði styttri ferðir og dagsferðir. Veiði í vötnum. Á veturna snjóþrúgur og gönguskíði. Falleg gönguleið um dalinn sem eitt sinn hýsti 13 bæi. Friðaður birkiskógur. Fjólbreytt fuglalíf og plöntugróður. Fugla og plöntuspjöld eru til fróðleiks.

Veitingasalurinn er öllum opinn. Boðið er upp á fjölbreyttan matseðil, þar sem áhersla er lögð á mat úr héraði, heimaræktuðu grænmeti og nýveiddan silung úr eigið eldi. Veitingastaðurinn er með vínveitingaleyfi.

Á tjaldsvæðinu er snyrtiaðstaða með heitu vatni, þrjú kvenna og karla klósett og sturtur sitt hvoru megin. Rafmagn fyrir húsbíla og tjaldvagna. Leiksvæði bæði fyrir börn og unglinga. Frábært umhverfi til göngu og leikja í kjarrinu.

Hleðslustöð fyrir rafmagnsbíla

Gisting: 3 hús, 19 herbergi, 59 rúm

Ferðagjöf

Ytra Lón Farm Lodge

Langanes, 681 Þórshöfn

Ytra Lón er við veg nr.869, 14 km norðaustur af Þórshöfn. Flugferðir eru til og frá Akureyri alla daga nema um helgar.

Ertu að leita að ró og næði? Við getum mælt með þetta notalega gistiheimili. Þar sem það er staðsett á miðju Langanesi er það góður kostur til að byrja skoðunarferð um þennan norð-austur hluta Íslands. Það er afskekkt, en virkilega þess virði. Friður fyrir sálina, með fjöllin, hafið, fuglana...

Boðið er upp á gistingu í 9 stúdíó íbúðum hver um 30m2, með baðherbergi og eldhúsblokk. Tveggja- og þriggja manna, einnig tilvalið fyrir fjölskyldur með 2 börn.


Við bjóðum upp á:
Morgunmatur og kvöldmatur með ferskum afurðum úr sveitinni, s.s. lambakjöt af eigin framleiðslu og ferskur silungur úr lóninu.

Leiðsögn um búið

Heitur pottur

Silungsveiði í lóninu

Skoðunarferðir um Langanesið

Ferðagjöf

Hólmur ferðaþjónusta

Hólmur, 781 Höfn í Hornafirði

Í gamla íbúðarhúsinu eru sex herbergi tveggja og eins manna , fyrir 10 manns Í húsinu er setustofa þar sem möguleiki er að laga kaffi og te.

Yfir vetrartímann er opin eldunaraðstaða fyrir gesti í sama rými. Tvö baðherbergi eru í húsinu.

Í fjósinu er 2 x þriggja og 1 xfjögra manna fjölskylduherbergi. Í fjósinu eru 2 snyrtingar.

Við bjóðum einnig uppá morgunmat og kvöldmat, ásamt léttum veitingum yfir daginn í Jóni ríka veitingastaðnum okkar.

Þá erum við einnig með veitingastaðinn og brugghúsið Jón Ríki.

Ferðagjöf

Sandgerði Cottages

Þóroddsstaðir, 245 Suðurnesjabær

Sandgerði Sumarhús eru staðsett 10 mínútum frá alþjóðlega flugvellinum (KEF). Við bjóðum upp á fimm ný uppgerð sumarhús öll með sér heita pott. Sumarhúsin eru staðsett við strandlengju Sandgerðis sem gefur þér tækifæri að að njóta ferska sjávarloftsins og friðsælar náttúru sem umliggur svæðið. Fullkominn staður til að njóta norðurljósa að vetralagi og miðnætursólar á sumrin.

Ferðagjöf

Hótel Staðarborg

Staðarborg, 760 Breiðdalsvík

Hótel Staðarborg er glæsilegt, nýlegt 30 herbergja hótel í Breiðdal í Suður-Múlasýslu, aðeins 7 km. frá Breiðdalsvík. Hér er um að ræða endurnýjað skólahúsnæði er rúmar 54 gesti í 30 rúmgóðum herbergjum með sér baði og sjónvarpi, auk svefnpokaplássa. Hótelið er við þjóðveg nr. 1 í 625 km fjarlægð frá Reykjavík og um 100 km frá Seyðisfirði, sem gerir hótelið að ákjósanlegum áningarstað fyrir þá sem ferðast með bílferjunni Norrænu. Afþreying er fjölbreytt á svæðinu og við allra hæfi í fögru umhverfi.

Hótel Staðarborg var opnað sumarið 2000 í Breiðdal.
Í veitingasal er framreiddur morgunverður, hádegisverður og kvöldverður auk þess sem hægt er að fá kaffi og meðlæti allan daginn.
Á lóðinni eru tjaldstæði og heitur pottur gestum til afnota.

Ferðagjöf

Sumarhúsin Fögruvík

Hörgársveit, 601 Akureyri

Vinaleg og hlýleg hús með frábærri staðsetningu gerir Sumarhúsin Fögruvík að vinsælum kosti þegar leitað er gistingar á Akureyri.

Rólegt og fjölskylduvænt umhverfi, fjarri ys og þys bæjarlífsins, en samt stutt í það helsta sem Akureyri hefur upp á að bjóða.

Sumarhúsin Fögruvík eru vel staðsett við sjóinn með frábærri fjallasýn og útsýni yfir Eyjafjörð. Fyrir útivistarfólk er hvergi betra að vera.

Ferðagjöf

Skálafell gistiheimili

Suðursveit, 781 Höfn í Hornafirði

Gistiheimili í stórbrotnu umhverfi undir suðurrótum Vatnajökuls, skammt frá Heinabergsjökli, nær miðja vegu á milli Jökulsárlóns og útvegsbæjarins Hafnar í Hornafirði á Suðaustur-Íslandi. Einstakt landslag, mótað af skriðjöklum og ólgandi jökulám, og suðri sér til sjávar þar sem úthafsaldan fellur á svarta sandströnd. Merktar gönguleiðir í Vatnajökulsþjóðgarði.

Ferðagjöf

Hunkubakkar

Síða, 881 Kirkjubæjarklaustur

Ferðaþjónustan á Hunkubökkum býður upp á 20 herbergi í heildina, þar af 6 tveggja manna herbergi með sameiginlegu baði, 6 bjálkahús sem eru 3 og 4 manna með sér baði og 8 tveggja manna herbergi með sér baði.

Húsin eru nálægt aðalbyggingunni, þar er að finna gestamóttöku er ásamt veitingastað sem opinn er á kvöldin og á daginn hluta sumars, einnig er morgunverður borinn fram þar.

Veitingastaðurinn er með góðu úrvali af réttum frá býli og héraði. Við erum sauðfjárbændur og bjóðum upp á okkar eigið gómsæta grillaða lambakjöt á matseðli.

Hægt er að panta mat og kaffihlaðborð fyrir hópa - Veitingaaðstaðan tekur ca 50 manns í sæti.

Umhverfi Hunkubakka er rómað fyrir náttúrufegurð og milt veðurfar. Einnig eru margar gönguleiðir í kring og staðsetningin miðsvæðis fyrir stærstu náttúruperlur landsins eins og Fjaðrárgljúfur , Laka, Fagrafoss, Langasjó, Sveinstind, Eldgjá, Landmannalaugar, Skaftafell og Jökulsárlón.

Smellið hér til að bóka gistingu

Ferðagjöf

Bjarg Borgarnes

Bjarg, 310 Borgarnes

Bjarg er lítið og notalegt fjölskyldurekið gistiheimili á fallegum og rólegum stað við sjóinn í útjaðri Borgarness. Þar hafa gömul útihús verið innréttuð sem gistihús.
Gisting er í séríbúð fyrir allt að 4 með eldunaraðstöðu og baðherbergi, í íbúð með 3 herbergjum með sameiginlegu baðherbergi og eldunaraðstöðu. Gisting er einnig í sérhúsi bak við bæinn með 2 herbergjum, svefnsófa í stofu, baðherbergi og vel búnu eldhúsi og borðstofu með einstöku útsýni yfir Borgarfjörð. Gestir hafa aðganga að ókeypis þráðlausu netsambandi. Morgunverðarhlaðborð í sérstökum matsal í gistiheimilinu. Matsölu- og veitingastaðir og matvöruverslanir eru í Borgarnesi.

Leiðarlýsing (Bjarg er 400 m. frá þjóðveg 1):
Frá Reykjavík: þegar ekið er frá Reykjavík og yfir Borgarfjarðarbrúna inn í Borgarnes, er beygt til hægri (vegur nr. 1). Síðan er ekið um 900 m. og beygt aftur til hægri, merkt Bjarg og við endann á þeim vegi er Bjarg.
Frá Akureyri (veg 1) eða Stykkishólmur (veg 54): þegar komið er að hringtorginu norðan við Borgarnes, er ekinn um 1 km inn í bæinn (veg 1) og beygt til vinstri (merkt Bjarg) og við endann á þeim vegi er Bjarg.

Vinsamlegast hafið samband vegna verðlista og bókana.

Ferðagjöf

Hótel Kríunes - sveitahótel

Við Vatnsenda, 203 Kópavogur

Kríunes er sannkallaður herragarður, staðsettur við vatnsbakkann á nesi sem gengur út í Elliðavatnið í landi Vatnsenda.

Umhverfið er rómuð náttúruperla og stendur Kríunes á tveggja hektara landi, sem hefur m.a. að geyma fallegan lund umkringdan hávöxnum trjám og fallega vík með bátabryggju. Fjölskrúðugt fuglalíf er við vatnið og margar fuglategundir verpa þar.

Í Kríunesi er veitingasala. Morgunverðahlaðborð er fastur liður. Einnig er boðið upp á hádegis- og kvöldverð, miðdagskaffi og snakk. Heimabakstur, heimaræktað grænmeti og silungur úr vatninu er í boði í Kríunesi.

Starfsemin í Kríunesi hófst fyrir rúmum áratug og þá með útleigu á tveim herbergjum. Gegnum árin hafa heimamenn stækkað húsakost, fjölgað herbergjum og bætt við fundasölum.

Ferðagjöf

Hótel Selið

Stokkalæk, 851 Hella

8x2 manna björt herbergi með sérbaðherbergi. Hægt að bæta við aukarúmi í einu herbergi með aðgengi fyrir fólk í hjólastól. Rúmgóð sameiginleg setustofa og borðstofa. Ókeypis þráðlaust netsamband í herbergjum og sameiginlegum rýmum. Í viðbyggingu, samtengdri gistihúsinu, hefur verið innréttaður rúmgóður salur sem hentar vel fyrir ýmis mannamót.

Ferðagjöf

Sölvanes

Skagafjörður, 560 Varmahlíð
Notaleg gisting á góðu verði á sveitabæ, 21 km sunnan við Varmahlíð. Í gestahúsinu er gisting í 4 herbergjum (3x2ja manna, 1x3+ manna), sameiginlegt eldhús og tvö baðherbergi. Morgunverður og kvöldverður ef pantað er fyrirfram. Hægt að bóka stök herbergi eða allt húsið.
  • Frítt WiFi
  • Hleðslustöð fyrir rafbíla (hleðsla innifalin í gistingu sumarið 2020)
  • Okkar kjötafurðir beint frá býli seldar á staðnum
Húsdýr og fjárhúsheimsóknir eftir árstíðum - sauðfé, hross, kálfar, hundur, köttur og hænur.

Fluguveiði í Svartá, bókanir eru gerðar á https://veida.is/vara/veidileyfi-i-svarta/

Góðar styttri gönguleiðir í heimalandinu og norður bakka Svartár. Stutt í hestaleigu/torfhesthús, handverkssölu/handverksnámskeið/geitur/endur.

Flúðasiglingar og náttúrulaug í nágrenni.

Lengri gönguleiðir í nágrenninu t.d. á Hamraheiði, Mælifellshnjúk, Glóðafeyki, Molduxa, Tindastól eða í Austurdal.

Vinsamlegast hafið samband vegna verðlista og bókana eða bókið á solvanes.is
Ferðagjöf

Keldudalur

Hegranesi, 551 Sauðárkrókur

Í Keldudal í Hegranesi búa Gunna og Tóti ásamt 3 börnum, Þórdísi, Sunnu og Þorra. Í Keldudal eru 60 kýr auk 90 annarra nautgripa; kvígna, nauta og kálfa, 140 kindur, 15 geitur og 20 hross. Íslenskar hænur, hundur, köttur og kanínur. Við leigjum út sumararhús og herbergi með eldunaraðstöðu.

Ferðagjöf

Hótel Eyvindará

Eyvindará 2, 700 Egilsstaðir

Hótel Eyvindará er staðsett í friðsælu og trjágrónu umhverfi skammt utan Egilsstaða (2.5 km.) Hótelið er að finna við þjóðveg nr. 94, norðan við afleggjarann til Seyðisfjarðar. Það er vel í sveit sett og kjörin bækistöð fyrir áhugaverðar dagsferðir um allan fjórðunginn.

Í boði eru 28 tveggja manna herbergi með baði og glæsilegu útsýni, 7 smáhýsi með baði.

Veitingar eru í aðalhúsi, sólpallur fyrir gesti, 2 heitir pottar og þvottaaðstaða. Þá bjóðum við upp á setustofu með fallegu útsýni yfir hérað sem menn geta horft á sjónvarp og fengið sér drykki.

Vinsamlegast hafið samband vegna verðlista og bókana. Gæludýr eru ekki leyfð. Boðið er upp á mat yfir sumartímann, 20. maí - 20. september.

Ferðagjöf

Ferðaþjónustan Urðartindur

Norðurfjörður 1, 524 Árneshreppur

Urðartindur er fjölskyldurekin gistiaðstaða fjarri ysi og þysi í einstaklega fallegu umhverfi Norðurfjarðar. Boðið er upp á gistingu í herbergjum með baði og sumarhúsum, ásamt tjaldstæði.

Tjaldsvæðið stendur á tveimur stórum túnum í Norðurfirði með einstöku útsýni yfir fjörðinn og fjallahringinn allt í kring. Stutt er niður á fallega sandströnd þar sem sjávarniðurinn berst um fjörðinn og börn hafa gaman af að leika sér.

Verð á tjaldsvæði 2016:

Verð fyrir fullorðna: 1.200 kr.
Verð fyrir börn: Frítt

Opnunartími
1. júní til 15. september


Ferðagjöf

Lambhús

Lambleiksstaðir, 781 Höfn í Hornafirði

Lambhús

Í Lambhúsum er boðið upp á gistingu í smáhýsum. Þau eru staðsett við bæinn Lambleiksstaði, 30 km vestan við Höfn.

Smáhýsin eru eitt rými með gistipláss fyrir allt að 4 gesti. Þau eru tilvalin fyrir pör eða fjölskyldur. Húsin eru búin eldhúskrók, þráðlausu neti og snyrtingu með sturtu. Öll húsin hafa útsýni til Vatnajökuls.

Gestir geta komið með eigin mat og matreitt einfaldar máltíðir. Einnig eru fjölmargir veitingastaðir í nágrenninu sem bjóða upp á matvæli úr héraði.

Lambhús er staður fyrir náttúruunnendur sem sæjast eftir ró og óspilltri náttúru. Göngufólk hefur úr fjölda gönguleiða að velja. Jafnframt er fjölbreytt afþreying í boði í nágrenninu eins og til dæmis snjósleðaferðir á Vatnajökli, bátsferðir á Jökulsárlóni og heitir pottar í Hoffelli.

Í Höfn má finna gott úrval veitingastaða, sundlaug, gestastofu Vatnajökulsþjóðgarðs, matvöruverslun o.fl.

Nánari upplýsingar um héraðið: www.visitvatnajokull.is

Ferðagjöf

Sólheimahjáleiga

Mýrdal, 871 Vík

Sólheimahjáleiga er sveitabær sem býður upp á notalega gistingu allt árið. Lögð er áhersla á að gestir geti upplifað daglegt líf í sveitinni og fái persónulega þjónustu. Gestgjafar hafa áratuga reynslu af því að þjónusta ferðamenn.
Í nálægð við bæinn eru margir vinsælir ferðamannastaðir eins og t.d. Vík í Mýrdal, Reynisfjara, Dyrhólaey, Sólheimajökull og Skógar. Einnig er hægt að fara í dagsferðir t.d. í Skaftafell og Jökulsárlón, til Vestmannaeyja eða í Þórsmörk.
Ýmiskonar afþreying er í boði í nágrenninu, t.d. Byggðasafnið í Skógum, jeppa- og sleðaferðir og hestaleigur.
Boðið er upp á gistingu án baðs í 7 herbergjum í gömlu íbúðarhúsi, þar eru 2 baðherbergi, eldunaraðstaða og setustofa. Einnig bjóðum við uppá 2 fjölskylduherbergi í sama húsi. Þá eru 11 herbergi í nýlegu gistihúsi öll með sér baðherbergi.
Morgunverður í boði og einnig máltíðir ef bókað er með fyrirvara.

Ferðagjöf

Signýjarstaðir

Hálsasveit, 320 Reykholt í Borgarfirði

Sumarhús til leigu í fallegu umhverfi í Borgarfirði: 4 minni hús sem henta vel fyrir 2-3 og eitt stærra fyrir 4-6 manna (2 herbergi og svefnloft). Öll hús er með heitum potti og eldunaraðstöðu. Uppábúin rúm.

Áhugaverðir staðir í næsta nágrenni eru t.d. Langjökull, Húsafell, hellar í Hallmundahrauni, Hraunfossar, Deildartunguhver, Reykholt. Stutt í tvo golfvelli.

Endilega hafið samband til að fá fleiri upplýsingar.

Ferðagjöf

Gistiheimilið Rauðaskriða

Rauðaskriða, Aðaldal, 641 Húsavík

Rauðaskriða gistiheimili:
Rauðaskriða gistiheimili er í fögru og friðsælu umhverfi Suður-Þingeyjarsýslu um það bil 28 km sunnan Húsavíkur, eins þekktasta hvalaskoðunarbæjar í heimi. Hótelið er vel staðsett til skoðunarferða að Goðafossi, Mývatni, Dettifossi, Ásbyrgi og Akureyri.

Ferðagjöf

Gistiheimilið Lambastöðum

Lambastaðir, 803 Selfoss

Gistiheimilið á Lambastöðum er staðsett 8 km austan við Selfoss, við þjóðveg nr. 1 í klukkustundar fjarlægð frá Reykjavík. Í gistihúsinu eru ellefu herbergi, öll með sér baðherbergi. Herbergin geta verið eins, tveggja eða þriggja manna.

Lögð er áhersla á góða og persónulega þjónustu. Gjaldfrjáls wi/fi internet tenging er í húsinu og heitur pottur og sauna við húsvegginn þar sem njóta má miðnætursólar á sumrin eða norðurljósa á vetrarkvöldum. Morgunmatur er framreiddur og er hann innifalinn í verði.

Gistiheimilið er vel staðsett til að heimsækja áhugaverða staði svo sem þjóðgarðinn á Þingvöllum, Gullfoss, Geysi, Seljalandsfoss, Skógarfoss og Vestmannaeyjar. Einnig er dagsferð í Þórsmörk og Landmannalaugar möguleg á vel útbúnum ökutækjum.

Gott útsýni er frá gistiheimilinu og kyrrlátt umhverfi.

Lambastaðir er fjölskylduvænn staður þar sem kindur, hestar, hænur, og heimilishundurinn eru í nágrenninu.

Stutt er á Selfoss þar sem eru veitingastaðir, verslanir, sundlaug og önnur afþreying.

Vinsamlegast hafið samband fyrir verð og bókanir.

Ferðagjöf

Vogafjós

Vogum , 660 Mývatn

Velkomin í Vogafjós

Árið 2005 voru reist gistihús til viðbótar við fjósið .Gistihúsin eru bjálkahús austan við fjósið á fallegum reit umkringdu hrauni og birkiskógi. Herbergin eru rúmgóð og hægt er að velja milli 2ja, 3ja og 4ja manna, allt með sérbaðherbergjum. Morgunverður er innifalinn. Herbergin eru fallega innréttuð og höfuðmarkmiðið er að gestum líði vel og geti slappað af
eftir langan dag.

Vinsamlegast bókið beint hér eða í síma 464-3800 eða sendið fyrirspurn á netfangið vogafjos@vogafjos.is til að fá nánari upplýsingar.

Morgunverður

Morgunverður er framreiddur í veitingasalnum, í um þriggja
mínútna göngufjarlægð frá gistihúsunum. Hægt er að fylgjast með morgunmjöltum
sem byrja klukkan 7.30 og jafnvel fá að smakka ylvolga og ferska mjólkina,
beint úr spenanum.

Morgunverðartími er breytilegur milli árstíma.

Veitingastaður

Inni í Vogafjósi rekum við glæsilegan veitingastað þar sem við leggjum áherslu á að bjóða veitingar beint frá býli.

Einkunnarorð Vogafjóss eru: ,,Þú ert það sem þú borðar". Með það að leiðarljósi leggjum við metnað okkar í að hafa
einungis á boðstólum úrvals hráefni. Við notum mikið af okkar eigin afurðum svo sem hangikjöt, reyktan silung, heimagerða osta, heimabakað bakkelsi, hverabrauð og að sjálfsögðu kjöt frá okkar eigin búi.

Þá er vert að geta þess að Vogafjós er aðili að Beint frá býli og matarklasanum Þingeyska matarbúrið.

Opnunartími er breytilegur yfir árið, best er að hafa samband í síma 464-3800 eða á vogafjos@vogafjos.is fyrir upplýsingar varðandi það.

Ferðagjöf

Gistihúsið á Bessastöðum

Bessastaðir, 531 Hvammstangi

Gistihúsið er í nýlega endurgerðu húsi sem byggt var árið 1937. Hér er mjög friðsælt og auðvelt að hlaða batteríin. Garðurinn við húsið er stór og mikið fuglalíf þar, sem og á landareigninni allri. Húsið er nálægt sjónum, þó þarf að labba dálitlar brekkur til að komast að honum. Að stoppa við í fjörunni og hlusta á náttúruna jafnast á við margra tíma hugleiðslu. Mikið er um æðarfugl og aðra sjófugla og ef maður er heppinn hittir maður sel í fjörunni og jafnvel tófu og þeir heppnustu geta séð hval úti á firðinum.

Verið velkomin að kíkja til okkar og bóka gistingu í dag eða meira. Margir sem bóka hjá okkur skrifa í gestabókina að þeir vildu óska að þeir hefðu bókað fleiri en eina nótt. Á heimasíðunni má finna frekari upplýsingar um gistihúsið, eins getið þið fræðst um hrossaræktina okkar og kúabúskapinn.

Gestum er velkomið að hafa með sér hund, ef hann er vel húsvanur og hafður í bandi úti. Hundar eru algerlega á ábyrgð gestanna sem koma með þá.​ Hér eru bæði hross, kýr og kálfar auk heimilishundsins þannig að ókunnir hundar sem ekki þekkja til geta gert usla.

Eins geta gestir komið með reiðhestana sína með sér og við útvegað þeim beitarhólf fyrir þá. Hér í Húnavatnssýslum eru frábærar reiðleiðir.

Ferðagjöf

Hraunsnef sveitahótel

Norðurárdal, 311 Borgarnes

Á sveitahótelinu eru 15 herbergi. Fimm herbergi á jarð hæð og tíu herbergi á efri hæð. Herbergin á annari hæð eru öll með útsýni úr hverjum glugga, og eru herbergin á fyrstu hæð með sér pall. Herbergin eru innréttuð hvert í sínum stíl.

Herbergin hafa öll sama útbúnað: sér inngangur, snyrting með sturtu, hárþurrka og sléttujarn, sloppar, sjónvarp.

Smáhýsi: við bjóðum uppá tvö 15 fm smáhýsi. Þau eru útbúin með hjónarúmi 140 x 200 cm, sér klósetti, sjónvarpi og eldhúskrók. Gistirými fyrir 2 mannskjur. Einnig bjóðum við uppá eitt 25 fm smáhýsi sem er útbúið með hjónarúmi 140 x 200 cm með koju yfir 80 x 190 cm ásamt einu einstaklingsrúmi 90 x 200 cm og svefnsófa 110 x 190 cm. Sér klósett og sturta, eldhúskrókur og sjónvarp er í húsinu. Gistirými fyrir allt að 5 manns. Hægt er að leigja smáhýsin með eða án sængurfata. Án sængurfata eru smáhýsin eins og svefnpokapláss þ.e. enginn sængurföt, ekki handklæði eða sloppar. Með sængurfötum fylgja einnig handklæði og sloppar.

Heitir pottar: það er alltaf gaman að busla í vatni. Hér er hægt að velja um að leika sér á tjörninni í gúmmíbát eða að slappa af í unaðslega heitum pottum.

Skoðunarferðir um dýraríkið: margar sortir af dýrum er að finna á Hraunsnefi og gaman er að halda í skoðunarferð og sjá dýrin og jafnvel fá smá brauð og gefa þeim.

Veitingastaðurinn er opinn allt árið. Opið daglega frá 12-21.

Fleira upplýsingar er hægt að nálgast á www.hraunsnef.is

Ferðagjöf

Brunnhóll

Mýrar, 781 Höfn í Hornafirði

Brunnhóll er gisthús og veitingastaður sem er staðsettur á besta stað undir Vatnajökli og útsýn til jökulsins því stórkostleg. Við erum um 50 km austar en Jökulsárlón og 30 km vestan við Höfn í Hornafirði, aðeins 300 m frá hringveginum.

Brunnhóll er fjölskylduvænn staður og við leggjum okkur fram um að veita persónulega og góða þjónustu.

Gistiheimilið er með rúm fyrir um 75 manns, í eins-, tveggja-, og þriggja manna herbergjum auk nokkurra fjölskylduherbergja. Öll herbergin eru með sér baðherbergi. Hægt er að fá bæði morgunverð og kvöldverð, auk þess léttra veitinga allan daginn.

Leitast er við að bjóða upp á afurðir sem framleiddar eru á býlinu eða í næsta nágrenni. Lögð er áhersla á að hafa ávallt heimabakað brauð á boðstólum og nýbakaðar skonsur og rabbarbarasulta eru einn af föstum liðum á morgunverðarborðinu. Sérstaklega viljum við minna á heimalagaða rjómaísinn Jöklaís, sem framleiddur er og seldur á býlinu.

Víðsýnt er úr veitingasalnum. Salurinn er tvískiptur og tekur hann um 60+ manns í sæti. Opið er út á skjólgóða verönd þar sem hægt er að njóta stórbrotinnar náttúru og útsýnis um leið og hvers konar veitinga.

Á næsta bæ, Árbæ er rekið myndarlegt kúabú. Við leitumst við að veita gestum innsýn í daglega störf bænda og þeirra vinnuhætti ásamt fræðslu um staðhætti í nágrenninu. Nokkrir erlendir starfsmenn vinna hjá okkur á hverju ári og verða oftast eins og partur af fjölskyldunni. Dvöl þeirra eykur á víðsýni og auðgar menningu heimamanna.

Opið er frá 1. febrúar til 31. október og um jól og áramót.

Ferðagjöf

Öndólfsstaðir - Bed & breakfast

Öndólfsstaðir , 650 Laugar

Velkomin í sveitasæluna á Öndólfsstöðum í Reykjadal í Þingeyjarsveit.

Við bjóðum upp á fjögur tveggja manna herbergi, öll með sér baðherbergi. Frítt wifi og morgunmatur innifalinn. Hægt er að bæta við auka rúmi og/ eða barnarúmi í tveimur herbergjum. 12 ára og yngri gista frítt í herbergi með foreldrum.

Nestispakkar og þvottaþjónusta gegn vægu gjaldi.

Ferðagjöf

Fótboltagolf Markavöllur

Dalbær III, 845 Flúðir

Erum með 18 holu fótboltagolfvöll á Markavelli rétt við Flúðir.

Vinsamlegast hafið samband vegna verðlista og bókana.

Ferðagjöf

Adventure Hótel Hof

Austurhús, 785 Öræfi

Adventure Hotel Hof er þriggja stjörnu hótel við rætur Öræfajökuls. Framundan breiðir Skeiðarársandur úr sér, þjóðgarðurinn í Skaftafelli er örskammt frá og austur undan er stutt í töfraheim Jökulsárlóns á Breiðamerkursandi og að friðlandi fugla í Ingólfshöfða. Hótelið er því kjörinn staður fyrir þá sem vilja njóta náttúrunnar og góðs nætursvefns á vingjarnlegum stað.

  • Veitingastaður
  • Ókeypis þráðlaust net
  • Morgunmatur opinn 7:30 - 9:30 alla daga
  • Kvöldmatur opinn 17:30-21:00 alla daga
  • Happy hour á flöskubjór og húsvíni 17:30 - 18:30

Hluti af Adventure Hotels.

Ferðagjöf

Gemlufall guesthouse

Gemlufall, 471 Þingeyri

Gemlufall

Tvær íbúðir eru í húsinu og mögulegt er að leigja allt húsið eða sem stakar íbúðir.

Rými er fyrir 14 -16 manns.

Íbúð 1 - 6 manns.

Íbúð 2 - 6 manns, + svefnsófi fyrir 2

Rúm eru uppábúin og handklæði fyrir gesti. Það fylgir ekki morgunverður en hægt er að panta með dagsfyrirvara morgunmat (8:00 - 9:30), nestispakka og aðrar léttari máltíðir.

Ferðagjöf

Gistiheimilið Kiðagil

Barnaskóla Bárðdæla, 645 Fosshóll

Opið fyrir veisluhöld allt árið. Uppbúin rúm og svefnpokagisting í boði. Vinsamlegast hafið samband vegna verðlista og bókana.

Tjaldsvæði er staðsett í miðjum Bárðardal vestan Skjálfandafljóts um 23 km frá þjóðvegi 1 eða um það bil 20 kílómetrum eftir að komið er niður af Sprengisandi.

Fallegir fossar eins og Goðafoss, Aldeyjarfoss og Hrafnabjargarfossar eru í nágrenninu.

Tjaldsvæði á friðsælum og rólegum stað. Salernis- og sturtuaðstaða ásamt aðgangi að rafmagni. Fótboltamörk og leikvöllur á staðnum.

Fín aðstaða fyrir ættarmót.

Ferðagjöf

Hey Iceland

Síðumúli 2, 108 Reykjavík

Hey Ísland - ferðaþjónusta bænda er ferðaskrifstofa landsbyggðarinnar. Við byggjum á yfir 35 ára reynslu og þekkingu í ferðaþjónustu á landsbyggðinni sem gerir okkur kleift að bjóða upp á fjölbreytt úrval af gistingu um land allt og afþreyingu við allra hæfi í návist við náttúruna og friðsælt umhverfi sveitarinnar.

Hey Ísland býður upp á fjölbreytt úrval af gistingu hjá yfir 160 gististöðum um land allt, frá fjölbreyttri bændagistingu yfir í hlýleg sveitahótel, sumarbústaði og íbúðir. Allir ættu því að geta fundið eitthvað við sitt hæfi hjá Hey Ísland, www.hey.is.

Ferðagjöf

Hótel Hafnarfjall

Hafnarfjall 2, 311 Borgarnes

Hótel Hafnarfjall er sveitahótel með 16 herbergjum og 5 bústöðum. Öll herbergi hafa þráðlaust netsamband.

Hótelið er staðsett undir Hafnarfjalli sunnan Borgarfjarðarbrúar andspænis Borgarnesi, rétt um 70 km. frá Reykjavík.

Kyrrð, rólegheit og náttúrufegurð skipa öndvegi hjá Hótel Hafnarfjalli.

Ferðagjöf

Suður-Bár

, 350 Grundarfjörður

Boðið er upp á gistingu í smáhýsum og herbergjum. Herbergi með og án baðs í uppbúnum rúmum og morgunverður í boði.

Níu holu golfvöllur Grundfirðinga er á staðnum tilboð á gistingu og golfi. Fallegt útsýni út á Breiðafjörðinn og á Snæfellsnesfjallgarðinn. Stutt niður í fjöru og góðar gönguleiðir í nágrenninu.

Ferðagjöf

Ferðaþjónustan Snorrastöðum

Kolbeinsstaðarhreppur, 311 Borgarnes

Boðið er uppá gistingu í sex herbergjum sem eru allt frá 2 manna til 5 manna í sér húsi með heitum potti. Í þessu húsi eru tveir salir, annar er fyrir 30-40 manns, hinn er fyrir 150-180 manns og er hann bara í útleigu á sumrin (1 júní - 30 sept). Þetta hús er tilvalið fyrir ættarmót og hvers konar hópa.

Tjaldstæði eru við húsið og salernis- og hreinlætisaðstaða ætluð tjaldstæðum er í sama húsi með sér inngangi.

Einnig eru fjögur fimm manna hús með heitum potti, sjónvarpi, grilli og öllum helsta húsbúnaði. Húsunum fylgja sængur og tvær aukadýnur. Hægt er að leigja sængurföt sérstaklega.

Þráðlaust netsamband er á staðnum.

Ferðagjöf

Ferðaþjónustan Ekru

Ekra, 701 Egilsstaðir

Að Ekru eru 2 sumarhús, reist 2005. Í báðum húsum eru með svefnaðstöðu fyrir 5, í tveimur svefnherbergju, öðru með tvíbreiðu rúmi en hinu með tvíbreiðu rúmi og koju. Þá er stofa með sófum, sjónvarpi og dvd spilara, eldhús með góðri aðstöðu og baðherbergi með sturtu.
Sængur fylgja með, hægt er að leigja sængurver og handklæði. Gasgrill er á veröndinni.
Í næsta nágrenni fellur Lagarfljót við túnfótinn og Eiríkavatn og fleiri vötn eru kippkorn handan vegarins. Krókavatn er þekkt fyrir væna urriða, allt upp í 10 pund, og eru veiðileyfin seld í aðalhúsinu.
Einungis 30 km. eru til Egilsstaðar og skammt til hins fornfræga skólaseturs að Eiðum. Á Galtastöðum fram er gamall torfbær, sem er í umsjá Þjóðminjasafnsins og opinn gestum.
Gönguferð í Stórurð er ógleymanleg upplifun og hægt að fara dagsferðir niður á nærliggjandi firði sem búa hver að sínum sérkennum og töfrum.
Nánari upplýsingar er að finna á sumarhusekru.blogspot.com

Ferðagjöf

Ferðaþjónustan Síreksstöðum

Síreksstaðir, 690 Vopnafjörður

Síreksstaðir eru í Sunnudal, litlum og friðsællum dal inn af Hofsárdal. í Vopnafirði. Þar er frístandandi gistihús og tvö 32 ferm sumarhús í boði fyrir ferðamenn er rúma 4 manns hvort, hlýleg og vel búin öllum þægindum.

Verönd með gasgrilli eru við hvort hús og heitur pottur við annað húsið. Í gistihúsinu eru 7 tveggja manna herbergi og eitt þriggja manna svefnherbergi með koju og eins manns rúmi. Setustofa með sjónvarpi. Uppbúin rúm eða svefpokapláss. WC og sturtur til sameiginlegra afnota í miðrými hússins. Handlaugar eru í hverju herbergi. Morgunverður borin fram í veitingarstaðnum sem er áfastur við gistihúsið. Hentugt fyrir alla þá er áhuga hafa fyrir að komast út og upplifa náttúruna og kyrrðina.

Á Síreksstöðum er einnig rekinn veitingastaðurinn "Hjá okkur" sem býður upp á fjölbreyttan og góðan mat. Leitast er við að vera með sem mest af hráefni frá búinu og nágrenni. Veitingarstaðurinn er opin 1. júní til 1. september, frá kl. 18 til 21.

Á Síreksstöðum er stundaður hefðbundinn búskapur og njóta gestir stúkusæta sem áhorfendur að bússtörfum. Hér eru griðavé til að upplifa kyrrðina og rólegheitin, hlusta á fuglasönginn og skoða plöntulífið. Staðurinn er fjölskylduvænn og dvöl í sveitasælunni er vel þess virði að upplifa.

Afþreying:

Leiktæki, rólur, rennibraut, sandkassi.

Minjasafnið Bustarfelli og "Hjáleigan" kaffihús 8km. Gönguleiðir í nágrenninu. Veiði í ám og vötnum. Á slóðum Vopnfirðingasögu með leiðsögn.

Nánari upplýsingar á www.sireksstadir.is

Ferðagjöf

Efsti-Dalur II

Efsti-Dalur II, 806 Selfoss

Vorið 2013 opnaði ferðamannafjósið í Efstadal veitingastað og ísbúð, þar sem fyrir var gistiheimili og mjólkurbú. Þar geta gestirnir fylgst með sveitastörfum, séð kýr og kálfa í sínu daglega umhverfi og fylgst með þegar verið er að framleiða hinar ýmsu mjólkurafurðir, svo sem ís, skyr, fetaost.

Hægt er að setjast niður á kaffihúsinu Íshlöðunni og gæða sér á nýbakaðri vöfflu og heimagerðum ís, kaffi og köku, eða fengið sér máltíð á veitingastaðnum Hlöðuloftinu á annarri hæð hússins þar sem þemað er "Beint frá býli" og notast er við afurðir frá bænum og úr nágrenninu. Verið velkomin að koma og fylgjast með fjölskyldunni að störfum!

Opnunartíma má sjá á facebook síðu Efstadals

Hestaleigan opin maí - september.

Ferðagjöf

Vestri-Garðsauki

Vestri Garðsauki, 861 Hvolsvöllur

Vinsamlegast hafið samband vegna verðlista og bókana.

Ferðagjöf

Hótel Natur

Þórisstaðir Svalbarðsströnd, 606 Akureyri

Hótel Natur er nú við þjóðveg 830 eftir að Vaðlaheiðargöng opnuðu. Um 10 mínútna akstur er frá Akureyri út með Eyjafirði að austan (ekki þarf að fara um göngin, hvort heldur komið er frá Akureyri eða Húsavík/Mývatnssveit). Staðsetningin gefur góða möguleika á dagsferðum til áhugaverðra staða á Norðurlandi.

Gisting á Hótel Natur er góður valkostur fyrir þá sem vilja njóta kyrrðar og fagurrar náttúru en geta jafnframt nýtt sér þægindi bæjarlífsins. Hótelið er vinsæll fundarstaður og einnig eru endurfundir vina- og skólahópa algengir.

Opnunartími
1.maí til 31.október. Utan þess tíma þarf að panta sérstaklega.

Ferðagjöf

Hótel Breiðavík við Látrabjarg

Látrabjarg, 451 Patreksfjörður

Vinsamlegast hafið samband vegna verðlista og bókana.

Ferðagjöf

Seljaland ferðaþjónusta

Seljaland í Hörðudal, 371 Búðardalur

Seljaland í Hörðudal er tilvalinn staður fyrir litla hópa. Þarf að panta með fyrirvara með því að hringja í síma 434 1116 / 894 2194 eða senda tölvupóst á seljaland@seljaland.is

Aðstaðan er: Þrjú smáhús þar sem 2 geta sofið í hverju. Íbúar smáhýsanna nýta sameiginlega hreinlætisaðstöðu sem er í tveim sérstökum smáhýsum. Hreinlætisðastaðan deilist með tjaldsvæði.

Fjárhúsin hafa verið endurbyggð að hluta og þar útbúin skáli með tveim stórum herbergjum þar sem 2-3 geta gist. Þar er einnig lítill veitingastaður með vínveitngaleyfi sem tekur 20-25 manns í sæti.

Séu lítil ættarmót eða hópar með gistiaðstöðuna og tjaldstæðið geta þeir matast í hlöðunni sé vont veður.

Það eru kola og gasgrill á staðnum.

Vinsamlegast hafið samband vegna verðlista og bókana.

Ferðagjöf

Gistihúsið Syðra-Skörðugil

Syðra-Skörðugil, 560 Varmahlíð

Vorið 2015 var Gistiheimilið "Ömmubær" gert upp.

Í húsinu eru 5 svefnherbergi , 2 baðherbergi , sameiginlegt eldhús og stofa.

Við húsið er glæsileg verönd með garðhúsgögnum, gasgrilli og heitum potti.

Húsið rúmar 14 manns í gistingu í uppábúnum rúmum, morgunverður er innifalinn í verði ásamt öllum sköttum.

Samkvæmt ummælum gesta á booking.com eru þeir afar ánægðir með gistinguna. Gistihúsið hefur hlotið 9,0 í einkunn af 10 mögulegum sem telst mjög gott og flokkast undir excellent !

Það geta allir látið fara vel um sig í Ömmubæ.

Ferðagjöf

Gistihúsið - Lake Hotel Egilsstadir

Superior
Egilsstaðir 1-2, 700 Egilsstaðir

Gistihúsið - Lake Hotel Egilsstadir er rómað, fjölskyldurekið hótel sem hvílir á gömlum merg íslenskrar bændamenningar. Hótelið mætir ströngustu nútímakröfum um gæði, glæsileik og aðbúnað, um leið og það varðveitir uppruna sinn sem nær aftur til ársins 1903 og ljær því einstakan blæ. Gestir geta valið um vel búin og rómantísk antík-herbergi í eldri hluta hótelsins eða nútímaleg herbergi yngri byggingar. Herbergin eru alls 50 talsins og öll með sérbaðherbergjum.

Sameiginlegt rými/setustofa er í móttökusal og er þar einnig glæsilegur bar með góðu úrvali drykkja.

VEITINGASTAÐUR HÓTELSINS, ELDHÚSIÐ - RESTAURANT, HEFUR GETIÐ SÉR ORÐS OG ERU METNAÐUR OG ALÚÐ ÞAR ALLSRÁÐANDI. MATARGERÐIN ER SPROTTIN ÚR TRAUSTUM HEFÐUM, EN HRÁEFNIN GJARNAN SETT Í NÝTT OG FRAMSÆKIÐ SAMHENGI. HRÁEFNI ER ÆTÍÐ FYRSTA FLOKKS, AÐ MESTU ÍSLENSKT, GJARNAN LÍFRÆNT OG OFT FENGIÐ ÚR NÆSTA NÁGRENNI, ENDA ER LEITAST VIÐ AÐ NÝTA OG KYNNA AFURÐIR ÚR HÉRAÐI. ÞRIGGJA RÉTTA KVÖLDVERÐURINN BEINT FRÁ BÝLI ER STOLT ELDHÚSSINS

Glæsileg heilsulind, Baðhúsið - Spa, er á jarðhæð hótelsins, með heitri smálaug, sánu, köldum potti og hvíldarsvæði innan og utan dyra. Einkar fallegt útsýni er yfir Lagarfljót frá heilsulindinni. Lögð er áhersla á rólegt, slakandi og endurnærandi

umhverfi. Gestir hafa aðgang að búningsklefum og fá handklæði og baðsloppa til afnota, en hægt er að leigja sundföt.

Sjá einnig:

www.gistihusid.is

www.fljotsdalsherad.is

www.farmholidays.is

Ferðagjöf

Hótel Langaholt

Ytri-Garðar Staðarsveit, 356 Snæfellsbær

Gistihúsið Langaholt, á sunnanverðu Snæfellsnesi, er umfaðmað stórbrotinni náttúru. Til norðurs mikilfenglegur fjallgarður, til suðurs gullin strönd og til vesturs blasir við Snæfellsjökull í allri sinni dýrð.

Gistingin í Langaholti telur 40 herbergi, öll með sér baði.

Í Langaholti er metnaðarfullur sjávarréttaveitingastaður þar sem kappkostað er að galdra fram ljúffenga rétti úr því besta sem hafið við Snæfellsnes gefur.

Tjaldsvæði er einnig í boði og þaðan er stutt að skreppa á ströndina til að njóta og leika við sjóinn.

Í túnfætinum er 9 holu "Links" golfvöllur í mjög náttúrulegu umhverfi og er undirlag hans uppgróinn foksandur af ströndinni og öll upplifun verður mjög "Skosk".

Ferðagjöf

Hótel Búrfell

Mýrdalur, 871 Vík

Hótel Búrfell er fjölskyldurekið hótel, staðsett á Suðurlandi, 14 km vestan við Vík.

Hótelið er á rólegum og hljóðlátum stað.

Stutt er í allar helstu náttúruperlur Suðurlands.

Það er frítt þráðlaust net í allri byggingunni.

Herbergin eru rúmgóð og hugguleg, með sér baðherbergi.

Í hverju herbergi má finna sjónvarp, hárblásara og hraðsuðuketil með te/kaffi bakka.

Fyrir bókanir og/eða fyrirspurnir sendið póst á info@hotelburfell.is

Við tökum vel á móti þér!

Ferðagjöf

Breiðamýri

Breiðamýri, 650 Laugar

Á Breiðumýri hefur verið rekið gistihús frá 2016, Breidamyri Farm Apartments. Þar er boðið upp á gistingu í 5 íbúðum. Á neðri hæð eru þrjár fullbúnar íbúðir með eldunaraðstöðu og sér baðherbergi. Á efri hæðinni eru tvær stærri íbúðir með eldhúsi og sér baðherbergi. Á Breiðumýri er kjörin aðstaða fyrir fjölskyldur sem vilja gista í heimilislegu og notalegu umhverfi en jafnframt hafa möguleika á að njóta sömu þæginda og heima við.

Stutt er á Laugar, en þar er veitingahús og verslun, Dalakofinn. Einnig hin besta sundlaug og 6 hola golfvöllur.

Margar af hinum fallegustu náttúruperlum Íslands eru í næsta nágrenni, Mývatn með allri sinni fegurð, þar eru ótakmarkaðir möguleikar á alls konar útivist og Jarðböðin.

Jökulsárgljúfur, Dettifoss og Ásbyrgi, Goðafoss og Aldeyjarfoss eru í nágrenni eins má fara til Húsavíkur þaðan er hægt að fara í hvalaskoðun eða á hin ýmsu söfn- og slaka svo á í hinum vinsælu Sjóböðum.

Gestum á Breiðumýri er einnig velkomið að ganga um bújörðina, jafnvel fylgjast með bóndanum að störfum við heyslátt, kúnum úti í haga, hænunum að vappa um eða klappa Kela ketti sem elskar að taka á móti gestum.

Ferðagjöf

Hali

Suðursveit, 781 Höfn í Hornafirði

Hali í Suðursveit er þekktur sögustaður, en þar fæddist Þórbergur Þórðarson rithöfundur (1888 - 1974). Hali er aðeins um 13 km austan Jökulsárlón á Breiðamerkursandi, miðja vegu milli Hafnar í Hornafirði og Skaftafells. Um 70 km eru til Hafnar og um 73 km í Skaftafell.

Á Hala er rekið gistiheimili þar sem boðið er upp á þægilega gistingu á sanngjörnu verði í 35 tveggja og þriggja manna herberi í tveimur húsum. Einnig eru í boði tvær 2ja herbergja lúxusíbúðir í sér húsi. Hægt er að bóka beint hér.

Þórbergssetur á Hala er menningarsetur helgað minningu Þórbergs Þórðarsonar rithöfundar. Þar eru sýningar helgaðar sögu Suðursveitar og lífi og verkum Þórbergs Þórðarsonar. Í Þórbergssetri er veitingahús með vínveitingaleyfi og sætum fyrir 100 manns. Veitingahúsið er opið allt árið frá 8:00 - 21:00.

Á Hala er kjörið fyrir hópa að dvelja, njóta útiveru, fræðslu og skemmtunar. Merktar gönguleiðir eru í nágrenninu, sagan bíður við hvert fótmál. Hægt er að panta gönguferðir með leiðsögn um fjallendi Suðursveitar.

Ferðagjöf

Hótel Laki

Landbrot, 881 Kirkjubæjarklaustur

Hótel Laki er fjölskyldurekið hótel staðsett fimm kílómetrum sunnan við Kirkjubæjarklaustur, í einungis þriggja klukkustunda akstursfjarlægð frá Reykjavík. Við okkur blasa Öræfajökull og Mýrdalsjökull, þar sem þeir teygja sig stoltir til himins og til suðurs hvílir augað í óendanleika himins og hafs.
Núna erum við komin með 64 hótelherbergi, glæsilegan matsal og bar. Við bjóðum upp á glæsilegan matseðil með afurðum úr heimabyggð allt árið. Hægt er að fá aðgengi að glæsilegu veiðivatni í göngufæri við hótelið.

Hægt er að bóka beint á hotellaki@hotellaki.is

Ferðagjöf

Stóra-Vatnshorn

Stóra-Vatnshorn, 371 Búðardalur
Ferðagjöf

Ferðir ehf. / Arinbjörn Jóhannsson Erlebnistouren

Brekkulækur, 531 Hvammstangi

Fjölbreytt ferðaþjónusta er rekin á sveitabænum Brekkulæk í Miðfirði. Í gegnum árin höfum við skipulagt hestaferðir yfir hálendi Íslands ásamt gönguferðum þar sem áhersla er lögð á náttúru Íslands og sveitina.

Brekkulækur býður upp á gistingu, veitingar og afþreyingu. Fuglaskoðunarferðir í júní. Hestaferðir og gönguferðir í júní-ágúst. Náttúruskoðunarferðir með lítilsháttar klifri og hellaskoðun. Haustferðir þar sem m.a. er farið í réttir.

Endilega heimsækið okkur hér.

Ferðagjöf

Adventure Hótel Geirland

Síða, 880 Kirkjubæjarklaustur

Kyrrðin, friðurinn og krafturinn gerir staðsetningu hótelsins einstaka. Persónuleg þjónusta eru einkunnarorð okkar og leggur allt okkar starfsfólk metnað sinn í að gera heimsóknina sem eftirminnilegasta.

Hótel Geirland býður upp á 40 herbergi og svefnpokpláss. Veitingahúsið okkar leggur metnað sinn í að bjóða upp á mat beint frá býli. Öll herbergin hafa sér baðherbergi og kaffi og te aðstöðu. Við bjóðum svo gestum okkar upp á frítt þráðlaust WIFI internet .

Í næsta nágrenni er svo sundlaug með heitum pottum, 9 holu golfvöllur, veiði og síðast en ekki síst stórbrotin náttúra sem bíður upp á margar mismunandi gönguleiðir með erfiðleikastigi fyrir alla. Af áhugaverðum stöðum má nefna Systrastapa, Systravatn, Landsbrotshóla, Fjarðarárgljúfur og Dverghamra. Á sumrin er boðið upp á dagsferðir með leiðsögn á heilmarga staði

Vinsamlegast hafið samband vegna verðlista og bókana

Það er einnig hægt að finna okkur á Facebook (Hotel Geirland)

Ferðagjöf

Dæli Guesthouse

Víðidalur, 531 Hvammstangi

Ferðaþjónustan Dæli í Víðidal hefur verið rekin frá árinu 1988. Fjölbreytt aðstaða og afþreying, bæði fyrir einstaklinga og hópa, 16 herbergi með baði þar af 10 tveggja og 4 þriggja manna og 1 með aðgengi fyrir fatlaða. Þá eru 6 smáhýsi með rúmum og kojum fyrir allt að 24 manns og er hvert hús 12 m² að stærð með WC í hverju húsi. Sameiginleg sturtu- og snyrtiaðstöða. Þar er einnig matsalur með eldunaraðstöðu.

Í Dæli er rekin veitingasala með bar fyrir gesti og gangandi, hópa jafnt sem einstaklinga. Okkar rómaða kaffihlaðborð með heimabökuðu íslensku bakkelsi nýtur líka sívaxandi vinsælda. Við gerum tilboð í hópa, bæði í mat og kaffi, svo hafið endilega samband og fáið frekari upplýsingar!

Veitingasalan er opin alla daga og öll kvöld frá 15. maí til 30. september, en annars eftir samkomulagi.

Boðið er upp á hestasýningar fyrir 15 eða fleiri en þær þarf að panta fyrirfram. Þá bjóðum við upp á reiðkennslu fyrir einstaklinga og þarf að bóka það sérstaklega .

Ferðagjöf

Nýpugarðar

Nýpugarðar, 781 Höfn í Hornafirði

Nýpugarðar er gistiheimili á Suðausturlandi sem býður upp á ódýra gistingu þar sem áhersla er lögð á góða þjónustu. Við bjóðum uppá níu hefbergi með sérbaði, tvö með sameiginlegu baði auk tveggja sumarhúsa sem rúma 2-4 gesti.

Á Nýpugörðum er boðið upp á hefðbundin íslenskan mat. Nýpugarðar er staðsett upp á hól og hefur frábært útsýni yfir jökla, fjallahringinn sem Hornafjörður skartar og heillandi fjörurnar í bakrunn.

Ferðagjöf

Ferðaþjónustan Sandfellsskógi

Stóra-Sandfell 3, Skriðdalur, 701 Egilsstaðir

Ferðaþjónustan að Stóra-Sandfelli er í Skriðdal, 17 km. sunnan við Egilsstaði við þjóðveg nr. 95 sem liggur á milli Egilsstaða og Hafnar í Hornafirði þegar keyrt er yfir Öxi eða Breiðdalsheiði. Hér er ýmist boðið upp á gistingu í smáhýsum, herbergjum eða á tjaldsvæði.

Einnig eru í boði hestaferðir um Sandfellsskóg og nágrenni, auk þess sem auðvelt er að finna sér skemmtilegar gönguleiðir á svæðinu. Skammt er til allra helstu ferðamannastaða Austanlands frá bænum.

Sama fjölskylda hefur rekið ferðaþjónustuna um þrjátíu ára skeið og sameinar reynslu og austfirska gestrisni.Við leggjum áherslu á góð og persónuleg samskipti við gesti okkar, þar sem þeir geta notið sín í fögru umhverfi og kyrrð í íslenskri náttúru.

Smáhýsin eru 10 talsins, af ýmsum stærðum og gerðum og rúma 2-4 gesti hvert. Öll eru með eldunaraðstöðu og aðgang að gasgrilli, sex þeirra eru með sérbaðherbergi og fjögur með sameiginlegum snyrtingum. Herbergin eru 3, öll með sér inngangi, litlu baðherbergi og með aðgang að eldunaraðstöðu og gasgrilli.

Tjaldsvæðið er staðsett í víðfeðmu skóglendi sem hentar einkar vel fyrir tjöld og tjaldvagna, fjölskyldur og fjörkálfa. Á svæðinu eru borð með áföstum bekkjum, Króklækurinn rennur þar í gegn og býður upp á ævintýri fyrir yngsta fólkið. Á snyrtingunum eru salerni, sturtur, útivaskar og heitt og kalt vatn.

Allar hestaferðir eru með leiðsögn. Leitast er við að velja hesta við hæfi hvers og eins og í upphafi hverrar ferðar er farið stuttlega yfir helstu atriði sem knapar þurfa að hafa í huga og teknir nokkrir æfingahringir í gerðinu. Tímasetning ferða er eftir samkomulagi hverju sinni og lágmarksfjöldi þátttakanda í hverri ferð eru 2 og hámarksfjöldi 10.

Opnunartímar:
Gistiaðstaðan er opin frá 15. maí - 15. september.
Hestaleigan er opin frá 1.júní-15.september
Tjaldsvæðið er opið frá 1. júní - 31.ágúst.

Fyrir frekari upplýsingar og bókanir, vinsamlegast farið á heimasíðu okkar eða hafið samband í gegnum síma eða tölvupóst.

Ferðagjöf

Kast Gistiheimili

Lýsudal, 356 Snæfellsbær

Á Gistiheimilinu Kasti eru 27 herbergi: 17 tveggja manna, 2 þriggja manna og 2 fjölskylduherbergi með baði og 6 tveggja manna herbergi með sameiginlegu baði. Herbergin eru rúmgóð og því er auðveldlega hægt að bæta við fleiri rúmum. Hægt er að kaupa nettengingu í móttökunni.

Gistiheimilið er með glæsilegan veitingasal sem rúmar 50 manns. Þar er boðið upp á ýmsa létta rétti og kræsingar sem gerðar eru frá grunni í eldhúsi Kasts. Kvöldverður er í boði milli 18:30 og 20:30. Einnig er hægt að panta nesti og taka með úr eldhúsi.

Ferðir á hestbak í boði á sumrin.

Ferðagjöf

Skammidalur Gistiheimili

Skammidalur 2, 871 Vík

Skammidalur Gistiheimili.

Býður upp á gistirými í aðeins 7 km fjarlægð frá Vík en allt í kring er órofið landslag Suðurlands. Gistiheimilið er með útsýni yfir Reynisdranga, Reynisfjall og Dyrhólaey.

Herbergin eru með viðargólf, lítið setusvæði, hárþurrku og vask. Gestir eru með aðgang að sameiginlegu eldhúsi og 2 sameiginlegum baðherbergjum. Ókeypis Wi-Fi Internet er í boði.

Gestir geta notið útsýnis yfir garðinn, fjöllin og sjóinn frá herbergjunum og veröndinni á Skammidalur Gistiheimili.

Ferðagjöf

Stóru-Laugar

Reykjadal, 650 Laugar

Á Stórulaugum er gisting í nýuppgerðu og glæsilegu steinhúsi, en bærinn er um 1 km frá framhaldsskólanum á Laugum og því vel staðsett á milli Akureyrar og Mývatns. Fljótlegt er að skreppa í báðar áttir en á Akureyri má m.a. njóta dagsins á glæsilegum golfvelli Akureyringa (61 km) eða skreppa í hvalaskoðunarferð til Húsavíkur (40 km) og svo eru töfrar Mývatns nánast handan við hornið (30 km).
Svo er að sjálfsögðu verslun og sundlaug að Laugum í aðeins um 1 km fjarlægð.

Herbergin á Stórulaugum eru björt og rúmgóð; Sjö þeirra með sér baðherbergi (tvö 3ja og fimm 2ja manna) en auk þess eru 4 herbergi með handlaugum (eitt 3ja manna, eitt eins manns og tvö 2ja manna).

Frá bænum er alveg einstakt útsýni og á verönd fyrir framan húsið er stór heitur pottur.

Bærinn stendur við veg nr. 846 (keyrt að framhaldsskólanum en síðan er beygt til vinstri).

Ferðagjöf

Ferðaþjónustan Hellishólum

Hellishólar, 861 Hvolsvöllur

Hellishólar í Fljótshlíð er glæsileg ferðaþjónusta sem býður upp á fjölbreytta afþreyingu fyrir gesti, gistingu í sumarhúsi og fullkomna tjaldaðstöðu. Hellishólar eru staðsettir mitt í sögusviði Brennu-Njálssögu og eru í um klukkutíma fjarlægð frá Reykjavík.

Hellishólar eru stoltir að kynna þá afþreyingu sem hægt er að stunda á svæðinu og má þar helst nefna glæsilegan níu holu golfvöll, Hellishólavatn til að veiða í, heita potta, leiksvæði, hestaleigu og margt fleira.

Vinsamlegast hafið samband vegna verðlista og bókana.

Ferðagjöf

Hótel Dyrhólaey

Mýrdalur, 871 Vík

Hótel Dyrhólaey er fjölskyldurekið hótel, staðsett á Suðurlandi, 9 km vestan við Vík. Hótelið er þekkt fyrir glæsilegt útsýni yfir Mýrdalinn og Dyrhólaey. Stutt er í allar helstu náttúruperlur Suðurlands. Á staðnum er líkamsrækt og bílasafn með bílum frá 1915 til 1970.

Það er frítt þráðlaust net í allri byggingunni. Herbergin eru rúmgóð og hugguleg, með sér baðherbergi. Í hverju herbergi má finna sjónvarp, hárblásara og hraðsuðuketil með te/kaffi bakka.

Fyrir bókanir og/eða fyrirspurnir sendið póst á dyrholaey@dyrholaey.is

Við tökum vel á móti þér!

Ferðagjöf

Hótel Laugarhóll

Bjarnarfjörður, 520 Drangsnes

AÐSTAÐA

Hótel Laugarhóll er heimilislegt, sveitahótel í gróðursælum dal á Ströndum, miðja vegu milli Ísafjarðar og Reykjavíkur. Boðið er upp á gistingu í eins, tveggja og þriggja manna herbergjum, með eða án sér baðs. Einnig er tekið er á móti hópum, allt að 40 manns í uppbúin rúm. Á Laugarhóli er að finna notalega setustofu með nettengingu, veitingastað, íþróttasal og gallerí, sundlaug og heitan pott. Skammt frá hótelinu er tjaldsvæði með rennandi vatni og salernum. Tjaldsvæðið er opið frá 1. júní til 1. september.

Utan háannatíma hentar staðurinn einstaklega vel til funda-, námskeiða- og ráðstefnuhalds og ekki síður sem æfingabúðir fyrir kóra, leik- og íþróttahópa, björgunarsveitir eða gönguskíðagarpa,

AFÞREYING

Við hótelið stendur Gvendarlaug hins góða, ylvolg sundlaug, með náttúrulegu heitu vatni (32°C) og náttúruleg heit uppspretta (42°C), vinsæll viðkomustaður hjá lúnum ferðalöngum. Í næsta nágrenni eru fjölbreyttar og fallegar gönguleiðir, silungsveiði, hestaleiga, sjóstangveiði og lundaskoðun, ósnert og víða stórbrotin náttúra og ævintýralegar rekafjörur sem eru eitt helsta tákn Strandasýslu.

VEITINGASTAÐUR

Boðið er uppá veitingar í björtum og notalegum borðsal með útsýni yfir sveitina. Þar má gæða sér á bragðgóðum, heimilislegum mat úr héraði í bland við framandi rétti. Á boðstólum er að jafnaði ferskt sjávarfang, heimalagaðar súpur og nýbakað brauð, ásamt grænu salati og kryddjurtum úr garðinum, að ógleymdum girnilegum eftirréttum.

KOTBÝLI KUKLARANS

Strandir hafa löngum verið kenndar við galdra og í Bjarnarfirði bjó Svanur galdramaður á Svanshóli sem getið er í upphafskafla Njálu. Kotbýli kuklarans er annar áfangi Galdrasafnsins á Hólmavík og stendur við hlið Gvendarlaugar. Það sýnir vel þær aðstæður sem almúgafólk á Ströndum bjó við á tímum galdrafársins og fátæklegur aðbúnaðurinn útskýrir ef til vill þörf þess til að sækja sér styrk í kukl.

GVENDARLAUG HINS GÓÐA

Sundlaugin á sér merka sögu en hún var byggð á fimmta áratug síðustu aldar með sameiginlegu átaki bænda úr hreppnum. Nýleg sundskýli eru við laugina og í anddyri þeirra er sýning sem greinir í máli og myndum frá byggingu laugarinnar.

GVENDARLAUG HIN FORNA

Skammt ofan við sundskýlin er Gvendarlaug hin forna, náttúruleg heit uppspretta, blessuð í byrjun 13. aldar af Guðmundi góða fyrrum Hólabiskupi. Hún er talin búa yfir lækningamætti og er nú friðuð og í umsjá Þjóðminjasafns Íslands.

STAÐSETNING

Frá Reykjavík er rúmur þriggja stunda akstur (258 km) að Laugarhóli, gegnum Borgarnes og Búðardal til Hólmavíkur. Þaðan liggur leiðin fyrir botn Steingrímsfjarðar og yfir Bjarnarfjarðarhálsinn. Hótel Laugarhóll er við veg nr. 643.

Ferðagjöf

Fljótsbakki sveitahótel

Fljótsbakki, 641 Húsavík

Fljótsbakki er fullkomlega staðsett á milli Akureyrar, Mývatnssveitar og Húsavíkur í töfrandi umhverfi fjalla, vatna og dýra.
Það er stutt til allra átta og margt að sjá og geri í nágrenninu.

Fljótsbakki er fjölskylduvænt þar sem börnin geta notið sín í öruggu umhverfi.

í boði eru 12 ný tveggja manna herbergi, árið 2016 var allt tekið í gegn og ótrúlegt til þess að hugsa að það hafi áður verið fjós.
Veitingastaðurinn er opinn frá júní til september þar sem hægt er að fá heimagerðan mat í hádeginu og kvöldin. Reynt er eftir fremsta megni að vinna með mat úr sveitinni og að hann sé sem ferskastur.

Ferðagjöf

Dalshöfði Giastiheimili

Dalshöfði, 880 Kirkjubæjarklaustur

Vinsamlegast hafið samband vegna verðlista og bókana.

Ferðagjöf

Gistihúsið Neðra-Vatnshorn

Línakradalur, 531 Hvammstangi

Sveitagisting í rólegu umhverfi í gömlu húsi með sál.

Gisting í sérhúsi með sameiginlegt baðherbergi og WC, setustofu og eldhús. Eitt hjónaherbergi með tvíbreytt rúmi, eitt twin herbergi með 2 einstaklingsrúm, þriggja manna herbergi með aukadýnu fyrir t.d. eitt barn. Tilvalið fjölskylduherbergi fyrir hjón með tvo börn/unglinga. Uppbúin rúm og handklæði fylgja. Húsið getur verið leigt út í sólarhring eða í lengri tima fyrir allt að 8 manns. Í boði er að koma með sitt eigið lín og fá afnot af sængum fyrir 7-8 manns.

Gisting í 2 smáhýsum fyrir tvo með sérbað og uppbúin rúm. Enginn eldurnaraðstaða í herbegjum en hægt að hita vatn , instant kaffi og te innifalið í herbergjum. Sólpallur fyrri framan hverja gistieiningu með útsýni á Miðfjarðarvatn.

Morgunmatur er í boði þar sem lögð er áherslu á heimatilbúna afurðir. Allt brauð er bakað heima og sulturnar eru einnig heimagerðar. Áhersla er lögð á íslenskt hráefni. Hægt er að fá morgunmat sniðinn fyrir þá sem eru á grænmetisfæðu eða vegan og með mataróþól en það þarf að panta það fyrirfram.

Í boði er stutt bæjarrölt með leiðsögn um bæinn með kynningu á búskap bæjarins og vélakosti.

Gönguleiðir frá bænum upp á fjall og einnig góðar gönguleiðir í nágrenni, fjörugöngur á Vatnsnesinu.

Hægt er að fylgjast með sauðburði í mai , sjá nýfædd folöld í júni og júli, fylgjast með heyskap í júli og rúllutækninni.

Það eru nokkrir hestar á bænum til sýnis fyrir gesti og teymd er undir börnum.

Þeir sem gista mega veiða á stöng í læk.

Góð veiðivötn í næsta nágrenni og upp á Arnavatnsheiði.

Stutt er í verslun og sund á Hvammstanga sem er í aðeins 12 km fjarlægð frá bænum. Margir áhugaverðir staðir til að skoða í nágrenni og tilvalið að fara í dagsferð upp á Arnavatnsheiði til að njóta kyrrðarinnar.

Verið velkomin!

Hægt er að bóka beint á heimasíðunni og það er veittur 15% afsláttur af allri gistingu.


Ferðagjöf

Sveitasetrið Hofsstöðum

Skagafjörður, 551 Sauðárkrókur

Sveitasetrið Hofsstöðum er fjölskyldurekið sveitahótel staðsett á kyrrlátum stað í fallegu umhverfi við bakka Héraðsvatna með útsýni til lands og sjávar.
Sveitasetrið býður upp á 30 notaleg 26 fm herbergi með baði og verönd. Einnig eru í boði 3 herbergi með baði í bændagistingu á Hofsstöðum. Á Sveitasetrinu er veitingastaður þar sem eigin framleiðsla og hráefni úr heimabyggð er í fyrirrúmi.

Hér er hægt að dvelja og njóta kyrrðarinnar sem sveitin hefur uppá að bjóða með alla þjónustu og afþreyingu í Skagafirði innan seilingar.
Sveitasetrið er við veg nr. 76 aðeins 18 km frá þjóðvegi 1.

Afþreying í Skagafirði er fjölbreytt og áhugaverð, svo sem söfn, sýningar, sundlaugar, hestasýningar, bátasiglingar, golf, skíðasvæði, gönguleiðir o.fl. (www.visitskagafjordur.is )

Hlökkum til að taka á móti ykkur.

Ferðagjöf

Hótel Rauðaskriða

Rauðaskriða, Aðaldalur, 641 Húsavík

Hótel Rauðaskriða er vinalegt, fjölskyldurekið sveitahótel við veg 85 á milli Húsavíkur og Akureyrar. Hótelið er mjög vel staðsett fyrir dagsferðir á áhugaverða staði á Norðurlandi, svo sem Akureyri, Húsavík, Goðafoss, Mývatn, Dimmuborgir, Ásbyrgi, Dettifoss, Hljóðakletta og Aldeyjarfoss. Afþreying í nágrenni okkar er t.d. Hvalaskoðun frá Húsavík, Jarðböðin við Mývatn, Geosea sjóböðin á Húsavík, hestaleigur, hjólaleigur, veiði í vötnum og ám og margt fleira.

Við erum umhverfisvottað hótel (Norræni Svanurinn) og bjóðum upp á 37 herbergi með baði og morgunverði. Á öllum herbergjum er gervihnattasnjónvarp, ótakmarkað internet, hárþurrka og te- og kaffisett. Við hótelið eru einnig heitir pottar þar sem gott er að slaka á eftir ferðalag dagsins.

Ferðagjöf

Hótel Gullfoss

Brattholt, 806 Selfoss

Hótel Gullfoss er staðsett á þjóðveg 35 í þæginlegri fjarlægð frá Reykjavik. Hvort sem þú vilt heimsækja Gullfoss eða Geysi eða fara yfir kjöl þá erum Hótel Gullfoss ákjósanlegur áningastaður fyrir þig.

Hótelið er staðsett á bænum Brattholti og bíður upp á vinalegt viðmót, góðan mat og afslappað andrúmsloft.

Hótel Gullfoss samastendur af 35 herbergjum og rúmgóðum veitingasal. Öll herbergin eru með sér baðherbergi, hárblásara, frítt WIFI, double eða twin rúm og flatskjám. Veitingasalurinn er með frábært útsýni og stóra glugga sem snúa að Hvítá og er því útsýnið einstaklega fallegt.

Við Hótel Gullfoss liggur gamli vegurinn upp að Gullfossi og er tilvalið að labba meðfram gilinu og virða fyrir sér fallega útsýnið.

Hótel Gullfoss er aðeins í 3 km fjarlægð frá Gullfossi, 7,6 km frá Geysi og 60 km frá Þingvöllum, þetta er því tilvalin staður til að vera á þegar ferðast er um Gullna hringinn.

Hótel Gullfoss er tilvalinn staður til að dvelja á til þess að njóta helstu ferðamannastaðanna Geysis og Gullfoss fyrir háannatímann, á kvöldin og morgnanna.

Það verður enginn kvöldverður borinn fram til 15. september 2020

Morgunverður verður borinn fram eins og venjulega.

Öll helstu tilboð fyrir sumarið má nálgast á heimasíðunni okkar www.hotelgullfoss.is

Ferðagjöf

Hengifoss gistihús

Végarður, Fljótsdal, 701 Egilsstaðir

Undir hinu fagra Valþjófsstaðafjalli við Tröllkonustíg stendur Hengifoss gistihús við Végarð í Fljótsdal. Dalurinn er með veðursælli stöðum landsins. Boðið er upp á gistingu í tveggja til fjögurra manna herbergjum með uppábúnum rúmum með sér baðherbergi. Nokkur herbergi eru með eldunaraðstöðu. Einnig er í húsinu salur með kamínu þar sem gestir geta notið morgunverðar og kvöldverðar. Kvöldverð er hægt að fá frá 18. júní til loka ágúst og morgunverð alla morgna sé þess óskað.

Þá er hægt er að fá gistingu í herbergjum með sameiginlegu baðherbergi og eldhúsi. Við bjóðum jafnframt upp á svefnpokagistingu í sér herbergjum með rúmum.

Hjá okkur er líka fullbúið tjaldstæði með rafmagni, góðri snyrtingu, grillaðstöðu og leiksvæði.

Aðstaðan okkar hentar vel fyrir brúðkaup, ættarmót, starfsmannaferðir og minni fundi. Félagsheimilið Végarður er á sama stað og þar má leigja stærri sal.

Nóg er að skoða í næsta nágrenni. Má þar nefna Skriðuklaustur (1 km). Þar er safn og kaffihús og á þar rétt við er Snæfellsstofa, gestastofa Vatnajökulsþjóðgarðs með upplýsingum um hálendið í máli og myndum. Hengifoss, einn hæsti foss landsins, er líka á næsta leiti (6 km) sem mörg þúsund manns leggja leið sína að ár hvert. Strútsfoss er í Suðurdal og er þægileg gönguleið að fossinum frá bænum Sturluflöt (13 km).

Valþjófsstaðarkirkja er í göngufæri frá gistihúsinu en þar er eftirlíking af hinni fornu Valþjófsstaðahurð. Svo má ekki gleyma Óbyggðasetri Íslands í Fljótsdal en heimsókn þangað er mögnuð upplifun. Það er stutt upp í Laugarfell (um klukkustundar akstur) og þar er hægt að baða sig í náttúrulaugum. Hæsta fjall Íslands utan jökla, Snæfell er ein af mestu perlum Íslands og blasir það við þegar ekið er upp að Laugarfelli. Haldi menn ferð sinni áfram er hægt að aka á malbikuðum vegi alla leið að Kárahnjúkastíflu.

Ferðagjöf

Smyrlabjörg sveitahótel

Suðursveit, 781 Höfn í Hornafirði

Smyrlabjörg er sveitahótel með 68 björtum og vel útbúnum tveggja, þriggja og fjögurra manna herbergjum með sérbaði í flokki IV. Ágætis aðstaða er fyrir fatlaða. Hárþurrkur, sjónvarp og þráðlaust net er í öllum herbergjum.

Veitingastaðurinn er alla jafn opin allt árið. Á matseðlinum er að finna fjölbreytta og fjölskylduvæna rétti.

Í nágrenninu eru margar af fallegustu náttúruperlum landsins. Mikið af fjölbreyttri og skemmtilegri afþreyingu allt í kring.

Ferðagjöf

Hjarðarból Gistiheimili

Hjarðarból, Ölfusi, 816 Ölfus

Vinsamlegast hafið samband vegna verðlista og bókana.

Ferðagjöf

Árnanes

Árnanes, 781 Höfn í Hornafirði

Árnanes ferðaþjónusta býður upp á hestaferðir og útsýnisferðir fyrir einstaklinga og litla hópa.

Vinsamlegast hafið samband vegna verðlista, ferða og bókana.

Ferðagjöf

Fagrabrekka

Syðri-Rauðilækur, 851 Hella

Fagrabrekka er frábærlega staðsett gisting í klukkutíma akstur fjarlægð frá Reykjavík. Hér í nágreninu eru margir af fallegustu stöðum Íslands. Við bjóðum ykkur hjartanlega velkomin.

Ferðagjöf

GlacierWorld

Hoffell 2b, 781 Höfn í Hornafirði

Við hjá Glacier World bjóðum uppá gistingu og heitar laugar í einstöku umhverfi.

Heitu náttúrulaugarnar okkar eru umkringdar fjöllum og jökli. Það er fullkomið að liggja og njóta náttúru Íslands með útsýni yfir Hoffellsjökul, skriðjökul frá Vatnajökli, og safna orku eftir langt ferðalag.

Glacier World er staðsett í Hoffelli og þar bjóðum við uppá gistingu í endurgerðum húsum með útsýni fyrir Hoffellsjökul. Við bjóðum upp á tvenns konar herbergi, með sér baði og með sameiginlegu. Boðið er upp á 21 herbergi í heildina og eru 8 af þeim með sameiginlegu baði. Herbergin með sér baði eru svo í húsum sem eru gerð upp. Annað húsið er gömul hlaða sem gerð var upp 2014. Þar er að finna 8 herbergi, morgun- og kvöldverðarsal og sýningarsal. Hitt húsið er gamla fjósið í Hoffelli en það var klárað 2015.

Í fjárhúsunum sem eru innangengd úr hlöðunni er morgunverðarsalur með dásamlegu útsýni.

Innifalið í gistingunni er aðgangur að heitu laugunum.

Einnig eru gönguleiðir sem eru stikaðar í umhverfi Hoffellsjökuls fyrir þá sem vilja.

Endilega hafið samband til þess að fá nánari upplýsingar.

Ferðagjöf

Ferðaþjónustan Mjóeyri

Strandgata 120, 735 Eskifjörður

Gistiheimilið er staðsett í fögru og friðsælu umhverfi á Mjóeyri, rétt utan við þéttbýlið við Eskifjörð. Húsið er nýlega innréttað, var byggt árið 1895 og ber merki gamalla og nýrra tíma. Við leggjum áherslu á hlýlegt og heimilislegt andrúmsloft.

Stórkostlegt útsýni er út Reyðarfjörð, inn Eskifjörð, yfir Hólmanes og Hólmatind. Hægt er að fá morgunmat og kvöldmat ef pantað er með fyrirvara. Boðið er upp á gistingu í fjórum, eins til tveggja manna herbergjum með sameiginlegum eldhúskrók, setustofu með sjónvarpi og góða hreinlætissaðstöðu. Útvarp og sjónvarp er í öllum herbergjum. Reyklaust umhverfi er innandyra. Stór sólpallur er við innganginn á neðri hæð og þaðan er einnig gengið inn í morgunverðarsal.

Ferðaþjónustan á Mjóeyri býður einnig upp á fimm 39m2 smáhýsi. Húsin eru klædd að innan með panil og á gólfi er parket, hvert hús er með verönd og á efri hæð eru svalir með frábæru útsýni. Hvert hús rúmar 4-6 manns. Í setustofu er sjónvarp og útvarp með geislaspilara. Eldhúsið er úbúið með örbylgjuofni, ísskáp, hraðsuðukatli og pressukönnu auk áhalda og borðbúnaðar. Í setustofunni er sófi sem auðvelt er að breyta í þægilegt tvíbreitt rúm. Á efri hæðinn er eitt herbergi með 2 rúmum og svefnloft með pláss fyrir 2-3 persónur. Baðherbergið er á neðri hæðinni. Á Mjóeyri er einnig baðhús með heitum potti og sauna. Þá eru þrjú nýbyggð 24m2 og tvö 29m2 hús. Þau eru með 2x90cm rúm á neðri hæðinni, eldunaraðstöðu, baðherbergi með sturtu og svefnlofti. Fínt fyrir tvo til fjóra gesti.

Öll húsin eru með aðgangi að interneti.

Í næsta nágrenni Mjóeyrar er Randulffssjóhús sem er opið frá kl 12-21 alla daga sumarsins. Þar er matseðil bæði í hádeginu og á kvöldin og kaffimatseðil yfir daginn. Svo er auðvitað hægt að panta fyrir hópa á öðrum tímum. Í Randulffssjóhúsi starfa lærðir kokkar sem leggja mikla áheyrslu á ferskan mat úr nágrenninu.

http://www.mjoeyri.is

Ferðagjöf

Gistiheimilið Grásteinn

Holt, 681 Þórshöfn

Grásteinn Guesthouse er fjölskyldurekið gistiheimili á sauðfjárbúinu Holti. Við bjóðum uppá gistingu í tveggja manna herbergjum og smáhýsum sem rúma þrjá. Öll herbergi eru með sérbaðherbergi og opnu WiFi neti.

Gestir okkar hafa aðgang að seturými við kamínu í aðalbyggingunni og þar er alltaf hægt að fá sér kaffi eða te.

Gestum býðst ýmiss konar afþreying í nágrenninu, þar á meðal útreiðartúrar, kayakleiga og fiskveiði. Flogið er til Þórshafnar alla virka daga, sem er í 16 km fjarlægð frá gistiheimilinu.

Ferðagjöf

Blábjörg Gistiheimili

Gamla Frystihúsið, 720 Borgarfjörður eystri

Gistiheimilið Blábjörg er staðsett í gamla Frystihúsinu í miðju Bakkagerði á Borgarfirði eystra. Húsið var byggt árið 1946 og hófst vinnsla þar tveimur árum síðar en lagðist af seint á árinu 1991.

Húsið stóð að mestu ónotað fram til ársins 2006 þegar núverandi eigendur keyptu húsið. Miklar endurbætur hafa verið gerðar á húsinu undanfarin ár og gistiheimilið opnaði 18.júní 2011.

Við bjóðum upp á bæði herbergi með sameiginlegum baðherbergjum og einnig íbúðir af mismunandi stærðum. Veitingastaðurinn okkar, Frystiklefinn, leggur áherslu á ferskt, staðbundið hráefni. Nánari upplýsingar og myndir á heimasíðunni okkar.

Spa&Wellness:

innisvæði: heitur pottur, innrauð sauna.
útisvæði: nuddpottur, viðarpottur, gufubað, kaldur pottur.

  • Frábært útsýni út Borgarfjörðinn
  • Fundarherbergi
  • Einstakt fuglalíf í fjörunni við húsið

Góðar gönguleiðir í nágrenninu

Netfang: blabjorg@blabjorg.is
Bókanir: bookings@blabjorg.is

Ferðagjöf

Vallakot Gistiheimili

Vallakot, 650 Laugar

Fjölskyldurekið gistiheimili í Reykjahlíð á Norðurlandi.

Vinsamlegast hafið samband við okkur fyrir frekari upplýsingar.

Ferðagjöf

Hótel Eldhestar

Vellir, 816 Ölfus

Hótel Eldhestar er með 36 rúmgóð tveggja manna herbergi og eitt fjölskylduherbergi með fimm rúmum. Öll herbergin eru með baði og útgengt er úr öllum herbergum, 10 tveggja manna herbergjum er hægt að breyta í þriggja manna og nokkur herbergjanna eru sérhönnuð fyrir hreyfihamlaða. Á hótelinu er bjartur og rúmgóður veitingasalur sem tekur allt að 120 manns í sæti sem hentar einnig vel fyrir ráðstefnur og fundi ásamt notalegri setustofu með arni og bar. Við hótelið eru heitir pottar sem gestum okkar er velkomið að nýta sér.

Hótel Eldhestar var fyrsta hótelið á Íslandi til að fá Norræna umhverfismerkið, Svaninn. Litir og efni úr íslenskri náttúru voru innblástur fyrir hönnun hússins, sem var byggt með vistvænum hætti. Hótelið hefur sterka tenginu við íslenska hestinn.

Hestaleigan Eldhestar var stofnuð árið 1986. Markmiðið með stofnun hennar var að bjóða bæði innlendum og erlendum ferðamönnum hestaferðir um Hengillssvæði. Í upphafi var áhersla lögð á að gefa fólki kost á að upplifa þær mörgu náttúruperlur sem þar er að finna. Í dag bjóða Eldhestar upp á hestaferðir frá 1 klst og upp í 7 daga ferðir. Allar dagsferðir og styttri ferðir eru farnar frá Völlum í Ölfusi, en það eru margar góðar reiðleiðir í nágrenninu. Allar styttri ferðirnar eru ætlaðar jafnt vönum sem óvönum knöpum.

Eldhestar er staðsett að Völlum, rétt fyrir utan Hveragerði. Þaðan er stutt í allar helstu náttúruperlur Suðurlands.

Vinsamlegast hafið samband vegna bókana og verðlista.

  • 36 vel búin tveggja manna herbergi með baði.
  • Rúmgótt 5 manna fjölsylduherbergi með baði.
  • Hágæðarúm frá "Hästens" sem hafa hlotið Norræna umhverfismerkið Svaninn.
  • Hluti af herbergjunum eru sérhönnuð fyrir hreyfihamlaða.
  • Morgunverður innifalinn.
  • Sjónvarp inn á öllum herbergjum.
  • Útidyr á öllum herbergjum.
  • Frí Internet tenging á hótelinu.
  • Heitir pottar.
  • Bar og notaleg setustofa með arinn.
  • Veitingastaður fyrir allt að 120 manns.
  • Ráðstefnu- og fundarsalur fyrir 40-65 manns.

Opnartími Allt árið (lokað 24-26 og 31 desember, 1 janúar)

Ferðagjöf

Gistihúsið Narfastöðum

Reykjadalur, 641 Húsavík

Velkomin í Gistihúsið á Narfastöðum sem er staðsett við þjóðveg nr. 1 í Reykjadal í Þingeyjarsveit skammt fyrir sunnan þéttbýlið á Laugum. Aðalbygging gistihússins eru fyrrum fjárhús og hlaða sem breytt hefur verið í glæsilega en jafnframt notalega aðstöðu fyrir ferðafólk. Einnig er gisting í gamla íbúðarhúsinu á jörðinni sem gert hefur verið upp með þarfir ferðafólks í huga en húsið er timburhús, byggt í upphafi síðustu aldar.

Yfir sumarið bjóðum við okkar rómaða kvöldverðarhlaðborð með úrvali fisk, kjöt og grænmetisrétta og morgunverðarhlaðborðið svíkur engann með heimabökuðu brauði og fjölbreyttu úrvali af morgunkorni, brauði, áleggi söfum og ávöxtum. Yfir vetrartímann eru máltíðir í boði eftir samkomulagi.

Vær næstursvefn er lykilatriði á ferðalögum og því er áhersla löggð á góð rúm, hreinlæti og snyrtimennsku. Jafnframt er lögð áhersla á önnur þægindi s.s. sjónvarp með gervihnattarásum á herbergjum, þráðlaust internetssambands og aðgangur að almenningstölvu, rúmgóðar setustofur og lítill bar með úrvali af óáfengum og áfengum drykkjum. Ávallt er molakaffi og te í boði gestum að kostnaðarlausu og vingjarnlegt viðmót stjórnenda og starfsfólks fylgir að sjálfsögðu með í kaupbæti.

Ferðagjöf

Hálendismiðstöðin Hrauneyjar

Sprengisandur F26, 851 Hella

Hálendið, nær en þú heldur.

Hálendismiðstöðin á Hrauneyjum er síðasti áningarstaður áður en haldið er inn á hálendi Íslands. Hrauneyjar er í nálægð við margar af sérstæðustu náttúruperlum landsins, þ.á.m. Landmannalaugar, Þjórsárdal, Heklu, Sprengisand, Veiðivötn og Fjallabak. Óspillt náttúran og friðsældin lætur engan ósnortinn sem þangað leitar.

Hótelið er opið allt árið með 48 notaleg herbergi, kærkominn veitingastaður með heimaelduðum mat, bar, lítil verslun, veiðileyfi og eldsneyti á bílinn.

Ferðagjöf

Skjaldarvík Ferðaþjónusta

Skjaldarvík, 601 Akureyri

Skjaldarvík er 5 km norðan Akureyrar. Þar er boðið upp á gistingu í 28 fallega búnum herbergjum með sameiginlegri bað- og snyrtiaðstöðu. Morgunverður er innifalinn í verði. Herbergin eru eins til fjögurra manna. Góð rúm eru í öllum herbergjum, þægilegir svefnsófar í þriggja til fjögurra manna herbergjum. Mjög gott aðgengi fyrir fatlaða er um húsið. Að sjálfsögðu bjóðum við uppá mat fyrir hópa á öðrum tímum sé þess óskað.

Í austurálmu er notaleg setustofa og bar með sjónvarpi, bókasafni og spilum. Í bakgarðinum er svo heiti potturinn en hvergi er betra að láta líða úr sér eftir góðan dag. Á lóðinni er notalegur trjálundur þar sem gestir og gangandi geta tyllt sér niður með kaffibolla, morgunverðinn eða bara lagst í hengirúmið og látið sig dreyma.

Hestaleiga er einnig starfrækt í Skjaldarvík og frábærar reiðleiðir eru í næsta nágrenni. Í sveitinni eru dýr og þannig er það að sjálfsögðu hér, hestarnir okkar eru hér allt í kring og í góðu lagi að lauma brauðsneið í vasann og fara að færa ferfætlingunum. Hundarnir okkar, Nótt og Dagur eru á verði, en þau kunna samt ekkert að bregðast við óboðnum gestum, því það eru allir velkomnir.

Verslunin okkar býður upp á skemmtilegt úrval af íslenskri vöru og hönnun sem mest er búin til hér í Skjaldarvík eða í sveitinni í kring, en best er að kynna sér hana á staðnum.


Ferðagjöf

Kálfafellstaður gistiheimili

Kálfafellstaður, 781 Höfn í Hornafirði

Kálfafellsstaður er kirkjustaður í Suðursveit í Austur-Skaftafellssýslu. Kirkja hefur verið á Kálfafellstað í margar aldir. Þar var torfkirkja til ársins 1885 en þá var reist timburkirkja sem eyðilagðist algjörlega nokkru seinna í miklu fárviðri 7. janúar 1886, svonefndum Knútsbyl.

Líkneski af Ólafi helga, hinum forna dýrlingi staðarins er eini hluturinn sem fannst heill eftir að kirkjan fauk. Það er nú varðveitt á Þjóðminjasafni. Aðrar sögur segja að völvan hafi verið í ætt við Ólaf helga og hafi Núna er steypt kirkja á Kálfafellsstað en hún var reist 1926-27.

Þeir sem hyggjast dvelja lengur ein eina nótt hjá okkur eru beðnir að hafa samband við okkur varðandi verð.

Ferðagjöf

Hótel Drangshlíð

Drangshlíð 1, Austur-Eyjafjöllum, Rang., 861 Hvolsvöllur

Vinsamlegast hafið samband vegna verðlista og bókana.

Ferðagjöf

Brúnalaug Guesthouse

Brúnalaug, 601 Akureyri

Brúnalaug Guesthouse er fjölskylduvænn gististaður í Brúnalaug í Eyjafjarðarsveit

Gistingin er fyrir 5-7. Í húsinu eru tvö tveggja manna herbergi, eitt eins manns herbergi, svefnsófi er í stofu, tvö salerni,þar af annað með sturtu, stofa og eldhús. Við húsið er verönd með heitum potti og grilli.

Staðsetning er við þjóðveg 823, Miðbraut í Eyjafjarðarsveit. Um 14 km frá miðbæ Akureyrar, 1,5km í góða sundlaug á Hrafnagili, stutt í Jólagarðinn. Um 1 klst. akstur er í Mývatnssveit.

Eftirtaldir aðilar eru ekki skráðir þátttakendur í Ferðagjöf:

Giljagisting

Giljaland, 881 Kirkjubæjarklaustur

Giljaland er staðsett við veg 208 í Skaftártungu á mjög fallegum stað í skógi vöxnu landi.
Við leigjum 4-5 mjög vel búin sumarhús fyrir 3 til 5 manns í húsi.
Giljaland er mjög vel í sveit sett til að skoða náttúruperlur suður og suðausturlands og eða til að njóta lífsins í frábærlega fallegu og skjólgóðu umhvefi.
Giljaland hefur fullt rekstrarleyfi fyrir útleigu til ferðamanna.
Frábærar göngu og reiðleiðir í nágrenninu.

Verið velkomin í Giljaland.

Heimagisting Fossnesi

Fossnes, 801 Selfoss

Sauðfjárrækt, skógrækt, gisting. Kaldreykt og tví-reykt sauðakjöt og lambakjöt.
Vinsamlegast hafið samband vegna verðlista og bókana.

Þinghúsið Hraunbær

Aðaldalur, 641 Húsavík

Vinsamlegast hafið samband vegna verðlista og bókana.

Gistiheimilið Brekka

Aðaldalur, 641 Húsavík

Brekka Gistiheimilið er í fallegu umhverfi mitt á milli Húsavíkur og Mývatns.

Gistihúsið er vel staðsett til skoðunarferðar að Goðafossi,Mývatni,hvalaskoðun á Húsavík,Dettifossi,Öskju og Akureyrar.

Veitingastaðurinn er opinn frá 1. maí til 30. september.

Vinsamlegast hafið samband vegna verðlista og bókana.

Norður-Hvammur gisting

Norður-Hvammur, 871 Vík

Notaleg gisting í grennd við Vík.

Dilksnes

Dilksnes, 781 Höfn í Hornafirði

Í Dilksnesi er boðið upp á gistingu í lítilli íbúð. Í íbúðinni eru tvö herbergi með sameiginlegum aðgangi að eldhúsi og baðherbergi. Um er að ræða eitt þriggja manna herbergi með þremur rúmum og eitt fjögurra manna herbergi með tveimur rúmum og góðri koju.

ATHUGIÐ, ekki er boðið upp á morgunverð.

Skipalækur

Fellahreppur, 701 Egilsstaðir

Skipalækur sameinar alla helstu kosti þéttbýlis og dreifbýlis. Þessi friðsæli unaðsreitur í Fellum, þar sem njóta má eins besta útsýnis á Héraði, er aðeins steinsnar frá allri þjónustu Fellabæjar og Egilsstaða. Einnig býður Skipalækur upp á tjaldstæði með öllum þægindum.

GISTING Í HERBERGJUM

Almenn gisting af þrennu tagi er í boði auk svefnpokaplássa.
FLOKKUR I
Herbergi án baðs - sameiginleg setustofa, salernis- og
eldunaraðstaða með 6-10 manns
Uppbúið rúm með eða án morgunverðar í einsmanns- eða tveggjamannaherbergjum.
FLOKKUR II
Fjölskylduherbergi fyrir fjóra með sér salerni og handlaug en sameiginlegri sturtu, eldunaraðstöðu og setustofu.
Uppbúið rúm með eða án morgunverðar, hálft gjald fyrir börn á aldrinum tveggja til ellefu ára.
FLOKKUR III
Herbergi með baði - eldunaraðstaða ekki í boði en ísskápur og teketill er inni á herbergjum
Uppbúið rúm með morgunverðarhlaðborði í tveggja manna herbergjum, aukarúmi má bæta inn á herbergin

Uppbúið rúm með morgunverðarhlaðborði í tveggja manna herbergjum, aukarúmi má bæta inn á herbergin.

SUMARHÚSIN SKIPALÆK
Sumarhúsin á Skipalæk standa á bökkum Lagarfljóts og hafa því einstakt útsýni. Húsin eru lítil og sjarmerandi A-hús frá árunum 1985 til 1987 með veggföstum rúmum og innréttingum. Baðherbergi með sturtu eru í hverju húsi auk eldhúskróks með tveimur eldavélarhellum og ísskáp. Lítið sjónvarp, útvarp og gasgrill er í hverju húsi. Þrjú húsanna eru fjögurra manna og tvö þeirra eru tveggja manna. Hvert hús getur tekið tvo auka einstaklinga en setustofurnar rúma tæplega fleiri en stærðin segir til um. Sængur eru í húsunum ef þess er óskað og hægt er að leigja rúmföt. Húsin skulu þrifin vel að lokinni dvöl, nema þess sé óskað að greiða aukalega fyrir þrif.

Steinsholt ferðaþjónusta

Steinsholt 2, 801 Selfoss

Ferðaþjónustan Steinsholti bíður uppá gistingu og langar og stuttar hestaferðir. Steinsholt er staðsett við hálendisbrúnina í fallegu umhverfi þar sem fólk dvelur á friðsælu svæði uppí sveit. Héðan eru farnar langar og stuttar hestaferðir, í lengri ferðunum er meðal annars farið í Landmannalaugar, styttri hestaferðir erum farnar í nágrenni staðarins þar sem eru margar skemmtilegar leiðir í fallegu umhverfi. Við höfum rekið hestaferðir í 25 ár.

Gistingin er bændagisting með átta herbergjum þar sem lögð er áhersla á persónulega þjónustu, heitur pottur er á staðnum og margar skemmtilegar gönguleiðir er á svæðinu. Ef fólk vill dvelja í Íslenskri sveit þá er Steinsholt kjörinn staður til þess.

Nes í Reykholtsdal

Nes 2, 311 Borgarnes

Gisting í þremur húsum fyrir 20-22 gesti í uppbúnum rúmum. Þar af 8 manns í 2ja manna herbergjum, hvert með sér baðherbergi og aðgang að eldhúsi og útiböðum. 12-14 í eins og tveggja manna herbergjum og einu 3ja manna herbergi ásamt sameiginlegum baðherbergjum og aðgangi að eldhúsum. Útiböð eru með hveravatni í steinhlöðnum baðstað.

9 holu golfvöllur, Reykholtsdalsvöllur, er á bænum.

Veitingastofa er í golfskála með aðstöðu til veisluhalds fyrir allt að 50 manns í sæti og þar er einnig hægt að leika snóker.

Álfheimar Sveitahótel

Borgarfirði eystra, 720 Borgarfjörður eystri

Í Álfheimum eru í boði 32 tveggja manna herbergi, hvert um sig með baði, og veitingar með áherslu á hráefni úr héraði. Gistiheimilið er vel í sveit sett til gönguferða og unnt að bjóða eins til sex daga göngur í fylgd heimavanra leiðsögumanna. Hafnarhólmi í næsta nágrenni er kjörinn til fuglaskoðunar og Borgarfjörður ævintýraland til náttúruskoðunar og útivistar.

Kirkjuból í Bjarnardal

Kirkjuból, Bjarnardalur, 425 Flateyri

Kirkjuból í Bjarnardal er hlýlegt fjölskyldurekið gistiheimili á sveitarbæ í faðmi fagurra fjalla við Önundarfjörð, einn af vestfirsku fjörðunum, aðeins 15 mín. akstur frá höfuðstað Vestfjarða, Ísafirði.

Á Kirkjubóli í Bjarnardal höfum við tekið á móti gestum frá árinu 2004 og leggjum við metnað okkar í að bjóða upp á góða gistingu í fallegu umhverfi. Yfir sumarið skiptumst við á að taka á móti gestum, ásamt góðu aðstoðarfólki. Sumarið 2020 verður Rúna húsfreyja hjá okkur.

Þegar komið er til Vestfjarða eru nær endalausir möguleikar á því að upplifa sífellt eitthvað nýtt. Þegar dvalið er á Kirkjubóli er auðvelt að fara þaðan í dagsferðir um Vestfirði og koma aftur að kvöldi. Allir ættu að geta fundið eitthvað við sitt hæfi, hvort sem hugurinn er við söguna, náttúruskoðun, gönguferðir eða þá bara að slappa af í notalegu umhverfi. Kirkjuból í Bjarnardal er aðili að Ferðaþjónustu bænda, Hey Iceland og þar með hluti af öflugum samtökum innan ferðaþjónustu á Íslandi.

Boðið er upp á gistingu í herbergjum með baði og án. Morgunverður og eldunaraðstaða er í boði fyrir gesti.

Vinsamlegast hafið samband í tölvupósti eða síma vegna verðlista og bókana.

Einishús

Einarsstaðir 2, 641 Húsavík

Glæsileg gistiaðstaða í fullbúnum nýjum húsum með svefnaðstöðu fyrir 4+, (þrif innifalin) og heitur pottur og grill með hverju húsi. Rúmföt innifalin.
Staðsetning Einishúsa er í Reykjadal í Þingeyjarsýslu og er í næsta nágreni við Mývatn, Ásbyrgi, Dettifoss, Goðafoss og Húsavík.Stærri húsin eru tvö: eins

uppbyggð, ( 48 fm.) með tveimur svefnherbergjum. í stærra herberginu er hjónarúm 153cm x 200cm en í minna herberginu eru kojur 90cm x 200cm. Gott baðherbergi með sturtu,einnig hárþurku. Á svefnlofti eru 4 góðar dýnur. Í alrými er sófasett, flatskjásjónvarp, útvarp með dvd og cd, borð og stólar fyrir 8 manns og einnig borðbúnaður. Eldavél, ísskápur og uppþvottavél er í húsunum einnig örbylgjuofn. Úti er góð verönd, gasgrill, borð og stólar og heitur pottur. Húsin eru leigð með uppbúnum rúmum fyrir 4, en ef það eru fleiri þá er hægt að fá rúmföt á dýnur.

Minni húsin eru þrjú, með svipuðu sniði og hin stærri,en ( 28 fm ) með einu herbergi og þar eru tvö 90cm x 200cm. rúm. Gott baðherbergi með sturtu,einnig hárþurku. Í alrými er svefnsófi 143 cm.x 200cm, flatskjásjónvarp, dvd og cd, borð og stólar fyrir 5 manns, og einnig borðbúnaður, eldavélarhelluborð með 2 hellum, ísskápur, örbylgjuöfn. Úti er góð verönd, gasgrill, borð og stólar, og heitur pottur . Húsin eru leigð með uppbúnum rúmum fyrir 2, en ef það eru fleiri þá er hægt að fá rúmföt á svefnsófa.

Frítt internet í öllum húsum.

Hægt er að fá barnarúm ef óskað er.tr

Leigutaki skal vera orðinn 25 ára.

Gæludýr ekki leyfð. Reykingar bannaðar.

Lokaþrif eru innifalin

Húsin eru nútímalega hönnuð og eru staðsett í Reykjadal 60 km frá Akureyri og mitt á milli Húsavíkur og Mývatns. Þau eru öll með heitum potti. Laugar eru næsta þéttbýli og þar er veitingastaður og matvörubúð einnig sundlaug og banki. Við erum á svæði þar sem norðurljósin sjást mjög oft.

Gistiheimilið Stöng

Mývatnssveit, 660 Mývatn

Gistiheimili á kyrrlátum stað með fallegu útsýni yfir fallegt vel gróið land. Þaðan er falleg gönguleið á Sandfell auk þess sem það vel staðsett til skoðunarferða í helstu náttúruperlur Þingeyjarsýslu og Mývatnssveitar. Veitingasalur með vínveitingaleyfi þar sem hægt er að fá allt frá morgunverði til þriggja rétta máltíða. Aðgangur er að heitum pottum.

Forsæti 3

Forsæti 3, 861 Hvolsvöllur

Húsið er í Vestur Landeyjum, nálægt Hvolsvelli. Íbúðin er 120 fm og tekur 5 manns. Rólegur og dásamlegur staður til að slaka á.

3 svefnherbergi, rúmgóð og opin stofa og eldhús, baðherbergi með sturtu og þvottavél. 60 fm verönd fyrir utan með húsgögnum. Eldhúsið er fullbúið með uppþvottavél, ísskáp, eldavél, ofn, örbylgjuofn, kaffivél, katli og brauðrist. Hnífapör fyrir 5 manns.

Hestakráin sveitahótel / Land og hestar

Húsatóftir 2a, 801 Selfoss

Hestakráin á Húsatóftum Skeiðum er aðlaðandi sveitakrá sem er tilvalinn staður til mannfagnaða s.s. árshátíðir. Hestakráin rúmar hæglega 50 - 70 gesti í sæti.

Áhersla er lögð á þjóðlega, ferska og góða rétti t.d. grillað lambakjöt, lambasteik, fiskrétti, kjötsúpu, kúrekasúpu, heimabakað brauð og bakkelsi. Allt hráefni kemur úr héraði.

Fyrir hópa er t.d. hægt að velja um:
· Súpu og brauð
· Tveggja rétta máltíð
· Þriggja rétta máltíð

Einnig er reynt að verða við séróskum viðskiptavina, má þar nefna afmælisveislu, jólahlaðborð, þorrablót og sviðamessu.

Gistirými er fyrir 20 manns í tveggja manna herbergjum. Í öllum herbergjum er baðherbergi með sturtu og snyrtiaðstaða og úti á verönd er heitur pottur.

· Uppá búin rúm í gistiherbergjum með snyrtiaðstöðu

· Tvær vistlegar setustofur
· Heitur pottur á verönd
. Sauna


Óbyggðasetur Íslands

Norðurdalur, 701 Egilsstaðir

Óbyggðasetrið bíður upp á fjölbreytta afþreyingu, heimilislegan veitingastað og gistingu í einstöku umhverfi.

Lifandi sýning Óbyggðasetursins um ævintýri óbyggðanna hefur hlotið fjölda viðurkenninga og hentar gestum á öllum aldri.

Fjöldi lengri sem styttri gönguleiða er í nágrenninu og staðurinn vinsæll hjá gönguhópum.

Dæmi um styttri göngu er eyðibýlagangan sem liggur inn með ánni að endurgerðum kláf sem gestum er velkomið að prófa.

Gistiheimilið Pétursborg

Akureyri, 601 Akureyri

Gistiheimilið Pétursborg er við Eyjafjörð, 5 km frá Akureyri. Þar er boðið upp á eins til fjögurra manna herbergi, með eða án sér baðherbergis, morgunverðarhlaðborð, eða eldunaraðstöðuna sem er líka í boði.


Fallegt útsýni, í sveit. Þráðlaust internet í öllum herbergjum og heittur pottur í garðinum.

Haust og vetur 2020 Sumar 2020
1x1 án baðs 8.500 10.500
1x2 án baðs 12.000 15.000
1x3 án baðs 15.900 19.500
1x4 án baðs 18.600 24.800
1x1 með baði 12.000 15.000
1x2 með baði 15.000 18.500
Morgunverður Innifalinn Innifalinn

Barnavagga: ókeypis

Auka rúm fyrir börn yngir en 12 ára í herbergi með foreldrum: 3.00 pr nótt, morgunverður innifalinn.

Gistihúsir Vellir

Mýrdalur, 871 Vík

Þetta gistihús er staðsett í 20 km fjarlægð frá Vík og í 1,5 km fjarlægð frá hringveginum. Það býður upp á ókeypis Wi-Fi Internet og bílastæði. Öll herbergin eru með útsýni yfir Pétursey og sjóinn.

Ofnæmisprófuð herbergin á Guesthouse Vellir eru með handlaug. Baðherbergisaðstaða er annað hvort sér eða sameiginleg.

Morgunverðarhlaðborð er borið fram á hverjum morgni og veitingastaður sem er opinn á kvöldin býður upp á 3 rétta kvöldverðarmatseðil. Gestir geta fengið sér drykk á litlum barnum og setið á veröndinni sem er með garðhúsgögnum.

Starfsfólk getur útvegað hestaferðir, snjósleðaferðir og gönguferðir um Sólheimajökul og Mýrdalsjökul. Guesthouse Vellir er í 15 mínútna akstursfjarlægð frá Reynisdröngum og svörtum ströndum Reynisfjöru.

Vinsamlegast hafið samband vegna verðlista og bókana.

Elliðahvammur

Við Vatnsenda, 203 Kópavogur

Elliðahvammur er fjölskyldufyrirtæki þar sem er starfrækt eggja og kjúklingabú. Einnig er þar stunduð ýmiskonar skógrækt af mikklum krafi ásamt hunangsframleiðslu.

Elliðahvammur á sér nú orðið ansi langa sögu. Fyrsta íbúðarhúsið var byggt sem sumarhús af símamönnum árið 1931. Steini og Alísa (28 júlí 1944 - 27 desember 2010) eignast síðan Elliðahvamm árið 1963 og má segja að búskapur haf hafist með lítilli eggjaframeliðslu uppúr 1965. Fyrst um sinn var búskapurinn alfarið eggja og kjúklingaframleiðsla sem bæði uxu í þá mynd sem hún er í dag en Elliðahvammur starfar nú sem miðlungsstórt eggja og kjúklingabú. Margt annað hefur bæst við starfsemi Elliðahvamms má þar helst nefna skógrækt sem hófst með mikklum krafti uppúr 1990. Skógræktin setti mikin svip á lóðina og með góðu skipulagi hefur tekist að gera umhverfið einstaklega fallegt. Býflugnarækt hófst í Elliðahvammi árið 2006 fyrst til reynslu í litlu magni. Nokkur vandamál komu upp þar sem að býflugnarækt á íslandi er frekar ný af nálinni og reynslan af slíkum búskap var lítil á þessum tíma. Seinustu ár hefur býflugnarækt hinsvegar gengið ágætlega en uppskeran sveiflast eftir tíðarfari. Bændagisting var starfrækt um tíma í Elliðahvammi frá 1996 en hefur núna lagst af að mestu leyti.

Við í Elliðahvammi bjóðum uppá að hægt er að kaupa egg beint af býlinu. Afgreiðslutíminn í eggjasölu er virka daga 8-17

Vinsamlegast hafið samband vegna verðlista og bókana.

Ferðaþjónusta bænda Skútustöðum

Mývatnssveit, 660 Mývatn

Á Skútustöðum eru tvenns konar gistimöguleikar í boði:

Við erum með 15 herbergi. 9 herbergi eru með sameiginlegu baði (1-2-3 manna herbergi). Svo erum við með 5 herbergi með sér baði (2 manna herbergi). og svo erum við með 1 fjölskylduherbergi þar sem er hjónarúm, koja og sér baðherbergi. Öll herbergin hafa aðgang að sameiginlegu eldhúsi og setustofu. Fyrir utan þessi herbergi erum við með eitt 2 herbergja sumarhús sem er með sér eldhúsi, setustofu, baðherbergi og svefnlofti.

Boðið er uppá morgunverðarhlaðboð og gestir hafa aðgang að eldhúsi.

Tjaldstæðinu á Skútustöðum hefur verið lokað!

Mývatnssveit býður upp á margs konar afþreyingarmöguleika sem byggjast á náttúrufegurð svæðisins, gróðri þess og fuglalífi.

Sem dæmi um nokkra áhugaverða staði í Mývatnssveit má nefna: Skútustaðagígar, Grjótagjá, Stóragjá, Kröflusvæðið, Hverfjall, Laxá, Vindbelgur, Dimmuborgir, Seljahjallagil, Bjarnarflag, Höfði, Námafjall, Lofthellir, Lúdent og Þrengslaborgir.

Besta leiðin til að upplifa fegurð þessara staða, kyrrð náttúrunnar og fjölbreytilegt fuglalífið er með gönguferðum en einnig er að finna í Mývatnssveit hestaleigur, hjólaleigur og skipulagðar hóperðir með bílum.

Í Mývatnssveit er einnig hægt að njóta afslöppunnar í sundi. Um er að ræða annars vegar útisundlaug með heitapottum og hins vegar svokölluð Jarðböð sem opnuðu fyrir stuttu síðan.

Hvað varðar áhugaverða staði í næsta nágrenni Mývatnssveitar þá má sem dæmi nefna: Herðubreið og Herðubreiðarlindir, Askja og Víti, Kverkfjöll, Dettifoss og Þjóðgarðurinn við Jökulsárgljúfur, Tjörnes og hvalaskoðun á Húsavík.

Ferðaþjónustan Kirkjuból

Kirkjuból við Steingrímsfjörð, við veg nr. 68 / road nr. 68, 510 Hólmavík

Kirkjuból er skemmtilegur áningarstaður miðsvæðis á Ströndum. Staðurinn er kjörinn fyrir fjölskyldufólk og alla aðra sem vilja njóta þess besta sem Strandasýsla og nærsveitir hafa upp á að bjóða. Kirkjuból stendur við veginn norður Strandir (nr. 68) og er 12 km sunnan við þorpið Hólmavík.

Vinsamlegast hafið samband vegna verðlista og bókana.

Stekkjardalur

Stekkjardalur, 541 Blönduós

140 fm. velbúið hús sem leigist í einu lagi. Svefnpokapláss með stuttum fyrirvar ef húsið er ekki í annarri leigu. Vinsamlegast hafið samband vegna verðlista og bókana.

Núpar Cottages

Núpar, 816 Ölfus

Sumarhúsin að Núpum eru 8 bjálkahús staðsett á fallegum stað í Ölfusi,

Þar af 4 hús 4-5 manna (35 m2) með hjónaherbergi og einu kojuherbergi, svefnsófi í stofu. Og 4 hús 2-3 manna (22 m2) með hjónaherbergi og svefnsófa í stofunni. Öll húsin eru með eldhúskrók, salerni/sturtu, sjónvarpi, DVD og útvarpi með geislaspilara. Verönd með heitum potti og grilli við hvert hús.

Húsin standa hátt - gott útsýni yfir Ölfusið og á góðum degi blasir Eyjafjallajökull við. Góðar gönguleiðir í nágrenninu. Hestaleiga í næsta nágrenni. Núpar standa við veg nr. 38, 3 km frá Hveragerði.

Vegalengdir frá Núpum að helstu ferðamanna stöðum eru eftirfarandi:

Eldhestar hestaleiga- 4 km eða 3 min akstur Kerið í Grímsnesi- 25,6 km eða 21 min akstur

Strandarkirkja- 27,1 km eða 19 min akstur Stokkseyri (draugasetrið)- 30,9km eða 23 min akstur

Þingvellir- 55 km eða 41min akstur

Sögusetrið Njálu hvolsvelli- 63,4 km eða 49 min akstur Gullfoss og Geysir- 81,8 km eða 59 min akstur Dyrholaey Vík- 138 km eða 1 kl og 50 min akstur

Hvítárdalur

Hvítárdalur, 845 Flúðir

Hvítárdalur er gamall bóndabær á bökkum Hvítár og er tilvalinn áfangastaður fyrir hópa eða einstaklinga í leit að gistingu.

Gisting fyrir hópa allt að 20 manns. Á besta stað við Gullna Hringinn.

Núpur 3

Núpur 3, 861 Hvolsvöllur

Eystri Sólheimar

Mýrdalur, 871 Vík

Við bjóðum upp á:
stór herbergi með vask
auka rúm
morgunverður (hlaðborð)
kvöldmatur
eldunaraðstaða
svefnpokapláss
sólpallur

Vinsamlegast hafið samband vegna verðlista og bókana.

Fagrahlíð Guesthouse

Fljótshlíð, 861 Hvolsvöllur

Vinsamlegast hafið samband vegna verðlista og bókana.

Bændagistingin Hofsstöðum

Hofsstaðir, 551 Sauðárkrókur

Bændagistingin á Hofsstöðum er staðsett við veg nr. 76 aðeins 18 km. frá þjóðvegi 1.
Bændagistingin Hofsstöðum býður upp á gistingu í fjórum rúmgóðum tveggja manna herbergjum með baði. Sameiginleg setustofa er með heimilisfólkinu. Morgunverður er í boði og kvöldverð er hægt að panta á Sveitasetrinu, sem er í næsta nágrenni. (500 m). Þar er áhersla lögð á heimagerðan mat úr skagfirsku hráefni.

Útsýni er mikið og fagurt frá Hofsstöðum, sem er miðsvæðis í Skagafirði og því stutt að sækja alla þá þjónustu og afþreyingu sem Skagafjörður hefur upp á að bjóða. Tilvalinn staður til að dvelja á til skoðunarferða um Skagafjörð og næstu nágrannabyggðir. Næstu þéttbýliskjarnar eru: Sauðárkrókur 18 km, Varmahlíð 24 km, Hofsós 26 km, Hólar 20 km

Afþreying: Gönguleið er niður á bakka Héraðsvatna, þar sem fuglalíf er fjölbreytt. Einnig er hægt að ganga til fjalls og njóta víðsýnis Skagafjarðar. Afþreying í Skagafirði er fjölbreytt og áhugaverð, svo sem söfn, sýningar, sundlaugar, bátasiglingar, golf, skíðasvæði, gönguleiðir o.fl. (www.visitskagafjordur.is )

Gestgjafar: Elínborg Bessadóttir og Vésteinn Vésteinsson.

Opið frá 7. janúar til 20. desember.

Reiðskólinn á Bjarnastöðum í Ölfusi

Bjarnastaðir, 816 Ölfus

Langar þig að komast í sveitina? Þá er upplagt að heimsækja fjölskylduna á Bjarnastöðum í Ölfusi sem rekur lítið gistiheimili og hestaleigu.

Lögð er rík áhersla á persónulega þjónustu og litla hópa (allt að 6 manns). Við eigum hesta fyrir óvana og vana, bjóðum upp á reiðtúra frá 1 klst upp í dagsferðir (4,5-5 tíma), teymum undir börnum (20 mín) og einnig bjóðum við upp reiðkennslu og gistingu. Á bænum eru, auk hesta, lausar hænur og einnig hundar sem eru alltaf til í klapp og knús.

Gistiheimilið okkar er á einni hæð í íbúðarhúsinu. Á hæðinni eru 4 herbergi, 1 bað með sturtu og fullinnréttað eldhús. Hæðin er tilvalin fyrir litla hópa eða fjölskyldur allt að 6-8 manns.

Endilega hafið samband til að athuga hvort það sé laust hjá okkur og til að fá tilboð sniðin að ykkar óskum.

Finnið okkur á Facebook hér
Finnið okkur á Instagram hér
Finnið reiðskólann okkar á Facebook hér.

Garður Stay Inn

Hvammsvegur, 845 Flúðir

Sveitahótelið í Sveinbjarnargerði

Sveinbjarnargerði, 606 Akureyri

Sveitahótelið Sveinbjarnargerði er staðsett við þjóðveg nr.1 um 10 mínútna akstur frá Akureyri. Þar eru 29 tveggja manna herbergi (eða eins manns), 3 þriggja manna og eitt fjölskyldu herbergi (4) - öll með baði. Á Sveitahótelinu er Veislusalur sem tekur allt að 110 manns í sæti, því tilvalið fyrir hópa - t.d. starfsmannahópa að halda árshátíðar og litla jafnt sem stóra fundi. Arinn er í setustofu og borðsal. Þar er gott að slaka á eftir erilsaman dag og borða við arinneld eða njóta friðarins með góða bók. Útsýni út Eyjafjörð er einstakt og fjölbreytt afþreying í seilingarfjarlægð. Heitur pottur er á staðnum og verönd þar sem hægt er að sitja og njóta útsýnisins.

Icelandhorsetours - Helluland

Helluland, 551 Sauðárkrókur

Á Hellulandi í Skagafirði býðst þér að fara á hestbak og skiptir þá engu máli hvort þú ert vanur eða óvanur. Boðið er upp á styttri eða lengri ferðir, fyrir einstaklinga eða hópa - við gerum okkar besta til að gera túr sem henda þér!

Gistiheimilið Hof / Ferðaþjónustan Hofi

Austur Húnavatnssýsla, 541 Blönduós

Hof er í austanverðum Vatnsdal, við þjóðveg 722, 16 km frá hringveginum, þjóðvegi 1.

Gistiaðstaða í sérhúsi á sveitabæ. 6x2ja manna herbergi með baði, 3 x 2ja manna herbergi án baðs. Morgunmatur fylgir gistingu. Eldhús og hlýleg, stór setustofa. Heitur pottur, grillhús. Góð aðstaða fyrir minni hópa.

• Kreditkort (Visa/Euro/Mastercard)
• Reyklaus gisting
• Hefðbundinn búskapur
• Fuglaskoðun
• Merktar gönguleiðir
• Heitur pottur
• Húsdýr til sýnis
• Máltíðir, aðrar en morgunmatur eru í boði ef pantað er fyrirfram.
• Eldunaraðstaða og grillhús

Sauðburður í maí, gisting og þátttaka. Göngur og réttir í september. Fuglaskoðun. Silungsveiðileyfi útveguð. Landnámsjörð Vatnsdælasögu. Mjög góðar gönguleiðir í nágrenninu, nátturu- og/eða söguskoðun.

Næsta verslun: Blönduós, 32 km

Country Hótel Anna - Moldnúpur

Moldnúpur, 861 Hvolsvöllur

Country hotel Anna býður uppá gistingu í 7 vel útbúnum herbergum, með sjónvarpi/gervihnetti, síma og internet tengingu. Hótelið er í hinu rómaða umhverfi Eyjafjalla og býður upp á persónulega þjónustu.
Afslöppunaraðstaða með heitum nuddpotti og sauna er til staðar fyrir gesti. Veitingasalur sem rúmar allt að 60 manns.
Matseðill fyrir litla og stærri hópa.

Giljur Gistihús

Giljum, 871 Vík

Gisting í nýuppgerðu sérhúsi á bóndabæ með búrekstri í Mýrdal, við þjóðveg 1, hlýlegri sveit í dalhvilft upp frá ströndinni undir rótum Mýrdalsjökuls, á mörkum Suðaustur- og Suðurlands. Mýrdalur er í nýstofnuðum Kötlu jarðvangi (Katla Geopark). Hér bjóðast ótal tækifæri til útivistar, gönguferða og fuglaskoðunar og stutt er í ýmsar kunnar náttúruperlur

Á Hreindýraslóðum

Skjöldólfsstaðir, 701 Egilsstaðir

Skjöldólfsstaðir á Jökuldal býður upp á gistingu í eins- tveggja- og þriggja manna herbergjum með aðgangi að hreinlætisaðstöðu og baði. Einnig svefnpokapláss. Leikaðstaða fyrir börn er úti og inni. Sundlaug og heitir pottar eru á staðnum. Einnig veitingasala og tjaldstæði. Vinsamlegast hafið samband vegna verðlista og bókana. Einnig tekið á móti hópum eftir samkomulagi.

Hótel Svartiskógur

Hallgeirsstaðir, Jökulsárhlíð, 701 Egilsstaðir

Hótel Svartiskógur er gisti- og veitingastaður staðsettur í fallegu skógi vöxnu landi í einni fegurstu sveit Austurlands, Jökulsárhlíð. Hótelið býður 16 herbergi með baði í aðalbyggingu og er með 4 smáhýsi sem eru frábærr áningarstaður fyrir einstaklinga og hópa sem hrífast af íslenskri náttúru, fuglasöng og friðsæld. Stutt í laxveiðiár. Vel staðsett, miðja vegu milli Egilsstaða og Vopnafjarðar og kjörin bækistöð til skoðunarferða um Fljótsdalshérað, Borgarfjörð eystri, Vopnafjörð, Seyðisfjörð, Fjarðarbyggð o.s.frv.Vel búið tjaldstæði er hið næsta hótelinu. Tjaldsvæðið er í skógi vöxnu landi og er góður áningastaður fyrir einstaklinga og hópa. Vel staðsett til skoðunarferða um Austurland og nágrenni.

Icelandic Cottages

Hraunmörk Flóahreppur, 801 Selfoss

Bústaðirnir hjá Icelandic Cottages eru innréttaður af fagmanni til að bjóða gestum upp á unaðslega dvöl í fallegu umhverfi. Allt er gert til að gera dvölina sem ánægjulegasta. Öll húsin eru eins að grunnfleti en mismunandi hönnunarstílar eru í hverju húsi með mismunandi litum.

Í hverju húsi eru:
Þrjú svefnherbergi með uppábúnum rúmum sem eru með hágæða dýnur og æðadúnssængum. Öll herbergi eru með myrkvunarrúllugardínum. Baðherbergið er með sturtu en allir gestir frá þrjár gerðir af handklæðum og svo er hárblásari á staðnum. Í stofunni er svo sjónvarp, dvd spilari, útvarp og gervihnattadiskur með fjöldan allan af stöðvum og internettengingu.

Alls geta 6 manns setið við borðstofuborðið en það er opið rými til eldhússins sem auðveldar alla framreiðslu. Í eldhúsinu er stór amerískur ísskápur, uppþvottavél, eldavél, örbylgjuofn, kaffivél, ketill, ristavél, blandari, diskar, glös, pottar og pönnur og margt fleira. Vinsamlegast látið vita ef þið þurfið barnarúm (ferðarúm) og barna matstól, sem er innifalið í verðinu.

  • Á ganginum er þvottavél og þurrkari þannig að gestir geta farið heima með allt nýþvegið. Einnig er til staðar straubretti og straujárn.
  • Á pallinum er stórt 4 brennara ryðfrítt stálgrill sem og önnur útihúsgögn.
  • Það er stutt í margar af fegurstu perlum Íslands eins og Geysir, Gullfoss og Þingvellir.
  • Tekið skal fram að ekki er heimilt að tjalda/tjaldvagnar/fellihýsi/hjólhýsi á svæðinu.
  • Gæludýr eru ekki leyfð.

Hámarks fjöldi í gistingu: 6 manns.

Staðsetning GPS hnita:
GPS lengdargráða : 63.95757773841824
GPS breiddargráða: -20.63953399658203

Til að finna okkur á Bungalo.is, smellið hér.

Saurbær

Saurbær v / Vindheimamela, 560 Varmahlíð

Brekkulækur

Brekkulækur, 531 Hvammstangi

Fjölbreytt ferðaþjónusta er rekin á sveitabænum Brekkulæk í Miðfirði. Í gegnum árin höfum við skipulagt hestaferðir yfir hálendi Íslands ásamt gönguferðum þar sem áhersla er lögð á náttúru Íslands og sveitina.

Brekkulækur býður upp á gistingu, veitingar og afþreyingu. Fuglaskoðunarferðir í júní. Hestaferðir og gönguferðir í júní-ágúst. Náttúruskoðunarferðir með lítilsháttar klifri og hellaskoðun. Haustferðir þar sem m.a. er farið í réttir.

Vinsamlegast hafið samband vegna verðlista og bókana.

Endilega heimsækið okkur hér.

Brennistaðir

Flókadalur, 320 Reykholt í Borgarfirði

Gisting í heimahúsi í 2 x 2ja manna og 1 x einsmanns herbergi. Einnig íbúð með einu svefnherbergi, baðherbergi, setustofu og eldunaraðstöðu (aðgangur að heitum potti), 3 x 4 manna sumarbústaðir (2 svefnherbergi). Húsin eru staðsett talsvert frá bænum. Lítil á með fallegum fossi rennur rétt við húsin.

Á bænum er fjárbúskapur, einnig geitur, endur, hænur og hestar. Vörur í boði eru: Geitakjöt og kiðlingakjöt, nýtt og reykt.

Vinsamlegast hafið samband vegna verðlista og bókana.

Steindórsstaðir

Reykholtsdalur, 320 Reykholt í Borgarfirði

Gistingin er í nýuppgerðu eldra íbúðarhúsi í 7 herbergjum: 3 x eins manns, 3 x 2ja manna og 1 x 3ja manna herbergi. Vaskar eru á herbergjum. Boðið er uppá morgunmat.

Eldunaraðstaða í snyrtilegu eldhúsi, búnu helstu tækjum, samliggjandi setustofa með sjónvarpi. Heitur pottur með góðu útsýni yfir sveitina.

Falleg gönguleið upp með Rauðsgili, þar eru fjöldi fallegra fossa.

Stutt í næstu golfvelli og sundlaugar og áhugaverða staði í nágrenninu t.d. Reykholt, Deildartunguhver, Hraunfossar, Húsafell og Viðgelmir.

Fossatún Smáhúsabyggð

Fossatún, Borgarbyggð, 311 Borgarnes

Fossatún er staðsett um 90 km frá Reykjavík við veg nr. 50 mitt á milli Borgarness og Reykholts. Öll aðstaða er góð og nútímaleg hvort heldur gestir hafa styttri eða lengri viðkomu. Staðsetningin er miðlæg og stutt í allar áttir til að skoða fallega náttúru og þá möguleika sem aðrir bjóða upp á í ferðaþjónustu á Vesturlandi.

Gistiaðstaða Boðið er upp á mismunandi þrjá valkosti í innigistingu. Allir gestir hafa aðgengi að heitum pottum og eldhúsaðstöðu. Einnig er boðið upp á tjaldsvæði.

Fossatún Sveitahótel
Boðið er upp á gistingu í 12 x tveggja manna herbergi með sér baðherbergi.

Fossatún Gistiheimili
120 m2 hús með fjögur tveggja manna herbergjum með sameiginlegum baðherbergjum, stofu, borðstofu og eldhúsi. 42 m2 hús með tvö svefnherbergi, sameiginlegt baðherbergi og eldhúsaðstaða.

Fossatún Poddar Poddur er smáhýsi með svefnaðstöðu (camping pod). Svefnpokapláss en hægt að fá rúmfatnað sé þess óskað. Einangruð, upphituð, heilsárs hagstæð gistiaðstaða.

Tjaldsvæði Nútímalegt tjaldsvæði sem hólfað er af með háum skjólbeltum.

Veitingahús - Rock´n Troll Cafe Einstök staðsetning og matseðill með áherslu á kaffihúsaveitingar með stíl. Í móttöku er almenn afgreiðsla og önnur þjónusta við gesti.

Tónlist - Plötusafnið Í veitingahúsinu er að finna vinylplötu- (3000 plötur) og CD safn (5000 diskar) staðarhaldara, sem einnig flytur ásamt öðrum dagskrá tengda tröllasögum og tónlist, slíkt er auglýst fyrirfram.

Tröllasögur, Tröllaganga, Tröllaleikir Skemmtilegar og fræðandi gönguleiðir í fallegri náttúru ásamt leiksvæði með tröllaleikjum svo og myndu og styttum af tröllum. Gönguleiðirnar tengjast þjóðsöguarfi og tröllabókum sem staðarhaldari hefur skrifað og sögusviðið er Vesturland.

Náttúra Fossatún er staðsett á bökkum Grímsár og útsýni yfir Tröllafossa og hægt að sjá laxa stökkva og ganga meðfram fallegu árbakkasvæðinu. Einnig er gönguleið að Blundsvatni þar sem er fjölbreytt, iðandi fuglalíf. Borgfirski fjallahringurinn blasir við og umlykur.

Gistihúsið við fjörðinn

Aðalstræti 26, 470 Þingeyri

Gistihúsið Við Fjörðinn á Þingeyri er vel staðsett, fyrir alla þá sem hugsa sér að skoða Vestfirði. Góð aðstaða fyrir hópa og einstaklinga í herbergjum eða íbúðum. Fullkomin eldunaraðstaða og sturtur.
Í gistihúsinu er góð aðstaða fyrir hreyfihamlaða. Þar er íbúð sem sérstakt tillit er tekið til fólks í hjólastólum.
Gistihúsið er reyklaust.
Hundar eru ekki leyfðir nema með sérstöku samkomulagi.

Íbúðin er sérútbúin fyrir hreyfihamlaða og gott aðgengi er fyrir hjólastóla í íbúð 1.

Miðás

Miðás, 851 Hella

Við Gísli Sveinsson og Ásta Begga Ólafsdóttir bjóðum ykkur hjartanlega velkomin til okkar í sveitina okkar, Miðás.

Þar rekum við gistingu á heimilinu okkar 2 herbergi, ásamt því að vera með tvö lítil hús með sér herbergjum. Gisting fyrir allt að 10 manns. Við rekum hestabú og getum tekið á móti allt að 30 manna hópum í veitingar auk ýmis konar afþreyingu og upplifunar.

Tilvalið fyrir fjölskyldur, starfsmannahópa, vina- og vinkonuhópa, eldriborgara eða aðra að koma í dagsferðir eða lengri dvöl. Við sníðum dvölina eftir óskum hvers og eins. Endilega hafið samband ef þið eruð með sérstakar óskir eða viljið fá hugmyndir fyrir ykkar hóp.

Hestar:

Við bjóðum upp á ýmis konar hestatengda afþreyingu og upplifun, til dæmis:

  • Hestaleiga með leiðsögn, frá 1 klukkustund og upp í dagsferðir
  • Sveitadvöl þar sem hægt er að ríða út frá kl. 10-18, auk þess að vera í fullu fæði og gistingu á staðnum.
  • Frábær inniaðstaða fyrir hestamennsku. Við getum útvegað reiðkennara til að kenna á staðnum.
  • Reiðnámskeið fyrir börn og unglinga. Ýmsar útfærslur í boði.
  • Fólk getur komið með eigin hross, notið frábærra reiðleiða hér í kring og fengið leigð hross á staðnum ef það vantar fyrir einhverja í hópnum/fjölskyldunni.
  • Við erum með mikið af góðum hrossum til sölu, hægt er að koma og prófa eða dvelja hjá okkur og kynnast hrossunum áður en þau eru keypt.
  • Hægt er að ganga að hrossunum okkar út í haga stutt frá og klappa þeim. Við erum meðal annars með hryssur með folöld.
  • Taka þátt í daglegum störfum í kringum hrossin, svo sem smala, gefa, hirða og annað sem fylgir hestamennskunni.

Matur

Við leggjum mikla áherslu á góða upplifun gestanna okkar og reynum að mæta óskum gesta eins og hægt er.

  • Við bjóðum upp á fullt fæði allan daginn fyrir gesti sem dvelja hjá okkur. Morgunverð, morgunkaffi, hádegismat, miðdegiskaffi, kvöldmat og kvöldkaffi.
  • Við getum tekið á móti allt að 30 manns í hádegisverðarhlaðborð, kaffihlaðborð, kvöldverðarhlaðborð.
  • Við erum einnig með veisluþjónustu og getum tekið að okkur ýmis konar veislur svo sem brúðkaup, fermingar, afmælisveislur, ættarmót, ráðstefnur, fundi eða annað.
  • Við bjóðum upp á matreiðslu og bakstursnámskeið, bæði hjá okkur í Miðási eða annars staðar. Dæmi um námskeið: Brauðbakstur, salatgerð, eftirréttir, hefðbundið íslenskt kaffibakkelsi, sunnudagssteikin, grænmetisfæði eða annað sem hentar hópnum.

Önnur afþreying og upplifun í Miðási

Við bjóðum upp á ýmis konar afþreyingu á svæðinu og reynum að mæta þörfum og óskum gesta og þeirra hópa sem dvelja hjá okkur.

  • Gönguferðir í Miðási eða nágrenni, með eða án leiðsagnar.
  • Í Miðási búa hreinræktaðar íslenskar tíkur, Pitla og Píla sem eru frábærir félagar. Þær eignast reglulega hvolpa sem gaman er að klapp og halda á. Pitla og Píla syngja líka með harmonikkuspili fyrir flesta okkar gesti.
  • Kötturinn Pollý býr einnig í Miðási og er frábær starfskraftur í hesthúsinu.
  • Við bjóðum upp á frábæra aðstöðu til að njóta kyrrðarinnar í sveitinni við lestur, prjón, púsl eða annað sem hentar.
  • Dóttir okkar, Inga Berg Gísladóttir er náms- og starfsráðgjafi auk þess að vera búin að ljúka grunnnámi í markþjálfun. Hún býður upp á námskeið/vinnustofur fyrir einstaklinga eða hópa þar sem unnið er með styrkleika, vellíðan og þakklæti.

Afþreying í nágrenni við Miðás:

Við eigum frábæra nágranna sem gaman er að heimsækja auk þess sem ýmsir skemmtilegir staðir eru í nágrenninu, hér koma nokkur dæmi:

  • Nágrannar: Eftirfarandi aðilar bjóða upp á vörur til sölu sem mjög gaman er að skoða. Við getum boðið upp á reiðtúr eða göngutúr til þeirra með eða án leiðsagnar:
    • Spunaverksmiðja Uppspuna: Spunnið garn úr íslenskri ull, ýmis konar handverk til sölu - www.uppspuni.is
    • Renniverkstæði Lækjartúni: Heimagert handverk úr tré.
    • Sútunarverkun Hárlaugsstöðum: Sútun á skinnum og ýmis konar handverk úr ull, heimagerðar sápur og ýmislegt fleira - silla@emax.is
  • Fjarlægir frá fallegum og áhugaverðum stöðum til að heimsækja:
    • Urriðafoss: 7 km
    • Landmannalaugar: 131 km
    • Gjáin og Stöng: 65 km
    • Laugaland (sundlaug): 16 km
    • Hellirinn á Hellum: 34 km
    • Þórsmörk: 79 km
    • Vík: 110 km
    • Seljalandsfoss: 50 km
    • Skógafoss: 79 km
    • Landeyjahöfn: 60 km
    • Selfoss: 20 km
    • Þingborg: 15 km
    • Gullfoss: 75 km
    • Geysir: 65 km
    • Laugarvatn: 62 km

Við hlökkum til að heyra frá ykkur.

Verið hjartanlega velkomin í Miðás.

Syðri-Hagi

Syðri-Hagi, Árskógsströnd, 621 Dalvík

Tveir heilsársbústaðir Götusel og Sólsetur eru til leigu að Syðri-Haga í Dalvíkurbyggð.

Götusel er 37 fm. ásamt stórri verönd. Í bústaðnum er svefnaðstaða fyrir 4 í tveimur svefnherbergjum, auk þess er svefnsófi fyrir 2 í stofu og dýnur á svefnlofti. Eldhúsið er fullbúið. Borðbúnaður er fyrir 8 manns. Sjónvarp er í bústaðnum og frítt þráðlaust net. Heitur pottur og gasgrill er á verönd.

Húsið er til leigu frá mars og fram í nóv, en lokað yfir vetrarmánuðina.

Sólsetur er 25 fm, byggt 2016 - 2017. Í bústaðnum er eitt svefnherbergi með svefnaðstöðu fyrir tvo. (2 rúm *90 cm, hægt er að setja rúmin saman), auk þess er svefnsófi fyrir tvo í stofu. Eldhúsið er fullbúið. Borðbúnaður er fyrir fjóra. Sjónvarp er í bústaðnum og frítt þráðlaust net. Heitur pottur og gasgrill er á verönd.

Húsið er til leigu allt árið.

Húsdýr eru ekki leyfð.

Gestgjafar eru: Gitta Ármannsdóttir og Hafliði Sigurðsson, Linda Andersson og Jónas Leifsson.

Keldunes

Keldunes II, 671 Kópasker

Í Keldunesi er gistiaðstaða í sex tveggja manna herbergjum með handlaug í gistihúsinu. Auk þess eru þrjú smáhýsi sem eru búin helstu þægindum og sér snyrtingum með sturtum.

Í gistihúsinu er góð setustofa, sem má einnig nota sem veislusal, eldunaraðstaða, þvottahús, baðaðstaða og heitur pottur.

Á stórum svölum er grillaðstaða og gott útsýni yfir Skjálftavatn, þar sem er fjölskrúðugt fuglalíf.

Ef óskað er býðst gestum veitingaþjónusta.

Veiðimenn Litlár eru hvergi betur staðsettir en í Keldunesi við bakka Litluár.

Stutt er í margar náttúruperlur eins og Ásbyrgi, Dettifoss, Litluá, Jökulsárgljúfur, Hólmatungur, Rauðhóla og Vesturdal.

Farmer´s Guest House

Meiri-Tunga 1, 851 Hella

Verið velkomin til Farmer's Guest House. Við höfum að bjóða nýlega uppgert hús þar sem allt að 8 manns geta gist. Einnig höfum við þrjú smáhýsi 40 fm. Í hverju smáhýsi geta allt að 4 gestir gist.

Ljósleiðari er tengdur öllum húsum þannig að þar er frítt háhraða WIFI. Einnig vísum við á heimasíðu okkar www.meiritunga.is til að kanna framboð og þar er einnig hægt að panta gistingu.

VisitHrisey.is

Norðurvegur 17, 630 Hrísey

Við bjóðum gistirými fyrir allt að 16 manns. Uppábúin rúm ofl. Hér má sjá myndir af þeim húsum sem eru í boði þ.e. Jónatanshús og Mínukot.

Vinsamlegast hafið samband vegna verðlista og bókana.

Minna Knarrarnes

Minna Knarrarnes, 190 Vogar

65fm einshvergergis íbúð. Vinsamlegast hafið samband vegna verðlista og bókana.

Sportferðir ehf.

Ytri-Vík / Kálfsskinn, 621 Dalvík

Sportferðir er ferðaþjónustufyrirtæki, staðsett í Eyjafirði með hópferða- og ferðaskrifstofuleyfi. Sportferðir sérhæfa sig í skipulagningu hvataferða og hópeflis fyrir fyrirtæki og einnig árshátíða- og skemmtiferða hverskonar fyrir einstaklinga, félög og fyrirtæki. Ferðirnar eru framkvæmdar um allt land og í samvinnu við marga aðra ferðaþjónustuaðila.
Gísting á vegum Sportferða er í Ytri-Vík í Eyjafirði.
Gamla húsið er steinhús á þremur hæðum sem byggt var 1929 og hefur verið mikið endurnýjað.Í húsinu eru 7 svefnherbergi tveggja- og þriggjamanna og rúmar húsið 16 manns í uppbúin rúm. Í húsinu er fullbúið eldhús og borðstofa sem rúmar 25 manns og einnig lítil setustofa. Í kjallara hússins er gufubað og búningsaðstaða fyrir gesti og stór heitur pottur fyrir utan.Frístundahúsin Í Ytri Vík eru einnig 7 fullbúin sumarhús.

Country Hótel Fossatún

Fossatún, Borgarbyggð, 311 Borgarnes

Fossatún er staðsett um 90 km frá Reykjavík við veg nr. 50 mitt á milli Borgarness og Reykholts. Öll aðstaða er góð og nútímaleg hvort heldur gestir hafa styttri eða lengri viðkomu. Staðsetningin er miðlæg og stutt í allar áttir til að skoða fallega náttúru og þá möguleika sem aðrir bjóða upp á í ferðaþjónustu á Vesturlandi.

Gistiaðstaða Boðið er upp á mismunandi þrjá valkosti í innigistingu. Allir gestir hafa aðgengi að heitum pottum og eldhúsaðstöðu. Einnig er boðið upp á tjaldsvæði.

Fossatún Sveitahótel
Boðið er upp á gistingu í 12 x tveggja manna herbergi með sér baðherbergi.

Fossatún Gistiheimili
120 m2 hús með fjögur tveggja manna herbergjum með sameiginlegum baðherbergjum, stofu, borðstofu og eldhúsi. 42 m2 hús með tvö svefnherbergi, sameiginlegt baðherbergi og eldhúsaðstaða.

Fossatún Poddar Poddur er smáhýsi með svefnaðstöðu (camping pod). Svefnpokapláss en hægt að fá rúmfatnað sé þess óskað. Einangruð, upphituð, heilsárs hagstæð gistiaðstaða.

Tjaldsvæði Nútímalegt tjaldsvæði sem hólfað er af með háum skjólbeltum.

Veitingahús - Rock´n Troll Cafe Einstök staðsetning og matseðill með áherslu á kaffihúsaveitingar með stíl. Í móttöku er almenn afgreiðsla og önnur þjónusta við gesti.

Tónlist - Plötusafnið Í veitingahúsinu er að finna vinylplötu- (3000 plötur) og CD safn (5000 diskar) staðarhaldara, sem einnig flytur ásamt öðrum dagskrá tengda tröllasögum og tónlist, slíkt er auglýst fyrirfram.

Tröllasögur, Tröllaganga, Tröllaleikir Skemmtilegar og fræðandi gönguleiðir í fallegri náttúru ásamt leiksvæði með tröllaleikjum svo og myndu og styttum af tröllum. Gönguleiðirnar tengjast þjóðsöguarfi og tröllabókum sem staðarhaldari hefur skrifað og sögusviðið er Vesturland.

Náttúra Fossatún er staðsett á bökkum Grímsár og útsýni yfir Tröllafossa og hægt að sjá laxa stökkva og ganga meðfram fallegu árbakkasvæðinu. Einnig er gönguleið að Blundsvatni þar sem er fjölbreytt, iðandi fuglalíf. Borgfirski fjallahringurinn blasir við og umlykur.

Lamb Inn

Öngulsstaðir III, 601 Akureyri

Aðeins 10 km frá Akureyri má finna Lamb Inn á Öngulsstöðum, í kyrrlátu og notalegu umhverfi. Árið 1996 var fjósi breytt í í fallega gistiaðstöðu með uppábúnum rúmum. Morgunverðahlaðborð er borið fram í hlýlegum sal sem áður var hlaða, þar er áherslan lögð á heimagert góðgæti eins og brauð og kökur, sultur og marmelaði, osta og fleira. Lamb Inn veitingastaður opnaði á Öngulsstöðum 2012. Þar er áherslan á íslenska lambið og einkennisréttur veitingastaðarins er gamaldags eldað lambalæri í heilu lagi, með heimalöguðu rauðkáli, brúnuðum kartöflum, grænum baunum, sósu og rabbarbarasultu. Sá réttur hefur slegið í gegn meðal innlendra sem erlendra ferðamanna. Fiskur er líka á matseðlinum ásamt fleiri réttum. Yfir vetrartímann er eldhúsið ekki opið daglega, en hægt að panta mat með fyrirvara.

Í nágrenninu má finna margskonar afþreyingu við allra hæfi. Fallegar gönguleiðir eru á svæðinu bæði upp til fjalla og niður á engjar, hestaferðir, söfn, kirkjur, golfvöll, kaffihús og krá, sundlaug, gallerí og fleira.

Heitur pottur er við hótelið með frábæru útsýni yfir Eyjafjörðinn og er hann mikið notaður af gestum okkar. Í honum er gott að slappa af eftir ferðalög dagsins eða ánægjulegan dag í Hlíðarfjalli. Hjá okkur er hægt að þurrka skíðaföt og búnað yfir nóttina.

Frír netaðgangur er fyrir gesti hótelsins.

Lamb Inn er frábærlega staðsettur fyrir ferðamenn sem vilja skreppa í dagsferðir um allt Norðurland. Hann er líka tilvalinn fyrir skíðaáhugafólk sem nýtir sér frábæra skíðaaðstöðu á Norðurlandi.

Gamli bærinn á Öngulsstöðum er afar merkilegur í byggingasögulegu tilliti. Hann hefur verið í endurbótum undanfarið og þar hefur verið opnað safn sem hótelgestir geta skoðað án endurgjalds. Hann er vinsæll fyrir smærri móttökur og heimsóknir hópa á ferð sinni um Eyjafjörð.

Yfir vetrartímann er góður fundarsalur Lamb Inn nýttur fyrir fundi, námskeið og smærri ráðstefnur. Hann er vel tækjum og búnaði búinn. Það er vinsælt að smærri fyrirtæki og hópar komi í funda- og hópeflisferðir á Lamb Inn og þá nýtist öll aðstaða hótelsins vel.

Á Lamb Inn er opið allt árið. Hafið samband og kannið kjör og tilboð sem í boði eru. Bjóðum stéttarfélögum og starfsmannafélögum upp á sérkjör á gistingu.

Grímstunga I

Fjallahreppur, 660 Mývatn

Grímstunga er bændagisting í Fjallahreppi. Við bjóðum upp á gistingu í 2-3 húsum þar sem herbergi eru ýmist með vaski eða ekki. Við bjóðum upp á hefðbundna gistingu sem og svefnpokapláss.

Fosshóll við Goðafoss

Fosshóll, 641 Húsavík

Fosshóll stendur á gilbarmi Skjálfandafljóts á krossgötum þjóðvegar 1 og Sprengisandsvegar, um 500 m frá Goðafossi.

Staðurinn er miðsvæðis og jafn langt til Akureyrar, Mývatns og Húsavíkur þ.e. 50km.

Alls býður gistihúsið upp á 21 herbergi. (uppbúin rúm eingöngu) Flest eru þau í sérhúsi en nokkur eru samt í gamla gula húsinu.

Alls býður gistihúsið upp á 21 herbergi. (uppbúin rúm eingöngu) Flest eru þau í sérhúsi en nokkur eru samt í gamla gula húsinu.

Hér er einnig tjaldstæði, verslun, og bensínsala auk handverksmarkaðar.

Veitingasalurinn rúmar 50 manns í sæti og er opinn á sumrin frá því snemma á morgnana þar til seint á kvöldin.

Hann snýr gluggahlið að Goðafossi og því er útsýnið mjög fallegt.

Staðurinn hefur fullt vínveitingaleyfi og er barinn opinn á sumrin alla daga vikunnar til kl. 23:30, en utan ferðamannatíma eftir samkomulagi.

Ferðaþjónustan Glæsibær

Skagafjörður, 551 Sauðárkrókur

Í húsinu er tvö tveggja manna herbergi og 2 eins manns með sameiginlegu baðherbergi. Vel búið eldhús og rúmgóð borðstofa. Verönd með heitum potti og grilli. Frítt þráðlaust netsamband er í öllu húsinu.

Morgunverður í boði ef óskað er. Matsölu- og veitingastaðir í bænum Sauðárkróki (9 km) og t.d. á Hótel Varmahlíð (18 km) og á Hofsstöðum í Viðvíkursveit (26 km). Matvöruverslanir eru á Sauðárkróki.

Ytra-Áland

Þistilfjörður, 681 Þórshöfn

Ytra-Áland er í Þistilfirði, milli Þórshafnar og Raufarhafnar. Þaðan er fallegt útsýni og sólarlagið oft einkar fallegt. Góðar gönguleiðir eru í nágrenninu t.d. er merkt leið á Rauðanesi og á Óttarshnjúk.
Kvöldganga með ströndinni eða fjöruferð nýtur jafnan vinsælda hjá dvalargestum.

Góð staðsetning til skoðunarferða um Þingeyjarsýslur.
Áhugaverðir staðir eru m.a. Langanes, Melrakkaslétta, Ásbyrgi, Jökulsárgljúfur, Dettifoss og Mývatn. Næsta þéttbýli / sundlaug: Þórshöfn u.þ.b. 15 mín akstur.

Afþreying: Skoðunarferðir um nágrennið með leiðsögn, hestaleiga og veiðileyfi eru seld í ám og vötnum

Sæból bændagisting

Sæból 3 - Ingjaldssandur, 425 Flateyri

Sæból 3 tilvalin áfangastaður til að stunda margskonar útivist s.s. fjallgöngur, langar sem stuttar gönguferðir eða bara til slappa af þar sem net-og símasamband er nánast ekkert. Eins ef maður vill njóta sumar sólstöðunnar um Jónsmessu þar sem sólin sést rúlla eftir haffletinum og rísa svo upp aftur við Sauðanestánna. Á þessum tíma er 23 tíma sólargangur á Sæbóli ef veður er þannig.

Húsið er með 4 svefnherbergjum(6 rúm, 4 twin og 2 double),stofa með svefnsófa og eldhús.

Gistiheimilið Stekkatún

Skálafell 2, 781 Höfn í Hornafirði

Lítið og hlýlegt 5 herbergja gistiheimili undir suðurrótum Vatnajökuls, skammt frá Heinabergsjökli, nær miðja vegu á milli Jökulsárlóns og þéttbýlisins í Höfn á Hornafirði á Suðaustur-Íslandi. Hrífandi landslag, mótað af jökli og jökulfljótum, Merktar gönguleiðir í Vatnajökulsþjóðgarði. Auðugt fuglalíf. Opið frá 25. maí til 15. september.

Ferðaþjónustan Borg í Njarðvík

Borg, 720 Borgarfjörður eystri

Ferðaþjónustan Borg Njarðvík býður upp á bændagistingu á Austurlandi, í 63 km fjarlægð frá Egilsstöðum. Við erum í samstarfi við Ferðaþjónustu Bænda og leggjum mikla áherslu á að veita friðsælt og róandi umhverfi fyrir gesti okkar þar sem þeir geta notið þess að vera í íslensku sveitaumhverfi ásamt því að upplifa sveitasæluna.

Vinsamlegast hafið samband vegna verðlista og bókana.

Rauðuskriður gisting í sveitasælunni

Rauðuskriður, 861 Hvolsvöllur

Rauðuskriður er hefðbundinn sveitabær sem er staðsettur í Fljótshlíð á suðurlandi, í c.a. 20 mínútna fjarlægð frá Hvolsvelli Í dag er bærinn heimili Þorsteins Guðjónssonar og Ingveldar Guðnýjar Sveinsdóttur og yngri barna þeirra.

Á Rauðuskriðum var mjólkurframleiðsla til ársins 1999 en eftir það höfum við aðallega alið kindur. Við erum þó einnig með nokkra hesta, kýr, tvo hunda og einn kött. Húsin sem hér hafa verið reist eru íbúðurhúsið sem við búum í og fjögur smahýsi sem eru um 30 metra frá íbúðarhúsinu. Hvert smáhýsi er búið öllum helstu nauðsynjum og búnaði til góðrar dvalar, hvort sem er í lengri eða skemmri tíma. Þ.m.t. fullbúið baðherbergi með sturtu, eldunaraðsöðu og helstu eldhúsáhöld og borðbúnaður, uppbúnu hjónarúmi eða tveimur einstaklingsrúmum ásamt handklæðum.

Á svæðinu er ýmislegt við að vera og til að gera dvölina ánægjulegri s.s heitur pottur, gasgrill, útihúsgögn, leiktæki fyrir börnin, snertingin við sveitina og dýrin, margar skemmtilegar lengri og styttri gönguleiðir og svo auðvitað Stóra Dímon. Friðsældin og náttúrufegurðin er einstök á Markarfljótsaurunum. Einnig er boðið uppá samkomutjald og tjaldsvæði fyrir stærri eða minni fjölskyldu eða vinahópa.

Við vonumst til að hitta sem flesta landa okkar á komandi árum.

Nálægar náttúruperlur: Seljalandsfoss, Þórsmörk, Vestmannaeyjar og allir vinsælustu ferðamannastaðir landsins.

Í nágrenninu er fjöldi ferðaþjónustufyrirtækja sem bjóða uppá margvíslega afþreyingu s.s fjórhjól, hestaleigur, jöklaferðir, snjósleðaferðir og fleira.

Finnið okkur á Facebook hér.

Dyrhólaey Riding Tours

Suður-Hvoll, 871 Vík

Til leigu eru sjö notaleg sumarhús með öllum þeim útbúnaði sem gera dvölina góða og þægilega. Húsin eru staðsett í kyrrlátu og fallegu umhverfi á Suðurlandi, nánar tiltekið í Mýrdalnum. Fjölmargar náttúruperlur er að finna í nágrenni húsanna eins og Dyrhólaey, Reynisdrangar og Eyjafjallajökull. Húsin eru staðsett í landi bæjarins Suður-Hvols sem er skammt frá Þjóðvegi 1. Stutt er í alla helstu þjónustu í Vík, eða um 15km og um 170 km eru til Reykjavíkur. Staðurinn er ekki síður fallegur að vetri til og eru þá Norðurljósin einstök upplifun þar sem þau sjást oft á tíðum mjög vel. Hestaleiga er á á bænum og er tilvalin afþreyfing að fara í reiðtúr niður í svarta fjöruna og ríða í áttina að Dyrhólaey.

Ferðaþjónustan Erpsstöðum

Erpsstaðir, Miðdölum, 371 Búðardalur

Opinn landbúnaður, frá 15. maí - 14. júní, daglega frá 13:00 til 17:00, 15. júní - 14. ágúst, daglega frá 11:00 til 18:00, 15. ágúst - 15. september, daglega frá 13:00 - 17:00 og 16. september - 14. maí samkvæmt samkomulagi.

Hópar panti fyrirfram.

Til sölu rjómaís, skyr og ostar framlett af Rjómabúinu Erpsstöðum. Fjósaskoðun, kynning á starfssemi kúabús, skoða byggingar og húsdýr með leiðsögn ábúenda.

Seld gisting í sumarhúsi, opið allt árið.

Sjá vefsíðu

Ásólfsskáli

V-Eyjafjöllum, 861 Hvolsvöllur

Um er að ræa tvo fimm manna, 45 m2 sumarbústaðir á fallegum stað undir Eyjafjöllum. Tvö svefnherbergi (hjónaherbergi og kojuherbergi), einnig svefnloft með dýnum. Heitir pottar og gasgrill við hvort hús.
Merktar gönguleiðir um Ásólfsskálaheiði upp undir Eyjafjallajökul, frábært útsýni, sérstök gil og gljúfur.

Hestaleiga á næsta bæ.

Stutt frá hinum þekktu stöðum Þórsmörk, Seljalandsfossi, Skógum, Dyrhólaey og Mýrdalsjökli. Stutt í Landeyjahöfn.
Vinsæll staður fuglaskoðara.

Opnunartími: Opið allt árið.

Fjarlægð frá Hvolsvelli: 35 km

Fjarlægð frá Reykjavík: 133 km
Annað: Opinn landbúnaður að Ásólfsskála, hægt að koma til að skoða landbúnaðinn og umhverfið með leiðsögn.
Vinsamlegast hafið samband vegna verðlista og bókana.

Finnið okkur á Facebook hér .

Litla-Hof

Öræfi, 785 Öræfi

Herbergi með sameiginlegu baðherbergi í húsi ábúenda og í litlu sérhúsi á bóndabænum Litla-Hofi í sveitinni Öræfum á Suðaustur-Íslandi, skammt frá þjóðgarðinum Skaftafelli. Hentugur dvalarstaður fyrir þá sem ætla að gefa sér góðan tíma til að skoða Skaftafell og nágrenni og stórbrotna náttúru jökla og svartra sanda undir rótum Vatnajökuls allt austur að Jökulsárlóni. Opið frá 1. mars til 30. nóvember.

Björn Jónsson / Ferðaþjónustan Vorsabæ

Vorsabær 2, Skeiða- og Gnúpverjahreppi, 801 Selfoss

Hestaferðir

Í Vorsabæ 2 er boðið er upp á hestaferðir þar sem lögð er áhersla á persónulega þjónustu og leiðsögn. Eingöngu er tekið á móti litlum hópum og það er tilvalið fyrir fjölskyldur eða litla vinahópa þar sem allir geta tekið þátt. Við tökum að okkur að teyma hesta undir minna vönum börnum í ferðum.

Allar ferðir hefjast inni í reiðhöll þar sem hver og einn getur kynnst hestinum sínum. Svo er farið og riðið út um næsta nágrenni á þeim hraða sem hentar hverju sinni.

Við erum með trausta og skemmtilega hesta við allra hæfi, bæði fyrir alveg óvana og vana knapa. Í boði eru 1, 2 og 3 tíma hestaferðir, en einnig eru í boði dagsferðir fyrir vana knapa sem taka 5 tíma.

Einnig bjóðum við upp á það að teyma hesta undir börnum inni í reiðhöll í um 10 mínútur fyrir hvert barn.

Sveitalíf / Heimsókn á bæinn

Hægt er að koma í heimsókn til að skoða dýrin og búskapinn á bænum. Tekið er á móti litlum og stórum hópum og gefst gestum kostur á að fræðast um dýrin og klappa þeim. Starfsemin getur verið nokkuð mismunandi eftir árstíma og t.d. á vorin geta allir séð nýfædda kiðlinga, lömb og folöld.

Orlofshús til útleigu á bænum

Húsið rúmar allt að 8 manns í gistingu. Þar eru 2 svefnherbergi, í öðru er tvíbreitt rúm en í hinu eru kojur þar sem sú neðri er tvíbreið. Auk þess er rúmgott 18 fermetra svefnloft, en þar eru 3 rúm og auk þess er hægt að bæta við dýnum eða fá lánað ungbarnarúm. Eldhúsið er búið öllum nútíma tækjum og áhöldum og í setustofu er sjónvarp. Við húsið er skjólgóð verönd með garðhúsgögnum og gasgrilli. Ekki er aðgangur að heitum potti en hægt er að komast í sundlaug sem staðsett er í 2 km. fjarlægð. Upplögð staðsetning fyrir þá sem ferðast um Suðurland, þar sem stutt er til margra vinsælla ferðamannastaða og stutt í margskonar þjónustu.

Ensku húsin

Við Langá, 311 Borgarnes

Ensku húsin hafa á undanförnum árum verið endurbyggð í upprunalegum stíl. Í elsta hluta hússins eru borðstofur ásamt eldhúsi, geymslum og starfsmannaaðstöðu. Á efri hæðinni, sem er nánast óbreytt frá árinu 1884, eru þrjú tveggja manna svefnherbergi með sameiginlegu baði. Setustofa er í viðbyggingu vestan megin við aðalhúsið en austan við er svefnálman. Þar eru sex tveggja manna herbergi með sér baði og tvö tveggja manna herbergi með sameiginlegu baði. Alls er þannig gistipláss fyrir 22 í húsinu.

Notalegt þykir að sitja við kamínuna í setustofunni og spjalla saman án utanaðkomandi truflana á borð við útvarp eða sjónvarp. Eigi hinsvegar að stunda vinnu meðan á dvöl stendur hafa gestir aðgang að háhraða internettenginu.

Ef gestir óska er boðið upp á morgunverð, léttan miðdagsverð og kvöldverð.

Í setustofu er nokkurt safn gamalla enskra bóka sem er þess virði að glugga í. Safnið er frá tímum frú Kennard, enskrar konu sem eignaðist húsið árið 1923.

Lambalækur - hús byggt sem íbúðarhús að Galtarholti Borgarbyggð árið 1894. Nú nefnt Lambalækur. Flutt í nágrenni Ensku húsanna og endurgert í upprunalegt horf samkvæmt ströngustu kröfum Húsafriðunnar Ríkisins árið 2004.

Á neðri hæð hússins er forstofa, gangur, eldhús, stofa, þvottahús og geymsla, eitt tveggja manna herbergi og eitt þriggja manna herbergi með sér snyrtingu.
Á efri hæð er eitt þriggja manna og tvö tveggja mannaherbergi með sameiginlegri snyrtingu.

Vinsamlegast hafið samband vegna verðlista og bókana.

Ferðaþjónustan Hafursá

Sólvellir 4, 700 Egilsstaðir

Ferðaþjónustan Hafursá er staðsett á gamla bóndabýlinu Hafursá sem liggur í útjarði Hallormsstaðarskógar. Friðsæld og fegurð er ríkjandi þáttur umhverfisins, fuglalífið og kyrrðin í skóginum.

Kortlagðir göngustígar um skóginn eru gifurlega vinsælir. Stórkostlegt útsýni yfir Lagarfljótið yfir til Fella og Fljótdals. Fyrir botni Lagarins rís Snæfellið, 1830 m - hæsta fjall landsins utan Vatnajökuls.

Ferðaþjónustan býður upp á tvö sumarhús 40m2. Hvort hús getur hýst 4-6 gest. Húsin eru búin öllum tækjum og tólum sem til þarf til að bjarga sér í mat og gistingu s.s. eldavél,útigrill, ískápur,sjónvarp. Uppbúin rúm, baðherbergi með sturtu, útihúsgögn á palli.

Einnig eru tvær tveggja herberga íbúðir í íbúðarhúsinu, hvor með sér inngangi. Miðhæð sem rúmar 7-8 gesti og loftíbúð sem rúmar 4-6 gesti. Báðar íbúðirnar eru með sambærilegum búnaði og sumarhúsin .

Þjónusta
Gestgjafarnir búa á staðnum - ávalt til þjónustu reiðubúin.
Sameiginleg þvottavél og þurkari eru til afnota fyrir gesti Internet er bæði í bústöðum og íbúðum.
Hótel Hallormsstað 5 km. Býður uppá kvöldverðarhlaðborð.

Afþreying

  • Ganga um skóginn
  • Ganga niður að Fljóti til að heilsa upp á Orminn
  • Trjásafnið inn við gróðrarstöð
  • Hengifoss/Litlanesfoss 10 km
  • Hestaleiga 15 km
  • Vatnajökulsþjóðgarður og Skriðuklaustur 15 km
  • Óbyggðasafnið 25 km
  • Vallanes 10 km ( móðir Jörð )
  • Egilsstaðir sund 22 km ( Bónus og Nettó ) og fl. -
  • Vök 25 km ( heitar útilaugar í Urriðavatni )
  • Stöðvarhús Kárahnjúkavirkjunar 20 km
  • Kárahnjúkastífla 75 km.

Ferðaþjónustan Stóru-Mörk 3

Stóra-Mörk III, 861 Hvolsvöllur

Við bjóðum uppá gistingu í rúmgóðum herbergjum á neðri hæð íbúðarhússins með sér inngangi. Í boði er gisting fyrir allt að 30 manns í uppábúnum rúmum eða í svefnpokaplássi í 2-4 manna herbergjum með eða án baðs. Morgunverðarhlaðborð alla morgna í fallegri sólstofu með góðu útsýni og einnig aðrar máltíðir eftir samkomulagi.

Tókum í gagnið árið 2010 tvö ný sumarhús með gistiplássi fyrir allt að 10 manns í rúmum í hvoru húsi. Húsið skiptist í 5 svefnherbergi hvert með tveimur rúmum, stofa og eldhús eru í opnu rými og út frá stofunni liggja svalir. Tilvalið fyrir fjölskylduna og smærri hópa.

Rólegt umhverfi og falleg náttúra í 2ja klukkustunda fjarlægð frá Reykjavík. Góð aðstaða fyrir fjölskyldur og möguleikar á að hitta dýrin í sveitinni. Merktar gönguleiðir og stutt í Þórsmörk.

Við erum staðsett við veg númer 248, 9 km frá þjóðvegi 1 og 130 km frá Reykjavík. Héðan er stutt í Þórsmörk, einungis 20 km auk margra áhugaverðra annarra staða í næsta nágrenni svo sem Seljalandsfoss, Vestmannaeyjar, Fljótshlíð og Skógar.

Vinsamlegast hafið samband vegna verðlista og bókana.

Hótel Á

Kirkjuból , 320 Reykholt í Borgarfirði

Hótel Á er staðsett milli Reykholts og Húsafells. Hótelið er byggt upp af gömlum útihúsum sem hafa verið gerð upp sem hótelgisting og veitingastaður. Alls eru 15 herbergi með sér baðherbergjum.

Ókeypis þráðlaust netsamband í móttökunni og veitingasalnum en ekki á herbergjum.

Á veitingastaðnum er boðið upp á gómsæta rétti á kvöldin og gestir njóta fagurs útsýnis yfir Hvítá úr borðsalnum.

Stóra-Giljá

Ásar, 541 Blönduós

Vinsamlegast hafið samband vegna verðlista og bókana.

Vorsabær 2

Vorsabær 2, Skeiðum, 804 Selfoss

Hestaferðir

Í Vorsabæ 2 er boðið er upp á hestaferðir þar sem lögð er áhersla á persónulega þjónustu og leiðsögn. Eingöngu er tekið á móti litlum hópum og það er tilvalið fyrir fjölskyldur eða litla vinahópa þar sem allir geta tekið þátt. Við tökum að okkur að teyma hesta undir minna vönum börnum í ferðum.

Allar ferðir hefjast inni í reiðhöll þar sem hver og einn getur kynnst hestinum sínum. Svo er farið og riðið út um næsta nágrenni á þeim hraða sem hentar hverju sinni.

Við erum með trausta og skemmtilega hesta við allra hæfi, bæði fyrir alveg óvana og vana knapa. Í boði eru 1, 2 og 3 tíma hestaferðir, en einnig eru í boði dagsferðir fyrir vana knapa sem taka 5 tíma.

Einnig bjóðum við upp á það að teyma hesta undir börnum inni í reiðhöll í um 10 mínútur fyrir hvert barn.

Sveitalíf / Heimsókn á bæinn

Hægt er að koma í heimsókn til að skoða dýrin og búskapinn á bænum. Tekið er á móti litlum og stórum hópum og gefst gestum kostur á að fræðast um dýrin og klappa þeim. Starfsemin getur verið nokkuð mismunandi eftir árstíma og t.d. á vorin geta allir séð nýfædda kiðlinga, lömb og folöld.

Orlofshús til útleigu á bænum

Húsið rúmar allt að 8 manns í gistingu. Þar eru 2 svefnherbergi, í öðru er tvíbreitt rúm en í hinu eru kojur þar sem sú neðri er tvíbreið. Auk þess er rúmgott 18 fermetra svefnloft, en þar eru 3 rúm og auk þess er hægt að bæta við dýnum eða fá lánað ungbarnarúm. Eldhúsið er búið öllum nútíma tækjum og áhöldum og í setustofu er sjónvarp. Við húsið er skjólgóð verönd með garðhúsgögnum og gasgrilli. Ekki er aðgangur að heitum potti en hægt er að komast í sundlaug sem staðsett er í 2 km. fjarlægð. Upplögð staðsetning fyrir þá sem ferðast um Suðurland, þar sem stutt er til margra vinsælla ferðamannastaða og stutt í margskonar þjónustu.

Hagi I

Hagi 1, Aðaldalur, 641 Húsavík

Vinsamlegast hafið samband vegna verðlista og bókana.

Hótel Fljótshlíð

Smáratún, 861 Hvolsvöllur

Smáratún er bóndabýli staðsett við miðri Fljótshlíðinni við veg nr. 261, í 10 mínútna akstursfjarlægð frá Hvolsvelli.

Þriðja kynslóð sömu fjölskyldu býr núna að Smáratúni en ferðaþjónusta hófst þar í smáum stíl árið 1986. Við höfum unnið í samræmi við sjálfbærnisstefnu sem við settum okkur árið 2007 og við hlutum Svansvottun árið 2014.

Við bjóðum uppá gistingu í hótelherbergju, smáhýsum og stærri sumarhúsum. Við erum líka með tjaldsvæði og eldunaraðstöðu fyrir gesti allan ársins hring. Veitingastaðurinn okkar er opinn öllum, bæði fyrir morgunverð og kvöldverð. Við erum stoltir stofnfélagar Beint frá býli og bjóðum uppá matvæli frá býlinu í veitingastað okkar.


Stay for a tree - Studio Lodge

Ásamýri 2, 801 Selfoss

Stay for a Tree - Studio Lodge býður upp á gistirými á Selfossi. Ókeypis einkabílastæði eru í boði á staðnum.

Gistrýmið er með flatskjásjónvarp. Það er einnig eldhús með örbylgjuofni, brauðrist og ísskáp. Helluborð,, kaffivél og hraðsuðuketill eru einnig í boði. Hver eining er með sérbaðherbergi með sturtu. Handklæði eru í boði.

Næsti flugvöllur er Reykjavíkurflugvöllur, 53 km frá Stay for a Tree - Studio Lodge.

Þessum gististað er óhætt að mæla með fyrir þá sem vilja fá sem mest verðgildi á Selfossi! Gestir fá mikið fyrir peninginn í samanburði við aðra gististaði í þessari borg.

Við tölum þitt tungumál!

Gistiheimilið Eldá / Helluhraun / Birkihraun

Helluhraun 15, 660 Mývatn

Eldá, Gistiheimili Mývatni. Ert þú á leiðinni til Mývatns þá bjóðum upp á góða gistingu og persónulega þjónustu á sanngjörnu verði. Við erum staðsett miðsvæðis í Reykjahlíð, í göngufæri við alla helstu þjónustu.

Hótel Látrabjarg

, 451 Patreksfjörður

Vinsamlegast hafið samband vegna verðlista og bókana.

Tröllagarðurinn í Fossatúni

Fossatún , 311 Borgarnes

Fossatún er staðsett um 90 km frá Reykjavík við veg nr. 50 mitt á milli Borgarness og Reykholts. Öll aðstaða er góð og nútímaleg hvort heldur gestir hafa styttri eða lengri viðkomu. Staðsetningin er miðlæg og stutt í allar áttir til að skoða fallega náttúru og þá möguleika sem aðrir bjóða upp á í ferðaþjónustu á Vesturlandi.

Tónlist - Plötusafnið Í veitingahúsinu er að finna vinylplötu- (3000 plötur) og CD safn (5000 diskar) staðarhaldara, sem einnig flytur ásamt öðrum dagskrá tengda tröllasögum og tónlist, slíkt er auglýst fyrirfram.

Tröllasögur, Tröllaganga, Tröllaleikir Skemmtilegar og fræðandi gönguleiðir í fallegri náttúru ásamt leiksvæði með tröllaleikjum svo og myndu og styttum af tröllum. Gönguleiðirnar tengjast þjóðsöguarfi og tröllabókum sem staðarhaldari hefur skrifað og sögusviðið er Vesturland.

Náttúra Fossatún er staðsett á bökkum Grímsár og útsýni yfir Tröllafossa og hægt að sjá laxa stökkva og ganga meðfram fallegu árbakkasvæðinu. Einnig er gönguleið að Blundsvatni þar sem er fjölbreytt, iðandi fuglalíf. Borgfirski fjallahringurinn blasir við og umlykur.

Kross farmhouse

Kross 1a, 861 Hvolsvöllur