Upplýsingamiðstöðvar

Minjasafn Egils Ólafssonar að Hnjóti Örlygshöfn varðveitir einstætt safn gamalla muna frá sunnanverðum Vestfjörðum sem veita okkur innsýn í sögu sjósóknar, landbúnaðar og daglegs lífs. Þar er einnig að finna sýningu um björgunarafrekið við Látrabjarg árið 1947 og hattinn hans Gísla á Uppsölum.

Egill Ólafsson var fæddur og uppalinn á Hnjóti og byrjaði ungur að safna munum. Með áhuga sínum og framsýni varð til þetta merka minjasafn sem Egill og kona hans Ragnheiður Magnúsdóttir byggðu upp og gáfu sveitafélögunum í Vestur-Barðastrandarsýslu.

Í safninu er kaffitería, minjagripaverslun og svæðisupplýsingamiðstöð.

Safnið er opið frá kl. 10-18 frá 1. maí- 30. september. Hægt er að hafa samband ef áhugi er að heimsækja safnið utan fasts opnunartíma (museum@hnjotur.is eða síma 456-1511).

Hótel Cabin er vinsælt 257 herbergja budget hótel frábærlega staðsett í göngufæri frá miðborginni og Laugardalnum. Meginstefna hótel Cabin er að bjóða þægilega gistingu á góðu verði.

Á Cabin finnur þú herbergi sem hæfir þínum þörfum. Herbergin eru allt frá því að vera lítil standard herbergi til stærri superior herbergja. Standard herbergin eru ódýrustu herbergin sem við bjóðum upp á og eins og nafnið gefur til kynna eru þau mjög einföld en notaleg. Superior with a view herbergin eru öll á 7. hæð hótelsins og bjóða upp á stórkostlegt útsýni yfir borgina eða sjóinn.

Á fyrstu hæð hótelsins er bar og setustofa þar sem gestir geta slakað á með drykk.

Boðið er upp á ókeypis bílastæði bakvið hótelið.

Gallerí Koltra er tilgreind sem svæðisupplýsingamiðstöð ferðamanna í Dýrafirði og getur ferðamaðurinn sótt sér upplýsingar um svæðið, áhugaverða staði hvort sem leiðin liggur norður eða suður fyrir hjá starfsmönnum Koltru sem þekkja sitt heimasvæði og þó víðar væri leitað mjög vel.

Í anda húsins er að finna vattasaum sem verður að teljast ein elsta handverksaðferð með ull á Íslandi þó víðar væri leitað. Unnar leðurvörur með tilvísun í heiðni prýða hillur sem og leðurvörur með keltnesku mynstri sem seint er hægt að telja ekki hluta af uppruna okkar Íslendinga.

Listaverk unnin úr rekaviði, sandi og skeljum fær ferðamanninn til að falla í stafi, hvernig er hægt að vinna þetta úr náttúrunni og skapa þessa list. Ferðamaðurinn tengir náttúruna við sköpunargáfu og þá orku sem hægt er að sækja úr henni.

Skartgripir unnir úr þara úr fjörum Dýrafjarðar eru einstakir munir sem einir og sér gera heimsókn í Koltru vel þess virði. Hugmyndaauðgin er greinilega framúrskarandi við fallegan fjörð með tignarlegum fjöllum. Síðast en alls ekki síst er að finna prjónavörur af ýmsum uppruna og skeiðum Íslandssögunnar, mynstur í lopa sem hægt er að rekja til landnáms alveg til mynsturs sem vísa í hraða dagsins í dag.

Katla Jarðvangur

Í Kötlu jarðvangi eru margar merkilegar jarðminjar, sumar á heimsvísu.  Yfir 150 eldgos hafa verið skráð þar frá landnámi. Eldvirknin hefur mótað landið og haft áhrif á búsetu manna eins og öskugosin í Eyjafjallajökli 2010 og Grímsvötnum 2011 sanna. Einstaklega kvik og síbreytileg náttúra hefur mótað sögu og mannlíf jarðvangsins í aldanna rás.

Katla jarðvangur nær yfir land þriggja sveitarfélaga, Rangárþings eystra, Mýrdalshrepps og Skaftárhrepps. Flatarmál hans er 9542 km² eða rúm 9 % af heildarflatarmáli Íslands. Íbúafjöldi er um 2700 manns. Kvikfjárrækt hefur verið megin atvinnuvegur svæðisins en síðustu ár hefur kornrækt aukist. Hvolsvöllur, Vík og Kirkjubæjarklaustur eru helstu þjónustukjarnar fyrir sveitirnar. Undanfarin ár hefur mikilvægi ferðaþjónustu aukist gríðarlega í atvinnulífi svæðisins.

Jarðfræði

Ísland er á Mið-Atlantshafshryggnum þar sem tveir jarðskorpuflekar gliðna í sundur á svokölluðu rekbelti. Auk þess er möttulstrókur undir landinu með miðju undir Vatnajökli. Samspil rekbeltis og möttulstróks veldur flókinni og fjölbreyttri eldvirkni á Suðurlandi.

Sérstaða Kötlu jarðvangsins felst í þessari eldvirkni og víðfeðmum áhrifum hennar á landmótun og náttúrufar. Einkennandi eru megineldstöðvar, gígar og gossprungur, gervigígar, hraunbreiður, móbergsfjöll og móbergshryggir sem hafa sömu stefnu og rekbeltið. Eldstöðvakerfin Hekla, Katla, Grímsvötn og Bárðarbunga eru virkust við landmótunina.

Jöklar eru einnig áberandi í landslagi þar sem þeir þekja hæstu eldfjöll. Frá þeim falla skriðjöklar og jökulár. Jökulgarðar og jökullón eru einnig áberandi. Hamfaraflóð vegna eldgosa undir jökli mynduðu sandana á láglendi.

Elsta bergið er um 2,5 milljón ára gamalt og finnst við rætur Lómagnúps sem er gamall sjávarhamar og eitt hæsta standberg landsins (671 m). Aðrar áhugaverðar myndanir í jarðvanginum eru steingervingar í hnyðlingum og gjóskulög sem hafa reynst vel við aldursákvarðanir. 

Upplýsingamiðstöðin er staðsett í móttökubyggingu Fosshótel Austfirðir í hinu uppgerða læknishúsi sem er eitt frönsku húsanna á Fáskrúðsfirði. Starfsfólk hótelsins aðstoðar fúslega ferðamenn varðandi allar almennar upplýsingar um Fjarðabyggð og nágrenni. Einnig eru veittar upplýsingar um aðra landshluta. 

Þá má nálgast þjónustukort fyrir alla bæjarkjarna Fjarðabyggðar ásamt algengustu handbókum og kynningarritum um Austurland og landið í heild. Ferðamenn geta auk þess leitað upplýsinga á vefnum á stafrænum upplýsingastandi.

Upplýsingamiðstöðin fylgir opnunartíma hótelsins.

What’s On er upplýsingamiðstöð fyrir ferðamenn í miðborg Reykjavíkur. Starfsfólkið þekkir ferðalög á Íslandi í þaula og veitir upplýsingar og ráðgjöf um allt það helsta sem ferðalangar á Íslandi þurfa að vita. Þar að auki fylgjumst við vel með hvað er í gangi í Reykjavík, tónleikar, sýningar og aðrir viðburðir.

Upplýsingamiðstöðin veitir ekki einungis ferðamönnum upplýsingar, hér er einnig hægt að:

· Bóka skoðunarferðir og uppákomur
· Leigja bíl
· Fá upplýsingar um færð og veður
· Fá upplýsingar um tónleika, sýningar, söfn og aðra viðburði
· Fá ábendingar um veitingastaði
· Nálgast upplýsingabækur og ferðabæklinga um Ísland
· Nota internetið
· Geyma farangur

Frekari upplýsingar um Ísland og ferðalög innanlands má nálgast á www.whatson.is . Einnig er hægt að hringja á upplýsingaskrifstofuna, senda tölvupóst eða koma við á Laugavegi 54.  

Upplýsingamiðstöð ferðamanna staðsett í anddyri Sundlaugar Norðfjarðar. Þangað geta ferðamenn sótt allar almennar ferðaupplýsingar um Fjarðabyggð og nágrenni, þar á meðal þjónustukort fyrir alla sex bæjarkjarna sveitarfélagsins.

Aðstoð er einnig veitt vegna ferðaupplýsinga um aðra landshluta. Þá má nálagst algengustu handbækur og kynningarrit ferðaþjónustunnar hjá upplýsingamiðstöðinni og ferðamenn geta auk þess leitað sér upplýsinga á vefnum á stafrænum upplýsingastandi.

Upplýsingamiðstöðin fylgir opnunartíma sundlaugarinnar sem er opin allt árið.

Þá má einnig nálgast ferðaupplýsingar hjá upplýsingaþjónustu kaffihússins Nesbær, skammt frá sundlauginni.

Opnunartími í sumar:
Mánudaga - föstudaga 10-17
Laugardaga 11-16

Reykjavik Hostel Village er staðsett á góðum stað í miðbæ Reykjavíkur. Það er í göngufæri við Laugaveginn, BSÍ, Strætó, Klambratún, Hallgrímskirkju, Perluna og ýmis söfn svo eitthvað sé nefnt.

Kjörið tækifæri fyrir fólk sem vill vera á rólegum stað nálægt miðbænum.

Hostelið saman stendur af 3 mismunandi húsum sem að myndar lítið þorp („Village“). Á hverjum morgni bjóðum við upp á evrópskan morgunmat með nýbökuðu bakkelsi. Á hostelinu sameiginlegt eldhús sem að gestir geta nýtt sér til að elda sinn eigin mat. Einnig boðið upp á frítt Wifi.

Við Iceland Highlights hjálpum þér með að sérsniða allskyns ferðir og beiðnir. Auk þess, við sérhæfum okkur í að keyra privát ferðir. T.d, flugvallarskutlið og Bláa Lónið. 

Vinsamlegast hafið samband vegna ferða og bókana.

Þjónustu- og upplýsingavefurinn nat.is er frjálst og óháð framtak einstaklinga, sem eru ekki tengdir öðrum rekstri en þjónustu við fyrirtæki, sem vilja koma rekstri sínum á framfæri á honum.

Markmið þessa framtaks er að veita ferðamönnum sem ítarlegastar upplýsingar um Ísland og sem víðtækastra möguleika til beinbókunar. Allar bókanir á nat.is eru beint til birgja án milliliða!! Nat.is var hleypt af stokkunum í apríl 1998 og hefur síðan unnið sér góðan sess í leitarvélum. 

Sveitabúðin Una - Verslun með handverk, gjafavöru og minjagripi, grænmetismarkaður & kjöt beint frá býli!

Það er gaman að koma í Sveitabúðina Unu á Hvolsvelli. Hjá okkur er skemmtileg tónlist í loftinu, fallegar vörur - íslensk hönnun og handverk úr héraði, ýmis gjafavara og matvara. 

Á sumrin er grænmetismarkaður með lífrænt íslenskt grænmeti og ferskt kjöt beint frá býli.

Ekki missa af okkur á ferð þinni um Suðurlandið - við erum í rauða bragganum.

(Opnunartíma má sjá á facebook

Upplýsingarmiðstöð Langanesbyggðar er staðsett í íþróttahúsinu Verinu. 

Jafnframt því að ferðamenn geti nálgast upplýsingar í upplýsingarmiðstöðinni geta ferðamenn komist í þvottavél, þurrkari og internetsamband.

Í Mývatnssveit er rekin öflug ferðaþjónusta sem er byggð á gömlum og traustum grunni.
Ferðamönnum býðst fjölbreytt þjónusta í gistingu, mat og afþreyingu.

Mývatnssveit er einn vinsælasti ferðamannastaður landsins.   Svæðið er þekkt fyrir náttúrufegurð, en eldsumbrot hafa mótað landslagið þar frá örófi alda.

Upplýsingamiðstöðin á Selfossi er til húsa í ráðhúsi Árborgar, Austurvegi 2. Upplýsingamiðstöðin þjónustar íbúa og ferðamenn allt árið um kring. Ókeypis kort með þjónustulista og landakort frá öðrum landshlutum. Frír internetaðgangur og alltaf heitt á könnunni.

Opnunartímar
Virka daga | 09:00 - 18:00
Laugardaga | 10:00 - 14:00
Sunnudaga | Lokað

Við miðlum upplýsingum um almenningssamgöngur á Íslandi; strætó, ferjur og flug - með því megin viðmiði að í boði séu fastar brottfarir óháð fjölda þátttakenda og ferðir eru almennt ekki með leiðsögn. Ýmisst er þjónustan sem við kynnum rekin af opinberum aðilum eða einkaaðilum. Síðan er ekki hagnaðardrifin en til að efla sjálfbærni hennar er kostur á því að kaupa ferðir í gegnum www.publictransport.is hjá nokkrum einkaaðilum í gegnum sölusíðu TourDesk, sem er beintengd við heimasíðuna.

Opna almenningssamgöngukort með þjónustuaðilum 

Must See in Iceland er bloggsíða þar sem mælt er með því allra, allra besta sem Ísland hefur uppá að bjóða. Við viljum lóðsa fólk um landið eins og góðir vinir, með dass af húmor og skemmtilegheitum.

Við handveljum líka ferðir um Ísland þannig að ferðalangar geti upplifað það stórfenglegasta sem hægt er að upplifa á þessu litla landi. Og það er hægt að bóka eitt - við mælum aldrei með einhverju glötuðu!

Komið því með okkur í ógleymanlega ferð um Ísland. Við erum til í það. Ert þú til í það?

Opið mánudaga, þriðjudaga og fimmtudaga frá kl. 14 til 18.

Búðin á Borgarfirði er lítil og vingjarnleg þorpsverslun í eigu Borgfirðinga. Þar er stefnan að hafa til gott vöruúrval nauðsynjavara fyrir heimamenn sem og ferðamenn sem leggja leið sína til Borgarfjarðar. Þar má einnig finna upplýsingamiðstöð Borgarfjarðar en þar geta ferðamenn m.a. aflað sér upplýsinga um áhugaverða staði og gönguleiðir á svæðinu.

Fimmvörðuháls.is er upplýsingasíða um gönguleiðina yfir Fimmvörðuháls milli Skóga og Þórsmerkur.

Gestastofa þjóðgarðsins er við Malarrif. Þema sýningarinnar í gestastofunni er vermaðurinn og náttúruan og er leitast við að sýna hvernig vermenn nýttu náttúruna til að sjá sér farboða. Höfðað er til allra skilningarvitanna og eru gestir hvattir til að smakka, lykta og reyna. Hægt er að finna eitthvað skemmtilegt fyrir fólk á öllum aldri í gestastofunni. Þar má einnig nálgast upplýsingar og fræðslu um svæðið undir Jökli hjá landvörðum sem þar starfa.

Smelltu hér til að skoða opnunartímar

Bókun ehf. er hugbúnaðarfyrirtæki, stofnað í febrúar 2012. Fyrirtækið hóf þróun á hugbúnaði sínum í mars 2012 og fór kerfið í loftið með fyrstu viðskiptavinunum í febrúar 2013.

Opið alla daga frá kl. 10:00-16:00.

Vinsamlegast hafið samband vegna ferða og bókana.

Opnunartímar;

Mán - Fös 08:00 - 17:00

Lau + Sun 10:00 - 12:00

Hótel Bifröst er notalegt hótel á fallegum stað í hjarta Borgarfjarðar. Hótelið er staðsett við þjóðveg 1 - 102 kílómetra frá Reykjavík og því í aðeins eins- og hálfs tíma akstursfjarlægð frá höfuðborginni.

Á Hótel Bifröst eru 52 rúmgóð, björt og hlýleg, tveggja manna herbergi. Öll herbergin eru með sér snyrtingu og sturtu, gervihnattasjónvarpi og internettengingu. Lyfta er á hótelinu og því gott aðgengi fyrir fatlaða. 

Veitingastaður hótelsins - Kaffi Bifröst tekur um það bil 100 manns í sæti. Þar er mikið lagt upp úr því að framreiða fjölbreyttan og hollan mat með áherslu á að nota hráefni úr heimabyggð.

Hægt er að bóka ráðstefnur, fundi eða námskeið til að halda á hótelinu en þar er að finna sali af öllum stærðum og gerðum.

Upplýsingamiðstöð Ölfuss er staðsett í Íþróttamiðstöð Þorlákshafnar.  

Sjá nánar hér 

KAFFI KLARA 

Kaffi Klara er til húsa í gömlu pósthúsinu í Ólafsfirði, sögufrægt hús í hjarta Ólafsfjarðar sem gért var upp í 2013 og innréttað sem kaffihús og gistiheimili.  

Kaffi Klara er notalegt og heimilislegt kaffhús þar sem lögð er áhersla á að hlúa vel að gestunum, nota hráefni úr héraði, elda matinn sem mest frá grunni og skapa matarupplifun. Boðið upp á rétt dagsins og um helgar er í boði súpa og brauð auk þess sem boðið er upp á smurt brauð, bökur, súrdeigspitsur, kökur, tertur og vöfflur. 

Tapasveislur, hlaðborð, purusteikur, brunch, tónleikar, sýningar m.m. eru reglulega auglýst á facebooksíðu Kaffi Klöru. Kaffi Klara er einnig með veitingaþjónustu og tekur á móti smærra hópa ferðamanna, fjölskyldna, samstarfsfólks, saumaklúbbur, eða félagssamtök.

GISTIHÚSIР

Gistihúsið okkar er staðsett á efri hæð Kaffi Klöru, í miðbær Ólafsfjarðar. Það eru 5 herbergi og 2 baðherbergi. Við eigum 1 frábært stórt herbergi með pláss fyrir 4 t og 1 aðeins minni herbergi með pláss fyrir 3. Bæði herbergin eru tilvalin fyrir fjölskyldur. Herbergin eru með nútímalegum innréttingum og eru með viðargólf og handlaug. Gestir hafa aðgang að sameiginlegri baðherbergisaðstöðu auk sameiginlegs svæðis með ísskáp og hraðsuðukatli. Gistihúsið tekur 11-12 manns í gistingu.

Gistihúsið er tilvalið fyrir stórfjölskyldan, fyrir göngu eða hjólahópa sem vilja njóta náttúrunnar á Tröllaskaga eða fyrir gólfarar. Leitið til okkar eftir tilboð fyrir gisting og fæði. 

Fuglasafn

Í fuglasafninu eru flestir íslenskra varpfugla uppsettir  ásamt fjölda flækingsfugla auk uppstoppaðra krabba og fiska. Í fuglasalnum eru einnig egg nær allra íslenskra varpfugla svo og skordýrasafn.

Steinasafn

Í steinasalnum er eitt merkasta skrautsteinasafn landsins. Safnið er gjöf hjónanna Unnar Pálsdóttur og Sveins Guðmundssonar. Þar er að finna flestar þær steinategundir sem finnast á Íslandi.

Opnunartími:
10:00-17:00 alla daga frá 1 .maí til 30. september.

Daglegar ferðir:
Luxus jeppar 7 farþega
- Eldfjallaferð  Eyjafjallajökull - Þórsmörk     
- Eldfjallagarðurinn Reykjanesskaginn 
- Tvær í einni 2in1 Gullhringurinn og Suðurströndin

Smá-rútur  fjórhjóladrifnar 8 farþega
- Samsett ferð (Combo Trip) - Gullni hringurinn + Bláa lónið
- Tvær í einni 2in1 Gullhringurinn og Suðurströndin

Farþegar eru sótt beint frá hótelum:
Reykjavík, Suðurnesjum, Hveragerði, Selfossi.

Fyrir hópa: Starfsmannaferðir, Árshátíðir, Hvataferðir, Hellaskoðun.

Flagghúsið fyrir fundi, ráðstefnur og veislur.
Húsið rúmar allt að 48 matargesti í sæti.

Leitið tilboða

Vinsamlegast hafið samband vegna ferða og bókana.

Í safninu eru munir sem tilheyra sjósókn og vinnslu sjávarafla. Einnig eru þar verslunarminjar og hlutir sem tilheyra ýmsum greinum iðnaðar og lækninga frá fyrri tíð. Sjóminjasafnið er staðsett í gömlu verslunarhúsi, Gömlu búð, sem byggt var 1816.

Safnið þykir einstaklega skemmtilega framsett, fjölbreytt og fróðlegt heim að sækja. Það er á tveimur hæðum.

Safnið er opið alla daga kl. 13:00-17:00 (júní-ágúst) eða eftir samkomulagi á öðrum árstímum.

Tjaldsvæðið er frábærlega staðsett, við hliðina á sundlauginni og Farfuglaheimilinu í Laugardal. Auk þess er stutt í aðra þjónustu og afþreyingu í borginni.

Húsbílasvæðið bíður góða aðstöðu fyrir campera, húsbíla og tjaldvagna inn á vöktuðu svæði sem læst er með hliði. Um 40 bílar geta tengt samtímis í rafmagn en samtals er pláss fyrir 60 bíla. Þráðlaust WIFI. Skammt frá er aðstaða til að losa ferðasalerni. Tjaldgestum og gestum á bílum með fortjöldum er vísað á efra svæðið þar sem er ekki rafmagn.

Svæðið er opið allt árið en yfir vetrarmánuðina takmarkast aðstaðan við bað- og eldurnaraðstöðu. Aðra þjónustu finna gestir á Farfuglaheimilinu Dal við hliðina þar sem er móttakan.   

Það er nauðsynlegt að bóka pláss fyrirfram á vefsíðu okkar. Þannig býðst besta verðið og þið fáið aðgang að hliðinu á húsbílasvæðinu frá kl 13:00 til kl 11:00 á brottfarardegi. Hámarksdvöl á svæðinu er 14 dagar yfir vetrarmánuðina annars 7 dagar.

Egilsstaðastofa Visitor Center er staðsett við tjaldstæðið á Egilsstöðum. Hún annast almennt upplýsingastarf á sviði ferðamála, verslunar og þjónustu með sérstaka áherslu á Múlaþing. Er ferðaþjónustu- og verslunaraðilum í Múlaþingi gefinn kostur á að kynna starfsemi sína þar.

Vinsamlegast hafið samband vegna frekari upplýsinga.

Á efri hæð hússins er sýningin „Saltfiskur í sögu þjóðar“. Sýningin ætti að geta að vera forvitnileg fyrir erlenda ferðamenn, fróðleg fyrir skólafólk, sem getur hér kynnt sé mikilvægasta atvinnuveginn, og ánægjuleg fyrir hinn almenna Íslending sem fer í helgarbíltúr með fjölskylduna. 

Þegar leið á 18. öldina, og þilskip tóku að leysa áraskipin af hólmi, varð saltfiskur aðalútflutningsvara Íslendinga. Fram að því höfðu vaðmál og skreið verið undirstaða utanríkisverslunar. Með tilkomu togaranna varð saltfiskverkun í raun að stóriðju og saltfiskur hefur æ síðan skipt verulegu máli fyrir afkomu þjóðarbúsins. Grindvíkingar hafa löngu verið drjúgir við að saltfiskinn og sýningum sögu verkunar og sölu á saltfiski og þýðingu hans fyrir þjóðarbúið í gegn um tíðina á því vel heima í þessu ágæta sjávarplássi við suðurströndina.

Sýningar textar eru bæði á íslensku og ensku.

Opnunartími                  

15. maí – 31. ágúst        alla daga kl. 11-17

1. September - 14. maí  alla daga nema sunnudaga kl 11-17

Aðgangur er ókeypis

Einnig hægt að taka á móti hópum utan afgreiðslutíma eftir samkomulagi.

Dunhagi er sögufrægt félagsheimili þar sem veitingarhúsið Cafe Dunhagi er rekið frá vori til hausts. Veitingarhúsið er landsfrægt fyrir að hrista saman heimsins kryddum til að gera máltíðina eftirmynnilega.
Á efri hæð hússins er Menningarhátíð Dunhaga þar sem landsfrægir listamenn, rithöfundar, ljóðaskáld og tónlistarmenn stíga á stokk allar helgar sumarsins. Í húsinu er víðamikið ljósmyndasafn þar sem saga Tálknfirðinga er rakin í máli og myndum. 

Hótel Snæfellsnes býður upp á 14 herbergi. 13x tveggjamanna herbergi og 1x þriggjamanna herbergi. Hönnunin er stílhrein með innblæstri frá Scandinaviu og borin er virðing fyrir umhverfinu. Herbergin eru hljóðeinangruð og með mjúkri lýsingu, gólfhita, Wi-Fi, sjónvarpi, hárþurrku, katli, skrifborði og stólum. Hvert herbergi er útbúið snyrtiaðstöðu og eru öll baðherbergin með sturtu. Fallegt útsýni er úr herbergjunum og um að gera að opna gluggann og njóta golunnar sem blæs á Snæfellsnesi. Boðið er upp á aðgang að þráðlausu interneti án endurgjalds auk þess sem stutt er í frábærar gönguleiðir og alla aðra afþreyingu sem er í boði á Snæfellsnesi, svo sem hestaferðir og ferðir á jökulinn.

Á Vegamótum er einnig rekið kaffihús.

Þjóðgarðurinn við Snæfellsjökul á Snæfellsnesi er rúma 58 km frá Hótel Snæfellsnesi. Þar fá gestir tækifæri til að upplifa og komast í snertingu við íslenska náttúru, feta í fótspor forn Íslendinga með því að ganga um hraunið eins og þeir gerðu á sínum tíma.

Stutt er í allar áttir en Hótel Snæfellsnes er aðeins í eins og hálfs tíma akstri frá Reykjavík. Við erum fyrir miðju Snæfellsness og aðeins 32 km til Stykkishólms. Þá eru 38 km til Grundarfjarðar, 57 km til Ólafsvíkur, 35 km til Búða, 54 km að Arnarstapa og 58 km til Hellna.

Hæ hæ. Við erum Dohop.

Vantar þig að finna ódýrt flug en vilt ekki leita á öllum flugfélögum og ferðaskrifstofum? Það var einmitt vandinn sem stofnandi Dohop, Frosti Sigurjónsson lenti í. Hann vantaði leið til að finna flug frá Nice til Íslands en hún var ekki til. Dohop var stofnað til að leysa þennan vanda. Og í dag er Dohop ein besta flugleitarvél í heimi skv. World Travel Awards

Síðan þá erum við búin að vinna hörðum höndum að því að leysa vandamál Frosta fyrir alla þá sem þurfa á því að halda með það markmið að búa til bestu flugleitarvél í heimi. Metnaðarfullt markmið? Vissulega, en þess vegna erum við líka svona montin af því að hafa verið valin besta flugleitarvél í heimi af World Travel Awards árin 2014, 2016, 2017 og 2018!

Í grunninn er Dohop einföld flugleitarvél. Við leitum að leiðum milli tveggja staða og gerum svo verðsamanburð á milli fjölmargra flugfélaga og ferðaskrifstofa. Við getum einnig fundið gistingu og bílaleigubíla. Allar okkar leitir taka mið að verði og sýnum við ávallt ódýrustu niðurstöðurnar sem við finnum.

Dohop er ekki stórt fyrirtæki, en við erum að stækka og nú þegar starfa fjölmargir snillingar hjá okkur. Þegar við sitjum ekki við tölvurnar tökum við stöku fússball-leik, kíkjum í borðtennis og á föstudögum reynum við að finna tíma til að skála eftir vinnu.

Travelade er upplýsinga- og bókunarvefur fyrir ferðamenn þar sem hver sem er getur búið til sína persónulegu ferðahandbók á netinu. Á vefnum má finna frábært ferðatengt efni frá ýmsum ferðabloggum og vefjum ásamt bókunarþjónustu fyrir afþreyingu á Íslandi. 

LAVA – Eldfjalla og jarðskjálftamiðstöð Íslands er allsherjar afþreyingar- og upplifunarmiðstöð sem helguð er þeim gríðarlegu náttúruöflum sem hófu að skapa Ísland fyrir nærri 20 milljón árum síðan og eru enn að. LAVA centre gefur þér ekki aðeins kost á að upplifa þessi náttúruöfl með gagnvirkum og lifandi hætti heldur tengir þig einnig við náttúruna sem við þér blasir; Heklu, Tindfjöll, Kötlu, Eyjafjallajökul og Vestmannaeyjar.

LAVA er “glugginn” inn í  jarðvanginn, Katla Geopark, ásamt því að vera alhliða upplýsinga, sölu- og þjónustumiðstöð fyrir ferðamenn. LAVA kemur einnig á framfæri, með beinum hætti, upplýsingum um jarðhræringar, eldgos og aðrar náttúruhamfarir í samvinnu við Almannavarnir, Veðurstofu Íslands og lögreglu.

LAVA er kjörinn viðkomustaður fyrir alla sem hafa áhuga á að læra meira um jarðfræði Íslands, sjá og finna fyrir kraftinum sem liggur undir landinu. Lifandi og skemmtileg upplifun fyrir alla fjölskylduna!

Aðgangsverð fyrir sýningu, 12 mínútna kvikmynd og útsýnispall er 3590 kr og fjölskyldu pakki er á 8975 kr (fullorðnir + 1 barn 6-15 ára greiða, aðrir 15 ára og yngri fá frítt).

Allar upplýsingar um verð má finna á heimasíðunni www.lavacentre.is og þar er einnig hægt að kaupa miða fyrirfram. Einnig er auðvelt og fljótlegt að kaupa miða við innganginn. 

Kaffihús, hestaleiga, hjólaleiga.

Opnunartími í sumar: 10:00-18:00 alla daga.

Upplýsingamiðstöð Snæfellsbæjar er svæðismiðstöð. Hún er til húsa hjá Átthagastofu Snæfellsbæjar miðsvæðis í Ólafsvík bak við Gamla Pakkhúsið.

Fjölbreyttar sýningar eru í húsakynnum upplýsingamiðstöðvarinnar á sumrin.

Aðgangur að interneti.

Miðstöðin er opin kl. 8-16 á virkum dögum út júlímánuð. 

Upplýsingamiðstöðin á Akranesi er til húsa í Akranesvita. Þar er hægt að nálgast allar upplýsingar um afþreyingu, gistingu, veitingar og fleira á Akranesi og nágrenni. 

Opnunartímar í Upplýsingamiðstöð ferðamanna og í Akranesvitanum:
1. maí - 15. september: daglega frá 12:00 til 16:00
16. september - 30. apríl: daglega frá 13:00 til 15:00 og eftir samkomulagi fyrir hópa.

Opnunartími sumarið 2020:

Opið alla daga frá 11:00 til 17:00

Þar er salernisaðstaða, verslun með nauðsynjavörur, minjagipaverslun, grilli, súpur og réttir dagsins.  Þjónustumiðstöðin er opin frá morgni til kvölds.  Upplýsingar um svæðið og áhugaverðar ferðir má nálgast í Fossbúð.  Yfir sumartíman er starfrægt upplýsinga og sala fyrir skipulegar ferðir. T.d hesta-, jeppa-, göngu-, og jöklaferðir.  Tökum á móti stórum sem litlum hópum í fyrirfram pöntuðum mat. Fossbúð rúmar allt að 200 mans í mat.  Fossbúðin er opin ALLT áríð

Melrakkasetur Íslands er fræðasetur sem helgað er íslenska melrakkanum sem er af tegundinni Vulpes lagopex og er eina upprunalega landspendýrið á Íslandi.

Melrakkasetur Íslands ehf. var stofnað í Súðavík 15. september 2007 og meðal stofnfélaga eru einstaklingar, fyrirtæki og sveitarfélög. þessir aðilar eiga það sameigilegt að hafa áhuga á íslensku tófunni og öllu sem henni viðkemur, svo og náttúrulífs- og sögutengdri ferðaþjónustu.

Langtímamarkmið með stofnun setursins eru þau að safna saman á einn stað allri þekkingu, efni og hlutum sem tengjast melrakkanum í fortíð og nútíð. Að setja upp sýningu fyrir ferðamenn þar sem mun verða á boðstólnum fræðandi efni í máli og myndum um refi í náttúrunni, hérlendis sem erlendis, refarækt og refaveiðar. Ennfremur að stuðla að og taka þátt í rannsóknum á líffræði tegundarinnar og þróun sjálfbærrar náttúrulífs-ferðamennsku.

Opið:

• 15. maí - 30. sept: 10:00-18:00
• 01. október - 14. maí:  eftir samkomulagi

Opnunartími

Sumar (15. júní - 31. ágúst):
Virkir dagar: 08:00-17:00
Helgar: 08:00-14:00

September:
Virkir dagar: 08:00-16:00
Helgar: 09:00-12:00

Haust/vetur/vor (1. október - 14. júní):
Mán-fim: 08:00-16:00
Fös: 08:00-12:00
Helgar: Lokað 

Akureyri Backpackers er staðsett í hjarta Akureyrar, við sjálfa Göngugötuna.  Stutt er í alla þjónustu, en helstu kaffihús og veitingastaðir bæjarins eru í göngufjarlægð og Sundlaug Akureyrar er einungis í 500 m fjarlægð. Þá er Menningarhúsið Hof handan við hornið og hinn landsfrægi tónleikastaður Græni hatturinn er við hliðina á Akureyri Backpackers.

Hægt er að velja um sameiginleg herbergi í svefnpokaplássi eða tveggja manna herbergi.  Sameiginlegar snyrtingar eru á öllum hæðum og sturtuaðstaða er í kjallara.

Á jarðhæð er svo ferðamiðstöð ásamt veitingastað og bar þar sem hægt er að njóta léttra veitinga.

• Morgunverður
• Uppábúin rúm
• Eldhús og grillaðstaða
• Veitingasala
• Þráðlaust internet
• Sturtur
• Gufubað
• Skíðageymsla
• „Preppaðstaða“ fyrir skíðafólk
• Þvottavélar
• Upplýsingamiðstöð
• Læstir skápar
• Farangursgeymsla
• Hópar velkomni

Bestu kveðjur/Best regards

Akureyri Backpackers staff

Á Selasetri Íslands eru fræðslu sýningar um seli og hægt að kynna sér meðal annars lífshætti sela, selaveiðar og nýting selaafurða og þjóðsögur um seli. Setrið gegnir einnig hlutverki almennrar upplýsingamiðstöðvar fyrir ferðamenn. Þar geta ferðamenn fengið upplýsingar um athyglisverða áfangastaði og afþreyingu í Húnaþingi. Þar eru einnig seldir minjagripir og handverk úr héraði. 

Athugið að bóka verður fyrirfram fyrir bíla. Sæferðir bjóða einnig upp á ævintýrasiglingu, veisluferðir fyrir hópa og fjölbreyttar sérferðir.

Eimverk Distillery er fyrsta og eina viskí distillery landsins og fullkominn áfangastaður fyrir viskýáhugamenn og hvern þann sem hefur áhuga á Íslensku áfengi. Við erum líka eina eimverksmiðja landsins sem framleiðir áfengi úr 100% íslensku byggi, við framleiðum: Flóka viskí; Vor, potteimað gin og Víti Brennivín.

Í verksmiðjuheimsókn hjá okkur færð þú tækifæri til að: smakka Flóki fyrsta og eina íslenska viskíið; læra um framleiðsluferli þess að eima Íslenskt áfengi frá Íslensku byggi; auk þess að bragða á Vor Gini og Víti Brennivín eimað með landlægum Íslenskum kryddjurtum.

Eimverk er staðsett við Lyngás 13 í Garðabæ. Heimsóknir eru aðeins í boði á vissum tímum (svo vinsamlegast bókið fyrirfram). Heimsóknin kostar 4.990 kr. og er rétt yfir klukkutími að lengd. Í heimsókninni er smakkað á öllum þeim vörum sem Eimverk hefur upp á að bjóða ásamt túr í gegnum verksmiðjuna þar sem farið er léttilega yfir framleiðsluferli Íslensks áfengis. 

Ferðir í boði á Föstudögum og Laugardögum kl 16:00 allt árið. 

Fyrir stærri hópa sem vilja koma í prívat heimsókn (starfsmannafélög, steggjanir o.fl.) vinsamlegast hafið samband í tölvupósti, tours@eimverk.com 

Til að bóka vinsamlegast fylgið eftirfarandi link: www.flokiwhisky.is/tours 

Splúnkunýtt kaffihús búið flottustu vélum og vörum frá Te og kaffi.

Boðið er upp á úrval af kaffidrykkjum, heimabakað bakkelsi/kökur, súpu yfir sumartímann, gjafavöru ofl.

Gegnir einnig hlutverki upplýsingamiðstöðvar fyrir Bolungarvík.

Opnunartími: Mánudaga-fimmtudaga 08:00-16:00 og föstudaga: 08:00-14:00

Upplýsingagjöf til ferðamanna er á Byggðasafni Hafnarfjarðar og í Lista og menningarmiðstöðinni Hafnarborg um helgar frá 11:00-17:00.

Upplýsingamiðstöð Dalvíkur er opin sem hér segir:

Sumar (1. júní - 31. ágúst):
Virkir dagar 10:00 - 17:00
Laugardagar: 12:00 - 17:00
Sunnudagar: Lokað

Vetur:
Upplýsingamiðstöðin sjálf lokuð en bókasafnið í sama húsi veitir upplýsingar.

Í upplýsingamiðstöðinni er hægt að fá ferðabæklinga af öllu landinu, götu- og göngukort, frímerki, póstkort, og fleira. Í ferjuhúsinu eru salerni, frí þráðlaus nettenging fyrir gesti, minjagripaverslun og lítil kaffitería. Ferjuhúsið nýtist einnig sem biðstöð fyrir farþega Norrænu. 

Camp Egilsstaðir er miðsvæðis í Egilsstaðabæ, undir klettunum við Kaupvang. Þaðan er spölkorn í helstu verslanir og þjónustu. Á tjaldsvæðinu er rafmagn fyrir húsbíla, leiktæki fyrir börn, snyrtingar með aðgengi fyrir fatlaða, þvottavélar, þurrkarar, sturtur og salerni. 

Á svæðinu eru einnig útiborð og bekkir og aðstaða til að vaska upp. Þjónustuaðstaðan er opin allan sólarhringinn og í byrjun árs 2022 var hún stækkuð um helming og nú, ásamt úti-eldunarskýli, er komin aðstaða innanhús til eldunar. Á háönn er nauðsynlegt að bóka og greiða fyrir tjaldsvæðið á netinu en möguleiki er á greiðslu í gegnum sjálfsafgreiðsluposa á lágönn ef móttakan er lokuð.   

Tjaldsvæðið er opið allan sólarhringinn, allt árið um kring. Egilsstaðastofa Visitor Center er í þjónustuhúsi á tjaldsvæðinu. Gistu hjá okkur á ferð þinni um Ísland en stutt er í alls kyns afþreyingu eins og Stuðlagil, Vök Baths, Hengifoss og fleiri frábærar náttúruperlur.

Hægt er að bóka pláss fyrirfram á vef Camp Egilsstaðir sem og verðskrá. 

Egilsstaðastofa Visitor Center er staðsett í þjónustuhúsi Camp Egilsstaða. Þar er hægt að fá upplýsingar um svæðið.  Hægt er að kaupa kaffi, te, póstkort, frímerki og fleira. Nánari upplýsingar um Egilsstaðastofu er að finna á vef Camp Egilsstaðir .

Verslunin Árborg á sér 32 ára viðskiptasögu og er fyrsta fyrirtækið sem notar nafnið “Árborg”. Þann 1. apríl árið 1988 tóku hjónin Gunnar Egilsson og Sigrún Halldórsdóttir við rekstrinum og hafa rekið Verslunina Árborg.

Upplýsingamiðstöð ferðamanna Ólafsfirði er staðsett í Bókasafni Fjallabyggðar.

Finndu þér einhvern til að spjalla við! Íslendingar sem eru tilbúnir að veita ráð varðandi ferðamennsku.

Upplýsingamiðstöðin er í stórri byggingu vinstra megin við afleggjarann niður að Reykhólaþorpi rétt áður en komið er að Hólabúð (almenn verslun, ferðamannasjoppa og N1-bensínstöð). Báta- og hlunnindasýningin á Reykhólum ásamt Bátakaffi er í sama húsi.

Upplýsingamiðstöð Borgarbyggðar er staðsett í sveitamarkaðnum Ljómalind á Brúartorgi 4 í Borgarnesi. Þar geta ferðamenn nálgast gagnlegar upplýsingar um svæðið. 

Opið allt árið, daglega frá 10:00-18:00.

Daglega siglir ferjan Baldur yfir Breiðafjörð frá Stykkishólmi til Brjánslækjar , með stoppi í Flatey .
Um borð í ferjunni er góður veitingastaður og frábær aðstaða fyrir farþega. Á leiðinni yfir fjörðinn er hægt að slaka á og njóta útsýnisins og á sama tíma ert þú að spara tíma þar sem að það tekur skemmri tíma að sigla en að keyra.
Fjölmargir ferðamenn velja að stoppa í Flatey á milli ferða. Fyrir þá sem ferðast með bíl er hægt að senda bílinn yfir fjörðinn á meðan stoppað er í eyjunni og er ekkert rukkað aukalega fyrir þessa þjónustu. Athugið að mikilvægt er að bóka fyrir bíla fyrirfram.
Takmörkuð stopp eru í Flatey yfir vetrartímann.
Athugið að bóka verður fyrirfram fyrir bíla. Sæferðir bjóða einnig upp á Ævintýrasiglingu,  veisluferðir fyrir hópa og fjölbreyttar sérferðir.

Hótel Skógar er lítið en rómantískt og notalegt hótel, staðsett á Skógum, rétt við hinn tignarlega og heimsþekkta Skógafoss.
Hótelið er búið 12 herbergjum með baði. Hótelið er í miklu uppáhaldi hjá ferðafólki, sem vill kaupa pínulítinn lúxus og fá frábæra þjónustu í kaupbæti, ásamt góðum aðbúnaði. Á hótelinu liggur rómantíkin í loftinu, þar er dýrindis veitingastaður, heitur pottur er utandyra svo og sauna.

Náttúran umhverfis hótelið er ótrúlega falleg, stórbrotin og magnþrungin. Gestum hótelsins býðst að notfæra sér ýmsa afþreyingu í nágrenninu, að ógleymdu Byggðasafninu á Skógum.