Fara í efni

Söfn

213 niðurstöður
Ferðagjöf

Eiríksstaðir

Haukadalur, 371 Búðardalur

Eirikur rauði og konan hans Þjóðhildur reistu sér bú að Eiríksstöðum í Haukadal eftir því sem segir í Eiríks sögu rauða. Þar er talið að Leifur heppni hafi fæðst.

Eiríkur var gerður útlægur af Íslandi fyrir víga sakir og leitaði þá landa í vestri. Fann hann land er hann nefndi Grænland. Þangað flutti hann með fjölskylduna seint á 10. öld og fjöldi fólks fylgdi honum.

Leifur kannaði Vínland undir lok 10. aldar, fyrstur Evrópubúa, um 500 árum á undan Kólumbusi. Leifur heppni er því meðal merkustu landkönnuða sögunnar.

Rústir Eiríksstaða voru kannaðar fyrir miðja síðustu öld og aftur 1997-1999. Kom þá í ljós skáli frá 10. öld og eru rústir hans sýnilegar. Skammt frá rústunum var reist tilgátuhús sem var vígt árið 2000, á 1000 ára afmæli landafunda Leifs í Ameríku. Við bygginguna var lögð áherslu á að styðjast við rústirnar, rannsóknir og fornt verklag.

Í tilgátuhúsinu er lifandi leiðsögn og fólk klætt að fornum sið fræðir gesti um lífshætti á 10. öld. Þá eru söguskilti á svæðinu og stytta af Leifi eftir Nínu Sæmundsson.

Opið Virkir dagar: Laugardagar: Sunnudagar:
1. maí - 30. september: 10:00-15:00 10:00-15:00 10:00-15:00
Einnig opið eftir samkomulagi fyrir hópa á öðrum tímum.

Listasafnið á Akureyri

Kaupvangsstræti 12, 600 Akureyri

Listasafnið á Akureyri er yngsta listasafnið á landinu. Hugmyndin að stofnun þess kom upphaflega frá Jónasi Jónssyni frá Hriflu í blaðagrein sem hann skrifaði árið 1960. Þrír áratugir liðu uns hugmyndin um Listasafnið á Akureyri komst aftur í umræðuna og varð hún loksins að veruleika á afmælisdegi bæjarins þann 29. ágúst 1993. Listasafnið á Akureyri er til húsa þar sem áður var Mjólkursamlag KEA, en byggingin er undir sterkum áhrifum frá Bauhaus-skólanum og hinni alþjóðlegu funkis-hreyfingu. Listasafnið á Akureyri er miðpunktur og sameiningartákn þessarar Listamiðstöðvar í Grófargili.



Listasafnið á Akureyri leggur áherslu á að virkja sem flesta til þátttöku, að fræða almenning um sjónlistir og efla umræðu um samfélagið, menningu og listir þar sem safnkennsla og fyrirlestrahald skipar stóran sess. Þá er einnig lögð áhersla á samstarf við erlenda aðila, ekki hvað síst á norðurlöndum. Safnið leitast við að setja upp árlega nokkrar metnaðarfullar sýningar til að efla menningarlíf bæjarins, auka við þekkingu, áhuga og efla skilning á sjónlistum.



Landbúnaðarsafn Íslands

Hvanneyri, 311 Borgarnes

Landbúnaðarsafn Íslands sýnir sögu og þróun íslensks landbúnaðar, með áherslu á tímabilið frá 1880 fram undir lok 20. aldar. Á safninu er munum og tækjum þannig fyrir komið að gestir ganga í gegnum söguna og með því móti verða skýrar þær miklu tæknibreytingar sem urðu í íslenskum landbúnaði á 20. öld.

Sýning safnsins er i Halldórsfjósi á Hvanneyri og er daglegur opnunartími frá 11-17 frá 15. maí til 14. september. Á veturna er opið fimmtudaga, föstudaga og laugardaga á sama tíma og Ullarselið, sem er í anddyri safnsins. Afgreiðslutími beggja er kl. 13-17 þessa daga. Á öðrum tímum er safnið opið eftir þörfum. Vinsamlegast hafið samband í síma 844 7740; einnig má hafa samband við skiptiborð Landbúnaðarháskólans, í síma 433 5000.

Hópum er veitt munnleg leiðsögn um safnið, sé þess óskað.

Einnig er boðið upp á stutta kynningu á Hvanneyrarstað og starfinu þar m.a. með heimsókn í Hvanneyrarkirkju, eina fallegustu kirkju landsins og örstuttri gönguferð um Gamla skólastaðinn (þegar veður leyfir). Mögulegt er einnig að kíkja í Hvanneyrarfjósið þar sem tugir afkomenda norrænu víkingakúnna eru að störfum. Reikna má með gjaldi fyrir þá þjónustu.

Nánari upplýsingar um Landbúnaðarsafn eru veittar í síma 844 7740.

Ljósmyndasafn Akraness

Dalbraut 1, 300 Akranes

Á vef Ljósmyndasafns Akraness eru myndir safnsins gerðar almenningi aðgengilegar. Hópur ljósmyndara á myndir í safninu, sem flestar tengjast Akranesi og Akurnesingum. Í húsakynnum safnsins eru oft skemmtilegar sýningar.

Leikfangahúsið á Akureyri

Aðalstræti 46, 600 Akureyri

Í elsta bæjarhluta Akureyrar eru húsin nánast eins og dúkkuhús. Einu þeirra hefur verið breytt í Leikfangahús, fullu af leikföngum frá síðustu 100 árum. Bílar, dúkkur, spil, brúður, ofurhetjur… Hver ímyndaði sér ekki að fá að leika sér í leikfangaverslun. Komdu og upplifðu æskuna og taktu krakkana með þér. VARÚÐ! Það gengur oft hægt að fá krakkana út, þið vitið hver þið eruð!

Húsið heitir Friðbjarnarhús eftir Friðbirni Steinssyni sem það reisti og bjó í ásamt fjölskyldu sinni. Í húsinu var Góðtemplarastúka Íslands stofnuð og á efri hæðinni er fundarherbergi hennar.

Leikfangahúsið er 200 metrum frá Nonnahúsi, Minjasafninu og Minjasafnsgarðinum.

Opnunartími:
1.6.-1.9.: Daglega frá 12-17.

Aðgöngumiðinn Minjasafnið allt árið - gildir í Leikfangahúsið.

Verð:
Stök heimsókn 1800 kr. fyrir 18 ára og eldri - Börn 17 ára og yngri ókeypis, Öryrkjar ókeypis. Eldri borgarar 900 kr.
Minjasafnið allt árið 2200 kr. sem gildir á Minjasafnið á Akureyri, Nonnahús, Leikfangahúsið, Davíðshús og Laufás.

Ljósmyndasafn Reykjavíkur - Borgarsögusafn

Tryggvagata 15, 101 Reykjavík

Ljósmyndasafn Reykjavíkur er eina sjálfstætt starfandi ljósmyndasafnið á landinu. Markmið safnsins að er skapa sér sérstöðu og vera leiðandi á sínu sviði. Safnið varðveitir ýmis myndasöfn frá atvinnu- og áhugaljósmyndurum. Um er að ræða um 5 milljón ljósmynda frá tímabilinu um 1870 til 2002. Myndefni safnanna er fjölbreytt. Þar er að finna fjölskylduljósmyndir, myndir frá ljósmyndastofum, iðnaðar- og auglýsingaljósmyndir, blaðaljósmyndir, landslagsljósmyndir og fleira.

Byggðasafn Skagfirðinga

Glaumbær, 560 Varmahlíð

Sýningar í Glaumbæ eru opnar sem hér segir:

1/4 - 19/5: 10:00-16:00 virka daga

20/5 - 20/9: 09:00-18:00 alla daga

21/9 - 20/10: 10:00-16:00 virka daga

Á öðrum tímum er opið samkvæmt samkomulagi.

Keldur á Rangárvöllum

Rangárvellir, 860 Hvolsvöllur

Á Keldum er torfbær af fornri gerð og er hann jafnframt eini stóri torfbærinn sem varðveist hefur á Suðurlandi.

Timburgrind skálans er með stafverki, prýdd strikum af rómanskri gerð. Úr skálanum liggja jarðgöng, sem talin eru frá 12. eða 13. öld og eru líklega undankomuleið á ófriðartímum. Auk þess hefur fjöldi útihúsa varðveist.

Nánari upplýsingar: www.thjodminjasafn.is, Thjodminjasafn@thjodminjasafn.is

Opnunartími:
1. juní - 31. ágúst : 10:00-18:00 alla daga
Verð: Kr 1200 (1000 á mann í hópum sem telja 10 manns eða fleiri)

Náttúrustofa Suðvesturlands

Garðvegur 1, 245 Suðurnesjabær

Náttúrustofa Suðvesturlands var stofnuð árið 2000 og er ein af átta náttúrustofum landsins. Hún er staðsett að Garðvegi 1 í Sandgerði. Umdæmi stofunnar nær frá Hvalfjarðarbotni, um Þingvallavatn, niður Sogið og til ósa Ölfusár.

Stofnunin stundar náttúrufarsrannsóknir og vöktun af ýmsu tagi og ber þar helst að nefna vistfræði sjávarhryggleysingja, framandi tegundir við Ísland, rannsóknir á vistfræði fugla og vöktun og kortlagning strandsvæða. Náttúrustofan tekur einnig þátt í kennslu á öllum námsstigum.

Náttúrustofa Suðvesturlands er önnur af rannsóknarstoðum Þekkingarseturs Suðurnesja ásamt Rannsóknarsetri Háskóla Íslands á Suðurnesjum. Þessar þrjár stofnanir deila rannsóknar- og tilraunarými að Garðvegi 1 og vinna jafnframt sameiginlega að mörgum rannsóknum.

Kynntu þér opnunartíma Þekkingarseturs Suðurnesja hér.

Listasafn Sigurjóns Ólafssonar

Laugarnestangi 70, 105 Reykjavík

Höggmyndasafn við sjóinn

Safnið er tileinkað myndhöggvaranum Sigurjóni Ólafssyni (1908-1982), stofnað á heimili hans og vinnustofu og opnað almenningi árið 1988.

Auk þess að kynna list Sigurjóns eru haldnar sýningar á verkum annarra listamanna. Í safninu er kaffistofa meðmikilfenglegu útsýni yfir Sundin og verk Sigurjóns prýða umhverfi safnsins.

Opnunartími:
1. maí - 30. september: daglega kl. 13-17
1. október - 30. apríl: lau og sun kl. 13-17

Ferðagjöf

Samgöngusafnið í Stóragerði

Stóragerði, 565 Hofsós

Samgöngusafnið í Stóragerði er bíla og vélasafn með sýningargripi frá aldamótunum 1900 til dagsins í dag. Formleg opnun safnsins er frá 1.júní til 30. september en tekið er á móti hópum allt árið um kring á meðan veður leyfir.


Duus Safnahús - Menningar- og listamiðstöð

Duusgata 2-8, 230 Reykjanesbær

Duus Safnahús eru lista- og menningarmiðstöð Reykjanesbæjar þar sem fjölbreytt sýningarhald og menningarstarfsemi fer fram allan ársins hring.

Þar eru sýningarsalir Listasafns Reyjanesbæjar og Byggðasafns Reykjanesbæjar en söfnin opna reglulega nýjar og spennandi sýningar á hverju ári. Í húsunum má einnig finna Upplýsingamiðstöð ferðamanna, Gestastofu Reykjaness jarðvangs og Bátaflota Gríms Karlssonar þar sem sjá má yfir 100 bátalíkön smíðuð af skipstjóranum Grími Karlssyni.

Húsin eru opin alla daga frá 12-17.

KVIKAN - Auðlinda- og menningarhús

Hafnargata 12a, 240 Grindavík

Í 650 m2 sýninarsal er sýningin "Saltfiskur í sögu þjóðar" þar sem gesturinn fær á tilfinninguna að hann sé að rölta eftir bryggjunum í gegnum sjávarþorp frá fyrri hluta síðustu aldar. Leiðsögn af geislaspilara á íslensku, ensku, þýsku eða frönsku

Þegar leið á 18. öldina, og þilskip tóku að leysa áraskipin af hólmi, varð saltfiskur aðalútflutningsvara Íslendinga. Fram að því höfðu vaðmál og skreið verið undirstaða utanríkisverslunar. Með tilkomu togaranna varð saltfiskverkun í raun að stóriðju og saltfiskur hefur æ síðan skipt verulegu máli fyrir afkomu þjóðarbúsins. Grindvíkingar hafa löngu verið drjúgir við að saltfiskinn og sýningum sögu verkunar og sölu á salfiski og þýðingu hans fyrir þjóðarbúið í gegn um tíðina á því vel heima í þessu ágæta sjávarplássi við suðurströndina.

Sýningin ætti að geta orðið forvitnileg fyrir erlenda ferðamenn, fróðleg fyrir skólafólk, sem getur hér kynnt sér mikilvægasta atvinnuveginn, og ánægjuleg fyrir hinn almenna Íslending sem fer í helgarbíltúr með fjölskylduna. Hún ætti einnig að geta orðið liður í að draga upp og efla sjálfsmynd bæjarins og fólksins sem þar býr.

Opnunartími Virkir dagar: Laugardagar: Sunnudagar:
15. maí - 15. september 10:00-17:00 10:00-17:00 10:00-17:00
16. september - 14. maí 10:00-17:00 11:00-17:00 11:00-17:00
Einnig opið fyrir hópa eftir samkomulagi.

Ferðagjöf

Ferðaþjónustan Mjóeyri

Strandgata 120, 735 Eskifjörður

Gistiheimilið er staðsett í fögru og friðsælu umhverfi á Mjóeyri, rétt utan við þéttbýlið við Eskifjörð. Húsið er nýlega innréttað, var byggt árið 1895 og ber merki gamalla og nýrra tíma. Við leggjum áherslu á hlýlegt og heimilislegt andrúmsloft.

Stórkostlegt útsýni er út Reyðarfjörð, inn Eskifjörð, yfir Hólmanes og Hólmatind. Hægt er að fá morgunmat og kvöldmat ef pantað er með fyrirvara. Boðið er upp á gistingu í fjórum, eins til tveggja manna herbergjum með sameiginlegum eldhúskrók, setustofu með sjónvarpi og góða hreinlætissaðstöðu. Útvarp og sjónvarp er í öllum herbergjum. Reyklaust umhverfi er innandyra. Stór sólpallur er við innganginn á neðri hæð og þaðan er einnig gengið inn í morgunverðarsal.

Ferðaþjónustan á Mjóeyri býður einnig upp á fimm 39m2 smáhýsi. Húsin eru klædd að innan með panil og á gólfi er parket, hvert hús er með verönd og á efri hæð eru svalir með frábæru útsýni. Hvert hús rúmar 4-6 manns. Í setustofu er sjónvarp og útvarp með geislaspilara. Eldhúsið er úbúið með örbylgjuofni, ísskáp, hraðsuðukatli og pressukönnu auk áhalda og borðbúnaðar. Í setustofunni er sófi sem auðvelt er að breyta í þægilegt tvíbreitt rúm. Á efri hæðinn er eitt herbergi með 2 rúmum og svefnloft með pláss fyrir 2-3 persónur. Baðherbergið er á neðri hæðinni. Á Mjóeyri er einnig baðhús með heitum potti og sauna. Þá eru þrjú nýbyggð 24m2 og tvö 29m2 hús. Þau eru með 2x90cm rúm á neðri hæðinni, eldunaraðstöðu, baðherbergi með sturtu og svefnlofti. Fínt fyrir tvo til fjóra gesti.

Öll húsin eru með aðgangi að interneti.

Í næsta nágrenni Mjóeyrar er Randulffssjóhús sem er opið frá kl 12-21 alla daga sumarsins. Þar er matseðil bæði í hádeginu og á kvöldin og kaffimatseðil yfir daginn. Svo er auðvitað hægt að panta fyrir hópa á öðrum tímum. Í Randulffssjóhúsi starfa lærðir kokkar sem leggja mikla áheyrslu á ferskan mat úr nágrenninu.

http://www.mjoeyri.is

Konubókastofa

Túngata 40, 820 Eyrarbakki

Konubókastofa er fræðslu- og varðveislusafn tileinkað íslenskum kvenrithöfundum og verkum þeirra. Formleg stofnun var í apríl 2013. Markmið Konubókastofu er að halda til haga þeim ritverkum sem íslenskar konur hafa skrifað í gegnum tíðina og kynna höfundana og verk þeirra innanlands sem utan. Hægt er að heimsækja safnið og kynna sér þau verk sem íslenskar konur hafa ritað og komið að útgáfu.

Opnunartími: Eftir samkomulagi

Facebook síðan okkar

Dalbær / Snjáfjallasetur

Dalbær, Snæfjallaströnd, 401 Ísafjörður

Sýningar um Drangajökul og horfna byggð í Snæfjalla- og Grunnavíkurhreppum hinum fornu, um tónskáldið Sigvalda Kaldalóns og um Spánverjavígin 1615.

Snjáfjallasetri er ætlað að safna, skrá og varðveita sagnir, kveðskap, myndir, muni og ýmis gögn sem tengjast sögu byggðar í Snæfjalla- og Grunnavíkurhreppum og standa að sýningahaldi, útgáfustarfsemi, vefgagnasafni og ýmsum viðburðum.

Gamla bókabúðin Flateyri

Hafnarstræti 3-5, 425 Flateyri
Gamla Bókabúðin á Flateyri
Opnunartími:
Sumar:
Alla daga: 10:00 - 17:00
Vetur:
Laugardaga: 12:00 - 16:00
Einnig eftir samkomulagi.
Heimsækið okkur á Facebook hér.
Heimsækið okkur á Instagram hér.

Hnjótur - Minjasafn Egils Ólafssonar

Hnjótur, Örlygshöfn, 451 Patreksfjörður

Opið 10:00-18:00 alla daga yfir sumarmánuðina. Eftir samkomulagi á öðrum tímum.

Grasagarður Reykjavíkur

Laugardalur, 104 Reykjavík

Grasagarður Reykjavíkur er lifandi safn undir berum himni. Garðurinn var stofnaður árið 1961 og er rekinn af Reykjavíkurborg.

Hlutverk Grasagarðsins er að varðveita og skrá plöntur til fræðslu, rannsókna og yndisauka. Í garðinum eru varðveittar um 5000 tegundir plantna í átta safndeildum. Plöntusöfnin gefa hugmynd um fjölbreytni gróðurs í tempraða beltinu nyrðra. Sérhver safndeild gegnir ákveðnu hlutverki, til dæmis að sýna og kynna íslenskar plöntur, trjágróður eða mat- og kryddjurtir.

Sumardagskráin er viðburðarík og boðið er upp á móttöku hópa árið um kring.

Hið vinsæla kaffihús Flóran Café/Bístró býður upp á ljúffengar veitingar með áherslu á hráefni úr eigin ræktun. Kaffihúsið er starfrækt í garðskálanum í fallegu og gróðursælu umhverfi frá maí til september.

Facebook: www.facebook.com/grasagardur

Opnunartími

Virkir dagar:

Laugardagar:

Sunnudagar:

1. maí - 30. september:

10:00-22:00

10:00-22:00

10:00-22:00

1. október - 30. apríl:

10:00-15:00

10:00-15:00

10:00-15:00

Garðskálinn er lokaður 24., 25., 26., 31. desember og 1. janúar.

Bæjardyrahúsið á Reynistað

Reynistaður, 560 Varmahlíð

Á Reynistað í Skagafirði er bæjardyrahús sem er það eina sem varðveist hefur af bæ þeim sem Þóra Björnsdóttir lét reisa eftir mikinn bruna sem þar varð árið 1758. Þóra var ekkja Halldórs Brynjólfssonar Hólabiskups og hélt hún Reynistaðarklaustursumboð að manni sínum látnum 1753 og til dauðadags 1767.

Húsið er opið gestum á eigin ábyrgð daglega 8-18. Vinsamlegast gangið vel um.

Bæjardyraportið er með stafverksgrind af þeirri gerð sem víða tíðkaðist hér á landi á 18. öld þegar áhrifa bindingsverks var tekið að gæta. Öll smíði ber þess vitni að vel hafi verið til hússins vandað í sinni tíð og eru margir viðanna prýddir strikum.

Gömlu bæjarhúsin á Reynistað voru tekin niður skömmu eftir 1935 en þessu húsi var leyft að standa áfram. Um 1960 var það flutt til og byggð utan um það steinsteypt skemma. Í henni var portið fram til 1999 en þá voru viðirnir teknir niður og lagfærðir. Bæjardyraportið var síðan reist skammt frá upphaflegum stað og að því hlaðnir torfveggir og torf sett á þakið.

Flugsafn Íslands

Akureyrarflugvöllur, 600 Akureyri

Á Flugsafni Íslands er yfir 100 ára sögu flugs á Íslandi miðlað til gesta á lifandi hátt. Sýningar safnsins leiða gesti í gegnum þróun íslensks flugs og flugfélaga frá árinu 1919 og til dagsins í dag með flugvélum af ýmsum stærðum og gerðum, björgunarþyrlu og flugmódelum auk fjölda annarra áhugaverðra muna og ljósmynda.

Sumar flugvélanna eru enn í flughæfu ástandi og er m.a. flogið á Flugdegi safnsins sem haldinn er árlega í júní, og gestum er velkomið að ganga um vél Landhelgisgæslunnar, TF-SÝN. Verið velkomin á Flugsafn Íslands!

---

Opnunartími:
1. maí - 30. september: Opið alla daga frá kl. 11-17
1. október - 30. apríl: Opið á laugardögum frá kl. 14-17
Einnig er opið eftir samkomulagi.

---

Aðgangseyrir:
Fullorðnir: 1500 kr.
Lífeyrisþegar og námsmenn: 1000 kr.
Aðgangseyrir fyrir hópa (10+): 1000 kr. á mann
Ókeypis aðgangur fyrir börn yngri en 18 ára í fylgd með fullorðnum

Menningarmiðstöð Hornafjarðar

Litlabrú 2, Nýheimar, 780 Höfn í Hornafirði

Menningarmiðstöð Hornafjarðar var stofnuð 1990 með sameiningu nokkurra safna Heiti stofnunarinnar var upphaflega Sýslusafn Austur-Skaftafellssýslu en breyttist árið 2001 í Menningarmiðstöð Hornafjarðar

Innan Menningarmiðstöðvar Hornafjarðar eru sex safnaeiningar ásamt rannsóknarsviði sem starfar þvert á einingarnar. Safneiningarnar eru byggða-, sjóminja og náttúrugripasafn, listasafn-, bókasafn og héraðsskjalasafn.

Sýningar á vegum safnanna eru mikilvægur þáttur í safnastarfinu og lagt er áherslu á sérstöðu Hornafjarðar og því samfélagi sem var og er. Í dag eru opnar sýningar í Verbúð í Miklagarði, Svavarssafni, í Gömlubúð og yfir sumarmánuði á Nýtorgi í Nýheimum.

Menningarmiðstöðin leggur mesta áherslu á miðlun og fræðslu menningararfs Hornafjarðar, skrásetningu hans og varðveislu til framtíðar. Einnig verður æ ríkari áhersla lögð á rannsóknarstarf og ekki síst miðlun þess starfs til almennings sem og þátttöku barna og unglinga á þeim vettvangi. Önnur meginmarkmið Menningarmiðstöðvar Hornafjarðar er að hlúa að því öfluga og fjölbreytta menningarstarfi sem til staðar er í sveitarfélaginu og viðurkenna menningarmál sem eitt af meginverkefnum sveitarfélagsins. Efla vitund fólks um sérkenni og menningararf héraðsins og halda þeim sérkennum við með fræðslu, kynningu og beinum aðgerðum.

Opnunartímar eru:

Vetraropnun: mán - föst: 09:00 -17:00
Laug: 11:00-15:00

Sumaropnun: mán - föst: 10:00-16:00
laug:13:00-17:00

Ferðagjöf

Hið Íslenzka Reðasafn

Kalkofnsvegur 2 , 101 Reykjavík

Hið Íslenzka Reðasafn hóf árið á stórtækum breytingum og opnar nú í nýju húsnæði á besta stað í Reykjavík. Sýningarplássið hefur næstum þrefaldast, sýningargripum hefur fjölgað um marga tugi og í fyrsta skipti er boðið upp á gagnvirka upplýsingamiðlun þar sem gestir fá færi á að hella sér út í reðurfræði fyrir lengra komna.

Öll umgjörð hefurverið færð á hærra plan og jafnframt er nú boðið upp á reðurþemaðar veitingar og drykki. Safnið er einstakt á heimsvísu og gríðarleg vinna
hefur farið í að bæta upplifun allra sem sækja safnið heim.


Opnunartími Virkir dagar: Laugardagar: Sunnudagar:
10:00-18:00 10:00-18:00

10:00-18:00

Melódíur minninganna - Jón Kr. Ólafsson

Reynimelur / Tjarnarbraut 5, 465 Bíldudalur

Tónlistarsafn Jóns Kr. Ólafssonar á heimili hans á Bíldudal er eitthvað sem enginn sem á leið um svæðiðl ætti að láta fram hjá sér fara. Þar kennir svo sannarlega margra grasa og Jón er líka afbragðsfróður og skemmtilegur heim að sækja.
Í safninu Melódíur minninganna - ljósm. Árdís og Harpa
Safnið var opnað þann 17. júní árið 2000 og eru þar margar gersemar íslenskrar tónlistarsögu. Hér má finna skemmtilega muni sem tengjast mörgum af fremstu tónlistarmönnum þjóðarinnar, s.s. Hauki Mortens, Ellý og Vilhjálmi og Ingimar Eydal.

Safnið var opnað þann 17. júní árið 2000 og eru þar margar gersemar íslenskrar tónlistarsögu. Hér má finna skemmtilega muni sem tengjast mörgum af fremstu tónlistarmönnum þjóðarinnar, s.s. Hauki Mortens, Ellý og Vilhjálmi og Ingimar Eydal.

Opið kl. 13-18 og eftir samkomulagi.

Steinasafn Petru

Sunnuhlíð, Fjarðarbraut 21, 755 Stöðvarfjörður

Ljósbjörg Petra María Sveinsdóttir hafði áhuga á fallegum steinum alla ævi, en byrjaði að safna þeim fyrir alvöru 1946.

Steinarnir hennar eru langflestir úr Stöðvarfirði og af Austurlandi því Petra leitaði ekki mikið að steinum í öðrum landsfjórðungum.

Árið 1974 ákvað Petra að opna heimili sitt fyrir öllum þeim sem vildu skoða steinana hennar. Fjölmargir sækja safnið heim á hverju ári og er Steinasafn Petru einn vinsælasti áfangastaður ferðamanna á Austurlandi.

Það fer ekki fram hjá neinum þeim sem sækir safnið heim að Petra var afkastamikill steinasafnari. Færri vita að söfnunaráhugi hennar einskorðaðist ekki bara við steinasöfnun. Petra safnaði merktum pennum, bollum og fleiri smáhlutum auk þess sem hún hefur safnað hverskonar náttúrugripum svo sem eggjum, skeljum og kuðungum í marga áratugi.

Vissulega hefur hús Petru tekið á sig svipmót safns en það er þó fyrst og síðast heimili.

Opið frá 1. maí til 15. október, alla daga vikunnar, 9:00 til 18:00.

Kaffi Sunnó

Árið 2015 varð gamall draumur að veruleika þegar Kaffi Sunnó var opnað. Þar gefst gestum kostur á að kaupa sér matarmiklar súpur og brauð, heita og kalda drykki og gómsætt bakkelsi. Kaffi Sunnó er opið júní - september.

Gamli bærinn Laufási

Laufás, Grýtubakkahreppi, 601 Akureyri

Laufás er sögustaður með mögnuðum menningarminjum og frábæru útsýni. Þar hefur verið búseta frá því að Ísland byggðist og staðið kirkja frá fyrstu kristni.

Þegar þú gengur inn bæjargöngin ferðastu aftur í söguna. Vissir þú að í Laufási var skóli, þar er leyniherbergi og brúðarhús?

Laufás var heimili prestsins, fjölskyldu hans og vinnufólks. Stundum bjuggu þar allt að 40 manns , því margt vinnufólk þurfti til að nytja þessa gróðursælu kostajörð en henni fylgdu mikil hlunnindi.

Búsetu í Laufási má rekja allt aftur til heiðni og hluta gamla bæjarins má finna viði frá 16. og 17. öld. Laufásbærinn var endurbyggður á árunum 1853-1882 í tíð séra Björns Halldórssonar.

Laufásbærinn er stílhreinn burstabær, dæmigerður fyrir íslenska bæjagerð þess tíma, en þó allmiklu stærri. Hann er búinn gripum og húsmunum frá aldamótunum 1900.

Laufáskirkja var byggð 1865 en meðal merkra gripa í henni er fagurlega útskorinn predikunarstóll frá 1698. Við austurgafl kirkjunnar stendur eitt elsta reynitré landsins frá 1855.

Húsin í Laufási eru 13 og mynda mikla rangala. Engin útihús hafa varðveist.

Opnunartími:
1.6.-1.9.: Daglega frá 10-17.

Aðgöngumiðinn Minjasafnið allt árið - gildir í Laufási.

Verð:
Stök heimsókn 1800 kr. fyrir 18 ára og eldri - Börn 17 ára og yngri ókeypis, Öryrkjar ókeypis. Eldri borgarar 900 kr.
Minjasafnið allt árið 2200 kr. sem gildir á Minjasafnið á Akureyri, Nonnahús, Leikfangahúsið, Davíðshús og Laufás.

Myndlistarsafn Tryggva Ólafssonar

Egilsbraut 2, 740 Neskaupstaður

Tryggvi Ólafsson er fæddur árið 1940 á Norðfirði. Hann stundaði nám við Myndlista- og handíðaskóla Íslands 1960-61 og við Konunglegu listaakademíuna í Kaupmannahöfn 1961-66. Tryggvi er meðal þekktustu núlifandi myndlistarmanna Íslendinga. Opið frá 13:00 - 17:00, alla daga, frá 1. júní til 31. ágúst.
Á veturna eftir samkomulagi við forstöðumann

Samkomuhúsið Arnarstapa

Félagsheimilið Snæfell, Arnarstapa, 356 Snæfellsbær

Menningartengdur veitingastaður með áherslu á íslenska matarhefð og hráefni úr héraði. ,,Slow food" og Beint frá býli.

Opið daglega frá 12:00 til 18:00. Lokað á sunnudögum.

Ferðagjöf

The Cave People

Laugarvatnshellar, 840 Laugarvatn

Laugarvatnshellar hafa verið endurgerðir í þeirri mynd sem þeir voru þegar búið var í þeim fyrir um 100 árum síðan.

Þar er nú boðið upp á leiðsagðar ferðir þar sem gestir upplifa hvernig síðustu hellisbúar Íslands bjuggu og heyra sögu þeirra.

Sauðfjársetur á Ströndum

Sævangur við Steingrímsfjörð, by road 68, 510 Hólmavík

Sauðfjársetur á Ströndum hefur verið starfandi frá árinu 2002 í félagsheimilinu Sævangi við Steingrímsfjörð á Ströndum. Sauðfjársetrið er safn sem tekur á móti fjölda ferðamanna á ári hverju, auk þess sem íbúar á Ströndum koma margir margsinnis í heimsókn á hverju ári á viðburði eða í veislur. Sauðfjársetrið vinnur auk þess að margvíslegum menningarverkefnum.

Jafnan eru uppi 4 sögu- eða listsýningar á Sauðfjársetrinu í einu. Fastasýning safnsins heitir Sauðfé og sveitafólk á Ströndum. Síðan eru hverju sinni uppi þrjár tímabundnar sérsýningar sem standa
yfirleitt í 1-2 ár.

Í Sævangi er einnig starfrækt kaffistofan Kaffi Kind þar er í boði heimabakað bakkelsi, súpa, ís frá Erpsstöðum og fleira góðgæti, í Sauðfjársetrinu er einnig lítil handverks- og minjgagripabúð.

Safnið er staðsett 12 km. sunnan Hólmavíkur

Opnunartími 1. júní - 31. ágúst:
Virkir dagar: 10:00-18:00
Laugardagar: 10:00-18:00
Sunnudagar: 10:00-18:00
Opið eftir samkomulagi á veturna.


Samgönguminjasafnið Ystafelli

Ystafell III, Kaldakinn, 641 Húsavík

Helsta hlutverk Samgönguminjasafnsins er að safna samgöngutækjum og varðveita þau svo og upplýsingum og myndefni úr samgöngusögu Íslands.

Opið alla daga frá 10-20

Fræðasetur um forystufé

Svalbarð, 681 Þórshöfn

Fræðasetur um forystufé á Svalbarði í Þistilfirði er einstakt setur á heimsvísu. Hvergi í heiminum er til forystufé annars staðar en á Íslandi. Þarna er safn upplýsinga um forystufé, safn sagna, mynda og annars þess sem gerir forystufé sérstakt en það er viðurkennt sem sérstakur fjárstofn.

Auk upplýsinga er lítil sölubúð á staðnum sem selur vörur unnar úr ull, hornum, beinum og öðrum afurðum forystufjár. Ullin af forystufé er mýkri en ull af öðru íslendku fé. Fræðasetur um forystufé hefur fengið viðurkenningu frá ICELANDIC LAMB fyrir metnaðarfulla og nýstárlega nýtingu ullar af forystufé.

,,Ef þú klæðist fatnaði sem unninn er úr ull af forystufé ratar þú alltaf heim".

Á staðnum er rekið lítið kaffihús þar sem boðið er upp á sérblandaða kaffiblöndu ,,Ærblöndu" auk annars góðgætis.

Ein listsýning er í Fræðasetri um forystufé hvert sumar og er hún uppi allt sumarið. Þegar eru bókaðar sýningar 10 ár fram í tímann.

Einnig er rekið á staðnum lítið gistihús, ÞISTILL GISTIHÚS, þar sem er gisting fyrir 12 í rúmum. Mjög góð aðstaða er þar, vel búið eldhús og setustofa.

Opið frá 11-18, júní-ágúst. Þess utan eftir samkomulagi.

Pakkhúsið

Ólafsbraut 12, 355 Ólafsvík

Pakkhúsið í Ólafsvík er gamalt verslunarhús, byggt árið 1844.Á fyrstu hæð hússins er Útgerðin, hönnunarverslun en þar er líka hægt að setjast niður og njóta kaffiveitinga og kruðerís innan um fallegar listasýningar.

Byggðasafnið er á efri hæðinni, þar geta gestir upplifað íslenskt alþýðuheimili 19. aldar og skyggnst inn í atvinnu- og lifnaðarhætti sjómanna fyrr á öldum. Í risinu er sýningin "Krambúðarloftið" sem ber íslenskri verslunarsögu vitni. Þar má finna ýmsa verslunarvöru, svo sem saltfisk og gúmmískó, sem höndlað var með forðum.

Í upphafi gegndi Pakkhúsið hlutverki birgðageymslu en síðar var m.a. rekin verslun í húsinu. Þar spurði fólk frétta, skiptist á skoðunum og dreypti á kaupmannsbrennivíni sem geymt var undir búðarborðinu.

Þess má geta að Ólafsvík telst elsti verslunarstaður landsins, en árið 1687 gaf konungur út skipun þar sem hann viðurkenndi Ólafsvík sem verslunarstað.

Könnunarsögusafnið

Héðinsbraut 3a, 640 Húsavík

Könnunarsögusafnið (The Exploration Museum) er safn um sögu land og geimkönnunar. Aðal sýningarrými safnsins er helgað geimferðum, æfingum amerískra tunglfara á Íslandi árin 1965 og 1967, sem og tilraunageimskotum frakka sem áttu sér stað hér á landi frá 1964 til 1965. Þá er ýtarlega fjallað um landkönnun víkinga og norrænna manna. Einnig er hægt að kynna sér kapphlaupið á pólana og margt annað sem tengist ferðum manna á ókunnar slóðir.

Minjasafn Austurlands varðveitir minjar um sögu, menningu og samfélag fjórðungsins. Á safninu eru tvær grunnsýningar, annars vegar sýningin Hreindýrin á Austurlandi og hins vegar sýningin Sjálfbær eining. Þar fyrir utan eru settar upp margvíslegar smærri sýningar yfir árið.

Hreindýrin á Austurlandi
Á sýningunni er fjallað um lífshætti og lífsbaráttu hreindýranna, hætturnar sem þau búa við af völdum náttúru og mannsins, um rannsóknir á þeim, sögu hreindýraveiða og hvernig afurðir dýranna hafa verið nýttar til matar og í handverk. Á sýningunni er meðal annars hægt að horfa á kvikmyndina Á hreindýraslóðum eftir Eðvarð Sigurgeirsson frá fimmta áratug 20. aldar, hlusta á frásagnir hreindýraveiðimanna og virða fyrir sér fjölda ljósmynda og muna sem tengjast hreindýrum og hreindýraveiðum.

Sjálfbær eining
Yfirskrift sýningarinnar vísar til þess að áður fyrr þurfti hvert íslenskt sveitaheimili að vera sjálfu sér nægt um brýnustu lífsnauðsynjar, s.s. fæði, klæði, áhöld, verkfæri og húsaskjól. Til sýnis eru ýmsir gripir sem tilheyra sögu gamla sveitasamfélagsins á Austurlandi eins og það var fram undir miðja 20. öld. Með þess sýningargripa er baðstofa frá bænum Brekku í Hróarstungu.

Upplýsingar um yfirstandandi sérsýningar og aðra viðburði má finna á heimasíðu safnsins.

Opunartímar:
Sept.-maí: Þriðjudaga - föstudaga, 11:00-16:00
Júní - ágúst: Opið alla daga frá 10:00-18:00

Upplýsingar um aðgangseyri má finna á heimasíðunni okkar.

Listasafn Íslands

Fríkirkjuvegur 7, 101 Reykjavík

Fjársjóður þjóðar

Bygging Listasafn Íslands við Tjörnina er hluti af einstakri götumynd í hjarta Reykjavíkur. Húsið var íshús byggt snemma á síðustu öld. Þar er listasafn þjóðarinnar í dag. Opnaðar eru nýjar sýningar reglulega á íslenskri og erlendri myndlist og safneignin inniheldur margt af því eftirtektarverðasta í íslenskri samtímalist og listasögu. Í safnbúðinni fást bækur um íslenska myndlist og falleg gjafavara og notaleg kaffistofa tekur á móti gestum á annarri hæð.

Með aðgangseyri er innifalinn aðgangur í Ásgrímssafn, heimili Ásgríms Jónssonar listmálara og í safn myndhöggvarans Sigurjóns Ólafssonar.

Opnunartími:
1. maí - 30. september: daglega kl. 10-17
1. október - 30. apríl: þri - sun, kl. 10-17

Hægt er að panta leiðsögn fyrir hópa í gegnum netfangið mennt@listasafn.is

Ferðagjöf

Sögusafnið

Grandagarður 2, 101 Reykjavík

Í fyrsta sinn gefur að líta á einum stað sögufrægar persónur og stórviðburði Íslandssögunnar, frá landnámi til siðaskipta sem standa ljóslifandi fyrir augum okkar með einstökum hætti.

Sögusafnið er safn sem færir þig nær andartaki sögulegra atburða. Safnið endurspeglar þá atburði sem best lýsa sögu okkar, skópu örlög alþýðunnar og sýna forvitnilegar hliðar á landi og þjóð. Í þessu fjölbreytilega og lifandi safni er jafnt íslenskum sem erlendum gestum veitt tækifæri til að kynnast Íslandsögunni á skemmtilegan og fræðandi hátt.

Heimsækið okkur á Facebook hér.
Heimsækið okkur á Instagram hér.

Norðurljósahús Íslands

Hafnargata 7, 750 Fáskrúðsfjörður

Í smábæ austur á fjörðum er að finna Norðurljósahús Íslands. Þar er boðið upp á norðurljósasýningu í Wathneshúsinu en þar verður sýningin staðsett þangað til Norðurljósahús Íslands opnar í endanlegri mynd í Bryggjuhúsinu árið 2018. Sýningin byggir á mögnuðum myndum þeirra Jónínu og Jóhönnu og ber heitið "Dansað við fjöllin". Myndirnareru teknar í Fáskrúðsfirði þar sem hinn tignarlegi og fagri fjallahringur umlykur fjörðinn og gerir því norðurljósaupplifunina einstaka. Almenn opnun er 15. maí -30. september frá kl: 12.00 til 21.00

Fuglasafn Sigurgeirs

Ytri-Neslönd, 660 Mývatn

Fuglasafn Sigurgeirs var opnað 17. ágúst 2008. Markmið safnsins er að veita fræðslu um fugla, lífríki Mývatns og hvernig Mývetningar nýttu vatnið sér til samgangna og framfærslu. Í safninu eru nánast allir íslenskir varpfuglar ásamt um 100 tegundum af eggjum.
Auk þessa er á sér-sýningu ýmiss búnaður sem heimamenn notuðu við veiðar á Mývatni í gegnum tíðina.

Opnunartími:

15.maí-31. október frá kl. 12:00 til 17:00 alla daga
1. nóvember til 14. maí frá kl. 14:00 til 16:00

Ef hópar eru á ferðinni á öðrum tíma er alltaf hægt að hringja og ath hvort við getum ekki opnað.

Tónlistarsafn Íslands

Hábraut 2, 200 Kópavogur

Tónlistarsafn Íslands opnaði 9. maí 2009 með sýningunni Dropar úr íslensku tónlistarlífi þar sem varpaði var ljósi á nokkra frumkvöðla tónlistarlífsins á 20. öld. Safnið er rekið af Kópavogsbæ með stuðningi frá Menntamálaráðuneytinu samkvæmt sérstökum samningi þar um.

Nú er að ljúka fimmtu sýningu safnis: Sveinbjörn Sveinbjörnsson (1847-1927) - fyrsta tónskáld Íslendinga. Að sýningum frátöldum er uppbygging gagngrunna og miðlun á Netinu (tonlistarsafn.is, ismus.is, musik.is) veigamiklir þættir í starfseminni Tónlistarsafns. Þjónusta við tónlistarlífið og almenning er líka mikil, til að mynda í formi upplýsingagjafar um hvaðeina er varðar íslenska tónlistarsögu og móttöku gagna sem talsvert er um að almenningur færi safninu.

Sauðaneshús á Langanesi

Sauðanes, 681 Þórshöfn

Kirkjustaðurinn Sauðanes er á Langanesi 7 km norðan við Þórshöfn. Sauðanes er fornfrægur kirkjustaður, höfuðból og menningarsetur.
Prestsbústaðurinn að Sauðanesi (Sauðaneshús) var byggður 1879 úr höggnum grásteini en endurbygging þess stóð frá 1991 - 2003. Gamla prestshúsið er elsta steinhús í Þingeyjarsýslum og er gert úr steini er fluttur var langt að og tilhöggvinn á staðum. Gamla húsinu hefur verið komið í upprunalegt horf og er þar til húsa minjasýning, upplýsingaþjónusta fyrir ferðamenn auk veitingasölu. Til sýnis eru munir frá Langanesi og nágrenni. Sauðaneshús er hluti af húsasafni Þjóðminjasafns Íslands.
Talið er að kirkja hafi staðið á Sauðanesi allt frá 12. öld , en núverandi kirkja var byggð árið 1889 og er í endurbyggingu.

Hafnarborg – menningar- og listamiðstöð Hafnarfjarðar

Strandgata 34, 220 Hafnarfjörður

Í hjarta Hafnarfjarðar stendur Hafnarborg - menningar og listamiðstöð Hafnarfjarðar, þar sem fram fer menningarstarfsemi af ýmsu tagi, myndlistarsýningar, tónleikar, námskeið og fundir.

Í safninu eru tveir sýningarsalir en að jafnaði eru þar settar upp um tólf myndlistarsýningar á ári. Þar getur að líta verk eftir íslenska og erlenda listamenn í fremstu röð, samtímalistamenn jafnt sem frumkvöðla íslenskrar listasögu.

Safneign Hafnarborgar telur nú um 1.500 verk, meðal annars rausnarlega listaverkagjöf Eiríks Smith (1925-2016), sem var leiðandi í íslensku listalífi á 20. öldinni. Sýningar úr safneign eru fastur liður í dagskrá Hafnarborgar.

Hægt er að fá leiðsögn um sýningarnar á íslensku og ensku, eftir samkomulagi.

Opnunartími:
Opið 12:00-17:00 alla daga nema þriðjudaga.

Þórbergssetur

Hali, Suðursveit, 781 Höfn í Hornafirði

Í Þórbergssetri er veitingasala,gestamóttaka, salerni og sýningarsalir. Sýning Þórbergsseturs er fjölbreytt upplifunarsýning er tengist ævi og verkum skáldsins, en einnig sögu íslensku þjóðarinnar. Sjá má breytingar og þjóðlifsmyndir frá frumstæðu bændaþjóðfélagi yfir í bæjarlíf og búsetu í ört vaxandi höfuðborg. Textar úr verkum Þórbergs varða leiðina á fallega hönnuðum ljósaskiltum, en einnig er hægt að fá hljóðleiðsögn með viðbótarefni. Þannig er sýningin sambland af fræðsluefni, safni og sagnaskemmtan og gengið er inn í leikmyndir þar sem reynt er að ná andblæ liðinna ára og njóta um leið stórbrotinna lýsinga meistarans sem leiðsögn um staðinn. Vakin er athygli á að sýningin höfðar einnig mjög vel til barna og unglinga.

Hópar eða fjölskyldur geta bókað leiðsögn um Þórbergssetur þar sem heimamenn fræða gesti um lífið í Suðursveit og hverning sögusvið bóka Þórbergs opnar sýn inn í horfna veröld liðins tíma.

Arkitekt að húsinu er Sveinn Ívarsson og hönnuður sýningar Jón Þórisson.

Opið er allt árið, en í sumar verður opnunartími á sýninguna frá klukkan 10 á morgnana til klukkan 6 á kvöldin.

Veitingahús Þórbergsseturs er opið fyrir almenning frá klukkan 10 - 8 í sumar.

Í boði eru ýmsir þjóðlegir réttir úr heimabyggð, kjötsúpa, heimabakað brauð, samlokur, bleikjuréttir og Halalamb.

Kvöldmatur er framreiddur frá klukkan 6 til 8 á kvöldin

Árbæjarsafn

Kistuhylur 4, 110 Reykjavík

Árbær var rótgróin bújörð allt fram á 20. öld, en safnið var opnað þar árið 1957. Árbæjarsafn er útisafn og auk Árbæjar eru þar yfir 20 hús, sem mynda torg, þorp og sveit. Flest húsin hafa verið flutt úr miðbæ Reykjavíkur.

Í Árbæjarsafni er leitast við að gefa hugmynd um byggingalist og lifnaðarhætti í Reykjavík og á sumrin má þar sjá húsdýr og mannlíf fyrri tíma.Í safninu er boðið upp á fjölda sýninga og viðburða, þar sem einstökum þáttum í sögu Reykjavíkur eru gerð skil. Þar má nefna handverksdaga, fornbílasýningu, jólasýningu og margt fleira. Allir eiga að finna eitthvað við sitt hæfi í Árbæjarsafni.

Opnunartími Virkir dagar: Laugardagar: Sunnudagar:
1. júní - 31. ágúst:
10:00-17:00 10:00-17:00 10:00-17:00
1. september - 31. maí: Opið eftir samkomulagi. Boðið upp á leiðsögn alla daga kl. 13:00

Ferðagjöf

LAVA centre

Austurvegur 14, 860 Hvolsvöllur

LAVA - Eldfjalla og jarðskjálftamiðstöð Íslands er allsherjar afþreyingar- og upplifunarmiðstöð sem helguð er þeim gríðarlegu náttúruöflum sem hófu að skapa Ísland fyrir nærri 20 milljón árum síðan og eru enn að. LAVA centre gefur þér ekki aðeins kost á að upplifa þessi náttúruöfl með gagnvirkum og lifandi hætti heldur tengir þig einnig við náttúruna sem við þér blasir; Heklu, Tindfjöll, Kötlu, Eyjafjallajökul og Vestmannaeyjar.

LAVA er "glugginn" inn í jarðvanginn, Katla Geopark, ásamt því að vera alhliða upplýsinga, sölu- og þjónustumiðstöð fyrir ferðamenn. LAVA kemur einnig á framfæri, með beinum hætti, upplýsingum um jarðhræringar, eldgos og aðrar náttúruhamfarir í samvinnu við Almannavarnir, Veðurstofu Íslands og lögreglu.

LAVA er kjörinn viðkomustaður fyrir alla sem hafa áhuga á að læra meira um jarðfræði Íslands, sjá og finna fyrir kraftinum sem liggur undir landinu. Lifandi og skemmtileg upplifun fyrir alla fjölskylduna!

Aðgangsverð fyrir sýningu, 12 mínútna kvikmynd og útsýnispall er 3590 kr og fjölskyldu pakki er á 8975 kr (fullorðnir + 1 barn 6-15 ára greiða, aðrir 15 ára og yngri fá frítt).

Allar upplýsingar um verð má finna á heimasíðunni www.lavacentre.is og þar er einnig hægt að kaupa miða fyrirfram. Einnig er auðvelt og fljótlegt að kaupa miða við innganginn.

Samgöngusafnið og Latabæjarsafnið

Brákarey, Brákarbraut 20, 310 Borgarnes

Samgöngusafnið: fornbílar frá síðustu öld, ljósmyndir og sögur.

Í Latabæjarsafni er safn muna sem notað eru við töku sjónvarsþátta um íþróttaálfinn og félaga hans.

Opnunartímar:
1. júní-31. ágúst: daglega frá 13:00-17:00
1. september-31. maí: laugardaga frá 13:00-17:00 og eftir samkomulagi

Þuríðarbúð

Strandgata 13, 825 Stokkseyri

Þuríðarbúð var reist af Stokkseyringafélaginu í Reykjavík árið 1949 til minningar um Þuríði Einarsdóttur formann og horfna starfshætti. Þuríður var fædd árið 1777, dáin 1863. Hún fór í sinn fyrsta róður ellefu ára gömul á bát föður síns en 17 ára varð hún háseti upp á fullan hlut hjá bróður sínum. Þuríðarbúð var endurhlaðin árið 2001.

Frá 1. maí til 30. sept. er opið alla daga 11.00 - 18.00. Eftir samkomulagi á öðrum tímum

Listasalur Mosfellsbæjar

Kjarni, Þverholt 2, 270 Mosfellsbær

Listasalur Mosfellsbæjar er í hjarta bæjarins, staðsettur inn af Bókasafni Mosfellsbæjar í Kjarna, Þverholti 2.

Á hverju ári eru settar upp um tíu sýningar, jafnt reyndra listamanna og nýgræðinga á sviðinu. Einnig er salurinn nýttur fyrir ýmsa viðburði eins og tónleika, fyrirlestra og fundi. Listasalur Mosfellsbæjar hefur það að leiðarljósi að vera virkur samkomustaður fyrir Mosfellinga og aðra gesti, bjóða upp á fjölbreyttar sýningar listamanna og vinna þannig að framþróun myndlistar á Íslandi.

Opið:
Mán-þri: 12-18
Mið: 10-18
Fim-fös: 12-18
Lau: 12-16

Við erum einnig á facebook

Minjastofa Kvennaskólans

Árbraut 31, 540 Blönduós

Minjastofa Kvennaskólans sýnir muni Kvennaskólans á Blönduósi, sem starfaði frá 1879-1978. Margir munanna eru gjafir frá námsmeyjum og velunnurum skólans. Sýningin er verkefni Vina Kvennaskólans. Ennfremur má sjá Elínarstofu með munum Elínar Briem forstöðukonu á tímabilinu 1880-1915 sem erfingjar gáfu.

Verksmiðjan á Hjalteyri

Hjalteyri, 601 Akureyri

Verksmiðjan á Hjalteyri er gömul síldarverksmiðja sem öðlast hefur nýtt líf sem staður fyrir myndlistar-sýningar, tónleika, leikhús, bókmenntir, dans, sirkus...

Gerðarsafn – Listasafn Kópavogs

Hamraborg 4, 200 Kópavogur

Gerðarsafn er framsækið nútíma- og samtímalistasafn í miðbæ Kópavogs. Gerðarsafn býður upp á fjölbreytt sýningarhald á verkum íslenskra og erlendra samtímalistamanna samhliða sýningum úr safneign.

Starfsemi safnsins endurspeglar stöðu þess sem eina listasafn landsins stofnað til heiðurs listakonu, myndhöggvaranum Gerðar Helgadóttur (1928-1975).

Á neðri hæð safnsins er grunnsýning á verkum Gerðar Helgadóttur auk fræðslurýmisins Stúdíó Gerðar. Í Gerðarsafni er einnig kaffihús og safnverslun.

Safnið er opið alla daga kl. 10-17

Skógasafn er eitt elsta byggðasafn landsins en safnið var fyrst opnað almenningi árið 1949. Safnkosturinn samanstendur núna af meira en 18 þúsund munum að mestu frá Rangárvalla- og Vestur-Skaftafellssýslu. Safnið er sérstaklega þekkt fyrir Þórð Tómasson, sem var safnvörður til fjölda ára og ber ábyrgð á mestri söfnuninni. Skógasafn fagnaði 70 ára afmæli árið 2019 og í tilefni þess var sett upp ný sýning um sögu safnsins.

Skógasafn skiptist í raun í þrjú söfn: byggðasafn, húsasafn og samgöngusafn. Byggðasafnið er elsti hlutinn og sýningarhúsnæðið er á þremur hæðum. Þar má finna sjósóknardeild, landbúnaðardeild, náttúrugripadeild, vefnað, forn handrit og bækur, þar á meðal eintak af Guðbrandsbiblíu frá 1584, ásamt munum frá Víkingaöld.

Í húsasafninu má þar finna góða fulltrúa fyrir húsagerð fyrr á öldum. Á neðri hluta sýningarsvæðisins setur torfbærinn mikinn svip á sýningarsvæðið. Þar eru saman komin fjós, skemma, baðstofa, hlóðaeldhús, búr og stofa.
Á efri hluta sýningarsvæðisins er að finna skólabyggingu sem er dæmigerð fyrir sveitaskóla í upphafi 20. aldar. Einnig er þar kirkja og fjósbaðstofa ásamt skemmu. Efst er elsta íbúðarhús úr timbri á safnsvæðinu, byggt í Holti á Síðu 1878.

Í Samgöngusafninu er rakin saga samgangna og tækniþróunar á Íslandi á 19. og 20. öld. Þar má meðal annars kynnast þróun samgangna frá hestum til bíla, sögu símans á Íslandi, upphaf rafmagnsnotkunar ásamt póstsamgöngum fyrr á tímum. Þar er einnig til sýnis bílar frá upphafi bílaaldar, vegminjar frá Vegagerðinni, fjarskiptasafn Sigurðar Harðarsonar og sýning Landsbjargar um björgunarsveitirnar í landinu ásamt mörgu öðru.
Samstarfsaðilar eru: Vegagerð ríkisins, Íslandspóstur, Síminn, Míla, Rarik, Landsbjörg og Þjóðminjasafnið. Í Samgöngusafninu er einnig að finna minjagripaverslun og kaffiteríu.

Þið finnið okkur á Facebook hér.
Þið finnið okkur á Instagram hér

Byggðasafn Snæfellinga og Hnappdæla, Norska húsið

Hafnargata 5, 340 Stykkishólmur

Norska húsið er Byggðasafn Snæfellinga og Hnappdæla og er fyrsta tvílyfta íbúðarhús á Íslandi. Það var byggt úr tilsniðnum viði frá Noregi árið 1832 og er því rúmlega 180 ára gamalt. Í safninu er fastasýning á heimili Árna Ó. Thorlacius (1802-1891) og Önnu Magdalenu Steenback (1807-1894) eins og talið er að það hafi verið á seinni hluta 19. aldar. Í risi er opin safngeymsla með munum frá öllu Snæfellsnesi. Á fyrstu hæð eru breytilegar sýningar í Mjólkurstofu og Eldhúsi sem tengjast listum, menningu og/eða sögu svæðisins og safnbúð í krambúðarstíl.


Opnunartími: Mán.: Þri.: Mið.: Fim.: Fös.: Lau.: Sun.:
Sumar (17/5-31/8) 10-17 10-17 10-17 10-17 10-17 10-17 10-17
Haust 11-16 11-16 11-16 11-16 11-16 10-13

Aðgangseyrir 2019:

Fullorðnir kr. 1.300,-

Nemar, eldriborgarar og hópar kr. 850,-

Frítt fyrir yngri en 18 ára


Safnapassi stykkishólmsbæjar - öll söfnin (Norska húsið, Vatnasafn og Eldfjallasafn):

Fullorðnir kr. 2.650,-

Nemendur, eldriborgarar og hópar kr. 2.000,-

Ferðagjöf

Hælið - Setur um sögu berklanna

Kristnes, 601 Akureyri

HÆLIÐ setur um sögu berklanna

Andi liðins tíma svífur yfir vötnunum og sagan er allt í kring. Áhrifarík og sjónræn sýning um sorg, missi og örvæntingu en ekki síður von, æðruleysi og lífsþorsta.

Röstin - veitingastaður

Skagabraut 100, 250 Suðurnesjabær

Röstin er staðsett á efri hæð byggðasafnsins á Garðskaga. Þar er hægt að fá góðan mat á sanngjörnu verði allt árið um kring. Útsýnið frá Röstinni er frábært og hægt að njóta sólarlagsins yfir Snæfellsjökil, fjölbreytts fuglalífs og stundum má sjá hvali rétt undan ströndinni.

Heimsókn á Byggðasafnið á neðri hæðinni og í stóra vitann er er frábær viðbót við góðan málsverð á Röstinni.

Vitarnir á Garðskaga voru byggðir 1897 og 1944. Röstin stendur un 20 metra frá ströndinni og útsýni yfir Faxaflóann og mikið fuglalíf gera heimsókn á Röstina að sérstakri upplifun.

Stóri vitinn er sá hæsti á Íslandi og geymir hann tvær áhugaverðar sýningar, norðurljósasýningu og hvalasýningu. Frá toppi vitans er stórkostlegt útsýni.

Það er líka tjaldsvæði á Garðskaga.

Opnunartími: alla daga kl. 12-20.

Fyrir hópa hafið samband við safnstjóra í síma 893-8909 eða með tölvupósti: johann@gardskagi.com.

Tækniminjasafn Austurlands

Hafnargata 44, 710 Seyðisfjörður

Tækniminjasafn Austurlands fjallar um sögu Íslands með áherslu á tæknivæðingu landsins frá um 1880 til dagsins í dag. Sýndir eru m.a. munir, minjar, hús, myndir og verkferlar. Vegna sérhæfingar okkar sem minjasafns er fjallar um nútímavæðingu þjóðarinnar er mikið um óvenjulegar vélar og búnað og aðrar menningarminjar sem ekki eru til sýnis í mörgum öðrum söfnum landsins. Tækniminjasafnið sýnir hvernig tæknibreytingar á fjölmörgum sviðum, t.d. véltækni, rafmagn, fjarskipti, samgöngur og byggingalist eru samofnar breytingum á lifnaðarháttum og umhverfi. Safnið er einnig byggðasafn Seyðfirðinga. Haldin eru námskeið og sýningar auk þess sem við stundum rannsóknir og kennslu og tökum þátt í margvíslegu menningarstarfi og samstafsverkefnum. Sýningar eru lifandi og leitast við að endurvekja andrúm tímans sem fjallað er um. Safnasvæðið er jafnframt tilvalið útisvistarsvæði fyrir gönguferðir og samveru. Lítil verslun er á safninu þar sem hægt er að fá bækur, sælgæti og minjagripi.

Opnunartími Virkir dagar: Laugardagar: Sunnudagar:
1. júní - 15. september: 11:00-17:00 Lokað Lokað
16. september - 31. maí: 13:00-16:00 Lokað

Lokað

Hóladómkirkja

Hólar í Hjaltadal, 551 Sauðárkrókur

Hóla­dóm­kirkja er elsta stein­kirkja landsins vígð árið 1763. Hún er fimmta dóm­kirkjan sem stendur á Hóla­stað, síðan biskups­stóll var settur hér heima á Hólum árið 1106. Í kirkj­unni eru einir dýr­mætustu kirkju­gripir landsins, sem eru á sínum upp­runa­lega stað m.a. hin fræga Hólabrík.

Opið 10-18, alla daga vikunnar

Frá 1. setptember til 15. mái er einungis opið eftir samkomulagi.

Safnahúsið Norðfirði

Egilsbraut 2, 740 Neskaupstaður

Húsið sem á sér merka sögu hefur að geyma þrjú glæsileg söfn undir sama þaki.

Myndlistarsafn Tryggva Ólafssonar
Tryggvi Ólafsson er fæddur árið 1940 á Norðfirði. Hann stundaði nám við Myndlista- og handíðaskóla Íslands 1960-61 og við Konunglegu listaakademíuna í Kaupmannahöfn 1961-66. Tryggvi er meðal þekktustu núlifandi myndlistarmanna Íslendinga.

Sjóminja- og smiðjumunasafn Jósafats Hinrikssonar
Á safninu eru áhugaverðir hlutir sem tengjast sjávarútvegi, bátasmíði, járn- og eldsmíði og einnig gömlum atvinnuháttum á Íslandi. Þarna er að finna eftirlíkingu af eldsmiðju föður Jósafats þar sem Jósafat lærði og byrjaði starfsferil sinn.

Náttúrugripasafnið í Neskaupstað
Safnið var stofnað 1965. Fyrsta sýning þess var opnuð sumarið 1970 í Gagnfræðaskólanum í Neskaupstað, en árið 1971 var sýningarsalur safnsins opnaður að Mýrargötu 37. Var Hjörleifur Guttormsson fyrsti forstöðumaður safnsins og aðalhvatamaður þess. Árið 1989 flutti safnið að Miðstræti 1, þar sem það var til húsa til ársins 2006, en þá var það flutt í Safnahúsið í Neskaupstað, Egilsbraut 2, Neskaupstað.
Safnið hefur að geyma flesta íslenska fugla auk fjölda flækinga ásamt ágætu fiskasafni með ýmsum sjaldséðum fiskum. Einnig eru í safninu ýmsir gripir af sjávarbotni, þar á meðal mjög gott safn skeldýra. Villtu íslensku spendýrin eiga sína fulltrúa á safninu og þar er einnig mjög gott steinasafn. Þá varðveitir safnið austfirskar plöntuvísindasafn og skordýrasafn.

Safnið hefur að geyma flesta íslenska fugla auk fjölda flækinga ásamt ágætu fiskasafni með ýmsum sjaldséðum fiskum. Einnig eru í safninu ýmsir gripir af sjávarbotni, þar á meðal mjög gott safn skeldýra. Villtu íslensku spendýrin eiga sína fulltrúa á safninu og þar er einnig mjög gott steinasafn. Þá varðveitir safnið austfirskar plöntuvísindasafn og skordýrasafn.

Víðimýrarkirkja í Skagafirði

Víðimýri, 560 Varmahlíð

Víðimýrarkirkja er ein af örfáum varðveittum torfkirkjum landsins. Í upphafi 20. aldar var tvísýnt um afdrif hennar, en síðar áttuðu menn sig á því að hér var um ómetanleg menningarverðmæti að ræða. Þjóðminjasafn Íslands hefur staðið fyrir viðgerðum á kirkjunni. Kirkjan var reist árið 1834, hún er með torfveggjum til hliðanna og torfþekju en timburstöfnum í bak og fyrir.

Opnunartími

1. júní - 31. ágúst 9:00-18:00 alla daga

Utan auglýsts opnunartíma er opið eftir samkomulagi við staðarvörð.

Aðgangseyrir 2020

Fullorðnir (18 ára og eldri) 1000 kr.
Hópar (6+), námsmenn, eldri borgarar og öryrkjar 700 kr.
Börn (17 ára og yngri) frítt

Upplýsingamiðstöð Grundarfjarðar

Grundargata 35, 350 Grundarfjörður

Í Sögumiðstöðinni í Grundarfirði er að finna fjölbreytta starfsemi. Þar er bókasafn til staðar og Upplýsingamiðstöðin í Grundarfirði. Gestir geta tyllt sér inn í Bæringsstofu og notið myndasýningar frá seinni hluta síðustu aldar. Saga þéttbýlisins er sögð með ljósmyndum Bærings Cecilssonar (1923 - 2002) heiðursborgara Grundarfjarðarbæjar sem ljósmyndaði uppbyggingu og mannlíf í Grundarfirði. Góð fundaraðstaða er í Bæringsstofu og er hún í boði allt árið samkvæmt samkomulagi.

Þórðarbúð er eftirlíking af nýlenduvöruverslun Þórðar Pálssonar sem breytti búðinni sinni í jólabúð á jólaföstunni. Leikföng og bækur eru kunnugleg fólki sem var á barnsaldri á sjötta og sjöunda áratugnum.

Báturinn Brana frá Vatnabúðum er sexæringur frá 1913, út eik með dæmigerðu breiðfirslu lagi. Kringum hann er hjallur og verkstæði fiskimanns og snikkara.

Gömul fallbyssa úr frönskum hvalfangara frá 1720 fannst við sandtöku í Kirkjufellssandi 1995 og stendur hún á nýjum vagni í Sögumiðstöðinni.

Leiksvæði barna er búið nútíma kubbasafni og gömlum leikföngum sem börn á fyrri tíð léku sér með, skeljum, hornum og beinum.

Starfsfólk á Upplýsingamiðstöðinni leitast við að veita ferðafólki leiðsögn innan og utan bæjarins og um Snæfellsnesið allt. þjónusta og afþreying er fjölbreytt á svæðinu, s.s. verslun, kaffihús og veitingastaðir, hestaferðir, kajakferðir, bátsferðir, hvalaskoðun, sjóstöng og fuglaskoðun. Golfvöllur er í nágrenninu og gönguleiðir frá fyrri tíð liggja upp í fjallgarðinn og útsýni þaðan yfir Kirkjufellið er stórkostlegt.

Sumaropnun: 1. júní - 31. ágúst, alla virka daga frá 13:00 til 17:00.
Vetraropnun: 1. september - 31. maí.
Uppfærðir tímar: https://www.facebook.com/UpplysingamidstodGrundarfjardar/

Yfir vetrartímann er hægt að ná símasambandi við Upplýsingamiðstöðina mánudegi til fimmtudags klukkan 13:00 - 17:00. Á sama tíma er bókasafnið opið. Tölvupóstur: touristinfo@grundarfjordur.is

Byggðasafn Hafnarfjarðar - Sívertsens hús

Vesturgata 8, 220 Hafnarfjörður

Byggðasafn Hafnarfjarðar er minja- og ljósmyndasafn Hafnarfjarðarbæjar. Hlutverk þess er að safna, skrásetja, varðveita, forverja og rannsaka muni og minjar um menningarsögu svæðisins og kynna þær almenningi. Minjasvæði Byggðasafns Hafnarfjarðar er Hafnarfjörður og nágrenni hans.

Opnunartími Virkir dagar: Laugardagar: Sunnudagar:
1. júní - 31. ágúst: 11:00-17:00 11:00-17:00 11:00-17:00
Opið á öðrum tímum eftir samkomulagi fyrir hópa. Aðgangur er ókeypis.

INTO THE ARCTIC - NORÐURSLÓÐ

Strandgata 53, 600 Akureyri

Norðurslóð var Norðurslóð var opnað 28. Janúar 2017. Upphaf og hugmynd Norðurslóðasetursins er safn stofnanda þess, Arngríms B. Jóhannssonar af aldagömlum Íslandskortum eftir þekkta kortagerðarmenn, þar sem elsta kortið er líklega um 300 - 400 ára. Safninu var fært að gjöf hluti af lífsstarfi Hafsteins Hólm Þorsteinssonar sem samanstendur af uppstoppuðum dýrum. Sögur, myndir og munir eru frá Stofnun Vil­hjálms Stef­áns­sonar heim­skautafara og fræðast má um ferðir hans um norðurslóðir, einnig eru frásagnir af ferðum Vigfúsar Sigurðssonar með Wegener og Kock yfir Grænlandsjökul. Norðurslóðasetrið gefur okkur góða innsýn í lífið á norðurslóðum, þar á meðal hluta af strandmenningu Eyjafjarðar. Fræðast má um líf inúíta, um báta/skip og flug­vél­ar, auk gam­alla sigl­inga­tækja, einnig eru sýnishorn af fatagerð frá fyrri tíð. Seldir fallegir íslenskir minjagripir í verslunni.

Aðgangseyrir: 1500 ísk. kr.

Frítt yngri en 12 ára.

Ferðagjöf

Álfa-, trölla- og norðurljósasafnið

Hafnargata 9, 825 Stokkseyri

Álfa- trölla- og norðurljósasafnið er staðsett á fyrstu hæð Menningarverstöðvarinnar á Stokkseyri. Gestir safnsins fá að skyggnast inní heim álfa ásamt því að sjá norðurljósin í allri sinni dýrð í 200fm vetrarríki.

Á þriðju hæð hússins er að finna Draugasetrið en þar fá gestir að kynnast nokkrum af frægustu draugum íslandssögunnar og upplifa sögurnar um þá í 1000fm völundarhúsi, þorir þú?

Sagnheimar - byggðasafn

Safnahúsið við Ráðhúströð, 900 Vestmannaeyjar

Sagnheimar - byggðasafn
Sagnheimar eru nýtt safn sem byggir á gömlum merg byggðasafnsins. Margmiðlun er nýtt í viðbót við safnmuni til að segja einstaka sögu Vestmannaeyja, má þar nefna:

Heimaeyjargosið 1973
Aðfararnótt 23. janúar hófst eldgos í Heimaey. Þá um nóttina voru nær allir íbúarnir, um 5.300 manns, fluttir til lands. Af um 1345 húsum fór um þriðjungur undir ösku og annar þriðjungur skemmdist. Á sýningunni getur að líta fjölda ljósmynda auk þess sem unnt er að hlusta á viðtöl.

Tyrkjaránið 1627
16. júlí 1627 læddust þrjú skip upp að austurströnd Heimaeyjar og á land stigu 300 sjóræningjar. Í þrjá daga æddu þeir um eyjuna með hrópum og köllum, hertóku fólk og drápu miskunnarlaust. Af um 500 íbúum höfðu sjóræningjarnir með sér 242 fanga til skips og seldu á þrælamarkaði í Alsír. Saga Tyrkjaránsins er sögð í formi teiknimynda.

Hættulegasta starf í heimi?
Sjómennskan og fiskvinnsla skipa mikilvægasta sessinn í lífi Eyjamanna. Fjallað er um þróun fiskveiða, sjómannslífið, hættur og hetjudáðir, björgunarstörf, vinnslu í landi og verbúðarlíf í máli og myndum í viðbót við gamla muni. Í gamalli talstöð má heyra bæjarbúa segja sögu sjóslysa.

Opnunartími

1. maí - 30. september: alla daga frá 10:00-17:00

1. október - 30. apríl: Laugardaga 13:00-16:00, aðra daga lokað (opið eftir samkomulagi)


Garðskagi - tjaldsvæði

Skagabraut 100, 250 Suðurnesjabær

Tjaldsvæðið á Garðskaga er hentugt fyrir ferðalanga á húsbílum og aðra sem vilja njóta opinnar náttúru við sjóinn. Það er opið allt árið.

Garðskagatá, nyrsti hluti Reykjanesskaga, býður upp á frábæra upplifun fyrir gesti með tveimur vitum, fallegri sandströnd og rómuðum sólsetrum. Vitarnir skapa sérstakt andrúmsloft og veðrið og sjórinn geta verið eftirminnileg, hvort sem það eru morgunstillur eða byljandi stormur með tilheyrandi brimi. Vitarnir á Garðskaga voru byggðir 1897 og 1944. Annar er sá næstelsti á landinu og hinn sá stærsti. Garðskagi is a premium site for bird-watching where whales can also often be observed from the coast. Garðskagi er einstakur áfangastaður í nýjum jarðvangi á Reykjanesskaga, sannkölluð náttúruperla.

Stóri vitinn hýsir tvær áhugaverðar sýningar, norðurljósasýningu og hvalasýningu. Frá toppi vitans er stórkostlegt útsýni.

Veitingastaðurinn Röstin er staðsett á efri hæð byggðasafnsins á Garðskaga. Þar er hægt að fá góðan mat á sanngjörnu verði allt árið um kring. Útsýnið frá Röstinni er frábært og hægt að njóta sólarlagsins yfir Snæfellsjökil, fjölbreytts fuglalífs og stundum má sjá hvali rétt undan ströndinni.

Opnunartími: allt árið

Fyrir hópa hafið samband í síma 893-8909 eða með tölvupósti: johann@gardskagi.com.

Hús Hákarla-Jörundar

Norðurvegur 3, 630 Hrísey

Hús Hákarla Jörundar
Í þessu elsta húsi Hríseyjar er nú búið að koma upp vísi að sýningu sem tengist hákarlaveiðum við strendur Íslands fyrr á öldum. Húsið var byggt á árunum 1885-86 af Jörundi Jónssyni, eða Hákarla-Jörundi úr timbri norskra skipa er fórust við Hrísey, þann 11. september 1884. Húsið hefur verið gert upp og fært í upprunalegt útlit. Húsið er opið alla daga vikunnar frá 1. júní- 31. ágúst og utan þess tíma er hægt að hafa samaband í síma eða með tölvupósti.

Opnunartími Virkir dagar:
1. júní - 31. ágúst: 13:00-17:00
1. september - 31. maí: Opið eftir samkomulagi.

Safnahús Borgarfjarðar

Bjarnarbraut 4-6, 310 Borgarnes

Það eru tvær grunnsýningar í Safnahúsi Borgarfjarðar, báðar hannaðar af Snorra Frey Hilmarssyni:

  • Sýningin Börn í 100 ár er myndræn sögusýning um Ísland á 20. öld séð frá sjónarhóli barna. Sérhönnuð sýning fyrir börn, en hentar fullorðnum afar vel líka. Hún hefur hlotið einróma lof fyrir frumleika og dýpt.
  • Ævintýri fuglanna: einstaklega falleg sýning á merku safni uppstoppaðra fugla.

Ennfremur eru ýmsar athyglisverðar sýningar uppi í Hallsteinssal á efri hæð Safnahúss.

Opnunartími Allir dagar
Maí, Júní, Júlí og Ágúst 13:00-17:00
Á öðrum tímum opið virka daga 13:00-16:00 og eftir samkomulagi.

Safn Jóns Sigurðssonar

Hrafnseyri, Arnarfjörður, 471 Þingeyri

Í tilefni þess að 200 ár voru liðin frá fæðingu Jóns Sigurðssonar á Hrafnseyri þann 17. júní 2011, var opnuð ný sýning á Hrafnseyri sem hönnuð var af Basalt Arkitektum. Sýningarrýmið var stækkað veruleg og ný sýning hönnuð frá grunni. Um er að ræða sögusýningu, sem segir frá ævi Jóns Sigurðssonar og er upplýsingum komið fyrir á hjúpi úr plexígleri sem liðast líkt og samfellt straumfall úr einu herbergi í annað. Sýningin myndar þannig eina órofa heild upplifunar.

Hjúpurinn er ýmist tær og gegnsær fyrir muni sem búa þar að baki, eða hann þéttist í myndir og texta sem stundjum koma skýrt fram strax undir yfirborði hjúpsins eða liggja dýpra og jafnvel lagskipt með leyndardómsfullum og dramatískum hætti. Þar er spurt til mögulegra áhrifa af nýum menningarstraumum, nýrri tækni, markverðum viðburðum og öðrum áhrifavöldum.

Ókeypis aðgangur

Opnunartími: 1. júní - 8. september
Safn: alla daga11:00-18:00

Kaffihús: alla daga11:00-18:00
Opið á öðrum tímum eftir samkomulagi.

Franska bókasafnið í Reykjavík

Tryggvagata 8, 2. hæð, 101 Reykjavík

Bókasafn Alliance française er menningarmiðstöð, bókasafn og frönskuskóli í miðbæ Reykjavíkur sem er opinn öllum þeim sem sem vilja njóta franskrar tungu í gegnum bókmenntir, kvikmyndir, tónlist eða daglegar fréttir. Í bókasafninu eru um 7000 bókatitlar, mikið úrval DVD diska með frönskum kvikmyndum, bæði klassískum og nýlegum. (sumar þeirra eru með enskum, íslenskum eða frönskum texta), nokkuð gott úrval af franskri tónlist á CD. Einnig er hægt að nálgast ýmislegt efni tengt frönskunámi íslenskra nemenda.

Öllum er velkomið að koma á bókasafnið til að lesa og skoða, en til þess að fá lánað efni þarf að vera félagi í Alliance française.

Opnunartími:
Mánudaga - föstudaga: 13:00-18:00

Mótorhjólasafn Íslands

Krókeyri 2, 600 Akureyri

Mótorhjólasafn Íslands er glænýtt safn um sögu mótorhjóla á Íslandi í yfir 100 ár. Mótorhjól, myndir og munir í glæsilegri nýrri 800 fermetra byggingu sem hönnuð er sérstaklega fyrir mótorhjólasafn.

Opnunartími Virkir dagar: Laugardagar: Sunnudagar:
1. september - 15. maí: Lokað 15:00-19:00 Lokað
16. maí - 31. ágúst: 11:00-17:00 11:00-17:00 11:00-17:00
Einnig opið eftir samkomulagi.

Minjasafnið Mánárbakka

Mánárbakki, 641 Húsavík

Minjasafnið á Mánárbakka var opnað 18. júní 1995 í húsinu Þórshamri sem flutt var frá Húsavík að Mánárbakka. Húsnæði safnsins hefur nú verið stækkað og byggður þriggja bursta bær sem nefndur er Lækjarbakki og hýsir þá safnmuni sem ekki var rúm fyrir í Þórshamri. Safnið er opið alla daga, ár hvert, frá 10. júní til 31. ágúst og eftir samkomulagi utan þess tíma.

Opnunartímar:

10-18 alla daga

Ferðagjöf

FlyOver Iceland

Fiskislóð 43, 101 Reykjavík

Þú situr í sæti fyrir framan 270 fermetra sveigðan skjá með fætur í lausu lofti. Myndin okkar fer með þig í æsispennandi ferðalag um Ísland og þú sérð landið þitt eins og aldrei áður! Tæknibrellur, þar á meðal vindur, þoka og lykt, ásamt hreyfingum búnaðarins gera þess upplifun ógleymanlega. Þetta verður þú að prófa!

Á staðnum er einnig kaffihús, verslun og aðgengileg salerni. Húsið er rúmgott og byggt til að rúma mikinn fjölda í einu án þess að það myndist of mikil nálægð. Sýningin okkar hefur verið endurskipulögð með öryggi gesta og starfsfólks í huga. Snertifletir sýningarinnar eru sótthreinsaðir eftir hverja sýningu.

Opnunartími
Opið alla daga:
Mánudaga - Fimmtudaga 15 - 19
Föstudaga - Sunnudaga 12 - 20

Grenjaðarstaður - Gamli bærinn

Grenjaðarstaður, 641 Húsavík

Grenjaðarstaður er glæsilegur torfbær í Aðaldal. Jörðin er landnámsjörð og fornt höfuðból, kirkjustaður og prestssetur, og þar var áður starfrækt pósthús. Grenjaðarstaður þótti á sinni tíð mestur og reisulegastur allra bæja í héraðinu, enda um 775 m2 að stærð, einn stærsti torfbær landsins. Elsti hluti hans var reistur árið 1865 en búið var í bænum til 1949.
Árið 1958 var hann opnaður sem byggðasafn með á annað þúsund gripa sem fólk hafði gefið í safnið. Það er einstök upplifun að ganga um bæinn og ímynda sér hvernig fólk lifði þar, bæði fyrir börn og fullorðna.

Vakin er athygli á að aðgengi fyrir fólk í hjólastólum er ekki gott.
Starfsemin í Grenjaðarstað heyrir einnig undir Menningarmiðstöð Þingeyinga.

Kirkju- og menningarmiðstöð Austurland

Dalbraut 2, 730 Reyðarfjörður

Menningarhlutverk Eskifjarðarkirkju var endanlega staðfest með samstarfssamningi ríkis og
Sambands sveitarfélaga á Austurlandi um menningarmál á Austurlandi. Var þessi
samningur samþykktur af viðkomandi aðilum á Seyðisfirði þann 14. maí árið 2001.

Menningarmiðstöðvarnar á Austurlandi eru þrjár. Skaftfell á Seyðisfirði sem er miðstöð myndlistar,
Menningarmiðstöð Fljótsdalshéraðs sem er miðstöð sviðslista og svo
Tónlistarmiðstöð Austurlands á Eskifirði sem er miðstöð tónlistar.

Tónleikasalur Tónlistarmiðstöðvarinnar hentar afar vel til tónlistarflutnings af flestum
toga. Hljómburður þar er einstakur og hönnun byggingar miðar að því að skapa
sjón- og hljóðræna nánd milli flytjenda og tónleikagesta. Húsið er mjög vel
tækjum búið og er aðbúnaður allur hinn glæsilegasti.
Þá er húsið einnig mjög hentugt til sýningahalds, hvers kyns ráðstefna og funda

Minja- og handverkshúsið Kört

Árnes II, Trékyllisvík, 524 Árneshreppur
Starfsemi minja- og handverkshússins Kört byggist á fjórum meginstoðum: Verndun minja, handverkssölu, upplýsingagjöf til ferðamanna og leiðsögn.

Opið 10-18 á sumrin og eftir samkomulagi á veturna.

Byggðasafnið Hvoll

Karlsrauðatorg, 620 Dalvík

Byggðasafnið Hvoll á Dalvík er í senn byggða-, náttúrugripa- og mannasafn. Þar eru ýmis áhöld og innanstokksmunir frá fyrri tíð og haganlega gerðir skrautmunir unnir af hagleiksfólki af svæðinu. Á
náttúrugripasafninu er fjöldi íslenskra fugla og spendýra, þar sem ísbjörninn vekur mesta athygli.

Minningarstofur eru um Jóhann Svarfdæling, sem var um tíma hæsti maður heims og Kristján Eldjárn forseta.

Árið 1934 reið jarðskjálfti yfir Dalvík (6,2 á Richter). Jarðskjálftanum
eru gerð skil í sérstakri stofu safnsins.

Opnunartími Virkir dagar: Laugardagar: Sunnudagar:
1. júní - 31. ágúst: 11:00-18:00 11:00-18:00 11:00-18:00
1. september - 31. maí: Lokað Lokað Lokað
Einnig opið eftir samkomulagi, tökum á móti hópum allt árið.

Ferðagjöf

Gamla smiðjan Bíldudal

Smiðjustígur 2, 465 Bíldudalur

Gamla smiðjan er ein elsta áþreifanlega heimildin um atvinnusögu Bíldudals, en Pétur Thorsteinsson lét reisa smiðjuna um árið 1895 og útbjó með öllum nýjustu tækjum sem fáanleg voru á þeim tíma.

Smiðjan gegndi mikilvægu hlutverki í þjónustu við báta og útgerð á staðnum og var rekin í sama húsnæði í yfir 100 ár.

Hægt að skyggnast betur í söguna með heimsókn í smiðjuna. Smiðjan verður opin á auglýstum opnunartíma á sumrin, en þess utan er hægt að fá leiðsögn fyrir hópa.

Ferðagjöf

Landnámssetur Íslands

Brákarbraut 13-15, 310 Borgarnes

Landnámssetur Íslands er í tveimur af elstu húsum Borgarness sem standa í kjarna bæjarins niður við Brákarsundið. Annað er gamalt Pakkhús sem hefur verið friðað og hýsir sýningar Landnámsseturs - Landnáms- og Egilssýningu.

Sýningar

Í Landnámssetrinu eru tvær fastar sýningar önnur um landnám Íslands en hin um Egils sögu. Farið er í gegnum sýningarnar með hljóðleiðsögn sem til er á 15 tungumálum auk sérstakar barnaleiðsagnar á íslensku. Leiðsögnin um hvora sýningu tekur um 30 mín. Landnámssetrið var opnað í maí 2006 og hefur unnið til fjölda verðlauna og viðurkenninga fyrir sýningar sínar.

Landnámssýningin fjallar um landnám Íslands. Þar segir frá því hvernig Ísland fannst, hvernig norrænir menn fóru að því að rata yfir opið haf og hvers vegna þeir yfirgáfu fyrri heimkynni, Noreg. Sagt er frá mönnunum sem fyrstir stigu á land og hvernig Ísland var numið, fram til stofnunar Alþingis á Þingvöllum árið 930. Það er leitast við að skapa tilfinningu fyrir hvernig það hefur verið að halda út á opið haf í leit að óþekktu landi. Metnaður hefur verið lagður í að koma efninu til skila á nútímalegan hátt með hátæknilegum aðferðum. Sérstök hljóðleiðsögn á þrettán tungumálum, auk íslensku og sérstakrar barnarásar er í gegnum sýninguna. Leiðsögnin tekur 30 mín.

Egilssýningin segir frá einum litríkasta persónuleika landnámsaldar, Agli Skalla-Grímssyni. Faðir Egils, Skalla-Grímur Kveldúlfsson, var einn af fyrstu landnámsmönnunum kom til Íslands 10 árum á eftir Ingólfi Arnarsyni. Í sögunni um Egil er því best og nákvæmast lýst hvernig ein ætt sest að á Íslandi. Egill var mikið skáld en líka víkingur og ribbaldi í útlöndum. Inn í söguna tvinnast bardagar og ástir, galdur og forneskja. Egilssýningin hefur allt annað yfirbragð en Landnámssýningin. Henni hefur verið komið fyrir í gömlum niðurgröfnum steinkjallara Pakkhússins. Fjöldi myndlistarmanna hefur gert myndir af helstu viðburðum í Egilssögu úr tré og minnir sýningi helst á dulúð Hringadrottinssögu. Gesturinn leiddur í gegnum nokkurskonar völundarhús inn í ævintýraheim sögunnar með hljóðleiðsögn. Leiðsögnin tekur 30 mín.

Við bjóðum nú einnig hljóðleiðsagnir á 15 tungumálum.

Veitingar

Í veitingahúsi Landnámsseturs eru tveir salir, Hvíti salur,Arinstofa og Klettasalur og rúma þeir samtals allt að 135 manns.

Boðið er upp á úrval rétta, súpur og forréttir, grænmetisrétti, fisk- og kjötrétti, sérstakan barnamatseðil, auk eftirrétta og úrval af kökum. Í hádeginu eru á boðstólum tvær tegundir af súpum, nýbakað brauð og salat. Úrval drykkja, bæði heitra og kaldra og ókeypis nettenging.

Veitingahúsið er opið allt árið frá klukkan 10:00 - 21:00. Ef viðburðir eru í húsinu er opið lengur, auk þess sem opnað er sérstaklega á kvöldin fyrir hópa ef þess er óskað.

Gjafa- og minjagripaverslun

Í móttökusal Landnámsseturs er gjafa- og minjagripaverslunin HLAÐHÖND, nefnd eftir Þóru hlaðhönd tengdamóður Egils Skalla-Grímssonar. Áhersla er lögð á íslenska hönnun og hugvit og hentar vöruúrvalið jafnt íslenskum sem erlendum ferðamönnum og íbúum Borgarbyggðar.

Leiksýningar og uppákomur

Í Landnámssetrinu er boðið upp á leiksýningar, tónleika og allskyns uppákomur.

Opnunartími
Allt árið 10:00-21:00

Einnig opið eftir samkomulagi fyrir hópa.

Þekkingarsetur Suðurnesja

Garðvegur 1, 245 Suðurnesjabær

Ef þú hefur áhuga á íslenskri náttúru og dýralífi, sjávardýrum, rannsóknum á sviði náttúrufræða og listum, þá er Þekkingarsetur Suðurnesja staður sem þú þarft að heimsækja! Þekkingarsetur Suðurnesja býður upp á þrjár áhugaverðar sýningar.

Í náttúrusalnum er hægt að skoða og snerta yfir 70 uppstoppuð dýr úr íslenskri náttúru og sjá lifandi sjávardýr í sjóbúrum. Þar er auk þess eina uppstoppaða rostung landsins að finna. Gaman er að flétta fjöruferð á Garðskaga saman við heimsókn í Þekkingarsetrið. Lífverum er þá safnað í fjörunni og þær svo skoðaðar í víðsjám í setrinu.

Í sögusalnum er hin glæsilega sýning Heimskautin heilla sem fjallar um líf og störf franska læknisins, vísindamannsins og heimskautafarans Jean-Baptiste Charcot. Rannsóknaskip hans, Pourquoi-Pas?, fórst við Íslandsstrendur árið 1936. Líkan af skipinu má sjá á sýningunni.

Á neðri hæð Þekkingarsetursins er að finna lista- og fræðslusýninguna Huldir heimar hafsins - ljós þangálfanna. Um er að ræða einkar fallega og fróðlega sýningu þar sem vísindalegum fróðleik um mikilvægi hafsins og hættur sem að því steðja er fléttað saman við ævintýraheim þangálfanna. Leitast er við að vekja fólk til vitundar um þann undraheim sem hafið er, mikilvægi þess fyrir lífríki jarðarinnar og tengingu mannkynsins við náttúruna.

Heimsókn í Þekkingarsetur Suðurnesja er tilvalin fyrir fjölskyldur og fróðleiksfúst fólk á öllum aldri. Taktu þátt í fjársjóðsleitinni okkar sem mun leiða þig áfram í spennandi ferðalag um nágrenni setursins í leit að dýrum, plöntum og sögufrægum stöðum. Finnir þú eitthvað spennandi er hægt að taka það með aftur í Þekkingarsetrið til frekari rannsókna.

Opnunartími:

Sumar (1. maí - 31. ágúst):
Mánudaga - föstudaga: 10:00 til 16:00
Laugardaga og sunnudaga: 13:00 til 17:00

Vetur (1. september - 30. apríl):>
Sýningar lokaðar.

Sveigjanlegir opnunartímar í boði fyrir hópa (lágmark 20 manns) allt árið - pantið í síma 423-7555.

Frekari upplýsingar má finna á vef Þekkingarseturins.

Byggðasafn Vestfjarða, sjóminjasafn

Neðstakaupstað, 400 Ísafjörður

Byggðasafn Vestfjarða stendur fyrir og kemur að sýningum á hverju ári. Safnið hefur í áranna rás verið í samstarfi við ýmsa aðila, einstaklinga, félagasamtök og fyrirtæki með uppsetningu og ráðgjöf.

Opnunartími:
15. maí - 30. september - kl. 09:00-17:00

Almennt verð 1300 kr.
Hópar og ellilífeyrisþegar 1050 kr.

Safnasafnið - Alþýðulist Íslands

Svalbarðsströnd, 601 Akureyri

Safnasafnið annast fjölbreytt menningarstarf sem eitt af þremur mikilvægustu listasöfnum þjóðarinnar; í vörslu þess eru um 135.200 verk, (þar af ca. 200 eftir nútímalistamenn) búin til af ýmsu tilefni á 40 ára tímabili, einnig þúsundir gripa sem settir eru upp í sérdeildum og notaðir á sýningum til að skerpa myndhugsun gesta og fá þá til að sjá hlutina í nýju og víðara samhengi.

Safnasafnið er í stöðugri endurskoðun og sjálfsgagnrýni og tekur á sig skarpari mynd með hverju árinu sem líður; sú hugsun er ríkjandi að það eigi að höfða til barnsins í manninum jafnt sem barnanna sjálfra, efla í leik og starfi þau gildi sem ráða við sköpun listar, s.s. hreina sýn, sjálfsprottna framsetningu, móttækileik, undrun, kímni, saklausa frásögn og tjáningu.

Safnasafnið setur upp 10-12 nýjar sýningar á hverju ári til að viðhalda áhuga almennings og kynna þá ríku arfleifð sem það hýsir. Í safninu er fjölbreytt fræðslubókasafn og 67 m2 Lista- og fræðimannsíbúð sem stendur ferðafólki til boða á sumrin. Gefnar hafa verið út tvær bækur um verk í safneigninni, og ný sýningarskrá kemur út á hverju vori.

Safnið er opið alla daga frá kl. 10:00 til 17:00 frá fyrstu helgi í maí til fyrstu helgar í september. Eftir það er hægt að panta hópheimsóknir en það fer þó eftir veðri.

Boðið upp á fríar veitingar fyrir gesti.

Gestaíbúið stendur fólki til boða allt árið.

Ferðagjöf

Icelandic Lava Show

Víkurbraut 5, 870 Vík

Upplifðu alvöru rennandi hraun í návígi! Ógleymanleg skemmtun!

Icelandic Lava Show í Vík í Mýrdal endurskapar aðstæður eldgoss með því að hita hraun upp í 1100°C og hella því svo inn í sýningarsal fullum af fólki! Hvergi annars staðar í heiminum getur fólk upplifað rauðglóandi hraun í svo miklu návígi með öruggum hætti. Frábær sýning sem samtvinnar á einstaklega eftirminnilegan máta fræðslu, skemmtun og heimsklassa upplifun þar sem efniviðurinn er rennandi hraun! Sannkölluð veisla fyrir skynfærin og ógleymanleg upplifun fyrir unga sem aldna.

Icelandic Lava Show er hugarfóstur hjónanna Júlíusar Inga Jónssonar og Ragnhildar Ágústsdóttur en hugmyndin kviknaði þegar þau fóru upp að gosinu á Fimmvörðuhálsi árið 2010 og sáu hraunfossinn og ótrúlegt samspil hraunsins við ísinn allt um kring. Í lok árs 2015 sagði Júlíus starfi sínu lausu og hafa þau hjónin unnið að því að koma fyrirtækinu á laggirnar æ síðan. Það var svo í september 2018 sem Icelandic Lava Show opnaði dyr sínar fyrir gestum og gangandi og viðtökurnar hafa verið hreint frábærar líkt og sjá má á einkunnasíðum á borð við TripAdvisor og Google Maps. Hér er því um að ræða ungt og efnilegt fjölskyldusprotafyrirtæki sem er vel þess virði að heimsækja.

Nánari upplýsingar:

  • Lengd: ca 45-50 mínútur (fer eftir fjölda spurninga og stemmningu í salnum)
  • Aldur: Hentar öllum aldurshópum (en börn þurfa að vera í fylgd fullorðinna)
  • Staður: Víkurbraut 5, Vík í Mýrdal (í gamla Kaupfélagshúsinu)
  • Stund: fastir sýningartímar þar sem það tekur marga klukkutíma að bræða hraun - sjá tímasetningar og hvað er laust á icelandiclavashow.com
  • Mæting: það borgar sig að vera mætt/ur amk. 15 mínútum áður en sýningin hefst
  • Fatnaður: forðist að vera of mikið klædd því það hitnar mjög snögglega þegar rauðglóandi hraunið rennur í sýningarsalinn
  • Tungumál: oftast á ensku (nema ef allir í salnum skilja íslensku) - munum auglýsa séríslenskar sýningar í sumar
  • Hópar: Icelandic Lava Show er frábær skemmtun fyrir hópa og tekur allt að 50 manns í sæti á hverja sýningu. Hægt er aðlaga tíma að hópum. Fyrir tilboð, sendið okkur póst á info@icelandiclavashow.com

Lýsing á sýningunni sjálfri

  1. Í upphafi er stuttur inngangur þar sem sýningarstjórinn býður alla velkomna og leiðir fólk í allan sannleika um upplifunina, hvað hún felur í sér, hvernig hugmyndin kviknaði og afhverju Vík í Mýrdal varð fyrir valinu (ca 10-12 mínútur)
  2. Að innganginum loknum er sýnd stutt fræðslumynd af stað þar sem annars vegar er farið yfir það afhverju Ísland er svona virk eldfjallaeyja með áherslu á eldfjöllin í nágrenni Víkur. Hins vegar er sögð ótrúleg flóttasaga Jóns Gíslasonar, langafa sýningarstjórans og annar stofnanda Icelandic Lava Show, undan Kötlugosinu 1918 og hamfarahlaupinu sem því fylgdi (12 mínútur)
  3. Hápunktur sýningarinnar er svo þegar 1100°C heitu hrauninu er hellt inn í sýningarsalinn. Það er ólýsanleg tilfinning að sjá, heyra og finna hraunið renna inn í salinn - sannkölluð veisla fyrir skynfærin! Þegar hraunið rennur inn í rökkvaðan sýningarsalinn er eins og sýningargestir verði vitni að sólarupprás, svo skært er rauðglóandi hraunið. Þá finna gestir lyktina af bráðnu hrauninu þar sem það byrjar að storkna og heyra um leið hvernig það kraumar, bullar og snarkar. Það allra tilkomumesta er þó hitinn sem skellur á sýningargestum. Það er gífurlegur hitinn sem kemur flestum á óvart. Sýningarstjórinn gerir svo alls kyns æfingar með rauðglóandi hraunið sem er heillandi að fylgjast með en um leið ótrúlega upplýsandi (ca 20-25 mínútur)
  4. Að sýningu lokinni gefst svo öllum færi á að spyrja spurninga sem sýningarstjórinn reynir að svara eftir bestu getu. (ca 5 mínútur)

Allar nánari upplýsingar á icelandiclavashow.com

Útgerðaminjasafnið á Grenivík

Sæland/Hlíðarendi, 610 Grenivík
Opnunartími Virkir dagar: Laugardagar: Sunnudagar:
15. júní - 31. ágúst: 13:00-17:00 13:00-17:00 13:00-17:00
Einnig opið eftir samkomulagi fyrir hópa.

Safnið var opnað sumarið 2009 í gömlum beitinga­skúr sem heitir Hlíð­ar­endi og var byggð­ur um 1920 á grunni gam­allar sjó­búðar. Í safninu eru ýmis veið­ar­færi, munir og verk­færi sem til­heyrðu línu­út­gerð smærri báta á fyrri hluta 20. ald­ar. Þar eru m.a. báru­fleygur, seil­ar­nál, heillás, fiska­sleggja, súgur, bora, fuða, hneif, pilk­ur, díxill og drífholt. Safnið á einnig tvo báta.
Ýmiss konar starf­semi hefur farið fram í húsinu. Þar hefur verið beitt, gert að og salt­að, sof­ið og dans­að. Við ákveðin tæki­færi er að Hlíðar­enda bar­inn bút­ungur og rifnir haus­ar og gest­um boðið að smakka harð­fisk gamla tím­ans.

Sögusetur Íslenska hestsins

Hólar, Hjaltadalur, 551 Sauðárkrókur

Sögusetur íslenska hestsins á Hólum í Hjaltadal var stofnsett 2001 og er staðsett í gamla hesthúsinu á Hólum sem byggt var árið 1931 á grunni gamla skólahússins sem brann. Árið 2010 var húsið gert upp og í því opnuð yfirlitssýningin Íslenski hesturinn. Sýningin er byggð upp með leikmyndum, kvikmyndum, myndskeiðum og munum og er sett upp í samvinnu við Byggðasafn Skagfirðinga.


Auk þess eru tvær sérsýningar í Sögusetrinu. Annars vegar Uppruni kostanna, sem er kynning á helstu stofnfeðrum og -mæðrum í íslenskri hrossarækt frá upphafi skipulegra kynbóta fram til dagsins í dag, sem og sérsýningin Prýðileg reiðtygi frá liðnum öldum, sem hefur að inntaki að miðla fróðleik um reiðtygi fyrri alda.

Sumaropnun í júní - ágúst:

Mánudaga: Lokað

Þriðjudaga - sunnudaga: 10:00 - 18:00

Vetraropnun: Söguseturs íslenska hestsins er opið fyrir hópa yfir veturinn samkvæmt pöntunum sem gerðar skulu fyrirfram. Áhugasamir hafi samband við forstöðumann, Kristin Hugason í síma 891 9879 eða með að senda póst á netfangið sogusetrid@gmail.com.

Listasafn Reykjavíkur - Hafnarhús

Tryggvagata 17, 101 Reykjavík

Listasafn Reykjavíkur er staðsett í Hafnarhúsi, á Kjarvalsstöðum og í Ásmundarsafni. Safnið býður upp á fjölbreyttar sýningar og viðburði og er opið alla daga vikunnar. Þá gildir sami aðgöngumiðinn í öll húsin. Safnið er stærsta listasafn hér á landi og hýsir verk margra þekktustu og ástsælustu listamanna þjóðarinnar.

Hafnarhúsið býður reglulega upp á sýningar á samtímalist m.a. eftir innlenda og erlenda listamenn og ýmiss konar viðburði eins og tónleika, málþing og fyrirlestra. Húsið er heimkynni Errósafnsins og þar eru alltaf sýningar á verkum listamannsins. 6 sýningarsalir eru í húsinu auk verslunar.

Héraðsbókasafn Rangæinga

Vallarbraut 16, 860 Hvolsvöllur

Sumarafgreiðslutími:
Mánudaga 15 - 20
Þriðjudaga - fimmtudaga 15 - 18

Vetrarafgreiðslutími:
Mánudaga 13 - 20
Þriðjudaga - fimmtudaga 13-18
Föstudaga 10 - 13

Lystigarðurinn á Akureyri

Eyrarlandsholt, 600 Akureyri

Garðurinn er einn af fegurstu perlum Akureyrarbæjar. Stofnað var
til hans fyrir forgöngu kvenna og stóð frú Anna Schiöth þar í fararbroddi.
Í garðinum er að finna brjóstmynd af frú Margarethe Schiöth, tengdadóttur Önnu
sem hélt starfinu áfram, og á stöpul hennar er letrað "Hún gerði garðinn
frægan."

Lystigarðurinn er nú í eigu Akureyrarbæjar en hann var opnaður árið 1912. Í
honum má finna nánast allar þær plötur er finnast á Íslandi eða um 450 tegundir
og rúmlega 6.000 erlendar tegundir.


Garðurinn er formlega opinn frá 1. júní til 30. september frá klukkan 8-22
virka daga en 9-22 um helgar. Utan þess tíma er samt hægt að heimsækja garðinn
því hliðin eru ávallt opin gestum.


Starfsmenn Lystigarðsins halda úti fróðlegri
heimasíðu þar
sem er að finna hafsjó upplýsinga um plöntur og fleira.

Litlibær

Skötufjörður, 420 Súðavík

Litlibær í Skötufirði er lítið og notalegt kaffihús og safn. Þar er hægt að fá heimabakað bakkelsi og hinar heimsfrægu Litlabæjar vöfflur, kaffi, kakó, te, gos og safa.

Opnunartími:
15.maí til 20.september, alla daga frá 10-18
Finnið okkur á Facebook hér.

Litlibær í Skötufirði var upphaflega byggður árið 1894, og hann var í ábúð allt til ársins 1969. Um 20 manns bjuggu í bænum á tímabili.

Túnið er afmarkað af þykkum steinhlöðnum garði. Einstaklega vel hefur verið vandað til allra steinhleðslna. Ábúendur á Litlabæ höfðu lifibrauð sitt af sjávarnytjum ekki síður en landbúnaði.

Meðal tófta sem eru á Litlabæ, er hringlaga tóft sem stendur við veginn, og er hún talin vera mun eldri en aðrar hleðslur á Litlabæ, og var sögð síðan Papar voru hér á landi.

Árið 1999 komst Litlibær í vörslu Þjóðminjasafnsins og var þá ráðist í endurbætur sem er nú lokið.

Bærinn er opinn fyrir gesti og gangandi þar sem hægt er að fá kaffi og vöfflur með hinni margrómuðu Siggusultu og rjóma, ásamt ýmsu handverki.

Rétt fyrir utan Litlabæ má sjá mikið af sel sem gaman er að fylgjast með.Staðsetning: – Skötufjörður í Ísafjarðardjúpi

Aðgangseyrir: Frítt inn, annars fjármagnað með kaffisölu.

Vatnsdæla á refli

Árbraut 31, 540 Blönduós

Verkefnið Vatnsdæla á refli hófst árið 2011 og er hugmynd Jóhönnu Pálmadóttur. Refillinn verður 46 metra langur fullsaumaður. Markmiðið er að endurvekja Vatnsdælasögu á nýjan hátt. Allir geta komið og saumað, fengið nafn sitt skráð í bók og þar með sett spor sitt í söguna.

Smámunasafn Sverris Hermannssonar

Sólgarður, 601 Akureyri

Smámunasafnið hefur þá sérstöðu að vera ekki safn einhverra ákveðinna hluta heldur allra mögulegra hluta. Hversdagslegir hlutir eru þar mitt á meðal afar óhefðbundinna hluta. Því hefur safnið stórkostlegt menningarlegt gildi fyrir okkur og komandi kynslóðir.

Í raun má segja að í safninu finnist flest það sem tengist byggingu húsa allt frá minnsta nagla til skrautlegustu gluggalista og hurðahúna. Boðið er uppá leiðsögn um safnið, leikhorn fyrir börnin, Smámunabúð með handverki og ilmandi vöfflukaffi á Kaffistofu safnsins. Eyjafjarðarsveit fann safninu stað í Sólgarði, 27 km sunnan Akureyrar. Saurbæjarkirkja, ein af 6 torfkirkjum á Íslandi er rétt við safnið og hægt er að skoða nánar.

Ath breyttan opnunartíma sumarið 2020.

Opnunartími

Virkir dagar:

Laugardagar:

Sunnudagar:

31. maí - 15. september:

13:00-17:00

13:00-17:00

13:00-17:00

Einnig opið fyrir hópa eftir samkomulagi. Sími 8985468

Sjóminjasafnið í Reykjavík

Grandagarður 8, 101 Reykjavík

Í safninu við sjóinn fá gestir einstaka innsýn í aldalangt sambýli Íslendinga við hafið m.a. í sýningunni Fiskur & fólk - sjósókn í 150 ár.

Á jarðhæð er stór salur sem nefnist Vélasalurinn þar eru settar upp tímabundnar sýningar.

Varðskipið Óðinn er hluti af Sjóminjasafninu og um leið ein helsta sýning safnsins. Skipið kom til safnsins árið 2008 og er varðveitt í því ástandi sem það kom. Boðið er upp á leiðsögn þrisvar á dag auk þess sem skipið er opið gestum á hátíðisdögum sem er þá sérstaklega auglýst. Í leiðsögn er gengið í um skipið, sagt frá sögu þess, lífinu um borð og því hlutverki sem að það gegndi hjá Landhelgisgæslu Íslands. Hver leiðsögn tekur tæplega klukkustund.

Velkomin um borð!

Vatnasafn

Bókhlöðustígur 19, 340 Stykkishólmur

Vatnasafn / Library of Water er langtíma verkefni skapað af Roni Horn í fyrrum bókasafni sjávarþorpsins Stykkishólms á Íslandi. Byggingin stendur á kletti með útsýni yfir hafið og þorpið. Þar er til húsa safn sem endurspeglar náin tengsl Roni Horn við einstaka jarðsögu Íslands, loftslag þess og menningu.

Vatn, úrval er safn 24 glersúlna fylltum af vatni sem safnað var úr ís af mörgum helstu jöklum Íslands. Glersúlurnar brjóta upp og endurvarpa ljósi á gúmmigólf sem búið er að greypa í breiðu orða á ensku og íslensku er öll lúta að veðrinu - innra sem ytra. Innsetningin býður upp á svigrúm til íhugunar í einrúmi jafnframt því að nýtast til allskyns félagslegra nota.

Í litlu hliðarherbergi geta gestir skoðað flokk bóka Roni Horn, To Place, sem allar hafa orðið til á Íslandi, ásamt því að hlusta á úrval frásagna fólks af veðrinu. Á árunum 2005 til 2006, að undirlagi Roni Horn, tóku Oddný Eir Ævarsdóttir, rithöfundur, bróðir hennar fornleifafræðingurinn Uggi Ævarsson, og faðir þeirra Ævar Kjartansson, útvarpsmaður, viðtöl um veðrið við um það bil hundrað einstaklinga frá Stykkishólmi og nágrenni. Veðrið vitnar um þig, setur þessa vitnisburði fram sem einskonar sameiginlega sjálfsmynd lands þar sem veðrið leikur stórt hlutverk í daglegu líf fólksi.

Neðri hæð Vatnasafns / Library of Water er gestavinnustofa fyrir rithöfund. Á hverju ári hefur rithöfundum verið boðið að búa þar í nokkra mánuði og vinna .Ýmist er boðið íslenskum eða erlendum höfundum, en fram að þessu hafa þau Guðrún Eva Mínervudóttir, Rebecca Solnit, Anne Carson, Óskar Árni Óskarsson og Oddný Eir Ævarsdóttir dvalið þar.

Artangel sá um framkvæmd þessa verkefnis ásamt Stykkishólmsbæ, Menntamálaráðuneytinu, Samgönguráðuneytinu og Fjárlaganefnd Alþingis.

Opnunartími: Mán.: Þri.: Mið.: Fim.: Föst.: Lau.: Sun.:
Sumar (17. maí-31. ágúst): 10-17 10-17 10-17 10-17 10-17 10-17 10-17
Haust: 11-16 11-16 11-16 11-16 11-16 10-16

Miðasala fyrir Vatnasafn fer fram í Eldfjallasafni OG Norska húsinu


Aðgangseyrir 2019:

Fullorðnir kr. 700,-

Nemar, eldriborgarar og hópar kr. 600,-

Frítt fyrir yngri en 18 ára

Safnapassi stykkishólmsbæjar - öll söfnin (Vatnasafn, Eldfjallasafn og Norska húsið):

Fullorðnir kr. 2.650,-

Nemendur, eldriborgarar og hópar kr. 2.000,-

Landsbókasafn Íslands - Háskólabókasafn

Arngrímsgata 3, 107 Reykjavík

Landsbókasafn Íslands - Háskólabókasafn er þjóðbókasafn Íslands og gegnir jafnframt hlutverki rannsóknarbókasafns Háskóla Íslands. Safnið varð til við sameiningu Háskólabókasafns og Landsbókasafns Íslands árið 1994.

Landsbókasafn Íslands - Háskólabókasafn hefur að geyma flestar bækur og hljóðrit sem gefin hafa verið út á Íslandi. Þar er einnig stærsta safn erlendra fræðirita á landinu.

Á vef safnsins er aðgangur að fjölda rafrænna tímarita og fræðilegum gagnagrunnum, ásamt margvíslegum upplýsingum um safnið.
Sýningarrými safnsins eru þrjú. Þar eru sýningar árið um kring, bæði úr eigin safnkosti og í samvinnu við aðra.

Opnunartími:

Vetrartími 26. ágúst - 9. maí:

  • Mán-fim: 08:15-22:00
  • Föstudaga: 08:15-19:00
  • Laugardaga: 10:00-17:00
  • Sunnudaga: 11:00-17:00

Sumartími 10. maí - 25. ágúst:

  • Mán-fim: 09:00-17:00
  • Föstudaga: 09:00-17:00
  • Laugardaga: 10:00-14:00
  • Sunnudaga: Lokað
Ferðagjöf

Síldarminjasafn Íslands

Snorragata 15, 580 Siglufjörður

Síldarminjasafn Íslands

Síldarminjasafn Íslands er eitt af stærstu söfnum landsins. Í þremur húsum kynnumst við síldveiðum og vinnslu á silfri hafsins. Róaldsbrakki er norskt síldarhús frá 1907. Þar er flest eins og var á árum síldarævintýrisins þegar síldarfólkið bjó þar. Í Gránu er safn um sögu bræðsluiðnaðarins sem löngum var kallaður fyrsta stóriðja Íslendinga. Í Bátahúsinu liggja bátar, stórir og smáir, við bryggjur. Síldarminjasafnið hlaut Íslensku safnverðlaunin 2000 og Evrópuverðlaun safna 2004, þegar það var valið besta, nýja iðnaðarsafn Evrópu.

Síldin var einn helsti örlagavaldur Íslands á 20. öld og grunnur þess að landsmenn hurfu frá áralangri fátækt og gátu byggt upp nútíma samfélag. Atburðirnir í kring um síldina voru svo mikilvægir fyrir fólkið og landið að talað var um ævintýri - síldarævintýrið. Við hverja höfn, norðanlands- og austan risu síldarbæir stórir og smáir. Siglufjörður var þeirra stærstur og frægastur. Þótt norðurlandssíldin sé fyrir löngu horfin ber staðurinn skýr merki hinna stórbrotnu atburða síldaráranna.

Opnunartímar eru sem hér segir:
Maí og september: 13 - 17
Júní, júlí og ágúst: 10 - 18
Vetur: Eftir samkomulagi

Siglufjörður er aðeins í klukkustundar akstursfjarlægð frá Akureyri!

Listasafn Reykjavíkur - Ásmundarsafn

Sigtún, 105 Reykjavík

Listasafn Reykjavíkur er staðsett í Hafnarhúsi, á Kjarvalsstöðum og í Ásmundarsafni. Safnið býður upp á fjölbreyttar sýningar og viðburði og er opið alla daga vikunnar. Þá gildir sami aðgöngumiðinn í öll húsin. Safnið er stærsta listasafn hér á landi og hýsir verk margra þekktustu og ástsælustu listamanna þjóðarinnar.

Ásmundarsafn er helgað verkum Ásmundar Sveinssonar myndhöggvara, eins af frumkvöðlum höggmyndalistar á Íslandi. Safnið er til húsa í einstæðri byggingu sem listamaðurinn hannaði að mestu sjálfur. Verk eftir Ásmund prýða garðinn við safnið.

Ferðagjöf

Perlan - undur íslenskrar náttúru

Öskjuhlíð, 105 Reykjavík

Fjölþætt og stórbrotin náttúrusýning
Perlan hýsir í dag stærstu náttúrusýningu landsins. Markmið sýningarinnar er að fræða unga og aldna um magnaða náttúru Íslands og er áhersla lögð á nútímalega vísindamiðlun og faglegan grunn í öllu fræðsluefni sýningarinnar. Tæknin er nýtt til að skapa einstaka upplifun og deila fræðsluefni á nýjan og spennandi hátt. Um er að ræða margverðlaunaða sýningu sem á sér enga líka í heiminum.

Hápunktar:
-
Íshellir
- Jöklasýning
- Norðurljósasýning í stjörnuveri Perlunnar
- Sýning um krafta náttúrunnar
- Látrabjarg
- Sýning Náttúruminjasafns Íslands, Vatnið í Náttúru Íslands
- Ísgerð og kaffihús Perlunnar

Perlan Ísgerð
Ný og glæsileg ísgerð hefur opnað á 4. hæð Perlunnar. Um er að ræða ferskan og ljúffengan ís sem búinn er til að staðnum, einstakt umhverfi til að njóta hans og besta verðið í bænum!

Perlan kaffihús
Rjúkandi heit súpa, brauð, kökur, bjór, vín og einstaklega gott kaffi. Njóttu á toppi Reykjavíkur með síbreytilegt útsýni.

Perlan veitingahús
Perlan er einn glæsilegasti veislu- og viðburðasalur landsins. Afgerandi arkitektúr og yfirbragð Perlunnar gerir viðburðinn einstakan. Hægt er að bóka salinn á info@perlan.is.

Samgönguminjasafn Skagafjarðar

Stóra Gerði, 566 Hofsós

Samgöngusafnið í Stóragerði var stofnað af Gunnari Kr. Þórðarsyni ásamt eiginkonu hans Sólveigu Jónasdóttur þann 26. júní árið 2004. Gunnar var menntaður bifvélavirkjameistari og Sólveig er grunnskólakennari. Gunnar var með brennandi áhuga á samgönguminjum og frá unga aldri safnaði hann sjálfur stórum hluta sýningargripanna. Gunnar gerði upp bæði bíla og vélar en til að varðveislan væri sem best þurfti að byggja skemmu og var því lítið annað í stöðunni en að opna þetta glæsilega safn fyrir gesti og gangandi. Fyrst var safnið um 600 fm salur með lítilli gestamóttöku. Á nokkrum árum var umfangið á safninu orðið það mikið að stækka þurfti salinn um 800 fm ásamt gestamóttökunni, byrjað var á því haustið 2010 og var full klárað fyrir sumarið 2013. Í dag eru um 100 tæki til sýnis í salnum og má þar nefna bíla, rútur, mótorhjól, snjósleða, búvélar, flugþyt og ekki má gleyma öllu því smádóti sem tengist samgöngusögu Íslendinga. Fyrir utan safnið og í kringum það má svo áætla að séu í kringum 200-250 bílar og tæki í misgóðu ásigkomulagi sem flestum gestum okkar þykir ótrúlega gaman að skoða. Verkstæði safnsins stendur sunnan við safnið og er öll uppgerð á bílum og tækjum unnin þar.

Formleg opnun safnsins er frá 1. júní til 30. september og er opið alla daga vikunnar frá 11-18. Aðsókn á safnið hefur farið ört vaxandi seinustu árin og eru íslendingar mjög duglegir að sækja safnið heim. En síðustu tvö árin hafa erlendir ferðamenn sótt safnið í auknu mæli þá sérstaklega frá Þýskalandi, Austurríki og Hollandi.
Við tökum á móti hópum eftir samkomulagi bæði fyrir og eftir að formlegri opnun safnsins líkur. Á vorin hafa skólahópar alls staðar af landinu verið mjög duglegir að heimsækja okkur og verið mjög ánægðir. Þá hafa eldriborgarar einnig verið duglegir að koma og gaman að sjá hvað lifnar yfir fólki þegar það sér bíla/tæki sem vekja upp gamlar minningar. Óvissuferðir fyrir starfsmenn fyrirtækja eru alltaf að verða vinsælli og hafa nokkrir skemmtilegir hópar komið við hjá okkur.
Aðstaðan til að taka á móti stórum hópum jókst til muna þegar aðtöðuhúsið stækkaði árið 2013 og er gaman að segja frá því að salurinn tekur allt að 70 manns í sæti. Þá höfum við verið að leigja hann út fyrir allskonar tilefni og reynst mjög vel. Sumarið 2015 byrjuðum við að halda kaffihlaðborð í salnum og tókst vonum framar. Þau eru núna fastur liður í starfsemi safnsins yfir sumartímann.

Hallgrímskirkja

Hallgrímstorg, 101 Reykjavík

Kirkjan er opin alla daga frá kl. 9-17

Minjasafnið á Bustarfelli

Bustarfell, 690 Vopnafjörður

Bustarfell - Lifandi safn

Allt frá árinu 1982 hefur Minjasafnið á Bustarfelli verið rekið sem sjálfseignarstofnun en þá gaf Elín Methúsalemsdóttir Vopnfirðingum safnið sem fram að þeim tíma hafði verið sýnt sem einkasafn. Minjasafninu tilheyra allir munir bæjarins og kaffihúsið Hjáleigan. Bæinn sjálfan sér Þjóðminjasafn Íslands um, fyrir hönd Íslensku þjóðarinnar.

Aðstandendur safnsins hafa lagt metnað sinn í að sýning gripa safnsins sé sett upp á sem raunverulegastan hátt, rétt eins og íbúar hússins hafi brugðið sér frá stundarkorn. Ennfremur er mikið lagt uppúr miðlun gamallar verkþekkingar og sagna með lifandi uppákomum, viðburðum og námskeiðum.

Sérstaða safnsins felst þó að miklu leyti í því hversu glöggt hann miðlar breyttum búskapar- og lifnaðarháttum fólks allt frá því fyrir 1770 til þess er hætt var að búa í bænum árið 1966. Til að mynda eru þrjú eldhús í bænum sem öll segja sína sögu og tilheyra sínu tímabili. Eins er um muni safnsins, að þeir tilheyra mismunandi tímabilum. Gaman er að ganga um og sjá hvernig einn hlutur hefur tekið við af öðrum í áranna rás.

Stór hluti muna safnsins er kominn úr búi Methúsalems Methúsalmessonar. Hann hafði snemma áhuga á því að varðveita gamla muni og hóf að safna þeim víðsvegar úr sveitarfélaginu og varðveitti heima á Bustarfelli. Afrakstur þeirrar forsjálni fáum við öll að njóta góðs af í dag. Því starfi sem hann hóf hefur Minjasafnið reynt að halda áfram. Með velvilja og gjafmildi íbúa sveitarfélagsins berast safninu árlega gjafir sem hafa mikið gildi fyrir þekkingu okkar á arfleifðinni, rótum okkar allra. Kunnum við öllu þessu gjafmilda fólki okkar bestu þakkir fyrir.

Í safninu eru nú yfir eittþúsund munir sem hver og einn á sína sögu og sína "sál" sem gerir safnið að þeim einstaka fróðleiks- og afþreyingarbrunni sem það er.

Sértu ávallt velkominn í heimsókn.

Strandarkirkja

Selvogur, 815 Þorlákshöfn

Margir leggja leið sína í Strandarkirkju, bæði Íslendingar og erlendir ferðamenn. Kirkjan er opin alla daga á sumrin og á vorin og haustin er hún opin um helgar. Einnig er hún höfð opin um helgar á veturna ef óskað er. Þá tekur staðarhaldari á móti fólki og leiðbeinir því um sögu og nútíð kirkjunnar.
Messað er i kirkjunni um jól og páska, að hausti, um miðja vetrar­vertíð og á hálfs mán­aðar fresti frá miðjum maí og út ágúst, alls um tíu messur á ári. Kirkjukór Þor­láks­kirkju annast söng og organisti er Miklós Dalmay.
Hægt er að panta fyrir­lestur um sögu kirkj­unnar og byggð í Sel­vogi hjá sóknar­presti Baldri Kristjáns­syni í síma 898 0971 og í raf­pósti bk@baldur.is .

Byggðasafn N.-Þingeyinga

V/Snartarstaði, 671 Kópasker

Snartarstaðir eru í 2 km fjarlægð frá Kópaskeri og er þar einstök sýning á munum úr byggðarsafni N-Þingeyinga. Á Snartarstöðum er að finna mikið úrval hannyrða af ýmsum toga, glæsilegan útsaum, vefnað, prjónles og margt fleira sérstakt og skemmtilegt. Þar eru einnig ýmsir aðrir hlutir, leikföng, brunakerra, byssur, útskurður, járnsmíði og margt fleira.

Á safninu er merkilegt bókasafn Helga Kristjánssonar í Leirhöfn en var vel þekktur bókbindari og húfugerðarmaður.

Athygli er vakin á að aðgengi fyrir fólk í hjólastólum er ekki gott.

Myntsafn Seðlabanka Íslands

Kalkofnsvegi 1, 101 Reykjavík

Stofninn í myntsafninu er íslensk mynt og seðlar, erlendir peningar frá fyrri öldum, einkum þeir sem koma við íslenskar heimildir, og auk þess yngri gjaldmiðill helstu viðskiptaþjóða Íslendinga. Í safninu eru nú hátt í tuttugu þúsund myntir og nálægt fimm þúsund seðlagerðir. Þá er í safninu allgóður handbókakostur um myntfræði.

Seðlabanki og Þjóðminjasafn Íslands hafa með sér samstarf um rekstur myntsafnsins. Samningur um það efni var staðfestur af menntamálaráðherra 28. janúar 1985. Þar er kveðið á um að myntfræðilegt efni stofnananna beggja skuli haft í einu safni sem bankinn rekur, þó þannig að jarðfundnar myntir og sjóðir séu eftir sem áður í Þjóðminjasafni.

Yfirlitssýningu á efni úr myntsafninu hefur verið komið fyrir á fyrstu hæð í húsnæði Seðlabankans að Kalkofnsvegi 1. Þar er einnig kynningarefni á margmiðlunarformi um starfsemi Seðlabanka Íslands og skylda starfsemi.

Opnunartími Virkir dagar Laugardagar: Sunnudagar:
13:30-15:30 Lokað Lokað

Aðgangur er ókeypis.

Safnahúsið á Húsavík

Stórigarður 17, 640 Húsavík

Á aðalhæð Safnahússins á Húsavík er sýningin Mannlíf og Náttúra - 100 ár í Þingeyjarsýslum. Í sýningunni er fléttað saman náttúrugripum og munum úr byggðasafni Þingeyinga svo úr verður einkar athyglisverð sýning þar sem gestir upplifa sterkt samspil manns og náttúru í Þingeyjarsýslum á tímabilinu 1850 til 1950. Á jarðhæðinni er svo fastasýning sjóminjasafnsins en hún var opnuð í apríl 2002. Sýningin gefur glögga mynd af þróun útgerðar og bátasmíði í Þingeyjarsýslum allt frá árabátaöldinni fram til vélbátaútgerðar. Tvær sérsýningar eru að jafnaði í húsinu, myndlist, saga, ljósmyndir eða annað áhugavert efni.

Sjóminjasafn Austurlands

Strandgata 39b, 735 Eskifjörður

Í safninu eru munir sem tilheyra sjósókn og vinnslu sjávarafla. Einnig eru þar verslunarminjar og hlutir sem tilheyra ýmsum greinum iðnaðar og lækninga frá fyrri tíð. Sjóminjasafnið er staðsett í gömlu verslunarhúsi, Gömlu búð, sem byggt var 1816.

Safnið þykir einstaklega skemmtilega framsett, fjölbreytt og fróðlegt heim að sækja. Það er á tveimur hæðum.

Safnið er opið alla daga kl. 13:00-17:00 (maí-ágúst) eða eftir samkomulagi á öðrum árstímum.

Listasafn Reykjavíkur - Kjarvalsstaðir

Flókagata 24, 105 Reykjavík

Listasafn Reykjavíkur er staðsett í Hafnarhúsi, á Kjarvalsstöðum og í Ásmundarsafni. Safnið býður upp á fjölbreyttar sýningar og viðburði og er opið alla daga vikunnar. Þá gildir sami aðgöngumiðinn í öll húsin. Safnið er stærsta listasafn hér á landi og hýsir verk margra þekktustu og ástsælustu listamanna þjóðarinnar.

Kjarvalsstaðir bjóða upp á fjölbreyttar sýningar eftir þekkta listamenn, málþing, fyrirlestra og ýmiss konar viðburði. Fastur liður í starfsemi safnsins eru sýningar á verkum eftir Jóhannes S. Kjarval, eins ástsælasta listamanns þjóðarinnar. Mjög gott aðgengi er að húsinu og þar er verslun með listmunum og veitingastaður.

Íslenska Stríðsárasafnið

Hæðargerði, 730 Reyðarfjörður

Heimsókn á Stríðsminjasafnið á Reyðarfirði veitir gestum greinargóða yfirsýn á stríðsárin austanlands og þá röskun er varð á friðsælu lífi íbúanna er margra þúsunda manna hernámslið gerði sig heimakomið á Austfjörðum. Hér er saman komið gott safn muna og mynda er tengjast hernáminu eystra og áhrifum þess á heimamenn. Fyrsta júlí ár hvert er "hernámsdagurinn" haldinn hátíðlegur á Reyðarfirði með ýmis konar uppákomum.

Bænahúsið á Gröf

Skagafjörður, 566 Hofsós

Fischersetur Selfossi

Austurvegur 21, 800 Selfoss

Í Fischersetrinu er verið að segja sögu skákmeistarans Róbert James Fischer. Auk þess er þarna félagsleg aðstaða fyrir Skákfélag Selfoss og nágrennis og aðra er vilja tefla og skákmót eru haldin. Ennfremur er þarna vísir að bókasafni um skákina, þar sem fólk getur sest niður og aflað sér frekari fróðleiks um skáklistina. Þá eru þarna fyrirlestra og kynningar á efni er tengjast skáklistinni.

Í setrinu er verið að sýna muni og myndir sem tengjast skákmeistaranum Bobby Fischer, eins og hann er jafnan nefndur. Aðallega eru þetta munir og myndir tengdir veru skákmeistarans hér á Íslandi og ber þar hæst skákeinvígi aldarinnar í Reykjavík 1972. Ennfremur eru munir og myndir frá síðustu æviárum hans hér á landi eða eftir að hann gerðist íslenskur ríkisborgari.

Hér er um að ræða skáksetur sem heldur uppi minningu skákeinvígis aldarinnar, þjónar ferðamönnum sem vilja fræðast meira um Fischer og eflir áhuga og iðkun skáklistarinnar.

Heimsmeistarinn hvílir svo í Laugardælakirkjugarði, sem er rétt austan við Selfoss.

Opið er frá 13:00-16:00 alla daga vikunnar, og á öðrum tímum opnað samkvæmt óskum.

Safn Ásgríms Jónssonar – heimili listamanns

Bergstaðastræti 74, 101 Reykjavík

Heimili listamanns

Ásgrímur Jónsson (1876-1958) er einn brautryðjenda íslenskrar myndlistar. Hann ánafnaði íslensku þjóðinni öll verk sín og eigur eftir sinn dag.

Safnið hýsir vinnustofu listamannsins og heimili og litlar sýningar. Safnið er í göngufæri frá Listasafni Íslands á Fríkirkjuveginum.

Opnunartími:
1. maí - 30. september: daglega kl. 13 - 17
1. október - 30. apríl: þri. - sun. kl. 13 - 17

Skaftfell - miðstöð myndlistar á Austurlandi

Austurvegur 42, 710 Seyðisfjörður

Skaftfell - myndlistarmiðstöð Austurlands

Starfsemi Skaftfells er helguð samtímamyndlist á alþjóðavísu. Í miðstöðinni er öflug sýninga- og viðburðadagskrá, starfræktar gestavinnustofur fyrir listamenn og boðið upp á fjölþætt fræðslustarf. Á jarðhæð er veitingastofa þar sem boðið er upp á kaffi, öl og mat, ásamt þráðlausu neti og listbókasafn. Hægt er að skoða Geirahús og verk eftir alþýðulistamanninn Ásgeir Jón Emilsson (1931-1999) eftir samkomulagi. Í mars 2013 hlaut Skaftfell Eyrarrósina fyrir framúrskarandi menningarverkefni á landsbyggðinni. Listrænn heiðursstjórnandi Skaftfells 2015-2016 er skoski sýningarstjórinn og rithöfundurinn Gavin Morrison.

Rokksafn Íslands er safn um sögu popp- og rokktónlistar á Íslandi og er staðsett í Reykjanesbæ. Á safninu er að finna tímalínu um sögu íslenskrar tónlistar á Íslandi allt frá árinu 1830 til dagsins í dag.

Á safninu er að finna lítinn kvikmyndasal þar sem sýndar eru ýmsar heimildarmyndir um íslenska tónlist og hljóðbúr þar sem gestir geta leikið lausum hala og prófað rafmagnstrommusett, gítar, bassa og sungið í sérhönnuðum söngklefa. Þá geta gestir skoðað sögu tónlistarmanna á gagnvirkum plötuspilurum sem voru sérstaklega framleiddir fyrir Rokksafn Íslands.

Á meðal þeirra muna sem eru að finna á safninu er trommusett Gunnars Jökuls Hákonarsonar sem var m.a. notað á meistaraverkinu ...Lifun með Trúbrot, kjól sem Emilíana Torrini klæddist í myndbandinu Jungle Drum, tréskúlptúr af reggí-hljómsveitinni Hjálmum, lúðrasveitarjakka sem Stuðmenn klæddust í myndinni Með allt á hreinu, kjól af Elly Vilhjálms, föt af Rúnari Júlíussyni, jakkaföt af Herberti Guðmundssyni, hljóðnema sem Megas söng í á tveimur plötum og þannig mætti lengi telja.

Náttúrugripasafnið Ólafsfirði

Pálshús, 625 Ólafsfjörður

Pálshús, eitt elsta hús Ólafsfjarðar, er í dag safn og menningar- og fræðslusetur staðsett við Strandgötu 4 í Ólafsfirði. Elsti hluti hússins var reistur 1892 og því er að finna mikla sögu í kringum það. Húsið dregur nafn sitt af Páli Bergssyni, sem í byrjun nítjándu aldar kláraði, ásamt konu sinni Svanhildi Jörundsdóttur, að reisa húsið í þeirri mynd sem við þekkjum í dag. Páll var einn aðalhvatamaðurinn að útgerðarmálum í Ólafsfirði.

Pálshús hýsir Náttúrugripasafn Ólafsfjarðar og hina skemmtilegu grunnsýningu ,,Flugþrá". Þar má skoða alla íslensku fuglaflóruna ásamt því að fjallað er um flugþrá mannsins og draum hans að geta flogið. Börn hafa sérstaklega gaman af fuglasýningunni og hefur hún mikið fræðslugildi.

Að auki er í húsinu að finna glæsilegt einkasafn hjónanna Birnu Kristínar Finnsdóttur og Jóns Gunnars Sigurjónssonar ásamt því að fjölbreyttir tón- og myndlistar viðburðir eru haldnir þar reglulega.

Opnunartími Sumaropnun

1. júní - 15. september

Opið alla daga frá kl. 11.00 - 17.00.

Hafðu samband til að bóka heimsókn fyrir hópa.

Gjaldskrá 2019

Almennur aðgöngumiði 1.300 kr.
Börn 12 - 18 ára 800 kr.
67 ára og eldri 800 kr.
Öryrkjar 800 kr.
Ókeypis er fyrir börn yngri en 12 ára.

Safnahús Vestmannaeyja

Ráðhúsatröð, 900 Vestmannaeyjar

Fransmenn á Íslandi

Hafnargötu 12, 750 Fáskrúðsfjörður

Frakkar á Íslandsmiðum er án efa eitt athyglisverðasta safn landsins. Ekki aðeins fyrir hönnun þess og nálgun við viðfangsefnið, heldur einnig vegna andrúmsloftsins sem tekist hefur að skapa. Lifandi nærmynd er brugðið upp af lífi sjómanna um borð í frönsku skútunum sem sóttu Íslandsmið og skynjar áhorfandinn glöggt aðstæður þeirra og daglegt líf. Þá veitir safnið einnig glögga innsýn í starfsemi Franska spítalans og merka starfsemi hans upp úr aldamótunum 1900.

Endurgerð Minjaverndar á Frönsku húsunum á Fáskrúðsfirði lauk sumarið 2014. Húsin eru alls fimm og eru auk Læknishússins og Franska spítalans, Sjúkraskýlið, Litla kapellan og Líkhúsið. Endurreisnarsaga húsanna er með merkari framkvæmdum Minjaverndar og sú viðamesta utan höfuðborgarsvæðisins.

Frönsku húsin gegna á ný mikilvægu hlutverki fyrir bæjarlíf Fáskrúðsfjarðar, en nú sem Fosshótel Austfirðir, sælkerastaðurinn l'Abri og safnahús Fransmanna á Íslandi. Litla kapellan hlaut blessun 26. júlí 2014 og er eina byggingin sem heldur upprunalegu hlutverki sínu.

Safnið er opið alla daga kl. 10:00-18:00 (maí - sept) eða eftir samkomulagi á öðrum árstímum.

Glaumbær í Skagafirði

Glaumbær, 560 Varmahlíð

Glaumbær er fornt höfuðból, og þar hafa búið miklir og ríkir höfðingjar. Sá nafntogaðasti þeirra er líklega Teitur Þorleifsson lögmaður (d. 1537). Prestar hafa setið í Glaumbæ frá árinu 1550. Í Glaumbæ er stór torfbær af norðlenskri gerð. Höfundar allra bæjarhúsanna eru ekki þekktir, en sr. Jón Hallsson (1809-94) prófastur lét reisa framhúsin og baðstofuna, sem er öftust bæjarhúsa, á árunum 1876-79.

Búið var í bænum til ársins 1947 og sama ár var hann tekinn í vörslu Þjóðminjasafnsins. Strax var ráðist í töluverðar viðgerðir á húsunum. Byggðasafn Skagfirðinga var formlega stofnað árið 1948 og hefur haft afnot af Glaumbæ síðan þá. Undanfarin ár hefur mikið verið gert við einstök hús, en eins og gengur um torfbæi þarf að halda þeim við reglulega til þess að koma í veg fyrir umfangsmiklar skemmdir.

Alls eru húsin 14 að tölu og þar af 6 í framhúsaröð. Engin útihús hafa varðveist.

Opnunartími:

1. janúar - 31. janúar Opið eftir samkomulagi
1. febrúar - 31. mars 10:00-16:00 Mán - Fös
1. apríl - 19. maí 10:00-16:00 Alla daga
20. maí - 20. september 9:00-18:00 Alla daga
21. september - 31. október 10:00-16:00 Alla daga
1. nóvember - 31. desember 10:00-16:00 Mán - Fös

Aðgangseyrir í Glaumbæ 2020:

Fullorðnir (18 ára og eldri) 1700 kr.
Hópar (6+), námsmenn, eldri borgarar og öryrkjar 1500 kr.
Börn (17 ára og yngri) frítt

Gerðuberg

Gerðuberg 3-5, 111 Reykjavík

Gerðuberg var opnað 4. mars 1983 og er alhliða menningarmiðstöð rekin af Reykjavíkurborg. Boðið er upp á fjölbreytta menningardagskrá fyrir fólk á öllum aldri. Leiðarljós Gerðubergs er að eflast sem alhliða menningarmiðstöð með fjölbreyttri og metnaðarfullri menningarstarfsemi og vera griðastaður góðra hugmynda og nýsköpunar. Gerðuberg hefur verið einn vinsælasti funda- og ráðstefnustaður borgarinnar. Rík áhersla er lögð á gott aðgengi borgarbúa á öllum aldri. Boðið er upp á fjölbreytta menningardagskrá sem kynnt er í starfsáætlun Menningar- og ferðamálasviðs ár hvert. Er hún birt á heimasíðu Gerðubergs og á prentuðum viðburðakortum sem gefin eru út tvisvar á ári.

Opnunartími sýninga
Virkir dagar: Laugardagar: Sunnudagar:
1. maí - 31. ágúst: 11:00-17:00 Lokað Lokað
1. september - 30. apríl: 11:00-17:00 13:00-16:00 13:00-16:00
Opnunartími hússins Virkir dagar: Laugardagar: Sunnudagar:
1. maí - 31. ágúst 08:00-18:00 Lokað Lokað
Föstudaga 08:00-17:00
1. september - 30. apríl 08:00-18:00 13:00-16:00 13:00-16:00
Föstudaga 08:00-17:00
Miðvikudaga 08:00-21:00

Sjóminjasafnið Eyrarbakka

Túngata 59, 820 Eyrarbakki

Austast á Kaupmannstúninu er Sjóminjasafnið á Eyrarbakka. Það var stofnað af Sigurði Guðjónssyni skipsstjóra á Litlu-Háeyri einkum í því skyni að bjarga síðasta áraskipinu sem smíðað var á Eyrarbakka frá eyðileggingu. Áraskipið Farsæll er í dag aðalsafngripur Sjóminjasafnsins á Eyrarbakka en einnig geta gestir fræðst um skipasmiðinn, mismunandi veiðiaðferðir og margvíslegt annað sem tengdist sjávarútvegi við Suðurströndina fyrr á tímum.

Opnunartími Virkir dagar: Laugardagar: Sunnudagar:
1. maí - 30. september: 11:00-18:00 11:00-18:00 11:00-18:00
Opið eftir samkomulagi yfir veturinn.

Safnahúsið

Hverfisgata 15, 101 Reykjavík

Safnahúsið er hluti af Þjóðminjasafni Íslands. Á sýningunni Sjónarhorn er gestum boðið í ferðalag um íslenskan myndheim fyrr og nú. Listaverk og sýningargripir úr fjölbreyttum safnkosti sex stofnana bregða ljósi á myndlistarsögu landsins og sjónrænan menningararf.

Eftirtaldar stofnanir tóku höndum saman um gerð sýningarinnar: Landsbókasafn Íslands-Háskólabókasafn, Listasafn Íslands, Náttúruminjasafn Íslands, Stofnun Árna Magnússonar í íslenskum fræðum, Þjóðskjalasafn Íslands og Þjóðminjasafn Íslands. Í Safnahúsinu er safnbúð. Aðgangur í Safnahúsið gildir einnig í Þjóðminjasafnið.

Bátasafn Gríms Karlssonar

Duusgata 2-8, 230 Reykjanesbær

Bátasafn Gríms Karlssonar var opnað í Duus safnahúsum á lokadaginn 11. maí 2002. Þar má sjá rúmlega 100 líkön af bátum og skipum úr flota landsmanna. Líkönin smíðaði listasmiðurinn Grímur Karlsson, fyrrverandi skipstjóri úr Njarðvík. Eftir að hann hætti til sjós hefur hann smíðað bátalíkön af einstakri ástríðu og rekur með því þróun báta á Íslandi frá árinu1860 til vorra daga. Sýningin er fyrst og fremst umgjörð um bátalíkönin en í gegnum þau ásamt fjölda mynda og muna frá Byggðasafni Reykjanesbæjar, er rakin saga sjávarútvegs á Íslandi

Opið alla daga 12-17.

Staðarkirkja

Reykjanes, 380 Reykhólahreppur

Um 8 km vestur frá Reykhólum á Reykjanesi í Austur-Barðastrandarsýslu er kirkjustaðurinn Staður. Þar var á árum áður stórbýli og Ólafskirkja í kaþólskum sið. Prestssetur var á Stað fram til 1948 en var þá flutt að Reykhólum, þar sem áður hafði verið útkirkja frá Stað. Staðarkirkja var reist árið 1864 af Daníel Hjaltasyni gullsmið, hreppstjóra og bónda.

Húsið er opið gestum á eigin ábyrgð daglega 8-18. Vinsamlegast gangið vel um

Hönnunarsafn Íslands

Garðatorg 1, 210 Garðabær

Árið 1998 gerðu menntamálaráðuneytið og Garðabær samkomulag um að reka í sameiningu íslenskt hönnunarsafn er safnaði og sýndi listiðnað. Aðdragandinn hafði verið allnokkur en rekja má þá formlegu umræðu sem hafði farið fram um nauðsyn á slíku safni aftur til ársins 1992 þegar félagið Form Ísland setti saman umræðuhóp með fulltrúum hönnuða, menntamálaráðuneytis, Listasafns Íslands, Þjóðminjasafns Íslands og Reykjavíkurborgar um slíkt safn. Í framhaldinu, eftir vinnu hópsins, var þeim tilmælum beint til menntamálaráðuneytis að skipa nefnd er mæti með hvaða hætti stofna mætti safn er sinnti listiðnaði. Í byrjun árs 1997 var niðurstaða nefndarinnar sú að mikil þörf væri á safni er sinnti listhandverki og iðnhönnun.

Fyrst um sinn var safnið deild í Þjóðminjasafni Íslands en með nýjum samningi við menntamálaráðuneytið, sem undirritaður var í desember árið 2006, tók Garðabær við rekstri Hönnunarsafns Íslands og starfar safnið sem stofnun á vegum bæjarfélagsins. Safnið hafði til afnota lítinn sal við Garðatorg og hélt nokkrar sýningar á ári en skrifstofu og varðveislurými var að finna á öðrum stað. Árið 2009 var safninu valinn staður við Garðatorg 1 og fluttist öll starfsemi safnsins þangað þegar reglubundið sýningahald safnsins hófst í maí 2010. Í safninu starfa forstöðumaður og fulltrúi safneignar ásamt gæslu- og afgreiðslufólki.

Byggðasafn Reykjanesbæjar

Duusgata 2-8, 230 Reykjanesbær

Sýningar Byggðasafnsins eru þrjár. Í Gryfjunni er sýningin Hlustað á hafið, sem fjallar um árabátútgerð fyrri tíma og tengsl sjómanna við hafið og mikivægi fiskveiða fyrir íbúa Reykjaness. Í Bíósal er ljósmyndasýningin Fólkið í kaustaðnum, sem sýnir fólk og mannlíf í Keflavík og Njarðvík á árunum 1949 til 1994. Á sýningunni eru ljósmyndir Heimis Stígssonar og Jón Tómassonar. Á Miðloftinu er sýningin Þyrping verður þorp, en hún fjallar um fæðingu íslenska fiskiþorpsins undir lok 19. aldar og fyrstu áratugi þeirrar 20.

Stekkjarkot og Innri-Njarðvík: Húsin eru ekki opin að staðaldri. Hægt er að panta heimsókn hjá Byggðasafni Reykjanesbæjar.

Opnunartími. Daglega frá kl 12 - 17 allt árið

Ferðagjöf

Báta- og hlunnindasýningin á Reykhólum

Maríutröð , 380 Reykhólahreppur

Báta- og Hlunnindasýningin er gluggi að skemmtilegum heimi fugla, báta og náttúrunytja Breiðafjarðar.

Sýningin er helguð gjöfum náttúrunnar við Breiðafjörð og nýtingu þeirra, einkum á fyrri tíð en að hluta allt fram á þennan dag. Fuglarnir gáfu egg og kjöt í matinn og æðarfuglinn gaf verðmætan dún í sængur og kodda. Selurinn gaf kjöt og spik og skinnið var notað til klæðagerðar. Meðal annars fá gestir að kynnast æðarfuglinum á sérstakan hátt og fræðast um gömlu súðbyrðingana með breiðfirska laginu.

Á þessari lifandi sýningu er hægt að sjá stuttar og lengri heimildamyndir um lífið í Breiðafjarðareyjum, sem teknar voru um miðbik síðustu aldar.

Í sama húsi er upplýsingamiðstöð ferðamannsins.

Opið frá 1. júní til 30. ágúst frá 11:00-17:00 og eftir samkomulagi að vetri til.

Ferðagjöf

Spákonuhof

Oddagata 5, 545 Skagaströnd

Spákonuhof á Skagaströnd

Sýning, sögustund og spádómar.

Sýning um Þórdísi spákonu, fyrsta nafngreinda íbúa Skagastrandar sem uppi var á síðari hluta 10. aldar. Margháttaðan fróðleik um spádóma og spáaðferðir er að finna á sýningunni. Lifandi leiðsögn. Gestir geta látið spá fyrir sér eða fengið lófalestur. Börnin skoða í gullkistur Þórdísar, þar sem ýmislegt leynist.

Handverk / Kaffiveitingar.

Litla sölubúðin okkar er með úrval af íslensku handverki og hönnun.

Opnunartími: Júní - sept.

Þriðjudaga - sunnudaga

13:00 - 18:00

Lokað á mánudögum

Sept. - júní er opið eftir þörfum.

Hafið samband í síma

861 5089 / 452 2726

Ferðagjöf

Randulffs-sjóhús

Strandgata 96, 735 Eskifjörður

Randulffssjóhús á Eskifirði er starfrækt í samvinnu við Ferðaþjónustuna Mjóeyri og er þar rekið veitingahús yfir sumartímann þar sem boðið er upp á mat úr héraði.

Randulffssjóhús er opið frá kl 12-21 alla daga sumarsins og er með matseðil bæði í hádeginu og á kvöldin og kaffimatseðil yfir daginn. Hægt er að panta fyrir hópa á öðrum tímum. Þar starfa lærðir kokkar sem leggja mikla áheyrslu á ferskan mat úr nágrenninu.

Randulffssjóhús er í eigu Sjóminjasafns Austurlands. Húsið var byggt um 1890 og var lengst notað sem síldarsjóhús en síðan Sjóminjasafnið eignaðist það hefur það tengst safnastarfi safnsins. Sjóhúsið er núna opið almenningi. Búið er að koma upp gestamóttöku í sjóhúsinu og þar er matsalur sem rúmar allt að áttatíu manns. Auk gestamóttöku og matsölu er hluti hússins nýttur til sýningarhalds á hlutum sem tengdir eru sjóhúsinu og þeirri starfsemi sem þar hefur verið í gegn um tíðina. Á efri hæðinni er verðbúð sjómannanna í sinni upprunalegu mynd og sýningarsalur. Húsið er tilvalið fyrir hópa sem vilja eiga glaðan dag, til dæmis ættarmót, grillveislur og annan mannfögnuð og fer vel um allt að 80 manna hópa.

Saga Randulffssjóhúss í stuttu máli

Upp úr 1870 hafði síldveiði verið stunduð í Noregi um langan tíma og voru aðferðir við veiðarnar orðnar þróaðar og voru síldveiðar norðmanna stór atvinnuvegur. En um þetta leiti hvarf síldin við Noreg og stóðu menn uppi ráðalausir. Fréttist þá frá farmönnum sem höfðu siglt til Íslands, að þar væru mikla síld að sjá inni á Austfjörðum og einnig á Eyjafirði. Ákváðu þá nokkrir síldveiðimenn að fara til Íslands og kanna veiðiskap þar. Þá kunnu Íslendingar enga leið til þess að veiða síldina, þó að nóg væri til af henni við fjöruborðið og urðu að láta sér nægja að dorga fyrir þorsk. Var þetta fyrir almenna fátækt og þekkingarleysi.

Fluttu því nokkrir Norðmenn veiðibúnað sinn hingað, fyrst til Austfjarða og síðan til Eyjafjarðar og veiddu vel. Með þeim fyrstu sem komu til Reyðarfjarðar og Eskifjarðar, voru Peter Randulff, sem settist að á Hrúteyri við Reyðarfjörð og J.E. Lehmkuhl sem byggði upp veiðistöð sína á Eskifirði, á þeim stað þar sem Jóhann Klausen byggði Netaverkstæði árið 1960 Norðmaðurinn Fredrik Klausen sá um síldveiðarnar fyrir Lehmkuhl og flutti til Eskifjarðar með sína fjölskyldu. Nokkrum árum síðar byggði Lehmkuhl aðra veiðistöð skammt innan við stöð Randulffs á Reyðarfjarðar ströndinni. Lehmkuhl og Randulff, unnu mikið saman og þegar Peter Randulff byggði Randulffssjóhúsið á Eskifirði árið 1890 þá mun sonur Fredriks, Þorgeir Klausen hafa tekið við stjórnun á síldveiðunum á nýju stöðinni. Þorgeir Klausen kvæntist dóttur Randulffs og þegar Randulff féll frá árið 1911 mun Þorgeir og bróðir hans Friðrik hafa eignast sjóhúsið, en það hefur alla tíð síðan verið kallað Randulffs-sjóhús. Þeir bræður stunduðu svo síldveiðar í botnnet og lagnet og notuðu til þess lítinn mótorbát, ásamt gömlu nótabátunum sem voru róðrarbátar.

Einnig veiddu þeir þorsk sem var saltaður og þurrkaður, eins og gert var áður en frystihúsin komu til sögunnar. Eftir að þeir bræður Þorgeir og Friðrik féllu frá, á árunum 1955-1960 eignuðust börn þeirra húsið og var það í umsjá Thors Klausen sem var sonur Friðriks. Thor var mikill veiðimaður og veiddi hann bæði síld og þorsk og einnig veiddi hann með byssu sinni, sel og hnísu, sem er minnsti hvalur við Ísland og sjófugla á vetrum og notaði hann þá alltaf lítinn róðrarbát. Síðari árin stundaði hann kolaveiðar í net á litlum trillubát og gaf hann safninu báða þessa báta. Sjóminjasafn Austurlands keypti helming sjóhússins og bryggjunnar af dóttur Þorgeirs, árið 1982 og nokkrum árum síðar gaf Thor safninu sinn hluta eignarinnar. Safnið hefur endurbætt húsið og bryggjuna, þannig að það er að mestu leiti eins og það var upphaflega. Thor lést í umferðarslysi árið 2004.

Steinasafn Sörens og Sigurborgar

Lambeyrarbraut 5, 735 Eskifjörður

Galdrasýning á Ströndum

Höfðagata 8-10, 510 Hólmavík

Galdrasafnið opnaði árið 2000 á Hólmavík og hefur síðan verið mjög vinsæll viðkomustaður meðal ferðafólks, enda er sýningin mjög vel heppnuð og mikið til hennar vandað. Á
sýningunni er fjallað um íslensk galdramál og þjóðtrú tengdri viðfangsefninu. Þar kynnast gestir sérstökum galdramálum og fólkinu sem kom við sögu. Einnig er m.a. hægt að
kynna sér hvernig vekja skal upp drauga eða kveða þá niður, koma sér upp nábrókum og gera sig ósýnilegan. Hverskyns lifandi uppákomur eru einnig á Galdrasafninu á Hólmavík.

Staðsetning: Hólmavík
Sími: 897-6525
galdrasyning@holmavik.is
www.galdrasyning.is
Opnunartími: Árið um kring
Sumaropnun 15. maí - 30. september: Daglega 09:00 - 18:00
Vetraropnun 1. október- 14. maí: Mán-fös 12:00-18:00, lau & sun 13:00-18:00

Eldheimar

Suðurvegur / Gerðisbraut 10, 900 Vestmannaeyjar

ELDHEIMAR er gosminjasýning. Sýningin miðlar fróðleik um eldgosið í Vestmannaeyjum árið 1973, sem án efa telst til stærstu náttúruhamfara Íslandssögunnar. Skyggnst er inn í mannlífið og umhverfið í Vestmannaeyjum fyrir gos og hvernig náttúruhamfarirnar 1973 gripu inn í samfélagið og líf fólksins. Nær allir íbúar Heimaeyjar urðu að yfirgefa heimili sín í skyndi og flýja eyjuna. Margir sáu húsin sín, sem og megnið af eigum sínum aldrei aftur.

Gosið hófst aðfararnótt 23. janúar 1973 á Heimaey, einu byggðu eyjunni í Vestmannaeyjaklasanum. Það stóð yfir í rúmlega 5 mánuði. Hraun og aska eyðilögðu þriðjung byggðarinnar í Eyjum, eða tæplega 400 hús og byggingar. Meðan gosið stóð yfir var mikil óvissa um það hvort nokkurn tímann yrði aftur mannabyggð á eyjunni.

Múlastofa, menningarsetur

Kaupvangur 6, 690 Vopnafjörður

Múlastofa er lokuð yfir vetrartímann frá 20. ágúst. Hægt er að opna sérstaklega fyrir hópa með stuttum fyrirvara. Upplýsingar fást í upplýsingamiðstöðinni Kaupvangskaffi.

Aðgangseyrir: 600 kr.
Frítt fyrir 16 ára og yngri
Miðasala í Kaupvangskaffi

Múlastofa VopnafirðiMúlastofa er sýning um líf og list bræðranna Jóns Múla og Jónasar Árnasona sem fæddust á Vopnafirði. Faðir þeirra var verslunarstjóri á staðnum 1917-1924.

Á sýningunni getur að líta fjölda ljósmynda og muna úr safni bræðranna. Einnig er hægt að hlusta á tónlist þeirra og horfa á myndefni, m.a. myndbönd úr safni Ríkisútvarpsins.
Björn G. Björnsson sýningarhönnuður hannaði sýninguna og fékk til liðs við sig sérvalinn hóp þekkingaraðila en verkefnið er yfirgripsmikið og fjölþætt. Sýningin var opnuð 9. ágúst 2008 með mikilli opnunarhátíð. Jónas Árnason hefði orðið 85 ára á því ári.

Byggðasafn Reykjanesbæjar - Stekkjarkot

Fitjar, 260 Reykjanesbær

Stekkjarkot er lítill torfbær byggður fyrir sjómenn og fjölskyldur þeirra. En kotið var fyrst byggt á miðri 19.öld og komið í eyði um 1920. Búsetan var þó ekki samfellt. Kotið var endurreist á rústum hins gamla Stekkjarkots var opnað almenningi árið 1993. Það samanstendur af tveim húsum, það eldra frá 19. öld með hlóðaeldi og moldargólfi en það yngra frá 20. öld, þá er komin kolaeldavél og baðstofan ef öll þiljuð.

Kotið er í umsjón Byggðasafns Reykjanesbæjar, það er opið eftir samkomulagi, vinsamlegast sendið fyrirspurnir á: byggdasafn@reykjanesbaer.is, og nánari upplýsingar má finna á sofn.reykjanesbaer.is.

Listasafn Samúels í Selárdal

Brautarholt, Selárdalur, 465 Bíldudalur

Samúel Jónsson (1884-1969) hefur verið nefndur "listamaðurinn með barnshjartað". Þegar hann fékk ellilífeyri byggði hann listasafn og kirkju, gerði líkön af fjarlægum merkisbyggingum og málaði listaverk í Selárdal, án þess að hafa notið nokkurrar tilsagnar í myndlist. Að Brautarholti í Selárdal bjó hann til styttur af selum, ljónum, sæhesti, önd með unga sína á bakinu og af Leifi heppna. Ekki nóg með það, heldur reisti hann einn síns liðs heila safnbyggingu yfir verk sín auk kirkju sem hann ætlaði að varðveita altaristöflu er hann hafði málað og sem sóknarkirkjan hafði hafnað. Félag um listasafn Samúels hefur undanfarna tvo áratugi gert við höggmyndir og byggingar Samúels og endurgert íbúðarhús hans að Brautarholti. Safnið er opið gestum yfir sumartímann og allir velkomnir í kaffi í hús Samúels.

Nánari upplýsingar á vefnum: https://samueljonssonmuseum.jimdofree.com/

Hér má finna brot úr heimildamynd um safnið: https://vimeo.com/350495666

Nesstofa við Seltjörn

Safnatröð 3-5, 170 Seltjarnarnes

Nesstofa við Seltjörn er opin alla daga nema mánudaga frá 13-17 frá 13. júní til 31. ágúst.

Rjómabúið á Baugstöðum

Baugsstaðir, 825 Stokkseyri

Sjá upplýsingar á www.byggdasafn.is

Sláturhúsið

Kaupvangur 7, 700 Egilsstaðir

Menningarmiðstöð Fljótsdalshéraðs var stofnuð árið 2005 og er hlutverk hennar að ýta undir skapandi starfsemi,
hvetja til þátttöku almennings og efla lista- og menningarstarf á Austurlandi. Menningarmiðstöðin er lykilstofnun við framkvæmd menningarstefnu sveitarfélagsins og leggur sérstaka áherslu á sviðslistir ( performing arts ).
Önnur áhersla miðstöðvarinnar er lista og menningaruppeldi barna og ungmenna og því er áhersla á að sem flest verkefni hafi fræðslugildi auk hins listræna og menningarlega gildis.

Þó áhersla sé lögð á sviðslistir þá sinnir MMF / Sláturhús einnig öðrum listgreinum, meðal annars með myndlistarsýningum, kvikmyndasýningum, tónleikum auk annarra menningarviðburða.

Í Sláturhúsinu er einnig gestaíbúð og vinnuaðstaða fyrir listafólk.

MMF er til húsa í Sláturhúsinu við Kaupvang.

Minjasafnið á Akureyri

Aðalstræti 58, 600 Akureyri

Safnið er í elsta bæjarhluta Akureyrar, Innbænum og Fjörunni. Þar eru áhugaverðar og vel gerðar sýningar fyrir alla fjölskylduna.

Sýningar 2020-2021:

  • Tónlistarbærinn Akureyri.
  • Akureyri bærinn við Pollinn.
  • Land fyrir stafni - Íslandskortasafn Schulte 1550-1808. (mars-október)
  • Jólasýning Minjasafnsins (nóvember-janúar)
  • Hvað er í gemsanum þínum?

Fyrir framan safnið er einn elsti skrúðgarður landsins, rúmlega aldargamall, sem er tilvalinn áningarstaður með bekkjum, borðum og stólum. Í garðinum stendur Minjasafnskirkjan byggð 1846 sem er leigð út fyrir athafnir og tónleika.

Minjasafnið er á sömu lóð og Nonnahús og einungis 200 metrum frá Leikfangahúsinu.

Opnunartími:

1.6.-30.9.: Daglega frá 10-17.

1.10-31.5.: Daglega frá 13-16.

Verð:
Stök heimsókn 1800 kr. fyrir 18 ára og eldri - Börn 17 ára og yngri ókeypis, Öryrkjar ókeypis. Eldri borgarar 900 kr.
Minjasafnið allt árið 2200 kr. sem gildir á Minjasafnið á Akureyri, Nonnahús, Leikfangahúsið, Davíðshús og Laufás.

Iðnaðarsafnið

Krókeyri, 600 Akureyri

Iðnaðarsafnið á Akureyri geymir muni sem tengjast iðnaði og iðnframleiðslu liðinna tíma. Þar er að finna fjölda véla og tækja sem notuð voru til framleiðslu á allskyns nytjahlutum og iðnvarningi.

Á efri hæð safnsins er sýning á hinni víðtæku fata- og skóframleiðslu sem fram fór á Akureyri á liðinni öld. Hver man ekki eftir Duffys gallabuxum, Skinnu mokkajökkum, Hekluúlpum og Iðunnarskóm?

Opnunartími Virkir dagar: Laugardagar: Sunnudagar:
1. júní - 14. september: 10:00-17:00 10:00-17:00 10:00-17:00
15. september - 31. maí: 13:00-16:00* 13:00-16:00 -

* ATH safnið er ekki opið á sunnudögum og mánudögum.


Sjóminjasafnið í Sjómannagarðinum á Hellissandi

v/Sandahraun, 360 Hellissandur

Sýningar um sjósókn og náttúru undir jökli - kaffi og kökur

Sjóminjasafnið á Hellissandi er í Sjómannagarðinum við Sandahraun. Í safninu eru margháttaðar minjar sem tengjast útgerð áraskipa á liðnum öldum auk margra annarra gripa og mynda, bátavéla og aflraunasteina. Þar er endurbyggð þurrabúðin Þorvaldsbúð sú búð er síðast var búið í hér á Hellissandi.

Safnið er til húsa í tveimur sambyggðum húsum. Aðgengi er gott fyrir fatlaða um húsið og á snyrtingar. Við vesturhlið safnsins er pallur með borðum. Í vesturenda garðsins er stór hraunbolli, þar er einnig stór pallur. Góður áningarstaður. Göngustígur er frá garðinum inn í Sandahraunið. Þar er margt að sjá. Í jaðri Sandahraunsins er útsýnishæð með góðu aðgengi. Þaðan sér vítt yfir Breiðafjörð og byggðina á Hellissandi, fjallahringinn með Snæfellsjökul yst í vestri.

Í garðinum hefur verið komið fyrir styttan Jöklarar eftir myndlistarmanninn Kjartan Ragnarsson sem var afhjúpuð árið 1974.

Þið finnið okkur á Facebook hér.

Sumarið 2020 verða fjórar sýningar í gangi:

  • Náttúran við Hafið
  • Sjósókn undir Jökli
  • Sagan Okkar(Ljósmyndasýning)
  • Landnámsmenn í Vestri verður í garðinum

Opið frá 1. júní til 30. september, 10:00-17:00 alla daga.
Á öðrum tímum opið eftir samkomulagi fyrir hópa.
Kaffisala og meðlæti á staðnum.

Aðgangseyrir 2020: kr. 1.300,- á mann (fullorðnir), frítt fyrir börn 0-16 ára.

Melrakkasetur Íslands

Eyrardalur 4, 420 Súðavík

Melrakkasetur Íslands er fræðasetur sem helgað er íslenska melrakkanum sem er af tegundinni Vulpes lagopex og er eina upprunalega landspendýrið á Íslandi.

Melrakkasetur Íslands ehf. var stofnað í Súðavík 15. september 2007 og meðal stofnfélaga eru einstaklingar, fyrirtæki og sveitarfélög. þessir aðilar eiga það sameigilegt að hafa áhuga á íslensku tófunni og öllu sem henni viðkemur, svo og náttúrulífs- og sögutengdri ferðaþjónustu.

Langtímamarkmið með stofnun setursins eru þau að safna saman á einn stað allri þekkingu, efni og hlutum sem tengjast melrakkanum í fortíð og nútíð. Að setja upp sýningu fyrir ferðamenn þar sem mun verða á boðstólnum fræðandi efni í máli og myndum um refi í náttúrunni, hérlendis sem erlendis, refarækt og refaveiðar. Ennfremur að stuðla að og taka þátt í rannsóknum á líffræði tegundarinnar og þróun sjálfbærrar náttúrulífs-ferðamennsku.

Opið:

  • 15. maí - 30. sept: 10:00-18:00
  • 01. október - 14. maí: eftir samkomulagi

Byggðasafn Vestfjarða - Vélsmiðja Guðmundar J. Sigurðssonar

Hafnarstræti 10, 470 Þingeyri

Byggðasafn Vestfjarða fékk smiðjuna afhenta til varðveislu í byrjun árs 2014.

Inni í smiðjunni verður sjónvarpsskjár þar sem verða sýnd myndbrot úr smiðjunni frá fyrri tímum, auk þess sem maður er á staðnum og fræðir fólk um starfsemina.

Þjóðveldisbærinn á Stöng

Þjórsárdalur, 801 Selfoss

Þjóðveldisbærinn í Þjórsárdal er eitt best geymda leyndarmál Íslands. Bærinn er tilgátuhús byggt á einu stórbýli þjóðveldisaldar og þar gefst gestum færi á að kynna sér húsakynni forfeðra okkar og fræðast um hagi þeirra og daglegt líf. Fyrirmynd þjóðveldisbæjarins eru rústir af fyrrum höfuðbýlinu Stöng í Þjórsárdal en talið er að sá bær hafi farið í eyði í Heklugosi árið 1104.

Opnunartími Virkir dagar: Laugardagar: Sunnudagar:
1. júní - 8. september: 10:00-17:00 10:00-17:00 10:00-17:00
Lokað á veturna. Lokað í hádeginu frá kl. 12:00-13:00. Eftirlíking af þjóðveldisbænum á Stöng.

Höfði

Borgartún, 105 Reykjavík

Höfði á sér merkilega sögu sem tengist samskiptum Íslendinga við aðrar þjóðir. Húsið var reist á Félagstúni fyrir franska konsúlinn, Jean Paul Brillouin. Það var hannað í Austur-Noregi og flutt tilsniðið til Íslands. Í byggingunni má sjá áhrif frá júgendstíl, klassísku nýbarrokki og norskri þjóðernisrómantík. Reykjavíkurborg keypti húsið árið 1958 og var það endurbætt og fært til fyrri glæsileika. Frá árinu 1967 hefur Höfði verið vettvangur fyrir gestamóttökur á vegum borgarinnar. Frægur er leiðtogafundur Reagans og Gorbatsjovs í Höfða í október 1986, sem talinn er marka upphafið að endalokum kalda stríðsins. Húsið er ekki opið almenningi.

Byggðasafnið á Garðskaga og vitarnir

Skagabraut 100, 250 Suðurnesjabær

Byggðasafnið á Garðskaga er staðsett í miðri náttúruparadís þar sem fjölbreytt fuglalíf, náttúrufergurð og dýrarlíf skarta sínu fegursta.

Safnið var fyrst opnað 1995 og hefur verið starfrækt síðan. Safnið er alhliða byggða og sjóminjasafn og er sérstaða safnsins einstakt vélasafn þess. 60 vélar eru á safninu sem eru allar uppgerðar af Guðna Ingimundarsyni í Garði, flestar eru þær gangfærar. Safnið hefur til sýnis ýmsa muni sem tengdust búskaparháttum til sjós og lands, elstu munir eru orðnir yfir eitthundrað ára gamlir. Fallegt safn af gömlum útvörpum og ýmsum tækjum og tólum sem notuð voru á heimilum á fyrri árum, skólastofa, skóvinnustofa og verslun Þorláks Benediktssonar svo fátt eitt sé nefnt. Stór hluti af safninu eru sjóminjar, ýmsir hlutir sem notaðir voru við fiskveiðar og til verkunar fisks á landi. Á safninu er sexæringur, níu metra langur bátur með Engeyjarlagi smíðaður 1887.

Á staðnum er veitingahús með útsýnissvölum þar sem möguleiki er að koma auga á hvali í sínum náttúrulegu umhverfi.

Stóri vitinn, sá stærsti á Íslandi, geymir tvær sýningar sem eru innifaldar í aðgangi að safninu. Norðurljósasýningu og Hvalasýningu. Af topp svölum hans er frábært útsýni.

Gott tjaldstæði er á svæðinu.

Opnunartími: alla daga kl. 12-20.

Fyrir hópa hafið samband við safnstjóra í síma 893-8909 eða með tölvupósti: johann@gardskagi.com.

Húsið á Eyrarbakka - Byggðasafn Árnesinga

Húsið, 820 Eyrarbakki

Opið alla daga í sumar frá 11 - 18

Grund - Forndráttavélar til sýnis

Grund, 380 Reykhólahreppur

Opið eftir samkomulagi.

Nýlistasafnið

Grandagarður 20, 101 Reykjavík

Nýlistasafnið var stofnað árið 1978 af breiðum hópi myndlistamanna, sumir hverjir höfðu verið meðlimir í SÚM og aðrir voru enn við nám. Nýló er listamannarekið safn og sýningarrými, vettvangur uppákoma, umræðna og gagnrýnar hugsunar.

Markmið Nýlistasafnsins eru að:
• vera miðstöð nýrra strauma og tilrauna í myndlist
• efla hugmyndafræðilega umræðu um samtímalist
• vera vettvangur fyrir unga myndlistarmenn
• gegna almennum skyldum listasafns um söfnun og miðlun
• safna og varðveita listaverk eftir velunnara safnsins
• styrkja stöðu sína sem helsta samtímalistastofnun landsins

Sýningarrými, bókabúð og skrifstofur:

Marshallhúsið

Grandagarði 20

101 Reykjavík

Opið þriðjudaga til sunnudaga 12.00 - 18.00

Fimmtudaga 12.00 - 21.00

Lokað á mánudögum

Safneing, rannsóknar- og verkefnaaðstaða

Völvufelli 13 - 21

111 Reykjavík

Opið samkvæmt samkomulagi

Ólafsdalur í Gilsfirði

Erluhraun 4, 220 Hafnarfjörður

Ólafsdalur í Gilsfirði, 1000 ára saga

Fyrsti búnaðarskóli á Íslandi (1880-1907) og einn merkasti staður í landbúnaðarsögu Íslands. Glæsilegt skólahús frá 1896. Stytta Ríkarðs Jónssonar af Torfa og Guðlaugu í Ólafsdal. Fallegar gönguleiðir. Merkilegar minjar um byggingar, vatnsveitu, hleðslur og ræktun. Áhugaverðar sýningar um sögu Ólafdalsskólans. Nýfundinn landnámsskáli og aðrar byggingar frá 9.-10. öld!

Ólafsdalshátíð 2020 verður haldin 15. ágúst.

Náttúrufræðistofa Kópavogs

Hamraborg 6a, 200 Kópavogur

Náttúrufræðistofa Kópavogs var opnuð í desember 1983. Hlutverk Náttúrufræðistofunnar er að safna, varðveita og sýna náttúrugripi, standa að fræðslu og rannsóknum í náttúrufræðum og stuðla að náttúru- og umhverfisvernd.

Á Náttúrufræðistofu Kópavogs er að finna náttúrugripasafn sem opið er almenningi og aðgangur er ókeypis. Sýningaraðstaðan er sérhönnuð og þar er að finna fjölbreytt úrval náttúrugripa, með áherslu á jarðfræði Íslands og íslensk dýr. Þar eru einnig stór fiskabúr með lifandi ferskvatns- og sjávarlífverum.

Opnunartími:
Mánudaga - fimmtudaga: 08:00-18:00
Föstudaga: 11:00 - 17:00
Laugardaga: 11:00-17:00
Sunnudaga: Lokað

Ferðagjöf

Whales of Iceland

Fiskislóð 23-25, 101 Reykjavík

Hvalasýningin samanstendur af 23 hvalalíkönum af hinum ýmsu hvalategundum sem fundist hafa í Íslensku hafi. Þar er t.d. að finna 25 m. langa steypireið, búrhval í fullri stærð og Íslandssléttbak sem nú er í bráðri útrýmingahættu og margt fleira! Allt í raunverulegum stærðum!

Mikila vinnu var lagt í hönnun á líkönunum og eru öll módelin handmáluð og er hægt að sjá á þeim persónuleg einkenni sem rekja má til raunverulegs hvals í hafinu. Líkönin eru mjúk og nokkuð raunveruleg í snertingur sem eykur upplifunargildi sýningarinnar.
Með gagnvirkum upplýsingaskjám, róandi hvalahljóðum, neðansjávar lýsingu og svörtu og gulu sandgólfi er Hvalasýningin, Whales of Iceland eins og draumkenndur ævintýraheimur fyrir alla fjölskylduna.

Opnunartími: Alla daga kl. 10 - 17
Lokað Jóladag, 25 desember.

Rafræn leiðsögn í boði.

Borgarsögusafn Reykjavíkur

Grandagarði 8, 101 Reykjavík

Spennandi ferðalag í gegnum sögu og menningu Reykjavíkur.

Verið velkomin á Borgarsafn Reykjavíkur. Fimm frábærir staðir sem fara með þig út á sjó og undir jörðu. Fimm upplifanir frá landnámi til samtímans. Og fimm skemmtilegar og grípandi leiðir til að njóta spennandi sögu og menningararfs Reykjavíkur.

Gljúfrasteinn - Safn Halldórs Laxness

Gljúfrasteinn, 270 Mosfellsbær

Gljúfrasteinn var heimili og vinnustaður Halldórs Laxness og fjölskyldu hans um hálfrar aldar skeið. Húsið er safn Halldórs Laxness þar sem heimili og vinnustaður hans er látinn haldast óbreytt. Stærstu vistarverurnar eru stór stofa á jarðhæð og skrifstofa Halldórs á annarri hæð. Þar er bókasafn hans varðveitt svo og vinnupúltið sem hann stóð gjarnan við.

Mikill fjöldi listaverka setur sterkan svip á heimilið, meðal annars eftir Svavar Guðnason, Nínu Tryggvadóttur, Jóhannes Kjarval og danska málarann Asger Jorn. Einnig gefur þar að líta útsaumsmyndir eftir Auði Laxness sem var annáluð hannyrðakona. Húsgögn og innanstokksmunir eru þeir sömu og í tíð Halldórs og Auðar.

Halldór Laxness var mikill útivistarmaður og gekk mikið í nágrenni Gljúfrasteins enda umhverfið fagurt. Gestir eru hvattir til að nýta sér gönguleiðirnar í nágrenni hússins sem stendur við ána Köldukvísl og er byggt í landi jarðarinnar Laxness þar sem Halldór ólst upp.

Boðið er upp á vandaða hljóðleiðsögn um húsið á íslensku, ensku, dönsku, sænsku og þýsku en hægt er að fá leiðsögn á öðrum tungumálum í samráði við starfsfólk.

Opnunartími Virkir dagar: Laugardagar: Sunnudagar:
1. júní - 31. ágúst: 09:00-17:00 09:00-17:00 09:00-17:00
1. september - 31. maí: 10:00-16:00 10:00-16:00 10:00-16:00

Á veturna er lokað á mánudögum. Lokað um helgar frá nóvember og út febrúar en tekið á móti hópum eftir samkomulagi.

Ferðagjöf

Veiðisafnið

Eyrarbraut 49, 825 Stokkseyri

Veiðisafnið - stofnað 2003

Ljón og zebrahestar, gíraffi, hreindýr, apar, selir, bjarndýr og sauðnaut eru hér ásamt fjölda annara dýra. Jafnframt eru hér til sýnis munir frá Náttúrufræðistofnun Íslands sem Veiðisafnið hefur til sýningar samkvæmt sérstökum samningi.

Hér er einnig að finna skotfæraverkstæði þar sem sýnd eru tæki og tól til endurhleðslu skotfæra. Skotvopn og veiðitengdir munir frá landsþekktum veiðimönnum eru hér til sýnis og sérstaka athygli vekja Drífu haglabyssurnar frá Jóni Björnsyni heitnum frá Dalvík en á heimasíðu safnsins má finna upplýsingar um Drífuvinafélagið sem stofnað var 12.mars 2005.

Okkur er það sönn ánægja að taka á móti þér og þínum, stórum sem litlum hópum, veiðiklúbbum, félögum, fjölskyldum og einstaklingum sem eiga leið hjá á auglýstum sýningartíma, eða vilja panta einkaheimsóknir, þar sem safnaleiðsögn er ítarlegri og tímasetning ákveðin fyrirfram.

Uppsettning grunnsýningar safnsins er margrómuð en auk hennar eru settar upp sérsýningar og má þar nefna árlega byssusýningu. Hlutverk safnsins er m.a. að kynna komandi kynslóðum veiði og veiðirétt með áherslu á náttúruvernd og skynsemisveiðar.

Opnunartími:
1. apríl - 30. september: virka daga kl. 11:00-18:00
Safnið er lokað í desember og janúar og eingöngu opið um helgar í október, nóvember, febrúar og mars.

Davíðshús - Skáldið frá Fagraskógi

Bjarkarstígur 6, 600 Akureyri

Komdu í leiðangur um fagurt heimili skáldsins frá Fagraskógi.

Davíðshús var reist árið 1944 af einu ástsælasta skáldi Íslendinga, Davíð Stefánssyni frá Fagraskógi, sem bjó þar til dánardags. Davíð var sannkallaður fagurkeri og safnari af guðs náð. Húsakynnin bera smekkvísi hans glöggt merki, full af bókum og handritum, listaverkum og persónulegum munum, eins og hann skildi við árið 1964, næstum eins og hans sé að vænta innan skamms.

Heimili Davíðs var gert að safni 1965. Akureyrarbær keypti bókasafn hans, erfingjar ánöfnuðu safninu persónulegum munum og innanstokksmunum hússins en efnt var til landssöfnunar til kaupa á Bjarkarstíg 6 sem var afhent bænum til umsjár. Bókasafn hans var eitt merkasta bókasafn landsins í einkaeigu með fágætum prentunum af ýmsum toga og handritum. Í húsinu er einnig að finna listaverk eftir Kjarval, Sölva Helgason, Ásgrím Jónsson, Kristínu Jónsdóttur og Mugg.

Í leiðsögninni kynnumst við skáldinu og leyndardómunum sem þar er að finna í hverjum kima hússins.

Athugið takmarkaður miðafjöldi. Leiðsagnir kl. 13, 14 og 15. Auka leiðsagnir auglýstar sérstaklega.

Miðar eru seldir á tix.is - minjasafnid@minjasafnid.is
Aðgöngumiðinn Minjasafnið allt árið - gildir í Davíðshús.
Stök heimsókn 1800 pr 18 ára og eldri - Börn 17 ára og yngri ókeypis, Öryrkjar ókeypis. Eldri borgarar 900 kr.

Minjasafnið allt árið 2200 sem gildir á Minjasafnið á Akureyri, Nonnahús, Leikfangahúsið, Davíðshús og Laufás.

Opnunartími:
1.6.-1.9.
Leiðsagnir kl.13, 14 og 15.
Einnig opið á veturna sjá minjasafnid.is

Eldfjallasafn

Aðalgata 8, 340 Stykkishólmur

Eldfjallasafnið var opnað formlega á hvítasunnu, 31.maí 2009 með kynningarsýningu byggða á safni Haraldar Sigurðssonar eldfjallafræðings. Haraldur Sigurðsson starfaði sem prófessor í eldfjallafræði og haffræði í Bandaríkjunum en er nú fluttur til Íslands eftir um 40 ára starf erlendis. Á ferðum sínum um heiminn og í störfum sínum hefur Haraldur komið sér upp miklu safni af efni, ýmiskonar listaverkum, rannsóknarefni og bókum sem snerta eldgos og eldvirkni víðsvegar um heiminn.

Í safni Haraldar eru mörg hundruð listaverka. Þar má nefna málverk, málmstungur og svartlist ýmiskonar frá eldvirkni um allan heim. Einnig er þar að finna frumstæða list (alþýðulist) frá Indónesíu, Mexíkó, Mið-Ameríku og víðar. Úrval er af japanskri "goslist" einnig listmunir og safn minjagripa. Í safninu má m.a. finna stórt verk eftir Andy Warhol frá 1985 af eldgosi, myndir eftir Japanann Katsushika Hokusai (1760-1849), Mexíkanana David Alfaro Siqueiros og Dr. Atl, auk merkilegs safns af prentverki og plakötum af bíómyndum sem fjalla um eldgos.

Haraldur hefur einnig komið sér upp vönduðu safni bóka um eldgos og eldfjallafræði auk rúmlega 6000 sérprentana með vísindagreinum og safni jarðfræðikorta. Loks má nefna töluvert safn kvikmynda og efnis á myndböndum. Allt er þetta efni í spennandi ferð um lendur jarðsögunnar, og fræðslu um eldvirkni víðs vegar um heim.

Opnunartími Mán.: Þri.: Mið.: Fimm.: Föst.: Lau.: Sun.:
Sumar (17. maí-31. ágúst) 10-17 10-17 10-17 10-17 10-17 10-17 10-17
Haust 13-16 13-16 13-16 13-16 13-16

Aðgangseyrir 2019:

Fullorðnir kr. 1.000,-

Nemar, eldriborgarar, hópar kr. 900,-

15-18 ára kr. 500,-

Frítt fyrir yngri en 15 ára

Safnapassi stykkishólmsbæjar - öll söfnin (Eldfjallasafn, Vatnasafn og Norska húsið:

Fullorðnir kr. 2.650,-

Nemendur, eldriborgarar og hópar kr. 2.000,-

Árnes

Skagaströnd, 545 Skagaströnd

Árnes nefnist elsta húsið á Skagaströnd. Sveitarfélagið lét gera það upp og tók í notkun sumarið 2009. Húsið er nú einstak dæmi um vistarverur fólks á fyrri hluta 20. aldar. Það er dæmigert timburhús frá þessum tíma og hið eina þessarar gerðar sem mögulegt var að varðveita á staðnum. Húsið er búið húsgögnum og munum úr Muna- og minjasafni Skagastrandar, lánshlutum og jafnvel búnaði úr eigu fyrri íbúa hússins.

Í Árnesi geta gestir fengið spáð í spil, bolla eða látið lesa í lófa alla daga yfir sumarið.


Opnunartími
Júní, júlí og ágúst:
Opið mánudaga til laugardaga frá 13 til 16.
Lokað á sunnudögum.

September til maíloka:
Opið eftir samkomulagi.

Umsjón með húsin hefur Sveitarfélagið Skagaströnd, sími á skrifstofutíma er 455 2700.

Héraðsskjalasafn Austfirðinga

Laufskógar 1, 700 Egilsstaðir
Opnunartími Mánudaga - fimmtudaga: Föstudaga - Sunnudaga:
12:00-16:00 Lokað

Jarðhitasýning ON við Hellisheiðavirkjun

Hellisheiðavirkjun, 816 Ölfus

Jarðhitasýningin

Jarðhitasýning ON í Hellisheiðarvirkjun veitir innsýn í virkjun og nýtingu jarðvarma á Íslandi. Á sýningunni er jarðfræði, tækni og saga sett fram á aðgengilegan og skýran hátt með myndum og margmiðlunartækni. Starfsmenn veita upplýsingar og eru reiðubúnir að fylgja gestum um sýninguna. Orka náttúrunnar á og rekur Hellisheiðarvirkjun.

Opnunartími og aðgangseyrir

Sýningin er opin alla virka daga kl. 09:00-17:00. Hægt er að senda fyrirspurnir og bókanir á syning@on.is eða hringja í síma 591-2880.

Aðgangseyrir:

Almennt verð er 1.990.

Heldri borgarar 950.

Frítt fyrir börn yngri 12 ára.

10% afsláttur ef bókað er á vefnum.

Gönguleiðir

Á Hengilssvæðinu er flest það sem prýðir íslenska náttúru: áhugavert landslag, hvera- og gígasvæði, fjölbreytt gróðurfar, ár og stöðuvötn. Mikil vinna er lögð í frágang og landgræðslu á röskuðum svæðum vegna framkvæmda við Hellisheiðarvirkjun á líkan hátt og gert var á Nesjavöllum á sínum tíma.

Við bjóðum hópum sem ganga um svæðið velkomna í leiðsögn um Jarðhitasýninguna.

Leikfangasafn Soffíu

Skúlagata 17, 310 Borgarnes

Leikfangasafn Soffíu samanstendur af safni Óskar Elínar Jóhannesdóttur og leikfangasafni sem var staðsett í Iðnó, ásamt leikföngum í eigu velunara safnsins.

Safnið er opið öllum sem hafa gaman að gömlum leikföngum en við biðjum gesti um að snerta ekki leikföngin.

Baukurinn er fyrir frjáls framlög og eru þau vel þegin og fara til að halda safninu við.

Ferðagjöf

Langabúð-Byggðasafn - Ríkarðssafn

Búð I, 765 Djúpivogur

Langabúð er reist á grunni eldra húss og þar sem Langabúð stendur hefur verið verslun frá árinu 1589 er Þýskir kaupmenn frá Hamborg hófu verslunarrekstur á Djúpavogi.

Langabúð hýsir safn Ríkarðs Jónssonar, ráðherrastofu Eisteins Jónssonar og minjasafn. Þar er einnig rekið yndælis kaffihús ásamt minjagripasölu.

Sagnagarður, fræðslu- og kynningarsetur Landgræðslunnar

Gunnarsholt, 851 Hella

Í Sagnagarði, fræðslu- og kynningarsetri Landgræðslu ríkisins, er sögu landeyðingar og landgræðslu á Íslandi gerð skil í máli og myndum. Sagt er frá baráttu við óblíð náttúruöfl og afleiðingar ósjálfbærrar landnýtingar og náttúruhamfara. Greint er frá 100 ára sögu landgræðslustarfs á Íslandi og lýst helstu verkefnum í endurheimt landgæða og vistkerfa, gróðurvernd og alþjóðlegu samstarfi.

Opið alla daga 1/6 til 31/8 frá kl. 10-17.

Aðgangur er ókeypis, en gjald er innheimt ef óskað er eftir leiðsögn. Panta þarf leiðsögn með þriggja daga fyrirvara.

Vinsamlega hringið í síma 488 3000 til að bóka leiðsögn og fá nánari upplýsingar.

Dellusafnið

Hafnarstræti 11, 425 Flateyri

Dellusafnið er safn utan um hina ýmsu safnaradellu. Í safninu sameinast mörg ólík einkasöfn einstaklinga og má þar nefna lögregluminjasafn sem hefur m.a. að geyma yfir 100 lögregluhúfur frá ýmsum löndum ásamt öðrum lögreglutengdum munum. Á Dellusafninu er vinnuvélamódelasafn með uppsettum vinnusvæðum. Gríðarmikið sykurmolasafn sem telur nokkur hundruð sérpakkaða sykurmola og sykurbréf sem og alþjóðlegt teskeiðasafn með á annað hundruð teskeiðum. Einnig ber fyrir augu tóbakspakka og elspýtustokkasafn frá hernámsárunum á Flateyri, smáflöskusafn, salt og piparstauka safn, kveikjarasafn og fleira. Á Dellusafninu ættu allir fjölskyldumeðlimir að finna eitthvað spennandi við sitt hæfi.

1. júní-20. ágúst: Alla daga 13-17,
Á öðrum tímum eftir samkomulagi
Aðgangur: 1.000 kr., 12 ára og yngri frítt, eldri borgarar og öryrkjar 700 kr.

Listasafn Einars Jónssonar

Hallgrímstorg 3, 101 Reykjavík

Einar Jónsson (1874-1954) var fyrsti íslenski myndhöggvarinn. Með opnun Listasafns Einars Jónssonar árið 1923 eignuðust Íslendingar sitt fyrsta listasafn en aðdragandann að byggingu þess má rekja til 1909, þegar Einar bauð íslensku þjóðinni verk sín að gjöf gegn því að byggt yrði yfir þau safn. Safnbyggingin er í dag alfriðuð.

Á safninu vann listamaðurinn verk sín og sýndi. Listaverk Einars eru í anda norræns symbólisma og á safninu eru varðveitt um 300 verka hans. Í upphafi ferilsins sótti hann innblástur í íslenska þjóðsagnaarfinn og goðfræðileg minni. Kynni Einars af guðspeki 1910 höfðu afgerandi áhrif á líf hans og list og upp frá því skapaði hann myndverk með guðspekilegu táknmáli.

Þakíbúðin, sem nú er hluti af safninu, var heimili Einars og Önnu konu hans. Anna var jafnframt fyrsti safnstjóri Listasafns Einars Jónssonar. Íbúð þeirra hjóna er varðveitt í upprunalegri mynd með sérsmíðuðum húsgögnum og listaverkum úr þeirra eigu. Þaðan er fallegt útsýni yfir borgina. Við safnið er einnig opinn og fjölsóttur höggmyndagarður með 26 bronsafsteypum af höggmyndum Einars.

Opnunartími
Listasafn Einars Jónssonar er opið þriðjudaga-sunnudaga kl. 10-17. Lokað á mánudögum. Garðurinn er alltaf opinn.
Leiðsögn og móttaka hópa eftir samkomulagi.

Til að finna okkur á Facebook, vinsamlegast smellið hér.
Til að finna okkur á Instagram, vinsamlegast smellið hér.

Heimilisiðnaðarsafnið

Árbraut 29, 540 Blönduós

Heimilisiðnaðarsafnið á Blönduósi er eina sérgreinda textílsafnið á Íslandi. Safnið er í glæsilegu húsi þar sem aðgengi gesta er með ágætum. Munir safnsins mynda nokkrar ólíkar og sjálfstæðar sýningar: útsaumssýning, sýning á íslenskum þjóðbúningum, Halldórustofa sem helguð er lífi og starfi Halldóru Bjarnadóttur (1873-1981), ullarsýning og árlega ný sérsýning íslensks textíllistafólks.

Sérsýning ársins 2020 heitir Spor en það er listahópurinn Arkir sem stendur að sýningu á textílbókverkum.


Opnunartími

Virkir dagar: Laugardagar: Sunnudagar:
1. júní - 31. ágúst: 10:00-17:00 10:00-17:00

10:00-17:00

Ósvör Sjónminjasafn

Óshlíðarvegur, 415 Bolungarvík

Ósvör er tvöföld 19. aldar verbúð. Þar er til sýnis áraskipið Ölver með öllum búnaði. Í öðru húsinu eru veiðarfæri og önnur tæki og tól sem notuð voru við fiskveiðar á öldum áður, en í hinu húsinu er sýndur aðbúnaður sjómanna í veri. Í Ósvör er einnig fiskihjallur og safnvörður leiðbeinir gestum klæddur skinnklæðum.

Opnunartími 2018:

Virkir dagar:

Laugardagar:

Sunnudagar:

1. júní - 17. ágúst:

09:00-17:00

10:00-17:00

10:00-17:00

Vetraropnun:

Eftir samkomulagi

Eftir samkomulagi

Eftir samkomulagi


Gjaldskrá:

Fullorðnir……………………………………………………………1.200,-

Börn 16 ára og yngri………………………………........…...frítt,-

Byggðasafnið í Görðum Akranesi

Garðaholt 3, 300 Akranes

Byggðasafnið í Görðum býður gestum einstaka innsýn í liðna tíma en jafn heildstæð sýning er fágæt á landsvísu. Sýningar safnsins eru afar fjölbreyttar, m.a. í nokkrum húsum sem sum hafa verið flutt á svæði safnsins en á safninu eru einnig sérstakt kvikmyndarými og sýningarými fyrir skammtímasýningar. Í fastasýningum safnsins er fjallað um lífið til sjós, í landi, við vinnu og í leik. Heimsókn á Byggðasafnið í Görðum leikur við öll skilningarvit gesta.

Opnunartími Virkir dagar: Laugardagar: Sunnudagar:
02. júní - 15. september: 10:00-17:00 10:00-17:00 10:00-17:00
á öðrum tímum eftir samkomulagi
Ferðagjöf

Pönksafn Íslands

Bankastræti , 101 Reykjavík

Þjóðminjasafn Íslands

Suðurgata 41, 101 Reykjavík

Í Þjóðminjasafni Íslands er grunnsýningin, Þjóð verður til - menning og samfélag í 1200 ár. Þar er saga þjóðarinnar sögð, allt frá landnámi til okkar daga.

Sérsýningar safsnins eru fjölbreyttar og þeim ætlað að höfða til mismunandi hópa. Flestar þeirra byggja á safneigninni og rannsóknum fræðimanna á henni. Sérsýningar eru í Bogasal og í Horninu, í Myndasal og á Veggnum auk smærri sýninga á Torgi. Tekið er mið af gestum á öllum aldri en hljóðleiðsögn og ratleikir eru ítarefni sem veita innsýn í sögu íslensku þjóðarinnar frá landnámi til samtímans.

Þjóðminjasafnið býður reglulega leiðsagnir fyrir börn og fullorðna en einnig eru haldnir fyrirlestrar í safninu. Í safninu er Safnbúð með fjölbreyttu úrvali af íslenskri hönnun. Einnig er kaffihúsið Kaffitár. Aðgangur í Þjóðminjasafnið gildir einnig í Safnahúsið við Hverfisgötu.

Ferðagjöf

Hvalasafnið á Húsavík

Hafnarstétt 1, 640 Húsavík

Hvalasafnið á Húsavík var stofnað árið 1997. Meginmarkmið þess er að miðla fræðslu og upplýsingum um hvali og búsvæði þeirra.

Í 1.600 m2 sýningarrými er að finna beinagrindur af mörgum tegundum hvala og heillandi upplýsingar um þessi stærstu dýr jarðar.

Opnunartími Virkir dagar: Laugardagar: Sunnudagar:
1. júní - 30. september: 09:00-19:00 09:00-19:00 09:00-19:00
Október - maí: 10:00-17:00 10:00-17:00 10:00-17:00
ATH: Lokað um helgar frá nóvember og út febrúar

Náttúrugripasafn Bolungarvíkur

Vitastígur 3, 415 Bolungarvík

ATH: Náttúrugripasafnið verður lokað sumarið 2020 vegna breytinga.

Á Náttúrugripasafninu eru selir og villt landspendýr Vestfjarða til sýnis og hvítabjörn sem veiddur var fyrir utan Vestfirði.
Þar eru yfir 250 fuglar af 169 tegundum og ýmsum litarafbrigðum. Egg flestra varptegunda og hrafnshreiður.
Steinasafn kemur að grunni til frá Steini Emilssyni en einnig frá öðrum söfnurum. Skeljar og surtarbrandur sem sýnir hve gríðarstór tré uxu á Íslandi fyrir langa löngu. Kjálkabein úr líklega stærsta steypireiði sem veiddur hefur verið og er hluti af samstarfssýningu Náttúrugripasafns Bolungarvíkur og Skrúðs í Dýrafirði en beinin stóðu þar í tæp 80 ár. Ný sýning er í gangi tengd hrafninum og hvernig hann hefur tengst okkur í gegn um menningu öldum saman.

Opnunartími 2018

Virkir dagar:

Laugardagar:

Sunnudagar:

1. júní - 17. ágúst:

09:00 -17:00

10:00 -17:00

10:00 -17:00

Vetraropnun 2017-2017:

09:00 -16:00

Eftir samkomulagi

Eftir samkomulagi

Gjaldskrá:

Fullorðnir……………………………………………………………1.000,-

Börn 16 ára og yngri………………………………........…..frítt,-

Sameiginlegur miði fyrir Náttúrugripasafn Bolungarvíkur & Ósvör
Fullorðnir …………………………………………………………1.600,-

Þingeyrakirkja

Þingeyrum, 541 Blönduós

Ein merkasta kirkja landsins stendur á Þing­eyrum í Austur-Húnavatnssýslu. Kirkjan var vígð árið 1877. Margir góðir gripir prýða kirkjuna og þeirra elstir eru altaristaflan sem er frá því á 15. öld, predikunarstóll og skírnarfontur frá því um aldamótin 1700. Þingeyri var höfðingja­setur um aldir og er nefnt í fornsögum sem dómstaður Húnaþings. Þar má finna leifar af hlöðnum dómhring sem nú er friðlýstur. Munkaklaustur var stofnað á Þingeyrum árið 1133 og stóð það fram til 1550.

Opið 10-17 alla daga

Opið eftir samkomulagi á veturna.

Listasafn Árnesinga

Austurmörk 21, 810 Hveragerði

Gæðastundir á gefandi stað! Litríkt merkið endurspeglar fjölbreytta starfsemi safnsins.
Í fjórum rúmgóðum sýningarsölum er settar upp vandaðar sýningar, innlendar og erlendar, sem endurspegla menningararfleifð okkar og mótun hennar í dag. Hverri sýningu er fylgt úr hlaði með sýningarskrá, upplýsingum og fræðslu- og afþreyingardagskrá.

Við tökum vel á móti gestum okkar. Fyrir utan sýningarsali er setkrókur með margvíslegurm upplýsingaritum um myndlist, leiksvæði fyrir börn og notaleg kaffistofa.

Safnið er í eigu sveitarfélaganna átta í Árnessýslu og er viðurkennt af Safnaráði Íslands.

Listasafn Árnesinga á Facebook

Opnunartími Virkir dagar:
Laugardagar: Sunnudagar:
1. maí - 30. september: 12:00-18:00 12:00 - 18:00 12:00 - 18:00
1. október - 30. apríl: Fim.-Sun.: 12:00-18:00 12:00 - 18:00 12:00 - 18:00
Lokað í mánuð um jól og áramót.

Þekkir þú Nonna? Vissir þú að í því var einu sinni skóli? Þar bjuggu um tíma fjórar fjölskyldur í einu? Þar var gistihús og veitingasala um tíma? Nonnahús geymir margar sögur. Stærst þeirra er saga Nonna og fjölskyldu hans.

Nonnahús er bernskuheimili barnabókarithöfundarins og jesúítaprestsins Jóns Sveinssonar "Nonna". Húsið er meðal þeirra elstu á Akureyri, byggt upp úr 1850. Safnið geymir marga muni tengda Nonna, m.a Nonnabækur á fjölmörgum tungumálum. Húsið sjálft hefur verið varðveitt sem dæmigert kaupstaðarheimili þessa tíma.

Nonni flutti 12 ára frá Akureyri einn síns liðs sumarið 1869 til að fara í skóla í Frakklandi og varð þekktur rithöfundur barnabók um víðaveröld. Þannig varðveitir safnið bækur frá yfir 30 löndum t.d. á kínversku og japönsku, pólsku og esperantó.

Nonnahús er á meðal þeirra elstu á Akureyri byggt um 1850 og varðveitt sem kaupstaðarheimili og þess tíma og safn um Nonna. Síðasti íbúi Nonnahúss flutti úr húsinu 1945 en Nonnahús hefur verið safn síðan 1957.

Nonnahús er á sömu lóð og Minjasafnið og einungis 200 metrum frá Leikfangahúsinu.

Opnunartími:
1.6.-30.9.: Daglega frá 10-17.
1.10-31.5.: Daglega frá 13-16.

Verð:
Stök heimsókn 1800 kr. fyrir 18 ára og eldri - Börn 17 ára og yngri ókeypis, Öryrkjar ókeypis. Eldri borgarar 900 kr.
Minjasafnið allt árið 2200 kr. sem gildir á Minjasafnið á Akureyri, Nonnahús, Leikfangahúsið, Davíðshús og Laufás.

Skjálftinn 2008

Sunnumörk 2, 810 Hveragerði

Skjálftinn 2008, sýning í verslunarmiðstöðinni Sunnumörk Hveragerði
Skjálftinn 2008
Kl. 15:45 þann 29. maí 2008 varð öflugur jarðskjálfti suðaustur af Hveragerði. Stærð hans var 6,3 á Richterskvarða. Einhver slys urðu á fólki en engin alvarleg. Almannavarnir lýstu þegar yfir hæsta viðbúnaðarstigi í Hveragerði, á Selfossi og í nágrenni vegna hugsanlegra eftirskjálfta. Töluverðar skemmdir urðu á þeim svæðum sem næst lágu upptökunum einkum innandyra þegar húsgögn og aðrir lausamunir köstuðust til. Ummerki skjálftanna sjást víða á yfirborði jarðar. Skriður féllu úr fjallshlíðum og hveravirkni jókst. Sýnilegar sprungur mynduðust, flestar sprungurnar á Reykjafjalli.
Á sýningunni er gerð grein fyrir orsökum og afleiðingum jarðskjáftans í maí 2008 í Hveragerði. Á sýningunni má sjá reynslusögur íbúa, upplýsingar um áhrif skjálftans á hús, nánasta umhverfi og innbú bæjarbúa. Á sjónvarpsskjáum má sjá upptökur úr eftirlitsmyndavélum, ljósmyndir frá bæjarbúum og upplýsingar frá Jarðskjálftamiðstöð Háskóla Íslands. Hægt er að upplifa jarðskjálfta í jarðskjálftahermir sem er yfir 6 á richter. Jarðskjálftasprunga sem fannst við byggingu hússins 2003 er upplýst og á sýningunni.
Aðgangur að sýningunni er ókeypis en greiða verður fyrir upplifun í jarðskjálftaherminn.

Bjarnarhöfn

Helgafellssveit, 340 Stykkishólmur

Á Hákarlasafninu í Bjarnarhöfn er tekið vel á móti ferðamönnum, bæði einstaklingum og hópum allt árið. Þar má sjá ýmsa muni frá gömlum búskaparháttum sem og veiðum og verkun hákarlsins.

Innifalið í aðgangseyri á Hákarlasafnið er lifandi leiðsögn þar sem saga, lífræði og verkun hákarlsins eru gefin góð skyl. Gestir fá smakk á hákarl og einnig býðst gestum að skoða hákarlahjallinn.

Á staðnum er einnig verslun sem selur hákarl og harðfisk.

Opið á sumrin daglega frá 9-18. Á veturnar er opið daglega frá 10-17.

Hversdagssafn

Hafnarstræti 5, 400 Ísafjörður

Hversdagssafnið á Ísafirði er heillandi heimur hins daglega lífs. Þar eru sagðar sögur af atburðum eða stundum í lífi fólks sem fanga fegurð hvunndagsins á töfrandi hátt.

Á safninu fá gestir aðgang að lífi heimamanna, minningum þeirra og frásögnum, sögum sem vekja gleði, sorg og gefa innsýn í horfna veröld. Sýningar safnsins eru settar fram á margvíslegan og gagnvirkan hátt sem gerir heimsóknina bæði minnisstæða og skemmtilega.

Opnunartími 1. júní til 15. september:
Virkir dagar 12:00-16:00
Laugardagar 11:00-14:00
Sunnudagar Lokað
Einnig er opið eftir samkomulagi.

Aðgangur:
700 krónur fyrir fullorðna, frítt fyrir börn undir 16 ára.

Ferðagjöf

Skrímslasetrið

Strandgata 7, 465 Bíldudalur

Í Skrímslasetrinu er haldið utan um skrímslasögur sem lifað hafa með þjóðinni í gegnum aldirnar. Sagt er frá viðureignum manna og skrímsla á nýstárlegan og spennandi hátt. Skemmtileg umgjörð sýningarinnar hefur vakið hrifningu gesta og komið skemmtilega á óvart.

Opið frá kl. 10 - 18 alla daga frá 1. júní til 31. ágúst
Aðgangseyrir 1.300 krónur.
10 ára og yngri fá frítt inn í fylgd með fullorðnum.

Sjóminja- og smiðjumunasafn Jósafats Hinrikssonar

Egilsbraut 2, 740 Neskaupstaður

Safnið var stofnað af vélstjóranum og athafnamanninum Jósafat Hinrikssyni sem ættaður var frá Neskaupstað. Safnið byggir á munum sem tilheyra sjávarútvegi, járn- og eldsmíði, bátasmíði og gömlum atvinnuháttum. Einnig geymir safnið eftirlíkingu af eldsmiðju Hinriks Hjaltasonar, föður Jósafats, þar sem Jósafat lærði og hóf starfsferil sinn.

Safnið er áhugaverð heimild um framkvæmdir og smíðatækni fyrri ára. Það var áður til húsa í Súðavogi 4 í Reykjavík, þar sem Vélaverkstæði J. Hinrikssonar var til húsa. Árið 2000 afhentu erfingjar Jósafats Fjarðabyggð safnið til varðveislu í Neskaupstað.

Safnið er eitt af þremur söfnum Safnahússins í Neskaupstað og er á 2. hæð hússins.

Safnið er opið alla daga kl. 13:00-21:00 (maí-ágúst) eða eftir samkomulagi á öðrum árstímum.

Snorrastofa Reykholti

Reykholt, 320 Reykholt í Borgarfirði

Reykholt í Borgarfirði er einn sögufrægasti staður landsins. Þar er eitt elsta mannvirki á Íslandi, Snorralaug.

Snorrastofa var reist til minningar um Snorra Sturluson og einstæð verk hans. Stofnunin vinnur að rannsóknum í miðaldafræðum og sögu Borgarfjarðar og miðlar þekkingu með sýningum, ýmsum viðburðum, ráðstefnuhaldi og bókaútgáfu. Einnig er þar safnabúð með íslensku handverki, listmunum og bókum um sagnfræði og bókmenntir.

Gamla kirkjan í Reykholti var reist 1885-86 og var í notkun sem sóknarkirkja til 1996. Hún tilheyrir nú húsasafni Þjóðminjasafns Íslands sem annast viðgerð hennar. Snorrastofa sér um gömlu kirkjuna á vegum Þjóðminjasafns, en hún er opin gestum staðarins.

Nýja kirkjan í Reykholti var vigð 28. júli 1996. Hún er rómuð fyrir góðan hljómburð og eru þar haldnir tónleikar allt árið. Hápunktur tónleikahalds er Reykholtshátið, sem haldin er í lok júli ár hvert.

Í Snorrastofu er gestahúsnæði fyrir gesti Snorrastofu og Reykholtskirkju og aðstaða fyrir ráðstefnur og mannamót. Snorrastofa er einnig svæðismiðstöð fyrir upplysingar um næsta nágrenni.
Opið: Virkir dagar: Laugardagar: Sunnudagar:
1. maí - 31. ágúst: 10:00-17:00 10:00-17:00 10:00-17:00
1. september - 30. apríl: 10:00-17:00 Lokað Lokað
Opið eftir samkomulagi um helgar yfir veturinn.

Svavarssafn - Listasafn Svavars Guðnasonar

Hafnarbraut 27, 780 Höfn í Hornafirði

Listasafn Svavars Guðnasonar á Hornafirði opnaði við hátíðlega athöfn föstudaginn 24. júní 2011. Safnið er staðsett í Ráðhúsi Hornafjarðar og opnunarsýningin var á verkum Svavars Guðnasonar, en sveitarfélagið hafði þá nýverið fengið verk Svavars að gjöf frá ekkju hans, Ástu Eiríksdóttur.

Hlutverk Listasafns er að safna listaverkum með sérstakri áherslu á austur-skaftfellska list. Annað meginhlutverk Listasafns er að skrá og varðveita verk í eigu sveitarfélagsins og stofnana þess.

Kjarni safneignar Listasafnsins samanstendur af verkum Svavars Guðnasonar og fleiri hornfirskra málara og á safnið nú yfir 500 verk.

Listasafnið stendur fyrir minnst þremur fjölbreyttum sýningum árlega. Á sumrin leggur safnið áherslu á verk Svavars Guðnason. Á haustin eru fræðslutengdar sýningar og á vorin list frá Hornafirði eða tengd svæðinu.

Allt árið um kring er þó hægt að sjá verk og fræðast um Svavar í Ástustofu. Þar sem eru myndbönd, fjölbreitt fræðandi lesefni og listaverk. Svavarssafn er staðsett í Ráðhúsinu á Höfn. Safnið tilheyrir Menningarmiðstöð Hornafjarðar.

Opnunartími:
Vetur
09-12 & 13-15 alla virka daga

Sumar
09-12 & 13-15 alla virka daga
1.júní - 31. ágúst helgaropnun 13-17

Nönnusafn

Berufjörður 1, 765 Djúpivogur

Listasafn Reykjanesbæjar miðlar myndlist með fjölbreyttu sýningarhaldi, fyrirlestrum, leiðsögn, útgáfu og miðlun á vefnum www.listasafn.reykjanesbaer.is . Safnið stendur fyrir nokkrum nýjum sýningum ár hvert í sýningarsal Listasafnsins í Duus Safnahúsum.

Fyrir sumarið voru opnaðar 2 nýjar sýningar hjá Listasafni Reykjanesbæjar. Sumarsýningarnar í ár eru Gerðið eftir Steingrím Eyfjörð og Af hug og hjarta eftir Harald Karlsson.

Opið er alla daga kl. 12:00 -17:00.

Lyfjafræðisafnið í Nesi

Safnatröð 3, 170 Seltjarnarnes

Lyfjafræðisafnið hefur safnað bæði munum, myndum, bókum og skjölum, sem tengjast sögu lyfjafræðinnar og stefnt er að áframhaldandi söfnun. Í safninu eru til sýnis helstu tæki, sem notuð hafa verið til lyfjagerðar, þó er stærsti hlutinn frá fyrri hluta síðustu aldar. Einnig eru í safninu sýnishorn af apóteksinnréttingum frá fyrstu tugum síðustu aldar.

Lyfjafræðisafnið er sjálfseignarstofnun í tengslum við Lyfjafræðingafélag Íslands. Í stjórn safnsins eru lyfjafræðingar, kosnir á aðalfundi Lyfjafræðingafélagsins til fjögurra ára í senn. Safnhúsið er skuldlaus eign allra lyfjafræðinga á Íslandi.

Lyfjafræðisafnið er opið frá 1. júní til 1. september: þriðjudaga, fimmtudaga, laugardaga og sunnudaga frá kl. 13.00 ? 17.00 og á öðrum tímum samkvæmt samkomulagi.

Sesseljuhús umhverfissetur

Sólheimar, 805 Selfoss

Sesseljuhús umhverfissetur er fræðslusetur um umhverfismál og sýningarhús um sjálfbærar byggingar. Þar fer fram alhliða fræðsla um umhverfismál og haldin námskeið fyrir nemendur á grunn- og háskólastigi. Auk þess eru þar málþing, fundir og námskeið þar sem allir eru velkomnir. Sýningar um umhverfismál eru jafnframt haldnar allan ársins hring.
Í húsinu er afbragðs aðstaða til funda-, námskeiðs- og ráðstefnuhalds.

Gamla sjúkrahúsið - Safnahúsið

Eyrartún, 400 Ísafjörður

Ísfirskt menningarhús sem hýsir bókasafn, listasafn, ljósmyndasafn og skjalasafn.

Hernámssetrið

Hvalfjarðarströnd, 301 Akranes

Á Hernámssetrinu er rakin einstök og merkileg saga hernáms á árunum 1940 til 1945, saga sem breytti friðsælli sveit í umgjörð heimsviðburða og skipti sköpum fyrir sigur bandamanna í síðari heimsstyrjöld. Þar getur að líta vandað safn minja og minninga sem tengjast sögu hernáms í Hvalfirði á þessum örlagaríku umrótatímum.
Hernámssetrið rekur sögu hersetunnar og skipalest- anna, sem lögðu upp í langa og erfiða siglingu frá bækistöðinni í Hvalfirði, og gefur innlendum og erlendum ferðamönnum kost á að kynna sér þessa sögu og arfleifð hennar.

Einnig kaffihús, þar sem boðið er upp á léttar veitingar, kaffi og kökur.

Opið 1. júní - 26. ágúst: miðvikudaga, fimmtudaga og föstudaga frá 13:00 til 17:00 og laugardaga og sunnudaga frá 10:00 til 17:00. Lokað mánudaga og þriðjudaga.

Stórt tjaldsvæði fyrir tjöld, hjólhýsi, fellihýsi og tjaldvagna. Á tjaldsvæðinu er hægt að komast í rafmagn, auk þess sem þar eru tvö tunnugrill, leiksvæði fyrir börnin og góð salernisaðstaða, auk þess sem hægt er að fara í sturtu og vaska upp undir berum himni. Aðstaða er fyrir tæmingu salerna frá húsbílum. Tjaldsvæðið er opið frá 1. júní til 26. ágúst.

Náttúrugripasafnið Neskaupstað

Egilsbraut 2, 740 Neskaupstaður

Safnið hefur að geyma flesta íslenska fugla auk fjölda flækinga og ágætu fiskasafni með ýmsum sjaldséðum fiskum. Einnig eru í safninu ýmsir gripir af sjávarbotni, þar á meðal mjög gott safn skeldýra. Villtu íslensku spendýrin eiga sína fulltrúa á safninu og þar er einnig mjög gott steinasafn. Þá varðveitir safnið austfirskt plöntuvísindasafn og skordýrasafn.

Náttúrugripasafnið í Neskaupstað var stofnað 1965. Upphafsmaður að stofnun safnsins var Bjarni Þórðarson þáverandi bæjarstjóri. Hjörleifur Guttormsson líffræðingur var fyrsti forstöðumaður safnsins og vann að uppsetningu þess. Fyrsta sýningin var opnuð í Gagnfræðaskólanum í Neskaupstað sumarið 1970.

Unnið hefur verið að umhverfisrannsóknum á vegum Náttúrustofu Austurlands, m.a. á hálendinu Norðaustan Vatnajökuls vegna virkjanaframkvæmda og annast stofan eftirlit og ráðgjöf vegna mannvirkjagerðar fyrir Náttúruvernd ríkisins. Á árinu 2002 tók Náttúrustofa Austurlands við rekstri safnsins af Fjarðabyggð.

Safnið er eitt af þremur söfnum Safnahússins í Neskaupstað og er á þriðju og efstu hæð hússins.

Safnið er opið alla daga kl. 13:00-21:00 (maí-ágúst) eða eftir samkomulagi á öðrum árstímum.

Ljósbrá - Steinasafn

Fákasel, Ingólfshvoli í Ölfusi, 816 Ölfus

Eitt stærsta steinasafn í einkaeigu á Íslandi. Hér er hægt að kíkja í heimsókn og upplifa faglega sem og heimilislega jarðfræðisýningu þar sem helstu jarðnesku dýrðgripir eru til sýnis. Fjallað verður um ævistarf hjóna sem bjuggu víðsvegar um landið og voru miklir frumkvöðlar í ferðaþjónustu og söfnuðu gersemum vítt og breytt um landið. Staðsetning sýningarinnar er ekki af verri endanum en sýningin er til húsa í Fákaseli, rétt austan við Hveragerði. Einn af fyrstu viðkomustöðunum austur af Reykjavík. :)

Íslensk náttúra á einum stað!


Opnunartímar:

Safnið er opið alla daga kl. 12-22
Handverksbúðin er opin 9-17 á virkum dögum og 12-17 á laugardögum.

Breiðdalssetur

Gamla Kaupfélagið, 760 Breiðdalsvík

Breiðdalssetur - Jarðfræðasafn G.P.L.Walker hýsir starfsemi af þrennum toga: Jarðfræðisetur þar sem rannsóknir og fræðistörf enska jarðfræðingsins G. Pl. Walkers eru höfð í hávegum en hann sinnti ötullega rannsóknum á jarðfræði svæðisins, málvísindasetur til heiðurs dr. Stefáni Einarssyni og rannsóknum hans á íslenskri tungu og loks byggðasafn helgað Breiðdalsvík og byggðunum í kring.

Breiðdalssetur er í Gamla Kaupfélaginu á Breiðdalsvík, elsta húsið í þorpinu, byggt árið 1906. Starfsemi Breiðdalsseturs er á sviði jarðfræði, málvísinda og sögu.

Sem stendur eru sýningar um:

  1. Sögu og uppbyggingu Breiðdalsvíkur,
  2. Fjallað er um rithöfundinn og málvísindamanninn dr. Stefán Einarsson frá Höskuldsstöðum í Breiðdal, en lengst af var prófessor við John Hopkins háskólann í Baltimore, USA
  3. Sýning um jarðfræði Austfjarða
  4. Sýning og umfjöllun um hinn heimskunna jarðfræðing Prof. dr. George P. L. Walker. Hann var einn þekktasti eldfjallafræðingur heims á seinni hluta 20. aldar og rannsakaði jarðfræði Austurlands í 10 ár, milli 1955 og 1965. Hann varð síðan heiðursdoktor við Háksóla Íslands. Öll arfleifð Walkers er varðveitt í Breiðdalssetri.

Opnunartími Breiðdalsseturs sumarið 2020:

Opið alla daga nema sunnudaga milli kl. 12 og 16 frá 10. júní til loka ágústmánaðar.

Aðgangur sumarið 2020 er ókeypis.

Náttúrugripasafn Fjallabyggðar

Aðalgata 14, 625 Ólafsfjörður

Náttúrugripasafn Fjallabyggðar á Ólafsfirðier fyrst og fremst fuglasafn og þykir mjög gott sem slíkt. Safnið býr yfir allflestum fuglategundum landsins, en einnig er þar að finna eggjasafn, vísi að plöntusafni, ísbjörn sem skotinn var á Grímseyjarsundi, sjaldgæfa fiska úr Ólafsfjarðarvatni eins og Hnúðlax og Röndung og margt fleira.

Náttúrugripasafni Fjallabyggðar á Ólafsfirði var komið upp árið 1993. Ari Albertsson fuglaáhugamaður stoppaði upp megnið af fuglum safnsins og sá um uppsetningu þess. Þá gáfu afkomendur Jóns Sigurjónssonar og Birnu Finnsdóttur frá Ytri-Á á Kleifum safninu eggja og fuglasafn þeirra hjóna.

Opnunartími Virkir dagar:
Laugardagar: Sunnudagar:
1. júní - 31. ágúst: 13:00-17:00 13:00-17:00 13:00-17:00
Lokað á mánudögum.

Ferðagjöf

Hótel Laugarhóll

Bjarnarfjörður, 520 Drangsnes

AÐSTAÐA

Hótel Laugarhóll er heimilislegt, sveitahótel í gróðursælum dal á Ströndum, miðja vegu milli Ísafjarðar og Reykjavíkur. Boðið er upp á gistingu í eins, tveggja og þriggja manna herbergjum, með eða án sér baðs. Einnig er tekið er á móti hópum, allt að 40 manns í uppbúin rúm. Á Laugarhóli er að finna notalega setustofu með nettengingu, veitingastað, íþróttasal og gallerí, sundlaug og heitan pott. Skammt frá hótelinu er tjaldsvæði með rennandi vatni og salernum. Tjaldsvæðið er opið frá 1. júní til 1. september.

Utan háannatíma hentar staðurinn einstaklega vel til funda-, námskeiða- og ráðstefnuhalds og ekki síður sem æfingabúðir fyrir kóra, leik- og íþróttahópa, björgunarsveitir eða gönguskíðagarpa,

AFÞREYING

Við hótelið stendur Gvendarlaug hins góða, ylvolg sundlaug, með náttúrulegu heitu vatni (32°C) og náttúruleg heit uppspretta (42°C), vinsæll viðkomustaður hjá lúnum ferðalöngum. Í næsta nágrenni eru fjölbreyttar og fallegar gönguleiðir, silungsveiði, hestaleiga, sjóstangveiði og lundaskoðun, ósnert og víða stórbrotin náttúra og ævintýralegar rekafjörur sem eru eitt helsta tákn Strandasýslu.

VEITINGASTAÐUR

Boðið er uppá veitingar í björtum og notalegum borðsal með útsýni yfir sveitina. Þar má gæða sér á bragðgóðum, heimilislegum mat úr héraði í bland við framandi rétti. Á boðstólum er að jafnaði ferskt sjávarfang, heimalagaðar súpur og nýbakað brauð, ásamt grænu salati og kryddjurtum úr garðinum, að ógleymdum girnilegum eftirréttum.

KOTBÝLI KUKLARANS

Strandir hafa löngum verið kenndar við galdra og í Bjarnarfirði bjó Svanur galdramaður á Svanshóli sem getið er í upphafskafla Njálu. Kotbýli kuklarans er annar áfangi Galdrasafnsins á Hólmavík og stendur við hlið Gvendarlaugar. Það sýnir vel þær aðstæður sem almúgafólk á Ströndum bjó við á tímum galdrafársins og fátæklegur aðbúnaðurinn útskýrir ef til vill þörf þess til að sækja sér styrk í kukl.

GVENDARLAUG HINS GÓÐA

Sundlaugin á sér merka sögu en hún var byggð á fimmta áratug síðustu aldar með sameiginlegu átaki bænda úr hreppnum. Nýleg sundskýli eru við laugina og í anddyri þeirra er sýning sem greinir í máli og myndum frá byggingu laugarinnar.

GVENDARLAUG HIN FORNA

Skammt ofan við sundskýlin er Gvendarlaug hin forna, náttúruleg heit uppspretta, blessuð í byrjun 13. aldar af Guðmundi góða fyrrum Hólabiskupi. Hún er talin búa yfir lækningamætti og er nú friðuð og í umsjá Þjóðminjasafns Íslands.

STAÐSETNING

Frá Reykjavík er rúmur þriggja stunda akstur (258 km) að Laugarhóli, gegnum Borgarnes og Búðardal til Hólmavíkur. Þaðan liggur leiðin fyrir botn Steingrímsfjarðar og yfir Bjarnarfjarðarhálsinn. Hótel Laugarhóll er við veg nr. 643.

Byggðasafn Húnv. & Strandamanna

Reykir, Hrútafjörður, 500 Staður

Byggðasafn Húnvetninga- og Strandamanna býður ykkur velkomin í heimsókn. Safnið er í eigu sveitarfélaga við Húnaflóa og var stofnað fyrir fimmtíu árum síðan. Á safninu er margt einstakra muna sem geyma sögu og menningu byggðalagsins. Þar er fjöldi merkra báta og skipa og ber þar hæst hákarlaveiðiskipið Ófeig úr Ófeigsfirði á Ströndum. Einnig er inni á safninu baðstofa frá Syðsta-Hvammi við Hvammstanga auk fjölda fallegra og merkra muna sem tengjast lífinu til sjávar og sveita frá seinni hluta nítjándu til fyrri hluta tuttugustu aldar.

Velkomin á safn í sókn!

Þjónustugjald: 1000 kr fyrir fullorðna, 700 kr fyrir öryrkja og eldriborgara. Ókeypis fyrir börn.

Opið alla daga milli 09 og 17. Yfir vetrartímann er opið eftir samkomulagi.

Víkingaheimar

Víkingabraut 1, 260 Reykjanesbær

Víkingaheimar í Reykjanesbæ er glæsilegt sýningahús sem hýsir nú fimm áhugaverðar sýningar þar á meðal víkingaskipið Íslending sem sigldi til Ameríku árið 2000. Húsnæðið er hannað af hinum margverðlaunaða arkitekt Guðmundi Jónssyni. Nútímaleg hönnun þess undirstrikar fegurð Íslendings.
Við bjóðum upp á morgunverð frá klukkan 07. Á kaffiteríunni okkar er kjörið að gæða sér á léttum veitingum, súpu eða bara njóta útsýnisins yfir Faxaflóann. Aðgengi að safninu er góður fyrir fólki sem á erfitt með gang eða háð hjólastól/göngugrind. Gjafavara, ráðstefnu- og móttökusalir fyrir öll tækifæri og útisvæði fyrir víkingahátíðir eru einnig til staðar.

Sýningar:

Örlög guðanna
Sýning um norræna goðafræði og goðsögur. Gesturinn er leiddur í gegnum þennan forna hugmyndaheim og goð og goðheimar birtast ljóslifandi á myndrænan og nýstárlegan hátt þar sem myndlist, frásögn og tónlist fléttast saman í eina heild. Sýningin er samin og unnin af viðurkenndum íslenskum samtímalistamönnum og norrænufræðingum sem þarna leiða saman hesta sína til að skapa glæsilegt og nútímalegt listaverk um fornan menningararf.

Víkingar Norður-Atlantshafsins
Sýning um siglingar og landnám norrænna manna og þátt þeirra í landafundum Norður-Ameríku. Sýningin var unnin í samstarfi við Smithsonian stofnunina í Bandaríkjunum.

Víkingaskipið Íslendingur
Skipið er nákvæm eftirgerð af Gaukstaða skipinu, níundu aldar víkingaskipi og sigldi árið 2000 yfir Atlantshafið til að minnast ferðar Leifs Eiríkssonar til Nýja heimsins þúsund árum fyrr.

Landnám á Íslandi
Merkar fornleifar af Suðurnesjum. Minjar um elstu byggð á Reykjanesi, nánar tiltekið frá Vogi í Höfnum og Hafurbjarnarstöðum.

Söguslóðir á Íslandi
Kynning á helstu söguslóðum Íslands unnin í samstarfi við Samtök um sögutengda ferðaþjónustu. Rúmlega 30 staðir, söfn, sýningar, minjar, hátíðir, mannvirki og slóðir ákveðinna sagna er kynnt hér.

Nánari upplýsingar á www.vikingaheimar.is eða í síma 422-2000.

Sænautasel

Jökuldalsheiði, 701 Egilsstaðir

Sænautasel var byggt á Jökuldalsheiði 1843. Bærinn var í byggð í eina öld. Árið 1861 voru 16 bæir í byggð á heiðinni. Þeir eyddust að mestu í Öskjugosi 1875. Flutt var úr bænum árið 1943. Meðal hinna brottfluttu var ellefu ára snáði, Eyþór, sem vitjar enn þá (2010) átthaganna á sumrin. Þáverandi Jökuldalshreppur endurbyggði bæinn árið 1992. Hluti hans féll árið 2009 og var endurbyggður 2010. Hann er mjög áhugavert safn og aðeins fimm kílómetra að fara frá gamla þjóðveginum, sem liggur um Möðrudalsöræfi og Jökuldalsheiði.

Flestir Íslendingar og margir erlendir aðdáendur Haldórs Kiljan Laxness þekkja söguna um Bjart í Sumarhúsum í skáldverkinu "Sjálfstætt fólk". Hún lýsir lífsbaráttu sjálfstæðs kotbónda á afskekktri heiði. Margir telja að fyrirmynd sögunnar sé komin frá Sænautaseli, því þar átti Halldór næturstað á þriðja áratugi 20. aldar. Hann gekk þangað úr byggð.

Heiðabúskapur var einnig viðfangsefni rithöfundanna Gunnars Gunnarssonar (Aðventa) og Jóns Trausta (Halla og heiðarbýlið).

Ferðaþjónustan, sem er rekin í bænum á sumrin, nær til leiðsögu um bæinn. Þar er sögð saga fólksins, sem bjó á heiðinni og búskaparháttum. Ekki má gleyma því, að heiðarbýlin áttu aðgang að stöðuvötnunum á heiðinni, sem var drjúg búbót. Síðan er hægt að setjast og njóta veitinga í bænum, þar sem komið er fullkomið eldhús, sem er þekkt fyrir góðar lummur og súkkulaði.

Lilja Hafdís Ólafsdóttir
Merki í Jökuldal
701 Egilsstaðir
Sími: 855-5399 / 471-1086
Opið frá 1. júni til 10. september 9-22 og samkvæmt samkomulagi.
jokulsa@centrum.is

Ferðagjöf

Ferðaþjónustan Lýtingsstöðum

Lýtingsstaðir, 560 Varmahlíð

Lýtingsstaðir er skagfirskur sveitabær með hrossarækt, staðsettur 19 km frá þjóðveg 1, sunnan við Varmahlíð. Héðan er stutt á Sprengisand og á Kjalveg. Hestatengd ferðaþjónusta hefur verið rekin á Lýtingsstöðum síðan árið 2000.

Boðið er upp á stuttar hestaferðir fyrir vana og óvana. Lágmarksaldur til að fara í reiðtúr er 6 ára en hægt er að teyma undir börn 3-6 ára heim á hlaði og í kringum torfhúsin okkar. Það er líka hægt að koma bara í smá kynningarheimsókn og hestaknús.

Lýtingsstaðir býður upp á gistingu í þremur gestahúsum (20fm og 41fm) sem hýsa 4-6 manns. Í húsunum er sér baðherbergi með sturtu. Einnig lítið eldhús. Setlaug er á milli húsanna þriggja.

Innblásið af sögu bæjarins var hlaðið gamaldags hesthús, skemma og rétt úr torfi. Torfhúsin eru meistaraverk íslensks handverks og hýsa sýningu með gamaldags reiðtygjum og annað. Hljóðleiðsögn er í boði sem hentar vel frá 6 ára aldri og tekur um það bil 30 mínútur.

Holt - Hús Öldu Halldórsdóttur

Norðurvegur 3, 630 Hrísey

Holt hús Öldu Halldórsdóttur, Austurvegur 35
Alda Halldórsdóttir var fædd árið 1913 og bjó hún í Holti ásamt móður sinni. Mikið af hannyrðum eftir Öldu eru í húsinu einnig er mikið af ljósmyndum af vinum hennar og ættingjum. Í Holti er nú vísir að byggðasafni en Alda ánafnaði Hríseyjarhreppi húsinu eftir sinn dag. Ef áhugi er á að skoða húsið er hægt að hafa samband í síma 695-0077 eða senda fyrirspurn á hrisey@hrisey.net.

Menningarminjasafnið Hlíð

Núpur í Dýrafirði, 471 Þingeyri

Heimili sr. Sigtryggs Guðlaugssonar frá 1930. Opið eftir samkomulagi.

Seljanes - Fornbílar til sýnis

Seljanes, 380 Reykhólahreppur

Frábært safn traktora og bíla sem búið er að gera upp eða verið að vinna við að gera upp.

Opið eftir samkomulagi.

Samansafnið

Sólheimar, 845 Flúðir

Finnið okkur á Facebook hér.

Hjalteyri

Þelamerkurskóli, 601 Akureyri

Hraun í Öxnadal

Þelamerkurskóli, 601 Akureyri

Sýning um æfi Jónasar Hallgrímssonar.

Gallerí Kóbolt

Einarsnes 76, 101 Reykjavík

Keramikverkstæði og gallerí

Skrúður

Núpur, Dýrafjörður, 471 Þingeyri

Myndasafn Minjafélagsins

Vogar, 190 Vogar

Elstu myndirnar eru frá því um 1920 en flestar frá miðbiki 20. aldar. Sem dæmi eru nokkrar myndir frá Stóru Vatnsleysu skráðar á Einar G. Þórðarson (1931-1999) þó svo eigandi myndanna nú sé ekkjan Alice Þórðarson og börn þeirra. Sesselja G. Guðmundsdóttir safnaði myndunum og skráði með styrk frá Menningarráði Suðurnesja árið 2008-2009 sem og hreppsbúum. Myndasafnið er í umsjón Minjafélags Sveitarfélagsins Voga.

Tré og List

Forsæti 5, 801 Selfoss

Safnahúsið

Faxatorg, 550 Sauðárkrókur

Rarik Safnið

Fjarðarsel, 710 Seyðisfjörður

Opnun eftir samkomulagi.

Pakkhúsið

, 565 Hofsós

Gestastofan Eyrarland

Eyrarland, 871 Vík

Íslenski bærinn

Asutur-Meðalholt, 801 Selfoss

Handverkshópurinn Nema-Hvað

Hafnarbyggð 7, 690 Vopnafjörður

Víkingaland

Moldhaugar, 601 Akureyri

Handverksmarkaður

Austurvegur 9, 710 Seyðisfjörður

Opið alla virka daga yfir sumarið og eftir samkomulagi.

Vinahús

Brunnar 18 / Haukur Már Sigurðsson, 450 Patreksfjörður

Gallerí Stöðlakot

Bókhlöðustígur 6, 101 Reykjavík