Beint frá býli

Sælureiturinn er lítið kaffihús sem býður uppá súpu og brauð í hádeginu, kaffi og heimabakað bakkelsi yfir daginn. Við erum með vörur Beint frá býli og handverk úr héraði. Einnig er rekið tjaldsvæði. 

Gisting í tveim íbúðum og húsi með sér heitum potti

Litla-Krossholt: er fyrir 5 manns
Stóra-Krossholt: er fyrir 7 manns
Ægisholt : sér hús með heitum potti, tekur 6-8manns Hnit: 65.521362, -23.400947 (65° 31.282'N, 23° 24.057'W)
ISN93: 296.611, 565.208

 Aðrar vörur: landnámshænu egg, lambakjöt og hangikjöt. 

Í Húsavík hefur verið stunduð sauðfjárrækt í áratugi. Þar er kjötvinnsla, með starfsleyfi frá Heilbrigðiseftirliti Vestfjarða. Þar er unnið úr framleiðslu búsins, bæði lambakjöti og ærkjöti. Kjötið er sagað og vacumpakkað eftir óskum kaupenda. Þá framleiðum við Lostalengjur, sem eru kindavöðvar sem eru léttreyktir og marineraðir í aðalbláberjakryddlegi. Við reykjum líka og seljum hangikjöt. Hjá Húsavík er fuglaskoðunarhús og Matthías er svæðisleiðsögumaður á Ströndum.

Lambakjöt og Lostalengjur frá Húsavík eru á matseðli í Heydal (http://heydalur.is),Café Riis(http://www.caferiis.is ), Kaffi Galdri (http://www.galdrasyning.is). Skammt frá Húsavík er Sauðfjársetrið í Sævangi (http://www.strandir.is/saudfjarsetur/).

Gistingin er í þremur herbergjum með sameiginlegu baðhergergi (tvö salerni og ein sturta) í gömlu uppgerðu húsi sem var byggt 1912 sem prestsetur.
Í sama húsi er kaffihús opið 12:30 -17:00 yfir sumartímann og á neðri hæðinni má einnig finna upplýsingasýningu á vegum Umhverfisstofnunar um Surtarbrandsgil, en þar finnast margra milljón ára gamlir plöntusteingervingar.
Einnig er þar fróðleikur um Hrafna Flóka, sem hafði vetursetu á Barðaströnd, mannvistaleifar frá þeim tíma finnast rétt hjá Brjánslæk, rétt hjá höfninni. En þekktastur er hann fyrir að ganga á Lómfell, sjá fjörð fullan af ís og nefna landið Ísland.

Í tengslum við opnunartíma sýningar er boðið upp á göngur í fylgd landvarðar í gilið eftir því sem hér segir:
Þriðjudaga, miðvikudaga, fimmtudaga, laugardaga og sunnudaga kl. 13:00.

Athugið að uppganga í gilið er óheimil nema í fylgd landvarðar. Frekari upplýsingar eru veittar í síma 822-4080 eða 831-9675.

Fjölbreytt ferðaþjónusta er rekin á sveitabænum Brekkulæk í Miðfirði. Í gegnum árin höfum við skipulagt hestaferðir yfir hálendi Íslands ásamt gönguferðum þar sem áhersla er lögð á náttúru Íslands og sveitina. 

Brekkulækur býður upp á gistingu, veitingar og afþreyingu. Fuglaskoðunarferðir í júní. Hestaferðir og gönguferðir í júní-ágúst. Náttúruskoðunarferðir með lítilsháttar klifri og hellaskoðun. Haustferðir þar sem m.a. er farið í réttir.

Vinsamlegast hafið samband vegna verðlista og bókana.

Endilega heimsækið okkur hér.

Vörur í boði eru: Lambakjöt.

Vinsamlegast hafið samband vegna frekari upplýsinga.

Ljómalind sveitamarkaður er matar- og handverksmarkaður. Áhersla er á matvöru beint frá býli og handverk er unnið af heimafólki. Fjölbreytt úrval er í boði: ferskt ungnautakjöt, ferskur fiskur, kúa- og geitaostar, ís, sultur, leirmunir, skartgripir, munir úr tré og horn, handprjónaðar ullarvörur, handspunnið og litað band og margt fleira.

Opið alla daga frá 10:00 til 18:00.

Smáratún er bóndabýli staðsett við miðri Fljótshlíðinni við veg nr. 261, í 10 mínútna akstursfjarlægð frá Hvolsvelli.

Þriðja kynslóð sömu fjölskyldu býr núna að Smáratúni en ferðaþjónusta hófst þar í smáum stíl árið 1986. Við höfum unnið í samræmi við sjálfbærnisstefnu sem við settum okkur árið 2007 og við hlutum Svansvottun árið 2014.

Við bjóðum uppá gistingu í hótelherbergju, smáhýsum og stærri sumarhúsum. Við erum líka með tjaldsvæði og eldunaraðstöðu fyrir gesti allan ársins hring. Veitingastaðurinn okkar er opinn öllum, bæði fyrir morgunverð og kvöldverð. Við erum stoltir stofnfélagar Beint frá býli og bjóðum uppá matvæli frá býlinu í veitingastað okkar. 

Boðið er upp á gistingu í tveimur húsum sem hvort um sig tekur 4 í gistingu. Annað húsið er með 1 tvíbreytt rúm og 1 koju en hitt er með 2 einbreiðrum og 1 koju. Báðir bústaðir eru tveggja herbergja.

Það er baðherbergi með sturtu og síðan alrými sem inniheldur litla setustofu og eldhús.  Í eldhúsinu er lítil eldavél, ískápur, kaffivlél, eggjasuðutæki, hrisgrjónapottur, örbylgjuofn og eðlilegur búnaður tilheyrandi því s.s pottar, pönnut og borðbúnaður. Veröndin er rúmgjóð og gott pláss til þess að sitja úti. Hægt er að grilla úti á veröndinni.  Útsýnið er mjög fallegt, jökla og fjallasýni. 

Frá okkur er aðeins 12 km til Hafnar þar sem er góð sundlaug, matvöruverslun, veitingastaðir og fleira.   Miðsker er bondabær rett fyrir utan Höfn. þar er kindur, hestar , karföflurækt , Hundar, kettir svo eitthvað sé upptalið. Hér eru tveir ábúendur. Frá Miðskeri er mjög gott útsýni til allra átta.

Á Háafelli er unnið að verndun og viðhaldi geitastofnsins. Gestir fá góðar móttökur hjá geitunum sem eru mjög mannelskar. Frítt kaffi og te á staðnum auk þess fá gestir smakk af geitaostum og pylsu úr geitakjöti auk annarra afurða. 

Hægt er að taka geitur í fóstur og taka þannig þátt í að vernda stofninn. 

Salernisaðstaða. Verslun Beint frá býli. Geitaafurðir, baðvörur, krem, sápur, skinn og minjagripir. 

Opið 1. júní til 31. ágúst frá 11:00 til 18:00 og síðan allt árið eftir samkomulagi. 

Pantanir fyrir hópa á geitur@geitur.is 

Opinn landbúnaður, frá 15. maí - 14. júní, daglega frá 13:00 til 17:00, 15. júní - 14. ágúst, daglega frá 11:00 til 18:00, 15. ágúst - 15. september, daglega frá 13:00 - 17:00 og 16. september - 14. maí samkvæmt samkomulagi.

Hópar panti fyrirfram.

Til sölu rjómaís, skyr og ostar framlett af Rjómabúinu Erpsstöðum. Fjósaskoðun, kynning á starfssemi kúabús, skoða byggingar og húsdýr með leiðsögn ábúenda.

Seld gisting í sumarhúsi, opið allt árið.

Sjá vefsíðu

Sauðfjárrækt,  skógrækt, gisting.  Kaldreykt og tví-reykt sauðakjöt og lambakjöt.
Vinsamlegast hafið samband vegna verðlista og bókana.

Græna kannan kaffihús/listmunabúð er kaffi- og samveruhús íbúa Sólheima og gesta. Ef þú vilt upplifa Sólheima með bragðlaukunum þá er Græna Kannan þinn heppilegasti kostur. Græna kannan er staðsett í hjarta Sólheima og notar hráefni úr nærumhverfinu svo sem gróðurhúsinu Sunnu og matjuragarðinum Tröllagarði. Í Grænu könnunni má einnig finna Listmunaverslunina Völu, fallega listmuni, kerti, tún vottaðar jurtavörur sem eru framleiddar úr náttúrulegum hráefnum og jurtum úr jurtagarði Sólheima auk fullt af spennandi vörum sem Íbúar Sólheima búa til.

Sjá má opnunartíma á forsíðu heimasíðu Sólheima. Oft eru uppákomur á kaffihúsinu og er vakin sérstök athygli á facebook síðu Sólheima og einnig á instagram síðu Sólheima þar sem sérstaklega eru tilgreindir þeir atburðir sem eru á boðstólnum hverju sinni. Verið velkomin á Sólheima.

Þið finnið okkur á facebook hér: https://www.facebook.com/heimasol
Þið finnið okkur á instagram hér: @solheimareco 

Við bjóðum upp á mat úr héraði og allt er heimatilbúið af okkur sjálfum. Bjóðum upp á ekta íslenska kjötsúpa, vöfflur eftir uppskrift ömmu minnar og Gúdd ís, ís sem við framleiðum einnig sjálf í Fljótsdal. Til viðbótar erum við einni staðurinn á Íslandi sem framleiðir og býður upp á ís úr sauðamjólk úr okkar kindum frá okkar litla fyrirtæki Sauðagull. 

Einnig erum við með vegan og glútenfrí valmöguleika.

Við erum hinum megin ána, séð frá stóra bílaplaninu. Hægt er að ganga yfir brúna við bílaplanið eða leggja hjá okkur. 

Lífrænt vottað lambakjöt.
Lífrænt vottaðar jurtir og söl.

Vinsamlegast hafið samband vegna frekari upplýsinga.

Fjóshornið er staðsett á Egilsstaðabúinu, en þar hefur sama fjölskyldan stundað búskap í hartnær 130 ár. Í Fjóshorninu er búið til skyr, ostur og jógúrt allan ársins hring en kaffihús Fjóshornsins er þó aðeins opið á sumrin. Þar er hægt að setjast niður í notalegu umhverfi, gæða sér á heimagerðum veitingum og drekka gott kaffi. Einnig er hægt að kaupa nautakjöt beint frá býli. 

Á Blöndubakka er til sölu frosið lambakjöt. Pantanir allt árið. Kjötið afgreitt í september til nóvember.

Vinsamlegast hafið samband vegna frekari upplýsinga.

Þetta gistihús, staðsett aðeins í 1 km frá flugvellinum á Hornafirði, býður upp á herbergi með flatskjásjónvarpi og ókeypis þráðlausum Internetaðgangi. Þjóðvegur 1 er beint við hliðina á gistihúsinu.

Sætisaðstaða og skrifborð eru staðalbúnaður í öllum herbergjum Seljavellir Guesthouse. Þau eru einnig öll með sérbaðherbergi með sturtuaðgengi. Sum herbergin eru með fjallaútsýni en önnur með útsýni yfir jökulinn.

Gestir geta tekið því rólega á veröndinni eða á barnum á gistihúsinu Seljavellir Guesthouse. Hægt er að leigja bílaleigubíla á staðnum.

Miðbær Hafnar er í 8 mínútna akstursfjarlægð. Jökulsárlón er í 72 km fjarlægð frá gistihúsinu.

Á gistiheimilinu Guesthouse Seljavellir er garður, aðgengi að verönd og bar. 

Ferðaþjónustan Dæli í Víðidal hefur verið rekin frá árinu 1988.  Fjölbreytt aðstaða og afþreying, bæði fyrir einstaklinga og hópa, 16 herbergi með baði þar af 10 tveggja og 4 þriggja manna og 1 með aðgengi fyrir fatlaða. Þá eru 6 smáhýsi með rúmum og kojum fyrir allt að 24 manns og er hvert hús 12 m² að stærð með WC í hverju húsi.  Sameiginleg sturtu- og snyrtiaðstöða.  Þar er einnig matsalur með eldunaraðstöðu.

Í Dæli er rekin veitingasala með bar fyrir gesti og gangandi, hópa jafnt sem einstaklinga. Okkar rómaða kaffihlaðborð með heimabökuðu íslensku bakkelsi nýtur líka sívaxandi vinsælda. Við gerum tilboð í hópa, bæði í mat og kaffi, svo hafið endilega samband og fáið frekari upplýsingar!

Veitingasalan er opin alla daga og öll kvöld frá 15. maí til 30. september, en annars eftir samkomulagi.

Boðið er upp á hestasýningar fyrir 15 eða fleiri en þær þarf að panta fyrirfram.  Þá bjóðum við upp á reiðkennslu fyrir einstaklinga og þarf að bóka það sérstaklega .

Hjá Móður Jörð í Vallanesi er boðið uppá gistingu í nýuppgerðum svítum með eldhúskrók og baðherbergi með sturtu. 

Á staðnum er rekið kaffihús (Asparhúsið) og verslun þar sem boðið er uppá staðbundinn morgunmat og máltíðir úr jurtaríkinu frá kl 10 - 17:00 mánudaga til laugardaga í júní, júlí og ágúst. Í maí og september er opið frá kl 11 - 16.
 

Hægt er að versla ferskt grænmeti sem er lífrænt ræktað á staðnum og forvitnilegar heilsu- og sælkeravörur Móður Jarðar.  Tekið er á móti hópum og sérpöntunum en senda má fyrirspurn á info@vallanes.is.

Við erum sauðfjárbændur á Hellu í Mývatnssveit. Við fullvinnum okkar afurðir og seljum beint frá býli. Við framleiðum líka reyktan silung, bæði veiddan úr Mývatni og regnbogasilung. 

Vörurnar okkar eru til sölu í "litlu sveitabúðinni" sem staðsett er hér heima á Hellu. Litla sveitabúiðn er alltaf opin þegar við erum heima. 

Við eigum heimasíðuna www.hangikjot.is og þar eru upplýsingar um vörurnar ásamt pöntunarformi ef óskað er eftir að fá sent heim.

Velkomin í Vogafjós

Árið 2005 voru reist gistihús til viðbótar við fjósið .Gistihúsin eru bjálkahús austan við fjósið á fallegum reit umkringdu hrauni og birkiskógi. Herbergin eru rúmgóð og hægt er að velja milli 2ja, 3ja og 4ja manna, allt með sérbaðherbergjum. Morgunverður er innifalinn. Herbergin eru fallega innréttuð og höfuðmarkmiðið er að gestum líði vel og geti slappað af
eftir langan dag.  

Vinsamlegast bókið beint hér eða í síma 464-3800 eða sendið fyrirspurn á netfangið vogafjos@vogafjos.is til að fá nánari upplýsingar. 

Morgunverður

Morgunverður er framreiddur í veitingasalnum, í um þriggja
mínútna göngufjarlægð frá gistihúsunum. Hægt er að fylgjast með morgunmjöltum
sem byrja klukkan 7.30 og jafnvel fá að smakka ylvolga og ferska mjólkina,
beint úr spenanum.  

Morgunverðartími er breytilegur milli árstíma.  

Veitingastaður

Inni í Vogafjósi rekum við glæsilegan veitingastað þar sem við leggjum áherslu á að bjóða veitingar beint frá býli.  

Einkunnarorð Vogafjóss eru: ,,Þú ert það sem þú borðar". Með það að leiðarljósi leggjum við metnað okkar í að hafa
einungis á boðstólum úrvals hráefni. Við notum mikið af okkar eigin afurðum svo sem hangikjöt, reyktan silung, heimagerða osta, heimabakað bakkelsi, hverabrauð og að sjálfsögðu kjöt frá okkar eigin búi.  

Þá er vert að geta þess að Vogafjós er aðili að Beint frá býli og matarklasanum Þingeyska matarbúrið. 

Opnunartími er breytilegur yfir árið, best er að hafa samband í síma 464-3800 eða á vogafjos@vogafjos.is fyrir upplýsingar varðandi það.  

Sauðagull er fyrsta fyrirtækið á Íslandi sem framleiðir matvörur úr sauðamjólk og er staðsett á Austurlandi. 

Þau bjóða upp á einstakar handgerðar vörur eins og sauðamjólkurost (svipaður fetaosti), súkkulaðikonfekt og eina sauðamjólkurísinn á Íslandi, sem fæst úr Hengifoss food truck-inum þeirra. Sauðagull sker sig úr með því að endurvekja hefðbundna sauðamjólkurnyt og framleiða hágæða, staðbundnar kræsingar.

Nýsmiði og viðgerðir á reiðtygjum, lambakjöt og egg.

Vinsamlegast hafið samband vegna frekari upplýsinga.

Stórhóll er staðsettur í Skagafirði í Lýtingsstaðahreppi hinum forna, um 18 km í suður frá Varmahlíð við veg 752 Skagafjarðarveg.  

Stórhóll er 50ha að stærð, ein af nýbýlajörðum ríkisins sem búnar voru til um 1950. Frá 1995 leigðum við jörðina en 2008 var okkur heimilt að kaupa jörðina. Í upphafi voru ærnar 33 og hrossin innan við 10 og einn flækingsköttur. Í dag, 24 árum seinna er bústofninn 120 ær, gemlingar og hrútar 30 geitur og hafrar, rúmlega 30 hross, hænur , endur, hundar , kettir og kanínur.  

Árið 2011 festum við kaup á 3 gámum sem byggðir voru svo saman en þar er nú Rúnalist Gallerí, vinnustofa og lítil búð þar sem selt er handverk og afurðir búsins, kjöt og egg Beint frá Býli en við erum einnig félagar í þeim samtökum.

Við erum einnig í Opnum Landbúnaði og tökum á móti fólki til að skoða og fræðast um dýrin, gegn vægu gjaldi.

Brúnastaðir er fjölskyldurekið bóndabýli í Fljótum í Skagafirði. Þar er rekin ferðaþjónusta með áherslu á sveitina, dýrin og heimagerðar afurðir. Á staðnum er dýragarður, matvælaframleiðsla og lítil sveitabúð.

Dýragarður og sveitabúð
Í húsdýragarðinum á Brúnastöðum má finna öll íslensku húsdýrin og
leiktæki fyrir börnin. Þar eru meðal annars geitur, grísir, kanínur, hænur, kalkúnar, lömb, kálfar og hestar – fullkomið fyrir fjölskyldur sem vilja kynnast sveitinni á lifandi hátt. 

Sveitabúðin býður upp á úrval af vörum úr héraði, þar á meðal geitaosta sem gerðir eru á staðnum og aðrar afurðir beint frá búinu. Einnig er hægt að fá rjómaís úr vél, íspinna, kaffi, heimabakað kruðerí og svalandi drykki.

Gisting
Á Brúnastöðum er til leigu nýlegt og glæsilegt sumarhús rétt við Miklavatn í Fljótum. Húsið er 60 m² að stærð með stóru svefnlofti yfir öllu húsinu. Á neðri hæð er rúmgóð forstofa, vel útbúið eldhús með stórum ísskáp, keramikhelluborði, ofni, uppþvottavél og örbylgjuofni. Borðstofa og stofa eru samliggjandi, með sjónvarpi og fríu netsambandi.

Á hæðinni eru tvö tveggja manna herbergi með fataskápum og tvö rúmgóð baðherbergi með sturtu. Á efri hæð er stórt svefnherbergi með fjórum rúmum og svefnloft með þremur rúmum. Í svefnherberginu eru svalir með frábæru útsýni yfir sveitina. Alls eru 11 svefnpláss í húsinu auk barnarúms.

Stór pallur umlykur húsið, að hluta til yfirbyggður, með rampi sem hentar hreyfihömluðum gestum. Á pallinum er einnig stór heitur pottur og gott gasgrill.

Útsýnið frá húsinu er einstaklega fallegt, með Miklavatn í næsta nágrenni. Gestir geta keypt veiðileyfi í vatnið beint hjá húsráðendum.

Bjarteyjarsandur í Hvalfirði er heimili þriggja fjölskyldna og þar er stunduð fjölbreytt atvinnustarfsemi sem tengist búskap, ferðaþjónustu, fræðslustarfsemi, matvælaframleiðslu, verktakastarfsemi og fleiru. Bærinn stendur á fallegum stað innarlega í Hvalfirði og þar hefur sama ættin búið allt frá árinu 1887. 

Gönguferðir, fræðsla og leiðsögn - boðið er upp á leiðsögn og fræðslu í Hvalfirði og nágrenni. Göngu- og rútuleiðsögn um Hvalfjörð, Akranes, Þingvöll og Borgarfjörð. Vinsælar gönguleiðir í nágrenninu eru Leggjabrjótur, Síldarmannagötur, Glymur og fjörusvæðin. 

Á Bjarteyjarsandi er í boði gisting í notalegum og vel útbúnum sumarbústöðum fyrir 5-7 manns. Bústaðirnir standa í fjallshlíð mót suðri og er útsýnið afar fagurt. Heitur pottur fylgir hverjum bústað. Helgar- og vikuleiga möguleg. Nánari upplýsingar veitir Kolbrún í síma: 433 8831.

Eingöngu opið fyrir hópa sem bóka fyrirfram.

Opið allt árið. 

Tveir heilsársbústaðir Götusel og Sólsetur eru til leigu að Syðri-Haga í Dalvíkurbyggð. 

Götusel er 37 fm. ásamt stórri verönd. Í bústaðnum er svefnaðstaða fyrir 4 í tveimur svefnherbergjum, auk þess er svefnsófi fyrir 2 í stofu og dýnur á svefnlofti. Eldhúsið er fullbúið. Borðbúnaður er fyrir 8 manns. Sjónvarp er í bústaðnum og frítt þráðlaust net. Heitur pottur og gasgrill er á verönd. 

Húsið er til leigu frá mars og fram í nóv, en lokað yfir vetrarmánuðina.  

Sólsetur er 25 fm, byggt 2016 - 2017. Í bústaðnum er eitt svefnherbergi með svefnaðstöðu fyrir tvo. (2 rúm *90 cm, hægt er að setja rúmin saman), auk þess er svefnsófi fyrir tvo í stofu. Eldhúsið er fullbúið. Borðbúnaður er fyrir fjóra. Sjónvarp er í bústaðnum og frítt þráðlaust net. Heitur pottur og gasgrill er á verönd. 

Húsið er til leigu allt árið. 

Húsdýr eru ekki leyfð. 

Gestgjafar eru:  Gitta Ármannsdóttir og Hafliði Sigurðsson, Linda Andersson og Jónas Leifsson.

Vorið 2013 opnaði ferðamannafjósið í Efstadal veitingastað og ísbúð, þar sem fyrir var gistiheimili og mjólkurbú. Þar geta gestirnir fylgst með sveitastörfum, séð kýr og kálfa í sínu daglega umhverfi og fylgst með þegar verið er að framleiða hinar ýmsu mjólkurafurðir, svo sem ís, skyr, fetaost.

Hægt er að setjast niður á kaffihúsinu Íshlöðunni og gæða sér á nýbakaðri vöfflu og heimagerðum ís, kaffi og köku, eða fengið sér máltíð á veitingastaðnum Hlöðuloftinu á annarri hæð hússins þar sem þemað er „Beint frá býli“ og notast er við afurðir frá bænum og úr nágrenninu. Verið velkomin að koma og fylgjast með fjölskyldunni að störfum!

Opnunartíma má sjá á facebook síðu Efstadals

Hestaleigan opin maí – september.