Fara í efni

Hvalaskoðun

49 niðurstöður
Ferðagjöf

Iceland Travel

Skógarhlíð 12, 105 Reykjavík

Iceland Travel býður upp á breytt úrval ferða á Íslandi, allt frá nokkurra daga ferðum með leiðsögn að dagsferðum með afþreyingu, bæði fyrir hópa og einstaklinga. Við tökum einnig að okkur að skipuleggja ráðstefnur, viðburði, fundi og hvataferðir.

Ferðagjöf

Reykjavík Sailors ehf.

Hlésgata, Vesturbugt F, 101 Reykjavík

Reykjavík Sailors er ferðaþjónustufyrirtæki sem býður upp á afþreyingu til sjós frá Reykjavíkurhöfn, Vesturbugt. Við kappkostum að veita góða og persónulega þjónustu og leggjum sérstaka áherslu á öryggi viðskiptavina okkar.

Í skipinu eru góðir útsýnispallar og góð aðstaða inni sem úti og nægt pláss er fyrir alla. Stórt og gott veitingarými er um borð, þráðlaust internet, salerni og snyrtiaðstaða. Einnig eru hlýir gallar í boði fyrir þá sem vilja.

Opið allt árið:
Sumar: 08:00-18:00 (mars - 15. nóvember)
Vetur: 09:30-18:00 (16. nóvember - febrúar)

Ferðagjöf

Láki Tours

Hafnarbraut 14, 510 Hólmavík

Láki Tours bjóða upp á hvalaskoðunarferðir út frá Hólmavík yfir sumartímann. Algengustu hvalirnir sem þau sjá eru hnúfubakar og eru þeir þekktir fyrir að vera leikglaðir og hafa gaman af loftfimleikum, þeir eru forvitnir í kringum bátana og koma oft upp á yfirborðið.

Steingrímsfjörður er skjólgóður og er bátsferðin því yfirleitt þægileg og góð ásamt því að sjaldan þarf að hætta við ferð vegna veðurs. Þar sem hvalirnir halda sig oft nálægt landi er þessi tveggja tíma ferð með þeim stystu á Íslandi og sjást hvalir í nánast 100% tilfella.

Ferðagjöf

Guðmundur Jónasson ehf.

Vesturvör 34, 200 Kópavogur

Guðmundur Jónasson (GJ Travel) er með víðtæka reynslu af skipulagningu rútuferða og aðra ferðaskipulagningu um allt land fyrir stóra sem smáa hópa.

Fyrirtækið á ýmsar stærðir af hópferðabílum og er frumkvöðull þegar kemur að hálendisferðum.

Guðmundur Jónasson (GJ Travel) býður upp á:

  • dagsferðir
  • lengri ferðir
  • tjaldferðir
  • trússferðir (möguleiki að leigja tjöld, dýnur og annan búnað)
  • innanbæjarskutl og margt fleira.

Floti GJ Travel er fyrsta flokks og býður upp á WiFI, þriggja punkta öryggisbelti, loftkælingu og stærri bílar eru með salerni.

Einnig getum við boðið upp á pakkaferðir þar sem gisting, afþreying, matur og leiðsögn er innifalinn.
Endilega hafið samband til að fá frekari upplýsingar með því að senda tölvupóst á ruta@gjtravel.is, hringja í síma 520-5200 eða hafa samband við okkur á facebook @gjtravelhopferdabilar (Guðmundur Jónasson Hópferðabílar - GJ Travel)

Ferðagjöf

Amazing Westfjords

Sundstræti 32, 400 Ísafjörður

Amazing Westfjords býður upp á náttúrulífs ferðir um Ísafjarðardjúp með leiðsögn á bátunum Ölver ÍS 432 og Straumur ÍS 433. Leiðsögumennirnir um borð munu fræða ykkur um sögu Djúpsins, ásamt því að segja frá dýralífinu sem að ríkir í djúpinu og náttúrunni sem að umkringir Ísafjarðardjúpið.

Þúsundir fuglar setjast að og búa sér til hreiður á vorinn og eru hér yfir sumartíman þar á meðal er það lundinn, kría og æðarkolla sem að eru þær tegundir sem að sjást mest. Hnúfubakur og Hrefna eru meðal þeirra hvala sem að við sjáum mest, ásamt því að sjá selina lyggjandi á skerjum , sem að líta út fyrir að gera lítið annað en að baða sig í heitri sumar sólinni. Óhætt er að segja að Ísafjarðardjúpið yði af lífi að sumri til og er þetta ferð sem að enginn ætti að missa af.

Einnig býður Amazing Westfjords upp á sjóstöng á Straumi ÍS, þar sem að allt að 5 farþegum geta notið sýn við sjóstangaveiðar. Farið er með farþega út á Ísafjarðardjúp sem er draumur sjóstangaveiðimanna þar mikil veiði á t.d. þorski, karfa og ufsa ásamt fleiri fisk tegundum. Sjóstangarferðinn tekur um það bil 3 klukkustundir, fiskurinn er flakaður um borð og gestir taka gjarnan fenginn heimmeð sér.

Allar upplýsingar varðandi ferðirnar og bókannir er að finna á vefsíðunni amazing-westfjords.is

Ferðagjöf

Láki Tours

Nesvegur 5, 350 Grundarfjörður

Láki Tours býður upp á ferðir frá þremur stöðum á landinu; frá Ólafsvík, Grundarfirði og Hólmavík. Við virðum dýrin með því að nálgast þau varlega og rólega og reynum okkar allra besta að trufla þau sem minnst í sínu náttúrulega umhverfi. Ferðirnar okkar eru í senn skemmtilegar og fræðandi fyrir unga jafnt sem aldna.

Hvalaskoðun frá Ólafsvík (mars - október)
Í þessari einstöku ferð er farið út á haf í leit að hvölum með Snæfellsjökulinn í bakgrunni. Hvergi á landinu eru meiri líkur á að sjá tannhvali svo sem háhyrninga, búrhvali og grindhvali heldur en við strendur Snæfellsness. Oft fáum við einnig að sjá hnúfubaka, höfrunga og hrefnur og því óhætt að segja að Snæfellsnesið sé sannkallaður fjársjóður fyrir hvalaunnendur.

Hvalaskoðun frá Grundarfirði (desember - febrúar)
Grundarfjörður er besti staður landsins fyrir hvalaskoðun að vetri til. Háhyrningarnir elta síldina inn í Breiðarfjörðinn og gefa okkur í leiðinni tækifæri á að bera þessar fallegu skepnur augum.

Hvalaskoðun frá Hólmavík (júlí - september)
Hvalaskoðun í kyrrðinni á Vestfjörðum er engri lík. Steingrímsfjörðurinn iðar ekki bara af lífi heldur er hann einstaklega veðursæll og því afar notalegt að sigla hann. Tilvalin ferð fyrir fjölskyldur eða þá sem eiga það til að verða sjóveikir.

Lundaferð frá Grundarfirði (júlí - ágúst)
Farið er að Melrakkaey þar sem hundruðir lunda hafa sest að til að verpa. Melrakkaey er friðuð eyja og því griðarstaður ótal sjófugla. Við siglum nálægt eyjunni og fáum þannig einstakt tækifæri til að skoða og ljósmynda fuglana. Í leiðinni gefst tækifæri á að sjá hið víðfræga Kirkjufell frá sjónarhorni hafsins. Stutt og laggóð ferð fyrir þá sem hafa áhuga á náttúru, fuglalífi eða vilja einfaldlega brydda upp á daginn með fersku sjávarlofti.

Stangveiði- og fulgaskoðun (júlí - ágúst)
Ævintýraleg skemmtiferð í Breiðafirði þar sem farið er frá Grundarfirði á gömlum eikarbáti. Fyrst siglum við að Melrakkaey sem iðar af fuglalífi en eyjan er friðuð. Því næst höldum við aðeins lengra út á haf og rennum fyrir fisk og er velkomið að taka fiskinn með heim! Frábær skemmtun fyrir unga sem aldna og tilvalið fyrir hópa eða fjölskyldur.

Láki Hafnarkaffi
Láki Hafnarkaffi er opið allt árið og býður upp á léttar veitingar.

Fylgdu okkur á Instagram , Facebook og Pinterest .

Ferðagjöf

Hvalaskoðun Akureyri

Oddeyrarbót 2, 600 Akureyri

Whale Watching Akureyri leiðsegir og gerir út hvalaskoðunnarferðir frá Akureyri á Eyjafirði. Þar leika hinir Eyfirsku hnúfubakar lausum sporði og setja á svið stórkostlega náttúrulífssýningu. Whale Watching Akureyri gerir bæði út sérhannað hvalaskoðunarskip sem og sérsmíðaða RIB hraðbáta. Skipið tekur 200 farþega í miklum þægindum og býður stórkostlega 360° útsýni frá útsýnispöllum þess, ferðir á því henta sérstaklega fjölskyldum og hópum. RIB hraðbátarir bjóða upp á mikla nálægð við hafið og lífríki þess, þeir taka einugis litla hópa, 12 farþega hver með leiðsögumanni og sérþjálfuðum skipstjóra. Veldu RIB ferð ef þig langar í mikið ævintýri.

Ferðagjöf

Kynnisferðir - Reykjavik Excursions

BSÍ Bus Terminal, 101 Reykjavík

Reykjavik Excursions - Kynnisferðir bjóða upp á daglegar áætlunarferðir inn á hálendið í Landmannalaugar og Þórsmörk, og einnig að Skógum. Hálendisrútan er tilvalin fyrir þá sem að vilja ganga Laugarveginn eða Fimmvörðuhálsinn eða að gera sér glaðan dag á þessum fallegu svæðum sem ekki eru á færi fólksbíla.

Tímatöflur má finna á https://www.re.is/is/highland-bus/

Einnig býður Reykjavik Excursions upp á eitt stærsta úrval dagsferða á Íslandi og má þar nefna hinn heimsfræga gullhring, dagsferð um suðurströndina sem og Snæfellsnesið, að ógleymdum sætaferðum til og frá Bláa lóninu og Leifstöð.
Ferðagjöf

Vogasjóferðir

Vogahöfn , 190 Vogar

Vogasjóferðir er lítið fjölskyldufyrirtæki í eigu hjónana Símonar og Sigrúnar, það var stofnað árið 2017, árið 2018 var gengið frá kaupunum á bátnum Særósu og er það stálbátur, Særós er nefnd eftir tveimur yngri barna okkar þeim Sævar og Rós.

Við gerum út frá Vogunum á Vatnsleysuströnd og erum í aðeins 15 mín frá Keflavíkurflugvelli og 40 mín frá miðbæ Reykjavíkur.

Við bjóðum uppá Hvalaskoðun, sjóstöng,norðurljósaferð, útsýnisferð og ýmsar aðrar ferðir sem myndi henta fjölskyldum, vinnuhópum, vinnuferðum t.d. hópefli og óvissuferðir.

Vinsamlegast hafðu samband við okkur um allar nánari upplýsingar og spurningar á vogasjoferdir@simnet.is eða í síma 8339080

Ferðagjöf

Snekkjan

Ægisgarður / Suðurbugt, 101 Reykjavík

Upplifðu Ísland á nýjan og einstakan hátt frá sjó. Harpa Yachts býður uppá sérferðir fyrir hópa sem eru sérsniðnir til að hæfa öllum. Ferðirnar sem við bjóðum uppá geta verið hluti af viðameiri hópeflis- eða hvata-ferð í samstarfi við önnur fyrirtæki eða staðið einar og sér sem stuttar dagamuns ferðir.

Viltu bjóða starfsfólkinu uppá einstaka upplifun, eitthvað sem talað verður um í lengri tíma, hafðu þá samband og láttu okkur þá hjálpa þér að skipuleggja einstaka upplifun.

Ferðagjöf

Beffa Tours

Dalbraut 1, 465 Bíldudalur

Hjá Beffa Tours er boðið upp á siglingu um Arnarfjörð, sem er með fallegri fjörðum landsins. Í firðinum hefur hnúfubakur komið sér fyrir til sumardvalar, okkur til mikillar ánægju og verður boðið upp á daglegar ferðir í hvalaskoðun í sumar. Einnig er boðið upp á ferðir í sjóstöng, þar sem gestum er velkomið að taka aflann með sér heim.

Báturinn rúmar allt að 7 farþega og er gestum velkomið að upplifa sjávarniðinn á dekkinu eða koma sér fyrir inni í hlýjunni hjá skipstjóranum og heyra hann ausa úr viskubrunni sínum. Hægt er að bóka bátinn í prívatferðir, tilvalið fyrir fjölskyldur og vinahópa.

Hvalaskoðun 2020:
20. júní- 20. ágúst: daglega kl. 18:00, lengd ferðar 2 klst.
20. ágúst- 31. október: brottför eftir samkomulagi, lengd ferðar 2 klst.

Sjóstangveiði 2020:
Hægt er að bóka á heimasíðu eða í síma.

Prívatferðir 2020:
Hægt að bóka á heimasíðu eða í síma. Vinsamlegast hafið samband vegna ferða og bókana.

Ferðagjöf

Elding - Hvalaskoðun Reykjavík

Ægisgarður 5, 101 Reykjavík

Elding - Hvalaskoðun Reykjavík er fjölskyldurekið fyrirtæki sem gert hefur út á hvalaskoðun frá árinu 2000. Nú bjóðum við einnig upp að fjölbreyttar ævintýraferðir á sjó svo sem lundaskoðun, sjóstangveiði, Viðeyjarferjuna, Friðarsúluferð, Norðurljósasiglingu og fjölbreyttar sérferðir. Allir farþegar Eldingar fá frían aðgang að Hvalasetrinu sem er einskonar fljótandi safn staðsett um borð í fyrrum fiskibát við Ægisgarð.

Ferðirnar okkar eru náttúrulífsferðir og því er hver ferð einstök. Leiðsögumenn okkar segja á skemmtilegan og fræðandi hátt frá dýralífinu og nærumhverfinu í ferðunum okkar. Við leggjum mikið upp úr umhverfismálum og kappkostum við að bjóða upp á hágæða ferðir með eins litlum áhrifum á umhverfið og hægt er.

Elding er með gullvottun frá EarthCheck og bátar Eldingar bera Bláfánann. Árið 2008 hlaut Elding umhverfisverðlaun Ferðamálastofu og vorum meðal fyrstu þátttakenda í gæða og umhverfiskerfi VAKANS.

Elding - Hvalaskoðun Reykjavík er fjölskyldurekið fyrirtæki sem gert hefur út á hvalaskoðun frá árinu 2000. Nú bjóðum við einnig upp að fjölbreyttar ævintýraferðir á sjó svo sem lundaskoðun, sjóstangveiði, Viðeyjarferjuna, Friðarsúluferð, Norðurljósasiglingu og fjölbreyttar sérferðir. Allir farþegar Eldingar fá frían aðgang að Hvalasetrinu sem er einskonar fljótandi safn staðsett um borð í fyrrum fiskibát við Ægisgarð.

Ferðirnar okkar eru náttúrulífsferðir og því er hver ferð einstök. Leiðsögumenn okkar segja á skemmtilegan og fræðandi hátt frá dýralífinu og nærumhverfinu í ferðunum okkar. Við leggjum mikið upp úr umhverfismálum og kappkostum við að bjóða upp á hágæða ferðir með eins litlum áhrifum á umhverfið og hægt er.

Elding er með gullvottun frá EarthCheck (og stefnir á platinum veturinn 2018-2019) og bátar Eldingar bera Bláfánann. Árið 2008 hlaut Elding umhverfisverðlaun Ferðamálastofu og vorum meðal fyrstu þátttakenda í gæða og umhverfiskerfi VAKANS.

Ferðagjöf

Sea Safari / Whale Safari / Mr. Puffin

Ægisgarður 7, 101 Reykjavík

Við hjá Whale Safari erum frumkvöðlar á sviði hvalaskoðunarferða á litlum sérsmíðuðum RIB bátum. Við höfum verið í farabroddi hvað varðar náttúru og dýralífsferðir fyrri minni hópa farþega og leggjum gríðarlega áherslu á einstaka og persónulega upplifun hvers og eins farþega. Hver bátur tekur einungis 12 farþega í sæti auk leiðsögumanns og skipstjóra og henta ferðirnar því einna helst þeim sem eru að leita af náinni upplifun af náttúrunni og hafinu.

Bátarnir fara hratt yfir og geta því skoðað lífríkið á tiltölulega stóru svæði ef miðað er við stærri bátana okkar. Þegar hvalir, höfrungar og lundar eru innan seilingar er fátt sem getur slegið upp þá miklu nálægð sem RIB bátarnir bjóða ævintýragjörnum ferðalöngum upp á. Við leggjum ríka áherslu á öryggi og velferð farþega og er hönnun bátanna er miðuð út frá því að viðskiptavinum okkar líði vel um borð og njóti upplifun sinnar í sem allra mesti nánd við hafið, dýrin og fuglana.

Einnig er hægt að leigja bátana per klukkustund í einkaferðir og er þá hugmyndaflugið eitt sem takmarkar hvað er hægt að gera. Við höfum m.a leigt bátana í ljósmyndaferðir og hafi ferðalangar áhuga á slíku mun ekkert sem flýtur við Íslandsstrendur bjóða upp á betri möguleika til að taka ótrúlegar myndir af hvala og fuglalífinu.

Vinsælasta ferðin okkar er tveggja tíma ferð sem heimsækir bæði lundana (þegar þeir eru á svæðinu), hvalina og tilviðbótar þá siglum við meðfram strandlengju Reykjavíkur og bjóðum upp á annað sjónarhorn á Sólfarið og Hörpuna! Fullkomið til að smella af myndum. Lundaferðirnar okkar eru klukkutímaferðir og vegna þess hve hraðir og litlir bátarnir eru nýtist nær allur tími ferðarinnar við eyjarnar vegna þess hve skamma stund tekur að sigla frá höfninni. Ferðirnar bjóða upp á einstaka nálægð við lundana þar sem slökkt er á vélum bátanna til að upplifa hversdagslíf lundanna og einstakanna máta í kyrrð náttúrunnar.

Frá apríl og út október erum við með allt að 6 báta á sjó og yfir háannatímabilið bjóðum við upp á allt að 19 brottfarir í sannkallaðar ævintýraferðir út á Faxaflóa.

Ferðagjöf

Strýtan Divecenter - Erlendur Bogason

Verksmiðjan Hjalteyri, 604 Akureyri

Strýtan Divecenter er staðsett í gömlu síldarverksmiðjunni á Hjalteyri við Eyjafjörð.
Eigandi Strýtan Divecenter, Erlendur Bogason er lærður PADI alþjóðlegur köfunarkennari.

Við bjóðum upp á:
• Köfun á Strýturnar - farið er með bát frá Hjalteyri og tekur sigling á Strýturnar 5-10 mín.
• Köfunar- og snorkelferðir í Öxarfjörð þar sem hægt er að snorkla eða kafa í Nesgjá, Lóni og í Litlu á.
• Prufu köfun fyrir einstaklinga sem ekki hafa köfunarréttindi
• Köfunarkennslu - námskeið sem í boði eru;
- Open water diver sem veitir köfunarréttindi niður á 18m dýpi.
- Advance open water diver sem veitir köfunarréttindi niður á 30m dýpi.
- Rescue diver - björgunarköfun
- Divemester ásamt fjölda annarra námskeiða í köfun.

Hnúfubakar sjást oft ásamt öðrum hvölum fyrir utan Hjalteyri
Við bjóðum upp á að panta bátsferðir til hvala, fugla og sela skoðunar.

Vinsamlegast hafið samband vegna ferða og bókana.

Ferðagjöf

SEA TRIPS

Ægisgarður 3, 101 Reykjavík

Persónulegri þjónusta: með áherslu á upplifun ferðamannsins. Við á Amelíunni tökum færri farþega en aðrir bátar og það gefur okkur tækifæri til að hlúa betur að einstaklingnum og tryggja jákvæða upplifun ferðamannsins.

Aukin þægindi: Amelían er lúxussnekkja þar sem allt umhverfi, bæði utan- og innandyra er afar aðlaðandi og aukin þægindi tryggja ánægðari farþega.

Betra aðgengi - mun betri upplifun: Amelía Rose er ólík öðrum hvalaskoðunarbátum að því leyti að um borð eru þrjú þilför sem tryggja að allir gestir geti notið útsýnisins í botn. Hægt er að ganga hringinn í kringum þilförin og færa sig þannig á auðveldan hátt til að sjá betur það sem fyrir augun ber. Að auki eru þilförin að hluta til yfirbyggð og veita því betra skjól gegn veðri og vindum.

Ljúfari sigling: Hin sérstaka hönnun Amelíu Rósar, gerir það að verkum að ferðamaðurinn finnur lítið fyrir sjóveiki meðan á siglingu stendur en skipið er byggt sem úthafsskip og þolir því betur allan öldugang. Það er stór plús þar sem margir ferðalangar verða sjóveikir i lengri ferðum eins og hvalaskoðunarferðum.

Sérsniðnar sundasiglingar: Okkar vinsælu sundasiglingar byrja frá og með 16. maí.

Við bjóðum fyrirtækjum, vinahópum og fjölskyldum uppá allar gerðir af sérsniðnum ferðum. Hvort sem tilefnið er að halda uppá stórafmæli, fagna útskrift, hitta vinnufélagana eða bara hreinlega gera sér glaðan dag þá býður Amelia Rose og Axel Rose uppá einstaka aðstöðu til að gera daginn eftirminnilegan.

Snekkjan er búin góðu hljóðkerfi fyrir tónlist og leðursófum. Tilvalið er að byrja kvöldið með fordrykk við bryggju, meðan gestir ganga um borð og síðan sigla um sundin blá við ljúfa tónlist í einstöku umhverfi. Hægt er að flétta inn í ferðina sjóstöng, krabbaveiði eða okkar einstaka leik " Eat like a Viking", svo fátt eitt sé nefnt. Hvert sem tilefnið er þá getum við sérsniðið veisluna eftir þörfum hvers og eins.

Hentar:
- Fyrirtækjum
- Starfsmannafélög
- Hópeflisferðir
- Afmæli
- Útskriftaferðir
- Veislur
- Vinahópar

Sundasigling á Snekkju: Okkar vinsælu sundasiglingar byrja frá og með 19. júní. Komdu og sjáðu hið einstaklega fallega landslag frá Faxaflóa ásamt á því sjá seli, fugla og jafnvel hvali í þeirra náttúrulega umhverfi.

Þetta er 1,5 tíma ferð um Faxaflóa með viðkomu í Engey, Lundey, Viðey ofl. staði.

Tímabil: 15/06 - 30/09 2020
Brottför: föstdaga kl. 16, laugar- og sunnudaga kl. 10 og kl. 14
Lengd ferðar: Ca. 1,5 -2 klst.

Innifalið:
- Bátsferð
- Leiðsögn
- Áhöfn með mikla reynslu
- Frítt WiFi
- Björgunarvesti
- Salerni um borð
- Hægt að kaupa veitingar um borð
- Afnot af grilli (kær komið að taka með sér eitthvað til að grilla)

Nánari upplýsingar og bókanir á seatrips@seatrips.is eða í síma 865 6200. www.seatrips.is/is/

Ferðagjöf

Gentle Giants Hvalaskoðun

Hafnarsvæði (Harbour Side), 640 Húsavík


Ímyndaðu þér að sjá hvali í villtri náttúru. Þetta er það sem við gerum og bjóðum þig velkomin með okkur.

Gentle Giants býður uppá hvalaskoðun og önnur spennandi ævintýri á sjó frá Húsavík - oft þekkt sem höfuðstaður hvalaskoðunar í Evrópu.

Fyrirtækið er stolt af bakgrunni sínum með meira en 150 ára fjölskyldusögu í Skjálfandaflóa.

Velkomin um borð í hefðbundna eikarbáta eða nútíma RIB hraðbáta í leit að risum hafsins. Líkurnar á að sjá hvali eru allt að 97-99%.


Ferðagjöf

Iceland Outfitters ehf.

Hrauntunga 81, 200 Kópavogur

Iceland Outfitters er ferðaskrifstofa sem sérhæfir sig í veiðiferðum.

Vefsala veiðileyfa er ioveidileyfi.is en einnig bjóðum við upp á dagsferðir í veiði með leiðsögn og kennslu, flugukastnámskeið, sölu á Salmologic veiðivörum, stangarleigu, leiðsögn, gæsaveiði og fleira.

Endilega verið í sambandi við okkur ef ykkur vantar hugmyndir fyrir veiði.

Ferðagjöf

Akureyri Whale Watching ehf.

Oddeyrarbót 2 / Torfunesbryggja, 600 Akureyri

Hvalaskoðun Akureyri hóf starfssemi á vormánuðum 2016 og býður nú upp á heilsárs hvalaskoðun. Á sumrin er boðið upp á klassíska hvalaskoðun á stærri bátum og hvalaskoðun á hraðskreiðum 12 manna RIB bátum sem kemur þér hraðar að hvalamiðum og í meira návígi við þessar risavöxnu skepnur hafsins.

Í ferðum okkar má sjá fallega Eyjafjörðinn, en hann er lengsti og þrengsti fjörður á landinu, en hann er einungis 6-10 km. þar sem hann er þrengstur og dregur nær 60 km. í lengd. Fallegt landslag er við fjörðinn og er hann umkringdur fjöllum í allar áttir, þar með talið Súlur í botni fjarðarins sem nær tæplega 4 km. yfir sjávarmál. Áhugaverðir staðir á leiðinni á hvalamið eru sem dæmi Dagverðaeyri, Svalbarðseyri, Hjalteyri, Hrísey, Grenivík, Hauganes, Árskógarsandur, Dalvík og náttúrulegi jarðhitafossinn úr Vaðalheiðargöngum sem rennur út í sjó.

Ferðirnar okkar eru náttúrulífsferðir og því er hver ferð einstök. Leiðsögumenn okkar segja á skemmtilegan og fræðandi hátt frá dýralífinu og nærumhverfinu í ferðunum okkar. Við leggjum mikið upp úr umhverfismálum og kappkostum við að bjóða upp á hágæða ferðir með eins litlum áhrifum á umhverfið og hægt er.

Áætlun: Akureyri

Hvalaskoðun:

Tímabil: Brottfarir: Lengd:

1.jan - 31. jan

Daglega kl. 11:00

2,5-3,5 klst

1. feb-31. mars

Daglega kl. 13:00 2,5-3,5 klst

1. apr-31. maí

Daglega kl. 09:00 & 13:00 2,5-3,5 kls
1. júní-31. ágúst Daglega kl. 09:00, 13:00, 17:00 & 20:30* 2,5-3,5 kls
1. sept-30. sept Daglega kl. 09:00 & 13:00 2,5-3,5 kls
1. okt-30. nóv Daglega kl. 13:00 2,5-3,5 klst
1. des-31.des Daglega kl. 11:00 2,5-3,5 klst

*20:30 ferðirnar hefjast 15. júní og enda 14. ágúst

Hvalaskoðun express:

Tímabil: Brottfarir: Lengd:
15. apr-31. maí Daglega kl. 10:00 & 14:00 2 klst
1. jún-31. ágúst Daglega kl. 10:00, 12:00*, 14:00, 16:00* & 20:00* 2 klst
1. sept-30. sept Daglega kl. 10:00 & 14:00 2 klst

* Ferðirnar kl. 12:00, 16:00 og 20:00 hefjast 15. júní. Ferðirnar kl. 20:00 enda 15. ágúst.

Ferðagjöf

Arctic Sea Tours

Hafnarbraut 22-24, 620 Dalvík

Arctic Sea Tours er fjölskyldufyrirtæki í hvalaskoðun staðsett á Dalvík, 30 mín frá Akureyri. Við viljum að ferðir okkar séu ævintýri og berum mikla virðingu fyrir upplifun gesta okkar um borð.

Hvalaskoðunin fer fram í Eyjafirði oftast í kringum Hrísey. Við bjóðum uppá kuldagalla fyrir alla, heitan drykk og meðlæti. Í hverri ferð er stoppað til að veiða í 10 - 15 mínútur, síðan er fiskurinn sem veiddist smakkaður af grilli eftir ferðina.

Arctic Sea Tours rekur tvo eikarbáta sem voru smíðaðir á Íslandi, bátunum hefur verið breytt samkvæmt ströngustu kröfum Samgöngustofu. Einnig rekur Arctic Sea Tours Rhib bát, sem bíður upp á frábæra upplifun. Áhöfnin hefur öll hlotið þjálfun hjá Slysavarnaskóla sjómanna.

Frá árinu 2011-2015 sáust hvalir í 98% - 99,5% ferða okkar, algengustu tegundir eru hnúfubakar, höfrungar, hnísur, hrefnur og stöku sinnum háhyrningar og stærsta dýr jarðar, steypireyður.

Skoðið frábæra umsögn gesta okkar um Arctic Whale Watching á TripAdvisor.com.

Arctic Sea Tours starfar undir vörumerki Arctic Adventures.

Ferðagjöf

Arctic Rafting

Skútuvogi 2, 104 Reykjavík

Arctic Rafting er íslenskt ævintýra og afþreyinga fyrirtæki sem leggur áherslu á vistvæna ferðamennsku í einstakri náttúru Íslands.
Ef þig langar til að sjá Ísland í nýju ljósi þá getur Arctic Rafting gert fríið þitt á Íslandi að ógleymanlegu ævintýri. Við bjóðum upp á ferðir um allt land en þó sérstaklega á suðurlandi og í Skagafirði.

Við bjóðum upp á flúðasiglingar á mörgum skemmtilegustu ám Íslands. Á suðurlandi bjóðum við upp á daglegar siglingar á gúmmíbát og kanó á Hvítá. Við höfum nú opnað bækistöðvar í Skagafirði og erum nú með reglulegar flúðasiglingar í Jökulsá Vestari og Austari. Einnig bjóðum við upp á sjókayakferðir, hellaferðir, snorkeling, jökulgöngur, jeppaferðir og margt margt fleira.

Geysilega vinsælt hefur verið að snorkla og kafa í hinni heimsfrægu Silfru á Þingvöllum og ganga í Reykjadal og baða sig í heitum læk. Einnig hefur jöklaganga og ísklifur á Sólheimajökli slegið í gegn en sú ferð er frábær kynning á íslenskri jöklamennsku og fræðsla um það hvernig jöklarnir móta landið.

Einnig bjóðum við upp á ýmsar hvataferðir á öllu landinu. Við setjum saman skíðaferðir, snjóbrettaferðir, gönguferðir, kayakferðir, köfunarferðir, flúðasiglingar, klifur, brimbrettaferðir, íslenskar alpaferðir og margt fleira.

Flúðasiglingar: Á Hvítá á Suðurlandi. Á Vestari Jökulsá og Austari Jökulsá í Skagafirði á Norðurlandi.
Kanósiglingar: Á Hvítá á Suðurlandi.
Sjókayak: Á Hvalfirði á Suðurlandi, Breiðafirði á Vesturlandi, Skutulsfirði, Seyðisfirði, Hestfirði og Reykjanesi í Ísafjarðardjúpi á Vestfjörðum, og Langasjó á hálendi Íslands.
Jöklaganga: Á Snæfellsjökli á Vesturlandi, Eyjafjallajökli og Sólheimajökli á Suðurlandi, og Fallsjökli og Virkisjökli í Skaftafelli á Suð-Austurlandi.
Ísklifur: Á Sólheimajökli á Suðurlandi og Virkisjökli í Skaftafelli á Suð-Austurlandi.
Köfun: Í gjánni Silfru á Þingvöllum á Suðurlandi, að El Grillo skipsflakinu á Seyðisfirði á Austurlandi og að heitu uppsprettunni í Strýtunum í Eyjafirði á Norðurlandi.
Snorkeling: Í gjánni Silfru á Þingvöllum á Suðurlandi.
Hellaferðir: Í Gjábakkahelli og Leiðarenda á Suðurlandi, og Lofthelli við Mývant á Norðurlandi.
Göngu- og fjallaferðir: Á Esjuna og Reykjadal á Suðurlandi, Laugaveginn, Landmannalaugar, Þórsmörk, Fimmvörðuháls og Fjallabak á Hálendinu, Heklu og Eyjafjallajökul á Suðurlandi, Hornstrandir og Jökulfirði á Vestfjörðum, Borgarfjörð Eystri á Austurlandi, og Snæfellsjökul á Vesturlandi, Hvannadalshnúk, Hrútfjallstinda, Sveinstind, Þverártindsegg og Þumal í Skaftafelli á Suð-Austurlandi.
Fjórhjólaferðir: Á Hellisheiði á Suðurlandi.
Snjósleðaferðir: Á Langjökli og Mýrdalsjökli á Suðurlandi og Snæfellsjökli á Vesturlandi.
Jeppaferðir: Sumar og vetrar dagsferðir og leiðangrar um hálendið, jökla, Gullna hringinn, Landmannalaugar, Þórsmörk, Suðurströndina og á fleiri staði.
"Self-drive" fjallajeppaferðir: Sumar og vetrar dagsferðir og leiðangrar um hálendið, jökla, Gullna hringinn, Landmannalaugar, Þórsmörk, Suðurströndina og á fleiri staði.
Klettaklifur: Í Valshamar í Hvalfirði á Suðurlandi og á Hnappavöllum í grennd við Skaftafell á Suð-Austurlandi.
Brimbrettaferðir: Dagsferðir og lengri ferðir á Norður- og Suðurlandi.
Hjólaferðir: Í Reykjavík, Heiðmörk og Reykjadal á Suðurlandi, og Skaftafelli á Suð-Austurlandi.
Hvalaskoðun: Frá Reykjavík.
Hestaferðir: Á Suðurlandi.
Samsettar ferðir: Samblanda mismunandi afþreyingar í dagsferðum og lengri ferðum.
Skólaferðir: Á Norður-, Suð-Austur og Suðurlandi.
Starfsmannaferðir: Á Norður-, Suð-Austur og Suðurlandi.

Ferðagjöf

Special Tours

Geirsgata 11, 101 Reykjavík

Special Tours bjóða uppá ævintýraferðir á sjó fyrir alla fjölskylduna frá gömlu höfninni í Reykjavík. Dæmi um ferðirnar sem eru í boði eru hvalaskoðun, lundaskoðun, sjóstangaveiði, Rib bátaferðir, norðurljósaferðir. Allar ferðirnar eru í boði fyrir einstaklinga, fjölskyldur og hópa.

Special Tours gera út 6 báta og geta því boðið uppá fjölbreytt úrval ferða fyrir einstaklinga og hópa bæði í skipulagðar brottfarir og sérferðir fyrir fyrirtækjahópa, vinahópa o.s.fr. Lengd ferða er allt frá 45 min til 3,5 klst.

Sjóstangaveiði er frábær skemmtun fyrir alla aldurshópa. Sjóstangir og hlífðarfatnaður er til staðar og áhöfnin hjálpar til við að gera að aflanum sem er grillaður um borð í lok ferðar við mikinn fögnuð stoltra veiðimanna. Sé afgangs afli er að sjálfsögðu boðið uppá að taka aflann með sér heim.

Rib bátaferðir eru tilvaldar fyrir þá sem vilja meiri hraða og meira action í ferðunum. Báturinn tekur allt að 12 manns í dempandi sæti fyrir aukin þægindi og er tilvalinn í skemmtiferðir um sundin en er einnig frábær í 2 klst hvalaskoðunarferðir út í Faxaflóa. Frábær skemmtun fyrir vinahópa, starfsmannahópa, gæsanir og steggjanir.

Lundaskoðunarferðir eru sérgrein Sérferða enda hefur fyrirtækið farið slíkar ferðir frá árinu 1996. Farþegar okkar komast mjög nálægt eyjunum rétt fyrir utan Reykjavík vegna þess hve grunnt báturinn Skúlaskeið ristir. Stutt og tilvalin ferð fyrir fjölskylduna þar sem ekki þarf að sigla langt út, heildartími ferðarinnar er um 1 klst og nóg af sætum bæði innandyra og úti.

Norðurljósasiglingar er ógleymanleg ferð þar sem norðurljósin eru elt uppi á sundunum fyrir utan Reykjavík, í fjarlægð frá ljósmengun borgarinnar.

Fyrir nánari upplýsingar um ferðirnar, verð og brottfarartíma bendum við á heimasíðu Special Tours www.specialtours.is. Fyrirspurnir um sérhópa má senda á info@specialtours.is eða hringja í síma 560 8800.

Ferðagjöf

Whale Watching Hauganes

Hauganes, 621 Dalvík

Whale Watching Hauganes er elsta hvalaskoðun landsins staðsett í hjarta Eyjafjarðar í aðeins 25 mínútna fjarlægð norður af Akureyri. Þar sem hvalirnir eru ávallt stutt frá Hauganesi henta eikarbátarnir okkar tveir fullkomlega til hvalaskoðunar þar sem þeir fara tiltölulega hægt yfir sem gerir gestum okkar kleyft að njóta ferðarinnar enn betur. Við bjóðum upp á stjóstöng í lok ferðanna okkar.

Ferðirnar okkar eru kolefnisjafnaðar sem þýðir það að við gróðursetjum eitt tré fyrir hverja ferð ásamt því að við blöndum olíuna á bátana okkar með lífdísli sem framleiddur er á Akureyri úr djúpsteikingarolíu af veitingastöðum svæðisins.

Við sjáum hnúfubak í öllum okkar ferðum en einnig hrefnur, hnýsur og höfrunga. Nokkrum sinnum á árum sjáum við háhyrninga og steypireyðir sem er alltaf tilkomumikil sjón.

Einnig á Hauganesi er afar vinsæll veitingastaður, Baccalá Bar, tjaldstæði og heitir pottar niðri við Sandvíkurfjöru. Bjórböðin eru svo hér rétt í 5 mínútna akstursleið norður frá okkur.

Hvalaskoðun og sjóstöng - 2 fyrir 1!

Daglegar ferðir kl 13:30 (þegar lágmarksfjöldi næst). Sjóstöng í lok ferðar. Hver ferð er 2,5 til 3 klst. Innifalið: hlýir gallar, sjóstangir, kaffi og kakó með bakkelsi.

Upplýsingar í síma 867 0000, á whales@whales.is eða www.whales.is

Ferðagjöf

Fish Partner

Dalvegur 16b, 201 Kópavogur

Ástríða fyrir veiði !

Við hjá Fish Partner höfum áratuga reynslu af stangveiði, leiðsögn og skipulagningu veiðiferða. Það er ástríða fyrir veiði sem rekur okkur áfram og má segja að allir sem koma að félaginu séu í sínu drauma starfi. Við þreytumst aldrei á því að kanna nýjar veiðilendur og kynna ný svæði fyrir veiðimönnum. Þau svæði sem við bjóðum upp á eru rjóminn af því sem við höfum uppgötvað auk gamal þekktra svæða.

Ferðagjöf

Vesturferðir

Aðalstræti 7, 400 Ísafjörður

Ef Vestfirðir eru áfangastaðurinn þá erum við þjónustuaðilinn sem þig vantar. Við erum staðsett á Ísafirði og sjáum um sölu og bókanir í alla afþreyingu, dagsferðir, bátaáætlun til Hornstranda og lengri ferðir sem í boði eru á svæðinu.

Vinsælustu dagsferðirnar okkar eru Vigurheimsókn og heimsókn til yfirgefna þorpsins Hesteyrar. Einnig kjósa margir að fara í hestaferðir, hvalaskoðun, leigja kayak eða hjól eða fara í jeppaferð. Hér er margt í boði og hægt að kynna sér ferðirnar á heimasíðu okkar www.vesturferdir.is.

Sala farmiða í Hornstrandabáta
Hornstrandir eru ekki í alfaraleið og til að komast þanngað þarf að ferðast með bát.Vesturferðir selja miða í áætlunarferðir til friðlandsins frá Ísafirði með Sjóferðum og Borea Adventure. Við leggjum mikla áherslu á að bátarnir og fyrirtækin sem við vinnum með séu með öll tilskilin leyfi.

Við bjóðum hópum margskonar þjónustu, allt frá stuttum bæjarferðum með leiðsögn heimamanna til margra daga gönguferða með leiðsögn um Hornstrandir. Við hvetjum þig til að hafa samband við okkur og við setjum saman sérsniðið ferðatillögu og verðtilboð.

Ferðagjöf

Norðursigling Hvalaskoðun

Gamli Baukur, Hafnarstétt 9, 640 Húsavík

Norðursigling - Umhverfisvæna hvalaskoðunarfyrirtækið

Njótið fjölbreytts dýralífs í einstöku umhverfi Skjálfandaflóa um borð í fallegum og endurgerðum eikarbátum.

Norðursigling hefur frá árinu 1995 verið í broddi fylkingar í umhverfisvænni ferðaþjónustu og varðveislu strandmenningar og var meðal fyrstu fyrirtækja á Íslandi til að bjóða upp á reglulegar hvalaskoðunarferðir sem hafa notið sívaxandi vinsælda.

Sjávarþorpið Húsavík er þekkt fyrir frábæra möguleika til hvalaskoðunar og hafa ferðir Norðursiglingar gefið bænum það orðspor að vera höfuðborg hvalaskoðunar í Evrópu. Það er ekki að ástæðulausu en Skjálfandaflói er einn örfárra staða í heiminum sem vitað er að steypireyður, stærsta dýr jarðar, hafi reglulega viðkomu.

Markmið Norðursiglingar er að efla sjálfbæra ferðaþjónustu og hefur fyrirtækið lagt metnað sinn í að endurnýja og viðhalda gömlum eikarskipum. Umhverfisvernd hefur ætíð verið starfsfólki fyrirtækisins hugleikin og var Norðursigling fyrst fyrirtækja í heiminum til þess að bjóða upp á kolefnislausar hvalaskoðunarferðir á rafmagnsskipi. Ásamt fjölda annarra viðurkenninga hlaut fyrirtækið Umhverfisverðlaun Ferðamálastofu árið 2015 auk þess að hljóta silfurverðlaun á hinum eftirsóttu World Responsible Tourism Awards, sama ár, fyrir "Best Innovation for Carbon Reduction".

Auk hvalaskoðunar á Húsavík býður Norðursigling einnig upp á sumarhvalaskoðun á Hjalteyri við Eyjafjörð, rafmagnaðar kvöldsiglingar í Reykjavík og vikulangar ævintýraferðir við austurströnd Grænlands, ásamt ýmsum öðrum spennandi sérferðum á norðlægari slóðum.

Ferðagjöf

Wild Westfjords

Hafnarstræti 9-13, 400 Ísafjörður

Sumarið 2020 bjóðum við hjá Wild Westfjords uppá ævintýraferðir um hina svokölluðu "vestfirsku alpa"! Við erum með 8 rúmgóð sæti í breytta 35" Sprinternum okkar og frábæran leiðsögumann.

Verðlisti:

  • Kaldbakur (7-8 tímar) - ógleymanleg fjallganga á hæsta tind Vestfjarða, með jeppaskutli á upphafspunkt: 120000 kr.
  • Svalvogahringurinn (7-8 tímar) - ótrúlegasti vegur Íslandssögunnar, á breyttum
  • bíl: 140000 kr.
  • Tjaldaneshyrna (9-10 tímar) - frábær fjallganga sem kemur meira að segja þeim
  • sem eru búnir að ganga allt á óvart, með jeppaskutli á upphafspunkt: 140000 kr.
  • Svalvogar og Kaldbakur í sömu ferð (9-12 tímar): 160000-180000 kr. (verð og
  • tímalengd fer eftir árstíma og hvaða leið þarf að fara)
  • Sérsniðnar ferðir hvert sem er á Vestfjörðum: Hafið samband, við gefum tilboð

Öll verð eru heildarverð og deilast með fjölda þátttakenda. Fyrir 8 manns kostar t.d. Kaldbaksferð aðeins 15000 kr. á mann.

Ferðirnar er eingöngu hægt að bóka sem prívatferðir beint hjá Wild Westfjords á netfanginu info@wildwestfjords.com . Einnig er hægt að spyrjast fyrir í síma 822-7307.

Nokkrar algengar spurningar og svör um ferðirnar okkar um "vestfirsku alpana":

Hvar eru "vestfirsku alparnir"?

Um er að ræða fjallgarðinn á milli Dýrafjarðar og Arnarfjarðar, þar sem er að finna hæstu og (að okkar mati) formfegurstu fjallatinda á Vestfjörðum.

Er ekki hægt að keyra Svalvogaveginn sjálfur?

Stutta svarið er jú jú. Það er hins vegar þrennt sem þarf að hafa sérstaklega í huga:

a) Svalvogavegurinn fer ekkert sérstaklega vel með bílinn þinn, sérstaklega ekki ef þú ert ekki á mjög stórum dekkjum.
b) Svalvogavegurinn er ekki allur hluti af vegakerfinu. Á óskráða hlutanum mega bílaleigubílar ekki keyra og bifreiðatryggingar gilda ekki nema fyrir skráða fjallabíla.
c) Ef þú ert að keyra Svalvogaveginn í fyrsta sinn þá þarftu að hafa stáltaugar til að vera við stýrið, og yfirleitt er betra að fara með heimamanni sem getur metið breytilegar aðstæður t.d. flóð og fjöru, grjóthrunshættu o.s.frv.

Eru gönguleiðirnar uppá Kaldbak og Tjaldaneshyrnu erfiðar / hættulegar?

Ekki á vestfirskan mælikvarða :) En þær krefjast þess báðar að göngufólk sé í góðu formi og ráði við að ganga í stöðugri hækkun upp og stöðugri lækkun niður, og það eru kaflar þar sem borgar sig ekki að vera lofthræddur. Ath. einnig að margar merktar gönguleiðir á Vestfjörðum eru stórgrýttar með lítilli sem engri merkingu og viðhaldi, og því skipta góður skóbúnaður og áttavit miklu máli.

Reynt fjallgöngufólk getur auðvitað gengið þessar leiðir sjálft. En það er alltaf skemmtilegra og öruggara að fara slíkar fjallgöngur með reyndum heimamanni.

Einnig þá skiptir það miklu máli hvar bílnum er lagt hversu löng fjallgangan er. Sem dæmi þá tekur allan daginn að ganga á topp Kaldbaks og til baka úr dalsmynninu, en með hækkaðan bíl á góðum dekkjum er hægt að stytta fjallgönguna í 3-4 klukkutíma. Og það er einmitt sá hluti göngunnar sem er langskemmtilegastur.

Við höfum heyrt um töfra Kaldbaks, en hvað er svona sérstakt við fjallgöngu á Tjaldaneshyrnu?

Tjaldanesdalur er miðja Tjaldaneseldstöðvarinnar sem er elsta megineldstöð Íslands, og yfir litríkum dalnum gnæfa tignarleg fjöll m.a. Tjaldaneshyrnan. Flestir hafa aldrei farið þessa gönguleið, hvað þá heyrt um hana. Við segjum ekki orð meir en sjón er sögu ríkari.

Af hverju mælið þið með Svalvogum og Kaldbaki í sömu ferðinni?

Það hentar fullkomlega að taka Kaldbak og Svalvoga í sömu dagsferðinni, og er að sama skapi mikið hagkvæmara en að fara tvær ferðir sitthvorn daginn.

Hvar hefst ferðin?

Við leggjum af stað frá Ísafirði, og keyrum alltaf í gegnum Þingeyri á leiðinni á svæðið. Þannig að við getum sótt hópinn þinn hvar sem er á Ísafirði og Þingeyri, eða á leiðinni eftir samkomulagi!

Er hægt að sitja fyrir um veður og hafa sveigjanlegan brottfarardag og tíma?

Að sjálfsögðu - svo lengi sem bókunarstaða leyfir þá höfum við ferðina eins sveigjanlega og við getum.

Eruð þið með frekari upplýsingar um sérsniðnar ferðir?

Hafið samband með ykkar pælingar og við gefum tilboð í draumaferðina þína um Vestfirði.


Eftirtaldir aðilar eru ekki skráðir þátttakendur í Ferðagjöf:

Touris ehf.

Fiskislóð 77, 101 Reykjavík

Touris er ferðaskrifstofa með yfir 30 ára reynslu í ferðaþjónustu á Íslandi. Touris býður upp á ferðir á Íslandi fyrir einstaklinga og hópa.

Touris býður upp á margskonar ferðapakka á Íslandi fyrir einstaklinga og hópa. Hvort sem þú vilt ferðast á eigin vegum eða taka þátt í rútuferð með leiðsögn, þá gerum við allar ráðstafanir. Hvaða þjónustu sem þú velur frá okkur þá er ánægja þín tryggð.

Eskimóar Holding ehf.

Skútuvogur 1b, 104 Reykjavík

Eskimos var stofnað árið 2000 til að mæta ört vaxandi eftirspurn eftir ferðaskipulagi og viðburðastjórnun á Íslandi. Við leggjum metnað í að skipuleggja ferðir, sjá um viðburðarstjórnun og skapa upplifanir fyrir öll helstu fyrirtæki og stofnanir landsins.

Hvort sem um er að ræða óvissuferð, utanlandsferð, hópefli, hvataferð, uppbyggingu á liðsanda, árshátíð, ratleik eða hverskonar viðburð, bjóðum við upp á margar skemmtilegar og vel skipulagðar lausnir.

Við notum reynslu okkar og hæfileika í að sérsmíða hvern viðburð sérstaklega. Það hefur ávallt verið okkar stefna að vera leiðandi í því sem við tökum okkur fyrir hendur og því leggjum við mikla áherslu á að gera betur í hvert sinn. Við fjárfestum bæði tíma og fjármagn í öfluga vöruþróun og hugmyndavinnu til að mæta aukinni eftirspurn og kröfum á innlendum markaði. Á hverju ári bjóðum við upp á eitthvað nýtt og skemmtilegt.

Eskimos snýst ekki um okkur, heldur um þig! Við leggjum mikla áherslu á að skilja tilgang verkefnisins og notum síðan reynslu okkar og hæfileika í að sérsmíða og hanna hvern viðburð með það í huga. Við leggjum allan okkar metnað í að aðstoða þig og gesti þína til að sérhver upplifun verði sem best. Við þjónustum einnig erlenda ferðamenn og nokkur þúsund ferðamenn fara í gegnum ferðasmiðju okkar á hverju ári. Við bjóðum erlendum gestum upp á skemmtilegar og sérsniðnar ferðaupplifanir á Íslandi og höfum mikinn metnað fyrir því að kynna landið vel. Ferðaþjónusta okkar er fyrir einstaklinga eða hópa af öllum stærðum og gerðum.

Vinsamlegast hafið samband vegna ferða og bókana.

TryIceland Tours ehf.

Þórufell 12, 111 Reykjavík

Húsavík Adventures ehf.

Suðurgarður 6, 640 Húsavík

Húsavík Adventures er afþreyingarfyrirtæki, stofnað árið 2015. Félagið býður upp á tvennskonar ferðir: hvala- og lundaskoðun í Skjálfandaflóa á RIB bátum annarsvegar og hvalaskoðun í miðnætursól hins vegar. Verið velkominn til okkar, miðasalan er að Hafnarstétt 11, Húsavík.

Smelltu hér til að skoða kynningarmyndbandið okkar!

Ferðaskrifstofan Nonni

Brekkugata 5, 602 Akureyri

Ferðaskrifstofan Nonni Travel ehf.,stofnað 1988, er staðsett við Ráðhústorgið í harta Akureyrar. Aðaláhersla er á skipulagningu ferða og móttöku erlenda gesta á Íslandi, Grænlandi og Færeyjum.

  • Nonni Travel býður upp á gott úrval ferða og ýmsa afþreyingu.
  • Nonni Travel er sérhæfð í ráðgjöf og skipulagningu sérsniðinna ferða fyrir einstaklinga og hópa.
  • Nonni Travel hefur mikla reynslu í ráðstefnuhaldi og skipulagningu stærri funda.

Ísafjörður Guide - Helga Ingeborg Hausner

Seljalandsvegur 85, 400 Ísafjörður

Eitthvað sérstakt - Nature and Cultural Walks with a view of Ísafjörður

Ísafjarðarganga - Áhugaverð ferð í gegnum tímann

Leiðsögukonan er klædd eins og fiskverkakona frá 19. öld og leiðir ykkur í gegnum bæinn og upp í hlíðina fyrir ofan Ísafjörð. Hún sýnir áhugaverða staði, gefur innsýn inn í sögu Ísafjarðar og segir sögur og sagnir bæði úr fortíð og nútíð. Það eru sögur um vættir okkar eins og álfum, tröllum og draugum. Leiðsögukona skiptir nestið sitt með gestum. (2 klst.)

Í lok ferðarinnar er gefinn kostur á því að lengja ferðina um eina klukkustund til að fræðast um eitt af eftirfarandi efnum, sem er einkum hægt að panta ein og sér:

Jarðsögu og jarðfræði (3 klst.)
Gróður Vestfjarða eða Haustlitir (3 klst.)

Sérferðir:

Náttúruganga (5 klst.)
Komdu að smakka (3,5 klst.)

Persónuleg leiðsögn skv. beiðni
Vinsamlegast hafið samband vegna ferða og bókana.

Icy dreamland ehf.

Álfhella 4, 220 Hafnarfjörður

Vinsamlegast hafið samband vegna ferða og bókana.

Reykjanes Tours

Hafnargata 39, 230 Reykjanesbær

Vinsamlegast hafið samband vegna ferða og bókana.

Reykjavík Sea Adventures

Ægisgarður 3, 101 Reykjavík

Við sérhæfum okkur í hvalaskoðun og lundaskoðun og bjóðum einnig upp á sjóstangveiði. Allar ferðir eru frá gömlu höfninni í Reykjavík.

Scandinavia Travel North ehf.

Garðarsbraut 5, 640 Húsavík

Scandinavia Travel North er ferðaskrifstofa og -skipuleggjandi á Íslandi, með sérstaka áherslu á norður- og austurhluta landsins. Við bjóðum alhliða ferðaþjónustu, þ.á.m. akstur, skoðunarferðir, leiðsögn, og bókarnir á gistingu, afþreyingu, viðburðum, veitingum o.s.frv.

Scandinavia Travel North leggur sérstaka áherslu á vel útfærðar sérsniðnar ferðir með áherslu á heildarupplifun þátttakenda. Auk hefðbundinna skoðunarferða og áfangastaða, bæði sem dagsferðir og nokkra daga pakkar, þá skipuleggjum við einnig ferðir utan alfaraleiða og vinsælustu svæðanna. Slíkar sérsniðnar ferðir gætu leitt þig til þekktra áfangastaða á landinu, en einnig til minna þekktra svæða eða áhugaverðra staða, með von um að heildarupplifun og reynsla verði sem mest og best.

Við leggjum okkur fram um að segja sögur og tengja við staðhætti, menningu, hefðir og arfleifð.

Skipulag hópferða er okkar fag. Við bjóðum bæði faglega og sérhæfða þjónustu í formi skipulags og undirbúnings, ásamt öllu utanumhaldi. Skipulag á landi, skoðunarferðir, gisting og veitingar, afþreying o.s.frv. Við eigum ferðaplön og hugmyndir, en erum ávallt tilbúin að útfæra sérstaklega ferðaskipulag í samræmi við þínar óskir, áhugasvið, tímaramma, aðstæður og hvað á að vera innifalið.

Fyrir einstaklinga og litla hópa, þá bjóðum við sérferðir með leiðsögn og einnig bílaleigupakka.

Scandinavia Travel North er með leyfi ferðaskrifstofu frá Ferðamálastofu.

Salka Whale Watching

Garðarsbraut 6, 640 Húsavík

Salka Whale Watching var stofnað 2012.

Við bjóðum uppá hvalaskoðunarferðir og hvala og lundaskoðunarferðir á fallega uppgerðum eikarbátum.

Verið velkomin í ævintýraferð á Skjálfanda með Salka Whale Watching.

Fun Iceland Travel ehf.

Hátún 6a, 105 Reykjavík

FunIceland er ferðaskrifstofa sem bíður upp á mikið af upplýsingum um Ísland og er tilbúið að hjálpa fólki sem vill skipuleggja fríð sitt þannig að það nái að hámarka upplifun sína.

Hægt er að finna mikið magn af upplýsingum um staði, náttúru, dýralíf og fleia.

Exploring Iceland

Fálkastígur 2, 225 Garðabær

Exploring Iceland er ferðaskrifstofa sem sérhæfir sig í rútu- og gönguferðum fyrir hópa.

Einnig bjóðum við uppá margskonar hestaferðir fyrir hópa og einstaklinga og erum með ýmsar nýjungar s.s. lúxushestarferðir með hótel gistingu, reiðkennsluferðir, heimsókn á hestabúgarða, dvöl á hestabúgörðum, vetrarferðir og ýmislegt fleira.

Ambassador

Torfunesbryggja, 600 Akureyri

Ambassador Whale Watching hóf starfsemi á Akureyri vorið 2013. Einkunnarorð okkar eru "Ástríða fyrir hvalaskoðun" - Whale watching is our passion! Síðastliðið sumar sáum við hvali í hverri einustu ferð frá 29. maí, alltaf hnúfubaka, sem eru stórhveli, en oftast aðrar tegundir líka. Hvalaskoðunarsvæði okkar á Eyjafirði er skammt undan og einstaklega vel fallið til náttúruskoðunar. Eyjafjörður er lengsti fjörður landsins, varinn af fjöllum á báðar hliðar og þekktur fyrir veðursæld. Bátarnir okkar hreyfast því ákaflega lítið og sjóveiki er nánast óþekkt hjá okkur. Ambassador rekur tvo sérhannaða hvalaskoðunarbáta með frábærri aðstöðu fyrir farþega hvort sem er úti eða inní í upphituðum sölum. Það fer vel fer um alla og gott útsýni er fyrir alla farþegana í einu. Við erum líka með rib-báta fyrir 12 farþega sem bjóða upp á hraða og skemmtilega hvalaskoðun.

Skoðið frábæra umsögn gesta okkar um Ambassador Whale Watching á TripAdvisor


Frekari upplýsingar í síma 462 6800
info@ambassador.is www.ambassador.is

Northbound ehf.

Flugvallarbraut 752, 235 Reykjanesbær

Northbound er kjörinn vettvangur fyrir ferðamenn sem hyggjast ferðast um eyjuna fögru. Áherslan er lögð á ferðamáta en á síðunni er einstaklega auðvelt að bera saman verð frá samstarfsaðilum okkar þar sem fyrirtækin nýta sér vefinn til að koma vörum sínum og þjónustu á framfæri.

Hægt er að finna bíla úr öllum flokkum frá hátt í 40 bílaleigum, allt frá smábílum upp í stærri húsbíla. Afþreying sem í boði er er verulega fjölbreytt og ættu allir geta fundið eitthvað við sitt hæfi.

Á vefsíðunni má einnig finna fjölda bloggskrifa sem innihalda fjölbreyttar upplýsingar um ferðalög á Íslandi og þau tækifæri og þjónustu sem landið hefur uppá að bjóða

Gray Line Iceland

Klettagarðar 4, 104 Reykjavík

Markmið okkar er að veita ógleymanlega upplifun á Íslandsferð.

Gray Line Iceland býður upp á ferðaskipulagningu fyrir hópa af öllum stærðum og rútuleigu á fyrsta flokks hópferðabílum.

Einnig bjóðum við upp á skemmtilegar dagsferðir með leiðsögn frá Reykjavík og áætlunarferðir til og frá Keflavíkurflugvelli.

Allir okkar bílar eru útbúnir öryggisbeltum, WiFi, sjónvarpi og DVD spilara og hægt er að panta bíla með salerni og extra fótaplássi. Einnig bjóðum við upp á fjórhjóladrifna hópferðabifreiðar fyrir hálendisferðir.

Við höfum skipulagt ferðir um Ísland fyrir Íslendinga og aðra ferðamenn í yfir 30 ár og erum stolt af því frábæra starfsfólki okkar sem býður upp á persónulega þjónustu og aðstoð til viðskiptavina okkar.

Kíktu við, hringdu eða skrifaðu okkur línu og sjáðu hvað við getum gert fyrir þig.

Sjóferðir Kela/Keli Sea Tours

Oddeyrarbót 1, 600 Akureyri

Sjóferðir Kela/Keliseatours.is

Keli Seatours/Sjóferðir Kela er lítið fjölskyldufyrirtæki í hvalaskoðun á Akureyri sem hóf starfsemi sumarið 2017. Fyrirtækið er í eigu þriggja bræðra, Áskelssona, sem gerðu upp gamlan eikarbát sem byggður var af föður þeirra, Áskeli Egilssyni, og félögum hans á Akureyri árið 1975. Bátinn, sem var fiskibátur í um 40 ár, átti að rífa. Á tímabilinu maí til október eru í boði daglegar siglingar um Eyjafjörð, aðallega hvalaskoðun en einnig er möguleiki á sjóstöng eða einkaferðum sé þess óskað. Við bjóðum upp á frítt kaffi, heitt súkkulaði og kex um borð fyrir viðskiptavini. Allir farþegar klæðast hlífðarfatnaði um borð (flotgöllum) til þæginda og öryggis og þá er að sjálfsögðu salerni um borð. Gott er að vera í góðum skóm og taka með sér húfu og vettlinga. Áætlaður ferðatími í hvalaskoðun er 3 tímar

facebook.com/keliseatours

Ambassador

Geirsgata 7a, 101 Reykjavík

Ambassador Whale Watching hóf starfsemi á Akureyri vorið 2013. Fyrirtækið býður upp á ferðir frá Akureyri yfir vor, sumar og haust og frá Reykjavík allt árið. Einkunnarorð okkar eru "Ástríða fyrir hvalaskoðun" - Whale watching is our passion!

Reykjavík Sightseeing / Airport Direct

Skógarhlíð 10, 105 Reykjavík

Sea Island

Njálsgata 15a, 101 Reykjavík

Vinsamlegast hafið samband vegna ferða og bókana.

Vinsamlegast hafið samband vegna ferða og bókana.

Maríuferðir ehf.

Hrauntunga 81, 200 Kópavogur

Vinsamlegast hafið samband vegna ferða og bókana.

Arctic See Angling and Hunting

Böggvisbraut 6, 620 Dalvík

Vinsamlegast hafið samband vegna ferða og bókana.