Fara í efni

Dýragarðar og opinn landbúnaður

Húnaver

Bólstaðarhlíðarhreppur, 541 Blönduós
Opnunartími (húsdýragarður) Virkir dagar: Laugardagar: Sunnudagar:
1. júní - 11. september: 11:00-18:00 11:00-18:00 11:00-18:00
Einnig opið eftir samkomulagi. Vinsamlegast hafið samband vegna ferkari upplýsinga um aðra þjónust í boði.

Tjaldsvæði opnar 1. maí - 30. september (háð veðri)

Ferðagjöf

Ferðaþjónustan Brúnastöðum

Brúnastaðir, Fljót, 570 Fljót

Á Brúnastöðum er rekin ferðaþjónusta allt árið um kring. Boðið er upp á gistingu í tveimur stórum húsum sem leigjast út í heilu lagi og geta hýst að minnsta kosti tíu manns hvort. Bæði húsin eru með heitum pottum. Tilvalið fyrir litla hópa eða stórfjölskyldur.

Með húsunum fylgir aðgangur að húsdýragarðinum á Brúnastöðum og að tveimur "sit on top" kajökum sem hægt er að nota á Miklavatni, en vatnið er stutt frá húsunum. Fljótin eru mikil náttúruparadís. Ótal gönguleiðir eru í fjallgörðum Tröllaskagans. Hægt er að kaupa ódýr veiðileifi í Miklavatn hjá húsráðendum. Stutt er í sundlaugar, á Sólgörðum, Hofsósi, Siglufirði og Ólafsfirði, á þessum stöðum eru einnig forvitnileg söfn og góðir veitingarstaðir. Mikið og fjölbreytt fuglalíf er á svæðinu, einnig eru Fljótin þekkt fyrir mikla berjasprettu.

Húsdýragarðurinn
Á Brúnastöðum er lítill húsdýragarður opinn yfir sumartímann. Þar má finna öll helstu íslensku húsdýrin, s.s. geitur, heimalinga, grísi, kanínur, kalkúna, endur, margar tegundir af hænum og yrðlinga.

Garðurinn er opinn frá 25. júní til 1. sept, frá 11:00 til 18:00.

Þið finnið okkur á Facebook hér.

Vorsabær 2

Vorsabær 2, Skeiðum, 804 Selfoss

Hestaferðir

Í Vorsabæ 2 er boðið er upp á hestaferðir þar sem lögð er áhersla á persónulega þjónustu og leiðsögn. Eingöngu er tekið á móti litlum hópum og það er tilvalið fyrir fjölskyldur eða litla vinahópa þar sem allir geta tekið þátt. Við tökum að okkur að teyma hesta undir minna vönum börnum í ferðum.

Allar ferðir hefjast inni í reiðhöll þar sem hver og einn getur kynnst hestinum sínum. Svo er farið og riðið út um næsta nágrenni á þeim hraða sem hentar hverju sinni.

Við erum með trausta og skemmtilega hesta við allra hæfi, bæði fyrir alveg óvana og vana knapa. Í boði eru 1, 2 og 3 tíma hestaferðir, en einnig eru í boði dagsferðir fyrir vana knapa sem taka 5 tíma.

Einnig bjóðum við upp á það að teyma hesta undir börnum inni í reiðhöll í um 10 mínútur fyrir hvert barn.

Sveitalíf / Heimsókn á bæinn

Hægt er að koma í heimsókn til að skoða dýrin og búskapinn á bænum. Tekið er á móti litlum og stórum hópum og gefst gestum kostur á að fræðast um dýrin og klappa þeim. Starfsemin getur verið nokkuð mismunandi eftir árstíma og t.d. á vorin geta allir séð nýfædda kiðlinga, lömb og folöld.

Orlofshús til útleigu á bænum

Húsið rúmar allt að 8 manns í gistingu. Þar eru 2 svefnherbergi, í öðru er tvíbreitt rúm en í hinu eru kojur þar sem sú neðri er tvíbreið. Auk þess er rúmgott 18 fermetra svefnloft, en þar eru 3 rúm og auk þess er hægt að bæta við dýnum eða fá lánað ungbarnarúm. Eldhúsið er búið öllum nútíma tækjum og áhöldum og í setustofu er sjónvarp. Við húsið er skjólgóð verönd með garðhúsgögnum og gasgrilli. Ekki er aðgangur að heitum potti en hægt er að komast í sundlaug sem staðsett er í 2 km. fjarlægð. Upplögð staðsetning fyrir þá sem ferðast um Suðurland, þar sem stutt er til margra vinsælla ferðamannastaða og stutt í margskonar þjónustu.

Daladýrð

Brúnagerði, 601 Akureyri

Húsdýragarðurinn Daladýrð er í tæplega 20 mín fjarlægð frá Akureyri. Staðsettur í Brúnagerði í Fnjóskadal, rétt við Vaglaskóg. Þarna gefur að líta öll helstu húsdýrin eins og hesta, kindur, kýr, hund, geitur, grísi, ýmsar tegundir af hænum, kanínur og kisur. Einnig eru við með refi á sumrin.

Það má klappa öllum dýrum sem vilja láta klappa sér og svo má fara inn í gerðið hjá geitunum og kattaheimilið og knúsa kisur og kettlinga þegar þeir eru nógu stórir til að láta halda á sér.

Leiksvæði fyrir börnin er bæði innan og utandyra. Hlaða til að hoppa í heyið og úti eru trampólín og fleira.

Í daladýrð er kaffihús og verslun sem selur íslenskt handverk sem allt tengist sveitinni á einhvern hátt.

Opið er alla daga frá kl.11-18

Verð:
3-12 ára - 900 kr.
13 ára og eldri - 1300 kr.

Ferðagjöf

Vogafjós

Vogum , 660 Mývatn

Velkomin í Vogafjós

Árið 2005 voru reist gistihús til viðbótar við fjósið .Gistihúsin eru bjálkahús austan við fjósið á fallegum reit umkringdu hrauni og birkiskógi. Herbergin eru rúmgóð og hægt er að velja milli 2ja, 3ja og 4ja manna, allt með sérbaðherbergjum. Morgunverður er innifalinn. Herbergin eru fallega innréttuð og höfuðmarkmiðið er að gestum líði vel og geti slappað af
eftir langan dag.

Vinsamlegast bókið beint hér eða í síma 464-3800 eða sendið fyrirspurn á netfangið vogafjos@vogafjos.is til að fá nánari upplýsingar.

Morgunverður

Morgunverður er framreiddur í veitingasalnum, í um þriggja
mínútna göngufjarlægð frá gistihúsunum. Hægt er að fylgjast með morgunmjöltum
sem byrja klukkan 7.30 og jafnvel fá að smakka ylvolga og ferska mjólkina,
beint úr spenanum.

Morgunverðartími er breytilegur milli árstíma.

Veitingastaður

Inni í Vogafjósi rekum við glæsilegan veitingastað þar sem við leggjum áherslu á að bjóða veitingar beint frá býli.

Einkunnarorð Vogafjóss eru: ,,Þú ert það sem þú borðar". Með það að leiðarljósi leggjum við metnað okkar í að hafa
einungis á boðstólum úrvals hráefni. Við notum mikið af okkar eigin afurðum svo sem hangikjöt, reyktan silung, heimagerða osta, heimabakað bakkelsi, hverabrauð og að sjálfsögðu kjöt frá okkar eigin búi.

Þá er vert að geta þess að Vogafjós er aðili að Beint frá býli og matarklasanum Þingeyska matarbúrið.

Opnunartími er breytilegur yfir árið, best er að hafa samband í síma 464-3800 eða á vogafjos@vogafjos.is fyrir upplýsingar varðandi það.

Ferðagjöf

Friðheimar

Reykholt, Bláskógabyggð, 806 Selfoss

Matarupplifun

Í Friðheimum bjóðum við uppá einstaka matarupplifun, þar sem er borin fram tómatsúpa og nýbakað brauð ásamt öðru góðgæti í notalegu umhverfi innan um tómatplönturnar.

Gestirnir upplifa það einstaka að koma í miðjarðarhafsloftslagið sem er ríkjandi í gróðurhúsinu allt árið um kring og finna ilminn af tómatplöntunum á meðan þeir njóta umhverfisins og heimalagaðra veitinganna. Einnig er vinsælt að koma og skála í tómatsnafs í góðra vina hópi!

Hægt er að taka gómsætar minningar með sér heim úr litlu tómatbúðinni okkar þar sem eru til sölu matarminjagripir á borð við tómatsultu, gúrkusalsa og tómathressi en þetta er allt framleitt á staðnum.

Við mælum með að bóka alla þjónustu fyrirfram í síma 486-8894 eða á fridheimar@fridheimar.is

Gróðurhúsaheimsókn og Hestasýning eða Heimsókn í hesthúsið

Einnig bjóðum við uppá Gróðurhúsaheimsókn þar sem farið er yfir hvernig hægt er að rækta grænmeti á Íslandi allt árið um kring með aðstoð náttúrunnar!

Hestasýning og Heimsókn í hesthúsið er í boði þar sem farið er yfir sögu- og gangtegundir íslenska hestsins í notalegu umhverfi. Eftir sýninguna er gestum boðið í hesthúsið þar sem tækifæri gefst til að klappa hestunum og spjalla við knapana.

Afþreyingin hentar öllum aldurshópum og er tilvalin fyrir þá sem hafa áhuga á að skyggnast inn í hið hefðbundna sveitalíf íslenskrar fjölskyldu.

Við mælum með að bóka alla þjónustu fyrirfram í síma 486-8894 eða á fridheimar@fridheimar.is

Ferðagjöf

Háafell Geitfjársetur

Háafell, 320 Reykholt í Borgarfirði

Íslenska geitin er í útrýmingarhættu, á Háafelli er unnið að verndun og viðhaldi geitastofnsins. Gestir fá góðar móttökur hjá geitunum sem eru mjög mannelskar. Hægt er að taka geitur í fóstur og taka þannig þátt í að vernda stofninn.

Salernisaðstaða. Verslun Beint frá Býli. Geitaafurðir, baðvörur, krem og sápur, skinn og handverk.

Rósagarður með um 180 tegundum rósa ásamt öðrum yndisgróðri.

Önnur dýr á bænum eru: Hestar, kindur, landnámshænur, silkihænur, hundar og kettir.

Opið 1. júní til 31. ágúst frá 13:00 til 18:00 og síðan allt árið eftir samkomulagi.

Verðið er 1500 fyrir fullorðna, 750 fyrir 7-17 ára frítt fyrir yngri og hver fjölskylda borgar aldrei fyrir fleiri en 2 börn

Sveitagarðurinn

Stóri-Háls, 801 Selfoss

Sveitagarðurinn er dýra- og afþreyingargarður á Stóra-Hálsi í Grafningi. Við erum staðsett 15 km frá Selfossi og 7 km frá Sogsbrúnni við Þrastalund. Garðurinn verður opinn alla daga í sumar frá 12:00 - 18:00 .

Í sveitagarðinum eru hestar, kálfar, svín, kindur, geitur, hænur, endur, dúfur, kanínur, og kisur.

Hægt er að klappa hestum og fara á bak, halda á kanínum og kettlingum, heilsa upp á hin dýrin og kynnast þeim.

Garðurinn verður opinn alla daga yfir sumartímann frá 12:00 - 18:00 .

Hjá Góðu Fólki

Syðra-Lágafell, 311 Borgarnes

Handverk úr héraði og blóm og salat úr gróðurhúsunum.

Ferðagjöf

Hey Iceland

Síðumúli 2, 108 Reykjavík

Hey Ísland - ferðaþjónusta bænda er ferðaskrifstofa landsbyggðarinnar. Við byggjum á yfir 35 ára reynslu og þekkingu í ferðaþjónustu á landsbyggðinni sem gerir okkur kleift að bjóða upp á fjölbreytt úrval af gistingu um land allt og afþreyingu við allra hæfi í návist við náttúruna og friðsælt umhverfi sveitarinnar.

Hey Ísland býður upp á fjölbreytt úrval af gistingu hjá yfir 160 gististöðum um land allt, frá fjölbreyttri bændagistingu yfir í hlýleg sveitahótel, sumarbústaði og íbúðir. Allir ættu því að geta fundið eitthvað við sitt hæfi hjá Hey Ísland, www.hey.is.

Ferðaþjónustan Erpsstöðum

Erpsstaðir, Miðdölum, 371 Búðardalur

Opinn landbúnaður, frá 15. maí - 14. júní, daglega frá 13:00 til 17:00, 15. júní - 14. ágúst, daglega frá 11:00 til 18:00, 15. ágúst - 15. september, daglega frá 13:00 - 17:00 og 16. september - 14. maí samkvæmt samkomulagi.

Hópar panti fyrirfram.

Til sölu rjómaís, skyr og ostar framlett af Rjómabúinu Erpsstöðum. Fjósaskoðun, kynning á starfssemi kúabús, skoða byggingar og húsdýr með leiðsögn ábúenda.

Seld gisting í sumarhúsi, opið allt árið.

Sjá vefsíðu

Ferðagjöf

Snow Dogs

Vallholt, 650 Laugar

Vinsamlegast hafið samband vegna ferða og bókana.

Kaffi Kú

Garður, 601 Akureyri

Við bjóðum uppá afþreyingu, gott kaffi, mat beint frá býli og allskyns bakkelsi í vöffluformi. Það sem gerir kaffi kú öðruvísi en önnur kaffihús er afþreyingin, staðsetningin og útsýnið á kaffihúsinu, hægt er að fylgjast með 300 kúm og kálfum í afslöppuðu umhverfi, kýrnar liggja á dýnum, fara í nudd og láta mjólka sig þegar þær vilja.
Komið og upplifið í einni fallegustu sveit landsins. Staðsetning kaffihússins er í 10-12 mín fjarlægð frá Akureyri. Kaffi kú er frábær afþreying fyrir innlenda og erlenda ferðamenn.

Smellið hér til þess að sjá vefmyndavél úr fjósinu

Dalur-hestamiðstöð ehf.

Dalland, 271 Mosfellsbær

Frá árinu 1978 hefur hrossarækt verið stunduð í Dallandi og hross verið tamnin og þjálfuð í hestamiðstöðinni Dal. Ekkert hrossaræktarbú á Íslandi af þessari stærðargráðu er staðsett svona nálægt höfuðborgarsvæðinu.

Aðeins er um 15 mínútuna keyrsla úr miðborg Reykjavíkur í Dalland. Þeir sem hafa hug á hestakaupum eru velkomnir að hafa samband eða koma við að skoða hestana.

Vinsamlegast hafið samband vegna frekari upplýsinga.

Bjarteyjarsandur / Touch Iceland

Bjarteyjarsandur, 301 Akranes

Bjarteyjarsandur í Hvalfirði er heimili þriggja fjölskyldna og þar er stunduð fjölbreytt atvinnustarfsemi sem tengist búskap, ferðaþjónustu, fræðslustarfsemi, matvælaframleiðslu, verktakastarfsemi og fleiru. Bærinn stendur á fallegum stað innarlega í Hvalfirði og þar hefur sama ættin búið allt frá árinu 1887.

Gönguferðir, fræðsla & leiðsögn - boðið er upp á leiðsögn og fræðslu í Hvalfirði og nágrenni. Göngu- og rútuleiðsögn um Hvalfjörð, Akranes, Þingvöll og Borgarfjörð. Vinsælar gönguleiðir í nágrenninu eru Leggjabrjótur, Síldarmannagötur, Glymur og fjörusvæðin.

Á Bjarteyjarsandi er í boði gisting í notalegum sumarbústöðum og á skjólgóðu fjölskyldutjaldsvæði.

Sumarhús - í Fornastekk á Bjarteyjarsandi eru leigðir út vel útbúnir sumarbústaðir fyrir 5-7 manns. Bústaðirnir standa í fjallshlíð mót suðri og er útsýnið afar fagurt. Heitur pottur fylgir hverjum bústað. Helgar- og vikuleiga möguleg.

Tjaldsvæðið er á sléttri flöt neðan við gamla bæinn á Bjarteyjarsandi. Skjólbelti veitir ágætt skjól á hluta svæðisins. Salerni og ein sturta eru í þjónustuhúsi rétt ofan við tjaldflötina. Eldunaraðstaða eftir samkomulagi. Opið allt árið.

Verð 2019:
Fullorðnir: 1.500,- kr.
Börn, 4 - 14 ára: 750,- kr.
Börn, 3 ára og yngri: frítt
Rafmagn: 1.000,- kr. nóttin

Veitingastaðurinn Hlaðan er í uppgerðri fjóshlöðu í elsta hluta bæjarhúsanna á Bjarteyjarsandi. Matseðillinn samanstendur af heimafengnu hráefni sem myndar - ásamt umgjörðinni - einstaka matarupplifun.

Landbúnaður - á Bjarteyjarsandi er stundaður hefðbundinn sauðfjárbúskapur og gestum okkar er boðið að heimsækja fjárhús í fullum rekstri undir leiðsögn bænda á bænum.

Dýrin á bænum - um 600 fjár, íslenskar landnámshænur, hundar, hestar, kettir, kanínur, geitur og útigöngusvín á sumrin.

Beint frá býli - hægt er að versla við bændur á Bjarteyjarsandi allt árið um kring, þótt árstíðabundinn munur sé á vörum og þjónustu. Hér á síðunni er að finna verðlista yfir lambakjöt og vistvænt svínakjöt.

Opið daglega frá 1. maí til 30. september. Afgreiðslutími frá 11:00 til 17:00. Frá 1. október til 30. apríl þarf að bóka með a.m.k. tveggja sólahringa fyrirvara.

Hestaleigan Stóra Ásgeirsá

Stóra Ásgeirsá, 531 Hvammstangi

Á Stóru-Ásgerisá í Víðidal í Húnaþingi vestra, mitt á milli Reykjavíkur og Akureyrar, hefur fjölskyldan opnað bæinn sinn fyrir fólki á ferðinni.
Á Stóru-Ásgerisá er hægt að að heimsækja öll helstu íslensku húsdýrin í sínu rétta og fallega umhverfi sem bæjarstæðið hefur uppá að bjóða. Hægt er að komast í snertingu við dýrin, klappa þeim, skoða og fræðast um þau.
Á Stóru-Ásgerisá er einnig hestaleiga og er boðið uppá lengri og styttri ferðir um fallegt nágrenni staðarins. Riðið er niður engjarnar og með Víðidalsánni. Útsýnið frá bæjarstæðinu og reiðleiðunum er mjög fallegt og sést vel yfir dalinn og ánna, yfir að Borgarvirki og Kerunum sem vönum reiðmönnum í lengri ferð gefst færi á að ríða að og skoða.
Gisting er fyrir allt að 11 manns í 4 herbergjum.
Lítil sjoppa er á staðnum.
Við hlið bæjarins rennur Ásgeirsáin sem skartar tveimur fallegum fossum sem ferðamönnum gefst færi á að ganga að um og skoða.
Í nágrenni við Stóru-Ásgeirsá (5-20 mín akstur) eru áhugaverðir staðir sem hægt er að skoða og má þar helst nefna Kolugljúfur, Hvítserk, Borgarvirki og Selasetrið á Hvammstanga en þar er einnig sundlaug með rennibraut.

Dýragarðurinn Slakka

Laugarás, 801 Selfoss

Dýragarðurinn Slakki er lítill húsdýragarður í Laugarási, Biskupstungum.

Opnunartími:
Apríl og Maí - opið um helgar

1. júní - 31. ágúst - Opið alla daga kl. 11:00 - 18:00

September - opið um helgar


Dýragarðurinn í Hólum

Hólar, 371 Búðardalur

Á sveitabænum okkar Hólum er að finna mörg dýr, þar á meðal hesta, hunda, ketti, kanínur, endur, kalkúna, kindur, lömb, hænur, geitur, svín og jafnvel krumma!

Verið velkomin í heimsókn til okkar þar sem þið getið skoðað, fræðst og jafnvel klappað dýrunum.

Opið 15. júní - 13. ágúst frá 10:00 til 16:00. Lokað á þriðjudögum.

Fjölskyldu- og Húsdýragarðurinn

Múlavegur 2, 104 Reykjavík

Fjölskyldu- og húsdýragarðurinn í Laugardal er sannkölluð perla í miðri Reykjavík. Þar má finna íslensk húsdýr, villt íslensk spendýr auk fulltrúa frá þeim tveim fylkingum dýra sem finnast ekki í íslenskri náttúru, skriðdýr og froskdýr. Allt frá opnun Húsdýragarðsins árið 1990 hefur verið lögð áhersla á að garðurinn sé til fyrirmyndar og í vaxtarbroddi hvað varðar dýravernd og dýravelferð.

Fjölskyldugarðurinn var opnaður árið 1993 og síðan þá hefur Fjölskyldu- og húsdýragarðurinn verið rekinn sem einn garður. Í Fjölskyldugarðinum finna flestir eitthvað við sitt hæfi en þar eru alls kyns leiktæki, góð nestisaðstaða og útigrill á skjólgóðu útisvæði sem gerir góðan sumardag enn betri og stormasaman vetrardag góðan til útivistar.

Hugtökin sem lögð voru til grundvallar við uppbyggingu svæðisins eru að sjá, að læra, að vera og að gera sem eru tengd við lykilorð eins og fjölskylda, ævintýri, sögur, leikir og umhverfisvænar framfarir. Hugmyndasmiðir og útlitshönnuðir svæðisins leituðu eftir skírskotun til menningarsögu Íslendinga. Því eru ýmis minni í görðunum tveim tengd norrænni goðafræði og víkingatímabili þjóðarinnar. Má þar nefna víkingaskip, öndvegissúlur og þinghól sem líkir eftir gömlum þingstað auk nafngifta á svæðinu. Margar sögulegar tengingar sem voru á teikniborðinu í upphafi hafa enn ekki komið til framkvæmda. Fræðslustarf var í upphafi hornsteinn starfseminnar og er enn og taka um 10.000 nemendur þátt í fræðslustarfi í garðinum á ári hverju.