Fara í efni

Glamping lúxustjöld

Ferðagjöf

Volcano Huts Þórsmörk

Húsadalur Þórsmörk via Road no. F 249 ,

Volcano Huts í Húsadal í Þórsmörk

Volcano Huts er þjónustufyrirtæki sem staðsett er í Húsadal í Þórsmörk og býður upp á gistingu og veitingar fyrir hópa og einstaklinga. Þórsmörk er ævintýraheimur göngufólks og náttúruunnenda á öllum aldri. Landslagið er ægifagurt og mótast af samspili eldfjalla, jökla, skóga og jökuláa sem móta útsýnið til allra átta.

Þjónusta í Húsadal

Gisting og aðstaða: í Húsadal er boðið upp á gistingu í notalegum fjallaskálum, fjögurra til fimm manna smáhýsum, eins og tveggja manna herbergjum, glæsitjöldum og á tjaldsvæðum. Hægt er að fá leigð rúmföt og sængur á staðnum. Sturtur, gufubað og heit náttúrulaug er innifalið í gistingu en aðrir ferðalangar geta fengið aðgang að þeirri þjónustu gegn vægu gjaldi.

Veitngastaðurinn okkar býður upp á ljúffengar veitingar fyrir hópa og einstaklinga sem leið eiga um Húsadal og Þórsmörk. Boðið er upp á morgunverð, hádegisverð, kaffiveitingar og kvöldverð auk þess sem hægt er að setja upp veislur og viðburði fyrir hópa hvort heldur sem er innandyra eða utan. Eftir matinn er svo tilvalið að fá sér drykk á barnum og deila ferðasögunni með öðrum ferðalöngum.

Afþreying: Frá Húsadal liggur fjöldi gönguleiða um Þórsmörk og Goðaland og má þar helst nefna Laugaveginn og Fimmvörðuháls sem eru vinsælustu gönguleiðir landsins. Boðið er upp á nudd, yoga og hægt er að halda kvöldvökur við varðeld.

Gönguleiðir: Fjöldi skemmtilegra göngu- og hlaupaleiða liggja um Þórsmörk og nágrenni Húsadals og hér ættu allir að finna sér leiðir við hæfi. Laugavegurinn og Fimmvörðuháls eru meðal þekktustu gönguleiða á Þórsmerkursvæðinu en auk þeirra eru fjöldi annarra skemmtilegra leiða. Gönguleiðakort eru seld í Húsadal.

Samgöngur: Til að komast í Húsadal er ekið frá Suðurlandsvegi upp jeppafæran vegarslóða merktan F249 í Þórsmörk. Fara þarf yfir nokkrar ár og læki á leiðinni en helst má þar nefna Krossá sem eingöngu er fær vönum bílstjórum á vel útbúnum jeppum. Staðarhaldari í Húsadal getur veitt aðstoð við að komast yfir Krossá.

Daglegar rútuferðir eru frá BSÍ yfir sumar mánuðina en hægt er að nálgast nánari upplýsingar um áætlun rútuferða og að bóka rútumiða á vefsíðu Volcano Huts.

Bókanir og allar nánari upplýsingar um þjónustu í Húsadal er að finna á vefsíðunni http://www.volcanohuts.com og hægt er að hringja í síma 419 4000 eða senda tölvupóst á netfangið volcanohuts@northerndestinations.is


Glamping lúxustjöld - eins manns / tveggja manna - 10 stk

Herbergi - eins manns / tveggja manna - 14 stk

Smáhýsi - 4 til 5 pers - 8 stk
Skálagisting - 60 rúm
Tjaldstæði 100 +

Volcano Huts

S: 419 4000
@: volcanohuts@northerndestinations.is

www.volcanohuts.com

Ferðagjöf

Iceland Yurt

Leifsstaðabrúnir 15, 601 Akureyri

Iceland Yurt býður upp á einstaka gistingu í Mongólíu tjöldum (Ger/Yurt) allan ársins hring í rólegu og náttúrulegu umhverfi með stórkostlegt fjallaútsýni og útsýni yfir Eyjafjörð og Akureyri.

Einnig eru þau með Gaia hofið þar sem boðið er upp á námskeið og heilsumeðferðir fyrir ferðamenn, náttúruunnendur og þá sem vilja efla eigin heilsu og innri styrk.Þetta býður upp á meiri meðvitund um náttúruna og umhverfið jafnt sem eigið andlegt og líkamlegt jafnvægi.

Gaia hofið, námskeið og tónheilun
Þóra Sólveig býður upp á námskeið, hugleiðslur, athafnir, hreyfingu í núvitund/dans, djúpa slökun og tónheilun. Solla spilar á gong, kristal hljómskálar og önnur heilandi hljóðfæri fyrir einstaklinga, pör og hópa í náttúrunni eða inni í Gaia hofinu í okkar einstaka hand útskorna Yurt. Hægt er m.a. að bóka einkatíma í hljóðheilun með kristal tónkvísl og hreinum kjarnaolíum.

Nokkur orð frá gestum okkar:

Gisting í Yurt:

'Amazing yurt, very cozy and warm. Beautiful view in such a quiet place'
'This place is truly amazing. The kids will be talking about their stay in the yurt for a long time to come´
´This was such a fun and memorable experience for myself, my husband, and our 2-year old son.´

´We stayed at Iceland Yurt with three of us when travelling around Iceland in August. I have never slept in a yurt before and I am really impressed how clean and comfortable everything was. The yurt is really cozy with a stove in the middle, the beds are great and there are plenty of woollen blankets and pillows. We fell asleep listening to the light drizzle of rain outside and woke up next morning to a beautiful view over Akureyri and with a great breakfast lovingly prepared in a small cooling box. The hosts are so nice and welcoming and I'll gladly stay here again.´

Heilsumeðferð í Gaia hofinu:
´Amazing experience with Solla- felt like a part inside of me was awaken again and I felt new born after!! I felt like in peace surrounded with relaxing and nourishing healing bowls and gong sounds, touching the body and soul- and Solla guided me with a respectful and intuitive way through sounds and touch to remember my own being again.
A deep and healing experience - I warmly recommend to receive a healing session with Solla! So grateful to get the first private session with her!´ (in the Gaia Temple).

Ferðagjöf

Original North

Vað, 641 Húsavík

Original North - Camp Boutique er lítið fjölskyldu fyrirtæki sem staðsett er á Vaði í Þingeyjarsveit þar sem gestgjafarnir eru fæddir og uppaldnir. Boðið er upp á tvennskonar gistingu á staðnum, annars vegar í fullbúnum og upphituðum lúxus tjöldum og hins vegar er hægt að leigja hús. Hægt er að velja um tvær gerðir af tjöldum, annars vegar 2ja manna tjald (25 fm) og hins vegar 4 manna fjölskyldutjald (45 fm). Gisting í lúxus tjaldi er einstakt tækifæri til að njóta íslenskrar náttúru á skemmtilegan hátt.

Húsið sem er til leigu er 4 herbergja og fullbúið. Húsið er nýuppgert í gamaldags stíl þar sem sveitarómantíkin fær að njóta sín. Í húsinu er gistirými fyrir 8 manns. Húsavík er aðeins í 27 km fjarlægð og Akureyri í um 50 km fjarlægð.

OPNUNARTÍMI

Tjöld: Júní - September
Húsið: Allt árið

Ferðagjöf

5 milljón stjörnu hótelið

Ölvisholt, 803 Selfoss

"5 milljón stjörnu hótelið" er fjölskyldufyrirtæki sem býður upp á gistingu í gegnsæum náttúrukúlum.

Kúlurnar eru staðsettar á tveimur stöðum á Suðurlandi, annars vegar rétt fyrir utan Selfoss (Ölvisholt) og hins vegar í Bláskógabyggð (Hrosshagi).

Kúlurnar eru upphitaðar með þægilegum rúmum og er hver og ein kúla inn á milli sígrænna trjáa. Hver kúla rúmar 2 fullorðna. Sameiginleg salernisaðstaða er á báðum stöðum en engin veitingasala er til staðar. Hins vegar er stutt í alla þjónustu (Reykholt og Selfoss).

Þar sem kúlurnar í Ölvisholti eru staðsettar uppi á hæð henta þær síður þeim sem eiga erfitt með gang en í Hrosshaga er flatlendi.

Kúlugisting er ævintýri fyrir alla, stóra sem smáa, og skemmtileg nýjung til að njóta íslenskrar náttúru á einstakan og skemmtilegan hátt.

Ferðagjöf

5 milljón stjörnu hótelið

Hrosshagi, 806 Selfoss

5 milljón stjörnu hótelið" er fjölskyldufyrirtæki sem býður upp á gistingu í gegnsæum náttúrukúlum.

Kúlurnar eru staðsettar á tveimur stöðum á Suðurlandi, annars vegar í Bláskógabyggð (Hrosshagi) og hins vegar rétt fyrir utan Selfoss (Ölvisholt) .

Kúlurnar eru upphitaðar með þægilegum rúmum og er hver og ein kúla inn á milli sígrænna trjáa. Hver kúla rúmar 2 fullorðna. Sameiginleg salernisaðstaða er á báðum stöðum en engin veitingasala er til staðar. Hins vegar er stutt í alla þjónustu (Reykholt og Selfoss).

Þar sem kúlurnar í Ölvisholti eru staðsettar uppi á hæð henta þær síður þeim sem eiga erfitt með gang en í Hrosshaga er flatlendi.

Kúlugisting er ævintýri fyrir alla, stóra sem smáa, og skemmtileg nýjung til að njóta íslenskrar náttúru á einstakan og skemmtilegan hátt.

Eftirtaldir aðilar eru ekki skráðir þátttakendur í Ferðagjöf:

Camp Boutique

Loftsstaðir – Vestri, 801 Selfoss

Camp Boutique er hugarfóstur fjölskyldu sem lagðist á eitt við uppbyggingu á sjávarjörð sem tilheyrt hefur okkur í nokkrar kynslóðir. Eigendur Camp Boutique dvöldu þar sem börn í sveit og tóku þátt í að rækta kartöflur og gulrætur.

Við erum með tvær gerðir af tjöldum, Deluxe tveggja manna og svo stór fjölskyldutjöld. Tjöldin eru hönnuð sérstaklega fyrir íslenskar aðstæður, upphituð með rafmagnsofnum og innréttuð af mikilli kostgæfni. Það eru uppábúin rúm í tjöldunum og dýnurnar eru upphitaðar.

Farmhouse Lodge

Skeiðflöt, 871 Vík
Farmhouse Lodge á Skeiðflöt er giststaður sem býður uppá fjölbreytta gistingu, við erum staðsett 10 mínútur frá Vík í Mýrdal.

Boðið er uppá gistingu í herbergjum með baði og morgunmat ásamt því sem boðið er uppá Tjaldhótel þar sem eru 12 gistitjöld sem verða opin frá 1. Júní - 20. September það eru uppábúin rúm í tjöldunum. Við erum með bæði 2ja manna tjöld og 4 manna tjöld, ásamt því sem við bjóðum uppá 50 manna sal, aðstöðu til þess að elda sér ásamt baðherbergjum og sturtum. Hægt er að kaupa sér morgunmat og drykki á staðnum.

Frá Skeiðflöt er stutt að fara á marga skemmtilega staði við erum staðsett í innan við 20 mínútna fjarlægð frá Skógarfossi, Sólheimajökli, Dyrhólaey, Svörtu fjöru, Flugvélaflaki og er þetta kjörinn gististaður á leiðinni austur á Jökulsárlón og í Skaftafell þar sem hægt er að skoða alla þekktustu staði suðurlands með því að dvelja nótt á Skeiðflöt.

OPNUNARTÍMI
Tjöld: 1. júní - 20. september
Hótelherbergi: Allt árið

Traustholtshólmi ehf.

, 801 Selfoss

Traustholtshólmi er undurfögur náttúruperla, staðsett skammt frá ósum Þjórsár. Upplifðu ósnortna náttúru þessarar sjálfbæru eyju og taktu þátt í lífi eyjaskeggjans.

Komdu og heimsóttu eyjuna Traustholtshólma í Þjórsá.
Taktu þátt í að veiða lax í net með Hákoni sem er ábúandinn í eyjunni.
Upplifðu eyjuna sem er uppbyggð með vistvænni og sjálfbærrni að leiðarljósi.
Hákon mun seiga frá sögu eyjunnar og svo verður hent í varðeld og aflin úr netinu eldaður.

Gestir munu svo eyða nóttini í Mongólsku sem gefur einstaka nánd við náttúruna.

Boðið er upp á morgunmat áður en gestir eru ferjaðir í land.

Glamping & Camping

Herjólfsdalur, 900 Vestmannaeyjar

Smáhýsin eru staðsett í Herjólfsdal, höfum upp á að bjóða tvær týpur af smáhýsum:

1. Tunnur sem hafa að geyma tvö rými annars vegar svefnrými fyrir tvo og hins vegar stofu, með þægilegum og fallegum stólum.
2. A-hýsin eru eitt rými og þau eru einnig fyrir tvo.

Sjá verðskrá hér að neðan.

Smáhýsin eru fallega innréttuð með "Home sweet home" yfirbragði. Rafmagn er í húsunum en hvorki hreinlætisstaða né rennandi vatn. Ískápur er í öllum smáhýsunum.

Á tjaldsvæðinu er þjónustuhús með 4 salernum, 5 sturtum, eldunaraðstöðu, þvottavél og þurrkara. Sturtan er innifalin í verði. Leiktæki eru í Dalnum fyrir börnin.

Stutt í sundlaugina og golfvöllurinn hinu megin við túnið. Hundar eru bannaðir í Herjólfsdal. Frábærar gönguleiðir og hægt að ganga á Dalfjallið sem er ekki svo erfitt og skoða Lundann í leiðinni.

Verðskrá 2020

  • Tunna 10.900 kr
  • A-Hýsi 9.900 kr
  • A-Hýsi Small 7.900
  • Sængurpakki 1.600 pr rúm eitt gjald
  • Sængurpakki (sæng+koddi+sængurfatnaður) ekki innifalinn

Verðskrá tjaldsvæði Herjólfsdalur & Þórsvöllur :

  • 1.500 kr pr.mann pr.nótt 13 ára og eldri
  • Rafmagn 950 kr pr.nótt
  • Frítt fyrir 12 ára og yngri
  • Eldri borgarar
  • 1.200 pr mann pr.nótt
  • 750 kr rafmagn pr.nótt