Fara í efni

Heilsurækt og Spa

38 niðurstöður

Absorb Iceland

Rósarimi 1, 112 Reykjavík

Absorb Iceland er íslenskur dagferðasali staðsettur í Reykjavík sem vottaður er af Ferðamálastofu Íslands og fer eftir öllum lögum og reglum í ferðaþjónustu á Íslandi.

Við sérhæfum okkur í einkaferðum innanlands þar sem ferðast er á afslappandi og ánægjulega vegu. Með okkar reynda leiðsögufólki færðu að upplifa allt sem Ísland og hrífandi náttúru þess hafa að bjóða, hvort sem er með stútfullri ferðaáætlun af fjöri eða rólegum og þægilegum degi.

Við elskum að sníða ferðir að þörfum gesta okkar til að gera upplifun þeirra af Íslandi einstaka og ógleymanlega um alla ævi. Við leggjum ávallt áherslu á að veita gestum okkar persónulega og vinalega þjónustu, svo þeim líði eins og þeir séu að skoða landið með vini. Þú getur alltaf haft samband við okkur til að byrja að skipuleggja dvöl þína á Íslandi með bestu mögulegu ferðaáætlun sem er útbúin sérstaklega fyrir þig.

Við búum í Reykjavík og höfum brennandi áhuga á Íslandi. Okkur finnst við svo lánsöm að hafa alist upp og búið í okkar frábæra landi og viljum deila þekkingu okkar og kunnáttu á landinu og öllum þeim undrum sem Ísland hefur upp á að bjóða með nýjum vinum okkar.

Þú ferðast í einkaferð með persónulegum leiðsögumanni og færð nákvæmari upplifun af Íslandi og náttúru þess, menningu og sögu. Þess vegna eru ferðirnar okkar einkaferðir svo gestir okkar fái persónulegri nálgun. starfsfólk okkar er staðbundið. 

Vakinn

Jarðböðin við Mývatn

Jarðbaðshólar, 660 Mývatn

Jarðböðin við Mývatn eru staðsett í Jarðbaðshólum, um 4 km frá Reykjahlíð. Hér hafa verið stunduð heit jarðböð til heilsubótar allt frá landnámsöld en snemma á þrettándu öld vígð Guðmundur góði, biskup, gufuholu í Jarðbaðshólum sem notuð var til gufubaða (þurrabaða). Jarðböðin eru fyrir alla sem vilja njóta þess að vera í beinni snertingu við náttúruna, slaka á og endurnæra líkama og sál. Boðið er upp á náttúruleg gufuböð, baðlón með heitu hveravatni og heitan pott. Öll aðstaða fyrir gesti er góð, búningsklefar með læstum skápum, útiklefar og góðar sturtur. Hægt er að leigja sundfatnað og handklæði.

Með Jarðböðunum við Mývatn er ætlunin að viðhalda aldagamalli hefð fyrir böðum í Mývatnssveit, auka fjölbreytni í afþreyingu fyrir ferðamenn, styrkja atvinnulíf á svæðinu og opna nýja möguleika í heilsutengdri ferðaþjónustu.

Veitingasala er í Kaffi Kviku með stórkostlegu útsýni yfir baðlónið og Mývatn.

Opnunartími:
Sumar: 10:00-23:00
Vetur: 12:00-22:00

Laugar Spa

Sundlaugavegur 30a, 105 Reykjavík

Laugar Spa er einstakt tækifæri til að endurnæra líkama og sál. Fyrsta flokks heilsulind þar sem slökunar- og og lækningarmáttur íslenska vatnsins er í hávegum hafður

Í Laugar Spa eru alls sjö gufur, hver með sínu þema. Hver gufa hefur sinn einstaka ilm og má m.a. anda að sér sítrónu, piparmyntu og lavender, svo eitthvað sé nefnt. Ákveðið þema einkennir hverja gufu og þar má m.a. heyra fugla- og lækjarnið, upplifa stjörnuhvolfið sem og sólarupprisu eða hverfa til austurrísku bjálkakofanna og ekki síst Infrared stofu.

Í nuddpottinum sem byggður er úr graníti er hægt er að láta þreytuna líða úr sér eða hvíla þreytta fætur í þar til gerðum fótlaugum. Þeir sem vilja ferska upplifun skella sér í kaldan sjópott eða í heit og köld víxlböð í sérútbúnum klefum, eða baða sig í 6 metra breiðum fossi lystilega hönnuðum af Sigurði Guðmundssyni listamanni. Listilegt handbragð Sigurðar er einstakt og einkennist af handbragði meistara sem á sér engan líkan.

Hvíldarherbergi Laugar Spa er draumi líkast þar sem íslenskt landslag prýðir veggina ásamt kínversku graníti og listaverkum Sigurðar Guðmundssonar, að ógleymdum arninum sem prýðir miðju stofunnar.

Í Betri stofunni er einnig fyrsta flokks veitingaaðstaða, þar sem hægt er að njóta drykkja og veitinga í einstöku umhverfi.

Hreyfing ehf.

Álfheimar 74, 104 Reykjavík

Hreyfing býður upp á spennandi nýjungar sem tengjast almennri líkamsrækt og vellíðan. Stöðin er staðsett í Glæsibæ og býður upp á fyrsta flokks aðstöðu, nýjan tækjasal og hóptíma. Hreyfing spa býður upp á fyrsta flokks snyrti-, nudd og spameðferðir.   

Inspiration Iceland

Knarrarberg, 601 Akureyri

Inspiration Iceland er fyrirtæki sem leggur áherslu á lifandi og skemmtileg ferðalög.  Við bjóðum uppá ævintýraferðir til orkustaða og náttúrulinda, heilsu- og jóga ferðalög undir miðnætursólinni og norðurljósunum. Inspiration iceland býður uppá dagsferðir, slökunardaga og spennandi vikulöng vellíðunar-, heilsu- eða yogafrí.

Við bjóðum upp á glæsilegar vellíðunar- og ævintýraferðir á 66°  North.
Vinsamlegast hafið samband vegna ferða og bókana.

Guðlaug

Langisandur, 300 Akranes

Á Langasandi er hægt að baða sig í sjónum og njóta útsýnisins í Guðlaugu sem er heit laug staðsett í grjótgarðinum á Langasandi.


Vökuland guesthouse & wellness

Vökuland, 601 Akureyri

Vökuland Guesthouse er staðsett í hjarta Eyjafjarðarsveitar, aðeins 12 km frá Akureyri, umvafið fegurð norðlenskra fjalla.

Staðurinn er opinn allan ársins hring og er staðsetningin góð fyrir þá sem vilja nýta sér skíðasvæðið í Hlíðarfjalli eða aðra afþreyingu á Akureyri og nágrenni.

Við bjóðum gistingu í hlýlegri og vel útbúinni íbúð með tveimur 4 manna herbergjum og einu baðherbergi, með sturtu.  Íbúðin er með góðu eldhúsi, rúmgóðu holi og lítilli setustofu.  Heitur pottur og grill er til afnota fyrir gesti. 

Úr heita pottinum er fallegt útsýni um allan fjörðinn og til Akureyrar.  Á veturnar má oft sjá norðurljósin dansa á stjörnubjörtum himninum og dásamlegt er að fylgjast með þeim úr heita pottinum.

Finna má margs konar afþreyingu í Eyjafjarðarsveit, s.s. veitingahús, söfn, sundlaug, golfvöll, kaffihús, kirkjur og handverksgallerí. Fallegar gönguleiðir eru í nánasta umhverfi og hestaleigur.

Upplifðu tónbað / tónheilun / yoga í fallega mongólska Eagles North kyrrðarhofinu hjá Vökuland wellness. Haldnir eru einstakir viðburðir og námskeið með yoga, djúpslökun (yoga Nidra), tónbaði og tónheilun fyrir hópa og einstaklinga allan ársins hring.  Kristalskál, tíbeskar og inverskar tónskálar, gong og fleiri fagurlega hönnuð hljóðfæri hjálpa til við að komast í djúpslökun í andlega bætandi ferðalagi.  Hver stund er í 1–1,5 klst. Og 10 – 12 manns komast í einu í hofið.  Hægt er að panta gistingu á staðnum í hlýlegri og vel útbúinni íbúð.  Til að bóka tíma fyrirfram er haft samband við Sólveigu í info@eaglesnorth.is

Óbyggðasetur Íslands

Norðurdalur, 701 Egilsstaðir

Óbyggðasetrið bíður upp á fjölbreytta afþreyingu, heimilislegan veitingastað og gistingu í einstöku umhverfi.

Lifandi sýning Óbyggðasetursins um ævintýri óbyggðanna hefur hlotið fjölda viðurkenninga og hentar gestum á öllum aldri.

Fjöldi lengri sem styttri gönguleiða er í nágrenninu og staðurinn vinsæll hjá gönguhópum.

Dæmi um styttri göngu er eyðibýlagangan sem liggur inn með ánni að endurgerðum kláf sem gestum er velkomið að prófa.

Ómur Yoga & Gongsetur

Brekkugata 3A, 600 Akureyri

Verið velkomin í bjarta og fallega yogastöð í hjarta Akureyrar, við Ráðhústorg.

Við bjóðum upp á fjölbreytta yogatíma, gongslökun, yoga nidra og gestakennara (innlenda og erlenda) því okkar hjartans ósk er að þetta sé staður þar sem allar sálir geta lært, vaxið og fengið stuðning til að upplifa jákvæða breytingu á eigin lífi. 

Við erum einnig gongsetur og veitum ráðgjöf um og seljum gong. Við bjóðum einkatíma og námskeið í þessari ævafornu heilunarlist.

Yoga er upprunnið fyrir mörg þúsundum ára. Það kemur frá Indlandi og hefur í raun verið í sífelldri þróun frá upphafi tíma milli kynslóða og kennara. Orðið yoga þýðir yoke eða sameining; tenging.

Ástundun yoga færir okkur jafnvægi innra og ytra og leitast við að gera okkur að heilsteyptari manneskjum sem eru færar um að takast á við lífsins áskoranir af yfirvegun í tengslum við innri styrk.

Northern Light Inn

Norðurljósavegur / Northern Lights Road 1, 241 Grindavík

Northern Light Inn er fjölskyldurekið hótel, heilsulind og veitingastður í nágrenni við Bláa lónið. 

• Við bjóðum uppá 42 notaleg herbergi, 24/7 heiðarleika bar, öfluga nettengingu og gjaldfrjálsar ferðir í Bláa lónið. 

• Á hótelinu er heilsulind með sánu, solarium, aurora floti, líkamsrækt og hressandi vellíðunarmeðferðum. 

• Veitingastaðurinn Max’s býður uppá matseðil með hráefni úr héraði, Norræna sérrétti og úrvals vín. 


Norðurljósin dansa yfir hótelinu frá september fram í apríl þegar aðstæður eru góðar.

Frekari upplýsingar á þjónustu okkar má finna á miðlum okkar og með því að hafa beint samband. 

Bjórböðin

Öldugata 22, Árskógssandur, 621 Dalvík

Bjórbað virkar þannig að þú liggur í 25 mínútur í baði sem er fyllt af bjór, vatni, humlum og geri. Eftir það ferðu upp í slökun þar sem þú liggur í aðrar 25 mínútur.

Bjór gerið er notað á ýmsan hátt, það sem algengast er, er töfluform þar sem eiginleikar gersins nýtast mjög vel. „Bjórbað“ þar sem er baðað sig í bæði ungum bjór og lifandi bjórgeri, án þess að sturta það af sér fyrr en einhverjum klukkustundum síðar, hefur afar öflug áhrif á líkamann og húð. Þessi meðferð er bæði mjög hreinsandi fyrir húðina og hefur einnig mjög jákvæð áhrif á heilsuna.

Kerin eru 7 talsins og getum við því tekið á móti 14 manns á klukkutíma. Það er í boði að fara einn eða tveir saman. Það er ekkert aldurstakmark í bjórbað þar sem bjórvatnið er ódrykkjarhæft en bjórdæla er við hvert bað fyrir þá sem eru 20 ára og eldri. 16 ára og yngri þurfa að koma í fylgd með fullorðnum. 

The Retreat Spa

Svartsengi , 240 Grindavík

The Retreat Spa, sem er byggt inn í 800 ár gamalt hraunrennsli á suðurbakka Bláa Lónsins, er táknmynd hins harmóníska samruna náttúru, hönnunar og kraftanna sem leynast í jarðsjó lónsins. Ferðalagið gegnum heilsulindina var hugsað og skapað til að flytja hug þinn og líkama inn í nýjar víddir friðsældar og endurnæringar, enda liggur það gegnum eldvirkan heim dýrmæts jarðvarma, töfrandi jarðfræði og heillandi konsepthönnunar. 

Þú leggur leið þína æ dýpra gegnum mögnuð mót hraunrennslis sem felur í sér endalausa möguleika og nær hápunkti með Ritúali Bláa Lónsins –hressandi hringrás vellíðunar þar sem þú upplifir á eigin skinni hin ummyndandi frumefni Bláa Lónsins: kísil, þörunga, steinefni og hraun.

Hilton Reykjavík Nordica

Suðurlandsbraut 2, 108 Reykjavík

Hilton Reykjavík Nordica er eitt glæsilegasta hótel landsins og er hluti af Icelandair hótel fjölskyldunni. Hilton Reykjavík Nordica leggur mikla áherslu á að vanda til verka og bjóða ætíð fyrsta flokks þjónustu í gistingu, mat og drykk.

Veitingastaðurinn VOX Brasserie og VOX Bar eru staðsett á fyrstu hæð hótelsins ásamt spennandi rýmum hafa nú bæst við: VOX Club, VOX Home og VOX Lounge. Á hótelinu er einnig að finna fyrsta flokks heilsulind og líkamsræktarstöð, Hilton Reykjavik Spa.

Stutt er í verslanir, veitingastaði og skemmtanalífið í miðborginni.

 

ANDRI ICELAND

Fiskislóð 53, 101 Reykjavík

Ertu til í umbreytingu? ANDRI ICELAND býður upp á upplifanir á námskeiðum, retreat-helgum & einkatímum- með því að nota Kraft hugans, Kælimeðferð, Öndunartækni og Hreyfingu til þess að endurfæðast inn í nýjan hug og líkama!

Andri er stofnandi ANDRI ICELAND, umbreytandi vellíðunar- og heilsuþjálfunarstöð sem hefur að leiðarljósi aðferðir sem höfðu svo mikil áhrif á líf Andra að hann skilgreinir sjálfan sig sem “endurfæddan”. Vendipunkturinn þar sem áratugir af langvarandi, sárum verkjum í mjóbaki og mígreni hurfu loksins. Þessi umbreyting er það sem leiddi til þess að hann fór að miðla ávæningi kælimeðferðar, öndunaræfinga, hugarorku og hreyfingar, meðal annarra sannreyndra Mind-Body aðferða, til þúsunda manna. Með það að markmiði að leiðbeina öðrum í átt að sömu valdeflandi upplifun.

Innblásinn af áhrifum beinnar kennslu frá heimsþekktum höfundum, þjálfurum og kennurum á sviði Mind-Body tækninnar hefur Andri orðið að fyrsta vali þeirra sem sækjast eftir umbreytandi þjálfunarupplifun sem á sér enga líka. Það er einfaldlega eitthvað algjörlega einstakt sem fólk upplifir við það að dýpka skilning sinn á öndun, ögra gömlum skoðanamynstrum, fara ofan í ískalt vatn, undir handleiðslu Andra. Þetta er einföld leið til þess að enduruppgötva getu þína til þess að ná aftur stjórn á sjálfvirkum streituviðbrögðum og læra að vera í lagi, sama hvað. Þetta er eins og að læra að vera til í auga stormsins.

Auk ýmis konar þjálfunar sinnar hefur Andri öðlast eftirfarandi viðurkenningar:

• Health & Personal Development Coach
• Level 2 Wim Hof Method Certified Instructor
• Oxygen Advantage Certified Instructor
• XPT Certified Coach
• Buteyko Clinic International certified Instructor

​Kælimeðferð
Hættu að væla komdu að kæla námskeið

Uppgötvaðu þína eigin hæfileika til að vera í lagi sama hvað
Kraftur hugans | Öndunartækni | Kælimeðferð | Hreyfing

Við lifum við stöðugt streituástand. Allt frá ósýnilegum merkjum til langvarandi streitu. Sem við höldum að sé sjálfvirk og úr okkar höndum. Streita er að valda bólgum í líkömum okkar, ójafnvægi hugans og langvarandi heilsukvillum.

Hvað ef það væri auðveld leið til þess að enduruppgötva hæfileika þína til þess að endurheimta stjórnina á sjálfvirkum streituviðbrögðum og læra að vera í lagi sama hvað? Læra að vera í auga stormsins.

Á þessu námskeiði munum við vinna með 4 mikilvæga þætti til að endurforrita skynjun okkar á streitu, uppgötva okkar sönnu hæfileika og finna jafnvægið okkar. Líkamlega, andlega og tilfinningalega.

Kraftur hugans: Tökum okkur góðan tíma til að fylgjast með ómeðvituðum mynstum okkar, skoðanamynstrum og öðrum hindrunum sem aftra okkur frá því að vera í lagi. Uppfærum gömlu kerfin okkar

Öndunartækni: Finnum bestu mögulegu leiðina fyrir líkama okkar til að taka inn súrefni (aðaleldsneytið okkar fyrir heilbrigt kerfi), endurræsum taugakerfið okkar. Sem leiðir til hærra orkustigs og sterkara ónæmiskerfis. Sem virkar dómínóáhrif jákvæðra endurstillinga í huga okkar og líkama.

Kælimeðferð: Tæklum bólgur, langvarandi verki, endurræsum taugakerfið, lærum að sleppa tökunum á streituvöldum og hvernig við innleiðum þetta í okkar daglega líf.

Hreyfing: Uppgötvum tengingu hugar og líkama og hvernig þú getur haft áhrif á kerfið þitt.​

Á þessu námskeiði munum við vinna með:

Að skilja tenginu hugar og líkama
Öndun fyrir bestu mögulegu heilsu
Kælimeðferð Listina að sleppa tökunum í erfiðum aðstæðum
Að nota kulda sem verkfæri fyrir heilsuna
Meðvitaða hreyfingu Að skilja hvernig líkami þinn virkar
Vísindin á bak við Wim Hof aðferðina
Iðkun í náttúrunni (lok námskeiðs)

Fyrir hvern?:

Þetta námskeið hæfir öllum sem vilja kanna meðfædda hæfileika sína. Það er líka kraftmikið verkfæri til að vinna að eftirfarandi:

Fyrir meira þol
Fyrir bestu mögulegu heilsuna
Fyrir langvarandi verki
Fyrir streitulosun
Fyrir andlegan frið
Fyrir fitubrennslu
Fyrir betri svefn
Fyrir andlegan fókus
Tilvalið fyrir byrjendur eða þá sem hafa reynslu af kulda (eins og sjóböðum eða köldum pottum) þar sem þú munt læra aðra nálgun sem mun færa iðkunina þína upp á annað stig og bæta alhliða vellíðan.

Kælimeðferð/Wim Hof Method (Hættu að Væla Komdu að Kæla) er hluti af röð námskeiða hjá ANDRI ICELAND til að kveikja á innri hæfileikum okkar, ná hámarks árangri og læra að vera í lagi sama hvað. 

*ATH: Við bjóðum upp á afslætti fyrir nema og öryrkja. Einnig er hægt að dreifa greiðslunni. Hugsanlega er hægt að fá endurgreiðslu frá stéttafélaginu þínu.

*námskeiðið er kennt á íslensku og einum hópi á mánuði er kennt á ensku. 

Vinsamlegast hafðu samband fyrir frekari upplýsingar.
Lestu meira hér 

Öndunartækni
Anda með Andra öndunartímar

Af hverju öndunartækni?

Nú þegar langvarandi streita, kvíði, svefntruflanir, sjálfsofnæmissjúkdómar, kulnun og aðrir kvíðatengdir kvillar verða æ algengari út um allan heim, er kominn tími til þess að leita aftur í grunninn og gera grundvallarbreytingar fyrir fullt og allt.

​Góðu fréttirnar eru þær að öndun er vinsælt umræðuefni. Fólk er að verða meðvitaðra um kraft öndunartækni til að ná sem bestum árangri og öðlast betri heilsu. Að grípa til fyrirbyggjandi ráðstafana til þess að bæta eigin heilsu, byggja upp seiglu og kanna möguleika sína til fulls. 

​Öndunartækni hefur verið þekkt í aldaraðir. Það eru ótal aðferðir og tæknir í boði í dag. Frá sérhæfðum nálgunum til vísindalega sannaðra aðferða Frá öndunaræfingum sem þjóna ákveðnum tilgangi til hagnýtrar öndunar í þínu daglega lífi. En þó hafa þær í raun allar sömu meginreglur. Markmiðið er að færa þig aftur í átt að jafnvægi. Að kjarnanum þínum. Einn andardrátt í einu. Hér og nú. 

Þér verður vísað í áttina að kjarna öndunartækni. Að finna jafnvægi, líkamlega, andlega og tilfinningalega. Með því að nota samsetningu af því sem við vitum að virkar til þess að ná því besta úr hverjum andardrætti. Að gefa þér verkfærin, skilninginn, til að þú náir tökum á eigin iðkun.

Áskorun okkar til þín er að að þú uppgötvir að það að iðka öndunartækni, þjálfa hana og verða meðvitaður/uð um eigin andardrátt, er í grunninn mikilvægari þáttur í að hlúa að sjálfum sér en líkamsrækt eða matarræði.  

Nokkrir þekktir kostir þess að stunda öndunartækni:

Losar um streitu
Hámarkar vellíðan
Bætir ónæmiskerfið
Meiri orka
Bætir líkamlegt þol
Tilfinningalegt jafnvægi
Bætir svefn
Dýpri hugleiðsla
Vinnur úr áföllum
Fitubrennsla
Skýrir hugsun

Öndunartímar:

1 klst. af leiddri öndun, þar sem þú munt upplifa ýmis konar öndunaræfingar og tækni, með tónlist og tónheilandi hljóðfærum ti að dýpka upplifunina. 

Tíminn byrjar og endar á djúpri slökun.

Tilvalið ef: Þig langar að uppgötva heilsufarsbætandi eiginleika öndunartækni, iðkar hana nú þegar og vilt iðka með hóp. Frábær leið til að draga úr streitu, losa um líkamlega og tilfinningalega spennu og finna jafnvægi.

Stakur passi eða aðildarkort í boði.

Þriðjudaga og fimmtudaga kl. 17:30 - 18:30

Lestu meira hér 

Skógarböð

Vaðlaskógur/ Vaðlareitur, 605 Akureyri

Skógarböðin eru náttúrulaugar, staðsettar í Vaðlaheiði gegnt Akureyri. Á svæðinu er hægt að njóta nátturulauganna, þurrsánu, baða sig í kaldri laug, panta sér drykki af tveimur börum sem staðsettir eru í lauginni. Á staðnum er einnig að finna Skógar Bistró - þar sem hægt er að sitja inni og njóta góðra veitinga í fallegu umhverfi eða sitja úti á palli fyrir utan.

Miðgarður by Center Hotels

Laugavegur 120, 101 Reykjavík

Mitt í miðri Reykjavík er Miðgarður by Center Hotels.  Hótelið er staðsett ofarlega á Laugavegi og er því nálægt öllu því helsta sem miðborgin býður upp á.  

Á hótelinu eru 170 nýmóðins og notaleg herbergi sem öll eru fallega innréttuð með útsýni yfir miðborgina og bjóða upp á öll nútímaþægindi. Litlu smáatriðin eru nákvæmlega eins og þú vilt hafa þau. Morgunverður er innifalinn með öllum herbergjum hótelsins.  Miðja hótelsins er iðagrænn og fallegur garður þar sem gott er að eiga notalega stund. Útgengt er í garðinn frá rúmgóðu alrými hótelsins sem og frá veitingastaðnum Jörgensen Kitchen & Bar sem staðsettur er á jarðhæð hótelsins. 

Vel búin heilsulind er á Miðgarði þar sem finna má gufubað, heitan pott innandyra sem og utandyra og líkamsræktaraðstöðu.  Boðið er upp á úrval af nuddmeðferðum í heilsulindinni.  Fundarsalir eru á hótelinu og eru þeir allir bjartir, skemmtilega hannaðir með litríkum og nútímalegum húsgögnum.  Gott aðgengi og næði er að finna í fundarsölunum. 

  • 170 herbergi
  • Morgunverður innifalinn
  • Ókeypis þráðlaust internet
  • Heilsulind
  • Líkamsræktaraðstaða
  • Veitingastaðurinn Jörgensen Kitchen & Bar
  • Bar
  • Fundarsalir
  • Afgirtur garður í miðju hótelsins 

Hluti af Center Hotels hótelunum sem öll eru staðsett í hjarta miðborgar Reykjavíkur.

Hvammsvík sjóböð

Hvammsvík, 276 Mosfellsbær

Sjóböðin í Hvammsvík, Hvalfirði samanstanda af átta misstórum og heitum laugum í fjöruborðinu, gufu og útisvæðum til slökunar. Neðstu laugarnar birtast og hverfa til skiptis á flóði og fjöru og er upplifunin því síbreytileg eftir tíma dags. Öll böðin eru náttúrulaugar þar sem 90 gráðu heitu jarðvarmavatni af svæðinu er blandað saman við sjóinn. Til að tryggja sem besta upplifun fyrir gesti og varðveita náttúruna og umhverfið er gestafjölda hverju sinni stillt í hóf og því þarf að bóka aðgang fyrirfram á heimasíðu. Gestir geta valið á milli inni eða útiklefa og jafnframt notið veitinga á svæðinu.

Fosshótel Reykholt

Reykholt, 320 Reykholt í Borgarfirði

Fosshótel Reykholt er rómantískt hótel í Borgarfirði og býður upp á fjölbreytta aðstöðu fyrir ráðstefnur, fundi og aðrar uppákomur. Fosshótel Reykholt stendur á sögulegum slóðum og er einungis í nokkurra mínútna fjarlægð frá Krauma, Deildatunguhver, Hraunfossum og Húsafelli. Á hótelinu er einnig að finna glæsilegan veitingastað. Fosshótel Reykholt býður upp á glænýja heilsulind með útipottum, slökunarherbergi, sauna, eimbaði, setustofu og búningsklefum. Sannkallaður lúxus sem býður þín eftir að hafa notið einstakrar náttúru og upplifað fossa, fjöll, hraun og skóga. 

  • 83 herbergi
  • Morgunverður í boði
  • Veitingastaður og bar
  • Heilsulind og líkamsrækt
  • Fundaraðstaða
  • Ókeypis þráðlaust net

Lokað um jólin

Hluti af Íslandshotelum

Þingholt by Center Hotels

Þingholtsstræti 5, 101 Reykjavík

Þingholt by Center Hotels er einstaklega fallega hannað boutique hótel staðsett á Þingholtsstræti í hjarta Reykjavíkur. Hótelið er hannað á afar nútímalegan en um leið notalegan máta þar sem þemað í hönnuninni er íslensk náttúra.  

Á hótelinu eru 52 fallega innréttuð herbergi. Ekkert þeirra er eins í útliti en öll eiga þau það sameiginlegt að vera vel búin þægindum. Morgunverður er innifalin með öllum herbergjunum og frítt þráðlaust internet er að finna á öllu hótelinu.  

Á Þingholti er bar þar sem boðið er upp á Happy Hour alla daga vikunnar frá 16:00 til 18:00 og skemmtilega hannað spa þar sem finna má rúmgóðan heitan pott, gufubað og búningsklefa. Hægt er að panta ýmiss konar nuddmeðferðir í heilsulindinni. 

Á Þingholti er einnig lítið fundarherbergi sem tilvalið er fyrir smærri fundarhöld. 

- 52 herbergi
- Morgunverður innifalinn
- Ókeypis þráðlaust internet
- Bar
- Fundarsalur
- Spa

Þingholt by Center Hotels er hluti af Center Hotels hótelunum sem öll eru staðsett í hjarta miðborgar Reykjavíkur. 

 

Alkemia

Helgafell, 606 Akureyri

Vinsamlegast hafið samband vegna ferða og bókana.

Iceland Yurt

Leifsstaðabrúnir 15, 601 Akureyri

Iceland Yurt býður upp á einstaka gistingu í Mongólíu tjöldum (Ger/Yurt) allan ársins hring í rólegu og náttúrulegu umhverfi með stórkostlegt fjallaútsýni og útsýni yfir Eyjafjörð og Akureyri.

Einnig eru þau með Gaia hofið þar sem boðið er upp á námskeið og heilsumeðferðir fyrir ferðamenn, náttúruunnendur og þá sem vilja efla eigin heilsu og innri styrk.Þetta býður upp á meiri meðvitund um náttúruna og umhverfið jafnt sem eigið andlegt og líkamlegt jafnvægi.

Gaia hofið, námskeið og tónheilun
Þóra Sólveig býður upp á námskeið, hugleiðslur, athafnir, hreyfingu í núvitund/dans, djúpa slökun og tónheilun. Solla spilar á gong, kristal hljómskálar og önnur heilandi hljóðfæri fyrir einstaklinga, pör og hópa í náttúrunni eða inni í Gaia hofinu í okkar einstaka hand útskorna Yurt. Hægt er m.a. að bóka einkatíma í hljóðheilun með kristal tónkvísl og hreinum kjarnaolíum. 

Nokkur orð frá gestum okkar:

Gisting í Yurt:

‘Amazing yurt, very cozy and warm. Beautiful view in such a quiet place’
‘This place is truly amazing. The kids will be talking about their stay in the yurt for a long time to come´
´This was such a fun and memorable experience for myself, my husband, and our 2-year old son.´

´We stayed at Iceland Yurt with three of us when travelling around Iceland in August. I have never slept in a yurt before and I am really impressed how clean and comfortable everything was. The yurt is really cozy with a stove in the middle, the beds are great and there are plenty of woollen blankets and pillows. We fell asleep listening to the light drizzle of rain outside and woke up next morning to a beautiful view over Akureyri and with a great breakfast lovingly prepared in a small cooling box. The hosts are so nice and welcoming and I'll gladly stay here again.´

Heilsumeðferð í Gaia hofinu:
´Amazing experience with Solla- felt like a part inside of me was awaken again and I felt new born after!! I felt like in peace surrounded with relaxing and nourishing healing bowls and  gong sounds, touching the body and soul- and Solla guided me with a respectful and intuitive way through sounds and touch to remember my own being again.
A deep and healing experience - I warmly recommend to receive a healing session with Solla! So grateful to get the first private session with her!´ (in the Gaia Temple).

Höfn – Staðarleiðsögn

Hafnarbraut 41, 780 Höfn í Hornafirði

Upplifðu núið

Fræðandi upplifun í anda yndisævintýramennsku og núvitundar í fiskibænum Höfn. 

Komdu með í nærandi upplifun í gegnum létta hreyfingu í stórbrotinni og friðsælli náttúru svæðisins. Höfn Staðarleiðsögn býður upp á ferðir þar sem þú færð tækifæri og tíma til að tengja við það samfélag og menningu sem heimsótt er. Þetta er tækifæri til að upplifa núið í útivist og hægja á í erli hins daglega lífs. 

Kynntu þér sögu og menningu þessa fallega sjávarþorps sem Höfn er með innfæddum leiðsögumanni. Boðið er upp á léttar og upplýsandi göngur þar sem þú færð tækifæri til að kynnast sögu, menningu og jarðfræði Hafnar og nágrennis. Sérsniðnar göngur um fjalllendi eða fjörur suðausturlands eru einnig í boði. Þú getur líka valið þér jóga- og núvitundargöngur eða kayakferð í Hornafirðinum. Í öllum ferðum með Höfn staðarleiðsögn kynnist þú matarmenningu svæðisins í einhverri mynd. 

Ef þú hefur áhuga á meðvitaðri upplifun með náttúruna og samferðafólk þitt í forgrunni, þá er ferð með HÖFN - Staðarleiðsögn eitthvað fyrir þig.  

Vakinn

Bláa lónið

Svartsengi, 240 Grindavík

Bláa Lónið var stofn að árið 1992. Sérstaða þess er jarðsjórinn sem er að tveimur þriðju hlutum saltvatn og einum þriðja hluta ferskvatn. Hann finnst á allt að 2000 metra dýpi og er leiddur með lögn frá uppsprettunni að lóninu þar sem gestir geta notið hans og slakað á. Hann er ríkur af steinefnum, kísli og þörungum sem er grunnurinn í öllum húðvörum Bláa Lónsins.

National Geographic hefur valið Bláa Lónið sem eitt af 25 undrum veraldar. Bláa Lónið hefur þróast í að vera upplifunarfyrirtæki sem byggir á spa, rannsóknum og þróun, húðvörum, hótelum og veitingum.

Natura Spa

Icelandair Hótel Reykjavík Natura, 101 Reykjavík

Þegar gengið er inn á Natura Spa blasir við heill heimur út af fyrir sig en að baki heilsulindinni býr sú hugmynd að fólk geti nært í senn anda og líkama undir sama þaki, án alls utanaðkomandi áreitis.

*Laugarsvæðinu er lokað 30 mínútum fyrir lokun.

Aldurstakmark í spaið er 16 ár.

Bóka nudd 

Exploring Iceland

Fálkastígur 2, 225 Garðabær

Exploring Iceland er ferðaskrifstofa sem sérhæfir sig í  rútu- og gönguferðum fyrir hópa.

Einnig bjóðum við uppá margskonar hestaferðir fyrir hópa og einstaklinga og erum með ýmsar nýjungar s.s. lúxushestarferðir með hótel gistingu, reiðkennsluferðir, heimsókn á hestabúgarða, dvöl á hestabúgörðum, vetrarferðir og ýmislegt fleira.

Sjóböðin-Geosea

Vitaslóð 1, 640 Húsavík

Í GeoSea sjóböðunum nýtur þú náttúrunnar á einstakan hátt. Hitinn í iðrum jarðar sér um að sjórinn í böðunum sé hlýr og góður og steinefnaríkt vatnið gælir við hörundið. Á meðan hlýr sjórinn vinnur sín kraftaverk nýtur þú útsýnis yfir fjallgarðinn í vestri, Skjálfandaflóann fyrir neðan klettana og sjálfan Norður-heimskautsbauginn við sjóndeildarhring.

Vatnið í GeoSea sjóböðunum kemur úr tveimur borholum sem þegar eru til staðar, önnur er í notkun við ostakarið og hin er við Húsavíkurhöfn. Ekki er þörf á hreinsiefnum eða búnaði í sjóböðunum því stöðugt gegnumstreymi vatns frá borholum

GeoSea sjóböðin eru í útjaðri Húsavíkur. Flugfélagið Ernir flýgur á Aðaldalsflugvöll, rétt fyrir utan bæinn og Air Iceland Connect flýgur á Akureyrarflugvöll þaðan sem er tæplega klukkustundar akstur til Húsavíkur. Strætó gengur frá Reykjavík til Akureyrar og þaðan eru fastar ferðir til Húsavíkur.

Opnunartímar:
Alla dagar: 11:00-23:00

 

Hótel Selfoss

Eyravegur 2, 800 Selfoss

Hótel Selfoss er glæsilegt og nútímalegt 139 herbergja hótel, staðsett á Selfossi í sveitarfélaginu Árborg. 
Á Hótel Selfossi er háklassa veitingastaður, Riverside restaurant sem tekur allt að 300 manns í sæti.  Fullkomin veislu, funda og ráðstefnuaðstaða er í eldri hluta hótelsins sem tekur allt að 450 manns í sæti. 

Hótel Selfoss býður uppá glæsileg herbergi. Hægt er að velja um Standard, standard superior, premium, premium king, delux og svítu. Herbergin eru með gervihnattasjónvarpi, háhraða tölvutengingu, síma, smábar, hárþurrku og öryggishólfi. Hægt er að fá sent uppá herbergi straujárn og straubretti. Auk þess er boðið uppá almenna herbergisþjónustu fyrir gesti Hótel Selfoss.

Riverside Spa er fyrsta flokks heilsulind með snyrti- og nuddstofu sem staðsett er í eldri hluta hótelsins.  Um er að ræða einstaka heilsulind að evrópskri fyrirmynd sem var formlega tekin í notkun vorið 2008. Riverside Spa hefur reynst frábær viðbót við hótelið og er mikil lyftistöng við afþreyingu og þjónustu í Sveitarfélaginu öllu.     

Á Hótel Selfossi er kvikmyndahúsið Selfossbíó, nýlegt og glæsilegt með vönduðum sætum og fullkomnu hljóð- og myndkerfi. Selfossbíó er í fullum rekstri og í samvinnu við Sambíóin, Skífuna og Myndform, svo þar eru ávallt nýjustu myndirnar í sýningu og margar stórar frumsýningar á ári hverju. Með Selfossbíó bætast við möguleikar á tveimur ráðstefnusölum til viðbótar fyrir alls 180 manns. 

Sólarmusterið

Finnastaðir, 601 Akureyri

Sigríður Sólarljós geislar frá sér orku kærleika, gleði og innri frið. Styrk sinn og þekkingu sækir hún í náttúruna og er hún að fræða um hið andlega og helga Ísland, land Freyjunnar, ásamt tengingu sinni við álfa og aðrar verur.

Hún býður upp á fræðslustundir þar sem þú færð að kynnast hvernig þú tengir þig inn á helgi náttúrunnar og landsins. 

Einnig er hún með hina ýmsu viðburði sem auglýstir eru á heimasíðu hennar eða á Facebooksíðu Sólarmusterisins.

Sensational World ehf.

Víðiteigur 4A, 270 Mosfellsbær

Sensational World er ferðaskrifstofa sem sérhæfir sig í því að þjónusta einstaklinga, hópa og fyrirtæki sem vilja fyrsta flokks þjónustu með heilsutengdu ívafi. Við skipuleggjum ferðir þar sem áhersla er lögð á upplifun sem nærir líkama og sál.

Við förum í frí til að losa okkur undan stressi og hlaða batteríin. Því miður þá verður það oft ekki niðurstaðan þar sem erfitt er oft að halda sig við heilsusamlegt líferni á ferðalögum, hvort sem um frí eða viðskiptaferð er að ræða. Við hjálpum til við að skipuleggja frí, ráðstefnur, fundi og vinnustaðaferðir með velferð ferðalanga í huga.

Við byggjum á margra ára reynslu í ferðaþjónustu og af því að skipuleggja ráðstefnur, fundi, hvataferðir og ferðir fyrir sérhópa. Við höfum einnig reynslu og þekkingu á sviði heilsu og vellíðan (“wellness industry”). Ástríða okkar liggur í því að hafa velferð gesta okkar í fyrirrúmi hvort sem um er að ræða frí eða vinnutengd ferðalög.

Vakinn

Laugarvatn Fontana

Hverabraut 1, 840 Laugarvatn

Laugarvatn Fontana er frábær staður til að stoppa við á, á ferðalaginu um landið, og slaka á í heitum laugum og náttúrulegu gufubaði.

Náttúruböðin bjóða upp á einstaka upplifun í hinni einstöku GUFU sem er beint yfir náttúrulegum gufuhverum sem heimamenn hafa notað til heilsubaða í tugi ára. Fontana liggur beint við Laugarvatn og þú upplifir einstaka fjallasýn á meðan þú endurnærist á þessum heilsuvæna stað.

Opnunartími:

Alla daga : 11:00 – 21:00

Verðskrá:
Fullorðnir (17+) 4500 kr.
Unglingar (13-16) 2500 kr.
Börn (0-12) frítt með fullorðnum
Eldri borgarar 2500 kr.
Öryrkjar 2500 kr.

Upplifðu orku jarðar í bakarísferðunum okkar.

Alla daga, klukkan 11:45 og 14:30 förum við niður að vatninu þar sem við gröfum upp hverabrauð sem búið er að bakast í sólarhring í heitri jörðinni.

Gestum er velkomið að bóka sig í ferð með okkur og upplifa þettta einstaka bakarí jarðhitans. Smakkað er á nýbökuðu brauðinu sem borið er fram með íslensku smjöri og reyktum silungi.

Þetta er tilvalin upplifun fyrir hópa. 

Verð 2.500 kr. á mann.
Frítt fyrir 12 ára og yngri.

Vinsamlegast bókið fyrirfram. Hlökkum til að sjá ykkur.

Við erum á facebook
Við erum á instagram

B59 Hótel

Borgarbraut 59, 310 Borgarnes

B59 er 4 stjörnu hótel með notalegri gistingu, veitingastað og heilsulind á Vesturlandi.

Við erum með 60 standard, 3 Deluxe herbergi, 8 Superior herbergi og 3 Svítur. Svo bjóðum við upp á 44 svefnpláss á B59 Hostel.

Snorri Veitingastaður & Bar er opið 7 daga vikunnar í morgunmat og kvöldmat frá kl 17:00 til 21:00.

Krauma

Deildartunga 3, 320 Reykholt í Borgarfirði

Skammt norðan Deildartunguhvers standa Krauma - náttúrulaugar. Náttúrulaugarnar innihalda hreint og tært vatn, beint úr Deildartunguhver sem kælt er með vatni undan öxlum Oks. Laugarnar eru sex talsins, fimm heitar og ein köld. Engum sótthreinsandi efnum er bætt í vatnið, heldur er hreinleiki þess tryggður með mjög miklu vatnsrennsli í laugarnar.

Opnunartímar:
Opið alla daga frá klukkan 11:00 til 21:00

Gistihúsið - Lake Hotel Egilsstaðir

Egilsstaðir 1-2, 700 Egilsstaðir

Gistihúsið – Lake Hotel Egilsstaðir er rómað, fjölskyldurekið hótel sem hvílir á gömlum merg íslenskrar bændamenningar. Hótelið mætir ströngustu nútímakröfum um gæði, glæsileik og aðbúnað, um leið og það varðveitir uppruna sinn sem nær aftur til ársins 1903 og ljær því einstakan blæ. Gestir geta valið um vel búin og rómantísk antík-herbergi í eldri hluta hótelsins eða nútímaleg herbergi yngri byggingar. Herbergin eru alls 50 talsins og öll með sérbaðherbergjum. Sameiginlegt rými/setustofa er í móttökusal og er þar einnig glæsilegur bar með góðu úrvali drykkja.

Glæsileg heilsulind, Baðhúsið, er á jarðhæð hótelsins, með heitri smálaug, sánu, köldum potti og hvíldarsvæði innan og utan dyra. Einkar fallegt útsýni er yfir Lagarfljót frá heilsulindinni. Lögð er áhersla á rólegt, slakandi og endurnærandi umhverfi. Gestir hafa aðgang að búningsklefum og fá handklæði og baðsloppa til afnota, en hægt er að leigja sundföt.

Veitingastaður hótelsins, Eldhúsið, hefur getið sér orðs og eru metnaður og alúð þar allsráðandi. Matargerðin er sprottin úr traustum hefðum, en hráefnin gjarnan sett í nýtt og framsækið samhengi. Hráefni er ætíð fyrsta flokks, að mestu íslenskt, gjarnan lífrænt og oft fengið úr næsta nágrenni, enda er leitast við að nýta og kynna afurðir úr héraði. Þriggja rétta kvöldverðurinn Beint frá býli er stolt eldhússins.

Gistihúsið - Lake Hotel Egilsstadir býður upp á gönguskíðaleigu yfir vetrarmánuðina. Í samstarfi við Snæhéra, sem er félagsskapur áhugafólks um skíðagöngu á Fljótsdalshéraði, verður hægt að nýta sér sporið annað hvort við Gistihúsið, í Selskógi eða við skíðaskála Snæhéra á Fjarðarheiði þegar aðstæður leyfa.

Vök Baths

Vök við Urriðavatn, 701 Egilsstaðir

Vök Baths eru heitar náttúrulaugar við Urriðavatn, í einungis 5 km kílómetra fjarlægð frá Egilsstöðum. Laugarnar eru fullkominn áningarstaður allra þeirra sem vilja upplifa beina snertingu við náttúruna og næra um leið líkama og sál.

destination blue lagoon

Norðurljósavegur 9, 240 Grindavík

Destination Blue Lagoon er ferðaþjónustuaðili Bláa Lónsins og keyrir reglulega á milli Bláa Lónsins og Reykjavíkur eða Keflavíkurflugvallar.

Hægt er að finna ferðaáætlanir á https://destinationbluelagoon.is/. Við minnum á að nauðsynlegt er að bóka miða í Bláa Lónið fyrirfram á www.bluelagoon.is

Landhótel

Við Landveg (Road nr 26), 851 Hella

Landhotel er glænýtt hótel sem opnaði í júní 2019. Hótelið er glæsilegt fjögurra stjörnu hótel á besta stað á suðurlandi. Hótelið er hannað með íslenska náttúru að leiðarljósi og hefur alls 69 herbergi sem eru öll mjög rúmgóð og með frábært útsýni til allra átta.

Staðsetning Landhótels er alveg einstök með drottningu okkar Heklu í næsta nágrenni og útsýni til allra átta. Hér er engin sjónmengun frá borg eða bæ og er stórkostlegt að vera á útsýnissvölum hótelsins þegar Norðurljósin æða yfir stjörnubjartan himinninn. Í 1-3 tíma radíus eru flestir áhugaverðustu ferðamannastaðir suðurlands og eru óteljandi afþreyingarmöguleikar í boði eins og hestaferðir, jöklaferðir, fjallgöngur, dagstúrar í Landmannalaugar, Þórsmörk eða Þjórsárdal má nefna sem dæmi. 

Tindur er veitingastaður Landhótels sem býður upp á "a la carte" matseðil úr ferskum hráefnum úr heimabyggð og endurspeglar matseðill okkar það sem fæst úr nánasta umhverfi. Við erum með snilldarkokka sem færa fram dýrindis rétti og meðlæti. Ef þú vilt eyða deginum í ævintýraferð um sveitina þá getum við útbúið nestispakka fyrir þig.

Á Landhóteli er glæsileg heilsulind með Saunu og í lok júni verður kominn heitur pottur, líkamsrækt og leikherbergi. Nudd er hægt að panta með góðum fyrirvara og er gjaldskrá á heimasíðu okkar.

Við Landhótel eru tvær hleðslustöðvar fyrir rafbíla sem eru einungis ætlaðar fyrir gesti.

Landhótel er tilvalið fyrir hópa til að koma í ráðstefnu- eða hvataferðir, en Landhótel er með glæsilega fundaraðstöðu fyrir stóra sem smáa fundi. Á Landhóteli færð þú að njóta einstakrar náttúru og þú getur alltaf gert ráð fyrir að fá vinalega og góða persónulega þjónustu.

Center Hotels Arnarhvoll

Ingólfsstræti 1, 101 Reykjavík

Nálægðin við höfnina, Hörpu og dásamlega útsýnið yfir miðborgina, Faxaflóann og fjöllin blá gera Arnarhvol að einstökum dvalarstað.  Yfirbragð hótelsins er afar nútímalegt, allt frá fallegri gestamóttöku til herbergjanna sem eru 104 talsins, öll björt með nútíma þægindum.

Morgunverður er innifalinn með öllum herbergjunum og er hann borinn fram á efstu hæð hótelsins á veitingastaðnum SKÝ Restaurant & Bar.  Útsýnið á efstu og jafnframt áttundu hæð er þannig að Skálafell, Móskarðshnjúkar, Esjan öll og Akrafjall blasa við en hinu megin er einstaklega notalegur veitingastaður þar sem boðið er upp á gómsætar veitingar.  Einstök forréttindi fyrir þá sem kunna að meta góðan mat og fallegt útsýni. Veitingastaðurinn er opinn alla daga til miðnættis. Á hótelinu er að finna heilsulind með heitum potti, gufubaði og slökunarrými.  Boðið er upp á nudd í heilsulindinni.  

  • 104 herbergi, 202 rúm
  • Morgunverður innifalinn
  • Ókeypis þráðlaust internet
  • Heilsulind
  • Veitingastaðurinn SKÝ Restaurant & Bar
  • Bar
  • Einstakt útsýni yfir miðborgina og Faxaflóann 

Hluti af Center Hotels hótelunum sem öll eru staðsett í hjarta miðborgar Reykjavíkur.

Blábjörg Resort

Gamla Frystihúsið, 720 Borgarfjörður eystri

 Í Blábjörgum finna allir eitthvað við sitt hæfi. 

Gistiheimilið hefur uppá að bjóða 11 lítil og snyrtileg herbergi með 3x sameiginlegum baðherbergjum, 9x hótelherbergi með útsýni yfir fjörðinn öll með sérbaðherbergi, og síðast en ekki síst hótel íbúðirnar okkar sem samanstanda af tveimur studio íbúðum með sjávarsýn, einni 2ja svefnherbergja íbúð og einni 3ja svefnherbergja íbúð.  

Blábjörg Resort býður uppá einstaka dvöl við sjóinn. Veitingastaðurinn okkar, Frystiklefinn, leggur mikla áherslu á að vinna með hráefni úr nærumhverfinu og Musterið Heilsulind býður upp á fjöldann allan af meðferðum fyrir bæði líkama og sál. 

Blábjörg Resort er staðsett á Borgarfirði eystri sem er náttúruperla með óteljandi útivistarmöguleika. Svæðið er rómað fyrir náttúrufegurð, fjallahringurinn umvefur fjörðinn og fyrir miðjum firði, neðst í þorpinu Bakkagerði, trónir Álfaborgin yfir firðinum.  

Hafnarhólminn iðar af fuglalífi frá maí og allt til byrjun ágúst. Lundinn sest upp í hólmann fyrstu vikuna í apríl og fer svo aftur í kringum 10. ágúst.