Tjaldsvæði

Vinsamlegast hafið samband vegna verðlista og bókana.

Í skála Ferðafélags Fljótsdalshéraðs að Klyppsstað í Loðmundarfirði er gistirými fyrir 38 manns í svefnpokaplássum. Um er að ræða rúmgóðan gönguskála á leið hinna víðkunnu Víknaslóða. Ekki er sími í skálanum

Gistirými: 38 svefnpokapláss
GPS: N65°21.909-W13°53.787
Annað: Timburkamína til upphitunar, gashellur til eldunar, eldhústjald, vatnssalerni, sturta, þurrkklefi, hleðslubanki fyrir síma og myndavélar, kolagrill og tjaldstæði.
Ath: Skálinn er læstur á veturna en sjálfboðaliðar vinna við gæslu á sumrin. 
Upplýsingar um svæðið er að finna á heimasíðu ferðamálahóps Borgarfjarðar

Lava Hostel er staðsett í skátaheimili Hraunbúa í Hafnarfirði í hjarta höfuðborgarsvæðisins. Lava Hostel býður upp á gistingu á góðu verði í fallegu umhverfi Víðistaðatúns þar sem tveir heimar mætast, álfheimar og borgarlífið. Herbergin eru frá tveggja manna og upp í átta manna auk svefnpokaplássa í sal fyrir stærri hópa. Gestir hafa aðgang að þráðlausu Interneti, þvottaaðstöðu, vel útbúnu eldhúsi og borðstofu. Í húsinu er huggulegur veislusalur sem leigður er út fyrir viðburði. Öll nauðsynleg þjónusta er á næsta leiti og náttúran handan við hornið.

Ef þú ert að leita að fjölskylduvænu tjaldsvæði nálægt Reykjavík þá er tjaldsvæðið í Hafnarfirði rétti staðurinn. Hafnarfjörður er þriðji stærsti bær Íslands með um 30.000 íbúa. Bærinn er oft kallaður bærinn í hrauninu enda er hraun allsráðandi. Einnig er Hafnarfjörður með marga íbúa huldufólks. Keyrt er inn á Víðistaðatún eftir gangstíg við hlið Lava Hostel/ skátaheimilisins.

Tjaldsvæðið er opið frá 15 Maí til 15 September. 

Tjaldsvæði Hafnarfjarðar er á Víðstaðatúni sem er fallegur listaverkagarður umkringdur hrauni. Rólegt, hlýlegt og fjölskylduvænt umhverfi með nægu plássi fyrir börnin til að leika sér. Stutt í alla þjónustu og miðbæ Hafnarfjarðar.

Heitt og kalt vatn, sturtur, þvottavél, Wi-Fi og salerni við tjaldsvæðið. Einnig eru þar útivaskar til uppvasks og rafmagn á svæðinu.

Tjaldsvæðið er rekið af skátafélaginu Hraunbúum og rennur ágóði þess í uppbyggingu á skátastarfinu.

Aðilar undir 18 ára aldri þurfa að vera í fylgd með forráðamanni.

Allir bílar þurfa að vera lagðir upp á bílastæði, ef þið eruð ekki að sofa í þeim.

Aðeins einn húsbíll eða vagn í hvert stæði.

Við bjóðum ekki upp á langtímastæði, hámarksdvöl eru 7 dagar í einu.

Það er hægt að nota rafmagn á svæði C með langri snúru, tenglanir eru hinum megin við aksturveginn á svæði B.

Öryggismyndavélar vakta innganginn á tjaldsvæðinu.

Hvernig kemst ég inn á tjaldsvæðið?

Það er frítt Þráðlaust net hjá hliðinu.

1) Bókaðu stæði í gegnum Parka. (smelltu á "Bóka Núna")

2) Hliðið er með bílnúmera skanna og á að opnast sjálfkrafa.

Ef það gerist ekki þá skaltu fylgja þessum skrefum:

1) Opnaðu kvittunina sem þú fékkst í gegnum tölvupóstinn.*

2) Smelltu á "skrá mig inn á svæðið" og þaðan getur þú leiðrétt bílnúmerið eða bætt við númer, eftir það á hliðið að geta opnað sjálfkrafa með því að skanna bílnúmerið.

3) Ef það virkar ekki Smelltu þá á "opna hlið".

*Þú færð tölvupóst ef bókunin gekk í gegn (gáðu í ruslpóstinn), þú færð 2 tölvupósta.

Lava hostel og Tjaldsvæðið á Víðistaðatúni er rekið af Skátafélaginu Hraunbúum í Hafnarfirði.

Vinsamlegast hafið samband vegna ferða og bókana.

Þakgil, 20 km frá Vík í Mýrdal, og svæðið í kring hefur uppá að bjóða stórbrotið landslag allt frá sléttlendi til djúpra gilja og sjálfan Mýrdalsjökul.  Í fjöllunum sem eru græn upp í topp má sjá allskonar kynjamyndir hobbita, álfa, tröll allt eftir hugmyndaflugi hvers og eins. 

Svæðið er tilvalið til gönguferða hvort sem er á sléttlendi í Remundargili og út að Múlakvísl eða sem er meira krefjandi t.d. uppá Mælifell og fram Barð eða upp að jöklinum og út á Rjúpnagilsbrún en þaðan er ægifagurt útsýni yfir Kötlujökulinn, Huldufjöll og undirlendi suð-austurlands.  Þaðan sést m.a. til Lómagnúps og Vatnajökuls.  Síðan er hægt að ganga eftir jöklinum í Huldufjöll en það er krefjandi og krefst sérstaks útbúnaðar og leiðsagnar.

Það er skjólsælt á tjaldsvæðinu þar sem það er umkringt fjöllum.  Það er auðvelt að komast þangað þar sem það eru engar ár eða sprænur yfir að fara og er fært öllun  venjulegum bílum  og tækifæri fyrir alla að komast í fjallakyrrðina inná hálendinu.

Á tjaldsvæðinu er nýtt WC og sturtuhús með úti uppvöskunaraðstöðu. 

Tjaldsvæðið er í skógarreit við Bleiksána, rétt við innkeyrsluna í bæinn. Þar eru sturtur, snyrting, rafmagn og leiksvæði fyrir börnin. Upplýsingamiðstöð fyrir ferðamenn er í anddyri Sundlaugar Eskifjaðar og er hún opin allt árið.

Eftirfarandi þjónusta er í boði á tjaldsvæðinu:

Salerni, kalt og heitt vatn, ruslagámar, rafmagn, sturta, sundlaug (200 m), heitir pottar (200 m), upplýsingamiðstöð (200 m), bekkir og borð, veitingahús (100 m), kaffihús (100 m), dagvöruverslun (1 km), bensínstöð (500 m), fjallasýn, gönguleiðir, leikvöllur, íþróttavöllur (100 m), veiði, golf (1,5 km), bátaleiga (2 km), heilsugæsla (800 m).

Opinn eldur bannaður, hundar í bandi leyfðir.

Verð:

• Fullorðnir: 2000 kr/mann nóttin + gistináttaskattur
• Eldri borgarar og öryrkjar: 1750 kr/mann + gistináttaskattur
• Börn: 0 kr - yngri en 16 ára
• Rafmagn: 1000 kr/sólarhring

Opnunartími: 1. júní - 31. ágúst.

Tjaldsvæðið á Garðskaga er hentugt fyrir ferðalanga á húsbílum og aðra sem vilja njóta opinnar náttúru við sjóinn. Það er opið allt árið.

Garðskagatá, nyrsti hluti Reykjanesskaga, býður upp á frábæra upplifun fyrir gesti með tveimur vitum, fallegri sandströnd og rómuðum sólsetrum. Vitarnir skapa sérstakt andrúmsloft og veðrið og sjórinn geta verið eftirminnileg, hvort sem það eru morgunstillur eða byljandi stormur með tilheyrandi brimi. Vitarnir á Garðskaga voru byggðir 1897 og 1944. Annar er sá næstelsti á landinu og hinn sá stærsti. Garðskagi is a premium site for bird-watching where whales can also often be observed from the coast. Garðskagi er einstakur áfangastaður í nýjum jarðvangi á Reykjanesskaga, sannkölluð náttúruperla.

Stóri vitinn hýsir tvær áhugaverðar sýningar, norðurljósasýningu og hvalasýningu. Frá toppi vitans er stórkostlegt útsýni.

Veitingastaðurinn Röstin er staðsett á efri hæð byggðasafnsins á Garðskaga. Þar er hægt að fá góðan mat á sanngjörnu verði allt árið um kring. Útsýnið frá Röstinni er frábært og hægt að njóta sólarlagsins yfir Snæfellsjökil, fjölbreytts fuglalífs og stundum má sjá hvali rétt undan ströndinni.

Opnunartími: allt árið

Fyrir hópa hafið samband í síma 893-8909 eða með tölvupósti: johann@gardskagi.com. 

Ferðaþjónustan að Stóra-Sandfelli er í Skriðdal, 17 km. sunnan við Egilsstaði við þjóðveg nr. 95 sem liggur á milli Egilsstaða og Hafnar í Hornafirði þegar keyrt er yfir Öxi eða Breiðdalsheiði. Hér er ýmist boðið upp á gistingu í smáhýsum, herbergjum eða á tjaldsvæði.

Einnig eru í boði hestaferðir um Sandfellsskóg og nágrenni, auk þess sem auðvelt er að finna sér skemmtilegar gönguleiðir á svæðinu. Skammt er til allra helstu ferðamannastaða Austanlands frá bænum.

Sama fjölskylda hefur rekið ferðaþjónustuna um þrjátíu ára skeið og sameinar reynslu og austfirska gestrisni.Við leggjum áherslu á góð og persónuleg samskipti við gesti okkar, þar sem þeir geta notið sín í fögru umhverfi og kyrrð í íslenskri náttúru.

Smáhýsin eru 10 talsins, af ýmsum stærðum og gerðum og rúma 2-4 gesti hvert. Öll eru með eldunaraðstöðu og aðgang að gasgrilli, sex þeirra eru með sérbaðherbergi og fjögur með sameiginlegum snyrtingum. Herbergin eru 3, öll með sér inngangi, litlu baðherbergi og með aðgang að eldunaraðstöðu og gasgrilli.

Tjaldsvæðið er staðsett í víðfeðmu skóglendi sem hentar einkar vel fyrir tjöld og tjaldvagna, fjölskyldur og fjörkálfa. Á svæðinu eru borð með áföstum bekkjum, Króklækurinn rennur þar í gegn og býður upp á ævintýri fyrir yngsta fólkið. Á snyrtingunum eru salerni, sturtur, útivaskar og heitt og kalt vatn.

Allar hestaferðir eru með leiðsögn. Leitast er við að velja hesta við hæfi hvers og eins og í upphafi hverrar ferðar er farið stuttlega yfir helstu atriði sem knapar þurfa að hafa í huga og teknir nokkrir æfingahringir í gerðinu. Tímasetning ferða er eftir samkomulagi hverju sinni og lágmarksfjöldi þátttakanda í hverri ferð eru 2 og hámarksfjöldi 10.

Fyrir frekari upplýsingar og bókanir, vinsamlegast farið á heimasíðu okkar eða hafið samband í gegnum síma eða tölvupóst.

Grímsstaðir á Fjöllum standa við krossgötur inn á hálendinu, norðan Vatnajökuls. Í þessu gamla en notalega húsi er boðið upp á svefnpokapláss fyrir 10 manns og morgunverð er hægt að fá hjá gestgjafa. Einnig er hægt að fá uppábúin rúm fyrir 6 í heimagistingu.
Frá Grímsstöðum er stutt að helstu náttúruperlum Norðaustanlands, svo sem:
• Dettifoss 28 km
• Mývatn 40 km
• Ásbyrgi 56 km
• Herðubreiðarlindir 60 km
• Askja 100 km
• Kverkfjöll 130 km

Tjaldsvæði opnar venjulega seint í júní til 15. september.

Vatnsholt er uppgerður fallegur sveitabær sem stendur við Villingaholtsvatn. Frá Vatnsholti er eitt víðasta útsýni í byggð á landinu. Þar sést vel til Vestmannaeyja, Eyjafjallajökuls, Tindfjalla, Heklu og Hellisheiðar. Vatnsholt er í aðeins 16 km fjarlægð frá Selfossi , 8 km frá Þjóðvegi 1 og ca 60 km frá Reykjavík. 

Við bjóðum upp á notalega aðstöðu fyrir ferðamenn, hjón, einstaklinga eða fjölskyldur sem vilja hvíla sig og njóta þess sem Suðurland hefur upp á að bjóða. Vatnsholt er fjölskylduvænn staður þar gestum gefst kostur á að kynnast lífinu í sveitinni, upplifa náttúruna og slappa af. Hægt er að veiða í Villingaholtsvatni og einnig er mikið fulglalíf við vatnið þar sem fuglaáhugafólk getur gefið sér tíma til að skoða fuglalífið. 

Auk hótelsins er nú boðið upp á glænýtt tjaldsvæði í Vatnsholti, opnað 1. júní 2021. Tjaldsvæðið er rétt við Hótel Vatnsholt og geta tjaldgestir nýtt sér alla þá aðstöðu og afþreyingu sem hótelið hefur upp á að bjóða, en þar má nefna stórglæsilegt leiksvæði fyrir börn og fullorðna með veglegum útileiktækjum, 9 holu fótboltaminigolf velli, fótboltavelli og tennisvelli. Í Vatnsholti er veitingastaður sem reynir eftir fremsta megni að vera með ferskt og gott hráefni frá næsta nágrenni. Frábær aðstaða fyrir allt að 70-80 gesti í björtum og notalegum herbergjum. Bjóðum einnig upp á hús með 7 herbergjum, húsið er með góðri aðstöðu til eldununar/grillunar. Við gerum okkar besta til að gera dvölina ánægjulega.

Snæfellsskáli rúmar um 45 manns í svefnpokaaðstöðu og um 30 í matsal. GPS staðsetning hans er 64.48.250 N / 15.38.600 V. Í skálanum er olíueldavél, rennandi vatn og vatnssalerni á sumrin. Á veturna er timburkamína og þurrsalerni. Við skálann er tjaldsvæði.

Skálinn er staðsettur við rætur Snæfells á vegi F909. Yfir hásumarið bjóða landverðir upp á daglegar fræðslugöngur og fjöldi stikaðra og óstikaðra gönguleiða er við Snæfell og á Snæfellssöræfum. Inn við jökul má finna gestagötuna „Í faðmi jökla“.

Tjaldsvæðið er á mel rétt við Snæfellsskála í Vatnajökulsþjóðgarði og liggur við veg F909.  Tæplega kílómeter er frá tjaldsvæðinu að uppgöngunni á Snæfell. Nokkrar merktar skemmtilegar gönguleiðir eru í nágrenninu auk gestagötunnar „Í faðmi jökla“ inn við Brúar- og Eyjabakkajökul.

Athugið að opnunartímar skála og tjaldsvæðið er mikið háð veðri og tíðarfari

Tjaldsvæðið á Grenivík var endurnýjað árið 2011 og er þar glænýtt aðstöðuhús með aðgengi fyrir hjólastóla. Aðgengi er að rafmagni og sturtu með rennandi heitu vatni. Einnig er aðstaða til að þrífa leirtau. Frítt er fyrir börn yngri en 16 ára.

Í Íþróttamiðstöðinni á Grenivík er nýleg 16,67 m sundlaug, heitapottur, gufuklefi, rækt, samkomu- og íþróttasalur.

Opnunartími
20. maí og eitthvað fram á haust.

ATH: Opnunartími tjaldstæðis fer reyndar eftir tíðarfari. Það er opið út september ef veður leyfir

Vinsamlegast hafið samband vegna verðlista og bókana.

Tjaldsvæði opnar snemma vors og fram á haust (fer eftir tíðarfari).

Hverinn-Sælureitur í sveitinni is a travel service offering accommodation, restaurant, camping and a small travelers store with a farmer’s market corner.

Tjaldsvæðið

Tjaldsvæði Hversins er skógivaxið, rólegt og fjölskylduvænt með fjölbreytta þjónustu.  Það er staðsett í fögru umhverfi mitt í uppsveitum Borgarfjarðar þar sem stutt er í einstakar náttúruperlur og menningartengda staði. Tjaldsvæðið býður upp á 100 stæði fyrir tjöld, fellihýsi og húsbíla, þar af eru 60 stæði með aðgangi að 3.3kw rafmagni með lekaleiða. Þjónusta sem boðið er upp á er WC, heitt og kalt vatn, sturtur, þvottavél og þurrkari, leiktæki, sundlaug með heitum potti  150m í burtu og seyrulosun fyrir húsbíla.

Verð 2019:
Fullorðnir: kr. 1.500,-
Fritt fyrir 13 ára og yngri
Rafmagn: kr. 1.000,-
Þvottavél: kr. 500,- hvert skipti
Þurrkari: kr. 500,- hvert skipti
Hobbitahús, gisting í litlum tjöldum inní gróðurhús: kr. 2.000,-

Hobbitahús

Hægt er að tjalda litlum tjöldum inni í gróðurhúsum svokölluðum “hobbitahúsum” sem eru tjaldbraggar upphitaðir með jarðhita, klæddir plasti. 

Herbergi 

5 x 2ja manna herbergi bjóðast til leigu en það er eldunaraðstöðu, baðherbergi og stofu deilt. Sjónvarp er í stofu og á veröndinni er heitur pottur. Einnig 3ja manna herbergi í boði með sér baðherbergi.

Íbúð

Hægt er að leigja 42fm íbúð með tveimur svefnherbergjum með einu rúmi í hvoru, eldhúsi og baðherbergi. Svefnsófi er í stofu og því getur íbúðin rúmað allt 4 manns í svefnplássi. 

Heitir pottar og sundlaug

Heitur pottur býðst aðeins gestur og sundlaug svæðisins er í 2 mínútna göngu fjarlægð.

Í Djúpadal er fjölskyldu rekin ferðaþjónusta. Boðið er uppá gistingu. 

Gamli bærinn
í gamla bænum eru 3 tveggja manna herbergi og 1 eins manns herbergi. Sameiginleg salerni og eldhús. Hægt að leigja allt húsið eða stök herbergi.

Þórishólmi
Sér hús sem stendur nálægt sundlaug. Húsið er 48fm 4 manna með 2 herbergjum. hjónaherbergi með tvíbreiðurúmi og kojuherbergi. Einnig er svefnsófi í stofu. Í húsinu er fullbúið eldhús og baðherbergi með þvottavél.

Stúdióíbúð í enda á sundlaugarhúsi herbergi fyrir 2 með lítilli eldunaraðstöðu og salerni.

Einnig bjóðum við upp á gistingu í 4 kofum á tjaldstæðinu hver kofi er 14fm svefnpláss fyrir 4. Borð, stólar,rafmagn og hiti. ATH einungis svefnaðstaða með aðgang að hreinlætisaðstöðu og þjónustuhúsi á tjaldstæði. 

Allri innigistingu fylgir aðgangur að sundlaug og heitum potti.

Boðið er uppá svefnpokagistingu eða uppábúin rúm.

Tjaldsvæðið Skriðan Djúpadal
Nýtt tjaldsvæði sem er enn í uppbyggingu, góð aðstaða fyrir tjöld og ferðavagna. Salerni, sturtur, heitt og kalt vatn, aðstaða fyrir uppvask, seirulosun, 150 fm aðstöðu hús og nóg af rafmagni og heitu vatni.

Sundlaug
Lítil innisundlaug með heitum potti er á staðnum.

Opið allt árið

Tjaldsvæðið á Húsavík er vel staðsett í útjaðri bæjarins. Þaðan er stutt að heimsækja margar af helstu náttúruperlum landsins svo sem Dettifoss, Mývatn og Ásbyrgi.

Rótgróið tjaldsvæði á Húsavík, í göngufæri frá sundlaug og verslun. 

Á tjaldsvæðinu eru tvær sturtur, þvottavél og salerni. Frítt internet.

Verð sumar 2024:
Fullorðnir: 2.000kr á mann á nótt
Öryrkjar og eldri borgarar: 1.500kr á mann á nótt
Börn: Frítt fyrir 14 ára og yngri
Rafmagn: 1.300kr á dag
Þvottavél: 800kr
Þurrkari: 800kr
Gistináttagjald: 333kr

Í Hvanngili á gönguleiðinni um Laugaveginn stendur rúmgóður skáli á tveimur hæðum, þar er gistirými fyrir 60 manns. 

Á neðri hæð skálans er stórt anddyri, lítið eldhús og tveir svefnsalir með kojum, borðum og stólum. Á efri hæðinni eru tveir svefnsalir til viðbótar þar sem sofið er á dýnum á gólfinu. Eldunaraðstaða er góð, hægt er að elda á gasi og öll mataráhöld og borðbúnaður til staðar. Kalt rennandi vatn er í eldhúsinu og stórt kolagrill er úti á palli. 

Skálavarðahús stendur skammt frá skálanum sem og salernishús með sturtum. Vetrarkamar er í salernishúsinu sjálfu. Nokkurn spöl frá skálaþyrpingunni er hesthús með eldunaraðstöðu og svefnlofti sem hýsir 20 manns. Við hesthúsið eru vatnssalerni og tjaldstæði. Tjaldstæðið er inni í Hvanngilshrauninu rétt hjá skálanum. Þar er mikið skjól og gott að tjalda ef veður eru válynd. 

Flestir gestir skálans ganga Laugaveginn, en auk þess er hægt að ganga á Hvanngilshnausa. 

Tjaldsvæðið á Patreksfirði er staðsett við Félagsheimili Patreksfjarðar sem sést vel þegar komið er inn í bæinn. Góð aðstaða er í félagsheimilinu fyrir tjaldsvæðið, svo sem salerni, þvottavél og aðstaða til eldunar og þvotta. Rafmagn og seyrulosun er fyrir húsbíla, og ruslagámar eru á staðnum. Hægt er að fá leigðan sal og eldhúsaðstöðu fyrir hópa. Hægt er að fara í sturtu í sundlauginni á Patreksfirði, afsláttur er fyrir gesti tjaldsvæðisins. 

Aðstaða fyrir tjöld, tjaldvagna og húsbíla.

Verð 2023

Fullorðnir: 1.775 kr.
Eldri borgarar og öryrkjar: 1.420 kr.
Börn að 18 ára: Frítt

3 nætur dvöl: 3.720 kr
4 nætur dvöl: 4.955 kr.
5 nætur dvöl: 6.190 kr.
6 nætur dvöl: 7.430 kr.
vikudvöl: 7.665 kr.

Rafmagn hvern sólarhring: 1.525 kr
Þvottavél og þurrkari: 1.655 kr 

Fyrirtækið Vogar, ferðaþjónusta ehf bíður upp á margþætta þjónustu fyrir ferðamenn s.s. tjaldsvæði, svefnpokagistingu, gistingu í herbergjum án baðs og með baði, morgunverð, pizzur, létta drykki, veiði, leigubíl ofl. Auk þess eru innan við 7 km í marga af vinsælustu stöðunum í Mývatnssveit s.s Grjótagjá, Hverfjall, Dimmuborgir, Hverarönd, Jarðböðin ofl.

Vinsamlegast hafið samband vegna verðlista og bókana.

Í Atlavík eru tvö salernishús með heitu og köldu rennandi vatni. Þar eru aðstaða fyrir uppvask, losun ferðasalerna, salerni fyrir fatlaða, útigrill, borð og stólar ásamt leikvelli.

Í Höfðavík eru svo þrjú salernishús með sturtu. Einnig er þar rafmagn fyrir húsbíla og vagna, losun ferðasalerna, útigrill ásamt borðum og stólum. Í Höfðavík ærslabelgur / hoppudýna.

Á báðum tjaldsvæðum er rusl flokkað.

Hallormsstaðaskógur er mjög vinsæll fyrir útivist enda fallegur staður. Það eru yfir 40 km af gönguleiðum á korti. Í skóginum er fjölskylduvænt Trjásafn með yfir 90 mismunandi gerðir trjáa. Þar er einnig Hótel Hallormsstaður með 100 herbergi og veitingastað.

Verð 2024
Fullorðnir: 2.000 kr á manninn
Eldri borgarar og öryrkjar: 1.500 kr
Gistináttaskattur: 300 kr
Börn: Frítt fyrir 14 ára og yngri
Rafmagn/sólahringur: 1300 kr

Sturta: 500 kr. Sjálfsalinn tekur aðeins við 100 kr mynt. Eru staðsettar í Höfðavík.
Þvottavélar og þurrkarar.: 500 kr eru staðsettar í Atlavík
Eftir 4 nætur er veitt afsláttarkort sem veitir 500 kr afslátt af gistinótt af fullur verði út sumarið. Afláttarkortið gildir einnig í Vaglaskógi. 

Vefsíða hengifoss.is/en/hallormsstadur
Facebook fyrir tjaldsvæðið www.facebook.com/Atlavik/
Facebook fyrir Hallormsstað www.facebook.com/Hallormsstadur

Tjaldsvæðið á Kópaskeri er við innkeyrsluna inn í þorpið. Þjónustuhúsið með tveim vöskum, sturtu og einu salerni blasir við en tjaldsvæðið sjálft er neðan við bakkann. Þar er mjög skjólgott úr öllum áttum nema sunnanátt.

Á tjaldsvæðinu er kolagrill, rafmagnstenglar og þvottasnúra ásamt pikknik borðum.

Á Kópaskeri er heilsugæsla, útibú Lyfju, útibú Landsbankans, Skerjakolla (verslun), vínbúð, hárskeri og Röndin vélaverkstæði. 

Á Kópaskeri er Skjálftasetur, Byggðasafn sem er rétt utanvið þorpið,  9 holu púttvöllur, leiktæki og margt fleira. Margar góðar gönguleiðir eru í nágrenninu og eru sýndar á korti við tjaldsvæðið. Í góðu veðri liggja selir á steinum við ströndina en einnig er fjölbreytt fuglalíf í þorpinu og allt í kring.

Tjaldsvæðið í Básum er eitt af rótgrónari tjaldsvæðum landsins.  Þar er náttúrufegurð mikil og mikið af áhugaverðum stöðum í nágrenninu.  Þar má helst nefna gosstöðvarnar á Fimmvörðuhálsi, Eyjafjallajökull, Mýrdalsjökull, Útigönguhöfðu og svo að sjálfsögðu Þórsmörk.  Ferðafélagið Útivist hóf uppbyggingu á svæðinu árið 1980 og voru tjaldsvæðin útbúin fyrst en skálarnir tveir voru byggðir næstu ár á eftir.  Mikið er af fallegum gönguleiðum í nágrenninu.  Básahringur er fær bæði stórum og smáum fótum og fallegt útsýni er af Réttarfelli. Útigönguhöfði  er svo góður fyrir þá sem vilja aðeins meiri erfiði.  Hvannárgilið er svo ævintýraveröld sem má alls ekki sleppa að ganga um. Skálavörður í Básum og skrifstofa Útivistar í Reykjavík selur gott göngukort sem gott er að hafa með.

Þegar farið er í Bása er beygt út af þjóðvegi 1 inná veg 249 sem er við Seljalandsfoss.  Vegurinn breytist svo í F249 Þórsmerkurveg og er sú leið aðeins fær jeppum og stærri bílum þar sem aka þarf yfir nokkrar jökulár.  Í vatnavöxtum ber að fara varlega þar sem að árnar geta orðið varasamar.  Þá er best að leita upplýsinga hjá kunnugum.

Tjaldsvæði sjálft er á flötum við skálana og í skógi vöxnum lautum.  Í skálunum er salerni og svo eru yfirbyggð kolagrill við skálana.

Opnunartími
Sumaropnun

Verð 2021:
Tjald: kr. 2.000
Sturta: kr. 500 

Tjaldsvæðið í Varmahlíð hefur verið valið tjaldsvæði ársins samkvæmt vinum Floridana Safar á Facebook.

Friðsæll og skjólgóður staður með snyrtilegum salernum, heitu og köldu vatni og rafmagni. Þvottavél, þurrkari og sturta er einnig á staðnum. Stutt er í alls kyns afþreyingu. Á tjaldsvæðinu sjálfu er svokallaður Ærslabelgur þar sem tugir barna geta skemmt sér tímum saman. Tveir fótboltavellir eru við tjaldsvæðið og aðeins 250 m. ganga eftir fallegum skógarstíg að sundlaug sem skiptist í tvær laugar; 25 m. laug og 8 m. barnalaug með tveimur rennibrautum. Þar er einnig heitur pottur og sauna.

Upplýsingamiðstöð er í Varmahlíð þar sem hægt er að nálgast allar upplýsingar varðandi afþreyingu, gönguleiðir, þjónustu, söfn, kirkjur og fl.

ATH. Tjaldsvæði á Sauðárkróki, Hofsós, Hólum og Varmahlíð eru í samstarfi þannig að hægt er að gista fyrstu nóttina á einhverju af þessum þrem tjaldsvæðum og fá þá lægra verð næstu nótt á eftir á einhverju af hinum tjaldsvæðunum. Nauðsynlegt er að framvísu greiðslukvittun af fyrra tjaldsvæði.

Tjaldstæðið er opið yfir sumartímann frá miðjum maí fram í miðjan september.

GPS: N 63°40,559 / V 19°29,014 
Í Lambaskarðshólum á Skaftártunguafrétt - Gistirými fyrir 20 manns, WC.

Smáratún er bóndabýli staðsett við miðri Fljótshlíðinni við veg nr. 261, í 10 mínútna akstursfjarlægð frá Hvolsvelli.

Þriðja kynslóð sömu fjölskyldu býr núna að Smáratúni en ferðaþjónusta hófst þar í smáum stíl árið 1986. Við höfum unnið í samræmi við sjálfbærnisstefnu sem við settum okkur árið 2007 og við hlutum Svansvottun árið 2014.

Við bjóðum uppá gistingu í hótelherbergju, smáhýsum og stærri sumarhúsum. Við erum líka með tjaldsvæði og eldunaraðstöðu fyrir gesti allan ársins hring. Veitingastaðurinn okkar er opinn öllum, bæði fyrir morgunverð og kvöldverð. Við erum stoltir stofnfélagar Beint frá býli og bjóðum uppá matvæli frá býlinu í veitingastað okkar. 

Notalegt og snyrtilegt gistiheimili með fjórum herbergjum,svefnpláss fyrir 13 manns,svefnpoki eða uppábúið.Eldhús,þvottavél og þurrkari.Sturtur og pottur.

Tjaldsvæðið Langafit er lítið, notalegt tjaldsvæði með aðgangi að heitum pottum og sturtum, þvottavél og þurrkara.  Fallegt og aðlaðandi handverkshús er á staðnum með kaffi og vöfflum.

Opnunartími tjaldsvæðis

Opið yfir sumarið (háð tíðarfari)

Verð á tjaldsvæði 2016

Verð fyrir fullorðna:  1.000 kr
Verð fyrir börn, 12 ára og yngri:  Frítt

Á Melanesi er rekið eina tjaldsvæðið á Rauðasandi. Á fallegu grænu túni sem liggur við sandinn, með dásamlegt útsýni að Látrabjargi. Af tjaldsvæðinu er hægt að ganga í allar áttir og upplifa dýralíf og náttúru.

Salerni og sturtu aðstaða fyrir alla, þ.m.t. aðgengi fyrir hjólastóla. Eldunaraðstaða, þvottavélar, útigrill, bekkir, borð og leiksvæði.

Sellátur er á sandinum og þar liggja hundruðir landsela allt árið um kring. Westfjords Adventures á Patreksfirði bjóða uppá selaferðir á traktor með kerru og eru ferðirnar farnar frá tjaldsvæðinu alla daga, ef pantað er. Frá tjaldsvæðinu er létt 1 km ganga inn að Sjöundá sem er eyðibýli sem  margir þekkja úr sögunni Svartfugl eftir Gunnar Gunnarsson. Frá Sjöundá er svo hægt að ganga lengra, m.a. er miðlungs erfið ganga inn að vitanum í Skor (en sú leið er þó ekki fyrir lofthrædda), og svo er erfið en falleg gönguleið um Sjöundárdal, Ölduskarð og niður í surtarbrandsnámurnar í Stálfjalli.

Opnunartími
Opið frá 15. maí til 15. september.

Verð 2018

Verð fyrir fullorðna:  1.500 kr
Verð fyrir börn:  Frítt fyrir 16 ára og yngri
Eldri borgarar og öryrkjar: 1.000 kr
Rafmagn:  1.000 kr

Staðsett við útjaðar bæjarins að austanverðu, við Hvalsá. Klósett, sturta, heitt og kalt rennandi vatn, eldunaraðstaða, úrgangslosun og rafmagn.

Leiktæki eru einnig á svæðinu. Svæðið er nokkuð slétt og er girt af. Tjaldstæðið er skjólgott og er í 10 mín göngufæri frá miðbæ Ólafsvíkur, 15 mín ganga er í sundlaugina og pósthúsið. Margar góðar gönguleiðir eru frá tjaldsvæðinu í Ólafsvík. Tjaldsvæðið er í umsjón Upplýsingamiðstöðvar Snæfellsbæjar sem er staðsett í Ólafsvík.

Verð 2022

Fullorðnir: 1.700,- kr.
Unglingar 14-16 ára: 500,- kr.
Frítt fyrir 13 ára og yngri
Aldraðir og öryrkjar: 1.200,- kr.
Rafmagn: 800,- kr.

Sturtur eru innifaldar í verðunum.

Tjaldsvæðið í Húsafellskógi
Tjaldsvæðið í Húsafellsskógi hefur notið mikilla vinsælda í áraraðir . Stæðin eru á miðju orlofssvæðinu og göngufæri í sund, golf, leiktæki, verslun og veitingar. Rafmagnstenglar eru á u.þ.b. 70 stæðum og þarf tengi skv. evrópskum stöðlum. Salerni, sturta, heitt og kalt vatn auk þvottaaðstöðu. Einnig eru tjaldstæði á fallegum stað í Reyðafellsskógi um 2 km. frá afþreyingarmiðstöðinni.

Yfir hásumarið er tendraður varðeldur öll laugardagskvöld kl. 21 ef veður, brunavarnir og fjöldatakmarkanir leyfa.

Rekin er fjölskyldustefna í Húsafelli sem m.a. snýr að því að hafðar eru þarfir fjölskyldunnar við uppbyggingu staðarins, leitast við að gera gesti meðvitaða um samfélagslega ábyrgð á uppeldi barna, að unglingar skuli ávallt vera í fylgd forráðamanna og að skemmtanir miðast við sameiginlega hagsmuni fjölskyldunnar. 

Umgengnisreglur Húsafells
Gangið þrifalega um landið. Brýnið góða umgengni fyrir börnum og verið þeim til fyrirmyndar. Látið allt rusl í ruslagáma, sem eru við innkeyrsluna á svæðinu. Sýnið öðrum gestum tillitssemi. Yfir nóttina frá kl. 24:00 til kl. 09:00 er stranglega bannað að vera með hávaða eða annað ónæði 

• Hlífið gróðri 
• Bannað er að kveikja opinn eld á svæðinu. Notið ekki grill sem liggja á eða við jörð. 
• Akið ekki utan vegarslóða og athugið að 20 km hámarkshraði er á sumarhúsa- og tjaldsvæðum. 
• Lausa ganga hunda er stranglega bönnuð og er skylt að þrífa eftir þá. 
• Aðgangur ungmenna að svæðinu, án forráðamanna er bannaður 
• Notkun torfæruhjóla er bönnuð í landi Húsafells.

Gerið starfsfólki aðvart ef þið verðið fyrir ónæði. Brot á lögum eða umgengisreglum varðar brottrekstur af svæðinu, án nokkurra bóta.

Hægt er að leigja blakbolta, fótbolta, körfubolta og kubbaspil í tjaldmiðstöð.

Nánari upplýsingar má finna í afþreyingarmiðstöðeða í síma 435-1556 og í netfangi camping@husafell.is 

Vefsíða: www.husafell.is/gisting/tjaldsvaedi 

Verð 2021
Gestir á tjaldsvæði skulu ávallt skrá komu sína og greiða gistigjald við komu.

Húsafellsskógur tjaldstæði:
Fullorðnir / Börn (7-17ára) 1 nótt 1.600 / 900 kr.
Fullorðnir / Börn auka nætur, per nótt 1.400 / 700kr.
Rafmagn á sólahring 1.350 kr.
Sumarstæði 69.000 kr.
Rafmagn fyrir sumarstæði 40.000 kr. 

Tengiskott fyrir rafmagn 4.500 kr (kaup) /1.500 (leiga)

Miðað er við að dvalartíminn sé til kl 13 næsta dag. 

Vallarsvæði
Fullorðnir / Börn (7-17ára) 1 nótt 1.400 / 700 kr.
Fullorðnir / Börn auka nótt 1.200 / 500 kr. 

Miðað er við að dvalartíminn sé til kl 13 næsta dag. 

Reyðarfellsskógur
Fullorðnir / Börn (7-17ára) 1 nótt 1.100 / 600 kr.
Fullorðnir / Börn auka nótt 900 / 400 kr. 

Miðað er við að dvalartíminn sé til kl 13 næsta dag. 

Sundlaug
Fullorðnir 1.500 kr.
Börn – 6 – 14 ára 500 kr
10 miða kort fullorðnir 10.500 kr
10 miða kort börn 3.000 kr
Handklæði 1.100 kr
Sundföt 1.100 kr
Þvottavél 1.650 kr
Rúmföt 1.900 kr

 

Gesthús eru staðsett á besta stað í miðjum bænum á Selfossi, rétt við íþróttavöllin og sundlaugina. 

Við bjóðum smáhýsi til leigu en á staðnum eru einnig gott tjaldsvæði. 

Á því er góð aðstaða og má þar nefna vatnssalerni, sturtur, eldhúsaðstaða og matsalur.

Í Landmannalaugum, við annan enda Laugavegarins, stendur rúmgóður skáli. Þar er gistirými fyrir 78 manns. 

Skáli Ferðafélags Íslands í Landmannalaugum er stór og rúmgóður og þar geta 78 manns sofið. Skálinn er á tveimur hæðum. Á neðri hæðinni er anddyri, stórt eldhús þar sem hægt er að setjast niður og borða og stór svefnskáli með kojum. Á efri hæðinni eru þrjú svefnloft með samliggjandi rúmbálkum og eitt lítið herbergi með kojum. Í skálanum er góð eldunaraðstaða með gasi, mataráhöldum, borðbúnaði og köldu og heitu rennandi vatni. Stórt kolagrill er úti á palli. 

Skálinn tengist salernishúsi með góðum trépalli. Salernishúsið er stórt og þjónar ekki bara skála- og tjaldgestum svæðisins, heldur líka þeim fjölmörgu daggestum sem heimsækja Landmannalaugar. Sturtur eru í salernishúsinu.  

Gestir í Landmannalaugum fara ýmist í dagsgöngur eða ganga Laugaveginn. Vinsælar dagsgöngur eru til dæmis ganga um Laugahraun og á Brennisteinsöldu, á Bláhnúk og ganga um Suðurnámur. Fjöldi annara gönguleiða er á svæðinu, gott er að spyrja starfsfólk um ástand gönguleia hverju sinni. 

Tjaldsvæðið Kleifar stendur við Geirlandsveg 2,5km. frá Kirkjubæjarklaustri. Við tjaldsvæðið er fallegur foss sem heitir Stjórnarfoss og á góðviðrisdögum verður vatnið í Stjórninni svo heitt að hægt er að fá sér sundsprett. Á tjaldsvæðinu eru tvö vatnssalerni og kalt rennandi vatn, bekkir og borð. Beint á móti tjaldsvæðinu er fótboltavöllur og stutt er á Kirkjubæjarklaustur þar sem hægt er að komast í matvöruverslun, veitingastaði og sundlaug svo eitthvað sé nefnt.

Verð fyrir fullorðna:  750 kr
Verð fyrir börn:  Frítt fyrir 13 ára og yngri.

Tjaldsvæðið Árnesi stendur við Kálfá nálægt mynni Þjórsárdals sem er eitt fegursta svæði landsins. Þaðan er stutt að fara til að skoða fjölmargar náttúruperlur, sögufræga staði og fjölbreytt náttúrufar.  

Á tjaldsvæðinu er rúmgóð flöt með 36 rafmagnstenglum.  Aðgengi er að salernum, sturtum og þvottavél. Einnig eru þar hliðartjaldsvæði, m.a. flöt rétt við sundlaugina, sem rúma minni hópa.  Góð aðstaða er fyrir útiveru, leiki og íþróttir. Hægt er að fá leigðan sal til inniveru fyrir hópa. Á staðnum er veitinga og kaffistofa, bændamarkaður þar sem seldar eru vörur beint frá býli, sundlaug, fótboltavöllur, farfuglaheimili  og verslun.

Tjaldsvæðið á Raufarhöfn er staðsett við grunnskólann og íþróttamiðstöð bæjarins. Þjónustuhús með vaski, salerni og sturtu er á staðnum. Tjaldsvæðið er skemmtilega byggt í skeifu sem umliggur svæðið.

 Á tjaldsvæðinu eru rafmagnstenglar og nestisborð.

Finnið okkur á Facebook hér.

Nýtt mjög gott þjónustuhús er á svæðinu með eldunaraðstöðu, sturtum og góðu aðgengi fyrir hreyfihamlaða. Tjaldsvæðið er skipt í þrjá hluta rétt ofan við fjörukambinn þar sem má sjá sólina setjast í hafið á fallegum síðsumars kvöldum, mjög vel staðsett og skjólgott. Búið rafmagns tenglum og seyru losun fyrir húsbíla. 

Tjaldsvæðið er við hliðina á sundlauginni og er þjónustað þaðan. Þjónusta sem þar er í boði er sundlaug / sauna, líkamsræktarstöð og íþróttahús, þvottavél og þurrkari. 

Við tjaldsvæðið eru strandblaksvellir og leiksvæði fyrir börn. 

Ágætar gönguleiðir eru hér bæði í fjöllum, dölum og fjörum, þó ekki stikaðar. 

N1 er á staðnum með úrval af matvöru. Einnig hótel og kaffihús.

Hestaleiga í næsta nágreni.

Verð 2023

Fullorðnir: 1.900 kr
- fjórða nóttin frí
+67 ára 1.330 kr
- fjórða nóttin frí
Börn, 16 ára og yngri: Frítt í fylgd með fullorðnum
Rafmagn: 1.300 kr
Þvottavél: 1.100 kr
Þurrkari: 1.100 kr 

Rjúpnavellir í Rangárþingi Ytra  
Ferðaþjónustan á Rjúpnavöllum býður gestum sínum upp á rólegt og fallegt umhverfi þar sem Hekla gnæfir yfir og Ytri- Rangá rennur rétt við túnfótinn.

Sérstaða staðarins er nálægðin við hálendið og eru því margir möguleikar á spennandi útivist og náttúruskoðun, allt árið um kring.

Skemmtilegir staðir í göngufæri til útivistar og náttúruskoðunar, má þar nefna: Merkihvollsskóg, Fossabrekkur, Galtalækjarskóg, Þjófafoss og að sjálfsögðu Heklu.

Aðrir spennandi staðir í næsta nágrenni:
Landmannalaugar eru einn fjölsóttasti ferðamannastaðurinn á hálendinu og liggur vel við reið- og gönguleiðum.

Gisting á Rjúpnavöllum
Gisting er í tveimur skálum sem taka samtals 44 í svefnpokaplássi. Einnig eru 3 smáhýsi sem taka 6-10 manns hvert. Frítt Wifi er á svæðinu.

Aðstaða í skálum: Þar er frábær eldunaraðstaða, bekkir og borð fyrir alla. Svefnbálkar eru í sal ásamt einu sérherbergi.

Rjúpnavellir eru góður áningastaður fyrir bæði hópa og einstaklinga sem vilja njóta náttúrunnar í fallegu umhverfi, fagna tímamótum í góðum félagsskap eða vantar áningastað á ferð sinni um hálendið.

Einnig er aðstaða fyrir tjöld eða ferðahýsi.

Hestafólk
Frá upphafi hafa Rjúpnavellir verið vinsæll áningastaður fyrir hestafólk, því staðsetningin er í alfaraleið og skálarnir henta vel stórum hópum. Það er gott gerði fyrir hestana og margar spennandi reiðleiðir í nágrenninu. Aðstaðan er því jafn góð bæði fyrir hesta og menn.

GPS HNIT: N64° 2' 3.857" W19° 50' 6.233"

Á bak við Hótel Breiðdalsvík, við hliðina á leikskólanum, er tjaldsvæðið staðsett. Þar er heitt og kalt rennandi vatn og salernisaðstaða. Frábær aðstaða á frábærum stað og allt sem þig vantar í nágrenninu. Stutt í sundlaug, veitingahús, verslun, kaffihús, handverksmarkað, söfn og fleira. Frábært umhverfi fyrir fjölskyldufólk.

Þjónusta í grennd við tjaldsvæðið telur íþróttahús með sundlaug, leiksvæði, útivistarsvæði. veitingahús, steinasafn, fræðasetur, handverksmarkað, banka, pósthús, verslun og bensínstöð.

Verð:

• Fullorðnir: 2000 kr/mann nóttin + gistináttaskattur
• Eldriborgarar og öryrkjar: 1750 kr/mann + gistináttaskattur
• Börn 0 kr - yngri en 16 ára
• Rafmagn 1000 kr/sólarhring

Opnunartími: 1. júní - 31. ágúst

Tjaldsvæðið á Stokkseyri er mikið endurbætt svæði þar sem salernisaðstaða hefur fengið yfirhalningu, sturtur eru á staðnum og sett hefur verið upp losunaraðstaða fyrir húsbíla. Rafmagn hefur verið endurbætt og ætlunin er að fjölga tenglum fyrir komandi ferðasumar. Leikvöllur hefur verið settur upp fyrir börnin og göngustígur frá tjaldsvæðinu sem endar í miðbæ Stokkseyrar. Strætó gengur milli Eyrarbakka, Selfoss og Stokkseyrar alla virka daga svo stutt er í aðra afþreyingu á svæðunum í kring.

Stokkseyri er lítið þorp við suðurströndina sem er þekkt fyrir fuglalíf og stórbrotna og fagra fjöru þar sem skiptast á skeljasandur, sker, flúðir og lón. Öflugt lista- og menningarlíf er á svæðinu, þar sem vinnustofur, sýningarsalir og söfn leynast víða, auk handverks af ýmsu tagi. Dæmi um söfn er Veiðisafnið þar sem má skoða uppstoppuð dýr frá ýmsum heimshornum, Draugasetrið þar sem gestir fá að heyra draugasögur af bestu gerð um leið og þau ganga um safnið og Álfa- trölla- og norðurljósasetrið sem bíður upp á sýningar af ýmsu tagi. Einnig er þar að finna Þuríðarbúð sem er endurgerð verbúð sjómanna sem sýnir vel aðbúnað verbúðarfólks á fyrri öldum og austan við Stokkseyri stendur sjálfur Knarrarósviti í allri sinni dýrð og rétt við vitann er Rjómabúið við Baugsstaði þar sem eru til sýnis munir sem notaðir voru við mjólkurvinnslu á árum áður.

Kast Guesthouse er staðsett í landi Lýsudals í Staðarsveit á Snæfellsnesi. Það liggur neðan við Lýsuskarð sem er fallegt skarð á milli Lýsuhyrnu í austri og Ánahyrnu í vestri. Nafn gistiheimilisins er dregið af kyrrlátri og grasi vaxinni sléttu ofan við gistiheimilið þar sem merar kasta gjarnan og ala folöldin sín. 

Ásbrandsstaðir eru utarlega, norðanmegin í Hofsárdal, um 7 km frá kauptúninu á Vopnafirði. Ef farið er um hringveginn þá er beygt inn á veg veg nr. 85 í Vesturádal og síðan beygt upp og yfir hálsinn inn á veg nr. 920 í Hofsárdal. Ef farið er um Hellisheiði, nr. 917, þá er síðan beygt inn á veg nr. 920.

Tvö sumarhús eru á Ásbrandsstöðum. Í öðru sumarhúsinu er gistiaðstaða fyrir allt að sex manns. Þar er góð eldhús og snyrtiaðstaða. Þvottavél er ekki í húsinu en hún er í aðstöðuhúsinu og snúrur eru bæði inni og úti. Einnig er sólpallur með fallegu útsýni með grillaðstöðu. Í hinu húsinu er svefnaðstaða fyrir tvo og baðherberbergi, einnig hafa gestir aðgang að aðstöðuhúsinu á tjaldsvæði. 

Tjaldsvæði er á Ásbrandsstöðum. Tjaldsvæði fyrir alla, rafmagnsstaurar fyrir húsbíla og tjaldvagna. Í aðstöðuhúsinu er eldunaraðstaða, ísskápur, salernis- og sturtuaðstaða, þvottavéla- og þurrkaðstaða bæði úti og inni.  Á tjaldsvæðinu er leiktæki fyrir börn. Golfvöllur er rétt hjá og stendur gestum til boða að leigja golfsett hjá okkur.  Mjög ferskt vatn af 70 metra dýpi er til drykkjar beint úr krönunum. 

Síðasti landpósturinn á Íslandi bjó á Ásbrandsstöðum, Runólfur Guðmundsson. Faðir hans Guðmundur Kristjánsson var einnig landpóstur. Í minningu þeirra ætlum við að koma upp litlu safni hér á Ásbrandsstöðum. Ljóst er að starfi landpóstanna var oft á tíðum ansi erfiður þegar takast þurfti á við íslenska náttúru og veðurfar og einu fararskjótarnir voru hestar eða tveir jafnfljótir og yfir fjöll og firnindi að fara.

Dalahótel er fjölskylduhótel staðsett í fallegum og rólegum dal, aðeins einum km frá þjóðvegi 60. Staðurinn er frægur frá fornöld, en þar bjó Guðrún Ósvífursdóttir sem var ein af aðalpersónum Íslendingasagna. Hótelið er staðsett við rætur fjalls þar sem þú getur notið ósnortinnar náttúru með fjölda gönguleiða við allra hæfi. Í lok dags er hægt að slaka á í Guðrúnarlaug, sem er náttúrulaug staðsett rétt ofan við hótelbygginguna, eða í heitu pottunum og sundlauginni á hótelsvæðinu. 

Veitingastaður Dalahótels er opinn öllum á eftirfarandi tímum: 

Morgunverður: 8:00 – 10:00. 

Hádegisverður: 12:00 – 14:00. 

Kvöldverður: 18:00 – 21:00.

Kerlingarfjöll eru ein af náttúruperlum hálendisins. Þar fara saman stórkostlegt landslag, fjölbreytt og fróðleg jarðfræði og síðast en ekki síst samspil jökla og jarðhita, gróðurs og gróðurleysis og ótrúleg litadýrð. Af hæstu tindum er mjög víðsýnt og sér þaðan til sjávar bæði til norðurs og suðurs. Bjartur og fallegur dagur í Kerlingarfjöllum er  mörgum ógleymanleg upplifun.

Hálendismiðstöðin í Kerlingarfjöllum er staðsett í dalnum Ásgarður í norðanverðum Kerlingarfjallaklasanum, þar er boðið upp á gistingu fjallaskálum, á staðnum er tjaldstæði og þar eru veitingar seldar.

Camp Egilsstaðir er miðsvæðis í Egilsstaðabæ, undir klettunum við Kaupvang. Þaðan er spölkorn í helstu verslanir og þjónustu. Á tjaldsvæðinu er rafmagn fyrir húsbíla, leiktæki fyrir börn, snyrtingar með aðgengi fyrir fatlaða, þvottavélar, þurrkarar, sturtur og salerni. 

Á svæðinu eru einnig útiborð og bekkir og aðstaða til að vaska upp. Þjónustuaðstaðan er opin allan sólarhringinn og í byrjun árs 2022 var hún stækkuð um helming og nú, ásamt úti-eldunarskýli, er komin aðstaða innanhús til eldunar. Á háönn er nauðsynlegt að bóka og greiða fyrir tjaldsvæðið á netinu en möguleiki er á greiðslu í gegnum sjálfsafgreiðsluposa á lágönn ef móttakan er lokuð.   

Tjaldsvæðið er opið allan sólarhringinn, allt árið um kring. Egilsstaðastofa Visitor Center er í þjónustuhúsi á tjaldsvæðinu. Gistu hjá okkur á ferð þinni um Ísland en stutt er í alls kyns afþreyingu eins og Stuðlagil, Vök Baths, Hengifoss og fleiri frábærar náttúruperlur.

Hægt er að bóka pláss fyrirfram á vef Camp Egilsstaðir sem og verðskrá. 

Egilsstaðastofa Visitor Center er staðsett í þjónustuhúsi Camp Egilsstaða. Þar er hægt að fá upplýsingar um svæðið.  Hægt er að kaupa kaffi, te, póstkort, frímerki og fleira. Nánari upplýsingar um Egilsstaðastofu er að finna á vef Camp Egilsstaðir .

Tjaldstæðið á Hofsósi er skjólgott tjaldsvæði með rafmagni og aðstöðuhúsi með köldu og heitu vatni, sturtu og klósettlosun fyrir húsbíla. Stutt er í hina nýju, margverðlaunuðu sundlaug á Hofsósi.

Ýmis afþreying er í boði á Hofsósi og í sveitum í kring. Má þar nefna gönguferðir um gamla bæinn við Pakkhúsið og bryggjuna, niður í Grafarós og Staðarbjargarvík, fara í sund í hinni margverðlaunuðu sundlaug á Hofsósi, kíkja í Vesturfarasetrið og á Samgönguminjasafnið í Stóragerði. Þórðarhöfði er skammt undan, en gönguferð í Þórðarhöfða er stórkostleg upplifun. Góðir veitingastaðir eru á Hofsósi.

Tjaldsvæði á Sauðárkróki, Hofsós, Hólum og Varmahlíð eru í samstarfi þannig að hægt er að gista fyrstu nóttina á einhverju af þessum fjórum tjaldsvæðum og fá þá lægra verð næstu nótt á eftir á einhverju af hinum tjaldsvæðunum. Nauðsynlegt er að framvísu greiðslukvittun af fyrra tjaldsvæði.

Opnunartími er frá miðjum maí og fram á haust, en endaleg lokun fer eftir veðri.

Flott aðstaða í fallegu umhverfi.

Aðkoma er frá Skálholtsbraut. Tjaldstæðið er staðsett rétt við Íþróttamiðstöðina og kirkjuna

Á tjaldsvæðinu er salernishús með þremur salernum og aðstaða til að vaska upp. Við sundlaugina er einnig gervigrasvöllur, leikvöllur og frjálsíþróttavöllur.

Ágætis aðgengi fyrir fatlaða, bæði er svæðið sjálft slétt en svo er salerni fyrir fatlaða.

Fjarlægð frá Reykjavík: 54 km

Fjarlægð frá Seyðisfirði: 631 km

Verð 2020

Fullorðnir pr. nótt pr. mann 1.000

Börn að 16 ára aldri (í fylgd fullorðinna) frítt

Elli- og örorkulífeyrisþegar pr. nótt pr. mann kr. 850

Rafmagn pr. tjaldeining pr. dag kr. 1.100

Á tjaldsvæðinu er þjónustuhús með fimm salernum og tveimur sturtum og einnig er aðstaða til að vaska upp. Ágætis aðgengi er fyrir fatlaða, svæðið er slétt og auðvelt yfirferðar.

Tjaldsvæðið í Ólafsfirði er við íþróttamiðstöðina. Þar er lítil tjörn með miklu fuglalífi og smásílum sem vinsælt er að veiða hjá yngri krökkunum.

Opnunartímar tjaldsvæða er frá 15. maí - 15. október

VERÐ :

• Fullorðnir: 1.400 kr.
• Eldri borgarar og öryrkjar: 1.200 kr.
• Frítt fyrir 16 ára og yngri
• Rafmagn: 1.200 kr.
• Með hverri gistinótt á tjaldsvæðinu á Ólafsfirði fylgir einn sundmiði pr. gest.

Volcano Huts í Húsadal í Þórsmörk

Volcano Huts er þjónustu fyrirtæki sem staðsett er í Húsadal í Þórsmörk og býður upp á gistingu og veitingar fyrir hópa og einstaklinga. Þórsmörk er ævintýraheimur göngufólks og náttúruunnenda á öllum aldri. Landslagið er ægifagurt og mótast af samspili eldfjalla, jökla, skóga og jökuláa sem móta útsýnið til allra átta. 

Hægt er að bóka gistingu og aðra þjónustu í gegnum vefsíðu okkar www.volcanotrails.is

Þjónusta í Húsadal

Gisting og aðstaða: í Húsadal er boðið upp á gistingu í notalegum fjallaskálum, fjögurra manna smáhýsum, tveggja manna herbergjum, glæsi tjöldum og stórt tjaldsvæði. Hægt er að fá leigð rúmföt og sængur á staðnum. Sturtur, gufubað og heit náttúrulaug er innifalið í gistingu en aðrir ferðalangar geta fengið aðgang að þeirri þjónustu gegn vægu gjaldi.

Veitngastaðurinn okkar býður upp á ljúffengar veitingar fyrir hópa og einstaklinga sem leið eiga um Húsadal og Þórsmörk. Boðið er upp á morgunverð, hádegisverð, kaffiveitingar og kvöldverð auk þess sem hægt er að setja upp veislur og viðburði fyrir hópa hvort heldur sem er innandyra eða utan. Eftir matinn er svo tilvalið að fá sér drykk á barnum og deila ferðasögunni með öðrum ferðalöngum.

Afþreying: Frá Húsadal liggur fjöldi gönguleiða um Þórsmörk og Goðaland og má þar helst nefna Laugaveginn og Fimmvörðuháls sem eru vinsælustu gönguleiðir landsins. Einnig er hægt að fara í styttri göngur sem henta fyrir alla aldurshópa, skoða sönghelli og taka lagið, sauna og toppa daginn í heitir náttúrulaug. 

Gönguleiðir: Fjöldi skem mtilegra göngu- og hlaupaleiða liggja um Þórsmörk og nágrenni Húsadals og hér ættu allir að finna sér leiðir við hæfi. Laugavegurinn og Fimmvörðuháls eru meðal þekktustu gönguleiða á Þórsmerkursvæðinu en auk þeirra eru fjöldi annarra skemmtilegra leiða. Gönguleiðakort eru seld í Húsadal.

Samgöngur: Til að ko mast í Húsadal er ekið frá Suðurlandsvegi upp jeppafæran vegarslóða merktan F249 í Þórsmörk. Fara þarf yfir nokkrar ár og læki á leiðinni en helst má þar nefna Krossá sem eingöngu er fær vönum bílstjórum á vel útbúnum jeppum. 

Daglegar rútuferðir eru frá BSÍ yfir sumar mánuðina en hægt er að nálgast nánari upplýsingar um áætlun rútuferða og að bóka rútumiða á vefsíðu Volcano Huts.

Bókanir og allar nánari upplýsingar um þjónustu í Húsadals er að finna á vefsíðunni og hægt er að hringja í síma 4194000 eða senda tölvupóst á netfangið info@volcanotrails.is  

Glamping lúxustjöld - eins manns / tveggja manna - 16 stk
Herbergi - eins manns / tveggja manna - 14 stk
Smáhýsi - 4 pers - 8 stk
Skálagisting - 34 rúm
Tjaldstæði 100 +

Bærinn Skeið er á Tröllaskaga og stendur á rólegum stað í botni Svarfaðardals í faðmi svarfdælsku fjallanna, 18 km frá Dalvík.

Tröllaskagi er kjörinn staður fyrir þá sem vilja komast í kyrrð og ró. Á Tröllaskaga og nágrenni er að finna áhugaverðar gönguleiðir, hvalaskoðun, kajak-ferðir, hestaferðir, golf, skíðaferðir o.fl. Tröllaskagi er paradís fyrir fjallaskíðamenn.

Stutt er að fara á ýmsa áhugaverða staði, t.d. tekur aðeins 2-21/2 klst að aka til Mývatns og Kröflu. Klukkutímaakstur er frá Skeiði til Akureyrar. Um vetrartímann er ráðlegt að vera á fjórhjóladrifnum bíl en við pöntum snjómokstur eftir þörfum.

Hægt er að fá að tjalda allt árið ef veður og tíð leyfir.

Í Langadal í Þórsmörk, við enda Laugavegarins, stendur Skagfjörðsskáli, þar er gistirými fyrir 75 manns. 

Skálinn er stór og rúmgóður og er á tveimur hæðum. Á neðri hæðinni er gengið inn í opið anddyri og inn af því er stórt opið eldhús með gashellum og kamínu, öllum mataráhöldum og köldu, rennandi vatni. Stór matsalur með borðum, stólum og sófahorni liggur til hægri handar en til vinstri handar inn af anddyrinu er lokaður gangur með tveimur svefnherbergjum með kojum og einu litlu eldhúsi. Á efri hæð hússins eru þrjú svefnloft með rúmbálkum og kojum. 

Góður pallur liggur við húsið þar sem hægt er að grilla og borða úti við. Bak við húsið ofan í laut er góð grillaðstaða fyrir stærri hópa en þar er stórt hlaðið útigrill, langborð og bekkir. Skálinn er tengdur salernishúsi með hellulögðum stíg og þar eru auk salerna, þrjár sturtur. Tjaldað er á grasblettum víða á svæðinu. 

Margvísleg aðstaða er í Þórsmörk og meðal annars er þar svokallað dagsferðahús þar sem bæði tjaldgestir og dagsferðalangar geta eldað og borðað nestið sitt. Í dagsferðahúsinu er einnig rekin lítil verslun með vínveitingaleyfi. 

Gestir skálans fara ýmist í dagsgöngur eða ganga Laugaveg eða Fimmvörðuháls. Vinsælar dagsgöngur á svæðinu eru ganga á Valahnúk og Tindfjallahringur. Þegar vel viðrar er krefjandi en skemmtilegt að ganga á Rjúpnafell. Þaðan er stórbrotið útsýni yfir Þórsmörk, Mýrdalsjökul, Eyjafjallajökul og inn á Fjallabak. Fjöldi annara gönguleiða eru á svæðinu, gott er að spyrja skálaverði um ástand gönguleiða hverju sinni. 

Finnið okkur á Facebook hér. 

Notaleg gisting í sveitinni, staðsett 18 km frá Egilsstöðum - 8 km frá Hallormsstað. Góðar gönguleiðir í nágrenninu. 

Hér eru 2 bústaðir með rúm fyrir allt að 4 og baðherbergi með wc og vask. Sturturnar eru í þjónustuhúsi nokkrum metrum frá, þar er líka eldhús/setustofa og í hlöðunni er poolborð og píluspjald.

Einnig er heitur pottur og gufa við hliðina á þjónustuhúsinu.

Á neðri hæð í íbúðarhúsinu eru 3 herbergi, 2 sameiginleg baðherbergi og eldhús.

Hér tekur gestgjafi vel á móti öllum, persónuleg þjónusta og heimilislegt.

Við erum miðsvæðis á Héraði hvort sem hugurinn leitar upp til fjalla eða út að sjó. Margar fallegar náttúruperlur, sögustaðir, afþreying, gönguleiðir og kaffihús.

Kíkið á hengifoss.is og east.is/is 

Ártún, Heimagisting - Boðið er upp á 5 notaleg herbergi á sér hæð, þrjú 2ja manna herbergi og tvö 3ja manna herbergi. Öll herbergin eru nýstandsett og vönduð rúm. Á hæðinni er sér snyrting með sturtu. Möguleiki á að setja inn aukadýnu í herbergin. Morgunverður, í veitingaskála á neðri hæð, innifalinn. Hlý og persónuleg þjónusta. 
Ath! Hægt er að fá keyptan mat ef pantað er fyrirfram, eða eftir nánara samkomulagi.
Ártún, Tjaldstæði - Góð aðstaða, og nægt pláss er fyrir tjöld, fellihýsi, húsvagna og húsbíla. Góð hreinlætisaðstaða. Snyrtingar með sturtu, inniaðstaða fyrir fólk til að matast. Rafmagn. Seyrulosun er á staðnum. Möguleiki á þráðlausri internettengingu. Vínveitingar eru í boði í veitingaskálanum í Ártúni. Tjaldstæðin eru vel slétt og þétt. Rýmið er nánast óendanlegt og gefur því þeim sem það vilja, kost á að vera vel útaf fyrir sig. Opnunartími tjaldstæðisins er frá 1. maí - 30. september, eða eftir nánara samkomulagi.
Stutt er til Grenivíkur í aukna þjónustu svo sem verlsun, sundlaug, golfvöll, útgerðarminjasafn, gallery og fleira. Úrval áhugaverðra staða er í nágrenni Ártúns sem vert er að skoða svo sem Minjasafnið í Laufási. Fallegar gönguleiðir, fjölskrúðugt fuglalíf, hestferðir í nágrenninu, sólsetur á heimsmælikvarða og fleira sem heillar.

Vinsamlegast hafið samband vegna verðlista og bókana.

Sigurðarskáli í Kverkfjöllum er sameign Ferðafélags Fljótsdalshéraðs og Ferðafélags Húsavíkur

. Gistirými: 75 svefnpokapláss
. Starfstími: Læstur á veturna. Skálavarsla yfir sumarmánuðina.
. Sími: 863 9236
. GPS: N64°44.850-W16°37.890
. Annað: Vatnssalerni. Sturta. Tjaldstæði. Gashellur til eldunar. Olíuvél til upphitunar.

Tjaldstæðið á Sauðárkróki er staðsett miðsvæðis í bænum, við hliðina á Sundlauginni. Í þjónustuhúsinu við tjaldsvæðið er heitt og kalt vatn, sturtur, salerni, þvottavél og aðgengi fyrir fatlaða. Hægt er að kaupa rafmagn og losa ferðasalerni.

Stutt er í helstu þjónustu s.s. sundlaug, verslanir, sýningar, veitingastaði, golfvöll o.þ.h. Við hlið tjaldsvæðisins er ærslabelgur  sem tjaldgestum er frjálst að nota.

ATH. Tjaldsvæði á Sauðárkróki, Hofsós, Hólum og Varmahlíð eru í samstarfi þannig að hægt er að gista fyrstu nóttina á einhverju af þessum þrem tjaldsvæðum og fá þá lægra verð næstu nótt á eftir á einhverju af hinum tjaldsvæðunum. Nauðsynlegt er að framvísu greiðslukvittun af fyrra tjaldsvæði.

Tjaldsvæðið er rúmgott með nýju salernishúsi auk mjög góðs aðstöðuhús þar sem má elda og snæða mat. Gaddstaðaflatir eru hluti af hestamannasvæði og skammt frá má sjá Rangárhöllina og skeiðvöll þar sem hið margfræga Landsmót íslenska hestsins er haldið reglulega.

Tjaldsvæðið er fjarri skarkala Hellu en samt mjög stutt í alla þjónustu á Hellu svo sem sundlaug, verslanir og annað. Til að komast að tjaldsvæðinu skal ekið veg merktum Gaddstaðaflatir við Stracta hótel til suðurs. Tjaldsvæðið er liggur svo á vinstri hönd þegar ekið hefur verið 2-300 metra.

Verð 2020 

1.200 kr pr mann
900 kr fyrir rafmagn

Þjónusta á svæði:
Salerni, heitt og kalt vatn, ruslagámar, rafmagn, eldunaraðstaða, bekkir og borð, grillaðastaða, wifi, gönguleiðir og fjallasýn, hundar leyfðir í bandi.

Fuglalíf er fjölskrúðugt og selir sjást nokkuð oft.  Eins er sólarlagið oft á tíðum einstaklega fallegt séð frá tjaldstæðinu.  Tjaldsvæðið er sem sagt í útjaðri eins minnsta þorps á Íslandi, þ.e. Borðeyri, en sá staður á sér merka sögu sem vert er að kynna sér með því að rölta um  og lesa m.a. á söguskilti sem búið er að koma upp á svæðinu og einnig að skoða gömul hús sem enn standa.  Til að mynda Riishús frá árinu 1862, en það hús er verið að gera upp og þykir einstaklega falleg bygging.

Ágætt aðstöðuhús er á tjaldsvæðinu, það rúmar 2 salerni auk góðrar aðstöðu m.a. fyrir uppvask. Heitt og kalt vatn er í boði,rafmagnstenglar, stórt kolagrill, 2 áningaborð, sorptunnur, sparkvöllur er skammt frá auk leiksvæðis fyrir börn (við grunnskólahús sveitarinnar upp á hæð skammt frá)

Auk peninga er tekið við kortum (posi á staðnum ef gestir óska þess). Rekstraraðilar tjaldsvæðisins reka einnig gistihúsið Tangahús sem er í um 100 metra fjarlægð frá tjaldsvæðinu. Í sumar er í Riishúsi á Borðeyri handverksmarkaður, nytjamarkaður og kaffisala frá kl:14:00 á daginn til kl: 17:00. Margt að sjá þar.

Farfuglaheimilið í Korpudal er á fallegu gömlu býli sem breytt hefur verið í farfuglaheimili með aðgangi að eldhúsi fyrir gesti. Mjög rúmgott tjaldsvæði er á túnunum í kring.

Farfuglaheimilið er innst í firðinum, umkringt háum fjöllum, aðeins 17 kílómetra frá Ísafirði og 12 kílómetra frá Flateyri. Í nágrenni við farfuglaheimilið eru margar fallegar gönguleiðir og þar má líka finna staði til að klífa eða renna fyrir fisk. Fimmtán km. merkt fjallleið liggur upp Korpudal og yfir Álftafjarðarheiði. Fuglaskoðarar geta fundið sér nóg til skemmtunar því í nágrenninu má sjá þúsundir sjófugla, smáfugla, anda og jafnvel erni. Á Ísafirði og Flateyri má komast í sund og heita potta eða leika golf. Reglulegar bátsferðir eru um Ísafjarðardjúp í Vigur og á Hornstrandir. Í nágrenninu eru mörg söfn og veitingastaðir. Á Flateyri er starfandi Kajakleiga.

Opnunartímar:
Opnunartími (yfir árið):    20 maí- 15 september

Við hjá Farfuglum leggjum okkur statt og stöðugt fram við að standa undir orðspori okkar sem leiðtogar á sviði sjálfbærrar ferðaþjónustu. Við tökum virkan þátt í að efla sjálfbærni í okkar samfélögum og sýnum það í verki í allri okkar starfsemi og stefnu. 

Gisting í podda er hentug lausn fyrir gesti sem leita að góðri grunngistingu og sanngjörnu verði. Poddarnir eru einangraðir, upphitaðir og í hverjum podda er lítill kæliskápur. Aðgengi er að vel útbúnu eldhúsi, kolagrilli og hreinlætisaðstöðu, baðherbergjum, sturtum, skiptiklefum og heitum pottum. Fallegt umhverfi, Tröllagarðurinn, áhugaverðar gönguleiðir ásamt svo miðlægri staðsetningu á Vesturlandi eru tilvaldar ástæður til að heimsækja Fossatún og dvelja þar og/eða fara þaðan í dagsferðir í allar áttir. 

Poddarnir í Fossatúni eru svefnpokapláss en lak er á hverju rúmi. Hægt er að leigja rúmfatapakka með: sæng, kodda, rúmfötum og handklæði. Morgunmatur er ekki innifalinn í poddagistingu - en gott og hagstætt morgunverðarhlaðborð er á veitingastaðnum. 

Aldurstakmark er 20. 

Sólarlagsbústaðurinn

Tveggja herbergja, 42m2 hús, 150 m frá móttökunni. Leigt út sem ein eining. Einstakt útsýni í miðjum Borgarfirði: nærumhverfi Blundsvatns, fjallahringurinn frábæri og Snæfellsjökull við sjóndeildarhringinn. 

Sólalagsbústaðurinn hefur 2 uppá búin herbergi, annað með hjónarúmi en hitt með einstaklingsrúmum sem hægt er að færa saman. Að auki er seturými, baðherbergi, eldhúsaðstaða og útigrill. 

Frábær aðbúnaður fyrir dásamlega dvöl og aðgengi að heitum pottum. Ókeypis þráðlaust net er innifalið. Reyklaust hús og 20 ára aldurstakmark. 

Tjaldmiðstöðin á Flúðum er glæsilegt tjaldsvæði við bakka Litlu Laxár.  Flúðir í Hrunamannahreppi hefur í gegnum tíðina verið vinsæll áfangastaður fyrir innlenda og erlenda ferðamenn enda eru Flúðir þekkt fyrir mikla veðursæld og má þar einnig finna ýmislegt sér til afþreyingar. Flúðir eru ekki nema í rúmlega 100 kílómetra fjarlægð frá höfuðborgarsvæðinu.

Á Tjaldsvæðinu eru nokkrar þjónustubyggingar með salernisaðstöðu og sturtum. Þvottahús með þvottavél og þurrkara eru í boði við Tjaldmiðstöð. Í Tjaldmiðstöðinni (rautt hús upp á hæðinni) er seldur ís, gos, grillkol og undirstöðu vörum tengdu því ásamt því að hægt er að versla kúta og áfyllingar frá AGA. Í Tjaldmiðstöðinni er hægt að nálgast alla helstu kynningarbæklinga er varða ferðaþjónustu í uppsveitum Suðurlands. Þráðlaust internet er á svæðinu, stór útigrill, leiksvæði ofl. Vatn og rafmagn er á stæðsta hluta svæðisins.  

Tjaldsvæðið er í göngufæri frá kjarna bæjarins. Á Flúðum er matvöruverslun, veitingastaðir, bar, sundlaug og fleira s.s. körfubolta- og sparkvöllur.

Svæðið henntar einkar vel fjölskyldufólki þar sem leikur í Litlu-Laxá er vinsælt og hægt að finna skemmri eða lengri gönguleiðir sem hennta jaft reyndum sem óreyndum göngugörpum. Má þá einnig nefna að yfir sumartíman eru skipulagðar gönguferðir með leiðsögumanni í Hrunamannahreppi þar sem finna má leyndar náttúruperlur.

Ýmsar aðrar skemmtilegar afþreyingar eru í boði nágrenis Flúða. Má þar meðal annars nefna; Hestaleigur, Gólfvellir, Flúðasiglingar og Riverjet í Hvítá, Dýragarðurinn Slakki í Laugarási, tónleikar í Skálholti, Þjórsárstofa í Árnesi og ekki má gleyma vinsælasta áningarstað ferðafólks, Gullfoss og Geysi.

A.T.H. 25 ÁRA ALDURSTAKMARK ER Á TJALDSVÆÐIÐ! Nema í fylgd forráðamanna.

Highland Base Kerlingarfjöll er heilsársáfangastaður með fjölbreyttri gistiaðstöðu, veitingastað, böðum og ótal afþreyingarmöguleika - kjörinn staður til að hefja upplifunina á miðhálendi Íslands. Hvort sem þú kýst tjald, skála eða hótelsvítu þá höfum við gistingu við allra hæfi. Kerlingarfjöll er hinn fullkomni heilsársstaður fyrir ævintýrafólkið.

Veitingastaður Highland Base, sem státar af borðsal í fjallastíl með stórfenglegu útsýni, býður upp á næringarríkan og ljúffengan mat sem heldur stemningunni huggulegri og gefur orku fyrir næsta ævintýri. 

Highland Base er sælustaður uppi á öræfum. Einstök og ósnortin náttúra hálendisins er uppspretta ævintýra allt árið um kring. Í Kerlingarfjöllum býðst spennandi útivist fyrir alla, frá gönguferðum og fjallahjólreiðum til fjallaskíða og vélsleða. 

Hótelið er vel búið til að taka á móti hópum allan ársins hring og býður umhverfið í Kerlingarfjöllum upp á spennandi útivist fyrir hópefli og hvataferðir, félagasamtök, vinahópa og vinnustaði.

Tjaldsvæðisgestir hafa aðgang að eldunaraðstöðu og sturtum (sturta gegn vægu gjaldi), eldunaraðstaðan er frí fyrir gesti. Smá eldunaraðstaða er í þjónustuhúsinu og rafmagn fyrir smátæki.

• Sturtur eru í þjónustuhúsinu.
• Góð aðstaða og rafmagnstenglar fyrir hjólhýsi og húsbíla.
• Góð aðstaða til að losa úrgang úr húsbílum.
• Sorptunnur eru á tjaldstæði og móttaka endurnýtanlegs sorps í áhaldahúsi Borgarfjarðarhrepps. Móttakan er opin frá 08:00-16:30.
• Vatnssalerni eru í þjónustuhúsinu.
• Gönguleiðir eru frá tjaldsvæði umhverfis og upp á Álfaborg en þar er hringsjá.
  

Fyrir hjólhýsi og húsbíla er góð aðstaða en þar er m.a. rafmagnstenglar og góð aðstaða til að losa úrgang úr húsbílum. Sorptunnur eru á tjaldsvæðinu.

Íbúar Borgarfjarðarhrepps eru um 140. Talsvert er af hreindýrum á svæðinu, en þau eru stygg og oft erfitt að koma auga á þau. Hafnaraðstaða á Borgarfirði er slæm frá náttúrunnar hendi enda fjörðurinn stuttur og breiður, en við Hafnarhólma austan fjarðar hefur verið gerð góð smábátahöfn.

Frábær aðstaða er til fuglaskoðunar við Hafnarhólma. Þar eru tveir pallar fyrir fuglaáhugamenn og óvíða er betri aðstaða til að fylgjast með lunda og ritu. Lundinn kemur um miðjan apríl, en hverfur allur á braut á einni nóttu um miðjan ágúst. Góð aðstaða er líka fyrir fuglaáhugamenn í fuglaskoðunarhúsi í þorpinu.

Víknaslóðir við Borgarfjörð frá Héraðsflóa í norðri til Seyðisfjarðar í suðri. Þar er fjöldi áhugaverðra, vel merktra og stikaðra gönguleiða við allra hæfi, bæði stuttar leiðir fyrir alla fjölskylduna og lengri leiðir fyrir „fullorðna“. Aðgengi er mjög gott svo og allur aðbúnaður. Öflug þjónusta hefur byggst upp á svæðinu, svo sem góð tjaldstæði, fjölbreytt gisting, veitingar, söfn, leiðsögn, aðstoð við skipulagningu gönguferða og flutningar á fólki og farangri.

Tjaldsvæðið á Bakkafirði er staðsett í miðju þorpinu. Hægt er tengjast rafmagni, auk þess sem baðaðstaða er í nærliggjandi gistiaðstöðu. Frá Bakkafirði er stutt í fjölmargar gönguleiðir svo sem út á Digranes eða út í Viðvík. Þá er Bakkafjörður við annan enda Norðurstrandarleiðar eða Artic Coast Way, sjá https://www.arcticcoastway.is/

Á Bakkafirði er nú rekið gistiheimili við hliðina á tjaldsvæðinu og lítil verslun og kaffihús við gömlu höfnina r er í uppbyggingu. Þar er einnig bensín og díselolíu afgreiðsla. Leiktæki fyrir ung börn við gistiheimilið. Á Bakkafirði er fiskvinnsla og fiskveiðar og er nýja höfnin ein allra löndundarhæsta smábátahöfn landsins.

Í nágrenni Bakkafjarðar er sundaug á Þórshöfn og góð aðstaða þar. Einnig er stutt yfir í sundlaugina í Selárdal frá Bakkfirði. Ein elsta trékirkja landsins og sóknarkirkja Bakkfirðinga, er á Skeggjastöðum, en hún var reist árið 1845.

Í Fossárdal er boðið upp á svefnpokagistingu með eldunaraðstöðu, ásamt tjaldstæði. Gestir gista í sérhúsi í um 600 m fjarlægð frá íbúðarhúsunum á Fossárdal. Í húsinu eru sex herbergi, fjögur fjögurra manna, eitt þriggja manna og eitt tveggja manna. Í þremur herbergjum eru hjónarúm.

Ekki er boðið upp á morgunverð eða aðrar veitingar í Fossárdal. Matsölustaðir og kaffihús eru á Djúpavogi, en þangað er um 15 mín akstur.

Landslagið er sérstakt og mikið af klettum svo gönguleiðir geta verið mjög krefjandi ef þess er óskað. Fossá rennur út dalinn og alls eru í henni 25 fossar, hver með sína sérstöðu, sem vert er að staldra við og líta nánar á. Jeppavegur liggur 14 km. inn eftir dalnum og frá veginum er stutt að ánni og fossunum.

Tjaldstæðið er skjólgott í faðmi fallegra fjalla. Gott pláss er á svæðinu og hægt er að taka við stórum hópum. Bæði er gott pláss fyrir þyrpingu lítilla tjalda eða stóra bíla. Lítill lækur liðast við tjaldstæðið sem er kjörinn fyrir börnin að sulla í og Fossáin liðast út dalinn. Kjörinn staður fyrir þá sem vilja frið frá hinu daglega amstri, í fagurri nátturu. Á svæðinu er gríðarlega fjölbreytt tækifæri til gönguferða og svo eru fallegir fossar í Fossánni.

Klósettaðstaða er í aðstöðuhúsi ásamt heitu og köldu vatni. Einnig er hægt að komast í rafmagn.

Í Vesturdal er lítið tjaldsvæði sem er alla jafna opið frá miðjum júní og fram í miðjan september. Svæðið er einungis ætlað tjöldum. Hvorki rafmagn né heitt vatn er í boði. Símasamband á svæðinu er slitrótt.

Ekki er hægt að bóka fyrirfram gistingu á tjaldsvæðinu í Vesturdal. Landverðir sjá um innheimtu gistigjalda. Gestir eru beðnir um að gera vart við sig í upplýsingahúsi í Vesturdal áður en tjaldað er, eða strax að morgni ef komið er eftir lokun.

Sjávarsmiðjan og þaraböðin er hugarfóstur ábúenda og bóndahjónanna Svanhildar Sigurðardóttir og Tómasar Sigurgeirssonar á Reykhólum. Þaraböð eru 100% náttúruleg afurð sem kemur frá Reykhólum á Vestfjörðum eða einni af auðlindaríkustu jörðum landsins. Reykhólar, gamalt höfuðból til forna, stendur við hin lífríka Breiðafjörð og á jörðinni er eitt mesta hverasvæði Vestfjarða.

 Oft hefur verið nefnt að fiskurinn í Breiðafirði er einn gæðamesti fiskur sem fyrir finnst og þar má einnig finna einn stærsta fuglaklasa landsins. Ástæða þess að allt iðar þar af lífi má eflaust rekja til þeirra miklu gæða í lífríki sjávarins í firðinum, en þar er einmitt einn stærsti þaraskógur á Íslandi og oft nefndur sem frumskógur norðursins.

 Sú auðlynd hafsins hefur orðið að einni helstu atvinnugrein í þessu litla þorpi á Reykhólum, það er vinnsla og þurrkun þara. En þarann ásamt jarðhitanum á Reykhólum hafa ábúendur jarðarinnar nýtt sér til heilsubóta svo kynslóðum skiptir. Þekktar eru sögur frá forfeðrum ábúenda, sem standa að Sjávarsmiðjunni, en einnig úr gömlum heimildum frá fornöld um nýtingu á þara, fjöru og hveravatni til slökunar, fótabaða, eflingu húðar og heilsubóta.

 Þó ýmsar rannsóknir hafa einnig staðfest náttúruleg gæði og ávinning þara á húð og heilsu, að þá eru Sjávarböðin á Reykhólum og ALGAE NÁTTÚRA helst byggð á þeim aldagömlu hefðum og þekkingu forfeðra á þessum náttúrulegu auðlindum svæðisins.

 Sjávarsmiðjan er með einfaldan  matseðil sem inniheldur gómsætar vöfflur og nýmalað kaffi. Einnig ef pantað er með fyrirvara er hægt að útbúa salöt, hverarúgbrauð og fl.

Hellishólar í Fljótshlíð er glæsileg ferðaþjónusta sem býður upp á fjölbreytta afþreyingu fyrir gesti, gistingu í sumarhúsi og fullkomna tjaldaðstöðu.  Hellishólar eru staðsettir mitt í sögusviði Brennu-Njálssögu og eru í um klukkutíma fjarlægð frá Reykjavík.

Hellishólar eru stoltir að kynna þá afþreyingu sem hægt er að stunda á svæðinu og má þar helst nefna glæsilegan níu holu golfvöll, Hellishólavatn til að veiða í, heita potta, leiksvæði, hestaleigu og margt fleira.

Vinsamlegast hafið samband vegna verðlista og bókana.

Viking rafting er fyrirtæki sem að sérhæfir sig í flúðasiglingum og er staðsett í Skagafirði. Það hefur starfað í 27 ár, og við erum með fjölbreytta og skemmtilega starfsemi. Við erum með eitthvað sem hentar öllum bæði öfgafull fyrir þá ævintýragjörnu og fjölskylduvænt.

Flúðasiglingar er svolítið eins og uppáhalds tækið þitt í Disney World, bara án öryggisbeltis! Rétt eins og þar þarft þú ekki að hafa reynslu af flúðasiglingum til að uppgötva hvers vegna ferðir á austur og vestur Jökulsám eru orðnar einkennandi fyrir flúðasiglingar á Íslandi. Við erum reynslumiklir atvinnumenn svo þú þurfir ekki að vera það.

Fjölskyldutjaldsvæði Eyjafjarðarsveitar er staðsett norðan sundlaugar og íþróttamiðstöðvar sveitarinnar. Svæðið er veðursælt og tjaldsvæðið á flötu þurrlendi og því er mögulegt að opna svæðið snemma á vorin. Á tjaldsvæðinu er lítið uppþvottahús með heitu og köldu vatni auk snyrtinga.  Einnig eru snyrtingar og sturta í kjallara Íþróttamiðstöðvarinnar. Góð aðstaða er fyrir húsbíla svo sem raftenglar og skólplosun.

Gjaldskrá tjaldsvæðis 2022

Frítt fyrir börn 0-17 ára í fylgd með forráðamönnum.

Tjald/húsbíll 1.500 kr. pr. mann. nóttin

Rafmagn fyrir húsbíl  1000 kr. á sólarhring

Fastur opnunartími er 1. júní til 31. ágúst ár hvert en helgaropnun er í maí og september þegar vel viðrar.

Sparkvöllur og íþróttavöllur eru fast við tjaldsvæðið sem og leiksvæði Hrafnagilsskóla þar sem víkingaskip, litlir leikkofar og sandkassar hafa í áranna rás verið vinsæl leiksvæði barna.

Tjaldsvæðið á Hólmavík er gott tjaldsvæði á besta stað í þorpinu við hlið sundlaugar (íþróttamiðstöðvar) og félagsheimilis. Örstutt í verslun og handverksmarkað. Veitingahús og safn í þægilegu göngufæri ásamt skemmtilegum gönguleiðum með góðu útsýni. Þægilegar dagsferðir á bíl eru norður í Árneshrepp og yfir í Ísafjarðardjúp t.d í Kaldalón.

Ekki er nauðsynlegt að panta gistingu en ef um stærri hópa er að ræða er gott að hafa samband. Þvottavél og þurkari er á svæðinu. Rafmagn er fyrir húsbíla og tjaldvagna. Góð salernisaðstaða og WC losun fyrir húsbíla.

Greitt er fyrir tjaldstæði í íþróttamiðstöðinni:

Gestir 14 ára og eldri 1630 kr
Öryrkjar og ellilífeyrisþegar 945 kr
Tenging við rafmagn 1045 kr
Afnot af þvottavél 790 kr
Afnot af þurrkara 790 kr

Ef þú ert að leita að fjölskylduvænu tjaldsvæði nálægt Reykjavík þá er tjaldsvæðið í Hafnarfirði rétti staðurinn. Hafnarfjörður er þriðji stærsti bær Íslands með um 30.000 íbúa. Bærinn er oft kallaður bærinn í hrauninu enda er hraun allsráðandi. Einnig er Hafnarfjörður með marga íbúa huldufólks. Keyrt er inn á Víðistaðatún eftir gangstíg við hlið Lava Hostel/ skátaheimilisins.

Tjaldsvæðið er opið frá 15 Maí til 15 September. 

Tjaldsvæði Hafnarfjarðar er á Víðstaðatúni sem er fallegur listaverkagarður umkringdur hrauni. Rólegt, hlýlegt og fjölskylduvænt umhverfi með nægu plássi fyrir börnin til að leika sér. Stutt í alla þjónustu og miðbæ Hafnarfjarðar.

Heitt og kalt vatn, sturtur, þvottavél, Wi-Fi og salerni við tjaldsvæðið. Einnig eru þar útivaskar til uppvasks og rafmagn á svæðinu.

Tjaldsvæðið er rekið af skátafélaginu Hraunbúum og rennur ágóði þess í uppbyggingu á skátastarfinu.

Aðilar undir 18 ára aldri þurfa að vera í fylgd með forráðamanni.

Allir bílar þurfa að vera lagðir upp á bílastæði, ef þið eruð ekki að sofa í þeim.

Aðeins einn húsbíll eða vagn í hvert stæði.

Við bjóðum ekki upp á langtímastæði, hámarksdvöl eru 7 dagar í einu.

Það er hægt að nota rafmagn á svæði C með langri snúru, tenglanir eru hinum megin við aksturveginn á svæði B.

Öryggismyndavélar vakta innganginn á tjaldsvæðinu.

Hvernig kemst ég inn á tjaldsvæðið?

Það er frítt Þráðlaust net hjá hliðinu.

1) Bókaðu stæði í gegnum Parka. (smelltu á "Bóka Núna")

2) Hliðið er með bílnúmera skanna og á að opnast sjálfkrafa.

Ef það gerist ekki þá skaltu fylgja þessum skrefum:

1) Opnaðu kvittunina sem þú fékkst í gegnum tölvupóstinn.*

2) Smelltu á "skrá mig inn á svæðið" og þaðan getur þú leiðrétt bílnúmerið eða bætt við númer, eftir það á hliðið að geta opnað sjálfkrafa með því að skanna bílnúmerið.

3) Ef það virkar ekki Smelltu þá á "opna hlið".

*Þú færð tölvupóst ef bókunin gekk í gegn (gáðu í ruslpóstinn), þú færð 2 tölvupósta.

Lónkot Sveitasetur bíður gestum sínum uppá kúltúr og krásir úr Matarkistu Skagafjarðar. Lónkot er staðsett 12 km norðan við Hofsós í magnaðri náttúru Þórðarhöfða og hinna stórbrotnu eyja fjarðarins Málmeyjar og Drangeyjar. Frá árinu 1991/95 hefur verið rekinn gisti –og veitingastaður í Lónkoti sem hlotið hefur mikið lof fyrir gestrisni og matargerðarlist.
Lónkot býður uppá rómantíska og fjölskylduvæna gistingu í herbergium með eða án baðs sem öll eru sérinnréttuð. Afnot af heitum potti fylgir næturgistingu í herbergjum. í Lónkoti er einnig boðið uppá tjaldstæði.
í Lónkoti er rekið eitt þekktasta sælkeraeldhúsið á landsbyggðinni (Heimsendakrásir á heimsmælikvarða, Morgunblaðið) sem skapað hefur sér sérstöðu með skapandi meðhöndlun og framsetningu staðbundins og árstíðabundins hráefnis úr Matarskistu Skagafjarðar. Ástríðukokkar Lónkots leggja áherslu á hönnun matar úr blómum, jurtum og berjum úr Lónkotslandinu sem borinn eru fram með ferskum fiski úr sjó og vatni, fjallalambi og fugli úr eyjunum. Lónkot er félagi í Slow Food samtökunum.  

í Sölvastofu veitingahúsi Lónkots gefur að líta hina sérstæðu myndlist frægasta förumanns Íslands, Sölva Helgasonar (Solon Islandus). Árið 1995 var Sölva reistur heiðursminnisvarði sem unninn var af Gesti Þorgrímssyni myndhöggvara. Fleiri valinkunnir myndlistarmenn hafa dvalið og skilið eftir sig verk í Lónkoti eins og Katrín Sigurðardóttir, Páll á Húsafelli og Örn Þorsteinsson auk þess sem fjöldi listamanna hafa sýnt í Sölvastofu m.a Helgi Þorgils, Sigurbjörn Jónsson, Páll á Húsafelli, Pétur Gautur og Ragnar Páll Einarsson.

Tjaldsvæðið á Fáskrúðsfirði er í friðsælu umhverfi við fallegt lón rétt innan við byggðina. Þar eru klósett og wc-losun fyrir húsbíla.

Verð:

• Fullorðnir: 2000 kr/mann nóttin + gistináttaskattur
• Eldriborgarar og öryrkjar: 1750 kr/mann + gistináttaskattur
• Börn: 0 kr - yngri en 16 ára
• Rafmagn: 1000 kr/sólarhring

Opnunartími: 1. júní - 31. ágúst

Hótel Svartiskógur er gisti- og veitingastaður staðsettur í fallegu skógi vöxnu landi í einni fegurstu sveit Austurlands, Jökulsárhlíð. Hótelið býður 16 herbergi með baði í aðalbyggingu og er með 4 smáhýsi sem eru frábærr áningarstaður fyrir einstaklinga og hópa sem hrífast af íslenskri náttúru, fuglasöng og friðsæld. Stutt í laxveiðiár. Vel staðsett, miðja vegu milli Egilsstaða og Vopnafjarðar og kjörin bækistöð til skoðunarferða um Fljótsdalshérað, Borgarfjörð eystri, Vopnafjörð, Seyðisfjörð, Fjarðarbyggð o.s.frv.Vel búið tjaldstæði er hið næsta hótelinu.  Tjaldsvæðið er í skógi vöxnu landi og er góður áningastaður fyrir einstaklinga og hópa.  Vel staðsett til skoðunarferða um Austurland og nágrenni.  

Í Nýjadal á Sprengisandi eru tvö sæluhús og alls eru þar gistirými fyrir 54 manns. 

Skálarnir tveir eru á tveimur hæðum og eru svipað uppbyggðir. Á jarðhæð er anddyri, vel búið eldhús og gistisalur með kojum. Á efri hæðinni eru svo svefnloft. Skálarnir eru olíukynntir. 

Gott salernishús með sturtum er skammt frá skálunum og vetrarkamar er á bak við salernishúsið. Tjaldsvæðið er skammt frá. 

Frá skálanum er hægt að ganga á Tungnafellsjökul, einnig er hægt að ganga um Mjóháls austur í Vonarskarð 

Útilífsmiðstöð skáta Úlfljótsvatni er staðsett við Úlfljótsvatn í Grafningi. Þar er fjölskyldutjaldsvæði opið almenningi með góðri aðstöðu fyrir börn og ungmenni. Góðar gönguleiðir eru á svæðinu, bátaleiga og veiði í vatninu. Möguleiki er á innigistingu í svefnpokaplássi.

Tjaldsvæði með góðri aðstöðu fyrir einstaklinga og hópa. Góð hreinlætisaðstaða, sturta, heitt og kalt vatn,
þvottaaðstaða, losun ferðasalerna, leikvöllur og rafmagn á mörgum stöðum. Bátaleiga um helgar og stærsti klifurturn landsins.

Á Úlfljótsvatni hefur um áratuga skeið verið reknar sumarbúðir á sumrin og skólabúðir á veturna.

Tjaldsvæðið er á sléttri flöt við þjóðveg 1. Á tjaldsvæðinu er skjólbelti. Tjaldsvæðið er við hlið félagsheimilisins Þingborg og hentar svæðið því einstaklega vel til ættarmóta þar sem hægt er að leigja félagsheimilið.

– Gisting fyrir stærri og minni hópa í svenpokaplássi.

– Dýnur, góðar sturtur og eldunarstaða á staðnum.

– Gott hljóðkerfi, sjónvarpsmóttakari, video- og DVD-spilari, skjávarpi og breiðtjald fyrir fræðslu – og skemmtiefni.

– Sérstaklega góð aðstaða fyrir kóra til æfinga, píanó á staðnum og möguleiki á að skipta hópum upp til raddæfinga.

– Einnig góð aðstaða fyrir leikhópa, stórt leiksvið og búningsaðstaða.

– Gott tjaldstæði og leiktæki fyrir börn úti með aðgengi að góðri snyrtiaðstöðu og sturtum.

– Tveir heitir pottar við húsvegginn.

Tjaldsvæði Siglufjarðar er staðsett í miðbænum við torgið og smábátabryggjuna. Öll þjónusta, afþreying og söfn eru í 5-10 mínútna göngufæri. Sunnan við snjóflóðavarnagarðinn (Stóra bola) er annað svæði fyrir þá sem kjósa ró og frið og þaðan er stutt á golfvöllinn, í hesthúsabyggð og fuglavarp. Um 10 mínútna gangur er niður í miðbæ frá svæðinu við snjóflóðavarnargarðinn.

VERÐ :

• Fullorðnir: 1.600 kr.
• Eldri borgarar og öryrkir: 1.380 kr.
• Frítt fyrir 16 ára og yngri
• Rafmagn: 1.400 kr.
• Þvottavél; 600 kr.
• Þurrkari: 600 kr.

Gæludýr eru leyfð á svæðinu ef þau eru í taumi og eru ekki með ónæði.
Gott eldhús er í aðstöðuhúsi og 2 sturtur.
Aðgengi fyrir fatlaða

Umsjónarmaður Guðmundur Ingi sími 663-5560
Netfang þjónustuaðila: gistihusjoa@gmail.com

Upplýsingamiðstöð Fjallabyggðar sími: 464-9215

Ferðir yfir sumarið á föstum tilboðum í Grunnavík, Jökulfjörðum. Svenfpokagisting og góð eldunaraðstaða.  Ekki er föst viðvera tjaldvarðar á tjaldvæði en tjaldvörður fer til að taka á móti hópum sem hafa pantað en salerni á tjaldstæði eru alltaf opin þó að tjaldvörður sé ekki á staðnum.

 Vinsamlegast hafið samband vegna verðlista og bókana.

Granastaðir er fallegt tjaldsvæði í Borgarnesi við þjóðveg 1 á leið norður út úr bænum. Aðstaðan er góð með salernum og rafmagnstenglar eru á tjaldsvæðinu.

Í nágrenninu er verslun, banki, bensínstöðvar, veitingasala, kaffihús, íþróttavöllur, sparkvöllur og leikvöllur, gólfvöllur, sundlaug, bar, posthús, áhugaverðir staðir og söfn.

20 ára aldurstakmark er á svæðinu.

Aðeins er tekið frá fyrir hópa stærri en 15 einingar.

Verð 2021
Fullorðnir (16+): 1.500 kr nóttin á mann
Börn, 15 ára og yngri: ókeypis
Rafmagn: 900 kr nóttin

Tjaldsvæði er fjórar litlar grasflatir. Tjaldsvæðið er ætlað fjölskyldufólki.  Aldurstakmark er 20 ára nema í fylgd með fullorðnum.

Þar er fjögur salerni, sturta, góð uppvöskunaraðstaða, rafmagn og salerni fyrir fatlaða.  Einnig er hægt að tæma ferðasalerni á staðnum.

Stutt er í sund í íþróttamiðstöðinni Borg og flott leiksvæði er í aðeins um 400 metra fjarlægð.

Smáhýsin eru staðsett í Herjólfsdal, höfum upp á að bjóða tvær týpur af smáhýsum:

1. Tunnur sem hafa að geyma tvö rými annars vegar svefnrými fyrir tvo og hins vegar stofu, með þægilegum og fallegum stólum.  
2. A-hýsin eru eitt rými og þau eru einnig fyrir tvo.  

Sjá verðskrá hér að neðan.

Smáhýsin eru fallega innréttuð með "Home sweet home" yfirbragði.  Rafmagn er í húsunum en hvorki hreinlætisstaða né rennandi vatn.  Ískápur er í öllum smáhýsunum. 

Á tjaldsvæðinu er þjónustuhús með 4 salernum, 5 sturtum, eldunaraðstöðu, þvottavél og þurrkara. Sturtan er innifalin í verði.  Leiktæki eru í Dalnum fyrir börnin.

Stutt í sundlaugina og golfvöllurinn hinu megin við túnið. Hundar eru bannaðir í Herjólfsdal. Frábærar gönguleiðir og hægt að ganga á Dalfjallið sem er ekki svo erfitt og skoða Lundann í leiðinni.

Verðskrá 2020

• Tunna 10.900 kr
• A-Hýsi 9.900 kr
• A-Hýsi Small 7.900
• Sængurpakki 1.600 pr rúm eitt gjald
• Sængurpakki (sæng+koddi+sængurfatnaður) ekki innifalinn

Verðskrá tjaldsvæði Herjólfsdalur & Þórsvöllur :

• 1.500 kr pr.mann pr.nótt 13 ára og eldri
• Rafmagn 950 kr pr.nótt
• Frítt fyrir 12 ára og yngri
• Eldri borgarar 
• 1.200 pr mann pr.nótt
• 750 kr rafmagn pr.nótt

Tjaldsvæðið á Bíldudal er staðsett niðri við sjó við íþróttahúsið Byltu. Tjaldsvæðið er búið salernum, köldu og heitu vatni, þvottavél og þurrkara. Rafmagn og seyrulosun er fyrir húsbíla, og ruslagámar eru á staðnum. Í íþróttahúsinu er góð baðaðstaða og heitur pottur.

Verð 2023:
Fullorðnir (15 ára og eldri): kr. 1.650 á mann
Börn að 15 ára: Frítt

3ja daga dvöl: kr. 3.460 á mann
6 daga dvöl: kr. 6.910 á mann
Vikudvöl: kr. 8.060 á mann

Rafmagn hvern sólarhring: kr. 1.420
Þvottavél og þurrkari: kr. 1.540 hvert skipti

Einkatjaldstæði fyrir hópa!  Frábært svæði fyrir ættarmótið, afmælið, brúðkaupið eða vinahittinginn.

Húsið sem er um 270 fm, tekur um 110 manns í sæti (borð og stólar eru á staðanum). Í húsinu eru fjögur salerni, eldhús með uppþvottavél, ískáp, eldavél og kaffikönnu. Í húsinu eru dýnur og gistileyfi fyrir 20 manns.

Í kringum húsið er stærðar lóð sem nýtist sem tjaldstæði fyrir hópinn og rafmagn sem hægt er að nýta til að tengja hýsi sem þess þurfa.

Stutt er í innigistingu í nágrenninu, svo ef einhverjir í hópnum vilja ekki vera í tjöldum eða á dýnum er hægt að leigja frábær herbergi bæði í Keldudal, Ríp og á Hellulandi en aðeins örfáir km eru í alla þessa ferðaþjónustuaðila. 

Verð 2020:
Hópatjaldsvæði með inniaðstöðu (Innifalið tjaldstæði, inniaðstaða og rafmagn. Þrif greiðast aukalega).
Helgin:  75.000 kr. Eða 95.000 kr með þrifum
Virkur dagur:  35.000 kr. Eða 50 þús kr. Með þrifum.

Friðsæll áningastaður í "Friðlandi að fjallabaki" til lengri eða skemmri dvalar. Hentar sérlega vel fyrir fjölskyldur, starfsmannahópa og reyndar hvern sem vill njóta kyrrðar og dulúðar fjallanna.  Margt athyglisverðra staða er í nágrenninu, t.d. Hekla, Valagjá, Landmannalaugar og Íshellar í Reykjadölum svo eitthvað sé nefnt. Gps hnit fyrir Landmannhelli eru N 64 03 V 19 14.
Búið er stika gönguleiðina  Rjúpnavellir - Áfangagil - Landmannahellir - Landmannalaugar (Hellismannaleið) og fylgir hér með leiðarlýsing í pdf skjali. 

Landmannahellir er í alfaraleið þeirra sem fara ríðandi um hálendið, enda góð aðstaða þar fyrir hesta og ferðafólk. Fyrir hrossin eru þrjú stór gerði, 40 hesta hús og hey.
Svefnpokagisting er í 9 húsum fyrir samtals 100 gesti í einbreiðum og tvíbreiðum kojum. Húsin eru upphituð, með rennandi vatni, eldunaraðstöðu og wc. 

Einnig er við Landmannahelli svæði fyrir tjöld, fellihýsi og húsbíla, smáhýsi með hreinlætisaðstöðu, útigrill og veiðileyfasala.

Tjaldsvæðið í Landmannahelli er á grasflöt við skálabyggðina í Landmannahelli á bökkum Helliskvíslar. Svæðið rúmar allt að 50 tjöld. Hægt er að kaupa veiðileyfli í Landmannahelli í vötn sunnan Tungnaár. Einnig er hægt að panta innigistingu í átta skálum við Landmannahelli.

Á tjaldsvæðinu er vatnsalerni, útigrill og sturta. Þá geta tjaldgestir farið inn í gamalt hlaðið gagnamannahús og borðað eða tekið lagið!

Verð 2024
Gisting í svefnpokagistingu á mann: 7.900 kr
Gisting í svefnpokagistingu, 7-15 ára: 3.950 kr
Gisting í svefnpokagistingu, 6 ára og yngri: Frítt
Verð fyrir fullorðna á tjaldsvæði: 2.000 kr. Frítt fyrir 12 ára og yngri
Sturta: 700 kr

Ferðaþjónustan er opin frá miðjum júní til 16. september.

Rúmgott tjaldsvæði á skjólsælum stað, með skemmtilegu leiksvæði fyrir börnin og fótboltavöll. Öll þjónusta á staðnum m.a. Verslun og matsölustaðir.  Aldurstakmark er 18 ár en mikið er lagt upp úr að okkar gestir geti sofið á næturnar, ró skal vera eftir 24:00.

 Verð 2021
Verð pr. nótt:
16 ára og eldri: kr. 2.000
Barn (10-16 ára): kr. 1000
Rafmagn pr. eining: kr. 1.000
Aðgangur að sturtu innifalilnn !

Góður gestir, vinsamlegast komið ykkur fyrir. Tjaldvörður mun innheimta um kvöld eða morgun.
Sími tjaldvarðar: 771-4777.

Í Hólaskógi eru afspyrnu falleg rjóður sem veita góð skjól fyrir tjöld og vagna. Ótal gönguleiðir eru um svæðið bæði fyrir vana og óvana.  

Á tjaldstæðinu er salernisaðstaða með köldu og heitu vatni. Ekkert rafmagn er á tjaldstæðinu en það er einmitt ein af ástæðunum sem gerir þetta svæði eins sjarmerandi og raun ber vitni. Frábært svæði fyrir þá sem vilja ekta gamladags útilegu þar sem tengin við náttúruna er allsráðandi.

Um 25 mín akstur er í sundlaugina á Hofsósi, sem er margverðlaunuð fyrir hönnun auk þess að vera með einstakt útsýni yfir Skagafjörðinn.

ATH. Tjaldsvæðin á Sauðárkróki, Hofsós, Hólum og Varmahlíð eru í samstarfi þannig að hægt er að gista fyrstu nóttina á einhverju af þessum fjórum tjaldsvæðum og fá þá lægra verð næstu nótt á eftir á einhverju af hinum tjaldsvæðunum. Nauðsynlegt er að framvísu greiðslukvittun af fyrra tjaldsvæði.

Tjaldsvæðið er á fallegum stað við Andapollinn, lítilli tjörn á vinstri hönd við innkeyrsluna í bæinn. Á svæðinu eru sturtur, salernisaðstaða, þvottavél og rafmagn, en losun fyrir húsbíla er hjá þjónustumiðstöð Olís, skammt frá tjaldsvæðinu. Upplýsingamiðstöð fyrir ferðamenn er opin á sumrin í Íslenska stríðsárasafninu við Heiðarveg. 

Eftirfarandi þjónusta er í boði á tjaldsvæðinu: 

Salerni, kalt og heitt vatn, ruslagámar, klóaklosun fyrir húsbíla (400 m), þvottavél, þurrkari, rafmagn, sturta, bekkir og borð, veitingahús (400 m), kaffihús (1 km), vínveitingar (1 km), dagvöruverslun (1 km), bensínstöð (400 m), fjallasýn,
gönguleiðir, leikvöllur (1,5 km), íþróttavöllur (1,5 km), veiði, golf, heilsugæsla (800 m). 

Opinn eldur bannaður,
hundar í bandi leyfðir.  

Tjaldstæði Vopnafjarðar
v/Lónabraut ofan Leikskólans Brekkubæjar

Tjaldstæðið stendur á stöllum uppi í hæðunum miðsvæðis í þorpinu með fallegt útsýni yfir fjörðinn og flesta þjónustu í auðveldu göngufæri. Á tjaldstæðinu er salernis- og sturtuaðstaða og grillaðstaða.

Bjóðum upp á gistingu í 5 sumarhúsum, auk gistihúss þar sem við getum tekið á móti stærri hópum. Tilvalið til að halda fjölskyldumót. Heitir pottar eru við öll húsin. Gisting í fallegu umhverfi. Löngufjörur og Eldborgin í túnfætinum. 

Hlíð ferðaþjónusta býður upp á nokkra möguleika í gistingu.

Hraunbrún: Svefnpokagisting í fjögurra manna herbergjum án baðs.  Eldunaraðstaða, setustofa, sturtur og snyrtingar sameiginlegt.

Kytrur: 9m2 smáhýsi með 2 rúmum, hjónarúm. Eldunaraðstaða, setustofa, sturtur og snyrtingar í Hraunbrún eða á tjaldsvæðunum, hvorutveggja ca 100m í burtu. 

Álfahlíð/Dvergahlíð:  Sumarhús, 50m2 + 22m2 svefnloft.  Í húsinu er eldunaraðstaða, þar eru 2 svefnherbergi annað með 2 * 80cm breiðu rúmi og hitt með 1 * 140cm breiðu rúmi, á svefnlofti eru dýnur,  einnig er setustofa og snyrting með sturtu.

Andabyggð:  Tveggja manna herbergi með sérbaðherbergi.  2 * 90cm breið rúm, uppábúið með morgunverði.

Tjaldsvæði:  Við bjóðum  upp á tjaldsvæði með fyrsta flokks aðstöðu.  Alls konar tjaldsvæði eru í boði, dokkir og hraunbalar.  Ekki er mikill trjágróður á staðnum.  Það er lítil fluga vegna fjarlægðar við Mývatn og lítils trjágróðurs, en tjalsvæðin eru ca 1 km frá vatnsbakkanum. Vaskar með heitu og köldu vatni eru á nokkrum stöðum á tjaldsvæðinu, 2 snyrtingahús og 1 sturtuhús, sturta er innifalin í verði.  Rafmagnstenglar eru í boði víðs vegar um svæðið og er borgað sér fyrir það.  Við erum með litla verslun í afgreiðsluhúsi þar sem hægt er að kaupa sælgæti, gos og mjólkurvörur og einnig póstkort og filmur.  Stórt eldhústjald er á svæðinu.

Hlíð ferðaþjónusta býður einnig upp á alls kyns afþreyingu,  t.d er á tjaldsvæðunum leiksvæði fyrir börn og þar er einnig reiðhjólaleiga.  Hægt er að fara í margar mismunandi gönguferðir, langar og stuttar yfir fjöll og fyrnindi,  við gefum allar upplýsingar um þessar gönguleiðir. Í nánasta nágrenn við okkkur er upplýsingamiðstöð fyrir ferðamenn sem vel er þess virði að heimsækja, þar er líka sundlaug, kaffihús, bar, og ýmsir matsölustaðir.

Tjaldsvæðið er staðsett ofan til við Samkomuhúsið og er keyrt inn á svæðið frá innri enda Túngötu.  Útsýnið af tjaldsvæðinu er víðáttumikið og stórbrotið með sýn á fjallið Kofra í vestur inn Álftafjörðinn og Kambsnesið í austri, ásamt því að hafa í augsýn eyjuna Vigur sem er einn vinsælasti ferðamannastaður Súðavíkurhrepps. 

Tjaldsvæðið í Súðavík er nýtt og glæsilegt en það var tekið í notkun árið 2005.   Slétt og gróið tjaldsvæði sem er slegið vikulega.  Þjónustuhúsið er opið 24 klst á sólarhring og er með góðri inniaðstöðu, m.a. tvö salerni með vaski og heitt og kalt vatn. Salerni með sturtuaðstöðu fyrir fatlaða. Skolvaskur með heitu og köldu vatni, þurrkukassar. Næg sorpílát, útiborð og bekkir. Stutt er í alla þjónustu frá tjaldsvæðinu.
Tenglakassar með venjulegum tenglum og 3ja pinna tenglum.  Aðstaða til losunar affallsvatns og seyru af ferðavögnum.
Stór fjölskyldugarður með fjölda góðra leiktækja í um 5 mínútna göngufjarlægð. Daglegt eftirlit umsjónarmanns og góð umhirða.   Um 17 km. frá Súðavík til Ísafjarðar.

Bændur með kindur, kýr og tvo ketti sem bjóða einnig upp á notalega gistingu. 

Gisting og tjaldsvæði í Reykhólahreppi. Á tjaldsvæðinu er wc aðstaða, sturta og þvottavél, rafmagn og slanga til að setja vatn á hýsin.

Vinsamlegast hafið samband við okkur vegna verðlista og bókana.

Við hlökkum til að fá þig í heimsókn.

Skemmtigarðurinn í Grafarvogi býður upp á fjölbreytt hópefli. Garðurinn er opinn eftir pöntunum allan ársins hring, en mini-golfið og fótboltagolfið er opið alla daga á sumrin. Skemmtigarðurinn í Grafarvogi leggur aðaláhersluna á litbolta, lasertag, minigolf, hópefli, ratleiki, fótboltagolf ásamt ýmsum skemmtilegum dagsferðum. Í garðinum er skáli sem rúmar 200 manns i sæti og eru grillveislurnar okkar rómaðar. Helstu viðskiptavinir okkar eru: ferðaskipuleggjendur, fyrirtæki, steggjahópar, ýmsir skólahópar og einstaklingar. Láttu okkur sjá um viðburðinn – viðburðir eru okkar fag. Við komum líka með fjörið til þín. Frekari upplýsingar er að finna á heimasíðu okkar www.skemmtigardur.is , með því að senda póst á info@skemmtigardur.is eða bara með því að slá á þráðinn til okkar í síma 587-4000

Á svæðinu er þjónustuskáli með eldunaraðstöðu, salernisaðstöðu, Þvottavél og þurrkara.  Salernisaðstaða og sturtur sem eru innifaldar í verðinu. Gasgrill til afnota við þjónustumiðstöðina. Þá eru einnig leiksvæði fyrir börn.   Rafmagn fyrir húsbíla og tjaldvagna. 

Vestmannaeyjar eru um 15-18 eyjar þar sem Heimaey er eina byggða eyjan.  Flogið er daglega á milli lands og eyja og einnig siglir ferjan Herjólfur frá Landeyjarhöfn til eyja og tekur það aðeins 35 mínútur.  Um 4.000 íbúar búa í Vestmannaeyjum og er því öll þjónusta þar til staðar. Mikið líf er í vestmannaeyjum yfir sumartímann með frægu Shell fótboltamóti og er hápunktinum náð yfir þjóðhátíð sem er haldin um verslunarmannahelgi. 23. janúar 1973 var örlagaríkur dagur í sögu Vestmannaeyja þegar eldgos hófst í Heimaey.

Næstum allir íbúar voru fluttir í burtu og snéru ekki aftur fyrr en gosinu lauk í júní sama ár.  Mikið eignatjón varð en allir íbúar sluppu heilir.  Fyrir ferðamenn sem koma til Vestmannaeyja þá er nauðsynlegt að fara á gosslóðir en enn má finna yl í jörðinni þegar grafið er stutt niður.

Á Hauganesi er nýtt tjaldsvæði sem er opið yfir sumartímann bæði fyrir tjöld, stærri hýsi og húsbíla. Þar eru rafmagnstenglar, ný salerni og sturtuaðstöðu og stutt á veitingastaðinn Baccalá bar og heitu pottana í Sandvíkurfjöru.  

Tjaldsvæðið er á rólegum og skjólsælum stað og með tímanum verður hann í miðjum trjálundi þar sem búið er að gróðursetja í kringum svæðið.

Verð:
12 ára og eldri: 1.500 kr sólarhringurinn,
Eldri borgarar/öryrkjar: 1.000 kr sólarhringurinn
Frítt fyrir börn undir 12 ára
Rafmagn 1.000 kr sólarhringurinn.
Nánari upplýsingar á Baccalá bar, í síma 620 1035

Verð 2023:
Gistigjald fyrir einn eina nótt er kr. 2.100.
Gistigjald fyrir eldriborgara og öryrkja kr. 1.800
Gjald fyrir aðgang að rafmagni einn sólarhr. er kr. 1.300
Gjald fyrir afnot af þvottavélum og þurrkara er kr. 600 fyrir hvert tæki.
Gjöld eru með virðisaukaskatti. 

Þeir sem greiða fyrir fleiri en eina nótt geta fengið afslátt af gistigjaldi.

Velkomin í Fjalladýrð í Möðrudal! Hér er að finna gistingu við allra hæfi, kaffi – og veitingahús. Hægt er að njóta umhverfisins á eigin spýtur en einnig eru skipulagðar skoðunarferði í boði. Möðrudalur er um 10 mín. akstur frá hringvegi 1, á vegi 901, mitt á milli Mývatnssveitar og Egilsstaða.

Möðrudalur er hæsta byggða ból á Íslandi, 469 metra yfir sjávarmáli. Bæinn er að finna á hásléttunni norðan Vatnajökuls. Möðrudalur var landnámsjörð og kirkjustaður allt frá fyrstu dögum kristni. Í dag er blandaður búskapur stundaður í Möðrudal og afurðir búsins nýttar í ferðaþjónustu staðarins.
Í Möðrudal er lítil snotur kirkja sem reist var af ábúandanum Jóni Stefánssyni í minningu konu sinnar og málaði hann einnig altaristöfluna í sínum sérstaka stíl. Sonur hans Stefán Jónson, Stórval, gerði seinna garðinn frægan með myndum sínum af Herðubreið. Listin blundar enn í afkomendum Jóns bónda og myndir Írisar Lindar prýða betri herbergi Fjalladýrðar.

Fjallakaffi, er kaffi-/veitingahús staðarins og þar má gæða sér á kleinum og ástarpungum með kaffibollanum eða panta sér dýrindis máltíð af matseðlinum þar sem áhersla er á afurðir beint frá býli.

Nokkrar gönguleiðir eru í boði á svæðinu og hægt að nálgast kort í upplýsingamiðstöð. Þar er einnig hægt að sjá kvikmynd sem sýnir svipmyndir frá gosinu í Holuhrauni 2014. Úr Möðrudal er stutt í margar óviðjafnanlegar náttúruperlur eins og Herðubreiðarlindir, Öskju, Kverkfjöll, Hvannalindir, Jökuldalsheiði Stuðlagil og Stórurð.

Gistingin hjá okkur er með ýmsu sniði, hægt er að upplifa gömlu baðstofumenninguna í baðstofunum okkar sem eru frábær kostur fyrir fjölskyldur og vinahópa. Fyrir einstaklinga og pör eru herbergi með og án baðs í boði sem og aðgangur að eldhúsi. Síðast en ekki síst er tjaldstæðið okkar til reiðu fyrir bæði tjöld og húsbíla.

Tjaldsvæði opin frá júní fram í miðjan september.

Farfuglaheimilið Sæberg er við austanverðan Hrútafjörð, rétt við Reykjaskóla, um það bil miðja vegu milli Akureyrar og Reykjavíkur. Farfuglaheimilið er í reisulegu húsi sem fyrrum var bóndabær og stendur á nesi sem gengur út í fjörðinn og nefnist Stekkjarnes. Bæjarstæðið er sérstakt og er þaðan víðsýnt um sveitina. Auk gistingar í húsinu er boðið upp á gistingu í tveimur smáhýsum fyrir þá sem kjósa það heldur. Heitur pottur og tjaldstæði með eldunaraðstöðu og góðri snyrtiaðstöðu er á staðnum. Góðar gönguleiðir eru í nágrenninu, um fjöruna og upp á Hrútafjarðarháls, auk þess sem hægt er að ganga þurrum fótum út á miðjan fjörð eftir Reykjarifi á stórstreymisfjöru. Fjölskrúðugt fuglalíf. Sundlaug er í Reykjaskóla og mjög áhugavert byggðasafn, þar sem m.a. má finna hákarlaskipið Ófeig. Þeir gestir sem koma með áætlunarbíl fara úr við Reykjaskóla. Athugið að næsta verslun er í 18 km fjarlægð.

Tjaldsvæðið er staðsett í fallegu hrauni er kallast Sandahraun. Á svæðinu er nýtt þjónustuhús með góðri aðstöðu, m.a. eldhúsi, salerni (einnig fyrir fatlaða), sturtum og vaskarými. Rafmagnstenglar eru á svæðinu en hægt er að leigja aðgang að rafmagni.

Á Hellissandi er einnig hægt að losa úrgang úr húsbílum og heitt og kalt vatn.

Skemmtilegar gönguleiðir eru í næsta nágrenni, fallegar fjörur með öllum þeim ævintýrum sem þær bjóða uppá. Sólsetrin við Breiðafjörð séð frá Sandahrauni eru óviðjafnanleg og þjóðgarðurinn Snæfellsjökull er næsti nágranni við tjaldsvæðið.

Tjaldsvæðið er í umsjón Upplýsingamiðstöðvar Snæfellsbæjar sem er staðsett í Ólafsvík, sem er í 9 km. fjarlægð frá Hellissandi.

Verð 2022

Fullorðnir: 1.700,- kr.
Unglingar 14-16 ára: 500,- kr
Frítt fyrir 13 ára og yngri
Aldraðir og öryrkjar: 1.200,- kr.
Rafmagn: 800,- kr.

Sturtur innifaldar í verðunum.

Tjaldstæðið í Grindavík opnaði sumarið 2009. Mjög góð aðstaða fyrir ferðamenn sem gista í tjöldum, fellihýsum, húsbílum og hjólhýsum. Tveir leikvellir fyrir börnin, grillaðstaða, rafmagn, ferðaklósett-losun

Sumarið 2009 var nýtt og glæsilegt tjaldsvæði tekið í notkun í Grindavík. Þá var nýtt 200 fermetra þjónustuhús tekið í notkun í maí 2011. Um er að ræða 13.500 fm svæði sem staðsett er við Austurveg 26. Þar eru 42 stæði fyrir húsbíla, fellihýsi og tjaldvagna. Afgirt svæði og sérhannað Fullkomin aðstaða til seyrulosunar. Malbikuð og hellulögð bílastæði í innkomu tjaldsvæðisins. Tvö leiksvæði fyrir börn með rólum, 2 köstulunum, kóngulóarneti o.fl. Í nýja þjónustuhúsinu er aðstaða til að elda, sturtur, þvottahús og aðgangur að interneti.

Aðkoma: Þegar keyrt er inn í bæinn er ekið í gegnum hringtorg og svo beint áfram eftir Víkurbrautinni. Beygt til vinstri við Ránargötu og svo til vinstri inn Austurveg (við kirkjuna).

Aldurstakmark á tjaldsvæðinu fyrir þá sem ferðast einir er 18 ár (20 ár á Sjóaranum síkáta)

Sími umsjónarmanns á tjaldsvæði er 830-9090.

Uppákomur: Bæjarhátíðin Sjóarinn síkáti, sjómannadagshelgina 5.-7. júní. Fjölskylduhátíð með glæsilegri dagskrá frá Viðburða- og menningardagskrá Grindavíkurbæjar og Saltfisksetursins; Jónsmessuganga, listsýningar, náttúruvika, gönguhátíð, Þórkötlustaðaréttir o.fl. Sjá www.sjoarinnsikati.is. Gott bílastæði

VERÐSKRÁ:

• Verð fyrir fullorðna kr. 2.200 (gistináttagjald innifalið).Fjórða hver nótt er ókeypis. Ókeypis fyrir 14 ára og yngri.
• Rafmagn kr. 1.300kr per. sólarhring.
• Einn þvottur í þvottavél kr. 800
• Notkun á þurrkara kr. 800
• Seyrulosun innifalin í verði.
• Sturta innifalin í verði.
• Bara sturta 500 kr.
• Ekki er hægt að panta pláss.

Tjaldstæðið er skjólgott og rúmt, pláss fyrir alla hvort sem er í litlu tjaldi, húsbíl, hjólhýsi eða tjaldvagni. Mikil áhersla er lögð á að tjaldstæðið er gististaður og þar verður að vera ró frá 23:00 til 7:00 á morgnana. Snyrtiaðstaðan er í þjónustuhúsunum sem eru rúmgóð, upphituð hús. Öllum er frjálst að nota eldhús og borðstofu. Þvottahúsið vekur oft mikla lukku eftir langar ferðir. Ragmagnstenglar eru á hluta af svæðinu, gott að koma snemma til að fá slíkt stæði.

Á tjaldstæðinu eru 7 smáhýsi, sem eru svefnpokapláss, hvert þeirra með fjórum kojum.

Verð 2024:
Tjaldstæði fyrir 13 ára og eldri 2000 isk Sturta 3 mín 300 isk. 6 mínútur 600 isk Þvottavél 950 isk, þurrkari 950 isk Rafmagn 1500 isk (ekki má hlaða bíla á rafmagni tjaldstæðisins)

Tjaldsvæðið er á skjólsælum og rólegum stað efst á Bogabraut og horfir á móti sólu. Í miðju svæðisins er gamall bæjarhóll þar sem bærinn Höfðahólar stóðu. Svæðið er í fallegu umhverfi og nýtur skjóls til norðurs og austurs af lágum klettahólum sem kallaðir eru Hólaberg. 

Runnar skipta svæðinu upp í nokkra reiti sem skapa þægileg umhverfi fyrir tjöld, húsbíla, hjólhýsi, fellihýsi og tjaldvagna. Rafmagnstenglar eru á nokkrum stöðum. Á svæðinu er góð aðstaða fyrir börn, spennandi umhverfi og leiktæki af ýmsu tagi.


Aðstaðan 
Í þjónustuhúsinu eru vatnssalerni, þvottavél og aðstaða til að matast innanhúss fyrir þá sem það vilja og vaskur til uppþvotta. 

Þar má einnig fá margvíslegar upplýsingar fyrir ferðamenn. Framar öllu ber að nefna tvo veglega bæklinga um gönguleiðir á Spákonufellshöfða og á fjallið Spákonufell. Þarna er einnig gestabók og eru ferðalangar beðnir um að rita nöfn sín í hana. 

Ferðafólk er beðið um að ganga vel um og skilja þannig við bæði tjaldsvæðið og þjónustuhúsið þannig að aðrir geti líka notið dvalarinnar.


Opnunartími 
Tjaldsvæði er opið frá byrjun maí og fram í byrjun september.

Verð 2020

Verð fyrir fullorðna: 1.250 kr.

Börn (16 ára og yngri): Frítt

Rafmagn 1000 kr. sólarhringurinn

Þvottavél, Þurrkari; 400 kr. hvert skipti

Sturta 500 kr.

Tjaldsvæðið er á fallegum útsýnisstað við snjóflóðavarnargarðana í Drangagili, ofan við Víðimýri. Á svæðinu eru sturtur, snyrting, rafmagn, leiksvæði og strandblakvöllur. Ganga má upp á varnargarðana og njóta stórkostlegs útsýnis yfir bæinn, fjörðinn og fjöllin. Upplýsingamiðstöð fyrir ferðamenn er í anddyri Sundlaugar Norðfjarðar og er hún opin allt árið.

Eftirfarandi þjónusta er í boði á tjaldsvæðinu:

Salerni, kalt og heitt vatn, upplýsingamiðstöð (600 m), ruslagámar, klóaklosun fyrir húsbíla, rafmagn, bekkir og borð, fjallasýn, leikvöllur, íþróttavöllur, sturta, sundlaug (600 m), heitir pottar (600 m), veitingahús (600 m), kaffihús (600 m), vínveitingar (600 m), dagvöruverslun (1 km), bensínstöð (1 km), gönguleiðir, veiði, hestaleiga (6 km), golf (6 km), heilsugæsla (300 m).

Opinn eldur bannaður, hundar í bandi leyfðir.

Verð:

• Fullorðnir: 2000 kr/mann nóttin + gistináttaskattur
• Eldri borgarar og öryrkjar: 1750 kr/mann + gistináttaskattur
• Börn: 0 kr - yngri en 16 ára
• Rafmagn: 1000 kr/sólarhring

Opnunartími: 1.júní - 31. ágúst

Tjaldsvæðið í Vogum er á gróinni grasflöt þar sem áður var knattspyrnuvöllur sveitarfélagsins við hlið Íþróttamiðstöðvar Voga. Aðstöðuhús fylgir svæðinu, þar sem er aðgangur að salerni, sturtu, uppþvottaaðstöðu og góðu eldhúsi. Þá er einnig gott aðgengi að rafmagnstenglum.

Tjaldsvæðið er opið allt árið.

Hægt að leigja herbergi fyrir svefnpokapláss. 

Allar nánari upplýsingar um verð og opnunartímar má finna hér .

Ferðafélag Fljótsdalshéraðs var stofnað árið 1969 og er deild í Ferðafélagi Íslands. Félagið skipuleggur á hverju ári gönguferðir á mismunandi erfiðleikastigi og birtist áætlun yfir þær í ferðaáætlun Ferðafélags Íslands og á heimasíðunni www.ferdaf.is. Eins stendur ferðafélagið fyrir gönguferðum annan hvern sunnudag allan ársins hring.

Ferðafélag Fljótsdalshéraðs á og rekur sex gönguskála. Þrír þeirra eru á Víknaslóðum við Borgarfjörð eystri; Í Breiðuvík, Húsavík og Loðmundarfirði. Tveir eru við gönguleiðina á Lónsöræfum; Geldingafell og Egilssel við Kollumúlavatn og einnig á Ferðafélag Fljótsdalshéraðs ásamt Ferðafélagi Húsavíkur, Sigurðarskála.

Verið hjartanlega velkomin í kyrrð og skjólsælt umhverfi þar sem birkið angar og rjúpan ropar.              

Tjaldsvæðið Systragil er 13 km frá Akureyri í austurátt við bæinn Hróarsstaði við veg 833, fimm km frá þjóðvegi 1, staðsett gegnt stærsta birkiskógi landsins, Vaglaskógi. Einnig er gistiheimilið Rjúpa í landi Hróarsstaða. Á tjaldsvæðinu er gott aðgengi að rafmagni, upphituð klósett og rúmgóð sturta, aðstöðuhús þar sem hægt er að elda og matast og frítt internet.

Í næsta nágrenni er sundlaug á Illugastöðum. Merktar gönguleiðir eru bæði í Vaglaskógi og upp með Systragili.  Mikill gróður og lækurinn Systralækur. Í hlíðunum fyrir ofan tjaldstæðið eru melar og skóglendi og þar má finna mikið af berjum og sveppum.

Tjaldsvæðið Systragil er miðsvæðis á Norðurlandi. Stutt er í 9 holu golfvöll, Lundsvöllur (3 km), Goðafoss (25 km), Akureyri  (13 km)  Húsavík  (65 km) og Mývatnssveit (65 km).
Akureyri  (13 km), Laufás (20 km), Goðafoss (25 km), Húsavík  (65 km) og Mývatnssveit  (65 km).

Verð fyrir fullorðna: 1.900 kr
Eldri borgarar og öryrkjar: 1.400 kr
Verð fyrir börn: Frítt fyrir 15 ára og
yngri í fylgd með fullorðnum
Þvottavél: 500 kr
Rafmagn: 1.000 kr
Sturta: 200 kr  

Tjaldsvæðið er fyrsti afleggjari á hægri hönd þegar keyrt er inn í Hvolsvöll og komið er úr vestri ( frá RVK ) við þjóðveg 1 Svæðið sem tekið var í notkun 1980 er afgirt með háum Öspum og hver flöt er afstúkuð með trjám, flatirnar eru sléttar og vel þjappaðar.
Fjarlægð frá þjóðvegi er 150 mtr. Stutt er í alla þjónustu þar sem miðbær Hvolsvallar er einungis í 150 mtr. fjarlægð en þar er að finna banka, pósthús, apótek matvöruverslun, snyrtistofu, hársnyrtingu, sundlaug, gufubað, bókasafn, uppplýsingamiðasöð, kaffihús, matsölustaði, sveitamarkað, bensínstöðvar og skyndibitastaði.
Stutt er í fjölmargar áhugaverðar gönguleiðir ásamt 3ja km heilsustíg sem nýtist vel fyrir þá sem vilja fara og hreyfa sig úti í náttúrunni.

Lýsing á aðstöðu:
Tjaldsvæðið á Hvolsvelli er gamalgróið svæði með tveimur aðstöðuhúsum. Annað er með uppvöskunaraðstöðu og salernum, ásamt einfaldri eldunaraðstöðu.
Einnig er um að ræða nýtt hús með salernis og sturtuaðstöðu sem einnig er með aðgengi fyrir fatlaða og skiptiaðstöðu fyrir barnafólk.uppvöskunaraðstaða er einnig úti.
Losunarsvæði er fyrir húsbíla og hjólhýsi og rennandi vatn er á því svæði.
Svæðið er með leiktæki fyrir börn.  Þá erum við með 2 þvottavélar ásamt þurkara og einnig er aðstað til þess að þurka þvott úti.
Rafmagnstenglar eru á svæðinu sem og nettenging, stutt er í alla almenna þjónustu sem er á Hvolsvelli

Annað:
Á Hvolsvelli er stoppistöð fyrir áætlunarbíla sem ganga til og frá RVK, til og frá Þórsmörk, Landmannalaugar, Vestmannaeyjar og þjóðveg 1.
Segja má að við séum miðsvæðis á Suðurlandi, þ.e. að tiltölulega stutt er í fjölmarga áhugaverða staði á Suðurlandi t.d. Seljalandsfoss, Skógafoss, Hekla, Þórsmörk, Landmannalaugar, Vestmannaeyjar, Vík, Eyjafjallajökull og Mýrdalsjökull.

Íþróttamiðstöð Tálknafjarðar býður upp á ýmsa afþreyingu. Þar er 25 metra útilaug, tveir heitir pottar, sauna, kaldur pottur, vaðlaug og rennibraut. Í húsinu er einnig að finna tækjasal og stóran sal sem hægt er að leigja.

Við íþróttamiðstöðina er tjaldsvæði Tálknafjarðar en það er opið frá 1. júní – 1. september. Á tjaldsvæðinu er eldhúsaðstaða allan sólarhringinn, útigrill, salerni og sturtur. Einnig er hægt að setja í þvottavél og þurrkara gegn gjaldi.

Allir hjartanlega velkomnir, alltaf heitt á könnunni.

Hægt er að hafa samband á ýmsan hátt:
Sími: 456-2639 
Netfang: sundlaug@talknafjordur.is 
Facebook síðan okkar er hér:

Vetraropnun: 09.00-19.00 virka daga og 11.00-14.00 á laugardögum, lokað sunnudaga

Sumaropnun: 09.00-21.00 virka daga og 10.00-19.00 um helgar.

ATH: Sölu lýkur 30 mínútum fyrir lokun. Gestir eru góðfúslega beðnir að fara uppúr lauginni 15 mínútum fyrir lokun.

GPS: N 63°40,559 / V 19°29,014 
Básar á Goðalandi eru höfuðvígi Útivistar og segja má að þar slái hjarta félagsins. Gönguleiðir við allra hæfi er að finna í nágrenni Bása; Básahringinn, Réttarfell, Bólfell, Útigönguhöfða og Hvannárgil. 

Í Goðalandi er wc, grillaðstaða, tjaldsvæði og skálagisting.

Skálavörður er frá 1. maí fram í október. Símanúmer skálavarðar er 893-2910.

Tjaldsvæðið er staðsett í hjarta bæjarins, er umgirt trjágróðri og hólfað niður með kjarri. Á Seyðisfirði syngja fossarnir þig í svefn.

Tjaldsvæðið á Seyðisfirði er rómað fyrir góða þjónustu og hlýlegt umhverfi. á svæðinu er þjónustuhús með aðstöðu fyrir gesti. Eldunaraðstaða og seturstofa er í þjónustuhúsinu. Á tjaldsvæðinu eru sturtur, salerni, þvottavél, þurrkari, borðsalur, eldunaraðstaða inni, frír aðgangur að interneti, útigrill og aðstaða fyrir húsbíla, þar með talið rafmagn og hreinsiaðstaða fyrir húsbíla-wc.

Í göngufæri er sjoppa, matvöruverslun, sundlaug, matsölustaðir, íþróttamiðstöð, sauna og heitir pottar, handverksmarkaður, Tækniminjasafnið, Skaftfell menningarmiðstöð og margt fleira. Tjaldsvæði Seyðisfjarðar er aðili að Útilegukortinu.

Opið frá 1. maí til 30. september

Aldurstakmark er 18 ára nema í fylgd forráðamanna.

Á Seyðisfirði syngja fossarnir þig í svefn.

Staðsett í Kalmansvík sem er falleg vík í útjaðri bæjarins. Það er mjög falleg fjallasýn til norðurs þar sem Snæfellsjökull ber af. Vel búið svæði með sturtum og þvottaaðstöðu. Rekstraraðilar leggja sig fram um að halda allri aðstöðu snyrtilegri, og verðlagningu í hófi. Þar er einnig Gallery Göngustígar liggja um svæðið til allra átta. Svæðið er einnig áhugasamt svæði fyrir fuglaáhugamenn bæði sjófugl og landfugl.

Á Reykjum á Reykjaströnd í Skagafirði eru tvær heitar náttúru laugar. Grettislaug og Jarlslaug. Á staðnum eru lítið kaffihús, gistihús og tjaldsvæði. Mikil náttúrufegurð er á svæðinu sem bæði er hægt að njóta ýmist í gönguferðum um svæðið eða einfaldlega úr laugunum. 

Bakkaflöt er fjölskyldurekið fyrirtæki sem byrjaði með gistingu og veitingar árið 1987. Erum með gistingu í smáhýsum með sérbaði, herbergjum með sameiginlegu baði, stærri sumarhúsum og tjaldstæði. Sundlaug, heitir pottar, veitingastaður og bar á staðnum. 

Frá árinu 1994 höfum við boðið upp á fljótasiglingar niður Austari og Vestari jökulsá. 

Í sumar(2020) erum við með tilboð í Vestari jökulsá: 11.900 kr á mann. 8.000 kr fyrir 9-12 ára. 

Frábær ferð um skemmtilegt landslag. Stoppað til að fá sér kakó úr heitri uppsprettu og svo er auðvitað stoppað við stökk klettinn og þeir sem vilja stökkva ofan í ána. 

Bjóðum einnig upp á Sit on top Kayak ferðir niður Svartá, Paintball, Þrautabraut og Loftbolta. 

Á staðnum: Gisting í smáhýsum með sérbaði, stærri sumarhúsum, herbergjum án baðs, tjaldstæði, lítil sundlaug og heitir pottar, veitingastaður og bar.

Undir Einifelli við Hagavatn er lítill og huggulegur skáli þar sem gistirými er fyrir 12 manns. 

Komið er inn í opið anddyri og stigið upp á pall með kojum til sitt hvorrar handar og borði á milli. Lítið opið svefnloft er yfir hálfum skálanum. 6 manns geta sofið í kojunum og 6 manns á svefnloftinu en þá er þröngt legið. 

Ekki er eiginleg eldhúsaðstaða í skálanum en hann er hitaður upp með viðarkamínu. Ekkert rennandi vatn er á svæðinu en kamar stendur skammt frá skálanum. Gott tjaldstæði er bæði undir Einifellinu sem og við skálann. 

Margt er að sjá við skálann, þaðan er hægt að ganga um Jarlhettur, að Hagavatni og fossunum í Farinu. Einnig er hægt að ganga að Langjökli. 

Tjaldsvæðið í Grímsey er miðsvæðis í þorpinu, fyrir aftan sundlaugina.

Gestir tjaldsvæðisins hafa afnot af sturtu og snyrtingum með heitu og köldu vatni inni í sundlaugarhúsnæðinu.

Eitt verð er í gildi fyrir gesti tjaldsvæðisins kr. 1.500 á mann / nóttin. Frítt fyrir börn undir 18 ára.

Ferðaþjónustan í Úthlíð stendur í jaðri óspilltrar náttúru Suðurlands. Bærinn stendur við þjóðveg nr. 37 og er í 100 km fjarlægð frá Reykjavík. Frá Úthlíð og þaðan er stutt að sækja heim marga áhugaverða staði eins og Gullfoss og Geysi.  Bláa kirkjan vísar veginn heim að Úthlíðarbænum en ferðaþjónustan er við næsta afleggjara fyrir austan. 

Orlofshúsin í Úthlíð eru staðsett á brúninni fyrir ofan bæinn og skarta einstöku útsýni yfir sveitir suðurlands. Húsin eru misstór og er best að skoða úrvalið og bóka gistingu á vefsíðunni okkar www.uthlid.is 

Veitingastaðurinn Réttin er opin alla daga ársins kl. 16 – 20. Alla laugardaga er opið kl. 11 – 21.  Á sumrin er að sjálfsögðu opið lengur. Sjá nánar á www.uthlid.is 

Úthlíðarvöllur er 9 holu golfvöllur í holtinu fyrir neðað þjóðveg. Rástímabókanir á www.golf.is 

Tjaldsvæði með rafmagni, góðri aðstöðu í þjónustuhúsi svo sem heitum pottum og þvottaaðstöðu. Tjaldsvæðið er hugsað fyrir fjölskyldufólk og er óskað eftir kyrrð eftir miðnætti. 

Cottage of the year 2020. Ferðaþjónustan Úthlíð var valin „Cottage of the year 2020 in Iceland“ sem byggir á umsögnum fjölda viðskiptavina Ferðaþjónustunnar í Úthlíð. 

Hestaleigan Bjössa Blesi og Svali ásamt öllum hinum skemmtilegu hestunum í Úthlíð eru miklir gleðigjafar og skokka með krakka sem fullorðna í spennandi útreiðartúra. 

Til að bóka hestaleigu er best að fara inn á vefinn www.uthlid.is, panta þarf hesta með fyrirvara, helst daginn áður. 

Búnaður:
Ferðalangar skulu vera í hlýjum, mjúkumog vantsheldum fatnaði ásamt vatnsheldum skóm
Ferðaþjónustan skaffar hesta, reiðhjálma og reiðtygi.
Leiðsögumaður stýrir ferðinni og hraða 

Brúarfoss:
Skemmtilegur útreiðartúr frá Úthlíð sem leið liggur eftir Kóngsveginum að gömlu brúnni sem liggur yfir Brúará og er við Brúarfossinn. Kóngsvegurinn var lagður fyrir konungskomuna 1907. Stuttir kaflar hafa varðveist af þessum vegi og munum við ríða hann alla leið að fossinum.

Ferðin tekur liðlega klukkustund. 
Útreiðartúr á frekar sléttu landi en það er riðið yfir á. Krefjandi fyrir óvana.

Kolgrímshóll:
Riðið er sem leið liggur frá Úthlíð upp svokallaðan Skarðaveg. Eftir stutta reið er leiðangurinn kominn í ósnortna náttúru Úthlíðar með óviðjafnanlega sýn til fjalla. Áð er við Kolgrímshól sem dregur nafn sitt af þeim tíma þegar Skálholtsbiskup átti Úthlíðarjörðina og nýtti skóginn til kolagerðar. Létt ganga er upp á hólinn en þar er fallegt útsýni til allra átta.

Ferðin tekur 1 1/2 tíma.
Léttur útreiðartúr á frekar sléttu landi, en er krefjandi fyrir óvana.

Kóngsvegurinn:
Riðið er frá Úthlíð upp að veitingastaðnum Réttinni og þaðan eftir kóngsveginum sem var lagður fyrir konungskomuna 1907. Riðið er um fallega kjarrivaxna slóð.

Ferðin tekur um 30 mín. 
Léttur útreiðartúr á frekar sléttu landi fyrir alla.

Upplýsingar um húsin:
Húsin eru 13 talsins og voru byggð árin 2002 og 2003.
Þau eru panelklædd að innan með parketi á gólfum, björt og hlýleg.

Húsin eru með:
Klósetti, sturtu og handlaug
Verönd og útiborði
Tveimur svefnherbergjum, Bæði herbergin með tveggja manna rúmi og koju fyrir ofan
Einnig er í húsunum svefnloft með rúmlega 2m lofthæð og þar eru tvö     90×200 cm rúm
Í húsunum fylgir alltaf með handþurrka, klósettpappír, sápa, diskaþurrka og borðþurrka.

Eldhúsin eru með:
Ísskáp og örbylgjuofni
Kaffivél og brauðrist.
Eldavél og öllum almennum eldhúsáhöldum

Stofan er með:
Sjónvarpi, útvarpi, sófasetti og stofuborði.

Á svæðinu eru heitir pottar með nuddi og tjaldstæði með salernisaðstöðu og og sturtu.
Verð á tjaldstæði innifalin sturta 1600 kr / per mann en frítt fyrir yngri en 12 ára.

Góðar gönguleiðir og mikið útsýni eru við bæjardyrnar.
Lítill skógur er fyrir ofan sumarhúsin, og mikið fuglalíf á svæðinu.

Tjaldsvæði opin frá 1. apríl til loka september með fyrirvara um misjafnt tíðarfar. 

Vinsamlegast hafið samband fyrir frekari upplýsingar.

Tjaldsvæðið er við Skógarfoss sem er einn af glæsilegri fossum á Suðurlandi.  Svæðið er nálægt þjóðvegi 1.  Tjaldsvæðið við Skógafoss er opið allt árið. 

Verð:

1.500 kr fyrir manninn, 13 ára og eldri.
Sturtugjald 400 kr, greitt í sturtusjálfsala. Sturturnar verða opnar allavega fram í nóvember en skrúfað fyrir vatn úti þegar fer að frysta.

Hægt er að fá rafmagn fyrir húsbíla.

Gistirými: 20 svefnpokapláss

. Sími: Enginn
. GPS: N64°36.680 - W15°08.780
. Annað: Timburkamína til upphitunar. Gashellur til eldunar. Kamar. Tjaldstæði.

Ath. skálinn er læstur allt árið.
Þar er lyklabox
Vinsamlegast hafið samband við skrifstofu
Ferðafélags Fljótsdalshéraðs til að fá númer
sími: 863-5813

Ferðaþjónustan Sólbrekku er 42 km frá Egilsstöðum, ekið um veg nr. 953. Í Sólbrekku gistiheimili eru 5 herbergi með samtals 18 rúmstæðum, uppbúið rúm eða svefnpokapláss, sameiginlegt eldhús og setustofa, þrjár snyrtingar m/ sturtum. Frí nettenging er fyrir næturgesti og afnot af þvottavél og þurrkara.

Fyrir framan gistiheimilið eru útibekkir, borð og stólar og leikvöllur er skammt undan. Tjaldsvæðið er á grasfleti fyrir framan og til hliðar við gistiheimilið og möguleiki á rafmagni f/ húsbíla. Einnig er reiðhjólaleiga í Sólbrekku og hægt að leigja reiðhjól heilan dag eða hluta úr degi.

Tvö sumarhús standa neðan við bæinn Brekku. Í hvoru húsi er svefnpláss fyrir 4-5, svefnherbergi með tvíbreiðu rúmi á neðri hæð auk svefnlofts með rými fyrir 2. Á neðri hæð er fullbúinn eldhúskrókur, eldhúsborð, svefnsófi og sófaborð. Húsin leigjast með uppbúnum rúmum og handklæðum. Heitir pottar eru aðgengilegir á veröndinni við bústaði frá júní - september/október. Frí nettenging.

Kaffi og léttar veitingar eru seldar í Sólbrekku frá 10. júní - 20. ágúst.

Merktar gönguleiðir eru í nágrenninu, fallegir fossar og mikil náttúrufegurð.

Opnunartími: 

Gisting í smáhýsum er opin allt árið.
Gisting í Sólbrekku gistiheimili er opin 06/06 - 31/08.
Kaffi og veitingasala er opin 10/06 - 20/08.

Til að sjá 360° mynd af Sólbrekku, smellið hér.

Tjaldsvæðið er staðsett vestast við Eyrarbakka, vestan við Hafnarbrú. Tjaldsvæðið er í nálægð við fuglafriðland og rétt við fjöruna.

Eyrarbakki er vinalegt þorp við Suðurströndina sem státar af mikilli sögu, vel varðveittum gömlum húsum og fallegri náttúru. Tvö söfn eru á Eyrarbakka, Byggðasafn Árnesinga sem er staðsett í Húsinu, sögufrægum bústað kaupmanna, og Sjóminjasafnið sem er örskammt frá. Í Húsinu ríkir hlýlegur og heimilislegur andi og sagan er við hvert fótmál. Söfnin standa í miðju þorpi rétt við kirkjuna. Í Eyrarbakkakirkju er að finna altaristöflu málaða af Louise drottningu Kristjáns IX. Á sömu torfu er veitingastaðurinn Rauða Húsið sem tekur vel á móti svöngum ferðalöngum hvort sem er í kaffi eða mat. Allir verða að taka sér göngutúr um þorpið. Þá má virða fyrir sér gömlu húsin, heimsækja handverkskonuna Regínu eða koma við í gamla frystihúsinu í Gónhól þar sem eru markaðir og gallerí. Austarlega á Bakkanum er Vesturbúðin, alhliða verslun og bensínstöð þar sem helstu nauðsynjavörurnar fást og hægt að horfa á boltann í beinni.

 Svört sendin fjaran sem teygir sig að Ölfusárós heillar marga þó aðrir láti sér næga létta göngu eftir sjóvarnargarðinum. Norðan við þorpið er fuglafriðlandið, einstök náttúruperla sem vert er að skoða. Austan við þorpið trónir listaverkið Krían eftir Sigurjón Ólafsson myndhöggvara.

Viljir þú sá þorpið iða af lífi þá er vert að heimsækja Eyrarbakka í lok maí á Vori í Árborg, á Jónsmessuhátíð í lok júní, Íslenska safnadeginum annan sunnudag í júlí eða þá að skella þér 100 ár aftur í tímann á Aldamótahátíð um miðjan ágúst.

Í þorpinu eru þrjú gistihús, Gónhóll, Rein og Suðurgata.

 Tjaldsvæðið er staðsett vestast í þorpinu í rólegu og þægilegu umhverfi, góðar gönguleiðir eru frá tjaldsvæðinu hvort sem um er að ræða að skoða rómaðan Eyrarbakkan eða skemmtileg fjöruganga.

Tjaldsvæðið er einfalt með köldu og heituvatni, Rafmagn er á svæðinu. Leiksvæði er mjög fínt.

Bygging stendur yfir á nýju þjónustuhúsi þar sem verða sturtur, ásamt þvottavél og þurkara, áætlað er að það verði tekið í notkun um miðjan júní.

Opnunartími

15 maí – 1. okt

Í Svínafelli er boðið upp á tjaldstæði og svefnpokagistingu í 6 fjögurra manna smáhýsum og einnig í 10 mismunandi herbergjum. Allir komast í einfalda eldunaraðstöðu.

Á tjaldstæðinu samnýta gestir í smáhýsum og tjöldum aðstöðuna í þjónustuhúsi við hlið smáhýsanna. Þar er allstór salur til matargerðar, eldunarhellur, kæliskápur, vaskur og heitt vatn, en ætlast er til að gestir noti sín eigin áhöld og borðbúnað. Borð og stólar eru í salnum fyrir 70 - 80 manns. Í þjónustuhúsinu eru einnig salerni og sturtur. Auk þess eru snyrtingar á öðrum stað á tjaldstæðinu.

ÞVOTTAVÉL OG ÞURRKARI

Gestir hafa aðgang að þvottavél og þurrkara þar sem afgreiðslan er. Bæði tækin eru tengd sjálfsala. 

Skjólgóð og skemmtileg tjaldsvæði fyrir tjöld, hýsi og húsbíla sem bjóða upp á salerni fyrir hreyfihamlaða og með góðu aðgengi fyrir hjólastóla á flestum svæðum. Allar bókanir fara fram á parka.is.

Stórarjóður (B) býður upp á rafmagn og salerni fyrir hreyfihamlaða og er rólegt svæði sem ætlað er þeim sem vilja slaka á og taka því rólega.

Hróarsstaðanes (C,D) er stærsta svæðið, staðsett við Fnjóskánna. Á þessu svæði er salerni, rafmagn, sturtur, þvottavél, þurrkari og aðalleiksvæðið (ærslabelgur, klifurpýramídi, lítill fótboltavöllur og sandkassasvæði).

Flatagerði (E) er með rafmagn, sturtur, þvottavél, þurrkari, salerni fyrir hreyfihamlaða, ásamt litlu leiksvæði með vegasalti og rólum. Þetta svæði er aðliggjandi fastleigustæðunum.

Brúarlundur (A) hefur salerni en ekkert rafmagn, og hentar vel fyrir stuttar dvalir og náttúruunnendum.

Boðið er upp á forbókanir í Stórarjóðri (B) og Flatagerði (E).

Vaglaskógur er einn fallegasti birkiskógur landsins með miklum möguleikum til útivistar. Tjaldsvæðin eru tengd víðfeðmu göngustíganeti sem liggur um Vaglaskóg og göngustígakort er hægt að nálgast við upplýsingaskilti í skóginum og hjá starfsfólki.

Stutt er í Akureyri (17km í gegnum Vaðlaheiðargöng), golfvöll með veitingaskála (3km), sundlaug með verslun og mini-golfi (12km).

Verð á nótt:
2000 kr á mann
1500 kr fyrir eldri borgara og öryrkja
1300 kr fyrir rafmagn per nótt
Sturtugjald: 500 kr (klink) fyrir 5 mínútur af heitu vatni
Þvottavél/þurrkari: 500 kr (klink)

*Hægt er að fá skiptimynt hjá tjaldvörðum

FRÍTT er fyrir 14 ára og yngri í fylgd með forráðamanni. Án fylgdar forráðamanns er aldurstakmarkið á tjaldsvæðunum 18 ár.

Nokkrir punktar til að hafa í huga:
- Við flokkum rusl í Vaglaskógi og biðjum við tjaldsvæðagesti að gera slíkt hið sama á meðan dvölinni stendur
- Lausaganga hunda og katta er bönnuð, en leyfilegt er að hafa dýrin í taumi
- Hægt er að kaupa skott/millistykki fyrir rafmagnstengingu hjá tjaldvörðum.

Símanúmer tjaldsvæða er: 860 4714  

Vinsamlegast hafið samband vegna verðlista og bókana.

Vinsamlegast hafið samband vegna verðlista og bókana.

Á Djúpavogi er mjög gott tjaldsvæði sem er staðsett í kjarna bæjarins, öll þjónusta í bænum í innan við 500 m fjarlægð frá tjaldsvæðinu. Miklir möguleikar eru á afþreyingu í Djúpavogshreppi. Má þar nefna að á Djúpavogi er ný og glæsileg sundlaug, mjög góður 9 holu golfvöllur, skemmtilegar gönguleiðir og boðið er upp á siglingu út í Papey.

Í þjónustuhúsinu er eldunaraðstaða, setustofa, þvottavél/þurrkari, auk þess er aðstaða til losunar/áfyllingar fyrir húsbíla og rafmagn. Hægt er að kaupa aðgang að interneti.

Á tjaldsvæðinu bjóðum við upp á gistingu í smáhýsumi, gestir koma með allt það sem þeir myndu vanalega nota til þess að tjalda en í stað þess að gista í tjaldi er gist í notalegu litlu smáhýsi.

Frá tjaldsvæðinu er fallegt útsýni yfir höfnina og víðar. Þá er öll helsta þjónusta í bænum innan við 500 m fjarlægð frá tjaldsvæðinu, sundlaug, verslun, söfn, veitingarstaðir og kaffihús o.f.l.

Skemmtilegar gönguleiðir í nágrenninu og stutt til fjalls og fjöru.

Afgreiðsla er á Hótel Framtíð.

Á Reykhólum má finna frábæra sundlaug sem heitir Grettislaug. Við hlið sundlaugarinnar er að finna tjaldsvæði sem er opið yfir sumarið. 

Tjaldsvæðið á Varmalandi er í útjaðri þéttbýlisins í kringum jarðhitasvæðið Stafholtstungur. Í Varmalandi er íþróttamiðstöð sem er opin frá seinni hluta júní til miðjan ágúst en þar er sundlaug sem er vel nýtt af gestum tjaldsvæðisins. Tjaldsvæðið er stórt og rúmgott og þar fer vel um hópa og fjölskyldur. Leiktæki eru á tjaldsvæðinu en einnig er möguleiki á skemmtilegum göngutúrum og leikjum á svæðinu í kring. Gaman er að ganga uppá klett sem er fyrir ofan svæðið en þaðan er fallegt útsýni yfir svæðið og Borgarfjörðinn.

Verð 2021
Fullorðnir (16+): 1.500 kr nóttin á mann
Börn, 15 ára og yngri: ókeypis
Rafmagn: 900 kr nóttin 

Á tjaldsvæðinu er þjónustuhús þar sem eru salerni, sturtur, útivaskar (með heitt og kalt vatn), einnig er hægt að fá afnot af þvottavél og þurrkara. Hjólastóla aðgengi er að salernum og sturtum.  Á tjaldsvæðinu eru rafmagnstenglar og aðstaða til að losa salerni húsbíla og vatnsfylling.

Tjaldsvæðið í Vík í Mýrdal er staðsett aðeins 1 km frá miðbænum og því öll þjónusta við hendina. Tjaldsvæðið tekur allt að 250 manns í tjöld, skála, bíla og hjólhýsi. Á tjaldstæðinu bjóðum við upp á flesta þá þjónustu sem ferðalangar þurfa, s.s. rafmagn, salerni, heitt og kalt rennandi vatn, sturtur og þráðlaust net. Einnig er gisting í smáhýsum í boði.

Á bakka Tjarnár Í Hvítárnesi stendur sæluhús, þar er gistirými fyrir 30 manns. 

Sæluhúsið í Hvítárnesi er elsti skáli Ferðafélags Íslands. Húsið er reist 1930 og er byggingin friðuð. Skálinn er á tveimur hæðum. Á neðri hæðinni er anddyri, lítið og þröngt eldhús og tvö herbergi með kojum. Á efri hæðinni er svefnloft með dýnum á gólfinu og lítið herbergi með dýnum.Í eldhúsinu er rennandi vatn, gashellur og eldhúsáhöld.  

Salernishús er spölkorn frá skálanum en engar sturtur. Tjaldað er á grasbala við salernishúsið. 

Skálinn er við annan enda gönguleiðarinnar um Kjalveg hinn forna. 

Við Álftavatn á gönguleiðinni um Laugaveginn eru tvö sæluhús og alls eru þar gistirými fyrir 72 manns 

Stærra húsið er á tveimur hæðum og hýsir 38. Niðri er forstofa, opið eldhús og matsalur og fjögur herbergi. Uppi eru tveir svefnsalir með rúmbálkum. Minna húsið skiptist í eldhús og svefnsal með borðum og stólum. Þar geta 36 sofið. Í báðum skálum er góð eldunaraðstaða með gasi, mataráhöldum, borðbúnaði og köldu rennandi vatni. Kolagrill eru úti á palli. 

Gistiskálarnir tveir eru samtengdir með trépalli sem liggur líka að salernishúsinu. Salernishúsið er sameiginlegt fyrir allt svæðið, þ.e. fyrir gistiskálana og tjaldsvæðið og þar eru sturtur sem hægt er að kaupa aðgang að hjá skálavörðum. Lítið skálavarðahús er líka á svæðinu. Tjaldsvæðið er stórt. Vetrarkamar er skammt frá salernishúsinu. 

Flestir gestir skálans ganga Laugaveginn, en auk þess eru á svæðinu skemmtilegar gönguleiðir á Brattháls og að Torfahlaupi. 

Frá og með 25. júní og til 8. ágúst verður rekin ferðaþjónusta í Dalbæ á Snæfjallaströnd á vegum Snjáfjallaseturs og Sögumiðlunar, netfang olafur@sogumidlun.is . 

Opið verður kl. 10-20, alla daga vikunnar. Bergljót Aðalsteinsdóttir (gsm 6904893) Vigdís Steinþórsdóttir (gsm 863 5614), Vera Rún Viggósdóttir (gsm 690 8258) og Agnes Hjaltalín Andradóttir (gsm 8671102) munu sjá um ferðaþjónustuna.

Verð á ferðaþjónustímanum:
Svefnpokapláss með aðgangi að öllu kr 7000
Yngri en þrettán ára fá frítt á tjaldstæði en greiða í sturtu
Tjaldstæði með aðgangi að salerni kr 2000 - önnur nótt kr. 1500
Rafmagn v/ húsbíls, tjaldvagns kr 1200
Sturta kr. 500
Þvottur, hver vél kr. 500

Ingibjörg Kjartansdóttir tekur við pöntunum utan ferðaþjónustutímans (gsm 8681964), unidalur34@gmail.com .

Í Botnum á Emstrum á gönguleiðinni um Laugaveginn eru þrjú sæluhús og alls er þar gistirými fyrir 60 manns. 

Sæluhúsin þrjú eru öll eins í laginu. Gengið er inn í forstofu og þaðan inn í svefnrýmið sem hýsir líka lítið, opið eldhús, langborð og stóla. Í öllum skálunum er eldunaraðstaða með gasi, mataráhöldum, borðbúnaði og köldu rennandi vatni. Að auki eru stór kolagrill við hvert hús. 

Húsin, sem hvert um sig hýsir 20 manns í 10 tvíbreiðum kojum, eru öll tengd saman og við salernishúsið með trépalli. Góð aðstaða er til að sitja úti á trépöllunum og saman myndar þessi þyrping skemmtilega heild húsa. Á bak við húsin og í dalverpi fyrir neðan þau er lítið tjaldstæði. Salernishúsið er sameiginlegt fyrir skála- og tjaldgesti og þar er hægt að fara í sturtu gegn gjaldi. Vetrarkamar er fyrir neðan salernishúsið. 

Flestir gestir skálans ganga Laugaveginn, en auk þess er á svæðinu skemmtileg gönguleið að Markarfljótsgljúfri. 

Tjaldsvæði Bolungarvíkur er við Sundlaug Bolungarvíkur.

Þjónustuhús fylgir tjaldsvæðinu en þar er matsalur fyrir gesti tjaldsvæðins með eldunaraðstöðu.

Einnig er þvottaaðstaða í þjónustuhúsinu með þvottavél og þurrkara og salernis- og snyrtiaðstaða en á opnunartíma sundlaugarinnar er einnig hægt að nýta salerni og snyrtingu þar. Á tjaldsvæðinu er rafmagn, útisnúrur og kolagrill.

Í næsta nágrenni er ærslabelgur, sparkvöllur, hreystivöllur, frisbígolfvöllur og golfvöllur.

Verð 2023

Fullorðinn (16 ára og eldri): 1.800 kr
Börn 15 ára og yngri: frítt
Aukagjald fyrir fyrstu nótt: 800 kr.
Rafmagn: 1.000 kr á sólarhring
Þvottavél: 1.100 kr
Sturta í Árbæ: 400 kr

Frí gisting fjórðu hverja nótt.

Á tjaldsvæði Bolungarvíkur gildir útilegukortið. Þá fá meðlimir FÍB afslátt. 

Tjaldsvæðið er staðsett í ofanverðum jaðri bæjarins með einstakt útsýni hvort sem er til sjávar eða fjallgarðsins. 

Svæðinu er skipt upp í nokkur minni svæði þar sem hver og einn gestur getur fundið náttstað við sitt hæfi. Á tveimur stærstu svæðunum eru WC með aðgengi fyrir fatlaða. Aðstaða er til að vaska upp leirtau.

Rétt við tjaldsvæðið er sundlaugin þar sem hægt er að komast í sturtur á opnunartíma hennar.  

Alveg við tjaldsvæðið og sundlaugina er afþreying fyrir fjölskyldur; ærslabelgur fyrir börnin, leikvöllur við grunnskólann, sömuleiðis sparkvöllur og íþróttavöllur bæjarins. Rétt ofan við tjaldsvæðið er glænýr frisbígolfvöllur með 9 körfum. Sjá kort af vellinum hér . 

Golfurum er bent á Bárarvöll, vel hirtan og skemmtilegan golfvöll í einstöku umhverfi, einungis um 8 km frá bænum. Sjá nánar á vef Golfklúbbsins Vestarrs.  

Frábært skotsvæði er í Kolgrafafirði , á vegum Skotfélags Snæfellsness, sjá nánar á vef félagsins hér. Í Kolgrafafirði er einnig þokkaleg mótocrossbraut og í Grundarfirði er klifursalur í Snjóhúsinu . 

Á vef bæjarins má finna enn frekari upplýsingar um afþreyingu og útivist, og um listaverk bæjarins . 

Örstutt er í fallegar gönguleiðir bæði við sjóinn og til fjalla eða bara bæjarrölt og opin, græn svæði . Grundarfjörður er rómaður fyrir lognstillu á kvöldin þar sem kvöldsólin nýtur sín til hins ýtrasta.  

Stutt er í flesta þjónustu, s.s. verslanir, kaffihús, veitingastaði, hvalaskoðun, kajakleigu eða bara niður á höfn. Allt er í ca. 10 mínútna göngufæri við tjaldsvæðið. Hér má finna frekari upplýsingar um þjónustu í Grundarfirði . 

Vetrarþjónusta

Tjaldsvæðið er opið á veturna með salernisaðstöðu við tjaldsvæðið og sturtuaðgangi í sundlauginni á opnunartíma
hennar . 

Tjaldsvæði Grundarfjarðar á aðild að Útilegukortinu 2022 . 

Gjaldskrá tjaldsvæðis (gildir sumarið 2022)  

Gjald á sólarhring: 

Fullorðnir: 1.600 kr. 

Börn yngri en 16 ára: Frítt 

Ellilífeyrisþegar og öryrkjar: 1.100 kr. 

Sturtur: 600 kr. 

Rafmagn: 1.000 kr. 

Afsláttarkjör:

Þriggja daga dvöl: -15% 

Sex daga dvöl: -25% 

Tjaldsvæði Dalakofans er staðsett við íþróttavöllinn á Laugum. Sundlaugin á Laugum og 6 holu golfvöllur eru í göngufæri við tjaldsvæðið.

Í vallarhúsinu eru flestir þjónustupunktar tjaldstæðisins, en þar er að finna salerni, sturtur, þvottavél og þurrkara. Á efri hæðinni er svo eldunaraðstaða, borð, stólar og sófar. Þar er einnig aðstaða fyrir svefnpokagistingu. Tjaldsvæðið er rekið undir sama hatti og verslun og veitingastaður bæjarins, Dalakofinn. Þangað er hægt að sækja hina og þessa þjónustu.

Opnunartími
1. maí - 15. september

Verð á tjaldsvæði:

Fullorðnir: 1.800 kr nóttin á mann
Eldri borgarar og öryrkjar: 1.400 kr nóttin á mann
Börn: Frítt fyrir yngri en 14 ára

Fjórða nóttin frí.
Rafmagn: 700 kr nóttin
Þvottavél: 700 kr skiptið
Þurrkari: 700 kr skiptið
Svefnpokapláss: 3.000 kr.

Frítt þráðlaust internet.

Gistirými: 16 svefnpokapláss
. Sími: Enginn
. GPS: N64°41.711-W15°21.681
. Annað: Timburkamína til upphitunar. Kamar. Gashellur til eldurnar. Tjaldstæði.

Ath. skálinn er læstur allt árið.
Þar er lyklabox
Vinsamlegast hafið samband við skrifstofu
Ferðafélags Fljótsdalshéraðs til að fá númer
sími 863 5813

Flateyri við norðanverðan Önundarfjörð er dæmigert íslenskt sjávarþorp. Þar er þó öll helsta þjónusta í boði fyrir tjaldsvæðagesti, sundlaug, íþróttahús, verslun og veitingastaður eru í innan við 5 mínútna göngufjarlægð frá tjaldsvæðinu.

Tjaldsvæði á Flateyri er u.þ.b. 0.4 ha í stærð. Það stendur við tignarlegan snjóflóðavarnargarðinn á Flateyri, en á honum er útsýnispallur með afbragðs útsýni yfir Önundarfjörðinn. Þá er fallegt lón steinsnar frá tjaldsvæðinu þar sem nýlega var byggð svokölluð Einarsbryggja sem hentar vel þeim sem vilja sigla fjarstýrðum bátum.

Tjaldstæðið við Heiðarbæ er staðsett á milli Húsavik og Mývatns á vegi 87. Tjaldstæðið er fullkomlega staðsett fyrir þá sem vilja skoða austasta hluta norðausturhorns Íslands í afslöppuðu og fallegu umhverfi. Heiðarbær er staðsett aðeins stutt frá mörgum af vinsælustu ferðamannastöðum landsins: Mývatni, Goðafossi, Ásbyrgi, Jökulsárgljúfrum og Laxá í Aðaldal. 

Í Heiðarbæ er veitingastaður sem býður upp á pizzur, hamborgara og fleiri smárétti ásamt kaffi og ís. Sundlaug með heitum potti er opin (júní - september).

Önnur þjónusta í nágrenninu:
Fjallasýn Rúnars Óskarssonar s: 464 3940 jeppaferðir, óvissuferðir o.fl. Saltvík, hestaleiga 15 km í átt að Húsavík s: 847 9515. 

Í næsta nágrenni:
Hveravellir, þar er ein elsta garðyrkjustöð landsins. Þar er hægt að versla grænmeti á virkum dögum frá 8-12 og 13-16 s: 464 3905. 

Staðir nálægt:
Mývatn 33 km Goðafoss 29 km Jökulsárgljúfur 79 km Laxárvirkjun 9 km Þeistareykir: jarðhitasvæði Þar eru áhugaverðir hellar (nánar síðar) Hvalaskoðun á Húsavík 20 km.

Beint frá býli:
Skarðaborg, pantanir í síma 892 0559. Vörur í boði: Ær- og lambakjöt.

Öll önnur almenn þjónusta er á Húsavík 20km frá Heiðarbæ.

Í Hrafntinnuskeri á gönguleiðinni um Laugaveginn stendur Höskuldsskáli, þar er gistirými fyrir 52 manns. 

Skálinn stendur á tveimur hæðum. Á neðri hæð hússins er anddyri, tveir svefnsalir með kojum, langborðum og stólum og eldhús með rennandi köldu vatni, gashellum og öllum eldhúsáhöldum. Á efri hæðinni er eitt herbergi og tveir svefnsalir þar sem sofið er á dýnum á gólfinu. Kolagrill er úti á palli. Sérstakur skálavarðaskáli stendur skammt vestan við húsið. 

Kamaraðstaða með vöskum er sambyggð húsinu en þó er ekki innangengt úr skálanum á kamarinn. Stór og rúmgóður trépallur liggur allt í kringum húsið og tengir skálann og kamarinn. Engin sturta er á svæðinu. Annar lítill kamar er staðsettur á tjaldsvæðinu skammt fyrir neðan skálann auk þess sem reist hefur verið skýli fyrir tjaldgesti. Tjaldað er á grjótmel. 

Flestir gestir skálans ganga Laugaveginn, en auk þess er á svæðinu skemmtileg gönguleið á Söðul. Þegar vel viðrar er krefjandi en skemmtilegt að ganga á Háskerðing, þaðan er stórbrotið útsýni á góðum dögum. 

GPS: N 63°58,849 / V 18°31,319
Við Eldgjá.  Ekki eldhús, WC.

Tjaldsvæðið okkar er ofarlega í þorpinu á kyrrlátum og notalegum stað. Þaðan er öll þjónusta í þorpinu í göngufæri. Aðstaða á tjaldsvæðinu er góð. Þar eru borð og bekkir, salernis- og sturtuaðstaða, og gott rými fyrir hjólhýsi og húsbíla með aðgangi að rafmagni. Í íþróttahúsinu Verinu er aðstaðan til fyrirmyndar, þar er stór innisundlaug og heitir pottar, íþróttasalur og líkamsrækt. Þar er einnig upplýsingamiðstöðin staðsett og ýmis önnur aðstaða fyrir ferðamenn, t.d. þvottavél. Við íþróttahúsið er sparkvöllur þar sem oftar en ekki er hægt að finna bæði með- og mótspilara. Hjarta Þórshafnar slær í takt við sjávarföllin, þar hefur útgerð og fiskvinnsla verið aðalatvinnuvegurinn í gegnum tíðina. Því er gaman að rölta niður að höfn og kíkja á mannlífið. Þá er einnig gaman að ganga um lystigarðinn og heilsa upp á Valda vatnsbera. Þjónusta á Þórshöfn er mjög góð, þar er heilsugæsla og apótek, verslun, veitingastaður, grillskáli, íþróttahús og sundlaug, sparisjóður, pósthús, bensínstöð, bílaverkstæði ofl. Við hafnargarðinn við Fjarðarveg eru komin fæðandi söguskilti um þorpið.

Áhugaverðir staðir í nágrenni Þórshafnar eru t.d. Langanes, Bakkafjörður og Rauðanes. Ef keyrt er út á Langanes er upplagt að heimsækja Sauðaneshúsið og fara út á glæsilegan útsýnispall á Skoruvíkurbjörgum. Að fara út í eyðiþorpið Skála og alla leið út á Font gerir ferðina enn betri.
Norlandair er með daglegt flug frá Reykjavík til Þórshafnar með millilendingu á Akureyri, alla virka daga. Bílaleiga Akureyrar er með útibú á Þórshöfn og býður m.a. uppá hentuga bíla til ferða útá Langanes. Einnig er Hertz bílaleiga á Þórshöfn með allar tegundir bíla. 

Sveitahótelið Heydalur er í 130 km fjarlægð frá Ísafirði og 320 km – 340 km fjarlægð frá Reykjavík eftir því hvaða leið er valin. Veitingasalur, sem er í gamalli hlöðu, rúmar 70 – 100 manns og fundaraðstaða er fyrir 10 – 40 manns. Boðið er upp á gistingu fyrir 59 manns í átta tveggja manna og einu þriggja manna herbergi í flokki 3  og átta tveggja manna og tveimur þriggja manna herbergjum í flokki 4 öll með sér baðherbergjum ásamt þremur sumarbústöðum, annars vegar 10 manna og hins vegar 4 – 5 manna. Gott tjaldsvæði sem er opið frá 1. júní fram í októberlok.

 Gnægð afþreyingar er í boði. Lítil sundlaug í suðrænu gróðurhúsi, heitur frumlegur pottur og náttúrulaug vígð af Gvendi góða. Kajak og hestaleiga með leiðsögn við allra hæfi, bæði styttri ferðir og dagsferðir. Veiði í vötnum.   Á veturna snjóþrúgur og gönguskíði. Falleg gönguleið um dalinn sem eitt sinn hýsti 13 bæi. Friðaður birkiskógur. Fjölbreytt  fuglalíf og plöntugróður. Fugla og plöntuspjöld eru til fróðleiks.

 Veitingasalurinn er öllum opinn. Boðið er upp á fjölbreyttan matseðil, þar sem áhersla er lögð á mat úr héraði, heimaræktuðu grænmeti og nýveiddan silung úr eigið eldi. Veitingastaðurinn er með vínveitingaleyfi.

 Á tjaldsvæðinu er snyrtiaðstaða með heitu vatni, þrjú kvenna og karla klósett og sturtur sitt hvoru megin. Rafmagn fyrir húsbíla og tjaldvagna. Leiksvæði bæði fyrir börn og unglinga. Frábært umhverfi  til göngu og leikja í kjarrinu.

 Hleðslustöð fyrir rafmagnsbíla

 Gisting:  3 hús, 19 herbergi, 59 rúm

Sæluhúsið í Þverbrekknamúla er hlýlegur skáli þar sem gistirými er fyrir 20 manns. 

Gengið er inn í anddyri og þaðan inn í opið rými sem hýsir bæði svefnaðstöðuna og eldhúsið. Þar eru 10 tvíbreiðar kojur en langborð og stólar eru í miðju rýmisins. Í eldhúsinu er rennandi vatn sem pumpað er í vaskinn úr tanki við húsið, gashellur og ágætt úrval eldhúsáhalda.  

Salernishús er rétt hjá og vetrarkamar uppi í hlíðinni fyrir aftan skálann. 

Margir gestir skálans eru á göngu um Kjalveg hinn forna. Þaðan er einnig hægt að ganga á Hrútfell. 

Tjaldsvæðið við Faxa er á bökkum Tungufljóts, við fossinn Faxa og Tungnaréttir. Tjaldsvæðið er í rólegu og fallegu umhverfi og stutt er í alla þjónustu.  

Fallegt útsýni er frá tjaldsvæðinu og fallegar gönguleiðir.  

Nýr veitingastaður hefur opnað á svæðinu.

25 ára aldurstakmark er á svæðinu.

Sjáið okkur á Facebook

Verð 2023
Verð fyrir fullorðna: 1.500 kr
Elli og örorkulífeyrisþegar: 1200 kr
Börn 7 – 15 ára: 500 kr
Börn undir 7 ára: Frítt
Rafmagn: 1.200 kr

Í Reykjarfirði er boðið upp á fjölbreytta gistingu. Í Gamla húsinu er svefnpokagisting í 6 herbergjum með alls 22 rúmum, sameiginlegu eldhúsi og klósetti. Ekki er sturta í húsinu. Einnig bjóðum við upp á gistingu í litlu húsi sem kallast Ástarhreiðrið, en þar er rúm fyrir 5 og eldhúsaðstaða. Gott tjaldsvæði er líka í Reykjarfirði.  

Í Reykjarfirði geta gestir notið fuglalífs og stórbrotinnar náttúru í nálægð við Drangajökul. Við bjóðum líka upp á 20 m útisundlaug og heitan pott þar sem upplagt er að slaka á eftir gönguferðir og aðra útiveru.

Tjaldsvæðið í Blágiljum er um 10 km sunnan við Laka, frábærlega staðsett á grasbala undir brún Skaftáreldahrauns.  

Til að komast að Blágiljum þarf að keyra Lakaveg (F206) þar sem eru nokkrar óbrúaðar ár og er því aðeins fært þangað á góðum jeppum. 

Við tjaldsvæðið er fjallakáli með svefnpokaplássi fyrir 16 manns og eldhúsaðstöðu, salerni og sturtu. 

Kalt vatn er á tjaldsvæðinu og nota tjaldgestir vatnsalerni í skálanum og er hægt að elda og matast í skálanum ef pláss leyfir en borga þarf fyrir það sértaklega (500 kr á mann). Tjaldgestir geta einnig notað sturtuaðstöðuna í skálanum. 

Nánari upplýsingar og bókanir fyrir Blágiljaskála eru á Gestastofu Vatnajökulsþjóðgarðs á Kirkjubæjarklaustri, sími 4874620 og/eða klaustur@vjp.is  

Tjaldsvæði með setustofu, eldhúsi, wc og sturtu. Rafmagnstenglar. 

Opið allt árið.

Margir áhugaverðir staðir í nágrenninu. 

GPS: N64°05,176 W18°24,946 Við Langasjó.  WC, gas til eldunar.

Tjaldsvæðið er í hjarta bæjarins í gróðursælu umhverfi þaðan sem stutt er í alla þjónustu svo sem sundlaug, leikvelli, matvöruverslun, gjafavöruverslanir, bókasafn, listasafn, reiðhjólaleigu, hestaleigu og Golfvöll. Stutt er í góðar gönguleiðir eins og Heilsuhringinn sem liggur í gegnum sjálft tjaldsvæðið og Reykjadalurinn margrómaði.

Í þjónustuhúsinu er góð salernis og sturtuaðstaða, þvottavél og þurrkari.

Áfast við þjónustuhúsið er hálfþak þar sem aðstaða er til uppvöskunar með heitu og köldu vatni. Eins er gott að sitja þar undir og neita nestis.
Þvottavél og þurrkari eru einnig þar.
Stór tunnugrill eru á staðnum.

Hvammstangi er stærsti þéttbýlistaður í Húnaþingi vestra. Hann er tilvalinn áfangastaður ferðamanna, þar er mjög góð sundlaug,verslanir,veitingastaður,söfn,gallerí og önnur nauðsynleg þjónusta.

Frá Hvammstanga er stutt að keyra út á Vatnsnes sem hefur að geyma fjölmarga sögustaði,fallegt landslag og síðast en ekki síst selalátur í þægilegu göngufæri. 

Tjaldstæðið í Kirkjuhvammi á Hvammstanga er aðeins 6 km frá þjóðvegi 1, miðja vegu milli Reykjavíkur og Akureyrar.

Einstakt tjaldstæði í skjólgóðum hvammi fyrir ofan bæinn,með fínu þjónustuhúsi og góðri þjónustu fyrir tjald- og húsvagna.
Góðar gönguleiðir eru fyrir ofan svæðið í fallegri náttúru.

Verð 2024

Fullorðnir: 1.500 kr
Eldri borgarar: 1.300 kr
Börn yngri en 16 ára: ókeypis
Rafmagn:   1.000 kr

Upplýsingar um svæðið er að finna á heimasíðu ferðamálahóps Borgarfjarðar

. Gistirými: 33 svefnpokapláss
. Sími: Enginn
. GPS: N65°23.68-W13°44.42
. Annað: Timburkamína til upphitunar. Gashellur til eldunar. Vatnssalerni. Sturta. Tjaldstæði, kolagrill en ekki kol.
. Arh: Skálinn er læstur á veturna, en sjálfboðaliðar vinna við gæslu á sumrin 

Á tjaldsvæðinu er góð hreinlætisaðstaða ásamt góðu aðgengi fyrir fatlaða. Þar er góð snyrtiaðstaða með heitu og köldu vatni og útivask. Þar er aðgangur að rafmagni fyrir húsbíla og hjólhýsi. Í þjónustumiðstöðinni Hraunborgum er “þvoið sjálf þjónusta” , þvottavél og þurrkari.

Tjaldstæðið er alveg við þjónustumiðstöð Hraunborga. Á svæðinu er fjölbreytt afþreying í boði t.d. sundlaug, golfvöllur, mini-golf, körfuboltaaðstaða, leiktæki fyrir börn, leikherbergi, sjónvarp og útsýnisskífa.

Sundaðstaðan samanstendur af sundlaug ásamt tveimur heitum pottum, vaðlaug og eimbaði. Sundlaugargestir geta notið sumarblíðunnar við góðar aðstæður, hvort sem þeir vilja busla í lauginni eða slaka á í heitu pottunum og eimbaðinu.

Skemmtilegur 9 holu par 3 golfvöllur er í nágrenni þjónustumiðstöðvarinnar. Golfvöllurinn hentar vel bæði byrjendum sem og fjölskyldu- og vinahópum. Þá geta kylfingar, sem eru lengra komnir, ekki síður notið góðs af því að spila völlinn og æft sveifluna og stutta spilið.

Hægt er að fara í mini-golf við þjónustumiðstöðina. Á bakvið þjónustumiðstöðina er gott leiksvæði fyrir börn en á tjaldstæðinu er auk þess körfuboltaaðstaða.
Innandyra er margt hægt að gera sér til dægrastyttingar, spila billiard, þythokkí og fótboltaspil. Þeir sem vilja taka það rólega geta sest niður og haft það notalegt fyrir framan sjónvarpið.
Útsýniskífa með gott aðgengi fyrir fatlaða er á svæðinu þar sem hægt er að sjá hvernig landið liggur og læra helstu örnefni nágrennisins.

 Svæðið er mjög vinsælt meðal fjölskyldufólks, starfsmannafélaga og vinahópa. Á hverju ári eru fjölmörg ættarmót haldin í Hraunborgum en þar er sérlega gott útivistarsvæði bæði fyrir börn og fullorðna. Þjónustumiðstöðin er með yfirbyggðum sólpalli þar sem hægt er að slappa af og grilla. Hægt er að leigja pallinn fyrir stærri viðburði.

 Svæðið er hugsað sem fjölskyldusvæði og ætlast er til að ró komist á um miðnætti. Aldurstakmark er 25 ára nema sé í fylgd með öðrum fjölskyldum. Fjölskyldufólk er velkomið þó það hafi ekki náð 25 ára aldri.

Leyfilegt er að hafa hunda á tjaldsvæðinu ef þeir eru í bandi.

Þjónustumiðstöðin er opin:

Mánudaga til laugardaga:  10:00 – 20:00

Sunnudaga:  10:00 – 17:00

Verslunarmannahelgin (laugardag til mánudag): 10:00 – 18:00 og 20:00 – 24:00

Þjónustumiðstöðin og tjaldsvæðið er opið frá 22. maí til 31. ágúst 2014
Sími þjónustumiðstöðvar er 486 4414

Opnunartími

13 maí til 28 ágúst

Verð 2016

Verð á tjald, hjólhýsi, tjaldvagn, fellihýsi og húsbíl pr sólarhring:  2.900 kr

Tvær nætur:  5.500 kr
Þrjár nætur: 7.500 kr

Rafmagn:  1.000 kr
Þvottavél:  800 kr
Þurrkari:  800 kr

*Verðin gætu breyst um Verslunarmannahelgi.

Á Berunesi er að finna eitt elsta Farfuglaheimilið í HI keðjunni auk tjaldsvæðis og veitingastaðar sem opinn er yfir hásumarið. Í eldhúsinu er lögð áhersla á að nýta stað- og árstíðarbundin matvæli frá sjó og landi og barinn býður upp á úrval drykkja frá nálægum brugghúsum.

Hægt er að velja milli herbergja með sameiginlegu baði, leigu á gamla bænum og þægilegra smáhýsa, sem henta sérstaklega vel fyrir fjölskyldur. 

Á svæðinu er úrval gönguleiða á mismunandi erfiðleikastigum og af tindum er útsýni yfir suðurfirðina. Mikið fuglalíf er á svæðinu og einstök steinasöfn á Djúpavogi og Stöðvarfirði. 

Berunes er tilvalinn staður til þess að upplifa allt það sem Austurland hefur uppá að bjóða. Innan við 90 mínutna fjarlægð er Höfn, Egilsstaðir, Vök Böðin, Óbyggðasetrið, Seyðisfjörður og Stuðlagil. 
______

Við hjá Farfuglum leggjum okkur statt og stöðugt fram við að standa undir orðspori okkar sem leiðtogar á sviði sjálfbærrar ferðaþjónustu. Við tökum virkan þátt í að efla sjálfbærni í okkar samfélögum og sýnum það í verki í allri okkar starfsemi og stefnu.  

AÐSTAÐA

Hótel Laugarhóll er heimilislegt, sveitahótel í gróðursælum dal á Ströndum, miðja vegu milli Ísafjarðar og Reykjavíkur. Boðið er upp á gistingu í eins, tveggja og þriggja manna herbergjum, með eða án sér baðs. Einnig er tekið er á móti hópum, allt að 40 manns í uppbúin rúm. Á Laugarhóli er að finna notalega setustofu með nettengingu, veitingastað, íþróttasal og gallerí, sundlaug og heitan pott. Skammt frá hótelinu er tjaldsvæði með rennandi vatni og salernum.  Tjaldsvæðið er opið frá 1. júní til 1. september.

Utan háannatíma hentar staðurinn einstaklega vel til funda-, námskeiða- og ráðstefnuhalds og ekki síður sem æfingabúðir fyrir kóra, leik- og íþróttahópa, björgunarsveitir eða gönguskíðagarpa,  

AFÞREYING

Við hótelið stendur Gvendarlaug hins góða, ylvolg sundlaug, með náttúrulegu heitu vatni (32°C) og náttúruleg heit uppspretta (42°C), vinsæll viðkomustaður hjá lúnum ferðalöngum. Í næsta nágrenni eru fjölbreyttar og fallegar gönguleiðir, silungsveiði, hestaleiga, sjóstangveiði og lundaskoðun, ósnert og víða stórbrotin náttúra og ævintýralegar rekafjörur sem eru eitt helsta tákn Strandasýslu.

VEITINGASTAÐUR

Boðið er uppá veitingar í björtum og notalegum borðsal með útsýni yfir sveitina. Þar má gæða sér á bragðgóðum, heimilislegum mat úr héraði í bland við framandi rétti. Á boðstólum er að jafnaði ferskt sjávarfang, heimalagaðar súpur og nýbakað brauð, ásamt grænu salati og kryddjurtum úr garðinum, að ógleymdum girnilegum eftirréttum.

KOTBÝLI KUKLARANS

Strandir hafa löngum verið kenndar við galdra og í Bjarnarfirði bjó Svanur galdramaður á Svanshóli sem getið er í upphafskafla Njálu. Kotbýli kuklarans er annar áfangi Galdrasafnsins á Hólmavík og stendur við hlið Gvendarlaugar. Það sýnir vel þær aðstæður sem almúgafólk á Ströndum bjó við á tímum galdrafársins og fátæklegur aðbúnaðurinn útskýrir ef til vill þörf þess til að sækja sér styrk í kukl.

GVENDARLAUG HINS GÓÐA

Sundlaugin á sér merka sögu en hún var byggð á fimmta áratug síðustu aldar með sameiginlegu átaki bænda úr hreppnum. Nýleg sundskýli eru við laugina og í anddyri þeirra er sýning sem greinir í máli og myndum frá byggingu laugarinnar.

GVENDARLAUG HIN FORNA

Skammt ofan við sundskýlin er Gvendarlaug hin forna, náttúruleg heit uppspretta, blessuð í byrjun 13. aldar af Guðmundi góða fyrrum Hólabiskupi. Hún er talin búa yfir lækningamætti og er nú friðuð og í umsjá Þjóðminjasafns Íslands.

STAÐSETNING

Frá Reykjavík er rúmur þriggja stunda akstur (258 km) að Laugarhóli, gegnum Borgarnes og Búðardal til Hólmavíkur. Þaðan liggur leiðin fyrir botn Steingrímsfjarðar og yfir Bjarnarfjarðarhálsinn. Hótel Laugarhóll er við veg nr. 643.

Dalahestar er lítið fjölskyldu rekið fyrirtæki sem bíður upp á sérsniðna reiðtúra í fallegu nærumhverfi Hvammsfjarðar. Við bjóðum einstaklingum og litlum hópum að upplifa einstaka náttúru og útsýni. 

Vinsamlegast hafið samband vegna ferða og bókana. 

Tjaldsvæðið er á sjávarbakkanum yst á Tjörnesi með óhindruðu útsýni til hafs. Óvíða er sólarlagið fegurra og talsvert fuglalíf á svæðinu.

Góð snyrtiaðstaða með sturtum. Salernisaðstaða fyrir fatlaða. Eldunaraðstaða og hægt að borða  inni.

Um 35 km eru í Ásbyrgi og 24 km til Húsavíkur. Þá eru 80 km til Mývatns og 100 km til Akureyrar.

Tjaldsvæðið er við austurenda byggðarinnnar, með salerni, rafmagni og losun fyrir húsbíla. Það stendur við fallegt skógræktarsvæði með grillaðstöðu og leiktækjum.
Upplýsingamiðstöð fyrir ferðamenn er opn allt árið í Brekkunni.

Salerni, rafmagn, upplýsingamiðstöð (600 m), ruslagámar, klóaklosun fyrir húsbíla, bekkir og borð, grillaðstaða, fjallasýn, leikvöllur, íþróttavöllur, sundlaug (500 m), heitir pottar (500 m), veitingahús (600 m), kaffihús (600 m), vínveitingar (600 m), dagvöruverlsun (600 m), bensínstöð (700 m), gönguleiðir, veiði, heilsugæsla (500 m).

Opinn eldur bannaður, hundar í bandi leyfðir.

Verð:

• Fullorðnir: 2000 kr/mann nóttin + gistináttaskattur
• Eldri borgarar og öryrkjar: 1750 kr/mann + gistináttaskattur
• Börn: 0 kr - yngri en 16 ára
• Rafmagn: 1000 kr/sólarhring

Opnunartími: 1. júní - 31. ágúst.

Góð hreinlætisaðstaða með sturtu. Hægt er að komast í þvottavél og þurrkara. Stutt er í verslun, sundlaug, verslun og veitingahús. Drangsnes er góður viðkomustaður á leið í Árneshrepp en þangað eruð um 90 km. Í boði eru siglingar út í Grímsey sem er náttúruparadís.  Á svæðinu er íþróttavöllur, ærslabelgur, heitir pottar í fjörunni og margt fleira.

Á tjaldsvæðinu er kolagrill. Hægt að fá samkomuhúsið leigt en þar er góður salur fyrir 120 manns í sæti. Kjörið fyrir ættarmót..

Góð  veitinga og gistiaðstaða ásamt afþreyingu  á Drangsnesi.

Verð 2021:
Verð fyrir fullorðna: 1.250 kr
Verð fyrir börn:  Frítt fyrir yngri en 14 ára
Verð fyrir sturtu: 400 kr
Rafmagn:  1.000 kr

Útilegukortið gildir hjá okkur. 

Gistihúsið í Rauðsdal er opið allt árið. Gistingin er í sérhúsi með 12 herbergjum án baðs. Eldunaraðstaða er fyrir gesti og í boði er morgunverður fyrir þá sem þess óska yfir sumartíman.

Í Rauðsdal er boðið upp á gistingu í uppbúnum rúmum og svefnpokaplássi.

Gistihúsið er vel staðsett fyrir farþega Breiðafjarðarferjunar Baldurs, er aðeins í 5 kílómetra aksturfjarlægð frá ferjuhöfninni á Brjánslæk. Fyrir neðan bæinn er einstök sandströnd – tilvalin fyrir gönguferðir, þar eru hin sérstöku Reiðsskörð sem er berggangur í sjó fram. Í Rauðsdal er ásamt rekstri gistihúss stundaður hefðbundinn búskapur með kindur og kýr.

Rauðsdalur er við veg 62, í 50 km akstursfjarlægð frá Patreksfirði og 85 km frá Látrabjargi. 2 sundlaugar eru í næsta nágrenni, á Krossholtum í 6 km fjarlægð og við Flókalund í 10 km fjarlægð, á báðum stöðum eru einnig heitir náttúrupottar.

Frystiklefinn er marg-verðlaunað menningarsetur og hostel, staðsett í uppgerðu frystihúsi í Rifi, litlu þorpi á norðanverðu Snæfellsnesi. 

Íslensk list, menning og gestrisni einkenna Frystiklefann og fara gestir, sem leita eftir einstakri íslenskri upplifun þaðan með ógleymanlegar minningar í farteskinu. 

Hjá Frystiklefanum er boðið upp á sérherbergi, dorm, tjaldsvæði og fimm íbúðir.

Frá þjóðvegi eru 35 km í Hólaskjól þar sem keyrt er á F vegi, engar óbrúaðar brýr eru á leiðinni og því hægt að komast á nánast hvaða bíl sem er yfir sumartímann ef farin er syðri leiðin.

Frá Hólaskjóli eru um 7 km inn í Eldgjá, en skömmu áður en þangað er komið, þarf að fara yfir á sem er óbrúuð. Hún er ekki fær nema bílum með drifi á öllum hjólum.

Hólaskjól er við Lambskarðshóla, upp við hrauntungu sem rann þegar Eldgjá gaus, árin 934-940. Þar er friðsælt og umhverfi fagurt. Einungis er 5 mínútna gangur upp á hrauntunguna að fallegum fossi í Syðri-Ófæru. Bændurnir vilja meina að hann beri ekkert nafn en ýmis nöfn hafa fest við hann, til dæmis Silfurfoss eða Litli Gullfoss.

Í Hólaskjóli er svefnpokapláss fyrir 61 gest í tveggja hæða skála. Á tjaldsvæðinu eru borð og bekkir til að matast við, salernisaðstaða og sturtur. Einnig eru fjögur smáhýsi sem leigð eru bæði með og án sængurfata.

Landmannalaugar og Langisjór eru í klukkutíma fjarlægð frá Hólaskjóli, þar eru margar óbrúaðar brýr og því þarf að vera á bílum með drifi á öllum hjólum.

Hestahópar eru velkomnir til okkar, góð aðstaða og heysala er á staðnum.

• Svefnpokagisting í skála fyrir 61 mans
• Smáhýsi með WC og eldunaraðstöðu, kojur fyrir fjóra
• Tjaldstæði með salerni og sturtu
• Hús við Langasjó með veiðileyfi (veiðihúsið við Langasjó stendur á nesi syðst við Langasjó):
• Svefnpokagisting, kojur fyrir fjóra og svefnsófi fyrir tvo
• Veiðileyfi í Langasjó

Gps hnit: 64° 7,144'N, 18° 25,689'W (ISN93: 527.862, 401.918)

Hægt er að bóka hér

Tjaldsvæðið er í göngufæri við hverasvæðið, Haukadalsskóg, Hótel Geysi og veitingahúsið og ísbúðina Geysi

Tjaldsvæðið við Geysi í Haukadal er staðsett í náttúruperlunni á Geysi, við hliðina á hverasvæðinu og á móti Hótel Geysi og söluskálanum á Geysi. Á tjaldsvæðinu geta náttúruelskendur og þeir ævintýragjörnu sem vilja vera frjálsir eins og fuglinn haft möguleika á að tjalda við jaðar hverasvæðisins með Geysi og Strokk í nokkurra metra fjarlægð. Látið hverinn vekja sig á morgnana eða svæfa sig á kvöldin.

Í þjónustuhúsinu er aðstaða fyrir gæslu, sturtur, góð salernisaðstaða, salerni fyrir fatlaða og þvottaaðstaða. Leiktæki eru fyrir börnin og fótboltamörk. Rafmagn er á svæðinu.
Tjaldsvæðið er í göngufæri við hverasvæðið, Haukadalsskóg og alla þá þjónustu sem býðst á Geysissvæðinu. Til dæmis geta gestir farið út að borða á Hótel Geysi, og nýtt sér fjölbreytta verslun söluskálans. Alltaf er líf og fjör í garðinum við hótelið, góðar veigar af matseðli í allt sumar. Á Geysir Glímu sem er beint á móti tjaldsvæðinu er fjölbreyttur veitingastaður, ísbúð og kaffihús. Hægt að finna eitthvað fyrir alla fjölskylduna allt frá pizzu upp í ferskan fisk eða gómsæta súpu. Einnig gómsætt nýmalað Illy kaffi og úrval af kökum og sætum bitum.

Notalegt umhverfi þar sem gott er að njóta góðra veitinga á.

Fjölbreytt afþreying er í boði á Geysissvæðinu. Haukadalsvöllur er rétt hjá tjaldstæðinu (www.geysirgolf.is), hestaleiga er á Kjóastöðum rétt við Geysi, flúðasiglingar á Hvítá og riverjet (http://www.icelandriverjet.is/), hestasýningar í Friðheimum (Reykholti) og laxveiði í Tungufljóti svo fátt eitt sé nefnt. Frábært nútímalegt margmiðlunarsafn er staðsett í söluskálanum á Geysi. Aðgangur er ókeypis. Þar er að finna margskonar fróðleik um náttúru Íslands. Gestir geta fundið og upplifað kraftinn sem einkennir náttúru þessa lands og kynnst fyrirbærum á borð við eldgos, hlaup, jarðskjálfta, norðurljós og íshelli.

Tjaldsvæðinu er skipt upp þannig að hluti þess sem liggur að hverasvæðinu er eingöngu fyrir tjöld.
Húsbílar, hjólhýsi, fellihýsi, tjaldvagnar og aðrir vagnar tjalda á sérsvæði þar sem einnig er boðið upp á rafmagn.

Njótið sumarsins og fallegrar náttúru Íslands

Opnunartími
15. maí til 15 september

Umgengisreglur

• Greitt er fyrir tjaldstæði í tjaldhúsi Geysis á tjaldsvæði við komu
• Umferð ökutækja er ekki leyfð frá kl. 24:00 til kl. 8:00
• Á miðnætti skal vera komin ró á svæðið. Þar sem hvíld er öllum ferðamönnum nauðsynleg þá vonum við að þú munir sofa vel
• Vinnið ekki spjöll á náttúrunni
• Sorp skal láta í þar til gerð ílát
• Rafmagn greiðist í tjaldshúsi tjaldsvæðisins fyrir notkun
• Brot á umgengnisreglum getur varðað brottrekstri
• Engin ábyrgð er tekin á eignum tjaldgesta
• Leiksvæði er á eigin ábyrgð og börn á ábyrgð ábyrgðarmanna sinna

Starfsfólk Geysis leggur sig fram um að mæta kröfum ykkar og óskum eftir bestu getu. Ef þið hafið einhverja spurningar eða óskir, endilega leitið til tjaldstæðavarðar.

Verð 2016:

Verð fyrir fullorðna:  1.700 kr
Verð fyrir börn (8 – 15 ára):  500 kr
Verð fyrir börn (0-7 ára):  frítt
Eldri borgarar og öryrkjar:  800 kr
Rafmagn:  1.000 kr fyrir 24 klst
Sturtur:  400 kr

Greitt er fyrir tjaldstæði hjá tjaldsvæðaverði sem er staðsettur í þjónustuhúsnæðinu á tjaldsvæðinu.

Tjaldsvæðið Skjól er staðsett milli Gullfoss og Geysis. Tjaldsvæðið er stórt og þar er rafmagn og frítt wifi. 

Á svæðinu er veitingastaður, eldhús opið milli 12-15 og 18-23  

Einnig er seyrulosun, mini golf ásamt poolborði á efri hæð og stór hoppudýna sem hefur slegið í gegn hjá börnunum. - frítt í afþreyingu .

Það eru nægir staðir að skoða í nágrenni tjaldsvæðisins og þar á meðal eru Geysir, Gullfoss, Laugavatn, Kerlingafjöll og margt fleira. Einnig má finna næga afþreyingu en á næsta bæ er hestaleiga og svo er einn glæsilegasti golf völlur landsins aðeins 3 km frá tjaldsvæðinu.

Boltinn sýndur á tjaldsvæðinu um helgar.

Opnunartími: Opið allt árið

Áfangi er gagnamannaskáli í eigu Húnavatnshrepps.
Á sumrin er rekin ferðaþjónusta sem tekur á móti ýmiskonar hópum s.s hestahópum og gönguhópum. 
Veitingasala er í Áfanga fyrir gesti og gangandi.

Í Áfanga er svefnpokapláss fyrir 32 manns í 8 fjögura mann herbergjum.  Svefnpláss á dýnum í setustofu.  Hægt að fá uppábúin rúm.

Eldhús og borðsalur eru til afnota fyrir næturgesti og hópa.  Aðkeyrsla og dyr beint inn í eldhúsið.
Veitingasala og verslun er í Áfanga.  Boðið er uppá morgunmat, hádegismat, kaffi og kvöldmat.  Súpa og brauðmeti er ávallt til en stærri máltíðir þarf að panta fyrirfram.  Bjór, gos og sælgæti er til sölu.

Í Áfanga er heitur pottur og góð sturtuaðstaða.  
Fátt er betra en hvíld í heitum potti eftir langan ferðadag.

GPS: N65°08,701 W19°44,148 
Aðstaða fyrir hesta, hesthús og hey.

Tjaldsvæðið er vel gróið og eru tjaldstæðin á misstórum flötum inn á milli trjánna.

Sumarhúsin eru til leigu allt árið. Gistirými í 20 velbúnum húsum fyrir allt að 110 manns. Heitir pottar eru við flest húsin. Búið í fallegu sumarhúsi, í frábæru umhverfi og látið ykkur líða vel. Bjóðum auk þess upp á svefnpokapláss. Við viljum vekja athygli á að glæsileg ný sundlaug var opnuð á Blönduósi sumarið 2010.

Afgreiðsla Glaðheima er í upplýsingamiðstöðinni í Brautarhvammi við þjóðveg 1. Utan opnunartíma er alltaf svarað í síma 820 1300 eða 690 3130.

Upplýsingar um svæðið er að finna á heimasíðu ferðamálahóps Borgarfjarðar

. Gistirými: 33 svefnpokapláss
. Sími: Enginn
. GPS: N65°27.830-W13.40.286
. Annað: Timburkamína til upphitunar. Gashellur til eldunar. Vatnssalerni. Sturta. Tjaldstæði, kolagrill en ekki kol.
. Ath: Skálinn er læstur á veturna en sjálfboðaliðar vinna við gæslu á sumrin.    

Tjaldsvæðið á Höfn er staðsett á vinstri hönd þegar komið er inn í bæinn. Stutt er í alla þjónustu og aðeins örfáar mínútur tekur að ganga að sundlauginni og góðum golfvelli.

Tjaldsvæðið býður upp á skipulögð stæði fyrir húsbíla og ferðavagna, gott aðgengi að rafmagni, eldunaraðstöðu, þráðlausa nettengingu, þvottaaðstöðu og afgirtan leikvöll. 

Á tjaldsvæðinu er einnig boðið upp á gistingu í smáhýsum með uppábúnum rúmum frá miðjum apríl til 15. október (einnig er mögulegt að fá þau leigð án rúmfata). 

Opnunartími

Tjaldsvæðið er opið allt árið en smáhýsi eru aðeins leigð út á sumrin.

Hótel Arnarstapi er nýtt 36 herbergja hótel staðsett við rætur Stapafells og Snæfellsjökul. Á hótelinu er veitingastaðurinn Snjófell sem opinn er frá 10:00 - 21:00. Á honum er fjölbreyttur matseðill í boði gerður úr íslensku hráefni. Hótelið er mjög vel staðsett til þess að heimsækja helstu perlur Snæfellsnes s.s. Djúpalónssand, Dritvík, Snæfellsjökul, Rauðfeldsgjá, Lóndranga, Saxhól svo eitthvað sé nefnt. Hótelið er einnig í 2,5 km göngufæri frá Hellnum. Gönguleiðin byrjar frá Höfninni í Arnarstapa sem er í nokkra mínútna göngufjarlægð frá Hótelinu og endar í fjörunni á Hellnum. Þessi ganga er einstök því gengið er meðfram ströndinni fram hjá Gatklett inní hraunið og niður í fjöru. Gestamiðstöði þjóðgarðsins Snæfellsjökuls er á Malarifi sem er í 10 km fjarlægð frá Arnarstapa.

Öll herbergin eru með sérbaðherbergi með hárþurrku og ókeypis snyrtivörum. Morgunmatur er í boði á hótelinu.

Gatklettur er 220 metra frá hótelinu. Styttan af Bárði Snæfellsás er 400 metra í burtu. Miðbær Ólafsvíkur er 37 km frá Arnarstapa.

Arnarstapi er á einum fallegasta stað Snæfellsnes.

32 herbergi, Dbl/Twin/Triple
4 x íbúðir sem rúma 6 manns, elshúskrókur og 2 baðherbergi.
Morgunverður frá 07:00-10:00
Veitingastaður og bar
Þráðlaust internet
Gönguleiðir
Fuglaskoðun

Gróður- og skjólsælt tjaldsvæði rétt við Skorradalsvatn. Öll helstu nútímaþægindi, heitt og kalt vatn, sturta, klósett og rafmagn eru á svæðinu og ruslagámur í grendinni. Í næsta nágrenni eru t.d. Hreppslaug og margar merktar gönguleiðir t.d. Síldarmannagötur ásamt fjöllum til að klífa. Tjaldsvæði fyrir þá sem vilja öll helstu nútímaþægindi en á sama tíma vera í mikilli nálægð við náttúruna.

Á svæðinu er heitt og kalt vatn, sturta, klósett og rafmagn. Ruslagámur er rétt hjá svæðinu.

Verð 2024:

Verð fyrir fullorðna: ISK 1.600,-
Frítt fyrir 15 ára og yngri
4. hver nótt frí
Rafmagn: ISK 1.200,-

Eldra tjaldsvæðið er staðsett á fallegum stað í þéttum birkiskógi nálægt Ártindum sem er falleg klettamyndun. Nýtt tjaldsvæði hefur verið tekið í notkun sem er á heimatúni við bóndabæinn Á.

Við eldra tjaldsvæði er klósettaðstaða og vaskar en einungis kalt vatn í boði. Á heimatúni bóndabæjarins Á er búið að endurgera mjólkurhúsið sem hreinlætisaðstöðu með 3 klósettum og heitu og köldu vatni. Rafmagn er í boði á túninu og 24 innstungur eru þar í tveimur kössum.  Þar er aðstaða til að elda og borða innandyra en þar er eldavél og örbylgjuofn.

Fallegur staður við sunnanverðan Breiðafjörð þar sem hægt er að njóta fallegra gönguleiða ásamt öllu því nátturulífi sem Breiðafjörður hefur uppá að bjóða.

Hótel Leirubakki leggur áherslu á góða og persónulega þjónustu og kappkostar að mæta kröfum hvers og eins.
Mjög falleg og hlýleg setustofa er í hótelinu og heitir pottar við húsvegginn, auk þess sem saunabað og stærri laug, Víkingalaugin, standa gestum til boða.
Veitingahúsið í sal Heklusetursins er í hæsta gæðaflokki og þar fer saman glæsilegur salur og frábært útsýni þar sem Hekla og Búrfell blasa við augum.

Mjög góð aðstaða er til funda- og ráðstefnuhalds og einnig hefur starfsfólk okkar mikla reynslu í að skipuleggja brúðkaupsveislur, óvissuferðir, hvataferðir, ættarmót og hvers kyns samkomur.
Leirubakki er í aðeins 100 km fjarlægð frá Reykjavík á góðum, malbikuðum vegi alla leið. Staðurinn er miðsvæðis á Suðurlandi og flestir sögustaðir og náttúruperlur  þessa landshluta eru í innan við klukkustundar akstursfjarlægð frá Leirubakka.

Hótel Leirubakki og Heklusetrið bjóða gesti velkomna allt árið.  Staðurinn er þekktur fyrir mikla náttúrufegurð og gott veður. Glæsilegt útsýni er til allra átta og fátt er betra en að njóta slökunar í heitum laugum staðarins hvort heldur er í miðnætursól á sumrin eða við skin norðurljósa og stjarna að vetrinum.

Tjaldsvæði eru opin frá maí og út september.

Tjaldsvæðið er við suðurinnkeyrsluna í bæinn (þegar komið er frá Akureyri) alls 9.500 fermetrar að stærð.  Það stendur við hlið íþróttasvæðisins, skólans og Sundlaugar Dalvíkur. Í kring er góð aðstaða til leikja fyrir börn, grasbalar fyrir leiki og boltaspark, gervigras sparkvöllur, körfuboltavöllur og ýmis leiktæki.

Á tjaldsvæðinu er heitt og kalt vatn, sturtur og snyrtingar með aðgengi fyrir fatlaða. Á svæðinu er góð aðstaða innandyra, þar er hægt að þvo leirtau og elda. Innandyra er aðstaða til að setjast niður.

Hægt er að komast í þvottavél, þurrkara og aðstöðu til að þurrka skóbúnað.

Einnig er rennandi vatn fyrir áfyllingar á vatnstanka og niðurfall fyrir losun ferðaklósetta.

Aldurstakmark er 18 ár nema í fylgd með forráðamönnum. Starfsmenn á vegum tjaldsvæðis munu sjá um að rukka aðgang að tjaldsvæðinu. Þeim tilmælum er þó beint til gesta að hafa samband í síma 625-4775 til að greiða fyrir gistingu og afnot af rafmagni eftir því sem við á ef starfsmenn hafa ekki haft samband fyrir brottför. Í Sundlaug Dalvíkur er einnig að finna upplýsingar um Dalvíkurbyggð og nágrenni og starfsfólk leitast við að aðstoða gesti ef upplýsingar vantar.

Opnunartími:
15. maí til 15. September 

Verðskrá 2024:
Fullorðnir: 2.450kr
Börn: Frítt fyrir 14 ára og yngri
Eldri borgarar og öryrkjar: 1.500kr
Þvottavél: 800kr
Þurkari: 800kr
Rafmagn: 1.300kr
Gistináttaskattur: 333kr á hverja einingu 

Tjaldstæðið í Stykkishólmi er staðsett í jaðri bæjarins og öll aðstaða þar eins og best verður á kosið. Þráðlaus nettenging er á svæðinu og öll þjónusta í göngufæri, s.s. sundlaug, verslanir og veitingahús. Afgreiðsla fyrir svæðið er í golfskála Golfklúbbsins Mostra, sem staðsettur er fyrir innan tjaldsvæðið. 

Salerni - á tjaldsvæðinu í Stykkishólmi er salernisaðstaða á 2 stöðum, þjónustuhúsi og í golfskála. Þetta eru 14 vatnssalerni. Vaskaaðstaða er við öll salerni og einnig eru útivaskar til að þvo leirtau ofl.

Sturtur - 2 útisturtur með heitu vatni eru við nýja þjónustuhúsið á tjaldsvæðinu sem gestir tjaldsvæðisins geta nýtt sér endurgjaldslaust. 

Þvottavél og þurrkari - á tjaldsvæðinu í Stykkishólmi er aðgangur að þvottavél og þurrkara í golfskálanum. Greitt er sérstaklega hjá tjaldsvæðisvörðum fyrir hvern þvott/þurrkun.

Upplýsingar - tjaldsvæðaverðir veita allar upplýsingar um tjaldsvæðið. Þeir eru oftast á svæðinu á milli kl.8 og 22. Ekki er víst að á öllum tímum sé hægt að hitta á þá í þjónustuhúsi, því þeir þurfa að sinna ýmsum verkefnum á svæðinu s.s. þrifum og þess háttar.

Rafmagn - rafmagnstöflur eru víðsvegar um tjaldsvæðið sem gestir geta fengið aðgang að. Sérstök millistykki þarf til að tengjast töflunum en þau fást hjá tjaldvörðum. 

Verð 2022

Verð fyrir fullorðna: 1.600,- kr.
Verð fyrir börn: frítt fyrir 15 ára og yngri
Ellilífeyrisþegar og öryrkjar: 1.100,- kr.
Rafmagn: 1.100,- kr.

Opið fyrir veisluhöld allt árið. Uppbúin rúm og svefnpokagisting í boði. Vinsamlegast hafið samband vegna verðlista og bókana.

Tjaldsvæði er staðsett í miðjum Bárðardal vestan Skjálfandafljóts um 23 km frá þjóðvegi 1 eða um það bil 20 kílómetrum eftir að komið er niður af Sprengisandi.

Fallegir fossar eins og Goðafoss, Aldeyjarfoss og Hrafnabjargarfossar eru í nágrenninu.

Tjaldsvæði á friðsælum og rólegum stað. Salernis- og sturtuaðstaða ásamt aðgangi að rafmagni. Fótboltamörk og leikvöllur á staðnum.

Fín aðstaða fyrir ættarmót.

GPS: N63°50,330 W18°58,477 
Norðvestur af Strút á Mælifellssandi.  Wc.  

Tjaldsvæðið er við skála Útivistar við fjallið Strút á Mælifellssandi.  Við tjaldsvæðið Strút er ákjósanlegur áningarstaður á milli Álftavatna í austri og Hvanngils eða Emstra í vestri. Hægt er að velja um fjölda áhugaverðra gönguleiða í nágrenni skálans. Göngukort er til sölu á skrifstofu Útivistar eða hjá skálaverði, sem er á staðnum frá byrjun júlí og fram í miðjan ágúst.  Bílvegur liggur að skálanum frá Mælifellssandi. Sé komið Fjallabaksleið syðri (F210) að vestan er beygt til norðurs á vegamótum þar sem er  GPS-hnit N63°48.023 / V18°57.351. Einnig er hægt að aka Öldufellsleið (F232) að austan og beygt er til norðurs á sömu vegamótum.

Skálavörður er í Strút á annatíma á sumrin.

Tjaldsvæðið er í um 900 m fjarlægð frá Skutulsfjarðarbraut. Bunárfoss liggur í gegnum svæðið og skiptir því í tvo hluta, annar hlutinn er ætlaður húsbílum, hjólhýsum og tjaldvögnum og hinn hlutinn er ætlaður tjöldum. Á svæðinu er gott aðgengi að rafmagni, sléttar flatir og svæðið er mjög skjólsælt.

Á svæðinu eru tvö þjónustuhús. Í efra húsinu er móttaka, snyrtingar og sturta.
Neðra húsið var byggt árið 2011, þar er að finna kvenna- og karlasnyrtingar, sturtur, snyrtingu með sturtu ætlaða hreyfihömluðum og þvottaaðstöðu með þvottavél og þurrkara. Þar er einnig eldhús með helluborði, örbylgjuofni, brauðrist, hraðsuðukatli og borðaðstöðu.

Á svæðinu er leiksvæði fyrir börn.      

Verð 2024:
Fullorðnir:: 2.450 kr
Eldri borgarar (65 ára og eldri): 1.500 kr.
Börn, yngri en 15 ára: ókeypis.
Rafmagn: 1.300 kr sólarhringurinn
Skattur: 333 kr.

Sturtur eru innifaldar í verðinu.

Þvottavél: 1100 kr. (klink)
Þurrkari: 100 kr hverjar 6 mínútur.
Þvottaduft: 100 kr

Urðartindur er fjölskyldurekin gistiaðstaða fjarri ysi og þysi í einstaklega fallegu umhverfi Norðurfjarðar. Boðið er upp á gistingu í herbergjum með baði og sumarhúsum, ásamt tjaldstæði.

Tjaldsvæðið stendur á tveimur stórum túnum í Norðurfirði með einstöku útsýni yfir fjörðinn og fjallahringinn allt í kring. Stutt er niður á fallega sandströnd þar sem sjávarniðurinn berst um fjörðinn og börn hafa gaman af að leika sér.

Verð á tjaldsvæði 2023

Verð fyrir fullorðna, eldri en 15 ára: 1.500 kr.
Verð fyrir börn: Frítt

Rafmagn fyrir ferðavagna: 1.000 kr.
Hleðslustöð fyrir bíla 

Opnunartími
1. júní til 15. september

Sælureiturinn er lítið kaffihús sem býður uppá súpu og brauð í hádeginu, kaffi og heimabakað bakkelsi yfir daginn. Við erum með vörur Beint frá býli og handverk úr héraði. Einnig er rekið tjaldsvæði.