Fara í efni

Vetrar afþreying

121 niðurstöður

Iceland Unlimited ehf.

Borgartún 27, 105 Reykjavík
Iceland Unlimited er sjálfstætt ferðaþjónustu fyrirtæki sem leggur metnað sinn í klæðskerasniðnar ferðir fyrir erlenda ferðamenn á Íslandi og Grænlandi. Lögð er mikil áhersla á persónulega og góða þjónustu við viðskiptavininn. Ferðirnar eru eru skipulagðar með væntingar og þarfir viðskiptavinarins í huga og hann hefur sett fram þegar hann setur sig í samband við Iceland Unlimited.
Fyrirtækið sérhæfir sig svokölluðum "Self drive tours" um Ísland sem eru eins og áður sagði, skipulagðar eftir óskum frá hverjum og einum um hvað viðkomandi vill skoða og gera. Það geta allir fundið eitthvað við sitt hæfi og lengd hverrar ferðar skiptir ekki máli.
Eins og nafnið á fyrirtækinu gefur til kynna að þá eru engin takmörk þegar kemur að því að heimsækja Ísland og leitast er við að uppfylla kröfur og óskir allra, hverjar sem þær kunna að vera.
Einnig bíður Iceland Unlimited upp á dagsferðir, bæði áætlunarferðir sem og klæðskerasaumaðar prívat ferðir. Þessar ferðir eru upplagðar fyrir ferðamenn farþega skipa sem koma hingað til lands í stutt stopp þar sem ferðamaðurinn getur fengið að njóta þess helsta úr íslenskri náttúru.
Iceland Unlimited á facebook: www.facebook.com/icelandunlimited

Skíðasvæðið Tindaöxl

Ólafsfjörður, 625 Ólafsfjörður

Á Ólafsfirði eru kjöraðstæður til vetraríþrótta. Hægt er að fara í vélsleðaferðir um fjöll og dali í nágrenninnu og aðstaða til skíðaiðkunar er óvíða betri. Ólafsfirði er ein lyfta, 650 m löng. Brekkur við allra hæfi. Göngubrautir eru lagðar víða um bæinn og Skíðafélag Ólafsfjarðar stendur fyrir gönguferðum í nágrenni bæjarins. Á skíðasvæðinu í Tindaöxl eru skíðalyftur og góðar svigbrautir. Brettamenn fá stór ótroðin svæði. Í skíðaskála Skíðafélagsins er hægt að kaupa veitingar, og í skálanum er svefnloft þar sem u.þ.b. 25.manns geta gist í svefnpokaplássum.

Ferðagjöf

Reykjavík Bike Tours

Hringbraut 105, 101 Reykjavík

Reiðhjólaferðir, hjólaleiga, Segway ferðir, Game of Thrones ferðir.

Reiðhjól, reiðhjólaferðir, reiðhjólaleiga, hjól, hjólaferðir, hjólaleiga.

Segway ferðir um Reykjavík með leiðsögn.

Dagsferðir frá Reykjavík og lengri ferðir með leiðsögn með og án reiðhjóla.

Norðurljósaferðir.

Gönguferðir um Reykjavík - almenn kynnisferð - gönguferðir með áherslu á mat og smökkun

Vinsamlegast hafið samband vegna ferða og bókana.

Stefán & Ursula

Ferðagjöf

Arctic Rafting

Skútuvogi 2, 104 Reykjavík

Arctic Rafting er íslenskt ævintýra og afþreyinga fyrirtæki sem leggur áherslu á vistvæna ferðamennsku í einstakri náttúru Íslands.
Ef þig langar til að sjá Ísland í nýju ljósi þá getur Arctic Rafting gert fríið þitt á Íslandi að ógleymanlegu ævintýri. Við bjóðum upp á ferðir um allt land en þó sérstaklega á suðurlandi og í Skagafirði.

Við bjóðum upp á flúðasiglingar á mörgum skemmtilegustu ám Íslands. Á suðurlandi bjóðum við upp á daglegar siglingar á gúmmíbát og kanó á Hvítá. Við höfum nú opnað bækistöðvar í Skagafirði og erum nú með reglulegar flúðasiglingar í Jökulsá Vestari og Austari. Einnig bjóðum við upp á sjókayakferðir, hellaferðir, snorkeling, jökulgöngur, jeppaferðir og margt margt fleira.

Geysilega vinsælt hefur verið að snorkla og kafa í hinni heimsfrægu Silfru á Þingvöllum og ganga í Reykjadal og baða sig í heitum læk. Einnig hefur jöklaganga og ísklifur á Sólheimajökli slegið í gegn en sú ferð er frábær kynning á íslenskri jöklamennsku og fræðsla um það hvernig jöklarnir móta landið.

Einnig bjóðum við upp á ýmsar hvataferðir á öllu landinu. Við setjum saman skíðaferðir, snjóbrettaferðir, gönguferðir, kayakferðir, köfunarferðir, flúðasiglingar, klifur, brimbrettaferðir, íslenskar alpaferðir og margt fleira.

Flúðasiglingar: Á Hvítá á Suðurlandi. Á Vestari Jökulsá og Austari Jökulsá í Skagafirði á Norðurlandi.
Kanósiglingar: Á Hvítá á Suðurlandi.
Sjókayak: Á Hvalfirði á Suðurlandi, Breiðafirði á Vesturlandi, Skutulsfirði, Seyðisfirði, Hestfirði og Reykjanesi í Ísafjarðardjúpi á Vestfjörðum, og Langasjó á hálendi Íslands.
Jöklaganga: Á Snæfellsjökli á Vesturlandi, Eyjafjallajökli og Sólheimajökli á Suðurlandi, og Fallsjökli og Virkisjökli í Skaftafelli á Suð-Austurlandi.
Ísklifur: Á Sólheimajökli á Suðurlandi og Virkisjökli í Skaftafelli á Suð-Austurlandi.
Köfun: Í gjánni Silfru á Þingvöllum á Suðurlandi, að El Grillo skipsflakinu á Seyðisfirði á Austurlandi og að heitu uppsprettunni í Strýtunum í Eyjafirði á Norðurlandi.
Snorkeling: Í gjánni Silfru á Þingvöllum á Suðurlandi.
Hellaferðir: Í Gjábakkahelli og Leiðarenda á Suðurlandi, og Lofthelli við Mývant á Norðurlandi.
Göngu- og fjallaferðir: Á Esjuna og Reykjadal á Suðurlandi, Laugaveginn, Landmannalaugar, Þórsmörk, Fimmvörðuháls og Fjallabak á Hálendinu, Heklu og Eyjafjallajökul á Suðurlandi, Hornstrandir og Jökulfirði á Vestfjörðum, Borgarfjörð Eystri á Austurlandi, og Snæfellsjökul á Vesturlandi, Hvannadalshnúk, Hrútfjallstinda, Sveinstind, Þverártindsegg og Þumal í Skaftafelli á Suð-Austurlandi.
Fjórhjólaferðir: Á Hellisheiði á Suðurlandi.
Snjósleðaferðir: Á Langjökli og Mýrdalsjökli á Suðurlandi og Snæfellsjökli á Vesturlandi.
Jeppaferðir: Sumar og vetrar dagsferðir og leiðangrar um hálendið, jökla, Gullna hringinn, Landmannalaugar, Þórsmörk, Suðurströndina og á fleiri staði.
"Self-drive" fjallajeppaferðir: Sumar og vetrar dagsferðir og leiðangrar um hálendið, jökla, Gullna hringinn, Landmannalaugar, Þórsmörk, Suðurströndina og á fleiri staði.
Klettaklifur: Í Valshamar í Hvalfirði á Suðurlandi og á Hnappavöllum í grennd við Skaftafell á Suð-Austurlandi.
Brimbrettaferðir: Dagsferðir og lengri ferðir á Norður- og Suðurlandi.
Hjólaferðir: Í Reykjavík, Heiðmörk og Reykjadal á Suðurlandi, og Skaftafelli á Suð-Austurlandi.
Hvalaskoðun: Frá Reykjavík.
Hestaferðir: Á Suðurlandi.
Samsettar ferðir: Samblanda mismunandi afþreyingar í dagsferðum og lengri ferðum.
Skólaferðir: Á Norður-, Suð-Austur og Suðurlandi.
Starfsmannaferðir: Á Norður-, Suð-Austur og Suðurlandi.

GlacierWorld

Hoffell 2b, 781 Höfn í Hornafirði

Við hjá Glacier World bjóðum uppá gistingu og heitar laugar í einstöku umhverfi.

Heitu náttúrulaugarnar okkar eru umkringdar fjöllum og jökli. Það er fullkomið að liggja og njóta náttúru Íslands með útsýni yfir Hoffellsjökul, skriðjökul frá Vatnajökli, og safna orku eftir langt ferðalag.

Glacier World er staðsett í Hoffelli og þar bjóðum við uppá gistingu í endurgerðum húsum með útsýni fyrir Hoffellsjökul. Við bjóðum upp á tvenns konar herbergi, með sér baði og með sameiginlegu. Boðið er upp á 21 herbergi í heildina og eru 8 af þeim með sameiginlegu baði. Herbergin með sér baði eru svo í húsum sem eru gerð upp. Annað húsið er gömul hlaða sem gerð var upp 2014. Þar er að finna 8 herbergi, morgun- og kvöldverðarsal og sýningarsal. Hitt húsið er gamla fjósið í Hoffelli en það var klárað 2015.

Í fjárhúsunum sem eru innangengd úr hlöðunni er morgunverðarsalur með dásamlegu útsýni.

Innifalið í gistingunni er aðgangur að heitu laugunum.

Einnig eru gönguleiðir sem eru stikaðar í umhverfi Hoffellsjökuls fyrir þá sem vilja.

Endilega hafið samband til þess að fá nánari upplýsingar.

Arctic Trucks Experience

Klettháls 3, 110 Reykjavík

Arctic Trucks Experience sérhæfir sig í jeppaferðum á Toyota Hilux og Toyota Land Cruiser bifreiðum sem breyttar eru af Arctic Trucks á Íslandi. Viðskiptavinir okkar keyra sjálfir jeppana og fá þar með íslenska ferðamennsku beint í æð undir handleiðslu leiðsögumanns. Við bjóðum einnig upp á ferðir með ökuleiðsögumann undir stýri fyrir þá sem vilja njóta ferðarinnar í farþegasætinu. Yfir sumartímann eru bílarnir svo opnir fyrir leigu án leiðsögumanns svo viðskiptavinirnir geti ferðast um hálendi Íslands á eigin vegum.

Iceland is Hot ehf. / Come to Iceland

Norðurvangur 44, 220 Hafnarfjörður

Vinsamlegast hafið samband vegna ferða og bókana.

Ferðagjöf

Arctic Surfers

Eyjaslóð 3, 101 Reykjavík

Arctic Surfers býður upp á brimbretta, róðrabretta og skíða/snjóbrettaferðir á Íslandi. Á bak við fyrirtækið eru íslenskir brimbrettaiðkendur sem vilja m.a. bjóða öðrum brimbrettaiðkendum að upplifa óvenjulegt brimbrettaævintýri.

Arctic Exposure

Skemmuvegur 12 (blá gata), 200 Kópavogur

Arctic Exposure er ferðaskrifstofa sem sérhæfir sig í jeppaferðum um Ísland. Við bjóðum upp á ferðir frá Reykjavík á sérútbúnum jeppum. Við setjum saman ferðir sem henta hverjum og einum allt frá einstaklingum upp í hópa.

Jöklaferðir, hálendisferðir, íshellaferðir, gönguferðir. Ferðirnar henta vel fyrir hverskonar hópa eins og vinnustaðahópa, saumaklúbba, gönguhópa, ljósmyndaklúbba og alla sem langar til að kynnast landinu okkar á nýjan hátt. Við höfum sérhæft okkur í gegnum árin í ljósmyndanámskeiðum og leiðsögumenn okkar þekkja landið einstaklega vel og þá sérstaklega óþekktari náttúruperlur um land allt.

Hringdu eða sendu okkur tölvupóst og saman skipuleggjum við ferð fyrir þinn hóp.

Superjeep ehf.

Litlikriki 28 , 270 Mosfellsbær

SuperJeep.is var stofnað árið 2002 af reyndum ökumönnum sem hafa það að markmiði að bjóða upp á áhugaverðar og spennandi ferðir með leiðsögn um einstaka náttúru Íslands. Sambland af grófu landslagi og náttúruundrum landsins er það sem er táknrænt fyrir skoðunarferðir okkar.

Vinsamlegast hafið samband vegna ferða og bókana.

Iceland by Guide

Garðastræti 2, 101 Reykjavík

Viltu upplifa Ísland með þínum hætti? Ég er hér bara fyrir þig! Ísland með leiðsögumanni (Iceland by Guide) er hannað til að lengja líf þitt og gera það frábært á ferðalögum. Ég Birgir Jóa (Bijo) ásamt vinum mínum, hönnum og skipuleggjum, ökum og leiðsegjum þér ævintýrinu þínu á Íslandi. Þú upplifir allt frá því að vera einn í náttúrunni og slaka á yfir í að sjá nýja náttúruupplifun á hverjum klukkutíma. Þú upplifir og tekur myndir og ert með frábæra sögu til að segja vinum frá þegar þú kemur heim.

Iceland by Guide er með sérsniðnar lausnir fyrir einstaklinga og hópa sem ferðast saman til Íslands.

Skíðaþjónustan

Fjölnisgata 4b, 603 Akureyri
Opnunartími Virkir dagar: Laugardagar: Sunnudagar:
10:00-18:00 10:00-16:00 13:00-16:00
Skíðaleiga.

Ferðagjöf

Fjallabak

, 121 Reykjavík

Ferðaskrifstofan Fjallabak er lítið fjölskyldufyrirtæki sem hefur verið
starfrækt í mörg ár.
Við bjóðum upp á allskonar ferðir, fuglaskoðunarferðir, skíðaferðir,
jarðfræðiferðir en sérhæfum okkur þó aðallega í gönguferðum.
Við skipuleggjum einnig "A la carte" ferðir fyrir einstaka hópa og
einstaklinga. Við tökum einnig að okkur hvataferðir.

Northbound ehf.

Flugvallarbraut 752, 235 Reykjanesbær

Northbound er kjörinn vettvangur fyrir ferðamenn sem hyggjast ferðast um eyjuna fögru. Áherslan er lögð á ferðamáta en á síðunni er einstaklega auðvelt að bera saman verð frá samstarfsaðilum okkar þar sem fyrirtækin nýta sér vefinn til að koma vörum sínum og þjónustu á framfæri.

Hægt er að finna bíla úr öllum flokkum frá hátt í 40 bílaleigum, allt frá smábílum upp í stærri húsbíla. Afþreying sem í boði er er verulega fjölbreytt og ættu allir geta fundið eitthvað við sitt hæfi.

Á vefsíðunni má einnig finna fjölda bloggskrifa sem innihalda fjölbreyttar upplýsingar um ferðalög á Íslandi og þau tækifæri og þjónustu sem landið hefur uppá að bjóða

Travel East Iceland

Smáragrund, 720 Borgarfjörður eystri

Við sérhæfum okkur í skipulagningu ferða og viðburða um Austurland og tökum að okkur alla þætti skipulagsins.

Við þjónustum einstaklinga, hópa og fyrirtæki og drögum fram sérstöðu og margbreytileika Austurlands í öllum okkar ferðum. Reynsla í ferðaþjónustu, þekking á svæðinu, nákvæm vinnubrögð og brennandi áhugi til þess að gera vel tryggir ógleymanlega upplifun. Hafðu samband, möguleikarnir eru óteljandi.

Ferðagjöf

Dogsledding Iceland

Þingvallasvæðið / Þingvellir area, 271 Mosfellsbær

Velkomin í heim sleðahunda.

Dogsledding Iceland bjóða upp á sleðahundaferð allt árið um kring í fallegu landslagi með frábært útsýni og eru ferðirnar farnar á snjó eða landi eftir árstíma.

Við tökum einungis smærri hópa til að tryggja að upplifunin verði sem best fyrir alla þannig að við mælum með að bóka tímalega og munið að klapp og knús er skilda eftir ferðirnar.

Ferðirnar okkar eru fjölskylduvænar og fyrir alla aldurshópa.

Aftur á móti getum við tekið við stærri hópum eftir samkomulagi.

"Le Monde des Elfes" er ferðaskrifstofa sem starfrækt er á Flateyri á Vestfjörðum.

Við skipuleggjum fjöldægra ferðir um fjöll og firði til að njóta útsýnis, óspilltra víðerna og vellíðunar - að vetri jafnt sem sumri. Við sérsníðum ferðir og sérhæfum okkur í litlum hópum (4 til 8 gestir).

Hjartað í þjónustu okkar er náin tenging við fólk, óspillta náttúru og samfélagið í litlu, íslensku sjávarþorpi.

Ég er fjallaleiðsögukona sem elskar Vestfirði. Ég mun því með mikilli ánægju leiðbeina þér við undirbúning ferðarinnar og aðstoða þig yfir fjöllin, firðina og um þorpin.

Við bjóðum einnig upp á dagsferðir þar sem við göngum eða förum á snjóþrúgum til að skoða náttúruna í kringum okkur, kynnumst jarðfræði svæðisins, fuglalífi, spendýrum, plöntum o.fl.

Til að finna vefsíðuna okkar, vinsamlegast smellið hér.
Til að finna okkur á Facebook, vinsamlegast smellið hér.
Til að finna Náttúruhlaupin okkar á Facebook, vinsamlegast smellið hér.

Iceland Activities

Mánamörk 3-5, 810 Hveragerði

Iceland Activities er fjölskyldufyrirtæki sem hefur gríðar mikla reynslu af ferðamennsku á Íslandi og spannar sú reynsla yfir 30 ár.

Við leggjum metnað okkar í að sýna fólki Ísland og Íslenska náttúru á annan hátt en aðrir gera, þannig að það tengist náttúrunni bæði með fræðslu og einnig með því að fara aðeins út fyrir fjölsóttustu svæðin þar sem náttúrufegurðin er jafnvel enn meiri en á hinum hefðbundu svæðum, og þar liggur styrkur okkar í því hversu vel við þekkjum Ísland.

Við leggum mikinn metnað í allar okkar ferðir og höfum eitt markmið að leiðarljósi að fólk sem ferðast með okkur sé ánægt og upplifi sem mest.

Helstu ferðirnar sem við bjóðum uppá eru:

  • Fjallahjólamennsku og fjallahjólaferðir
  • Brimbrettaferðir og kennsla.
  • Gönguferðir.
  • Hellaferðir.
  • Jeppaferðir.
  • Snjóþrúguferðir
  • Starfsmannaferðir og hvataferðir
  • Skólaferðir
  • Zipline

Við erum staðsettir í Hveragerði rétt við þjóðveg eitt um 40 km frá Reykjavík.

Ferðirnar okkar henta mjög breiðum hópi bæði í aldri og getu þar sem þær eru allt frá rólegum fjölskylduferðum upp í adrenalin ferðir.

Jón Þór Benediktsson / The Traveling Viking

Ytri Bakki, 601 Akureyri

The Traveling Viking er nýr og framsækinn ferðaskipuleggjandi í Eyjafirði með áherslu á norðaustur Ísland.
The Traveling viking býður upp á persónulega og mjög góða þjónustu við ferðamenn á svæðinu, hvort sem þar er um að ræða erlent sem innlent ferðafólk. Við viljum með persónulegri þjónustu, ríkri þjónustulund og góða skapinu, búa okkur til sérstöðu á markaðnum og bjóða upp á úrvalsferðir fyrir jafnt minni sem stærri hópa.
The Traveling Viking býður uppá ótal möguleika á ferðum um svæðið. Einnig getum við hæglega sett saman ferð fyrir ykkur hvert á land sem er. Við erum með stóran lista af samstarfsaðilum, sem við getum með stuttum fyrirvara hóað í okkur til aðstoðar við að búa til ógleymanlega ferð, hvort sem þar er um að ræða stóra sem minni hópa.
Það breytir engu hvort um er að ræða saumaklúbb, útskriftarhópa, félagasamtök, vinnufélaga, íþróttahópa eða hvað sem er. Hafið samband og við hjálpum ykkur að búa til þá ferð sem þið viljið fá.

GJ Travel

Vesturvör 34, 200 Kópavogur

Guðmundur Jónasson (GJ Travel) er með víðtæka reynslu af skipulagningu rútuferða og aðra ferðaskipulagningu um allt land fyrir stóra sem smáa hópa.

Fyrirtækið á ýmsar stærðir af hópferðabílum og er frumkvöðull þegar kemur að hálendisferðum.

Guðmundur Jónasson (GJ Travel) býður upp á:

  • dagsferðir
  • lengri ferðir
  • tjaldferðir
  • trússferðir (möguleiki að leigja tjöld, dýnur og annan búnað)
  • innanbæjarskutl og margt fleira.

Floti GJ Travel er fyrsta flokks og býður upp á WiFI, þriggja punkta öryggisbelti, loftkælingu og stærri bílar eru með salerni.

Einnig getum við boðið upp á pakkaferðir þar sem gisting, afþreying, matur og leiðsögn er innifalinn.
Endilega hafið samband til að fá frekari upplýsingar með því að senda tölvupóst á ruta@gjtravel.is, hringja í síma 520-5200 eða hafa samband við okkur á facebook @gjtravelhopferdabilar (Guðmundur Jónasson Hópferðabílar - GJ Travel)

Skíðamiðstöð Austurlands, Oddsskarði

, 735 Eskifjörður

Stærsta skíðasvæðið á Austurlandi er í Oddsskarði. Brekkurnar eru troðnar daglega. Þar eru tvær diskalyftur og ein togbraut sem geta flutt 1000 manns á klukkustund. Í Oddsskarði hefur nýlega verið byggður 90 fm skáli með veitingasölu og svefnpokaplássi fyrir 20 manns. Göngubrautir eru lagðar um helgar. Skíðasvæðið er upplýst að hluta. Símsvari: 878-1474

Ferðaskrifstofan Nonni

Brekkugata 5, 602 Akureyri

Ferðaskrifstofan Nonni Travel ehf.,stofnað 1988, er staðsett við Ráðhústorgið í harta Akureyrar. Aðaláhersla er á skipulagningu ferða og móttöku erlenda gesta á Íslandi, Grænlandi og Færeyjum.

  • Nonni Travel býður upp á gott úrval ferða og ýmsa afþreyingu.
  • Nonni Travel er sérhæfð í ráðgjöf og skipulagningu sérsniðinna ferða fyrir einstaklinga og hópa.
  • Nonni Travel hefur mikla reynslu í ráðstefnuhaldi og skipulagningu stærri funda.

Skíðasvæðið Stafdal

, 710 Seyðisfjörður

Í Stafdal, milli sk. efri og neðri-Stafs í Fjarðarheiðin er að finna skíðasvæði Seyðfirðinga og Héraðsbúa, ca. 10 mín. akstur frá miðbæ Seyðisfjarðar og svipað frá flugvellinum á Egilsstöðum. Hér er um mjög skemmtilegt skíðasvæði að ræða sem er í uppbyggingu. Á svæðinu er ein 1 km löng diskalyfta og skáli. Svæðið er troðið og flóðlýst á opnunartíma. Skíðasvæðið býður einnig upp á mikla möguleika fyrir gönguskíða- og vélsleðafólk.

Seyðisfirði er skíðasvæðið í Stafdal, ca. 10 mín. akstur frá miðbæ Seyðisfjarðar og svipað frá flugvellinum á Egilsstöðum. Hér er um mjög skemmtilegt skíðasvæði að ræða sem er í uppbyggingu. Á svæðinu er ein 1 km löng diskalyfta og skáli. Svæðið er troðið og flóðlýst á opnunartíma. Skíðasvæðið býður einnig upp á mikla möguleika fyrir gönguskíða- og vélsleðafólk.

Ferðagjöf

Friðheimar

Reykholt, Bláskógabyggð, 806 Selfoss

Matarupplifun

Í Friðheimum bjóðum við uppá einstaka matarupplifun, þar sem er borin fram tómatsúpa og nýbakað brauð ásamt öðru góðgæti í notalegu umhverfi innan um tómatplönturnar.

Gestirnir upplifa það einstaka að koma í miðjarðarhafsloftslagið sem er ríkjandi í gróðurhúsinu allt árið um kring og finna ilminn af tómatplöntunum á meðan þeir njóta umhverfisins og heimalagaðra veitinganna. Einnig er vinsælt að koma og skála í tómatsnafs í góðra vina hópi!

Hægt er að taka gómsætar minningar með sér heim úr litlu tómatbúðinni okkar þar sem eru til sölu matarminjagripir á borð við tómatsultu, gúrkusalsa og tómathressi en þetta er allt framleitt á staðnum.

Við mælum með að bóka alla þjónustu fyrirfram í síma 486-8894 eða á fridheimar@fridheimar.is

Gróðurhúsaheimsókn og Hestasýning eða Heimsókn í hesthúsið

Einnig bjóðum við uppá Gróðurhúsaheimsókn þar sem farið er yfir hvernig hægt er að rækta grænmeti á Íslandi allt árið um kring með aðstoð náttúrunnar!

Hestasýning og Heimsókn í hesthúsið er í boði þar sem farið er yfir sögu- og gangtegundir íslenska hestsins í notalegu umhverfi. Eftir sýninguna er gestum boðið í hesthúsið þar sem tækifæri gefst til að klappa hestunum og spjalla við knapana.

Afþreyingin hentar öllum aldurshópum og er tilvalin fyrir þá sem hafa áhuga á að skyggnast inn í hið hefðbundna sveitalíf íslenskrar fjölskyldu.

Við mælum með að bóka alla þjónustu fyrirfram í síma 486-8894 eða á fridheimar@fridheimar.is

Ferðagjöf

Íslenski hesturinn

Surtlugata 3, 110 Reykjavík

ÍSLENSKI HESTURINN - ÚTREIÐARTÚRAR Í REYKJAVÍK - ALLA DAGA - ALLT ÁRIÐ

Einstök upplifun að vera á góðum töltara í fögru landslagi innan borgarmarkanna. Við förum um Hólmsheiði og Rauðhóla og njótum fegurðar fjallanna í kring.
Reiðtúrinn hentar bæði byrjendum og þeim sem eru vanir hestamennsku.

Alla daga - allt árið:
MORGUNTÚR kl. 9:30
EFTIRMIDDAGSTÚR kl. 14:00
KVÖLDTÚR kl 20:00 ( einungis á sumrin)
Tímalengd í allt uþb. 2,5 klst. -þar af á hestbaki um 1-1,5 klst.
Aldurstakmark 12 ára
Innifalið í verði - Allir fá myndir frá reiðtúrnum.
Allir reiðtúrar eru undir leiðsögn fagmenntaðs leiðsögumanns.
Sjáið heimasíðu fyrir nánari upplýsingar.



Ferðagjöf

Icelandic Mountain Guides

Stórhöfði 33, 110 Reykjavík

Íslenskir fjallaleiðsögumenn og Arcanum bjóða upp á úrval afþreyingarferða á svæðinu í kringum Mýrdalsjökul / Sólheimajökul, frá Skaftafelli auk gönguferða um hálendi Íslands.

Ferðirnar eru af mismunandi erfiðleikastigi en markmið okkar er að gefa sem flestum tækifæri til að eiga ævintýralega upplifun í magnaðri náttúru Íslands.

Fagmennska í leiðsögn og virðing fyrir náttúrunni eru okkar aðalsmerki og hlökkum við til að geta í sumar kynnt fyrir Íslendingum þá skemmtilegu afþreyingarmöguleika sem í boði eru.

Ferðaúrval:

Jöklaganga: Ferðalag um landslag jöklanna, litið ofan í sprungur og svelgi ásamt fræðslu um hreyfingar og eðli jökulísins. Í boði á Sólheimajökli og frá Skaftafelli (Falljökull). Aldurstakmark 8 ára.

Ísklifur: Frá auðveldari ferðum þar sem jöklaganga og léttklifur er tvinnað saman (frá 14 ára) upp í erfiðari leiðir (frá 16 ára). Í boði á Sólheimajökli og frá Skaftafelli (Falljökull).

Fjallgöngur: Fjölbreyttar gönguferðir í boði. Hæsti tindur Íslands og vinsæl áskorun þeirra sem komnir eru með góðan grunn í fjallgöngum. Fimmvörðuháls er ferð sem sameinar margt það fallegasta í íslenskri náttúru. Ferðir í boði fyrir einstaklinga og hópa.

Kayakferðir: Létt kayaksigling á lóninu sem á síðustu árum hefur myndast fyrir framan Sólheimajökul. Aldurstakmark 12 ára.

Fjórhjólaferðir á Sólheimasandi: Ekið niður í Sólheimafjöru og hvalbein sem þar liggja heimsótt. Margbreytilegt landslag fjörunnar skoðað og komið við hjá Flugvélaflakinu fræga. Aldurstakmark 8 ára.

Snjósleðaferðir: Ferð um snjóbreiðurnar á toppi Mýrdalsjökuls. Á góðum degi má njóta stórkostlegs útsýnis yfir Suðurland. Aldurstakmark 8 ára.

Gönguferðir um hálendið: Ein besta leiðin til að kynnast margbreytileika íslenskrar náttúru er að ferðast á fæti. Klassískar perlur eins og Laugavegurinn, Fimmvörðuháls, Sveinstindur og Strútstígur verða í boði í sumar ásamt bakpokaferðinni frá Núpstaðarskóguum í Skaftafell.

Samsettar ferðir: Hægt er að kaupa pakka þar sem fleiri en ein ferð eru tengdar saman.

Við leggjum við mikið upp úr öryggi í ferðum og menntun leiðsögumanna og eru allir okkar leiðsögumenn með réttindi og skyndihjálparþekkingu. Umhverfismál eru einnig okkar hjartans mál og miðum við að því að öll okkar starfsemi hafi sem minnst áhrif á viðkvæma náttúruna í kringum okkur. Fyrirtækið starfar eftir virkri umhverfistefnu og rekur m.a umhverfisjóð sem annað hvert ár veitir styrki til verkefna á ferðamannastöðum.

Ferðagjöf

Ís og Ævintýri / Jöklajeppar

Vagnsstaðir, 781 Höfn í Hornafirði

Í meira en 20 ár hafa Ís og ævintýri ehf boðið uppá spennandi snjósleðaferðir á Vatnajökul.

Farið er alla daga frá mars til október frá Vagnsstöðum og frá afleggjara F985, keyrt er á sér útbúnum fjallajeppum á vegi F985 áleiðist að Vatnajökli, á leiðinni gefst gestum okkar færi á að skoða kunnuglegt landslag sem birst hefur í fjölmörgum kvikmyndum og þáttum. Má þar nefna Batman Begins, The Secret Life of Walter Mitty, Tomb Raider: Lara Croft, Amazing Race og Game of Thrones.

  • Daglegar brottfarir frá Vagnsstöðum kl. 9.30 og 14.00
  • Ferðin er 3 klst. Þar af 1 klst á jöklinum sjálfum.
  • Innifalið er snjógalli, stígvél, hjálmur, vettlingar og lambhúshetta
  • Til þess að keyra snjósleða þarf bílpróf, farþegar á sleðum þurfa ekki að hafa bílpróf.

Hægt er að bóka á heimasíðunni www.glacierjeeps.is eða í síma 478-1000

Ferðagjöf

Glacier Adventure

Hali, 781 Höfn í Hornafirði

GLACIER ADVENTURE

Glacier Adventure er fjölskyldufyrirtæki sem staðsett er á Hala í Suðursveit, aðeins 12km frá Jökulsárlóni. Við sérhæfum okkur í ferðum á svæðinu í Ríki Vatnajökuls og bjóðum upp á ýmsa náttúru upplifun á svæði sem við þekkjum vel og er í miklu uppáhaldi hjá okkur. Við bjóðum uppá persónulega þjónustu og höfum öryggið alltaf í fyrsta sæti. Það skiptir miklu máli að leiðsögumenn Glacier Adventure þekki svæðið vel og ekki síður söguna þar sem hún gefur ferðinni ákveðinn ævintýrablæ þar sem farið er yfir það hvernig var að búa í grennd við jöklana hér áður fyrr og hvernig landið hefur mótast vegna þeirra. Í okkar ævintýraferðum er ýmislegt í boði eins og jöklaganga, íshellaskoðun, ísklifur, fjallgöngur, jeppaferðar og síðan er alltaf hægt að sérsníða ferðarnar eftir þörfum hópsins og blanda saman mismunandi afþreyingu. Ferðarnar henta hverjum sem er, hvort sem það eru fjölskyldur, einstaklingar eða hópar stórir sem smáir.

Skoðaðu myndir frá okkur á www.instagram.com/glacieradventure

www.glacieradventure.is
info@glacieradventure.is
571-4577
Allar okkar ferðar eru farnar frá móttökunni okkar á Hala í Suðursveit sem er rétt hjá Jökulsárlóni.

Opið allt árið

Ferðagjöf

Glacier Guides

Skaftafell, 785 Öræfi

Jöklamenn (Glacier guides) er ævintýrafyrirtæki sem sérhæfir sig í fagmannlegri fjallaleiðsögn og leggur metnað sinn í að bjóða upp á sem fjölbreyttast úrval jökla- og fjallaferða. Höfuðstöðvar Jöklamanna eru í Skaftafelli, vel staðsettar gagnvart hrikalegri náttúru svæðisins sem veitir okkur innblástur til góðra verka. Söluskrifstofan okkar er umhverfisvæn og byggð af stærstum hluta úr afar óhefðbundnu hráefni. Hún er staðsett við Gestastofuna í Skaftafelli.
Jöklar þekja um 10% landsins og landsvæði sem nær hærra en 600 m yfir sjávarmál þekur yfir 35%. Við búum í landi fjalla, jökla og stórbrotinnar náttúru og þessi einkenni hafa að miklu leiti mótað okkur öll sem einstaklinga. Það er sem betur fer afar misjafnt hvert hugur manna stefnir og hvar áhugasviðið liggur. Við bjóðum fram krafta okkar fyrir þá Íslendinga sem hafa áhuga á að kynnast landinu sínu á nýjan hátt og njóta til hins ýtrasta þess sem það hefur upp á bjóða. Stór hluti okkar viðskiptavina eru útlendingar sem falla oftar en ekki í stafi yfir mikilfengleik landsins okkar, en við trúum því að Íslendingar séu í sífellt meira mæli að læra að meta það sem við búum við. Stærsti jökull veraldar utan heimskautasvæðanna er innan seilingar með alla sína fögru fjallatinda auk allra hinna fjallanna og jöklanna í landinu.
Vel þjálfaðir og reyndir leiðsögumenn eru okkar aðalsmerki. Það krefst mikillar sérþekkingar að geta leitt fólk um svæði sem þau sem ferðir okkar fara um og við setjum öryggið í fyrsta sætið. Öryggi er forsenda gleði, hamingju og skemmtilegrar upplifunar í fjallaferðum. Við leggjum einnig ríka áherslu á að nota aðeins besta útbúnað sem völ er á í ferðum okkar þar sem hann er forsenda þess að þekking og reynsla leiðsögumannanna nýtist til hins ítrasta. Við hvetjum fólk til að nýta sér sérþekkingu okkar og koma með í skemmtileg jökla- og fjallaævintýri.
Það er okkur hjartans mál að haga starfsemi okkar á þann hátt að hún hafi sem minnst áhrif á viðkvæmt umhverfið sem við störfum í. Við höfum því mótað okkur stranga umhverfisstefnu sem við vinnum eftir og við hvetjum þig einnig til að leggja þitt af mörkum. Móðir jörð er leikvöllur okkar og heimili, við höfum gengið alveg nógu nærri henni vegna fáfræði og græðgi og það er kominn tími til að við förum að sýna henni þá virðingu sem hún á skilið.

Jöklaganga: Á Snæfellsjökli, Eyjafjallajökli, Sólheimajökli og Falljökli og Virkisjökli í Skaftafelli.
Ísklifur: Á Sólheimajökli og Falljökli í Skaftafelli.
Göngu- og fjallaferðir: Á Heklu, Sólheimajökul, Snæfellsjökul, Eyjafjallajökul, Hvannadalshnjúk, Hrútfjallstinda, Sveinstind, Þverártindsegg og Þumal.
Klettaklifur: Í Valshamar í Hvalfirði og á Hnappavöllum í grennd við Skaftafell.
Hjólaferðir: Í Reykjavík, Reykjadal og Skaftafelli.
Bátsferð: Á Fjallsárlóni og Jökulsárlóni.
Samsettar ferðir: Samblanda mismunandi afþreyingar á einum degi. Frá Reykjavík og Skaftafelli.


Með fyrirfram þökk…Við hvetjum þig til að taka fram gönguskóna og slást í för með okkur í næsta ævintýri.

Ferðagjöf

Hidden Iceland

Hólmaslóð 2, 101 Reykjavík

Hidden Iceland er fjölskyldurekið ferðaþjónustufyrirtæki sem sérhæfir sig í dagsferðum sem og pakkaferðum hér á landi. Við leggjum mikið upp úr því að bjóða upp á persónusniðnar ferðir með litlum hópum, að hámarki 12 manns, um land allt.

Í öllum ferðum Hidden Iceland fer reyndur leiðsögumaður með hópinn sem fræðir og skemmtir en umfram allt sér til þess að fyllsta öryggis sé gætt. Leiðsögumenn okkar hafa allir áralanga þjálfun, þekkingu á Íslandi, sögunni og jarðfræðinni. Við höfum hannað ferðirnar okkar þannig að við værum ekki bara spennt heldur stolt að taka fjölskyldu okkar og vini með í för til að upplifa töfra Íslands.

Áætlunarferðir
Hidden Iceland býður upp á úrval dags og pakkaferða frá Reykjavík. Hvort sem það er dagsferð um gullna hringinn í náttúruböðum og matarupplifun, tveggja daga ævintýraferð um suðurströndina endilanga með jöklagöngu á einum af stórkostlegu jöklunum innan Vatnajökulsþjóðgarðs eða fjögurra daga ferðalag um vestfirsku fjöllin og firðina.

Sérferðir og ferðaskipulagning
Hidden Iceland býður einnig upp á sérferðir fyrir pör og hópa hvort sem að það eru dagsferðir frá Reykjavík eða lengri ferðir hringinn í kringum landið. Ferðirnar eru allar sérsniðnar að hverjum hóp fyrir sig, með eða án leiðsagnar, þar sem Hidden Iceland sér um að bóka gistingu, afþreyingu og samgöngur.

Hvataferðir og fyrirtækjapakkar
Við bjóðum upp á ýmsar spennandi hvataferðir og fyrirtækjapakka sem er sérsniðinn að þínum hóp. Tilvalið fyrir árshátíðarferðina, stórafmælið eða hópeflið. Hafið samband við Hidden Iceland og við setjum saman fullkomna ferð fyrir þinn hóp.

Þá er ekkert annað að gera en að reima á sig gönguskónna og slást í för með okkur í næsta ævintýri! Við hlökkum til að fá ykkur með.

Frekari upplýsingar má nálgast á www.hiddeniceland.is eða senda tölvupóst á info@hiddeniceland.is.

Imagine Iceland Travel ehf.

Skálateigur 1, 600 Akureyri

Imagine Iceland Travel bíður upp á mikið úrval ferða á Norðurlandi allt árið. Sérhæfum okkur í smæri hópum og einkaferðum, við höfum gott orðspor af ferðum okkar og erum með faglærða leiðsögumenn sem koma frá þeim svæðum sem leiðsögn er framkvæmd. Við bjóðum upp á litlar rútur 17-19 manna, Breytir jeppar 4x4 og eðalþjónustu fyrir þægindi, einkaferðir og sérsniðnar ferðir. Fyrirtækið er staðsett á Akureyri og er fjölskyldu fyrirtæki sem hefur langa reynslu af ferðaþjónustu.

Umfjöllunarefni í ferðum er margbreytilegt en undirstaða og kunnátta verður á öllum sviðum. Jarðfræði, efnahagur, sjálfbærni, náttúra, plöntur, dýr, matur, menning og margt fl.

Dæmi um ferðir.

Lake Myvatn and Godafoss waterfall (Mývatnssveit og Goðafoss)

Combo Tour: Lake Myvatn, Dettifoss and Godafoss waterfall (Mývatnssveit, Dettifoss og Goðafoss)

Arctic Coastline and Culture tour ( Norðurslóða strandlengju og menningar ferð)

Diamond Circle Tour ( Demantshringurinn )

Northern Lights ( Norðurljósaferð)

Tailor Made Private Tour ( Sérsniðinn einkaferð )

Photography tours and Northern lights photography tour ( Ljósmyndaferðir, Norðurljósa ljósmyndaferðir)

Amazingtours ehf.

Eldshöfða 12, 110 Reykjavík

Alhliða afþreyingarþjónustu fyrirtæki. Fjalla & Jöklaferðir á breyttum bifreiðum, bæði lengri og skemmri ferðum. Ævintýra ferðir í óbyggðum bæði á láði og legi.

Ferðagjöf

Borea Adventures

Aðalstræti 17, 400 Ísafjörður

Borea Adventures á Ísafirði býður upp á ævintýraferðir með leiðsögn fyrir minni og stærri hópa.

Fyrirtækið á og rekur hraðbátinn Bjarnarnes sem flytur allt að 18 farþega í skipulögðum ferðum og sérferðum um Hornstrandir, Jökulfirði og Ísafjarðardjúp. Borea Adventures býður upp á ýmsar ferðir um friðlandið, þar sem gist er í tjöldum, tjaldbúðum í Hornvík eða í nýuppgerða eyðibýlinu á Kvíum í Jökulfjörðum.

Borea Adventures býður upp á fjölbreytt úrval lengri ferða, sem og dagsferða út frá Ísafirði. Kayakferðir um ævintýralega firði Hornstranda og Jökulfjarða, fjölbreyttar göngur um Hornstrandir og nágrenni Ísafjarðar, skíðaferðir, fjallahjólaferðir og náttúruupplifanir. Einnig eru í boði sérferðir, sérsniðnar að þörfum þeirra sem okkur vilja heimsækja.

Borea Adventures býr að einvala liði reynslumikilla og skemmtilegra leiðsögumanna, sem tryggja það að allir fari heim með bros á vör.

Ferðagjöf

Icelandic Lava Show

Víkurbraut 5, 870 Vík

Upplifðu alvöru rennandi hraun í návígi! Ógleymanleg skemmtun!

Icelandic Lava Show í Vík í Mýrdal endurskapar aðstæður eldgoss með því að hita hraun upp í 1100°C og hella því svo inn í sýningarsal fullum af fólki! Hvergi annars staðar í heiminum getur fólk upplifað rauðglóandi hraun í svo miklu návígi með öruggum hætti. Frábær sýning sem samtvinnar á einstaklega eftirminnilegan máta fræðslu, skemmtun og heimsklassa upplifun þar sem efniviðurinn er rennandi hraun! Sannkölluð veisla fyrir skynfærin og ógleymanleg upplifun fyrir unga sem aldna.

Icelandic Lava Show er hugarfóstur hjónanna Júlíusar Inga Jónssonar og Ragnhildar Ágústsdóttur en hugmyndin kviknaði þegar þau fóru upp að gosinu á Fimmvörðuhálsi árið 2010 og sáu hraunfossinn og ótrúlegt samspil hraunsins við ísinn allt um kring. Í lok árs 2015 sagði Júlíus starfi sínu lausu og hafa þau hjónin unnið að því að koma fyrirtækinu á laggirnar æ síðan. Það var svo í september 2018 sem Icelandic Lava Show opnaði dyr sínar fyrir gestum og gangandi og viðtökurnar hafa verið hreint frábærar líkt og sjá má á einkunnasíðum á borð við TripAdvisor og Google Maps. Hér er því um að ræða ungt og efnilegt fjölskyldusprotafyrirtæki sem er vel þess virði að heimsækja.

Nánari upplýsingar:

  • Lengd: ca 45-50 mínútur (fer eftir fjölda spurninga og stemmningu í salnum)
  • Aldur: Hentar öllum aldurshópum (en börn þurfa að vera í fylgd fullorðinna)
  • Staður: Víkurbraut 5, Vík í Mýrdal (í gamla Kaupfélagshúsinu)
  • Stund: fastir sýningartímar þar sem það tekur marga klukkutíma að bræða hraun - sjá tímasetningar og hvað er laust á icelandiclavashow.com
  • Mæting: það borgar sig að vera mætt/ur amk. 15 mínútum áður en sýningin hefst
  • Fatnaður: forðist að vera of mikið klædd því það hitnar mjög snögglega þegar rauðglóandi hraunið rennur í sýningarsalinn
  • Tungumál: oftast á ensku (nema ef allir í salnum skilja íslensku) - munum auglýsa séríslenskar sýningar í sumar
  • Hópar: Icelandic Lava Show er frábær skemmtun fyrir hópa og tekur allt að 50 manns í sæti á hverja sýningu. Hægt er aðlaga tíma að hópum. Fyrir tilboð, sendið okkur póst á info@icelandiclavashow.com

Lýsing á sýningunni sjálfri

  1. Í upphafi er stuttur inngangur þar sem sýningarstjórinn býður alla velkomna og leiðir fólk í allan sannleika um upplifunina, hvað hún felur í sér, hvernig hugmyndin kviknaði og afhverju Vík í Mýrdal varð fyrir valinu (ca 10-12 mínútur)
  2. Að innganginum loknum er sýnd stutt fræðslumynd af stað þar sem annars vegar er farið yfir það afhverju Ísland er svona virk eldfjallaeyja með áherslu á eldfjöllin í nágrenni Víkur. Hins vegar er sögð ótrúleg flóttasaga Jóns Gíslasonar, langafa sýningarstjórans og annar stofnanda Icelandic Lava Show, undan Kötlugosinu 1918 og hamfarahlaupinu sem því fylgdi (12 mínútur)
  3. Hápunktur sýningarinnar er svo þegar 1100°C heitu hrauninu er hellt inn í sýningarsalinn. Það er ólýsanleg tilfinning að sjá, heyra og finna hraunið renna inn í salinn - sannkölluð veisla fyrir skynfærin! Þegar hraunið rennur inn í rökkvaðan sýningarsalinn er eins og sýningargestir verði vitni að sólarupprás, svo skært er rauðglóandi hraunið. Þá finna gestir lyktina af bráðnu hrauninu þar sem það byrjar að storkna og heyra um leið hvernig það kraumar, bullar og snarkar. Það allra tilkomumesta er þó hitinn sem skellur á sýningargestum. Það er gífurlegur hitinn sem kemur flestum á óvart. Sýningarstjórinn gerir svo alls kyns æfingar með rauðglóandi hraunið sem er heillandi að fylgjast með en um leið ótrúlega upplýsandi (ca 20-25 mínútur)
  4. Að sýningu lokinni gefst svo öllum færi á að spyrja spurninga sem sýningarstjórinn reynir að svara eftir bestu getu. (ca 5 mínútur)

Allar nánari upplýsingar á icelandiclavashow.com

Ferðagjöf

Iceguide

Hrísbraut 3, 780 Höfn í Hornafirði

Iceguide býður uppá kayakferðir á jökullónum í faðmi Vatnajökuls. Á Jökulsárlóni siglum við á meðal himinhárra ísjaka, sela og fugla. Á Heinabergslóni ríkir kyrrð sem fáir hafa upplifað. Heinabergslón er sannkölluð náttúruperla sem engin ætti að láta fram hjá sér fara sem ferðast um suð-austurland.

Á veturnar bjóðum við uppá íshella og jöklaferðir af ýmsum toga.

Bjarteyjarsandur / Touch Iceland

Bjarteyjarsandur, 301 Akranes

Bjarteyjarsandur í Hvalfirði er heimili þriggja fjölskyldna og þar er stunduð fjölbreytt atvinnustarfsemi sem tengist búskap, ferðaþjónustu, fræðslustarfsemi, matvælaframleiðslu, verktakastarfsemi og fleiru. Bærinn stendur á fallegum stað innarlega í Hvalfirði og þar hefur sama ættin búið allt frá árinu 1887.

Gönguferðir, fræðsla & leiðsögn - boðið er upp á leiðsögn og fræðslu í Hvalfirði og nágrenni. Göngu- og rútuleiðsögn um Hvalfjörð, Akranes, Þingvöll og Borgarfjörð. Vinsælar gönguleiðir í nágrenninu eru Leggjabrjótur, Síldarmannagötur, Glymur og fjörusvæðin.

Á Bjarteyjarsandi er í boði gisting í notalegum sumarbústöðum og á skjólgóðu fjölskyldutjaldsvæði.

Sumarhús - í Fornastekk á Bjarteyjarsandi eru leigðir út vel útbúnir sumarbústaðir fyrir 5-7 manns. Bústaðirnir standa í fjallshlíð mót suðri og er útsýnið afar fagurt. Heitur pottur fylgir hverjum bústað. Helgar- og vikuleiga möguleg.

Tjaldsvæðið er á sléttri flöt neðan við gamla bæinn á Bjarteyjarsandi. Skjólbelti veitir ágætt skjól á hluta svæðisins. Salerni og ein sturta eru í þjónustuhúsi rétt ofan við tjaldflötina. Eldunaraðstaða eftir samkomulagi. Opið allt árið.

Verð 2019:
Fullorðnir: 1.500,- kr.
Börn, 4 - 14 ára: 750,- kr.
Börn, 3 ára og yngri: frítt
Rafmagn: 1.000,- kr. nóttin

Veitingastaðurinn Hlaðan er í uppgerðri fjóshlöðu í elsta hluta bæjarhúsanna á Bjarteyjarsandi. Matseðillinn samanstendur af heimafengnu hráefni sem myndar - ásamt umgjörðinni - einstaka matarupplifun.

Landbúnaður - á Bjarteyjarsandi er stundaður hefðbundinn sauðfjárbúskapur og gestum okkar er boðið að heimsækja fjárhús í fullum rekstri undir leiðsögn bænda á bænum.

Dýrin á bænum - um 600 fjár, íslenskar landnámshænur, hundar, hestar, kettir, kanínur, geitur og útigöngusvín á sumrin.

Beint frá býli - hægt er að versla við bændur á Bjarteyjarsandi allt árið um kring, þótt árstíðabundinn munur sé á vörum og þjónustu. Hér á síðunni er að finna verðlista yfir lambakjöt og vistvænt svínakjöt.

Opið daglega frá 1. maí til 30. september. Afgreiðslutími frá 11:00 til 17:00. Frá 1. október til 30. apríl þarf að bóka með a.m.k. tveggja sólahringa fyrirvara.

Ferðagjöf

Norðurflug

Bygging 313, Reykjavíkurflugvöllur, 101 Reykjavík

Norðurflug Helicopter Tours er leiðandi þjónustu fyrirtæki í þyrluflugi á Íslandi. Norðurflug státar sig af því að vera stærsta þyrlufélag landsins með fjórar þyrlur starfræktar allt árið um kring.

Þyrluflug er frábær leið til þess að upplifa og sjá alla þá nátturufegurð sem Ísland hefur upp á að bjóða. Gilin i Þórsmörk, litadýrðin i Landmannalaugum og jöklar landsins eru engum lík. Alveg frá því að tekið er á loft er þyrluflug einstök upplifun og gott tækifæri til þess að sjá landið frá öðru sjónarhorni en flestir eru vanir.

Norðurflug býður upp á margar og fjölbreyttar ferðir, allt frá 27.900 krónum á mann en þær má allar sjá á heimasíðu okkar www.helicopter.is

Við erum með aðsetur austanmegin á Reykjavíkurflugvelli, á Nauthólsvegi 58d. Netfangið okkar er: info@helicopter.is og símanúmerið: 562-2500.

Wildboys.is

Reynivellir 8, 700 Egilsstaðir

Wildboys.is bjóða upp á fjallgönguferðir auk annarra gönguferða á Austurlandi allt árið um kring. Göngu- og skíðaferðir á Snæfell, Ævintýraganga í Hafrahvammagljúfrum, Dyrfjöll, Stórurð og Fossaleiðin eru okkar vinsælustu ferðir.

Við tökum einnig að okkur leiðsögn hópa um Víknaslóðir og Lónsöræfi auk fleiri spennandi tinda og gönguleiða á Austurlandi. Vinsamlegast hafið samband vegna ferða og bókana.

Gray Line Iceland

Klettagarðar 4, 104 Reykjavík

Markmið okkar er að veita ógleymanlega upplifun á Íslandsferð.

Gray Line Iceland býður upp á ferðaskipulagningu fyrir hópa af öllum stærðum og rútuleigu á fyrsta flokks hópferðabílum.

Einnig bjóðum við upp á skemmtilegar dagsferðir með leiðsögn frá Reykjavík og áætlunarferðir til og frá Keflavíkurflugvelli.

Allir okkar bílar eru útbúnir öryggisbeltum, WiFi, sjónvarpi og DVD spilara og hægt er að panta bíla með salerni og extra fótaplássi. Einnig bjóðum við upp á fjórhjóladrifna hópferðabifreiðar fyrir hálendisferðir.

Við höfum skipulagt ferðir um Ísland fyrir Íslendinga og aðra ferðamenn í yfir 30 ár og erum stolt af því frábæra starfsfólki okkar sem býður upp á persónulega þjónustu og aðstoð til viðskiptavina okkar.

Kíktu við, hringdu eða skrifaðu okkur línu og sjáðu hvað við getum gert fyrir þig.

Inspiration Iceland

Knarrarberg, 601 Akureyri

Inspiration Iceland er fyrirtæki sem leggur áherslu á lifandi og skemmtileg ferðalög. Við bjóðum uppá ævintýraferðir til orkustaða og náttúrulinda, heilsu- og jóga ferðalög undir miðnætursólinni og norðurljósunum. Inspiration iceland býður uppá dagsferðir, slökunardaga og spennandi vikulöng vellíðunar-, heilsu- eða yogafrí.

Við bjóðum upp á glæsilegar vellíðunar- og ævintýraferðir á 66° North.
Vinsamlegast hafið samband vegna ferða og bókana.

Ferðagjöf

Fjórhjólaævintýri

Þórkötlustaðir 3, 240 Grindavík

Fjórhjólaævintýri ehf býður upp á fjórhjólaferðir í nágrenni Bláa Lónsins (Krýsuvík og Reykjanes) ferðirnar eru frá hálftíma upp í dagsferðir. Viðbjóðum upp á bestu fjórhjól sem völ er á, vatnsheldan og hlýjan galla, hjálma og vetlinga. Við leggjum metnað í að ferðin verði skemmtileg, þægileg og í sátt og samlindsi við náttúru landsins.

Raðaðu saman þínum pakka. Leitið tilboða í minni og stærri hópa info@atv4x4.is Þetta eru bara hugmyndir,við getum bætt inn í og tekið út úr:

Bláa lónið, Rúta, Saltfisksetur, Hellaskoðun, Hestaferðir, Hópeflisleikir, Matur, Paintball, Orkuverið Jörð, Sund, Hjólaferðir, Fundarsalir, dans, Mótorkross, Klifur, gisting o.s.frv.

New Moments

Austurströnd 1, 170 Seltjarnarnes

New Moments er ferða-og afþreyingarfyrirtæki sem sérhæfir sig í einstökum og menningarlegum upplifunum í íslenskri náttúru. Við þjónustum jafnt einstaklinga sem fyrirtæki sem vilja eitthvað öðruvísi og skemmtilegt. Við bjóðum sérsniðna og persónulega þjónustu við allskonar uppákomur s.s. leikjaprógrömm, menningargöngur, hellaævintýri, kokteilboð, tjaldveislur, árshátíðir, brúðkaup og fleira stórt og smátt.

Við hlökkum til að vinna með þér!

Viðeyjarferjan

Skarfagarðar 3 (Skarfabakka í Sundahöfn), 101 Reykjavík

Eyjuna Viðey á Kollafirði þarf vart að kynna enda er hún einstök náttúruperla í hjarta Reykjavíkur. Viðey er frábær staður fyrir einstaklinga, vini, fjölskyldur og aðra hópa sem vilja eiga skemmtilegar samverustundir í fallegri náttúru. Það tekur einungis nokkrar mínútur að sigla frá Skarfabakka yfir til Viðeyjar og þegar þangað er komið geta gestir litið á hin fjölmörgu listaverk sem Viðey hefur að geyma, fræðst um sögu eyjunnar, notið náttúrunnar eða kíkt í kaffi í Viðeyjarstofu.

Viðeyjarferjan:
Elding rekur Viðeyjarferjuna fyrir Reykjavíkurborg.

Siglingar: Tímabil: Brottfarir: Lengd:
Sumarferja 15. maí - 30. september Á klukkustundarfresti frá kl. 11:00 - 17:15 1 - 8 tímar
Vetrarferja 1. október - 14. maí (um helgar) Á klukkustundarfresti frá kl. 13:15 - 15:15 1 - 4 tímar
Friðarsúluferðir 9. október - 8. desember Kl. 20:00 1,5 - 2 tímar
Sérferðir Allan ársins hring Eftir óskum Opið

Viðeyjarstofa: Viðeyjarstofa er merkur og fallegur sögustaður. Húsið var upphaflega byggt sem embættisbústaður Skúla Magnússonar á árunum 1752-1755. Árið 1988 lauk umfangsmiklum endurbótum en yfirbragði hússins hefur verið haldið sem upprunalegustu. Í dag er rekið kaffihús og veitingarstaður í Viðeyjarstofu. Viðeyjarstofa er opin í tengslum við ferjusiglingar en einnig er hægt að bóka stofuna fyrir stóra sem smáa hópa og þykir frábær kostur fyrir fundi, veislurog fjölbreyttar uppákomur.

Frekari upplýsingar um verð og áætlun er að finna á heimasíðu Viðeyjar; www.videy.com. Á síðunni finnurðu einnig upplýsingar um sumar og vetrardagskrá í eyjunni.

Skíðasvæðið Tindastóli

-, 550 Sauðárkrókur

Skíðasvæðið í Tindastóli hentar sérlega vel fyrir alla fjölskylduna. Þar er að finna tvær lyftur ásamt töfrateppi. Neðri lyfta fer í 900 metra hæð (440 metra yfir sjávarmáli) og eru 2 brautir norðan og vestan megin. Efri lyftan byrjar þar sem fyrri endar, er 1045 metrar á hæð og fer alveg upp á topp Tindastóls þar sem lofhæðin er 903 metrar yfir sjávarmáli og útsýnið einstakt. Stökkpallar og brautir eru fyrir snjóbrettafólk í Tindastóli. Töfrateppið er frábært fyrir byrjendur og lengra komna og er braut í kringum það líka. Göngubraut er troðin alla daga sem opið er á svæðinu. Troðinn er 4-7 km hringur í fjölbreyttu landslagi, en einnig er hægt að fara styttri hring á tiltölulega sléttu svæði. Nokkrar leiðir eru einnig fyrir snjóþotur og slöngur.

Hægt er að leigja allan skíðabúnað í Tindastóli.

Into the Wild

Fagrabrekka 20, 200 Kópavogur

Into The Wild bíður upp á ævintýralegar jeppaferðir sniðnar að þínum óskum.

Sjáið einnig: https://www.facebook.com/IntoTheWildIceland

Daytour

Gautavík 29, 112 Reykjavík

Vinsamlegast hafið samband vegna ferða og bókana.

Ferðagjöf

Álfa-, trölla- og norðurljósasafnið

Hafnargata 9, 825 Stokkseyri

Álfa- trölla- og norðurljósasafnið er staðsett á fyrstu hæð Menningarverstöðvarinnar á Stokkseyri. Gestir safnsins fá að skyggnast inní heim álfa ásamt því að sjá norðurljósin í allri sinni dýrð í 200fm vetrarríki.

Á þriðju hæð hússins er að finna Draugasetrið en þar fá gestir að kynnast nokkrum af frægustu draugum íslandssögunnar og upplifa sögurnar um þá í 1000fm völundarhúsi, þorir þú?

Jöklajeppar ehf.

Vagnsstaðir, 781 Höfn í Hornafirði

Jöklajeppar ehf hafa boðið uppá jeppaferðir á Vatnajökul síðan 1994

Farið er alla daga frá mars til október frá Vagnsstöðum og frá afleggjara F985, keyrt er á sér útbúnum fjallajeppum á vegi F985 áleiðist að Vatnajökli, á leiðinni gefst gestum okkar færi á að skoða kunnuglegt landslag sem birst hefur í fjölmörgum kvikmyndum og þáttum. Má þar nefna Batman Begins, The Secret Life of Walter Mitty, Tomb Raider: Lara Croft, Amazing Race og Game of Thrones.

  • Daglegar brottfarir frá Vagnsstöðum kl. 9.30 og 14.00
  • Ferðin er 3 klst. Þar af 1 klst á jöklinum sjálfum.

Hægt er að bóka á heimasíðunni www.glacierjeeps.is eða í síma 4781000

Activity Iceland

Koparslétta 9, 116 Reykjavík

Solstice Tours

Hamrahlíð 27, 105 Reykjavík

Vinsamlegast hafið samband vegna ferða og bókana.

Landbúnaðarsafn Íslands

Hvanneyri, 311 Borgarnes

Landbúnaðarsafn Íslands sýnir sögu og þróun íslensks landbúnaðar, með áherslu á tímabilið frá 1880 fram undir lok 20. aldar. Á safninu er munum og tækjum þannig fyrir komið að gestir ganga í gegnum söguna og með því móti verða skýrar þær miklu tæknibreytingar sem urðu í íslenskum landbúnaði á 20. öld.

Sýning safnsins er i Halldórsfjósi á Hvanneyri og er daglegur opnunartími frá 11-17 frá 15. maí til 14. september. Á veturna er opið fimmtudaga, föstudaga og laugardaga á sama tíma og Ullarselið, sem er í anddyri safnsins. Afgreiðslutími beggja er kl. 13-17 þessa daga. Á öðrum tímum er safnið opið eftir þörfum. Vinsamlegast hafið samband í síma 844 7740; einnig má hafa samband við skiptiborð Landbúnaðarháskólans, í síma 433 5000.

Hópum er veitt munnleg leiðsögn um safnið, sé þess óskað.

Einnig er boðið upp á stutta kynningu á Hvanneyrarstað og starfinu þar m.a. með heimsókn í Hvanneyrarkirkju, eina fallegustu kirkju landsins og örstuttri gönguferð um Gamla skólastaðinn (þegar veður leyfir). Mögulegt er einnig að kíkja í Hvanneyrarfjósið þar sem tugir afkomenda norrænu víkingakúnna eru að störfum. Reikna má með gjaldi fyrir þá þjónustu.

Nánari upplýsingar um Landbúnaðarsafn eru veittar í síma 844 7740.

Ferðagjöf

Mountaineers of Iceland

Skálpanes, 806 Selfoss

Mountaineers of Iceland er ferðaþjónustufyrirtæki sem sérhæfir sig í snjósleða-, íshella- og jeppaferðum á Langjökli. Fyrirtækið er með tvær starfsstöðvar við Langjökul, Geldingafell og Skálpanes.

Einnig er hægt að hafa samband við Mountaineers of Iceland varðandi sérsniðnar ferðir fyrir hópa eða hvataferðir.

Viking Heliskiing ehf.

Þverá in Ólafsfjörður, 625 Ólafsfjörður

Viking Heliskiing sérhæfir sig þyrluskíðaferðum og hefur aðsetur á Tröllaskaga, nánar tiltekið á Þverá í Ólafsfirði. Tröllaskaginn er paradís fyrir fjallaskíðamennsku með þúsundir brekka sem bíða þess að vera skíðaðar og hafa jafnvel aldrei verið skíðaðar áður.

Viking Heliskiing var stofnað af þeim Jóhanni Hauki Hafstein og Björgvini Björgvinssyni. Jóhann og Björgvin eru báðir fyrrum landsliðsmenn í alpagreinum og ólympíufarar fyrir Íslands hönd. Eftir að keppnisferlinum lauk þá hafa þeir félagar snúið sér að fjalla- og þyrluskíðamennsku við góðan orðstír.

Viking Heliskiing hefur sett saman gríðarlega öflugan hóp af starfsfólki á öllum sviðum til að tryggja að dvöl gesta verði sem best. Leiðsögumennirnir eru sérhæfðir í erfiðum aðstæðum og þeir munu ávalt velja bestu brekkurnar fyrir hvern og einn, en fyrst og fremst tryggja öryggi gesta okkar.

Ef þig langar að skíða niður langar og þægilegar brekkur, þá gerum við það. Ef þig langar að skíða brattar brekkur, þá gerum við það. Ef þig langar að skíða mjög brattar og krefjandi brekkur, þá gerum við það. Leiðsögumenn okkar munu þó passa uppá að okkar gestir ætli sér ekki um of í brekkunum því öryggi okkar gesta er ávallt í forgang.

Wide Open

Aðalstræti 54a, 600 Akureyri

Wide Open is all about hiking, nature and exploring new horizons. We are based in Akureyri, and all our tours start from this cosy little arctic town surrounded by mountains with dazzling views over the fjord. We aim to stay off the beaten track and away from the crowds.

During the winter, when the snow is deep and the fjord is white, we put on our snowshoes and enter the frozen landscapes of the north. The snowshoes allow us to go outdoors without sinking to deep in the powder and they give us the necessary grip on patches of icy snow. If you like hiking, you will love snowshoeing.

The Snowshoe Delight is our daily scheduled snowshoe tour. But you can also book us for a private snowshoe hike, and we also have kids snowshoes for a Family Snowshoe Tour."

Ferðagjöf

Hótel Staðarborg

Staðarborg, 760 Breiðdalsvík

Hótel Staðarborg er glæsilegt, nýlegt 30 herbergja hótel í Breiðdal í Suður-Múlasýslu, aðeins 7 km. frá Breiðdalsvík. Hér er um að ræða endurnýjað skólahúsnæði er rúmar 54 gesti í 30 rúmgóðum herbergjum með sér baði og sjónvarpi, auk svefnpokaplássa. Hótelið er við þjóðveg nr. 1 í 625 km fjarlægð frá Reykjavík og um 100 km frá Seyðisfirði, sem gerir hótelið að ákjósanlegum áningarstað fyrir þá sem ferðast með bílferjunni Norrænu. Afþreying er fjölbreytt á svæðinu og við allra hæfi í fögru umhverfi.

Hótel Staðarborg var opnað sumarið 2000 í Breiðdal.
Í veitingasal er framreiddur morgunverður, hádegisverður og kvöldverður auk þess sem hægt er að fá kaffi og meðlæti allan daginn.
Á lóðinni eru tjaldstæði og heitur pottur gestum til afnota.

Ferðagjöf

Iceland Travel

Skógarhlíð 12, 105 Reykjavík

Iceland Travel býður upp á breytt úrval ferða á Íslandi, allt frá nokkurra daga ferðum með leiðsögn að dagsferðum með afþreyingu, bæði fyrir hópa og einstaklinga. Við tökum einnig að okkur að skipuleggja ráðstefnur, viðburði, fundi og hvataferðir.

Sænautasel

Jökuldalsheiði, 701 Egilsstaðir

Sænautasel var byggt á Jökuldalsheiði 1843. Bærinn var í byggð í eina öld. Árið 1861 voru 16 bæir í byggð á heiðinni. Þeir eyddust að mestu í Öskjugosi 1875. Flutt var úr bænum árið 1943. Meðal hinna brottfluttu var ellefu ára snáði, Eyþór, sem vitjar enn þá (2010) átthaganna á sumrin. Þáverandi Jökuldalshreppur endurbyggði bæinn árið 1992. Hluti hans féll árið 2009 og var endurbyggður 2010. Hann er mjög áhugavert safn og aðeins fimm kílómetra að fara frá gamla þjóðveginum, sem liggur um Möðrudalsöræfi og Jökuldalsheiði.

Flestir Íslendingar og margir erlendir aðdáendur Haldórs Kiljan Laxness þekkja söguna um Bjart í Sumarhúsum í skáldverkinu "Sjálfstætt fólk". Hún lýsir lífsbaráttu sjálfstæðs kotbónda á afskekktri heiði. Margir telja að fyrirmynd sögunnar sé komin frá Sænautaseli, því þar átti Halldór næturstað á þriðja áratugi 20. aldar. Hann gekk þangað úr byggð.

Heiðabúskapur var einnig viðfangsefni rithöfundanna Gunnars Gunnarssonar (Aðventa) og Jóns Trausta (Halla og heiðarbýlið).

Ferðaþjónustan, sem er rekin í bænum á sumrin, nær til leiðsögu um bæinn. Þar er sögð saga fólksins, sem bjó á heiðinni og búskaparháttum. Ekki má gleyma því, að heiðarbýlin áttu aðgang að stöðuvötnunum á heiðinni, sem var drjúg búbót. Síðan er hægt að setjast og njóta veitinga í bænum, þar sem komið er fullkomið eldhús, sem er þekkt fyrir góðar lummur og súkkulaði.

Lilja Hafdís Ólafsdóttir
Merki í Jökuldal
701 Egilsstaðir
Sími: 855-5399 / 471-1086
Opið frá 1. júni til 10. september 9-22 og samkvæmt samkomulagi.
jokulsa@centrum.is

Ferðagjöf

Boreal

Austurberg 20, 111 Reykjavík

Ferðaþjónusta Þ.I.Þ. / Boreal er áreiðanlegt ferðaþjónustufyrirtæki sem sérhæfir sig í 4x4 Jeppaferðum. Við bjóðum upp á ýmiskonar ævintýraferðir allt árið um kring, jöklaferðir, jarðfræðiferðir, ljósmyndaferðir o.fl.

Jepparnir eru af ýmsum stærðum til að mæta óskum viðskiptavina, allt eftir því hversu stór hópurinn er og hvert skal haldið.

Mottó fyrirtækisins er: Þekking, reynsla, þjónusta.

Skíðasvæðið Böggvisstaðafjalli

, 620 Dalvík

Skíðasvæðið á Dalvík er tilvalið fyrir alla fjölskylduna og býður upp á fjölbreyttar brekkur með tveimur skíðalyftum, en á svæðinu er 1.200 metra löng upplýst brekka. Á skíðasvæðinu er snjóframleiðslukerfi sem gerir skíðasvæðið enn tryggara með snjó en áður. Þegar aðstæður leyfa er troðin göngubraut rétt við skíðasvæðið. Skíðaleiga er á staðnum.

Það er tilvalið að koma til Dalvíkurbyggðar og upplifa kyrrð og ró í faðmi fjallanna.
Upplýsingar: Skíðasvæðið: 466-1010 www.skidalvik.is

Hike&Bike - Mývatn Activity

Múlavegur 1, 660 Mývatn

Ferðaþjónustan Hike & Bike býður upp á fjölbreyttar göngu- og fjallahjólaferðir með leiðsögn um rómaða náttúru Mývatnssveitar. Leiðsögumenn okkar þekkja svæðið mjög vel og hafa unun af útivist og náttúru Íslands. Í ferðum okkar förum við um svæði þar sem umferð ferðamanna er í lágmarki og skoðum staði sem almenningur veit oft ekki um. Við leitumst við að gera hverja ferð að einstakri upplifun fyrir þátttakendur og njótum þess að vera saman úti í íslenskri náttúru. Við bjóðum upp á fastar brottfarir í göngu- og fjallahjólaferðir yfir sumartímann, þ.e júní, júlí og ágúst. Allan ársins hring bjóðum við svo upp á sérsniðnar ferðir fyrir hópa, gangandi, hjólandi eða skíðandi.

Komið og njótið íslenskrar náttúru með okkur hjá Hike & Bike !

Always-Iceland

Austurkór 6a, 203 Kópavogur

Algengir áfangastaðir:

Ferð:

Brottför:

Lengd:

Golden Circle Glacier

Allt árið

8-9 klst.

Hot Golden Circle Tour

Allt árið

8-9 klst.

South Coast and Þorsmork

Allt árið

8-9 klst.

Beautiful West and Glacier

Allt árið

8-9 klst.

Reykjanes and Blue Lagoon

Allt árið

5-6 klst.

Landmannalaugar - Hekla

Allt árið

10-11 klst.

Beautiful West and Ice Cave

Allt árið

8-9 klst.

Always Iceland býður upp á ferðir á breyttum jeppum og lúxus bílum á Íslandi. Við bjóðum uppá allar hefbundnar ferðir sem og hinar vinsælu hálendisferðir. Við bjóðum upp á dagsferðir og afþreyingu fyrir einstaklinga, ferðir fyrir litla hópa og hvataferðir fyrir ferðamenn. Persónuleg þjónusta. Bjóðum uppá úrval af afþreyingu samhliða okkar ferðum til dæmis vélsleðaferðum, ísklifri, köfun, hestaferðum, hellaskoðunum, fjórhjólaferðum o.fl.

Vinsamlegast hafði samband vegna ferða og bókana.


Ferðagjöf

Local Guide - of Vatnajökull

Hofsnes, 785 Öræfi

Jöklaferðir í ríki Vatnajökuls

www.localguide.is
info@localguide.is
sími: 8941317

Um:
Local Guide of Vatnajökull er lítið fjölskyldufyrirtæki á Suðausturlandi og hefur verið starfrækt frá árinu 1991. Rætur fyrirtækisins liggja í Öræfum og hafa fimm kynslóðir fjölskyldunnar farið í leiðangra um jökulinn og fyrirtækið er nú í eigu þriðju kynslóðar.

Local Guide býr yfir mikilli þekkingu um allt Vatnajökulssvæðið. Sérhæfing okkar eru íshellaferðir á veturna og ísgönguferðir á sumrin. Við tökum einnig að okkur sérferðir fyrir hópa og fjölskyldur, tindaleiðangra, klettaklifurnámskeið á Hnappavöllum, ljósmyndaferðir, gönguferðir, jeppaskutl og trúss; á Vatnajökli og sem dæmi í umhverfi Skaftafells, Núpstaðarskógs og Lakagíga.

Ekki hika við að setja þig í samband við okkur og við munum með ánægju sýna þér þessa mikla náttúruperlu sem Vatnajökulsþjóðgarður býður uppá.

Opnunartími:

Jökla-, ísgöngu- og ísklifurferðir: allt árið

Íshellaferðir: október - april

Gönguferðir og klettaklifurnámskeið: á sumrin

Við sjáum einnig um jeppaskutl og trúss um allt Vatnajökulssvæðið.

Ferðagjöf

Tanni ferðaþjónusta ehf.

Strandgata 14, 735 Eskifjörður

Tanni Travel er ferðaþjónustufyrirtæki sem býður upp á fjölbreytta afþreyingu á Austurlandi.

Við erum fjölskyldufyrirtæki og má rekja sögu fyrirtækisins aftur til 1970 er Sveinn Sigurbjarnarson hóf rekstur fólksflutningabíls. Í dag erum við með 17 rútur í ýmsum stærðum og bjóðum upp á ferðir allt árið fyrir innlenda og erlenda hópa. Hvort sem það eru lengri eða styttri ferðir að þá sjáum við til þess að þú sjáir það best sem Austurland hefur upp á að bjóða. Gildi okkar endurspeglast í einkunarorðum okkar, reynsla, metnaður, skemmtun.

Scandic Mountain Guides

Hóll, 625 Ólafsfjörður

Scandic Mountain Guides er fyrirtæki sem sérhæfir sig í fjallaskíðamennsku. Fyrirtækið er staðsett á bænum Hóli í Ólafsfirði á Tröllaskaga, en Tröllaskaginn er einmitt perla fyrir fjallaskíðamenn og göngufólk. Möguleikarnir sem Tröllaskaginn býður uppá eru endalausir og munu allir geta fundið brekkur við hæfi og upplifað einstaka náttúrufegurð. Scandic Mountain Guides gefur þér forskot á aðra skíðamenn.

Scandic Mountain Guides var stofnað af þeim Jóhanni Hauki Hafstein og Björgvini Björgvinssyn árið 2015. Jóhann og Björgvin eru báðir fyrrum landsliðsmenn í alpagreinum og ólympíufarar fyrir Íslands hönd. Eftir að keppnisferlinum lauk þá hafa þeir félagar snúið sér að fjalla- og þyrluskíðamennsku.. Þeir Jóhann og Björgvin reka einnig þyrluskíða fyrirtækið Viking Helisking við góðan orðstír.

Scandic Mountain Guides hefur í samstarfi við Viking Heliskiing sett saman gríðarlega öflugan hóp af starfsfólki á öllum sviðum til að tryggja að dvöl gesta verði sem best og að þeir njóti verunnar með okkur í víðara samhengi en bara á skíðum. Leiðsögumenn okkar eru allt frá ólympíuförum með mikla kunnáttu á tækni til fjallaskíðunar og munu aðstoða okkar gesti sé þess óskað, til leiðsögumanna með UIAGM/IFMGA fjallaleiðsögu réttindi og 35 ára reynslu. Okkar leiðsögumenn gjör þekkja Tröllaskagan og munu ávalt velja bestu brekkurnar fyrir okkar gesti út frá þeirra hagsmunum, áhuga og líkamlegri getu, en fyrst og fremst með öryggi þeirra í fyrirrúmi.

Tröllaskaginn er þekktur fyrir sín fjölmörgu og háu fjöll sem bjóða upp á þúsundir valmöguleika þegar kemur að fjallaskíðun. Verandi umkringdur Norður Atlantshafinu gerir útsýnið einstakt og möguleikan á að skíða frá toppi niður í fjöru að einstakri upplifun sem fæstir vilja missa af. Samstarfið við Viking Heliskiing gerir það að verkum að okkar gestir hafa val um að fá aðstoð frá þyrlu til að ná til svæða sem annars væru utan seilingar. Það er fátt betra en að láta þyrlu skutla sér á topp fjalls og byrja á því að skíða niður áður en þú hefur gönguna upp næsta fjall til að skíða aðra ótrúlega brekku. Þyrlan getur síðan sótt hópinn í lok dags og jafnvel skilið hann eftir á toppi fjallsins fyrir ofan Hól þar sem hópurinn gistir, og hópurinn skíðar alveg niður að Hóli. Hvernig hópurinn eyðir restinni af deginum er undir honum komið en valmögueikarnir á annari afþreyingu eru gríðarlegir. Nefndu það og við gerum allt til þess að þú fáir að upplifa það sem þú villt.

Endilega hafið samband og saman munum við skipuleggja frábæra daga sem gleymast aldrei.

Ferðagjöf

Wanderlust

Óðinsgata 7, 101 Reykjavík

Við bjóðum uppá auðveldar gönguferðir í nágrenni Reykjavíkur. Auk þess
hálendisleiðangra fyrir vant fjallafólk, fjölskylduferðir, hlaupaferðir,
fjallaskíðaferðir.

Sportferðir ehf.

Ytri-Vík / Kálfsskinn, 621 Dalvík

Sportferðir er ferðaþjónustufyrirtæki, staðsett í Eyjafirði með hópferða- og ferðaskrifstofuleyfi. Sportferðir sérhæfa sig í skipulagningu hvataferða og hópeflis fyrir fyrirtæki og einnig árshátíða- og skemmtiferða hverskonar fyrir einstaklinga, félög og fyrirtæki. Ferðirnar eru framkvæmdar um allt land og í samvinnu við marga aðra ferðaþjónustuaðila.
Gísting á vegum Sportferða er í Ytri-Vík í Eyjafirði.
Gamla húsið er steinhús á þremur hæðum sem byggt var 1929 og hefur verið mikið endurnýjað.Í húsinu eru 7 svefnherbergi tveggja- og þriggjamanna og rúmar húsið 16 manns í uppbúin rúm. Í húsinu er fullbúið eldhús og borðstofa sem rúmar 25 manns og einnig lítil setustofa. Í kjallara hússins er gufubað og búningsaðstaða fyrir gesti og stór heitur pottur fyrir utan.Frístundahúsin Í Ytri Vík eru einnig 7 fullbúin sumarhús.

Ferðagjöf

Elding - Hvalaskoðun Reykjavík

Ægisgarður 5, 101 Reykjavík

Elding - Hvalaskoðun Reykjavík er fjölskyldurekið fyrirtæki sem gert hefur út á hvalaskoðun frá árinu 2000. Nú bjóðum við einnig upp að fjölbreyttar ævintýraferðir á sjó svo sem lundaskoðun, sjóstangveiði, Viðeyjarferjuna, Friðarsúluferð, Norðurljósasiglingu og fjölbreyttar sérferðir. Allir farþegar Eldingar fá frían aðgang að Hvalasetrinu sem er einskonar fljótandi safn staðsett um borð í fyrrum fiskibát við Ægisgarð.

Ferðirnar okkar eru náttúrulífsferðir og því er hver ferð einstök. Leiðsögumenn okkar segja á skemmtilegan og fræðandi hátt frá dýralífinu og nærumhverfinu í ferðunum okkar. Við leggjum mikið upp úr umhverfismálum og kappkostum við að bjóða upp á hágæða ferðir með eins litlum áhrifum á umhverfið og hægt er.

Elding er með gullvottun frá EarthCheck og bátar Eldingar bera Bláfánann. Árið 2008 hlaut Elding umhverfisverðlaun Ferðamálastofu og vorum meðal fyrstu þátttakenda í gæða og umhverfiskerfi VAKANS.

Elding - Hvalaskoðun Reykjavík er fjölskyldurekið fyrirtæki sem gert hefur út á hvalaskoðun frá árinu 2000. Nú bjóðum við einnig upp að fjölbreyttar ævintýraferðir á sjó svo sem lundaskoðun, sjóstangveiði, Viðeyjarferjuna, Friðarsúluferð, Norðurljósasiglingu og fjölbreyttar sérferðir. Allir farþegar Eldingar fá frían aðgang að Hvalasetrinu sem er einskonar fljótandi safn staðsett um borð í fyrrum fiskibát við Ægisgarð.

Ferðirnar okkar eru náttúrulífsferðir og því er hver ferð einstök. Leiðsögumenn okkar segja á skemmtilegan og fræðandi hátt frá dýralífinu og nærumhverfinu í ferðunum okkar. Við leggjum mikið upp úr umhverfismálum og kappkostum við að bjóða upp á hágæða ferðir með eins litlum áhrifum á umhverfið og hægt er.

Elding er með gullvottun frá EarthCheck (og stefnir á platinum veturinn 2018-2019) og bátar Eldingar bera Bláfánann. Árið 2008 hlaut Elding umhverfisverðlaun Ferðamálastofu og vorum meðal fyrstu þátttakenda í gæða og umhverfiskerfi VAKANS.

Scandinavia Travel North ehf.

Garðarsbraut 5, 640 Húsavík

Scandinavia Travel North er ferðaskrifstofa og -skipuleggjandi á Íslandi, með sérstaka áherslu á norður- og austurhluta landsins. Við bjóðum alhliða ferðaþjónustu, þ.á.m. akstur, skoðunarferðir, leiðsögn, og bókarnir á gistingu, afþreyingu, viðburðum, veitingum o.s.frv.

Scandinavia Travel North leggur sérstaka áherslu á vel útfærðar sérsniðnar ferðir með áherslu á heildarupplifun þátttakenda. Auk hefðbundinna skoðunarferða og áfangastaða, bæði sem dagsferðir og nokkra daga pakkar, þá skipuleggjum við einnig ferðir utan alfaraleiða og vinsælustu svæðanna. Slíkar sérsniðnar ferðir gætu leitt þig til þekktra áfangastaða á landinu, en einnig til minna þekktra svæða eða áhugaverðra staða, með von um að heildarupplifun og reynsla verði sem mest og best.

Við leggjum okkur fram um að segja sögur og tengja við staðhætti, menningu, hefðir og arfleifð.

Skipulag hópferða er okkar fag. Við bjóðum bæði faglega og sérhæfða þjónustu í formi skipulags og undirbúnings, ásamt öllu utanumhaldi. Skipulag á landi, skoðunarferðir, gisting og veitingar, afþreying o.s.frv. Við eigum ferðaplön og hugmyndir, en erum ávallt tilbúin að útfæra sérstaklega ferðaskipulag í samræmi við þínar óskir, áhugasvið, tímaramma, aðstæður og hvað á að vera innifalið.

Fyrir einstaklinga og litla hópa, þá bjóðum við sérferðir með leiðsögn og einnig bílaleigupakka.

Scandinavia Travel North er með leyfi ferðaskrifstofu frá Ferðamálastofu.

Ferðagjöf

Arctic Adventures

Skútuvogur 2, 104 Reykjavík

Flúðasiglingar: Á Hvítá á Suðurlandi. Á Vestari Jökulsá og Austari Jökulsá í Skagafirði á Norðurlandi.
Kanósiglingar: Á Hvítá á Suðurlandi.
Sjókayak: Á Hvalfirði á Suðurlandi, Breiðafirði á Vesturlandi, Skutulsfirði, Seyðisfirði, Hestfirði og Reykjanesi í Ísafjarðardjúpi á Vestfjörðum, og Langasjó á hálendi Íslands.
Jöklaganga: Á Snæfellsjökli á Vesturlandi, Eyjafjallajökli og Sólheimajökli á Suðurlandi, og Fallsjökli og Virkisjökli í Skaftafelli á Suð-Austurlandi.
Ísklifur: Á Sólheimajökli á Suðurlandi og Virkisjökli í Skaftafelli á Suð-Austurlandi.
Köfun: Í gjánni Silfru á Þingvöllum á Suðurlandi, að El Grillo skipsflakinu á Seyðisfirði á Austurlandi og að heitu uppsprettunni í Strýtunum í Eyjafirði á Norðurlandi.
Snorkeling: Í gjánni Silfru á Þingvöllum á Suðurlandi.
Hellaferðir: Í Gjábakkahelli og Leiðarenda á Suðurlandi, og Lofthelli við Mývant á Norðurlandi.
Göngu- og fjallaferðir: Á Esjuna og Reykjadal á Suðurlandi, Laugaveginn, Landmannalaugar, Þórsmörk, Fimmvörðuháls og Fjallabak á Hálendinu, Heklu og Eyjafjallajökul á Suðurlandi, Hornstrandir og Jökulfirði á Vestfjörðum, Borgarfjörð Eystri á Austurlandi, og Snæfellsjökul á Vesturlandi, Hvannadalshnúk, Hrútfjallstinda, Sveinstind, Þverártindsegg og Þumal í Skaftafelli á Suð-Austurlandi.
Fjórhjólaferðir: Á Hellisheiði á Suðurlandi.
Snjósleðaferðir: Á Langjökli og Mýrdalsjökli á Suðurlandi og Snæfellsjökli á Vesturlandi.
Jeppaferðir: Sumar og vetrar dagsferðir og leiðangrar um hálendið, jökla, Gullna hringinn, Landmannalaugar, Þórsmörk, Suðurströndina og á fleiri staði.
"Self-drive" fjallajeppaferðir: Sumar og vetrar dagsferðir og leiðangrar um hálendið, jökla, Gullna hringinn, Landmannalaugar, Þórsmörk, Suðurströndina og á fleiri staði.
Klettaklifur: Í Valshamar í Hvalfirði á Suðurlandi og á Hnappavöllum í grennd við Skaftafell á Suð-Austurlandi.
Brimbrettaferðir: Dagsferðir og lengri ferðir á Norður- og Suðurlandi.
Hjólaferðir: Í Reykjavík, Heiðmörk og Reykjadal á Suðurlandi, og Skaftafelli á Suð-Austurlandi.
Hvalaskoðun: Frá Reykjavík.
Hestaferðir: Á Suðurlandi.
Samsettar ferðir: Samblanda mismunandi afþreyingar í dagsferðum og lengri ferðum.
Skólaferðir: Á Norður-, Suð-Austur og Suðurlandi.
Starfsmannaferðir: Á Norður-, Suð-Austur og Suðurlandi.

Ferðagjöf

Icelandair hótel Mývatn

Mývatnssveit, 660 Mývatn

Löng hefð er fyrir því að taka vel á móti ferðamönnum á Mývatnssvæðinu og Icelandair hótel hlakka til að viðhalda þeirri hefð. Staðsetning Icelandair hótel Mývatns er frábær og tilvalin dvalarstaður til að skoða Mývatnssveit og nágrenni.

Umhverfi hótelsins er afslappað og gott að slaka á og gera vel við sig í mat og drykk, hvort sem þú kýst að endurhlaða batteríin með samferðamönnum eða hvíla þig í þægilegum herbergjum.

  • Opnað í júlí 2018
  • 59 hótelherbergi
  • Herbergi með hjólastólaaðgengi
  • Frábær staðsetning
  • Veitingastaður og bar
  • Frítt internet
  • Stórbrotin náttúra

Bergrisinn - Iceland Untouched

Meistaravellir 11, 107 Reykjavík

Allar ferðir okkar eru gerðar í kringum hugmyndir okkar um óhefta, óspillta, ótamda og ósnortna náttúru Íslands. Frá okkar sjónarhóli er það sem gerir Ísland svona einstakt og ætti að njóta þess og muna sem svo. Með margra ára reynslu að baki viljum við halda okkur úr alfaraleið og í burtu frá mannfjöldanum á alla vegu.

Við getum með sanni sagt að við upplifum alltaf þá einstöku "Alein/n í heiminum" tilfinningu á ferðum okkar og njótum þess sem náttúran hefur upp á að bjóða til fullnustu. Við erum starfrækt allt árið víðsvegar um Ísland og leggjum megin áherslu á gæði umfram magn.

Við ferðumst aðeins í litlum hópum með faglærðum leiðsögumönnum, upplifum okkar menningu, njótum hágæða matseldar og við erum auðvitað alltaf nálægt náttúrunni.

Flestar ferðirnar okkar eru sérsniðnar fyrir viðskiptavini okkar og verð getur því verið mismunandi eftir eftirspurn og ferðalýsingu. Fyrir brottfarir, verð, bókanir og aðrar fyrirspurnir vinsamlega hafið samband:

info@icelanduntouched.com
Sími: 696-0171
Sími: +1(857)3423157

Ferðagjöf

Sel Hótel Mývatn / Mývatn ehf.

Skútustaðir, 660 Mývatn

Sel-Hótel Mývatn hefur 58 herbergi og eru þau öll með sér baðherbergi.

Öll herbergi hótelsins hafa sjónvarp og te/kaffiaðbúnað.

Einnig er möguleiki á háhraða tölvutengingu á öllu hótelinu sem og ókeypis aðgang að gufubaði og heitum potti. Boðið er upp á morgunverðarhlaðborð á hverjum morgni.

Á veitingastað hótelsins er boðið upp á a la cart matseðil allt árið um kring og á sumrin eru einnig hádegisverðar- og kvöldverðarhlaðborð.

Á Sel-Hótel Mývatni er leitast við að skapa notalegt viðmót gagnvart gestum hótelsins og er mikilfenglegt útsýni frá herbergjunum, yfir Skútustaðagíga og út á Mývatn. Hótelið er vel búið til að allskonar fyrirtækja- og skemmtiferðum, bæði varðandi aðbúnað á hótelinu og einnig aðra afþreyingu á Mývatnssvæðinu.

Ennfremur er hótelið einstaklega vel staðsett til að sinna ráðstefnum og fundum fyrir stærri sem smærri hópa og er fundarsalur fyrir 80 manns á hótelinu.

Skíðasvæðið Skarðsdal

Skarðsdal, 580 Siglufjörður

Skíðasvæðið í Skarðsdal má telja með skemmtilegustu skíðasvæðum landsins en þar eru þrjár lyftur og nýlegur skíðaskáli þar sem aðstaða fyrir gesti er öll til fyrirmyndar.
Nýlega voru Héðinsfjarðargöngin opnuð og tekur einungis rúman klukkutíma að keyra frá Akureyri til Siglufjarðar.
Upplýsingar: Skíðasvæði: 467-1806 / 878-3399. www.skardsdalur.is

Aurora Experience

Hafnargata 9, 825 Stokkseyri

Vinsamlegast hafið samband vegna ferða og bókana.

Ferðagjöf

Reykjavík Escape

Borgartún 6, 105 Reykjavík

Reykjavik Escape býður upp á fjölbreytt og spennandi flóttaherbergi (escape rooms). Þið eruð læst inni í herbergi og hafið aðeins 60 mínútur til þess að komast út!

Reykjavik Escape er staðsett miðsvæðið í Reykjavík eða í Borgartúni 6.

Flóttaherbergi er ótrúlega spennandi afþreying sem hentar öllum sama hvort um er að ræða vinahópa, fjölskyldur, vinnufélaga eða skólafélaga.

Það þarf aldrei að klifra eða nota krafta. Bara leysa skemmtilegar og spenanndi þrautir í kappi við klukkuna.

Tökum á móti öllum stærðum af hópum. Alveg frá 2 til 50 í einu.

Ferðagjöf

Kynnisferðir - Reykjavik Excursions

BSÍ Bus Terminal, 101 Reykjavík

Reykjavik Excursions - Kynnisferðir bjóða upp á daglegar áætlunarferðir inn á hálendið í Landmannalaugar og Þórsmörk, og einnig að Skógum. Hálendisrútan er tilvalin fyrir þá sem að vilja ganga Laugarveginn eða Fimmvörðuhálsinn eða að gera sér glaðan dag á þessum fallegu svæðum sem ekki eru á færi fólksbíla.

Tímatöflur má finna á https://www.re.is/is/highland-bus/

Einnig býður Reykjavik Excursions upp á eitt stærsta úrval dagsferða á Íslandi og má þar nefna hinn heimsfræga gullhring, dagsferð um suðurströndina sem og Snæfellsnesið, að ógleymdum sætaferðum til og frá Bláa lóninu og Leifstöð.

Reykjavík Sightseeing / Airport Direct

Skógarhlíð 10, 105 Reykjavík
Ferðagjöf

Adventure Vikings

Síðumúli 13, 108 Reykjavík

Adventure Vikings býður uppá stórskemmtilegt úrval af ævintýraferðum bæði fyrir einstaklinga og hópa.

Snorkeling: Dagsferðir í Silfru bæði í þurrgöllum sem fólk flýtur á yfirborðinu og í blautgöllum sem fólk getur fríkafað til að upplifa Silfru enn nánar.

Surfing: Námskeið og dagsferðir bæði fyrir byrjendur og lengra komna.

Standbretti / SUP: Námskeið fyrir alla fjölskylduna á sumrin auk ævintýra ferða í boði.

Hellaskoðun: Hellaferðir í Leiðarenda og fleiri hella í nágrenni Reykjavíkur.

Fjallgöngur: Reykjadalur við Hveragerði með slökun í heita hveralæknum.

Gullhringur: Þar sem hægt er að sameina ferðina með yfirborðsköfun eða hellaskoðun.

Bergmenn ehf.

Klængshóll, 621 Dalvík

Jökull Bergmann er stofnandi Bergmanna og jafnframt fyrsti og eini faglærði fjallaleiðsögumaður landsins. Bergmenn sérhæfa sig í leiðsögn og kennslu á öllum sviðum fjallamennsku.

Á Íslandi leggjum við megináherslu á fjallaskíða- og þyrluskíðaferðir á vorin ásamt fjallgöngum á landsins hæstu tinda. Á sumrin klífum við kletta og fjöll ásamt því sem við bjóðum uppá sérsniðnar fjallaferðir í Alpana, til Grænlands eða á hvern þann tind sem hugur þinn girnist. Ef þú ert að leita að ógleymanlegri upplifun undir öruggri handleiðslu fagmanna eru Bergmenn til þjónustu eiðubúnir.

Sjáumst á fjöllum.

www.bergmenn.com
www.arcticheliskiing.com
www.ravenhilllodge.com
www.karlsa.com

Ísafjörður Guide - Helga Ingeborg Hausner

Seljalandsvegur 85, 400 Ísafjörður

Eitthvað sérstakt - Nature and Cultural Walks with a view of Ísafjörður

Ísafjarðarganga - Áhugaverð ferð í gegnum tímann

Leiðsögukonan er klædd eins og fiskverkakona frá 19. öld og leiðir ykkur í gegnum bæinn og upp í hlíðina fyrir ofan Ísafjörð. Hún sýnir áhugaverða staði, gefur innsýn inn í sögu Ísafjarðar og segir sögur og sagnir bæði úr fortíð og nútíð. Það eru sögur um vættir okkar eins og álfum, tröllum og draugum. Leiðsögukona skiptir nestið sitt með gestum. (2 klst.)

Í lok ferðarinnar er gefinn kostur á því að lengja ferðina um eina klukkustund til að fræðast um eitt af eftirfarandi efnum, sem er einkum hægt að panta ein og sér:

Jarðsögu og jarðfræði (3 klst.)
Gróður Vestfjarða eða Haustlitir (3 klst.)

Sérferðir:

Náttúruganga (5 klst.)
Komdu að smakka (3,5 klst.)

Persónuleg leiðsögn skv. beiðni
Vinsamlegast hafið samband vegna ferða og bókana.

Ferðagjöf

Zipline á Íslandi

Suðurvíkurvegur 5, 870 Vík

Zipplínurnar í Vík í Mýrdal eru fyrstu Zipplínur á Íslandi. Ferðin er samsett af léttri gönguferð um fallegt gil með tilheyrandi fossum og íslensku landslagi, tveimur zipplínum og einu (fremur óhefðbundnu) hoppi á línu yfir á. Ferðin er með leiðsögn alla leiðina af viðurkenndum leiðsögumönnum sem eru mjög kunnugir staðarháttum í Mýrdalnum. Línurnar okkar eru settar upp af mjög traustu hollensku fyrirtæki sem hefur sett upp skemmtigarða um alla evrópu og er allur búnaður okkar vottaður og viðurkenndur af óháðum þriðja aðila, samkvæmt ströngustu Evrópulögum.

Stofnnedur og leiðsögumenn hafa allir það sameiginlegt að vera mikið ævintýrafólk og hafa margra ára ferðamennsku undir beltinu. Öll hafa þau rekið ferðaþjónustufyrirtæki, bæði í gistingu, ferðum og ævintýramennsku í allt að 20 ár. Þar á meðal eru hostel rekstur, svifvængjaflug, köfun, ísklifur og fleira.

Ferðin tekur í heildina um 2 klukkutíma, gestir verða að vera orðnir 8 ára og 30 kg. Ferðin hentar fjölskyldum, vinahópum sem og stöku ferðafóki, íslensku sem erlendu.

Lengd: ca. 2 klst.

Fatnaður: Klæðast eftir veðri, gönguskór og flétta sítt hár. Við mælum líka með léttri húfu og hönskum.

Aldur: 8 ára lágmark, ekkert hámark.

Þyngd: 30 - 110kg.

Mæting: Norður-Vík hostel í Vík í Mýrdal.

Ferð byrjar: Sjá tímasetningar og hvað er laust á www.zipline.is

Verð: 14.900 á mann, börn 8-16 ára fá 50% afslátt í fylgd fullorðinna.

Hópar: Hægt að aðlaga tíma að hópum, vinsamlegast sendið email fyrir kjör og bókanir: zipline@zipline.is

Arctic Nature Experience

Smiðjuteigur 7, 641 Húsavík

Fjallasýn Rúnars Óskarssonar ehf er ferðaþjónustufyrirtæki sem er staðsett við Smiðjuteig í Reykjahverfi í nágrenni Húsavíkur.

Vantar ykkur rútu í dagsferð eða nokkra daga? Þjónusta okkar stendur ykkur til boða.

Fjallasýn er fjölskyldufyrirtæki, sem sérhæfir sig í skoðunarferðum, hvort heldur er með eða án leiðsagnar, og skipulagningu þeirra. Starfsfólk okkar hefur fjölþætta og áralanga reynslu af undirbúningi og framkvæmd ferða af margvíslegum toga.

Í bílaflota okkar eru langferðabílar af flestum stærðum og gerðum, einnig jeppar og minni bílar. Allir eru þeir vel útbúnir, vel er um þá hugsað og viðhaldið.

Aðalstöð Fjallasýnar er í grennd við Húsavík. Langferðabíla okkar má hins vegar finna víðar um land, bæði á Akureyri og á höfuðborgarsvæðinu. Akstur um Norðurland er okkur sérstakt áhugamál og meginmarkmið.

Engu að síður er okkur bæði ljúft og tamt að sinna ferðum á Reykjavíkursvæðinu eða Suðurnesjum og einnig um Suður- eða Vesturland, og sérstaklega hringferðum um landið. Skiptir þá ekki máli hvort um er að ræða fámenna hópa eða stærri. Við erum ætíð ferðbúin vetur, sumar vor og haust.

Skemmtileg og þægileg ferð um landið er sameiginlegt áhugamál ferðalanganna og okkar.

Vinsamlegast hafið samband vegna ferða og bókana..

Ferðagjöf

Hey Iceland

Síðumúli 2, 108 Reykjavík

Hey Ísland - ferðaþjónusta bænda er ferðaskrifstofa landsbyggðarinnar. Við byggjum á yfir 35 ára reynslu og þekkingu í ferðaþjónustu á landsbyggðinni sem gerir okkur kleift að bjóða upp á fjölbreytt úrval af gistingu um land allt og afþreyingu við allra hæfi í návist við náttúruna og friðsælt umhverfi sveitarinnar.

Hey Ísland býður upp á fjölbreytt úrval af gistingu hjá yfir 160 gististöðum um land allt, frá fjölbreyttri bændagistingu yfir í hlýleg sveitahótel, sumarbústaði og íbúðir. Allir ættu því að geta fundið eitthvað við sitt hæfi hjá Hey Ísland, www.hey.is.

Ferðagjöf

Special Tours

Geirsgata 11, 101 Reykjavík

Special Tours bjóða uppá ævintýraferðir á sjó fyrir alla fjölskylduna frá gömlu höfninni í Reykjavík. Dæmi um ferðirnar sem eru í boði eru hvalaskoðun, lundaskoðun, sjóstangaveiði, Rib bátaferðir, norðurljósaferðir. Allar ferðirnar eru í boði fyrir einstaklinga, fjölskyldur og hópa.

Special Tours gera út 6 báta og geta því boðið uppá fjölbreytt úrval ferða fyrir einstaklinga og hópa bæði í skipulagðar brottfarir og sérferðir fyrir fyrirtækjahópa, vinahópa o.s.fr. Lengd ferða er allt frá 45 min til 3,5 klst.

Sjóstangaveiði er frábær skemmtun fyrir alla aldurshópa. Sjóstangir og hlífðarfatnaður er til staðar og áhöfnin hjálpar til við að gera að aflanum sem er grillaður um borð í lok ferðar við mikinn fögnuð stoltra veiðimanna. Sé afgangs afli er að sjálfsögðu boðið uppá að taka aflann með sér heim.

Rib bátaferðir eru tilvaldar fyrir þá sem vilja meiri hraða og meira action í ferðunum. Báturinn tekur allt að 12 manns í dempandi sæti fyrir aukin þægindi og er tilvalinn í skemmtiferðir um sundin en er einnig frábær í 2 klst hvalaskoðunarferðir út í Faxaflóa. Frábær skemmtun fyrir vinahópa, starfsmannahópa, gæsanir og steggjanir.

Lundaskoðunarferðir eru sérgrein Sérferða enda hefur fyrirtækið farið slíkar ferðir frá árinu 1996. Farþegar okkar komast mjög nálægt eyjunum rétt fyrir utan Reykjavík vegna þess hve grunnt báturinn Skúlaskeið ristir. Stutt og tilvalin ferð fyrir fjölskylduna þar sem ekki þarf að sigla langt út, heildartími ferðarinnar er um 1 klst og nóg af sætum bæði innandyra og úti.

Norðurljósasiglingar er ógleymanleg ferð þar sem norðurljósin eru elt uppi á sundunum fyrir utan Reykjavík, í fjarlægð frá ljósmengun borgarinnar.

Fyrir nánari upplýsingar um ferðirnar, verð og brottfarartíma bendum við á heimasíðu Special Tours www.specialtours.is. Fyrirspurnir um sérhópa má senda á info@specialtours.is eða hringja í síma 560 8800.

Touris ehf.

Fiskislóð 77, 101 Reykjavík

Touris er ferðaskrifstofa með yfir 30 ára reynslu í ferðaþjónustu á Íslandi. Touris býður upp á ferðir á Íslandi fyrir einstaklinga og hópa.

Touris býður upp á margskonar ferðapakka á Íslandi fyrir einstaklinga og hópa. Hvort sem þú vilt ferðast á eigin vegum eða taka þátt í rútuferð með leiðsögn, þá gerum við allar ráðstafanir. Hvaða þjónustu sem þú velur frá okkur þá er ánægja þín tryggð.

Ferðagjöf

Happyworld – Paragliding Iceland

Bláfjallavegur, 201 Kópavogur

Svifvængjaflug geta allir prófað með okkur! Smelltu þér í tvímenningsvæng með þrautþjálfuðum flugkennara og upplifðu frelsið!

Happyworld - Paragliding Iceland hefur kennt svifvængjaflug á Íslandi (og erlendis) frá 2007 og erum við viðurkenndir svifvængjaflugkennarar í Fisfélagi Reykjavíkur (aðili að ÍBR og ÍSÍ). Árlega höldum við byrjendanámskeið um allt land ásamt því að bjóða kynningarflug í tvímenningsvæng á Bláfjallasvæðinu.

Markmið okkar er að kynna og efla þessa spennandi og fallegu útivist/íþrótt. Ísland býður upp á óskoraða náttúrufegurð og frelsi til flugs!

Ferðagjöf

Landnámssetur Íslands

Brákarbraut 13-15, 310 Borgarnes

Landnámssetur Íslands er í tveimur af elstu húsum Borgarness sem standa í kjarna bæjarins niður við Brákarsundið. Annað er gamalt Pakkhús sem hefur verið friðað og hýsir sýningar Landnámsseturs - Landnáms- og Egilssýningu.

Sýningar

Í Landnámssetrinu eru tvær fastar sýningar önnur um landnám Íslands en hin um Egils sögu. Farið er í gegnum sýningarnar með hljóðleiðsögn sem til er á 15 tungumálum auk sérstakar barnaleiðsagnar á íslensku. Leiðsögnin um hvora sýningu tekur um 30 mín. Landnámssetrið var opnað í maí 2006 og hefur unnið til fjölda verðlauna og viðurkenninga fyrir sýningar sínar.

Landnámssýningin fjallar um landnám Íslands. Þar segir frá því hvernig Ísland fannst, hvernig norrænir menn fóru að því að rata yfir opið haf og hvers vegna þeir yfirgáfu fyrri heimkynni, Noreg. Sagt er frá mönnunum sem fyrstir stigu á land og hvernig Ísland var numið, fram til stofnunar Alþingis á Þingvöllum árið 930. Það er leitast við að skapa tilfinningu fyrir hvernig það hefur verið að halda út á opið haf í leit að óþekktu landi. Metnaður hefur verið lagður í að koma efninu til skila á nútímalegan hátt með hátæknilegum aðferðum. Sérstök hljóðleiðsögn á þrettán tungumálum, auk íslensku og sérstakrar barnarásar er í gegnum sýninguna. Leiðsögnin tekur 30 mín.

Egilssýningin segir frá einum litríkasta persónuleika landnámsaldar, Agli Skalla-Grímssyni. Faðir Egils, Skalla-Grímur Kveldúlfsson, var einn af fyrstu landnámsmönnunum kom til Íslands 10 árum á eftir Ingólfi Arnarsyni. Í sögunni um Egil er því best og nákvæmast lýst hvernig ein ætt sest að á Íslandi. Egill var mikið skáld en líka víkingur og ribbaldi í útlöndum. Inn í söguna tvinnast bardagar og ástir, galdur og forneskja. Egilssýningin hefur allt annað yfirbragð en Landnámssýningin. Henni hefur verið komið fyrir í gömlum niðurgröfnum steinkjallara Pakkhússins. Fjöldi myndlistarmanna hefur gert myndir af helstu viðburðum í Egilssögu úr tré og minnir sýningi helst á dulúð Hringadrottinssögu. Gesturinn leiddur í gegnum nokkurskonar völundarhús inn í ævintýraheim sögunnar með hljóðleiðsögn. Leiðsögnin tekur 30 mín.

Við bjóðum nú einnig hljóðleiðsagnir á 15 tungumálum.

Veitingar

Í veitingahúsi Landnámsseturs eru tveir salir, Hvíti salur,Arinstofa og Klettasalur og rúma þeir samtals allt að 135 manns.

Boðið er upp á úrval rétta, súpur og forréttir, grænmetisrétti, fisk- og kjötrétti, sérstakan barnamatseðil, auk eftirrétta og úrval af kökum. Í hádeginu eru á boðstólum tvær tegundir af súpum, nýbakað brauð og salat. Úrval drykkja, bæði heitra og kaldra og ókeypis nettenging.

Veitingahúsið er opið allt árið frá klukkan 10:00 - 21:00. Ef viðburðir eru í húsinu er opið lengur, auk þess sem opnað er sérstaklega á kvöldin fyrir hópa ef þess er óskað.

Gjafa- og minjagripaverslun

Í móttökusal Landnámsseturs er gjafa- og minjagripaverslunin HLAÐHÖND, nefnd eftir Þóru hlaðhönd tengdamóður Egils Skalla-Grímssonar. Áhersla er lögð á íslenska hönnun og hugvit og hentar vöruúrvalið jafnt íslenskum sem erlendum ferðamönnum og íbúum Borgarbyggðar.

Leiksýningar og uppákomur

Í Landnámssetrinu er boðið upp á leiksýningar, tónleika og allskyns uppákomur.

Opnunartími
Allt árið 10:00-21:00

Einnig opið eftir samkomulagi fyrir hópa.

Ferðagjöf

Iceland South Coast Travel

Lambastaðir, 801 Selfoss

Iceland South Coast Travel er fyrirtæki sem sérhæfir sig í að skipuleggja og selja jeppaferðir með faglærðum leiðsögumönnum. Algengustu ferðirnar eru um hálendi Íslands eins og til Landmannalauga, Fjallabaksleið eða í Þórsmörk, einnig sívinsælar dagleiðir eins og Gullni hringurinn, Vestmannaeyjar og Suðurstörndin. Á heimasíðunni okkar er að finna dagsferðir og skipulag þeirra í smáatriðum en við getum skipulagt ferð eftir áhugasviði hver og eins.

Ferðagjöf

Ferðaþjónustan Mjóeyri

Strandgata 120, 735 Eskifjörður

Gistiheimilið er staðsett í fögru og friðsælu umhverfi á Mjóeyri, rétt utan við þéttbýlið við Eskifjörð. Húsið er nýlega innréttað, var byggt árið 1895 og ber merki gamalla og nýrra tíma. Við leggjum áherslu á hlýlegt og heimilislegt andrúmsloft.

Stórkostlegt útsýni er út Reyðarfjörð, inn Eskifjörð, yfir Hólmanes og Hólmatind. Hægt er að fá morgunmat og kvöldmat ef pantað er með fyrirvara. Boðið er upp á gistingu í fjórum, eins til tveggja manna herbergjum með sameiginlegum eldhúskrók, setustofu með sjónvarpi og góða hreinlætissaðstöðu. Útvarp og sjónvarp er í öllum herbergjum. Reyklaust umhverfi er innandyra. Stór sólpallur er við innganginn á neðri hæð og þaðan er einnig gengið inn í morgunverðarsal.

Ferðaþjónustan á Mjóeyri býður einnig upp á fimm 39m2 smáhýsi. Húsin eru klædd að innan með panil og á gólfi er parket, hvert hús er með verönd og á efri hæð eru svalir með frábæru útsýni. Hvert hús rúmar 4-6 manns. Í setustofu er sjónvarp og útvarp með geislaspilara. Eldhúsið er úbúið með örbylgjuofni, ísskáp, hraðsuðukatli og pressukönnu auk áhalda og borðbúnaðar. Í setustofunni er sófi sem auðvelt er að breyta í þægilegt tvíbreitt rúm. Á efri hæðinn er eitt herbergi með 2 rúmum og svefnloft með pláss fyrir 2-3 persónur. Baðherbergið er á neðri hæðinni. Á Mjóeyri er einnig baðhús með heitum potti og sauna. Þá eru þrjú nýbyggð 24m2 og tvö 29m2 hús. Þau eru með 2x90cm rúm á neðri hæðinni, eldunaraðstöðu, baðherbergi með sturtu og svefnlofti. Fínt fyrir tvo til fjóra gesti.

Öll húsin eru með aðgangi að interneti.

Í næsta nágrenni Mjóeyrar er Randulffssjóhús sem er opið frá kl 12-21 alla daga sumarsins. Þar er matseðil bæði í hádeginu og á kvöldin og kaffimatseðil yfir daginn. Svo er auðvitað hægt að panta fyrir hópa á öðrum tímum. Í Randulffssjóhúsi starfa lærðir kokkar sem leggja mikla áheyrslu á ferskan mat úr nágrenninu.

http://www.mjoeyri.is

Jeeptours ehf.

Mánatröð 2, 700 Egilsstaðir

Jeeptours ehf. er sérhæfð ferðaþjónusta á Egilsstöðum sem býður upp á eftirminnilegar jeppaferðir um fjöll og firnindi Austurlands. Þaulvanir leiðsögumenn á sérbúnum jeppum leggja leið á slóðir sem ella eru ekki ferðalöngum greiðsæknar. Leiðir liggja frá ströndum til fjalla. Við bjóðum skipulagðar ferðir í Vatnajökulsþjóðgarð t.d í Snæfell, Eyjabakka og Kverkfjöll, eða ferðir eftir óskum hópa, fyrirtækja og einstaklinga. Hikið ekki við að hafa samband og sjá hvað við getum gert fyrir þig í fríinu, afmælinu eða árshátíðinni.

Jeeptours ehf býður upp á jeppaferðir alla daga í Öskju, Kverkfjöll, Snæfell, Hafrahvammagljúfur og að Vatnajökli.
Vinsamlegast hafið samband vegna ferða og bókana.

Ferðagjöf

Eimverk

Lyngás 13, 210 Garðabær

Eimverk Distillery er fyrsta og eina viskí distillery landsins og fullkominn áfangastaður fyrir viskýáhugamenn og hvern þann sem hefur áhuga á Íslensku áfengi. Við erum líka eina eimverksmiðja landsins sem framleiðir áfengi úr 100% íslensku byggi, við framleiðum: Flóka viskí; Vor, potteimað gin og Víti Brennivín.

Í verksmiðjuheimsókn hjá okkur færð þú tækifæri til að: smakka Flóki fyrsta og eina íslenska viskíið; læra um framleiðsluferli þess að eima Íslenskt áfengi frá Íslensku byggi; auk þess að bragða á Vor Gini og Víti Brennivín eimað með landlægum Íslenskum kryddjurtum.

Eimverk er staðsett við Lyngás 13 í Garðabæ. Heimsóknir eru aðeins í boði á vissum tímum (svo vinsamlegast bókið fyrirfram). Heimsóknin kostar 4.990 kr. og er rétt yfir klukkutími að lengd. Í heimsókninni er smakkað á öllum þeim vörum sem Eimverk hefur upp á að bjóða ásamt túr í gegnum verksmiðjuna þar sem farið er léttilega yfir framleiðsluferli Íslensks áfengis.

Ferðir í boði á Föstudögum og Laugardögum kl 16:00 allt árið.

Fyrir stærri hópa sem vilja koma í prívat heimsókn (starfsmannafélög, steggjanir o.fl.) vinsamlegast hafið samband í tölvupósti, tours@eimverk.com

Til að bóka vinsamlegast fylgið eftirfarandi link: www.flokiwhisky.is/tours

Ferðagjöf

Glacier Journey

Víkurbraut 4, 781 Höfn í Hornafirði

Fjölskyldufyrirtækið Glacier Journey er eigu hjónanna Laufeyjar Guðmundsdóttur og Guðlaugs J. Þorsteinssonar og er staðsett á Höfn i Hornafirði. Laufey og Gulli hafa áratuga reynslu af jöklaferðum og hafa boðið upp á ferðir á Vatnajökul síðan 1999.

Glacier Journey starfar allt árið og býður uppá jeppaferðir, snjósleðaferðir, íshellaferðir og skoðunarferðir. Einnig býður fyrirtækið upp á skoðunaferðir með minni hópa á litlum rútum um ríki Vatnajökuls.

Yfir vetrartímann taka Laufey og Gulli á móti gestum sínum við Jökulsárlón og þaðan er haldið af stað í íshella eða snjósleða, snjósleðaferðir á þessum tíma eru á Breiðamerkurjökli.

Yfir sumartímann taka Laufey og Gulli á móti gestum sínum við Flatey á Mýrum, sem er 42 km austan við Jökulsárlón. Þaðan er síðan ekið á jeppa upp á Skálafelsjökul, annað hvort haldið áfram á jeppa eða skipt yfir á snjósleða.

Í öllum ferðum Glaicer Journey fer reyndur leiðsögumaður fyrir hópnum, fræðir, skemmtir og umfram allt sér til þess að fylsta öryggis sé gætt.

Fyrir frekari upplýsingar má senda tölvupóst á info@glacierjourney.is eða skoða heimasíðuna www.glacierjourney.is .

Iceland Discovery

Sunnubraut 54, 200 Kópavogur

Iceland Discovery er ferðaskipuleggjandi sem býður fyrst og fremst upp á einkaferðir fyrir einstaklinga, litla hópa og fyrirtæki. Iceland Discovery vinnur með viðskiptavinum sínum við hönnun og mótun ferðanna og er nánast hver ferð sérsmíði sem er niðurstaða eftir samskipti viðskiptavina og Iceland Discovery.

Ferðagjöf

Atlantsflug - flightseeing.is

Skaftafell terminal - Flugvallarvegur 5, 785 Öræfi

Atlantsflug býður uppá útsýnisflug í flugvélum eða þyrlum allt árið um kring frá flugvelli okkar í Skaftafelli ásamt því að taka að sé fjölbreytt sérverkefni um allt land. Flugfloti okkar hefur verið sérstaklega valinn til þess að sinna útsýnisflugi þar sem allir farþegar njóta besta útsýnis sem völ er á.

Atlantsflug hefur boðið uppá útsýnisflug frá árinu 2004 og byggir því fyrirtækið á traustum grunni og mikilli sérþekkingu á okkar sviði, sem tryggir viðskiptavinum okkar hámarks upplifun, þjónustu og öryggi. Árið 2018 hlaut félagið Luxury Travel Guide's Lifestyle Award sem Ferðasali Ársins á Íslandi 2018/2019.

Við bjóðum upp á persónulega þjónstu, sem hentar sérstaklega vel fyrir smærri hópa. Yfir vetrartímann bjóðum við uppá samsetta íshella og þyrluferð frá Skaftafelli.

Ásamt því að bjóða uppá útsýnisflug hefur félagið mikla reynslu af einkaflugum og hvers kyns leiguflugum fyrir einstaklinga og/eða hópa. Vélar okkar eru einnig útbúnar opnanlegum gluggum sem henta einstaklega vel í ljósmyndaflug.

Hikið ekki við að hafa samband fyrir frekari upplýsingar

Exploring Iceland

Fálkastígur 2, 225 Garðabær

Exploring Iceland er ferðaskrifstofa sem sérhæfir sig í rútu- og gönguferðum fyrir hópa.

Einnig bjóðum við uppá margskonar hestaferðir fyrir hópa og einstaklinga og erum með ýmsar nýjungar s.s. lúxushestarferðir með hótel gistingu, reiðkennsluferðir, heimsókn á hestabúgarða, dvöl á hestabúgörðum, vetrarferðir og ýmislegt fleira.

Ferðagjöf

Wild Westfjords

Hafnarstræti 9-13, 400 Ísafjörður

Sumarið 2020 bjóðum við hjá Wild Westfjords uppá ævintýraferðir um hina svokölluðu "vestfirsku alpa"! Við erum með 8 rúmgóð sæti í breytta 35" Sprinternum okkar og frábæran leiðsögumann.

Verðlisti:

  • Kaldbakur (7-8 tímar) - ógleymanleg fjallganga á hæsta tind Vestfjarða, með jeppaskutli á upphafspunkt: 120000 kr.
  • Svalvogahringurinn (7-8 tímar) - ótrúlegasti vegur Íslandssögunnar, á breyttum
  • bíl: 140000 kr.
  • Tjaldaneshyrna (9-10 tímar) - frábær fjallganga sem kemur meira að segja þeim
  • sem eru búnir að ganga allt á óvart, með jeppaskutli á upphafspunkt: 140000 kr.
  • Svalvogar og Kaldbakur í sömu ferð (9-12 tímar): 160000-180000 kr. (verð og
  • tímalengd fer eftir árstíma og hvaða leið þarf að fara)
  • Sérsniðnar ferðir hvert sem er á Vestfjörðum: Hafið samband, við gefum tilboð

Öll verð eru heildarverð og deilast með fjölda þátttakenda. Fyrir 8 manns kostar t.d. Kaldbaksferð aðeins 15000 kr. á mann.

Ferðirnar er eingöngu hægt að bóka sem prívatferðir beint hjá Wild Westfjords á netfanginu info@wildwestfjords.com . Einnig er hægt að spyrjast fyrir í síma 822-7307.

Nokkrar algengar spurningar og svör um ferðirnar okkar um "vestfirsku alpana":

Hvar eru "vestfirsku alparnir"?

Um er að ræða fjallgarðinn á milli Dýrafjarðar og Arnarfjarðar, þar sem er að finna hæstu og (að okkar mati) formfegurstu fjallatinda á Vestfjörðum.

Er ekki hægt að keyra Svalvogaveginn sjálfur?

Stutta svarið er jú jú. Það er hins vegar þrennt sem þarf að hafa sérstaklega í huga:

a) Svalvogavegurinn fer ekkert sérstaklega vel með bílinn þinn, sérstaklega ekki ef þú ert ekki á mjög stórum dekkjum.
b) Svalvogavegurinn er ekki allur hluti af vegakerfinu. Á óskráða hlutanum mega bílaleigubílar ekki keyra og bifreiðatryggingar gilda ekki nema fyrir skráða fjallabíla.
c) Ef þú ert að keyra Svalvogaveginn í fyrsta sinn þá þarftu að hafa stáltaugar til að vera við stýrið, og yfirleitt er betra að fara með heimamanni sem getur metið breytilegar aðstæður t.d. flóð og fjöru, grjóthrunshættu o.s.frv.

Eru gönguleiðirnar uppá Kaldbak og Tjaldaneshyrnu erfiðar / hættulegar?

Ekki á vestfirskan mælikvarða :) En þær krefjast þess báðar að göngufólk sé í góðu formi og ráði við að ganga í stöðugri hækkun upp og stöðugri lækkun niður, og það eru kaflar þar sem borgar sig ekki að vera lofthræddur. Ath. einnig að margar merktar gönguleiðir á Vestfjörðum eru stórgrýttar með lítilli sem engri merkingu og viðhaldi, og því skipta góður skóbúnaður og áttavit miklu máli.

Reynt fjallgöngufólk getur auðvitað gengið þessar leiðir sjálft. En það er alltaf skemmtilegra og öruggara að fara slíkar fjallgöngur með reyndum heimamanni.

Einnig þá skiptir það miklu máli hvar bílnum er lagt hversu löng fjallgangan er. Sem dæmi þá tekur allan daginn að ganga á topp Kaldbaks og til baka úr dalsmynninu, en með hækkaðan bíl á góðum dekkjum er hægt að stytta fjallgönguna í 3-4 klukkutíma. Og það er einmitt sá hluti göngunnar sem er langskemmtilegastur.

Við höfum heyrt um töfra Kaldbaks, en hvað er svona sérstakt við fjallgöngu á Tjaldaneshyrnu?

Tjaldanesdalur er miðja Tjaldaneseldstöðvarinnar sem er elsta megineldstöð Íslands, og yfir litríkum dalnum gnæfa tignarleg fjöll m.a. Tjaldaneshyrnan. Flestir hafa aldrei farið þessa gönguleið, hvað þá heyrt um hana. Við segjum ekki orð meir en sjón er sögu ríkari.

Af hverju mælið þið með Svalvogum og Kaldbaki í sömu ferðinni?

Það hentar fullkomlega að taka Kaldbak og Svalvoga í sömu dagsferðinni, og er að sama skapi mikið hagkvæmara en að fara tvær ferðir sitthvorn daginn.

Hvar hefst ferðin?

Við leggjum af stað frá Ísafirði, og keyrum alltaf í gegnum Þingeyri á leiðinni á svæðið. Þannig að við getum sótt hópinn þinn hvar sem er á Ísafirði og Þingeyri, eða á leiðinni eftir samkomulagi!

Er hægt að sitja fyrir um veður og hafa sveigjanlegan brottfarardag og tíma?

Að sjálfsögðu - svo lengi sem bókunarstaða leyfir þá höfum við ferðina eins sveigjanlega og við getum.

Eruð þið með frekari upplýsingar um sérsniðnar ferðir?

Hafið samband með ykkar pælingar og við gefum tilboð í draumaferðina þína um Vestfirði.


Ferðagjöf

Ferðaþjónustan Bakkaflöt

Tungusveit, 560 Varmahlíð

Klara Sólveig Jónsdóttir og Sigurður Friðriksson stofnuðu Ferðaþjónustuna Bakkaflöt árið 1987 og hefur staðurinn verið byggður upp frá því smátt og smátt. Byrjað var með nokkur herbergi, veitingarsal og tjaldstæði. Upp úr 1990 var svo bætt við tveimur sumarhúsum og fleiri herbergi innréttuð í aðalbyggingunni. Árið 1993 var farið að kanna jökulsárnar sem nýjan afþreyingarmöguleika, það var þó ekki boðið upp á river rafting niður Austari og Vestari Jökulsárnar fyrr en 1996.

Við bjóðum nú river rafting í Austari og Vestari Jökulsá daglega til og með 18. september:

  • Austari Jökulsá kl. 09:00 og 15:00
  • Vestari Jökulsá kl. 09:30 og 13:00

Einnig "sit on top" Kayakferðir á Svartá kl. 20:00.

í dag eru fljótasiglingarnar orðin stór partur af okkar starfsemi og má líta á Bakkaflöt sem eins konar miðstöð fljótasiglinga á norðurlandi. Einnig erum við komin með hátt í 30 gistiherbergi, tvö sumarhús, tjaldstæði, heita potta og litla sundlaug, veitingarsal sem rúmar hátt í 100manns, veitingarsölu og bar.

Tjaldsvæðið er vanalega opið frá 1. maí til 1. október (Athugið að opnunartími tjaldsvæðis getur verið breytilegur þar sem hann er mikið til háður veðri og tíð).

destination blue lagoon ehf.

Norðurljósavegur 9, 240 Grindavík

Destination Blue Lagoon er ferðaþjónustuaðili Bláa Lónsins og keyrir reglulega á milli Bláa Lónsins og Reykjavíkur eða Keflavíkurflugvallar.

Hægt er að finna ferðaáætlanir á https://destinationbluelagoon.is/. Við minnum á að nauðsynlegt er að bóka miða í Bláa Lónið fyrirfram á www.bluelagoon.is.

Icelandic Adventure

Hrafnagilsstræti 38, 600 Akureyri

Skautahöllin

Naustavegur 1, 600 Akureyri

Skautafélag Akureyrar var stofnað 1. janúar 1937. Félagið hefur það að markmiði að efla skautaíþróttina og hefur rekið Skautahöllina á Akureyri síðan um áramótin 1999-2000. Í Skautahöllinni er hægt að fá leigða skauta á sanngjörnu verði og fá lánaða hjálma án endurgjalds auk þess boðið er upp á skerpingu gegn vægu gjaldi fyrir þá sem þurfa.

Það er tilvalið að taka skautasvellið á leigu fyrir hópa eða félagasamtök og má nefna að tilvalið er fyrir starfsfólk fyrirtækja að bregða sér á skauta, spila íshokkí eða fara í krullu en það er íþrótt sem kemur verulega á óvart. Einnig er mjög vinsælt er að halda uppá barnaafmæli hérna í Skautahöllinni. .

Arctic Heli Skiing

Klængshóll, 621 Dalvík

Arctic Heli Skiing leggur áherslu á fyrsta flokks þyrluskíðaferðir á Tröllaskaga og á Grænlandi
og bjóða þér upp á að taka þátt í stórkostlegu ævintýri á fjöllum. Arctic Heli Skiing var
stofnað árið 2008 af Jökli Bergmann, sem hefur yfir 20 ára reynslu af fjallaskíðamennsku á
Tröllaskaga og víðsvegar um heiminn. Arctic Heli Skiing heyrir undir Bergmenn, sem sérhæfa sig í leiðsögn og kennslu á öllum sviðum fjallamennsku (www.bergmenn.com).

Skíðasvæðið sem opnast með aðstoð þyrlunnar er gríðarlega umfangsmikið eða tæpir 4000
ferkílómetrar beggja vegna Eyjafjarðar þar sem allar tegundir skíðabrekkna er að finna, allt
frá bröttustu giljum til víðáttumikilla hvilftarjökla, sem þýðir að allt skíðafólk finnur eitthvað
við sitt hæfi. Það að skíða af hæstu tindum Tröllaskagans alveg niður í svartar sandfjörur í
miðnætursól er einstök upplifun sem enginn má missa af að prófa þó ekki sé nema einu
sinni á lífsleiðinni.

Þyrluskíðun hefst í lok febrúar og við skíðum alla vormánuðina, allt þar til í seinni hluta júní
með frábæru vorskíðafæri. Þar sem Tröllaskaginn er strandfjallgarður eru snjóalög þykk og
að sama skapi stöðug hvað varðar snjóflóðahættu þegar líða tekur á vorið. Þannig getum við
skíðað brattari brekkur en gengur og gerist í þyrluskíðamennsku annars staðar í heiminum.
Veðurfar á Tröllaskaga í apríl og maí er tiltölulega stöðugt á íslenskan mælikvarða með
löngum stillum og sólríkum dögum. Þó það geti gert slæm veður þá vara þau yfirleitt ekki
lengi á þessum tíma, og með löngum dögum vorsins er hægt að skíða nánast 24 tíma á
sólarhring.


Skoðaðu heimasíðuna okkar til að sjá frábærar myndir, myndbönd og greinar og til að
fræðast meira um okkur og ferðirnar sem við bjóðum upp á. Hvort sem það er í þyrluskíðun,
fjallaskíðun, fjallgöngum eða klifri þá eru öryggi og fagmennska kjörorð okkar og við leggjum
okkur fram til þess að upplifun þín verði stórkostleg.

Hlökkum til að sjá þig á fjöllum.

www.arcticheliskiing.com
www.bergmenn.com
www.ravenhilllodge.com
www.karlsa.com

Ferðafélag Akureyrar

Strandgata 23, 600 Akureyri

Ferðir allt árið. Sjá bækling og heimasíðu, www.ffa.is/.

Vetraropnun er frá 1. október til 30. apríl mánudaga til föstudaga kl. 11:00-13:00.
Sumaropnun er frá 1. maí til 30. september mánudaga til föstudaga kl. 14:00-17:00.

Á skrifstofunni er almenn afgreiðsla og þar eru veittar upplýsingar til félagsmanna og annarra þeirra sem nýta þjónustu félagsins.

Ferðagjöf

Út og vestur

Arnarstapi, 356 Snæfellsbær

ÚT OG VESTUR / GO WEST býður upp á fjölbreyttar dagsferðir sem innihalda jökulgöngur, fjölbreyttar gönguferðir, hjólaferðir og sérsniðnar ferðir.

Kæru landar!

Við höfum sannarlega ánægju af og áhuga fyrir að njóta landsins gæða og dýrða með ykkur, enda þótt hér á þessum vef sé flestu lýst á ensku. Vinahópar af ýmsum stærðum og gerðum eru sérstaklega velkomnir.

Sérstaklega nú á tímum Corona-óværu viljum við leggja okkar af mörkum til að þið getið notið vistvænna ferðalaga og farið Út og vestur. Því höfum við skipulagt göngu- og hjólaferðir fyrir vestan:

...þar sem við og samstarfsaðilar okkar hafa lækkað verð um 15-20%. Þar að auki getið þið notað til lækkunar 5.000 kr ferðaávísun stjórnvalda.

Reiknað er með að fyrirtæki geti byrjað að skrá sig til að taka á móti ferðagjöfinni í fyrir hluta júní.

Ferðagjöf

Iceland Premium Tours

Árakur 7, 210 Garðabær

IcelandPremiumTours bjóða uppá ævintýra ferðir nánast hvert sem er i þægilegum breyttum jeppum og öðrum farartækjum.

Hafið samband og njótið bestu kjara sem völ er á. Góður afsláttur auk ferðagjöf.

Fjallhalla Adventures

Miðholt 23, 806 Selfoss

Við erum ævintýra ferðaskipuleggjendur hérna í Reykholti í Biskupstungum, og bjóðum uppá dagsgöngur á fjöll og firðindi. Einnig skemmtilegar dagsferðir. Allir guidarnir eru lærðir gönguleiðsögumenn og reyndir bílstjórar. Erla hefur gengið uppá fjöll frá blautu barnsbeini og ákvað svo að gerast gönguleiðsögumaður. Hlakka til að fá ykkur með í gönguferðir um heimaslóðir mínar.

Vinsamlegast hafið samband vegna ferða og bókana.

Different Iceland ehf.

Lindarberg 56A, 221 Hafnarfjörður

Different Iceland er ferðaþjónustufyrirtæki sem býður upp á fjölbreytt úrval dagsferða frá Reykjavík undir leiðsögn reynslumikilla fararstjóra.

Markmið Different Iceland er að veita fjölbreytta og persónulega þjónustu í hæsta gæðaflokki með áherslu á lúxusferðir.

Different Iceland er með einkaleiðsögn fyrir litla sem stóra hópa er í boði allt árið.

Vinsamlegast hafið samband vegna ferða og bókana.

Saltvík ehf.

Saltvík, 641 Húsavík

Í Saltvík er boðið uppá gistingu í gamla sveitabænum og er sú gisting helst notuð fyrir þá gesti sem taka þátt í fjöldaga reiðtúrum. Í gamla húsinu eru 6 herbergi, fyrir 2-4 einstaklinga hvert og sameiginlegu baðherbergi.

EInnig er í boði gisting í nýja gistiheimilinu, þar eru 7 tveggja manna herbergi með sér baðherbergi og jafnframt íbúð sem hentar vel fyrir 4-5 manns. Gistiheimilið er staðsett 5km frá miðbæ Húsavíkur og býður uppá gistingu með útsýni yfir nærlyggjandi fjöll og Skjálfandaflóa.

Undanfarin 20 ár höfum við skipulagt 5-10 daga hestaferðir uppá hálendi Íslands. Þessar ferðir eru í boði undir nafninu Riding Iceland og er hægt að fá frekari upplýsingar á síðunni www.riding-iceland.com. Í Saltvík er einnig boðið uppá fjölbreyttar hestaferðir sem henta öllum, reyndum knöpum og byrjendum.

Vinsamlegast hafið samband vegna bókana og ferða.

Kaldbaksferðir

Réttarholt 2, 601 Akureyri

Kaldbaksferðir bjóða upp á ferðir á Kaldbak sem er 1.173 m hár og er hæstur tinda við norðanverðan Eyjafjörð, með útsýni allt austur á Langanes og inn á hálendi Íslands. Hann er talinn vera ein af orkustöðvum Íslands og ferð upp á hann er ógleymanleg lífsreynsla.
Kaldbaksferðir eiga tvo snjótroðara sem eru útbúnir með opnu farþegarými þannig að nauðsynlegt er að klæða sig í samræmi við það. Annar bíllinn tekur 20 farþega og hinn 32. Ferðin upp á Kaldbak tekur um 45 mínútur. Á kolli Kaldbaks ber hæst vörðu sem hlaðin var af dönsku herforingjastjórninni árið 1914, þar er stoppað í um 15 mínútur og gefst þá góður tími til að njóta útsýnisins. Bílstjórar eru ólatir við að fræða farþega um það sem fyrir augu ber. Einnig er góður siður að skrifa nafn sitt í gestabókina.

Bíllinn fer sömu leið niður og geta farþegarnir valið um að fara með honum aftur eða renna sér niður brekkurnar á skíðum, bretti, eða snjóþotum. Hægt er að fá lánaða snjóþotu ef ævintýraþráin tekur völdin en hafin er fram leiðsla á Kaldbaksþotu sem er snjóþota sérsniðin fyrir fullorðna. Hún er stór og sterk og rúmar auðveldlega fulloðrinn ásamt barni og því sérstaklega fjölskylduvæn.

Ferðagjöf

Iceak

Draupnisgata 7, 603 Akureyri

IceAk er 3. kynslóðar fjölskyldu fyrirtæki sem sérhæfir sig í jeppaferðum frá Akureyri og nágreni allt árið um kring. Við bjóðum upp á úrval dagstúra til allra helstu náttúruperlna á Norðurlandi ásamt sérvöldum Extreme jeppaferðum til staða sem fáir eða engir aðrið fara á.
Við getum einnig boðið upp á lengri ferði í gegnum samstarfsaðila okkar.

Við notum sérútbúna jeppa fyrir 4-14 farþega í allar okkar ferðir þannig að grófir slóðar eða snjór er engin fyrirstaða fyrir okkur. Við leggjum okkur fram um að ferðir með okkur séu ógleimanlegur tími spennu og gleði.

Fyrir neðan eru nokkrar af þeim ferðum sem við bjóðum upp á:

Vacated valley Off-road Tour
Mývatn Off-road Tour
Laugarfell Off-road Tour
Flateyjardalur Off-road Tour
Askja Off-road Tour
The Diamond circle Tour
Mývatn Tour
Dettifoss Tour
Laufás Tour
Goðafoss Tour

Fleiri ferðir koma fljótlega.
ATH!! Hægt er að aðlaga allar okkar ferðir að þínum óskum.

Ef þú finnur ekki það sem þú leitar að á meðal okkar fyrirframskipulagðra ferða þá hvetjum við þig til að hafa samband og við sérsníðum túr eftir þínu höfði.

Ferðagjöf

Midgard Adventure

Dufþaksbraut 14, 860 Hvolsvöllur

Midgard Adventure

Midgard Adventure er ferðaþjónustufyrirtæki á Hvolsvelli sem var stofnað árið 2010. Við sérhæfum okkur í ævintýraferðum um Suðurlandið, bæði dagsferðum og lengri ferðum. Við rekum einnig Midgard Base Camp sem er í senn gistiaðstaða, veitingastaður og bar.

Dagsferðir
Við bjóðum upp á ýmis konar dagsferðir: hálendisferðir, jeppaferðir, gönguferðir, hjólaferðir, útsýnisferðir og jöklaferðir. Vinsælustu dagsferðirnar okkar yfir sumartímann er Þórsmörk Super Jeep, Þórsmörk Hike og Landamannalaugar Day Tour. Vinsælustu dagsferðirnar okkar yfir vetrartímann eru Þórsmörk Super Jeep, Meet Eyjafjallajökull og Midgard Surprise.

Lengri ferðir
Við bjóðum einnig upp á lengri ferðir frá tveimur upp í átta daga. Vinsælasta ferðin okkar yfir sumatímann er 4-Day Iceland Adventure Package og yfir vetrartímann er það 4-Day Northern Lights Adventure.

Sérferðir og ferðaplön
Við tökum einnig að okkur að sérferðir (prívat) og skipuleggjum ferðalög gesta frá A til Ö. Þá bókum við allar ferðir, gistingu og samgöngur.

Fyrirtækjapakkar
Við erum með í boði ýmsa spennandi fyrirtækjapakka. Sjá nánar hér.

Skólahópar
Við bjóðum einnig upp á ferðir fyrir skólahópa. Sjá nánar hér.

Vantar þig gistingu?
Midgard Base Camp er í senn hótel og hostel. Allir gestir fá aðgang að heitum potti og sauna. Á Midgard Base Camp er einnig að finna veitingastað og bar.

Áhugaverðir tenglar

Heimasíða Midgard Adventure

Heimasíða Midgard Base Camp

Heimasíða Midgard Restaurant

Kynningarmyndbönd Midgard

Midgard Adventure á Facebook

Midgard Base Camp á Facebook

@MidgardAdventure á Instagram

@Midgard.Base.Camp á Instagram

Ferðaþjónustan Erpsstöðum

Erpsstaðir, Miðdölum, 371 Búðardalur

Opinn landbúnaður, frá 15. maí - 14. júní, daglega frá 13:00 til 17:00, 15. júní - 14. ágúst, daglega frá 11:00 til 18:00, 15. ágúst - 15. september, daglega frá 13:00 - 17:00 og 16. september - 14. maí samkvæmt samkomulagi.

Hópar panti fyrirfram.

Til sölu rjómaís, skyr og ostar framlett af Rjómabúinu Erpsstöðum. Fjósaskoðun, kynning á starfssemi kúabús, skoða byggingar og húsdýr með leiðsögn ábúenda.

Seld gisting í sumarhúsi, opið allt árið.

Sjá vefsíðu

Ferðagjöf

IC Iceland

Sandavað 11-308, 110 Reykjavík

IC Iceland býður ævintýra ferðir um íslenskt landslag. Í sérhönnuðum ofur-jeppum ferðumst við um landið okkar og njótum óspilltrar náttúrufegurðar sem Ísland eitt býður upp á.

IC Iceland sem ferðaþjónusta og ferðaskrifstofa bjóðum við margskonar þjónustu: Staðlaðar dags- og fjöldagaferðir, sérhannaðar ferðir, gönguferðir, hvataferðir, ljósmyndaferðir og margt fleira.

Vinsamlegast hafið samband vegna ferða og bókana.

Skíðasvæðið Hlíðarfjalli

-, 600 Akureyri

Í tæp 40 ár hefur Hlíðarfjall verið í fremstu röð skíðasvæða á Íslandi. Aðalsmerki Hlíðarfjalls er góður snjór, göngubrautir og skemmtilegar skíðabrekkur með frábæru útsýni yfir Eyjafjörð. Nú
hafa snjóvélar verið teknar í notkun en þær tryggja gott færi allan veturinn. Í Hlíðarfjalli finna allir eitthvað við sitt hæfi.
Hvort sem þú ert byrjandi eða þrautreynd(ur) í skíðabrekkum eru skíða- og snjóbrettakennarar til staðar þér til aðstoðar. Þeir kenna þér undirstöðuatriðin, fínpússa stílinn og/eða kynna fyrir þér Carving-tæknina. Börnin eru í miklu uppáhaldi hjá okkur og í Hlíðarfjalli er starfræktur barnaskíðaskóli. Einnig er boðið upp á lengri skíða og snjóbrettanámskeið.

Í Hlíðarfjalli er starfrækt skíða- og snjóbrettaleiga þar sem hægt er að leigja allan búnað.

Ferðagjöf

Vesturferðir

Aðalstræti 7, 400 Ísafjörður

Ef Vestfirðir eru áfangastaðurinn þá erum við þjónustuaðilinn sem þig vantar. Við erum staðsett á Ísafirði og sjáum um sölu og bókanir í alla afþreyingu, dagsferðir, bátaáætlun til Hornstranda og lengri ferðir sem í boði eru á svæðinu.

Vinsælustu dagsferðirnar okkar eru Vigurheimsókn og heimsókn til yfirgefna þorpsins Hesteyrar. Einnig kjósa margir að fara í hestaferðir, hvalaskoðun, leigja kayak eða hjól eða fara í jeppaferð. Hér er margt í boði og hægt að kynna sér ferðirnar á heimasíðu okkar www.vesturferdir.is.

Sala farmiða í Hornstrandabáta
Hornstrandir eru ekki í alfaraleið og til að komast þanngað þarf að ferðast með bát.Vesturferðir selja miða í áætlunarferðir til friðlandsins frá Ísafirði með Sjóferðum og Borea Adventure. Við leggjum mikla áherslu á að bátarnir og fyrirtækin sem við vinnum með séu með öll tilskilin leyfi.

Við bjóðum hópum margskonar þjónustu, allt frá stuttum bæjarferðum með leiðsögn heimamanna til margra daga gönguferða með leiðsögn um Hornstrandir. Við hvetjum þig til að hafa samband við okkur og við setjum saman sérsniðið ferðatillögu og verðtilboð.

Ferðagjöf

Veiðihúsið Eyjar

Eyjar, Breiðdal, 760 Breiðdalsvík

Veiðihúsið Eyjar er af mörgum talið með glæsilegustu gistihúsum landsins. Frábærlega staðsett á bökkum Breiðdalsár skammt frá Breiðdalsvík. Húsið hentar vel til hvers kyns fundahalda og er í senn frábært fyrir stórar fjölskyldur eða hópa til að eiga notalega stund. Átta tveggja manna herbergi, hvert með sér baðherbergi, internet tengingu og gervihnattasjónvarpi. Glæsileg stofa og borðstofa með eldstæði, heitur pottur og sauna klefi til að losa um stressið og glæsilegt eldhús mynda umgjörðina í veiðihúsinu Eyjum. Fjölbreytt þjónusta er í boði þar sem gestir okkar geta valið um að sjá algjörlega um sig sjálfir í uppábúnum rúmum og allt til fullrar þjónustu í mat, drykk og framreiðslu. Við sérsníðum þjónustuna að þörum hvers hóps fyrir sig. Margar fallegar gönguleiðir er að finna í Breiðdal. Vinsamlegast hafið samband vegna verðlista og bókana.

Veiðiþjónustan Strengir var stofnuð árið 1988 og hefur síðan þá lagt mikla áherslu á persónulega og góða þjónustu við veiðimenn jafnt innlenda sem erlenda. Bjóðum upp á lax-og silungsveiði með gistingu víða á landinu svo sem í Hrútafjarðará, Jöklusvæðinu, Breiðdalsá og Minnivallalæk. Fjölbreytt úrval veiðileyfa í boði.

Ferðagjöf

Laugarvatn Adventure

Háholt 2c, 840 Laugarvatn

Laugarvatn Adventure er ungt fyrirtæki sem þó býr yfir mikilli reynslu. Okkar aðalsmerki eru stuttar leiðsagðar ferðir í nágrenni Laugarvatns. Við tökum einnig á móti hópum í hópeflis- og hvataferðir sem við sníðum eftir þörfum hvers hóps fyrir sig.

Hellaskoðunarferðir, jeppaferðir, fjallaskíðaferðir og námskeið.

Iceland backcountry travel ehf.

Urðarvegur 27, 400 Ísafjörður

Iceland BackCountry Travel býður uppá sérsniðnar margra daga ferðir fyrir allt að 17 manna hópa í litlum rútum. Einnig er boðið uppá sérsniðnar ferðir og sætaferðir á mikið breyttum fjallajeppum.

Útsýnisferðir, ljósmyndaferðir með áherslu á heimskautarefinn eða annað dýralíf eftir óskum hvers og eins. Norðurljósaferðir, jöklaferðir, gönguferðir og náttúrulaugar. Ferðir frá 2 klst og uppúr. Sérsniðnar ferðir eftir þínum óskum um allt Ísland mögulegar. Hafið samband til að fá tilboð í draumaferðina ykkar.

Skíðasvæði Húsavíkur

Húsavíkurfjall, 640 Húsavík

Skíðasvæði Húsavíkur er á Reykjaheiði við Reyðarárhnjúk. Lyftan sem áður var í Skálamel var flutt og opnuð formlega þann 28.desember 2019. Stakan dag verður hægt að greiða í lyftuskúr við Reyðarárhnjúk. Árskort eru seld í afgreiðslu Sundlaugar Húsavíkur.

Gönguskíðapor eru troðin reglulega uppá Reykjaheiði þegar aðstæður leyfa og er það þá auglýst á Facebook síðu skíðasvæða Norðurþings. Vanalega eru gönguspor frá desember/janúar - fram að vori (apríl/maí).

Svæðið er á Reykjaheiði rétt vestan Höskuldsvatn um 7 km. frá Húsavík. Akstursleiðin að svæðinu er upp Þverholt á Húsavík og þaðan áfram eftir malbikuðum vegi sem liggur til Þeistareykja.

Ferðagjöf

Keran Stueland Ólason / TravelWest.is

Breiðavík, 451 Patreksfjörður

Vinsamlegast hafið samband vegna ferða og bókana.

Arctic Freeride

Bylgjubyggð 41, 625 Ólafsfjörður

Vinsamlegast hafið samband vegna ferða og bókana.