Heimildakvikmyndin Maðurinn sem Elskar Tónlist eftir Jóhann Sigmarsson verður sýnd í Bergi í Hljómahöll laugardaginn 28. mars kl. 20:00. Ókeypis aðgangur er á meðan húsrúm leyfir.

 

Myndin fjallar um líf og feril tónlistarmannsins Þóris Baldurssonar, sem hefur átt yfir sjötíu ára feril í tónlist. Fylgst er með honum frá æsku í Keflavík þar sem hann byrjaði ungur að spila á píanó og stofnaði sína fyrstu hljómsveit aðeins 12 ára gamall.

 

Í heimildamyndinni rifjar Þórir upp feril sinn, heimsækir staði sem tengjast tónlistarlífi hans og hittir gamla vini og samstarfsmenn úr tónlistarbransanum. Á ferlinum starfaði hann bæði á Íslandi og erlendis og vann meðal annars með þekktum tónlistarmönnum og listamönnum á borð við ABBA, Elton John, Rolling Stones, Donna Summer og Grace Jones.

 

Myndin gefur innsýn í sögu Þóris, þróun tónlistarinnar sem hann tók þátt í að móta og áhrif hennar á tónlistarsenu heimsins.