Grýbos er tónlistarverkefni bræðranna Alexanders og Jakobs Grybos. Verkefnið hófst sem tilraunir í upptökuveri þar sem var prófað allt frá A til Ö, það þróaðist fljótt í hljómsveit með kraftmiklum hljóðheim. Með þeim í lið slógust Hlynur Sævarsson á bassa og Magnús Már Newman á trommur. Tónlistin einkennist af stórum og kraftmiklum köflum sem flæða áreynslulaust yfir í mildari ‘’atmó’’ kafla.

Fyrsta plata sveitarinnar kemur út í haust og eru nokkrir sínglar væntanlegir á næstu misserum. Grýbos stíga á svið í heimabæ sínum í Hljómahöll þann 22. apríl með liðsauka með sér innanhandar.