Ögurhátíð fer fram helgina 19. - 21. júlí í Ögri við Ísafjarðardjúp. Dagskráin er fjölbreytt og hefst með skötuveislu í hádeginu á föstudeginum, síðdegis er Happy Hour og um kvöldið Pub Quiz. Á laugardagsmorgun er söguganga og að henni lokinni messa í Ögurkirkju. Beerpongmót fer einnig fram um helgina. Á laugardagskvöld er hið fræga Ögurball þar sem hljómsveitin Fagranes leikur fyrir dansi fram á morgun.