Kayaknámskeið
Viltu kynnast náttúrunni og landinu á nýjan hátt? Viltu eiga frábært ævintýri með góðum vinum eða kynnast nýju fólki? Viltu stinga af og njóta einstakrar náttúrufegurðar Vestfjarða? Hefur þig dreymt um að róa á spegilsléttum sjó innan um seli og sjófugla. Nú er tækifærið! Komdu vestur í Ísafjarðardjúp á kajaknámskeið með Veigu Grétarsdóttur hringfara.
Námskeið þessi verða haldin í samstarfi við ferðaskrifstofuna Borea og Sveitahótelið í Heydal. Námskeiðið er sniðið að byrjendum í kajakróðri og fyrir þá sem eru lengra komnir en vilja bæta við reynsluna. Farið verður í gegnum grunnatriði, svo sem áratök, róðratækni, bjarganir og eins hvernig er best að umgangast kajakinn og búnaðinn sem nota þarf í sportið. Hluti kennslunnar fer fram innandyra en megnið á sjó þar sem verður róið á milli staða og út í eyjar ef veður leyfir, þar sem fólki gefst kostur á njóta kyrrðarinnar í óspilltri náttúrunni.
Innifalið er:
- Kajaknámskeið
- Kajak, þurrgalli og allt sem til þarf
- Gisting í 3 nætur
- Morgunmatur í 3 daga
- Smurt nesti fyrir daginn
Allar frekari upplýsingar og bókanir má finna hér.
70.000. kr
