Laugardaginn 3. október verður nýtt íþróttahús og verðandi samfélagsmiðstöð í Hvalfjarðarsveit formlega vígt. Mannvirkið er mikilvæg viðbót við innviði sveitarfélagsins og mun skapa aukin tækifæri til íþróttastarfs, hreyfingar, félagslífs og fjölbreyttra samfélagsviðburða. Framkvæmdin er afrakstur samstarfs sveitarfélagsins, starfsfólks, nefnda, hönnuða og verktaka á síðustu árum. Íbúar og aðrir gestir eru hvattir til að mæta til vígslunnar og fagna þessum mikilvæga áfanga í uppbyggingu Hvalfjarðarsveitar.