Fjölskyldusmiðja í félagsheimilinu Breiðumýri í Reykjadal þar sem þátttakendur geta brugðið sér í hlutverk skrifara frá miðöldum og fá tækifæri til að skrifa á skinn (bókfell) með fjaðurpenna og jurtableki undir leiðsögn Mörtu Guðrúnar Jóhannesdóttur safnkennara Árnastofnunar. Hægt verður að fræðast um gerð skinnhandrita og skoða eftirlíkingu af Flateyjarbók ásamt fleiru. Ungir þátttakendur sérstaklega velkomnir.