Þriðja sýningin í sýningarröð Elínar Elísabetar í Glettu á Borgarfirði eystri. Verkin eru máluð í Álfaborginni á Borgarfirði og sýna lággróður og grjót, fléttur og skófir, innilegt samtal við umhverfið. Ljóð spila stórt hlutverk í málverkunum og ef vel er að gáð sjást prentaðar línur innan um pensilstrokurnar.

Elín Elísabet (f. 1992) er myndlistarmaður og teiknari sem ver sumrunum sínum í að mála úti í móa. Elín hefur verið tíður gestur á Borgarfirði eystri frá árinu 2011, þegar hún fékk fyrir hálfgerða tilviljun vinnu í Fiskverkun Kalla Sveins. Meiri upplýsingar má finna á www.elinelisabet.com.

Sýningin er styrkt af Menningarstyrk Múlaþings.