Í sumar býður Vatnajökulsþjóðgarður og Umhverfisstofun upp á fræðslugöngu með landverði í Dverghömrum alla mánudaga og fimmtudaga frá 24.júní -15. ágúst.

Dverghamrar eru skammt austan við Foss á Síðu. Þetta eru sérkennilegir og fagurlega formaðir stuðlabergshamrar. Dverghamrar eru friðlýst náttúrvætt.

Í fræðslugöngunni verður fjallað um skipströnd sem hafa orðið á Skeiðarársandi. Einning verður fjallað um jarðfræði og hvernig stuðlaberg myndast. Gangan er mjög létt og tekur minna en klukkustund. Það eru að sjálfsögðu allir velkomnir sem vilja og er dagskráin gjaldfrjáls.