Fara í efni

Þund

Ferðagjöf á ekki við um þessa þjónustu

Þund býður upp á ferðir sem beinast að innlendum gróðurstöðum. Í ferðunum er lögð áhersla á flóru og einstaka vistfæði landsins. Ströndin skartar stórfengum gróðri og þangi, en á hrjúfum hraunbreiðum með mosum og fléttum gætu fundist smágerðar en fagrar blómplöntur.

Ólíkar plöntutegundir blómgast í hverjum mánuði. Gróðurferðirnar veita þér innsýn í sumt af því allra besta sem náttúran hér býður upp á, þ.á.m. okkar fjölbreyttu flóru og fánu og sjónfagurt landslag.

Enda þótt sumarið sé aðaltími blómplantnanna, bjóðum við nú einnig ferðir allt árið þannig að þú getir kannað líf plantna að vetrarlagi. Hluti ferðanna felst í léttri til hóflegri göngu. Yfirleitt er áð fyrir samlokur en þú getur haft þitt eigið nesti meðferðis.

Vertu alltaf í hentugum útivistarfötum, gönguskóm og taktu með þér regnkápu. Ferðirnar eru í boði á ensku, íslensku og dönsku. Ein af gróðurferðunum okkar er ágætt innlegg í ævintýrið þitt.

Í boði eru eftirtaldar ferðir:

  • Flóruskoðun: Laugardalur og nágrenni. Létt gönguferð um græn svæði í Reykjavík. Hálfsdagsferð.
  • Árstíðirnar í skóginum: Rútuferð um Heiðmörk, gengið um valin svæði þar. Ferðin er í boði allt árið. Hálfsdagsferð.
  • Flóra og menning: Rútuferð um Borgarfjörð, gengið um valin svæði á láglendi m.a. söfn, fossa og jarðhitasvæði. Stutt dagsferð.
  • Þríhyrnuferð: Þingvellir-Suðurströnd. Rútuferð um allstórt svæði mest á láglendi. Gengið um valin svæði í þjóðgarðinum, við flúðir, á strönd og um friðland og hverasvæði á Suðurlandi. Dagsferð.
  • Grasafræði og jarðfræði: Snæfellsnes. Gengið um valin svæði á Snæfellsnesi, þjóðgarður heimsóttur, gengið meðfram klettóttri strönd og dvalið við náttúruskoðun, áð á veitingastað, val um að fara í sund. Löng dagsferð.

Hvað er í boði