Reykjanes vaknar - Ljósmyndasýning

Reykjanes vaknar er ljósmyndasýning Sigurðar Ólafs Sigurðssonar sem segir frá einstökum umbrotatímum á Reykjanesskaga frá árinu 2020. Með áhrifamiklum ljósmyndum er saga jarðhræringanna rakin og áhrif þeirra á náttúru, byggð og mannlíf. Sýningin veitir einstaka innsýn í eldgos, rýmingar og samfélag á tímum mikilla breytinga – og þá seiglu og samstöðu sem einkennt hefur Grindavík og íbúa svæðisins.