Hreindýragarðurinn

Hreindýragarðurinn á Egilsstöðum er einstakur á Íslandi – eini staðurinn þar sem þú getur nálgast hreindýr og upplifað þau úr næsta návígi. 

Garðurinn varð til árið 2021 þegar tveir hreindýrakálfar fundust móðurlausir og í mjög slæmu ástandi. Eigandinn tók þá að sér og tókst á ótrúlegan hátt að bjarga lífi þeirra. Í dag eru þeir orðnir nánast fullvaxnir og heilsast vel. Síðan þá hafa fleiri haft samband við okkur þegar fundist hafa veik eða yfirgefin hreindýr, og þannig hefur hópurinn stækkað. Í dag býr garðurinn yfir fjórum björguðum hreindýrum – og er hann ört að verða vinsæll áfangastaður ferðamanna. 

Þetta er upplifun sem þú finnur hvergi annars staðar. Hreindýrin okkar eru ótrúlega mannvæn og una sér vel í návist gesta. Þú færð því tækifæri til að klappa þeim og jafnvel gefa þeim að borða – einstök tenging við íslenskan villidýraheim sem þú gleymir ekki. 

Kíktu á okkur á heimasíðunni okkar eða á Instagram og sjáðu meira af ævintýrum okkar.