Fara í efni

Laugafell - Ferðafél. Akureyrar/FÍ

Laugafell er um 20 km suður af botni Eyjafjarðardals og um 15 km norðaustur frá Hofsjökli. Frá Laugafelli liggja slóðir til Eyjafjarðar, Skagafjarðar, Bárðardals og suður Sprengisand. Fólk sem hyggur á ferðir í Laugafell þarf að kynna sér vel ástand vega hjá Vegagerðinni. Skálarnir eru hitaðir upp með laugavatni allt árið. Áhöld og eldunartæki eru í til staðar. Gestir geta fengið aðgang að kolagrilli en þurfa að koma með kol sjálfir. Góð snyrtiaðstaða er á staðnum ásamt heitri laug. Gistirými er í skála gistirými fyrir 20 manns, á svefnlofti yfir snyrtihúsi er gistirými fyrir 12 manns og í Þórunnarbúð er gistirými fyrir 12 manns. Gott tjaldstæði er á svæðinu, snyrtiaðstaða og heit laug.

Skálaverðir eru í skálunum frá lokum júní fram í september.
Utan þess tíma er hægt að hafa samband við skrifstofu FFA til að fá gistingu, ffa@ffa.is eða í síma 462 2720.

Skrifstofa Ferðafélags Akureyrar er opin sem hér segir:
Sumaropnun er frá 1. maí til 30. september mánudaga til föstudag kl. 14:00 – 17:00.
Vetraropnun er frá 1. október til 30. apríl mánudaga til föstudaga kl. 11:00 - 13:00.  

GPS: N65°01,63 W18°19,95
20 km suður af botni Eyjafjarðardals. Upphitað, gaseldavél, áhöld, wc.

Hvað er í boði