Fara í efni

Skíðasvæðið í Bláfjöllum

Í Bláfjöllum eru alls 14 lyftur á 3 mismunandi svæðum, þar af eru 3 stólalyftur. Þá eru þrjár lyftur sérstaklega við hæfi barna og byrjenda. Flutningsgeta þeirra allra er um 12.000 manns á klukkustund. Allir ættu að geta fundið brekkur við sitt hæfi og á kvöldin eru þær helstu upplýstar. Þriggja, fimm og tíu km göngubrautir eru lagðar þegar veður og aðstæður leyfa. Kvöldgöngur eru mögulegar á 5 kílómetra kafla sem er upplýstur. Í þjónustumiðstöð er hægt að borða eigið nesti eða kaupa skyndibita og heita hressingu. Skíðaleiga er á staðnum og er hún opin á sama tíma og þjónustumiðstöðin. Þar er hægt að fá leigð hvort heldur er gönguskíði eða svigskíði. Það kostar 2.200-2.500 kr. á dag að leigja skíði, skó og stafi. Einnig er skíðakennsla í boði um helgar eða samkvæmt beiðni. Lyfturnar eru opnar frá kl. 10:00-18:00 um helgar og á frídögum, en virka daga frá 14:00-21:00 en fyrr ef veður og aðstæður leyfa.

Rútuferðir eru á hverjum degi sem skíðasvæðið er opið, frá Mjódd í Reykjavík. Símsvari fyrir skíðasvæðið; 580-1111, símanúmer í Bláfjallaskála; 561-8400. Skíðadeild Ármanns; 561-7700, Skíðadeild Fram; 561-8700, Skíðadeild Breiðabliks; 561-7750.

Hvað er í boði