Gallerí Snærós og Grafíksetur

Á Stöðvarfirði starfar ein fullkomnasta grafíkvinnustofa landsins, stofnuð og byggð upp af hjónunum Ríkharði Valtingojer og Sólrúnu Friðriksdóttur. Í sama húsnæði er Gallerí Snærós, sem er eitt elsta gallerí á landsbyggðinni.

Ríkharður er fallinn frá en dóttir hans, Rósa Valtingojer, hefur tekið við keflinu og leggur nú áherslu á keramíkhönnun. Með því heldur hún áfram starfseminni og þróar hana áfram á eigin forsendum.