Hengifossárgil

Egilsstaðir

Hengifossárgil er þekkt fyrir einstök berglög og fallegt stuðlaberg. Á gönguleiðinni upp með gilinu eru tveir afar fallegir fossar.

Fyrst verður á vegi Litlanesfoss (einnig kallaður Stuðlabergsfoss), sem er umlukinn stórbrotnu stuðlabergi og er einn myndrænasti foss landsins. Ofar í gilinu er síðan Hengifoss, einn hæsti foss Íslands, um 128,5 metra hár. Fossinn er einnig þekktur fyrir rauðleit leirlög sem sjást greinilega í bergveggjunum í kring.

Gönguleiðin upp með gilinu er nokkuð brött og hækkunin er um 300 metrar. Gera má ráð fyrir um tveggja tíma göngu fram og til baka.

Einnig er hægt að ganga upp fyrir Hengifoss, vaða ána og fara niður hinum megin við gilið. Fara þarf þó sérstaklega varlega við vaðið þar sem vatnavextir geta verið miklir.