Sýningin byrjar kl. 22:30 og aðgangseyrir er 1500 kr á mann, frítt fyrir 12 ára og yngri. Allur ágóði sýningarinnar fer í rekstur og tækjakaup fyrir Björgunarfélag Hornafjarðar.

 

Flugeldasýningin er orðin stærsta fjáröflun Björgunarfélags Hornafjarðar. Ár eftir ár mætir fólk á Jökulsárlón til að vera vitni að þessu magnaða sjónarspili. Flugeldum er skotið upp af prömmum úti á lóninu í myrkri svo bjarminn frá flugeldunum kastast á ísjaka á lóninu og speglast í vatninu.

 

Miðar fara í sölu á forsölustöðum sem verða auglýstir síðar. Við mælum með að fólk kaupi miða í forsölu til að stytta biðtíma við komu á lónið.

 

Aðalstyrktaraðili sýningarinnar í ár er Glacier Lagoon, Jökulárlón ferðaþjónusta.

 

Við hlökkum til að sjá ykkur 14. ágúst!