Úr Jörðu - Harpa Dís Hákonardóttir - Skriðuklaustur
Sýningin er samtal efniviðar af svæðinu, leirs af bökkum Selfljóts og nytjatrjáa úr Fljótsdal. Leirinn flæðir yfir pappírinn sem bindur hann niður og tréð rammar inn. Sýningin er áframhald á fyrri rannsóknum Hörpu Dísar á óbrenndum leir og þá sérstaklega úr íslenskri jörðu.
Harpa Dís Hákonardóttir (f. 1993) er myndlistarmaður og rithöfundurm, fædd og uppalin í Kópavogi. Hún útskrifaðist með bakkalárgráðu frá myndlistarbraut Listaháskóla Íslands 2019 þar sem hún lagði áherslu á skúlptúrgerð og vinnu með efni eins og gifs, við, steypu og leir. Harpa Dís dvaldi í gestaíbúðinni á Skriðuklaustri í september síðastliðinn og kviknaði hugmyndin að sýningunni á meðan á dvölinni stóð.
Sýningin er styrkt af Skógarafurðum í Fljótsdal.
Úr jörðu er opin á opnunartíma Skriðuklausturs og stendur til 3.júlí
Hægt er að kynna sér Hörpu betur á heimasíðu hennar
www.harpadis.com