Íris Björk Gunnarsdóttir, sópransöngkona og Ólína Ákadóttir, píanisti, munu halda tónleika undir heitinu ,,Mig dreymdi”. Á tónleikunum munu þær taka fyrir drauma, óuppfylltar óskir og hina innstu þrá. Þá verða tónleikagestir leiddir í gegnum draumkenndan tónheim þar sem fjölbreyttar tilfinningar kvikna og ævintýri eiga sér stað. Flutt verður tónlist eftir meðal annars Jórunni Viðar, Lili Boulanger, Edvard Grieg og Claude Debussy. Íris Björk og Ólína hafa hlotið mikið lof fyrir útgeislun sína þar sem vinátta þeirra og leikgleði í tónlistinni kemur skýrt í ljós.

Húsið opnar kl. 20:00 og tónleikarnir hefjast 20:30. Aðgangseyrir er 4.000 kr. Öryrkjar og eldri borgarar: 3000 kr. Frítt inn fyrir 16 ára og yngri.