Fara í efni

FAB Travel Akureyri

Félagið FAB Travel ehf. var stofnað árið 2004 undir nafninu Sportrútan ehf. Í byrjun árs 2010 var nafni fyrirtækisins breytt í FAB Travel ehf. en ástæða þótti til að gera
nafnið alþjóðlegra þar sem þjónusta við erlenda ferðamenn hefur aukist mikið.

FAB er stytting á slagorði félagsins "Free as a Bird" og merkir sveigjanleika félagsins.

Félagið er að mestum hluta í eigu einnar fjölskyldu sem vinnur samhent að vexti og velgengni félagsins. Grunnþjónusta félagsins felst í hópbílaakstri en starfsemin hefur verið
að færast út í ráðgjöf og ferðaskipulagningu fyrir stóra sem smáa hópa.

Síðastliðið haust fór FAB Travel af stað með klasasamstarf til að efla ferðaþjónustu á Norðurlandi og sýndu hátt í 40 fyrirtæki áhuga á að taka þátt í samstarfinu. Um er að
ræða gistiþjónustu, veitingastaði og aðila sem bjóða upp á fjölbreytta afþreyingarmöguleika, þannig að úr nægu er að velja þegar kemur að skipulagningu hópferða.

Framtíðaráform eru að félagið vaxi og dafni upp í hagkvæma stærðareiningu á næstu 5 árum. Vöxtur félagsins byggist aðallega á aukinni þjónustu við ferðamennn og að starfsemin
færist nær því að verða ferðaskrifstofa sem veitir persónulega þjónustu sem sniðin er að þörfum hvers og eins.

Starfsfólk FAB Travel kappkostar að veita öllum þjónustu sem til okkar leita.

Hvað er í boði