Fara í efni

Tjaldsvæðið á Akureyri - Þórunnarstræti

Ferðagjöf

Lítið en fjölsótt tjaldsvæði. Staðsett rétt við miðbæ Akureyrar. Stutt í alla þjónustu. Verslun við tjaldsvæðið og 100 m í sundlaug Akureyrar.

Sú staðreynd að tjaldsvæðið er í miðjum bænum, í göngufæri frá nánast allri þjónustu, með sundlaugina á aðra höndina og kjörbúð nánast inn á svæðinu, gerir staðinn mjög eftirsóknarverðan. Á svæðinu eru 12 salerni, sturtur, heitt og kalt vatn, þvottavél og þurrkari. Aðgengi að rafmagni er víða á svæðinu.

Rétt er að benda á að á tjaldsvæðum okkar gilda almennar tjaldsvæðareglur sem eru eftirfarandi:

  1. Tjaldsvæðið er fjölskyldutjaldsvæði og yngri en 18 ára skulu vera í fylgd með forráðamanni. Við sérstakar aðstæður geta aldurstakmörk verði hærri.
  2. Gestum ber að hafa samband við tjaldvörð og greiða dvalargjöld.
  3. Umferð ökutækja á tjaldsvæðinu á að vera lágmarki og er takmarkuð við akstur inn og útaf svæðinu. Hámarkshraði er 15. km/klst.
  4. Ekki má rjúfa næturkyrrð, vera með háreysti eða valda óþarfa hávaða með umferð eða öðru.
  5. Virða ber næturkyrrð á milli kl 24 og 08.
  6. Ölvun er bönnuð á tjaldsvæðinu.
  7. Sorp skal sett í þar til gerð ílát, flokkað eftir þeim reglum sem gilda á tjaldsvæðinu.
  8. Hundar mega aldrei vera lausir á tjaldsvæðinu eða valda öðrum gestum ónæði eða ótta..
  9. Vinnið ekki spjöll á náttúrunni, húsnæði eða búnaði tjaldsvæðisins.
  10. Brot á umgengnisreglum getur varðað brottreksti af tjaldsvæðinu

Bílar eru ekki leyfðir inn á svæðinu nema til losunar og lestunar. Þegar gestir hafa komið sér fyrir eru þeir beðnir um að leggja bílnum á bílastæði við tjaldsvæðið.

Bannað er að kveikja opinn eld á svæðinu. Farið varlega með grill og gastæki. Vinsamlega leggið ekki einnota grill beint á jörðina.

Tjaldvörður frá 1/6-15/9: 863-0726

Opnunartími
Tjaldsvæðið við Þórunnarstræti opnar alla jafna í fyrstu viku júnímánaðar og er opið til 15. september.

Verð 2019

Gistin 1 nótt per mann: 1600 kr.
18 ára og yngri: 0 kr.
Eldri borgarar og öryrkjar 1300 kr.
Rafmagn 1 nótt: 1000 kr.
Þvottavél: 500 kr.
Þurrkari 500 kr.
Gistiskattur 333 kr.

Athugið að gistináttaskatturinn bætist við verðið en hann er 333 kr pr einingu.

Ekki er veittur afsláttur af gistingu á tjaldsvæðinu við Þórunnarstræti og þar þarf að greiða fyrir aðgang að sturtum.


Hvað er í boði